كوول بحرانية

قوبش قوبش اني سوسة لالالالا حرام هي اكيد شلخ ههههههههههههه ع العموم ثاانكس

اوكييييه يسلموووو

ههههههههههههااااي يسلمممموووو والله عن صدق فشيييله

مشكورة خيوتو ع القصة الاكثر من روعه ويلا نزلي البارت في اسرع وقت

لكمووو خيوتو ان شاء الله تستمتعون بس يعني كان ودي اني اله انقل اليكم القصة بس شنو اسوي الظروف ما تسمح لانه هاي النت ما ادري شنو فيه

ههههههههههههه حتى اني نسيت القصة

هاي اتاخرت عليكم صح بس ما عليه بس حبيت اقول اليكم الحين اني ما اقدر انقل اليكم القصة لاني مشغووولة بس بعطيكم الرابط تقدرون هناك اتشوفونها وقت اله تبون وهناك بعد ارتب واب الوان وجدي يعني والصور امجهزة اهني ما اقدر احط الصور و واجد اشياء يعني والحين الرابط بعطيكم ويا http://www.bh30.com/vb3/showthread.php?t=26336&page=23

مشكورة بس لا تطولين

شكرا حبو ع المرور وان شاء الله بكرة بتشوفينها القصة

ينا له ابسرعه

هلا سوري على التاخير لان النت اله عندنا ما ادري شنو في مرة ينقطع ومرة يشتغل والحين اخليكم مع البارت ,, السلام عليكم ,,,,,,,,,,, ,, الفصل الاول من الجزء السابع وأشرقت شمس الأمل على بيت ام سلمان ندى وهي تقعد فوق الكرسي وتاخذ زيتونة : صباح الخير يمة ام سلمان وهي تبرز لهم اكواب الجاي : صباح النور والسرور .. الا وين اختج ؟ ندى : شدراني عنها .. من صباح الله خير قاعدة تتذابح مع الخدامة ام سلمان : وينا !! ندى : هو في غيرها ام سلمان : الله يغربل بليسها من بنت .. ليش شنو مسوية وينا عشان تعكر مزاجها من الصبح .. كفاية عليها شغل البيت ندى : شدراني عنها .. الا وين سلمان لا اتاخر على الجامعة احين الساعة 7 ام سلمان : ينتظركم هو .. من زمان راح الشغل .. ابو فراس ما قصر ناداه عشان يشتغل معاهم بالشركة .. القريب اولى من الغريب ندى : شلوون جدي !! .. شذى بتتاخر وبتروح بسيارتها .. ويعني انا اظل جدي ام سلمان : احين بروح اناديها عشان ما تتاخر وتوها بتقوم ام سلمان بنزلة شذى عافسة الوجه شذى : صوووباح الخير ام سلمان وندى : صباح النور وتوها بتقعد شذى ندى صرخت : لاااااااااا شذى وقفت خافت ان فيه شي فوق الكرسي : هااا شنو فيييه يمممممممممممه ام سلمان نزلت راسها منزعجة منها ندى : قومي قومي .. وراي محاظرة بعد نص ساعة مو تأخريني شذى منقهرة : احين تصارخين عشان ما اقعد ونروح الجامعة يعني ؟؟ ندى بسذاجة وهي توقف وتحمل شنطتها وكتبها : طبعا .. يالله مشينا شذى تقعد فوق الكرسي وتاخذ لها توست : شوفي من يوصلج لكن .. مو كافي علي وينا الي ما تعرف حتى تكوي شيلة عدل جيتي لي ندى وشوية وتصيح : يمه شووووفيها .. بتأخر على المحاظرة .. وهالدكتور نزر .. ما يرضى يدخلنا اذا تاخرنا لو دقيقة .. يمممممممممممممه ام سلمان وهي واقفة : وصصصصمة مللتوني من صباحة الله خير .. روحي مع السايق ندى وهي تتحرك بشغابة مثل الجاهلة : يممممه تعرفيني مع احب اروح مع السايق بروحي .. يممممممه قولي لشذى تقوم ام سلمان وهي واصلة حدها : اوووووف مللتوني .. قولي لوينا تروح معاج .. مافي الا انا ووينا ضحايتكم ثنتينكم وفعلا .. ندى راحت مع السواق برفقة وينا الي ظلت تتحلطم بالسيارة .. وشذى قعدت تاكل على راحتها .. وما رضت توصل اختها .. لانها منقهرة 180 درجة .. الا 360 .. وام سلمان قامت عنها .. وراحت ترتاح شوية رجاء لبست لها جينز .. مع بلوزة كت بيج .. وخلت نفسها عادي .. من غير أي ميك اب .. ماعدى المرطب الي يعطيها اشراقة حلوة .. وراحت مع وسام للجامعة .. عشان تشوف اذا تقدر ترجع او لا وفي الجامعة وسام : لكن اخوي .. يعني هي البنت تحسنت ظروفها .. وتقدر تداوم احين السكرتير : انا آسف .. بس الاعداد كاملة .. ومافي مجال أي سكشن لها .. لان هالتخصص عليه بالملايين .. واحنا نختار على حسب المعدلات .. ولما انسحبت اخت ( ويطالع الاوراق عشان يشوف اسمها ) رجاء .. ضفنا بنت جديدة لهذا التخصص وسام : لكن ؟! السكرتير : آسف اخوي ما اقدر اساعدك وسام ابتسم له : مشكوور اخوي ما قصرت ( وياخذ الاوراق ويروح الى رجاء .. الي قاعدة على الكراسي تتنتظر الرد ) ... .. . ...... تكلم السكرتير : لو سمحت اخوي السكرتير : نعم ....... : في بنت تبي تنسحب لظروف عندها .. ( وتمد يدها بأوراق ) .. وهذي اوراقها اخوي السكرتير بعد ما عافس شوية بالكمبيوتر : اوكي حصل خير .. احين منال تكون منسحبة هالكورس وفاء : لا اخوي .. خلها هالسنة كلها السكرتير : ان شاء الله اختي ( ومرت خمس دقايق ) .. وانهت كل الاجراءات السكرتير وهو ينادي وسام الي توه بيطلع : اخووووي لف وسام وراه : تكلمني ؟! ونروح هناك .. بعيد عن الحياة .. نروح للي عايشين بين الوهم والحقيقة .. نروح للي احلامهم بعيدة .. نروح لـــفارس القصة .. الي اتخذ قرار .. صعب .. ولكن مع الضغوط اصبح سهلا فراس وهو يطق باب مكتب ابوه ابو فراس وتوقع انه الفراش جايب الجاي : تفضل حجي فراس دخل وهو منزل راسه ابو فراس وهو منشغل بين الاوراق : شخبارك اليوم فراس متناسي السؤال الي مو موجه له : قوة يبة ابو فراس رفع راسه منصدم : فــــــراس !! فراس : أي فراس .. ممكن اقعد ابو فراس ترك الاغراض الي بيده : تفضل .. شفيك لازم احين بالجامعة فراس : لا بس انسحبت من الجامعة ابو فراس : شنووووووووووووو !! فراس وهو يقعد ويرسم على محياه بسمة غريبة : أي يبه انسحبت .. الشغل وعندي .. وما يحتاج ادرس والهي نفسي .. وكاهوا حياتي معروفة .. شغلي معاك وزوجتي ( وبصوت سخرية ) رجـــاء .. ليش ادرس بعد ! ابو فراس : بس لازم تدرس الشهادة بتفيدك .. احنا عندنا مجرد شركة .. ما تدري شنو يصير بالمستقبل فراس : بس الي صار صار .. وانسحبت وجاي اشوف مكتبي ابو فراس تنهد : براحتك يا وليدي .. ( وقام من مكانه ) حياك طق جرس الحصة الثالثة .. في المدرسة الثانوية وجدان الى صديقتها : احين علينا شنو ؟ ميساء : احين علينا English وجدان تتأفأف بملل : اوووووووف احين بتجي وبتمللنا .. مالي زاغر لها ميساء : هههه تونا بداية الاسبوع وجدان : الله يساعدنا وكلها خمس دقايق وتدخل عليهم معلمة غريبة .. وتقولهم ان عليكم احتياط ( يعني المعلمة غايبة وحصة فراغ ) .. ويقوم الصراخ في الصف المعلمة وهي تسكتهم : بس خلااااص بدون صراخ .. ترى اذا سويتوا ازعاج ما بسوي الي في بالي البنات سكتوا وطالعوها المعلمة : زين يالله .. بوديكم المكتبة شوية تغيرون جو البنات استانسوا .. وتوجهوا للمكتبة .. وجدان وميساء استاذنوا من معلمة المكتبة وقعدوا على الكمبيوتر .. وحدة دخلت مواقع والثانية تدور صور ومنتديات وووو وجدان .. مباشرة دخلت المنتدى .. وسجلت دخولها بنك ( صمت الكلام ) وقامت تطالع شنو فيه من جديد وترد على المواضيع .. وبعدها شافت اسم غـريـب الـدار .. لطالما هالاسم يجذبها ويثير فضولها .. خواطره .. اشعاره .. تصاميمه .. ردوده .. كل شي ينطق منه يثير استغرابها .. انتقلت الى ملفه الشخصي .. وشافت آخر مواضيعه .. ولما ضغطت على العنوان الي جذبها .. وقرأت الكلمات .. كانت الدمعة محبوسة بعينها .. ولكنها تمالكت نفسها لان ما تبي سين وجيم من صديقتها .. ولكن مغصوبة فالشعر البسيط .. حسسها بطيبة هالانسان .. وبحنان هالغريب الي يختلج في صدره .. حست بقساوة نفسها مقارنة بــ غـريـب الـدار .. وتضايقت على تسرعها .. وعلى الرسالة الي نست المكتوب فيها .. وفي الكفتيريا رجاء : والله من حظي شوق : شلون يعني ؟ رجاء : اقولج اول شي ما رضى .. يقول ان ما في مجال .. ولما خبرني وساااام تضايقت .. عدل عدل ندى : انزين ! رجاء : انزين وبعدين لما بنطلع .. الا يناديني السكورتي .. ويقول ان يصير لان توها احين بنية منسحبة .. وكان تصير صديقة هذي الي لابسة شيلة سودة فيها لمعة شوق وهي تطالع : وينهي ؟؟ رجاء : هذي الي تتكلم بالتلفون وعندنا شنطة بيضة شوق : أي شفتها رجاء : من حظي والله .. شكل صديقتها مسكينة عندها ظروف وانسحبت شذى : مسكينة .. الله يساعدها رجاء : سلمت عليها وشكرتها .. وطلعت حبوبة وطيبة .. اسمها وفاء ندى وهي تشرب العصير الي قدامها : اممم .. اسمها حلوو شذى : اوووف بدت الفيلسوفة ندى : حشى .. محد يقدر يعبر عن شعوره شذى وهي تاكل السلطة الي قدامها : اكلي اكلي وغصة ندى : بل عليج مو اخت شذى وهي تتكلم وفي بوزها الاكل : اختج وغصب عنــ.. ( وغصت ) كح كح كــــح ... المـ ـ ـ ـاي ندى وهي تمد يدها بغرشة الماي : ههههههه صدق لي قالوا الدعوة ترجع على صابحها الكل ما عدا شذى : هههههههه شذى : ضحكتون من سركم بلى .. بدال ما تقولون لي عافية .. صدق ان ما منكم فايدة شوق : الا رجاء متى الخطوبة ؟ رجاء : ما ادري علمي علمج ندى : الااااي الفال لي الكل : ههههههههههههههه شذى : ولا تستحي تقول تحت اختها بعد .. بشتكي عند امي ندى : هههههه عادي اشتكي شوق : رجاء اعتقد هالاسبوع بنجي بيتكم عشان يصير كل شي رسمي رجاء : حياكم الله شوق : لان اليوم على الفطور شفت امي وابوي يتكلمون عن موضوع الخطبة وقالوا يمكن هالاسبوع رجاء بس ابتسمت ندى : يوووو رجاء احين بياخذج فراس .. وبس ما بنشوفج رجاء : هههه شوق : اول شي خطبة .. يعني تسوون بروفا تتعودون على غيابها .. وبعدين في الزواج قطاعة مرة وحدة ندى : ما يصير خيانة شلون جدي .. احنا اتفقنا ننخطب في يوم واحد رجاء : هههههههههه اوكي بعطيج اخوي شذى : هههههههههه حلوة ندى سكتت لان الكلام كان مؤثر فيها .. ورجاء قالته عن مزحة .. بس دخل قلبها في الصميم بعد عناء .. الدوامات .. بالنسبة للطلبة .. والعمال .. الكل اتجه الى بيته لما توسطت الشمس الحارة .. لتنشر اشعتها الصفراوية في بيت ابو فراس .. رجع فراس مع ابوه في مثل الوقت .. وانتظروا شوق لما ترجع .. وبعد ما رجعت مباشرة توجهت للغذاء ابو فراس : وشلون الجامعة معاج بابا ؟ شوق بمرح : طيبة يبه .. اليوم استانسنا لان رجاء قدرت ترجع تداوم معانا ابو فراس بفرح : والله .. قبلوا يرجعونها ؟ شوق : أي ام فراس : الحمد الله .. اخبار حلوة ابو فراس : أي والله اخبار حلوة .. الله يوفقها .. والله انها بنت حبوبة وطيبة .. وتستاهل الف خير شوق : أي صح يبه متى بنروح نتقدم رسمي ؟ فراس هني ما بان عليه أي اهتمام للموضوع .. وظل يرشف بالشوربة الي قدامه ابو فراس : زين ذكرتيني يا بنيتي .. ( ويلف نظره الى ام فراس ) .. ام فراس انتي اتصلي الى ام وسام .. واخذي منها موعد للمقابلة .. عشان يتم كل شي رسمي .. ونجتمع جمعة فرح .. ويتم كل شي ام فراس : ان شاء الله .. بس أي يوم اقولها ؟؟ ابو فراس : شوفي اتصلي واليوم الي يناسبها .. ويناسب عروستنا نروح ام فراس : ان شاء الله ابو فراس ينقل نظره الى ولده : هااا مستعد ؟؟ فراس : أي يبه مستعد ابو فراس : بارك الله فيك .. ووفقك ربي واول ما كملوا الغذى .. الكل انتقل لحجرته يرتاح .. بعد عناء الدوامات اما فراس .. ما غمض له جفن .. قرررب الموعد .. وخلاص مافي مجال للمفر .. لما بنكتب اسمي واسمها في ورقة تجمعنا بالحلال .. شقوووول لها !! .. شقول لها وانا ما احس بشي اتجاها .. كنت اشوفها بنت حلوة .. احين صرت اكرها .. خلت النوم يجافيني .. وتعبتني وذبحتني .. آه .. ( ويحط الموسدة فوق راسه ) .. يا ربي مو قادر حتى انام .. مع اني تعباااااااااااااااااااان .. تعبان حيل حمل التلفون ودق على رقم معين بدر : مرحبااااا فراس : مراحب بدر وهو يشرب الماي الي قدامه : شفيييك يا اخي صوتك ماله حل فراس : شتسوي احين ؟؟ بدر وهو ياكل بلح : اتغذى فراس : معاك احد ؟ بدر : ههههه .. ومنو بكون معاي يعني .. كالعادة بروحي فراس : اقدر اجيك بدر : كلللوش .. لو اقدر اجبب جببت .. حيااااك .. بنور البيت فراس : بس وين يكون بيتكم ؟ بدر بسخرية : بآخر الدنيا فراس : بآخر الدنيا بس مرتاح بدر : وييين مرتاح ياخي .. احد يحب الوحدة ؟؟ في الكوخ .. كوخ روميوو وجولييت محمود وهو يغسل يده : تسلم يدج يا احلى اسراء بالدنيا .. الغذى عسل اسراء : الله يسلمك .. ( وهي تعطيه المنشفة ) .. بالعافية محمود بعد ما نشف يده .. وطوق يده حول اسراء : الله يعافيج .. وشلون الحلوة بعد اسراء وخدودها توردت : طيبة محمود : دووم يالطيبة اسراء بنعومة : ههه تدوم ايامك محمود وهو يقعد على الكرسي قبال الـ TV : عندج شي اليوم ؟ اسراء : اممم لحظة شوية بجيب الفواكه وبقولك محمود : اووكي محمود وبصوت شوية عالي عشان تسمعه : اليوم الجوز شنوووو ؟؟ اسراء : توووووووقع ؟؟ محمود : اممم مانجوووووووو ؟؟ اسراء وهي تاخذ العصير من الثلاجة : لااااا غيره محمود : امممم اسراء وهي تحمل الصينية وتجيبها فوق الطاولة : برتقال محمود : الااااي اسراء وهي تعطيه عصير البرتقال : تفضل محمود : زاد فضلج وتقعد اسراء جنب زوجها محمود : الا ما قلتي لي .. عندج اليوم شي ؟ اسراء : اممم لا ما عندي محمود : زين .. انا عازمج اسراء : الااااي على شنو ؟؟ محمود : مفاجاة .. برزي روحج بعد صلاة المغرب اسراء : عاد وين قوولي ؟؟ محمود : لا تحنين .. بس برزي روحج اسراء : انزين ابي اعرف بنطلع نتمشى .. عشان البس جينس .. او مكان ثاني .. يعني ابي اعرف وين عشان البس شي يناسب محمود : لا تطلعين من عندج هرار اسراء : اهئ اهئ عااااااد حبيبي قولي وين محمود : فضووولية طلعت زوجتي .. لبسي أي شي .. كل شي عليج حلوو اسراء : يا ربي .. انا بعد طلع زوجي عنيد محمود : هههه بدر اول ما كمل الغذاء .. شبك على النت .. على ما يجي صديقه ( فراس ) فتح الماسنجر .. وقام يشوف الاون لاين عنده .. وشاف نك نيم ((ღ ღ مــ ـلـ ـ ــلღ ღ )) .. ابتسم .. وتذكر المنتدى .. وبسرعة دخل .. وشاف ان آخر الردود منها .. (( صمت الكلام )) كلمات رائعة .. نسجت في قلب صاحبها قبل ان تنسج هنا .. في منتدانا سلم قلمك اخي غريب الدار وبانتظار جديد روعة كلماتك صمتي .. صمت الكلام بدر كان في حالة انصدام .. معقوووووووولة .. معقوووولة ما عرفت ان الخاطرة اعتذار لها .. ليش ما