مرحبا
شخباركم مع التسجيل
ان شاء الله حصلتوا المواد اللي تبونها خاصة الحين اذا لاحظتوا وايد ناس قاعدة تنزل لهم تقريبا نفس المواد اللي حطوها في التسجيل المبدئي وهاي شي وايد حلو تشكر عليه الجامعة
بس عندي عتب
مو عتب
شوي ازيد من العتب
لانه شي يقهر
الشي اللي يقهر ان مقرر 401 (المدني السادس) حاطين له سكشن واحد بسسس ولاحظت هالشي من ايام التسجيل المبدئي بس قلت يمكن يسوون سكشن ثاني
واليوم اشوفهم لا سووا سكشن ثاني و لا شي
يعني سكشن واحد متروس طلبة
وشمعنه سكشن واحد معقولة ما شافوا شقد طلبة البي اس زايدين و اكيد يبون يسجلون لهالمادة
زين مو هالشي يتعارض مع سياسة البي اس اللي مثل ما قال لنا الدكتور لازم في مواد البي اس ما يكون السكشن متروس طلبة لان ما يخلي الدكتور يعطيهم الاهتمام الكافي!!!
يبه احنه بي اس نبي نتخرج يا ناااااااااااااس
اتمنى يزيدون عدد السكاشن لهاي المقرر و غيره من مقررات البي اس اذا في لان بصراحة مدري اذا نفس المشكلة صادفت غيري في مقررات ثانية او لا