@شوشي@

اللهم فرج عنه وفرج عن جميع المظلومين يا رب ..

طول ما انه ماشيه بالدرب السليم ما راح يهمني كلام الناس .. حلو ان اجوف شنو وجهة نظر الناس فيني واقولبه في مخي واذا جفت انهم على حق ما في مانع اغير من اسلوبي وتصرفاتي بس اذا ما اقتنعت ما يهمني .. اهم شي ثقتي بنفسي وارضاء ربي لان ارضاء الناس غاية لا تدرك ..

اول شي بجوف شلون يعني تحبه .. اذا كان بس حب من طرف واحد اهني لازم افهمها ان اهو يحبني واختارني انه ولازم تقتنع بهالشي وبهالحقيقه وان نصيبها راح اييها وما بحتك معاها وايد لان المفروض ما تصارحني بهالشي وتخشه بداخلها شنو تتوقع يكون موقفي يعني ؟ وشنو تتوقع بتكون نظرتي لها ؟ اكيد راح اقول بداخلي هاي يايه تخرب بينا وتفرقنا عن بعض اما اذا قالت انها تكلمه وانهم على علاقه حب .. اهني لازم اتأكد من الطرفين منها ومنه لان فيه اتحمال تكون ما تكلمه بس لان هدفها تبيني ابتعد عنها قامت تشوش وتطلع اشاعات .. واذا واجهت الاثنين وتأكدت انهم على علاقه حزتها اتركه واتركها لان الاثنين خانوني

الي اوله غموض مشكله جذي ... لو انه مكانك لازم اصارحه واجوف شنو اسباب غموضه واقول له لازم يكون صريح معاي مثل ما انه صريحه معاه وان العلاقه الي تنبني على غموض نهايتها طريج مسدود ..والصراحه راحه .. اممممم يمكن فيه ناس يحسبون ان لو كانوا صريحين راح يفقدون الشخص الي يحبونه بس هالشي مو صحيح .. الصراحه تقرب القلوب من بعضها اكثر وان الانسان لازم يختار الاسلوب الصح للمصارحه وما يختار اسلوب جارح ينفر الاشخاص من حوله ..

ردي مثل رد برشلوني حتى النخاع ..

انه برايي كل امراءه وتفكيرها .. بالنسبه لي اعتبر هالشي خيانه .. ومثل ما جفت ردود العضوات مبين ان اغلبيتهم مثل رايي ويعتبر خيانه للزوجه

انه ما استخدم كلمه ها في حياتي عشان اتصيمخ .. استخدمها ساعات لين ابي اتسيخف بالسؤال مثل ما قالت اموره ههههههه .. او لين قالوا شي صدمني او ادهشني وتفاجأت منه اقولها بعد هع ..

الاختلاط له سلبيات وله ايجابيات .. من الايجابيات انك راح تعرف الجنس الاخر وراح تآخذ خبره شلون تتعامل معاه وشلون تصرفاتهم وهالشي يأهلك للعمل او حتى الزواج بتعرف شلون تتعامل .. واذا صارت اخطاء ومشكلات في التعامل راح تستفيد منها للمستقبل وما بتكررها والسلبيات مثل ما الكل عارف .. صبيان وايد للاسف تفكيرهم سطحي ما يعتبرون بنات سكشنهم مثل خواتهم اي بنت تعطيهم فيس اشوي خلاص لصقوا فيها وسببوا المشاكل .. وبنات يتعمدون بعد يلفتون نظر الشباب وبهالحاله اهي الي جنت على نفسها فالاحسن لتجنب مشاكل الاختلاط .. ان كل واحد يعرف ان رايح جامعه والتصرفات بالجامعه تكون غير عن ايام المدرسه .. البنت لازم تكون محترمه بالجامعه وما ترفع صوتها او تضحك بشكل عالي خصوصا لين تعاملت مع الصبي لان هاي يخليه يتمادى حتى لو كانت البنت نيتها صافيه ومو قصدعا تجذب الصبيان لها .. وتحاول ما تلبس اشياء تلفت النظر بشكل كبير ومكياج مبالغ فيه .. والمشي بعد تمشي باعتدال مو تقعد تراكض مثل ايام المدارس ههههههههههه وايد ترى جفت جذي انه اما بالنسبه للسلام .. هاي شي طبيعي يعني بيسلم عليها بره او داخل الجامعه والسلام لله مو غلط بس اهم شي تحاول ما تطق سوالف خارج الدروس عشان لا يحسب انها مطيحه الميانه معاه ويطلع عليها كلام