ردت بكلمة ( مسموح ) .. لييييييييش !! .. معقوولة قلبها شايل علي .. بس انا اعتذرت .. ردها هذا يدل انها ما قبلت اعتذاري ... !! وليش ما تقبله .. انا ما أذيتها .. غررريب امرها هالبنت انتقل مباشرة للرسائل الخاصة .. ودز لها رسالة مرحبا .. شخبارج آنسة ملل .. الشعر لما كتبته كان اهداء لج .. وحبيت اعتذر للمرة الثانية .. وانتظر ردج بفارغ الصبر .. مع السلامة .. نروح الى رجاء .. اول ما رجعت من الجامعة .. ما تغذت من التعب .. ومباشرة رقدت .. قعدت الساعة 4 العصر .. اخذت لها شور بارد .. وبعدها لبست لها بدلة بيتوتية .. عبارة عن برمودة قطنية .. مع تيشيرت وردي .. رفعت شعرها فووق .. وصارت مثل الطفلة .. ونزلت قذلتها .. وحطت لها بس جلوز .. فتحت توأمها .. الكمبيوتر .. وحطت لها موسيقى ناعمة .. وقعدت فوق مكتبها وفتحت كتبها .. بغرض التعرف على الدرس لا غير .. مسكت قلم الرصاص .. بتحدد النقاط المهمة .. ولكن بالها مو مع الدرس .. بالها رايح بعيييييد .. رصت على القلم بشفايفها .. وهي تفكر .. يا ترى شنو حالي لما يكون توقيعي قرب توقيع فراس .. وتجمعنا ورقة شرعية .. ويقولون رجاء زوجة فراس .. !! انا بنت وقلبي بميل بسرعة له .. ولو كنت مو حابته من البداية .. بس هو شلون !! .. اذا كان مغصوب مثلي .. هل ممكن بميل قلبه لي بسهولة .. ما ابي بسهولة .. بس .. الى متى بطول هالشي !! .. غريبة صرت ما اعرف حالي .. وانا الي كنت اتمنى آخذ فارس احلامي المغوار .. الي ما اعرفه وين يكون ؟! .. غريب حالج يا رجاء .. انقلبتي في يوم وليلة .. ( وتضحك بسخرية ) هههه كنت اشوف نفسي بطلة احد هالقصص الرومانسية .. والصدف تجمعني بحبيبي المجهول !! .. يا ترى شنو بكون حالي .. انا احين بالي مشغول في حياتي الي مالها عنوان .. وانت يا فراس !! .. بالك مشغول في شنو يا ترى !! ويقطع عليها حبل افكارها طق الباب رجاء : تفضل وسام بمرح : مرحبا رجاء : اهلا مراحب وسام وهو يقعد على السرير : وينج اليوم ما تغذيتي معانا .. خليتيني انا وامي بس رجاء وهي تلف الكرسي حيث تكون مواجهة لاخوها : كنت تعبااااااانة من قلب .. شدراك مع هالجو .. ومن مبنى لمبنى وسام : هههه يالله توج اول سنة .. باقي لج بعد رجاء : انت الناجح فينا .. درس في لبنان .. مو انا وسام : ههههههه .. يالله كلها ثلاث سنوات ونص .. بالكثير اربع سنوات .. وتكملين .. وتجين معانا الشركة تديرين حلالج رجاء : ههه .. وليش انت ما تديرهم يعني !! .. مو انت رجال البيت وسام : يالظالمة .. ادور لج او الى امي او الي !! رجاء : امزح معاك .. ان شاء الله هالسنوات تمر على خير وسام : ان شاء الله .. الا رجاء رجاء : هلا وسام : دريتي متى بجون بيت عمي يتقدمون رسمي ؟ رجاء : متى ؟! وسام : ههههه انا ادري والعروسة ما تدري ؟ رجاء : انزين متى ؟ وسام يبي يرفع ضغطها : كم تدفعين ؟ رجاء : يالله عاد قول وسام يضحك : هههههههااي .. اول قولي كم تدفعين ؟؟ رجاء : اوووف مللتني .. ما ابي اعرف وسام باستهبال : أوف .. او اجازة !! رجاء : ثقيل دم وسام : طالع عليج ههههه رجاء طالعت بس بنظرة خلته يضحك وسام : ههههههههههههههههههههههه بموت من هالنظرات هههههه رجاء : سخييييف ( وتوها بترفع كارتون الكلينس ) وسام بسرعة راح عند الباب وهو يضحك : هههههههه سالي امي بتخبرج رجاء : صك الباب وراااك .. وماني سالتنها زييييييييين وسام رجع عناد لها .. وفتح الباب كله : ههههههههه رجاء : شوووف التافه .. لكن هين بشووووف ( وتطلع بسرعة عشات تلحقه ) فراس اول ما وصل بيت بدر .. نزل وقعد معاه شوية بالصالة بدر : ياخي والله جبت لي الكآبة .. يا انك ما رضيت من البداية .. او بس خلاص الي صار .. صار فراس بألم : محروم علي اني اشكي بعد !! بدر : يؤؤؤ لا تصير حساس عااد .. اشكي ياخي .. قول كل الي بقلبك .. بس لا تغلط على هالمسكينة بنت عمك .. تراها مالها ذنب فراس : تصدق .. تمنيتها ترفض .. عشان يكون الرفض منها مو مني .. انا كارهنها يا بدر .. شلون بتكون زوجتي .. شلووووووووون !! بدر : والله هي بتكون وخلاص .. وانتهت القصة فراس : يا ليتها قصة .. يا ليتهااااااااااا بدر : بلا جنون .. وقوم معاي شوية نغير جو فراس : !! بدر : اقوووولك قوم احسن لك .. تراك جننتني .. صاير لك مثل الام تجي تشكي لها همك فراس : يا ليت امي تعرف .. كنت ما بمللك .. وبروح لها تواسيني بدر : ههه من حظك لك ام .. ولا يهمك بكون لك ام وابو .. واخت واخو .. ( وعشان يغايضه .. وبطريقة ترفع الضغط ) : وزووووووووووووووجة بعد .. ( وبانت علامات الضحكة على ملامحه ) .. شتبي بعد !! فراس : انا الغلطان جاينك بدر وهو يقوم من مكانه ويسحب يد فراس : هههههههه اتغشمر معاك ياخي .. صاير لنا حساس .. وما تتحمل شي .. اقول قوم قوم بس قوم .. بنروح شوية نغير جو فراس : يالله .. نروح امرنا لله هذه الحياة .. دوامة من الاحزان .. كم من فقدوا حياتهم و مستقبلهم بسبب ما ينذكر .. احدهم جن جنونه عندما شعر بـ الفرح و آخر بـ الحزن .. سئم الكثير من الحياة فتطرق الى طريق الشؤم .. الا و هو الانتحــــار .. ابو منال .. هذا هو مكانه .. من كمل شغله الساعة 2 .. رجع وقعد عند بنته .. كان شكله مأساوي .. حيث ان الغترة طايحة على راسه من غير عقال .. كان يقرأ قرآن .. ويدعي ربه يقوم بنته الوحيدة بصحة وسلامة .. ويوعد نفسه قدام ربه .. انه بحافظ عليها .. لان انشغل عنها بالشغل والحلال .. بكى بدل الدموع دما .. وظن .. ان انشغاله هو سبب انتحار بنته .. تألم .. لانه يملك بنت .. ضنى .. قطعة من الجوف .. وما حافظ عليها ولا صانها .. وغيره يتمنى الضنى مو لاقي !! الدكتور : السلام عليكم ابو منال : صدق الله العليي العظيم .. وعليكم السلام والرحمة الدكتور : شخبارك يا ابو منال ؟ ابو منال : الحمد الله .. بخير وسهالة الدكتور : لك مدى قاعد هني ؟ ابو منال : ولي غيرها بهذي الدنيا ؟ .. اروح البيت شسوي .. اقعد هني اقرا قرآن .. وادعي ربي .. عسى الله يقومها بالسلامة الدكتور : ان شاء الله .. بس لو سمحت ممكن دقايق بس .. نبي نفحص عليها ابو منال وهو يوقف : ان شاء الله أجرت الفحوصات الى منال .. بعد عناء من الاطبة .. واول ما طلع الدكتور ابو منال : بشر دكتور ؟ الدكتور : حاليا حالها مستقر .. يعني كل خوفنا متى تستعيد وعيها بس ابو منال : ما اقدر اسفرها برة ؟؟ الدكتور : ما انصحك .. اجهزتنا حديثة .. وحالها وااحد .. وعلاجها تحت رحمة رب العالمين بس .. ومافي فرق بين مستشفياتنا .. نصيحة مني كدكتور تخليها ابو منال : ان شاء الله .. احين انا برجع البيت ببدل ملابسي وبرجع .. ما اوصيكم عليها الدكتور يبتسم لهذا الابو الي قلبه طيب .. وكبيييير .. ومؤمن برب العالمين : لا توصي حريص .. توكل على الله وتوه بيمشي ابو منال .. استوقفه صوت انثوي : قوة عمي ابو منال : هلا ببنيتي وفاء .. الله يقويج وفاء : شخبارك ؟ ابو منال : نحمده ونشكره وفاء : الحمد الله .. وشخبار منال ؟ ابو منال : على حطة يدج .. ربج كريم يا بنيتي وفاء : والنعم بالله ابو منال : زين جيتي والله .. انا رايح ابدل وارتاح لي شوية .. وراجع وفاء : خذ راحتك عمي ابو منال : مع السلامة وفاء : الله يسلمك عمي رجاء وهي تطوق يديها حول كتف امها الي قاعدة في المطبخ : مرحبا مامي ام وسام وهي تضحك : هههه مراحب .. هلا ببنيتي الغالية رجاء وهي توقف جنب امها : شتسوي الحلوة ؟ ام وسام : اسوي عصير برتقال .. الثلاجة ما فيها عصاير كلش رجاء : اهااا ام وسام لاحظت تررد رجاء في الكلام : تبين شي بنيتي ؟ رجاء : هااا .. لا لا يمة .. ما ابي شي .. ( وابتسمت ابتسامتها الحلوة ) ام وسام وهي تقرص برفق خدود بنتها : لكن قلبي يقولي بنتي تبي تقول شي رجاء : ههههه اممم بس حبيت اسال عن اليوم ام وسام : أي يوم ؟؟ رجاء تلونت خدودها : امممم يمة انتي تعرفين ام وسام : وييي شفيج اليوم انتي .. مو طبيعية رجاء وتبي تنسحب : بس ما ابي شي ام وسام تجود يد رجاء : تعالي قعدي وقولي عن أي يوم ؟ رجاء : ماماااااا حرام عليج صارت يدي كل شيرة .. تعرفيني ما احب ام وسام : لا تغيرين الموضوع .. وعن أي يوم رجاء وهي تتكلم بسرعة : عن اليوم الي بجون فيه بيت عمي .. بس ام وسام ضحكت على طريقتها : هههههههه .. جدي يعني .. بجون ان شاء الله يوم الثلاثاء رجاء : اوكي اقدر استاذن احين .. بغسل يدي ام وسام تضحك على بنتها الي كبرت وبتصير عروس قريب : ههههه روحي يالرقيقة وفي السيارة بدر : اقولك ما بنروح البحر فراس : بس عجل ما بتوقف عند البحر .. ما بنزل بدر وهو يشوف الساعة : نص ساعة ويأذن .. ليش يعني تبي تروح عند البحر فراس : بس ابي اروح بدر : تدري عاد .. بروح مو عشان سواد عيونك .. بس لاني احب منظر الغروب بروح فراس : مو مهم السبب خلنا نروح وغير بدر اتجاه السيارة .. ووقفوا عند بحر صافي .. وكان منظر الشمس حلوو وقف السيارة .. وفتح الدرايش كلها .. وقعد داخل فراس : انا بنزل بدر : اوكي بجي معاك نزل فراس .. وتربع على الرمل .. وبعده نزل وراه بدر .. وقعد يمه بدر : هههه .. شفيك قاعد جدي كأنك الا جاهل فراس وهو يلعب بالرمل : عادي .. مافيها شي بدر وهو يشوف البحر : تصدق ان البحر عجيب .. وخصوصا في هاللحظة .. منظر الغروب ينعكس على البحر .. عجيب