سمعي اذا كان حبيبج هذا انسان جاد ويحبج جد وناوي يخطبج .. لازم تتخلصين من كل صبي عندج بالمسنجر .. وبقول لج شغله .. في مجتمعنا ما في شي اسمه صداقه بين بنت وولد .. الصداقه والحب تكون للزوج بس .. وتقدرين تلاحظين هالشي بنفسج انتي تقولين عندج صديق قولي له انج تحبين بتجوفين ان بيسوي المستحيل عشان تتركين حبيبج وترجعين له لان عارف ان بالنهايه هالعلاقه مصيرها البلوك والدليت اذا تزوجتي وبهالشي راح يخسر وحده يسولف ويتسلى معاها ويرضي رغباته .. بأختصار اي علاقه بين بنت وولد ما توقف على الصداقه بس لازم مع الايام تتحول الى اعجاب وعقب حب واذا ما تحولت من الطرفين راح يكون حب من طرف واحد وبتكون هناك ضحايا من هالحب الوهمي .. الصداقه معناتها ان اهلج يعرفون صديقج وصديقج يقدر يتصل فيج اي وقت ويقدر يزورج ويعرف كلشي عنج هل هالشي موجود بالصداقات الي عندج؟ اكيد لا .. الاحسن تتركين الي عندج بالمسنجر وتكونين علاقه حب جاده مع الي يبيج بدون خيانه وشك وغيره

كل بنت لازم فيها شي حلو ما في احد كامل ولا في احد ابد ما فيه ولا شي من الحلاوة .. وحتى لو فرضنا كلش ما فيها حلاوة اكيد عندها حلاوة الروح لازم فيه صفه من الصفات تغطي على كلشي .. وعشان جذي لازم الوحده تكون واثقه من نفسها لازم تزرع في نفسها الثقه ولا تحسس روحها بالنقص وتقتنع بشكلها وبقسمتها ونصيبها .. هالشيئين الثقه والقناعه راح يخلونها تجوف نفسها بشكل مقبول ومو مهم الوحده تكون ملكه جمال كثر ما مهم ان تكون عندها ثقه واخلاق عظيمه

انه من اول ما بجوفه يتحرش بكلمات او شي على طول بترك له البضاعه وبعطيه نظره احتقار وجم كلمه وبطلع من محله .. واذا صار تمادي اكيد راح اخبر اهلي واخليهم يتصرفون معاه ونبلغ عليه الشرطه ونسكر محله .. مو لعبه السالفه

ماذا لو قال لكِ زوجكِ :"لقد خُنتكِ بالإمس " ماذا تفعلين , هل ستستمرين بهذا الزواج .. أم توقفين مراسم الزفاف وتنهين شراكة لم تبتدئ ؟ اكيد راح انصدم حدي وبسأل ليش سوى جذي وشنو الاسباب وشلون ما عرفته عدل وسيده تزوجته .. وبالغالب راح اتركه لانه غلط ولازم يصحح غلطته ويزوج البنت

ههههههههههه معقوله عاد ارفضه عشان اسمه ! اذا كان عنده خلق ودين ما راح ارفضه عشان سبب تافهه مثل هذا وحله سهل ادلع اسمه وبيكون من احسن الاسماء وخلصنا ..

انه ما يعجبني هالاسلوب كلش .. احس ان الي يقول هالكلمات ما عنده ذوق واحترام لغيره .. واذا صادني هالموقف التجاهل افضل طريقه او على الاقل اظهر لها بتعبير وجهي اني مب عاجبني الكلام .. واذا استدعى الامر اطقها طقه خفيفه بيدي ههههههههههههه

تركيه ولا تقولين ما تقدرين ما في شي مستحيل .. لان واضح ان العلاقه طريجها مسدود وحب من طرف واحد راح تتعذبين اكثر واكثر ان واصلتي معاه بس لين تركتيه في البدايه بس بيكون الوضع صعب عليج ولازم تتجاوزينه بأي طريقه سوي لج برنامج واشغال وقت الي تتذكرينه لما تحسين انج تجاوزتي هالمشكله .. يمكن ما راح تقدرين تنسينه بالمره بس على الاقل راح تعتدل حياتج ويروح هالعذاب النفسي الي انتي فيه بالنهايه وان شاء الله تلقين الي يسعدج ويحبج وتحبينه احسن من الوهم والخيال ..