فراس نزل جسمه كامل .. وصار كأنه فوق السرير بدر : هههه خرفت انت .. لا تعفس شعرك .. بروحه مو ناقص .. تدخل ذبانة فيه تتغوى .. ما تدل الطريق فراس : ههههه تطنز حضرتك .. شوف اول شعرك بعدين تكلم بدر : ههههه .. ذكرتني .. عفسني الحلاق الله يهديه .. رايح له يسوي شعري قصة عدلة .. الا هو شايلنه كله .. عباله خروف قاعد يحسنه فراس ما قدر : ههههههههههههههه .. الله يغربل بليسك .. تخلي الواحد يضحك غصب عنه بدر انبطح مثل فراس : آه .. شنو ورانا خلنا نضحك .. ابتسم .. تبتسم لك الحياة وكل واااحد سكت .. وراااااح لعالم بعيييييييد .. فراس يفكر في مصيره المجهول مع بنت عمه .. وبدر يفكر بحياته الغريبة .. الي مافيه أي شي من الاثارة .. وكانوا الي يمرون عليهم .. يستغربون من قعدتهم سلمان : هلا بالدكتور هلا فهد : هههه هلا بيك سلمان : عاش من سمع صوتك فهد : عاشت ايامك .. شخبارك ؟ سلمان : بخير وانت شخبارك ؟ فهد : الحمد الله عايش .. اسال عنك وعن الاهل ؟! سلمان : الحمد الله الاهل كلهم بخير .. والسعادة بترجع لنا قريب فهد : دوووم ان شاء الله .. الفال لنا سلمان : خبرك البنات في هالعمر وقت زواج فهد : أي والله .. الله يستر عليهم ان شاء الله .. وانت مو ناوي على الزواج سلمان : ان شاء الله قريب .. بس الخوات اول يجيهم ولد الحلال .. واطمن عليهم .. بعديني صير خير فهد : انا عبالي تقصد بكلامك وحدة من خواتك سلمان : لا اقصد بنت الخالة رجاء !!!!!! ثبت القمر .. هناااك .. في وسط السماء .. كان مكتمل .. في بداية شهر تسعة .. كان شكله حلوو ورومانسي .. وفي كوخ الرومانسية .. اسراء كملت صلاتها .. وقرأت لها قرآن .. ودعت ربها الله يوفقها .. ويرزقها بالذرية الصالحة اول ما كملت .. مباشرة انتقلت الى غرفتها .. تبي تبدل .. بس ورطها زوجها .. ما قالها وين بروحون .. الا باتصال منه .. اسراء : صدق ولد حلال ههههه محمود : تحشين فيني يعني ؟ اسراء : احش مع منوو .. بس بيني وبين نفسي محمود : اعترفني شنو تقولين ؟؟ اسراء : ما بقول محمود : اذا جيت البيت .. غصب عنج بتقولين اسراء تعرفه اذا يبي شي ياخذه بالغصب بالطيب بس تحدته : اوووكي نشوف محمود : زين يا مسس عنيدة .. برزي روحج اوكي اسراء : ان شاء الله محمود بحنية : حبيبتي اسراء بهمس : عيونها محمود : سالمة عيونها .. ابيج الليلة تكونين قممممر .. برزي روحج اووكي رجاء : انزين يعني وين بنروح ؟ محمود : حفلة .. من هالحفلة بعرفج على شخص .. بس انتي صيري قمر .. لبسي احلى شي عندج اسراء صادها فضول : بتعرفني على منو ؟؟ محمود : على شخص يحببببببببج واااجد اسراء : يووووو .. قولي من محمود يحقر سؤالها : ابيج قمممممر .. تعرفين يعني شنو قمر .. اوووكي اسراء : انزين يعني في الحفلة شنو .. بظل من غير عباية محمود : أي .. يعني شعرج عدليه .. ابيج تكونين عرووووس اسراء مستغربة : اهاا .. اشوى قلت لي .. كنت بروح عادية .. بدون شي محمود : اووكي حبيبتي ما اعطلج .. عشان انا اتبرز بعد اسراء : طيب محمود : سي يو حبيبتي اسراء : بااي اول شي .. غسلت شعرها .. وفيرته .. وكان عليها سهل .. لان شعرها منسدل بنعومة .. فتحت كبت ثيابها .. وقامت تطالعهم .. ورطني .. شنو البس يا ربي !! .. طلعت لها لبست فستان سكري ضيق على جسمها.. كان منسدل عليه بكل نعومة ورقة .. لانه من حرير .. كان ضيق عليها .. ومبين خصرها .. الي مخلنها احلى واحلى .. فتحت شعرها .. وظلت مقابلة المنظرة تشوف شكلها .. ونزلت راسها تنزل شوية الفستان الناعم .. وطاحت قذلتها على وجها البريء .. وزادته نعومة .. رفعت راسها وشافت شكلها .. وابتسمت .. صايرة حلوة بدون مكياج .. لو احط لي بصير قمر مثل ما يبيني محمود .. لكن القمر نااعم .. لازم احط لي مكياج ناعم .. حملت السمر كيك .. حطت لها على خفيف .. وبعدها على الفرشاة .. وحطت لها شدو ناااعم .. ولونت شفايفها بجلوز وردي .. رفعت راسها وطالعت وجها .. صايرة حلوة وناعمة .. اخذت العطر .. ورشت على نفسها .. وتنفست العطر بنعومة .. وطلعت لها نعال كعب ناعم .. ولبسته .. وصارت مستعدة .. بس عليها تلبس عبايتها .. راحت عند الدريشة .. ووقفت مدة .. ولما شافت انه تأخر .. راحت وحطت لها حنة اظافر .. وعلى ما جف .. شافت الساعة 8 ونص .. لبست عبايتها .. ورفعت شعرها بنعومة .. وحملت في شنطتها اللوازم المهمة .. ونزلت تحت .. وحتى قبل ما تقعد على الكرسي .. رن تلفونها باتصال من محمود .. يقولها انه عند الباب فتحت اسراء باب الشارع .. وكانت تمشي على العتبات الي بتوصلها للأرضية ..شافت محمود مستند بجسمه على باب السيارة ويديهبمخابيه.. كان محمود يستمع الى خطواتها بحب وعشق وهيام وينظر لها نظرة حالمة .. واما اسراء لما شافت واقف .. بثيابه .. الي عبارة عن بدلة رسمية بـ نك تاي ( كرفتا ) .. طالعته بنظرة حلوة .. ونزلت بابتسامة عريضة محمود فتح لها الباب وهمس : تفضلي اميرتي اسراء بحب : ههه زاد فضلك محمود سكر الباب لما دخلت اسراء .. وراح مكانه يسوق محمود : اسراء شوفي القمر شلون مكتمل اسراء تشوفه من الدريشة : الاااي بدر .. صاير حلوو محمود : انتي احلى منه .. واظن انه ماخذ من حلاج اسراء : هههه .. تسلم محمود : الله يسلمج حبيبتي اسراء : اممم وين بنروح ؟ محمود : حفلة اسراء : حفلة زواج يعني ؟ محمود : يمكن اسراء : عاااااد قولي محمود : امممم اسراء : .. ! محمود : بعدين اقولج اسراء : اووكي محمود .. مد يده للمسجل .. وشغل اغنية ( الله لا يحرمني منك .. خالد العراقي ) .. ورفع عليها http://www.tl3b.com/uploads/03-17-07~_____...___________.mp3 الله لا يحرمني منك .. سالم خل كلية ما عفت بحاجة مرة .. مرة كل شي ما ينعز عليا بس تصد لعيوني تفهم قبل ما شفافي تكلم وابتسم لها بحب .. وزاد سرعته .. اسراء فرحااااااااانة .. وضحكاتها تنسمع الله لا يحرمني منك منك منك .. ويا كند كيف الامان والله لو ما انت يمي .. انت يمي ضعت انا من زمان قاربية وتنسى نفسه همك ترضيني احسك الله لا يقول انت تبعد .. تبعد من تروح شلوووون لياااااا الله لا يحرمني منك .. !! ووصل المكان المتفق عليه .. ونزل من السيارة .. وفتح لها الباب دخلت اسراء المكان .. كان مكان خالي .. فيه طاولة في والوسطة .. حق شخصين .. وفوق الطاولة ورود زاهية .. اول ما نزلت طالعت تحتها .. الا الارضية كلها اوراق ورود .. رفعت نظرها الى محمود .. الي ابتسم لها وهز راسه .. بمعنى تفضلي .. نزلت تحت .. وطالعت المكان شلون رومانسي .. الشموع الي على شكل قلوب حمراء مضوية .. وغير الورود وريحتها محمود : تقدرين تفصخين عبايتج وشيلتج .. وانتظريني على الكرسي انا دقايق وجاي اسراء : وين بتروح ؟! محمود : بس لحظة نسيت شي في السيارة اسراء : اوكي .. لا تتاخر محمود : ان شاء الله اسراء .. تركت عبايتها على جنب وشيلتها .. عدلت شعرها .. ومشت بخطوات رقيقة .. وقعدت فوق الكرسي .. وحطت رجول على رجول .. تنتظر محمود دقيقة .. دقيقتين .. ثلاث !! ومرة وحدة تتسكر الاضواء .. شهقت هني اسراء وهمست : محمود ! وطالعت يمين ويسار .. كان ضوء الشموع يبين .. والاضواء الذهبية الي من فوق بس مبينية .. وفجأة .. انفتح كشاف فوقها .. ورفعت راسها الى فوق .. وقلبها يدق وشوية شوية .. توصلها صوت موسيقى ناعمة ورومانسية http://www.tl3b.com/uploads/03-17-07~11.mp3 ابتسمت بفرح .. وشوية تسمع صوت خطوات .. لفت للباب .. انفتح بهدوء .. وطلع منه حبيبها !! وقال مع الموسيقى : حبيبت روحي وغيرج ما ضني حبيت سنه مرت وغيرها بتمر وانتي بالخيال انتيالي لوصوله شفيت بالدنيا ورويت والحين أول سنه أتمر وانتي لي حلال قبلمعرفج سألت وش الحب اذا حبيت ؟ وقالو انه المأسي والسهر ليال طوال دورتالحب من أقصى الدنيا ومالقيت والحمد لله أرسلي لي أحلى حباً زلال حب يسكنأقفاص الصدور جنها له بيت ويتغلغل بالعروق وأبد لا والله مازال حب يشفيجروح القلب لامني دنيت حب نضرب فيه أحلى وأقوى الأمثال أه انا وش بوصف فيج لامنيحكيت والله ما وفي حقج لو قلت فيج موال مثل جمالج لا والله أبد اني مالقيت فيج الطهر والعفه والزين وحسن الفال يقول الزوجه الوفيه تأمن لزوجهاالبيت وتكثر بهذي الأيام بهالحديث الأقوال وانا اقول الوفيه هي الي اناخذيت حسنها وطيبها ما يخطر على البال ابوعدج اني أصونج طول ماحييت والله ييسر لنا الأمر ويرزقنا بالأطفال نسعد بيهم ويسعدون بناويملون البيت وانكون لهم عون ونخرج بهم خير أجيال كل عام وانتي اغلى ناسي .. يا حبيبتي شكرا ثامر_المحرق .. على الشعر الحلو نهاية الفصل الاول توقعاتكم : * رجاء رجعت للجامعة .. وفراس انسحب .. وبان انهم مختلفين في كل شي ! .. شلون بتكون حياتهم ؟ * وجدان .. مسس ملل .. شنو بكون دورها بالقصة ! .. وليش ردها غموض .. سامحته او لا ؟ * ندى ووسام .. ندى تفكيرها بعيد ! .. ووسام ؟ * منال .. ومصيرها الى وين ! .. والى متى بتظل في غيبوبة ؟ * يوم الثلاثاء ! .. هل من جديد يغير موازين الاحداث ؟ * فـــهـــد !! .. شنو كان موقفه ؟ * اســـراء & محـــمود .. شنو صاير عندهم ؟ والــــــى متـــــى هــــــذا الغمـــــوض ؟ وان شاء الله يكون البارت نال اعجابكم .. ولا تحرمون من توقعاتكم .. ورودكم وتحياتي للجميع ,, مع السلامة ,,,,,,,,,

شكوووووورة اختي

لاحول ولا قوة الا بالله

مشكووووووووووووووووووووووورة بس لا اتطولين

يؤيؤ يا دافع البلة يعني الى هالحد البخل ايسوي جدي انعل ابو البيزات

هلووووو مشكورين ع الردود واخيرا جاء النت عاد ان شاء الله ما ينقطع والحين اخليكم مع البارت .*.*.*. السلام عليكم*.*.*.* .*.*.*.*.*.*.* .*.*.*. الفصل الثاني من الجزء السادس توسطت الشمس في كبد السماء .. وجاء صوت الاذان .. يعلن قيام صلاة الظهر ندى وهي تركض وتنط فوق سرير شذى : شذوووووووووووي .. قومي قووومي شذى وهي تحط اللحاف فوق راسها مرة ثانية : اووووووف ما بقوم .. خليني انام .. اليوم السبت آخر يوم في الـ week end ندى : يا حسرة .. دام تعرفين ان اليوم السبت لازم تقعدين من وقت .. لان لازم ننام مبكر حق الجامعة شذى وهي تلف راسها الجهة الثانية : اووووووف .. قومي عني ندى وهي توقف فوق السرير وتنفخ صدرها بافتخار : شوفيني انا طالبة شطورة .. قعدت الساعة 10 .. صيري مثلي عاااد شذى : ندى ذلفي برى .. دام النفس عليج طيبة ندى : ماااني رايحة .. شنو بسوين يعني .. ( وتتذكر شي وتصرخ ) ايييييييييي شذى قومي قوووووووووومي بسرعة .. خالتي عازمتنا على الغذى .. كااامل يالله قومي لا تاخرينا شذى : انزين لو تكرمتي طلعي برى .. واحين بقوم ندى وهي تسكر الايسي .. وتفتح الستارة والدريشة .. ويدخل الهواء الحار في صيف سبتمبر .. وتسكر المروحة شذى تصرخ : شوووووووووووفي يا وجه النحس ( وتشيل للحاف عنها بتلحق ندى ) وندى تركض عنها وهي تضحك بصوت عالي وتدخل حجرتها وتسكر الباب .. وتقعد فوق الكرسي .. وترفع نظرها لفوق بنظرة حالمة .. آه يا وسام .. بس رجعتك رجعت لي البسمة .. والسعادة ما تنوصف بقلبي .. ههههه .. صح ان لما رجعت رجاء لنا استانست .. لكن فرحتي كببببرت من قلب .. لما شفتك .. آه يا وسام .. ما ادري انت حاس فيني او لا ويقطع عليها حلمها البعيد صوت صراخ شذى : فتححححححححححي البااااااااااااااب ندى تروعت : وعلة خوفتيني شذى : فتتتتتتتحي الباب خليني ابرد حرتي فيج ام سلمان طلعت من المطبخ وتنادي من تحت : شذى وندى بلا جهالة ويالله برزوا روحكم بنروح بيت خالتكم شذى وهي تنزل الى امها مبرطمة : ماماتي شوفي ندى ما خلتني انام عدل ام سلمان ضحكت عليها : ههههه يالله يالله لا تعطلوني .. بسرعة تبرزوا كانت تسمع موسيقى القمر .. وقلبها مرررتاح .. وينبض بهدوء وتدريجي .. حطت لها عطر الحجر .. واستنشقت ريحته العطرة بهدوء وطمأنينة .. حالها تغيرت بين يوم وليلة .. شكرت ربها وابتسمت بارتياح وسام وهو يطق الباب : الحلوة قاعدة رجاء ابتسمت بفرح : أي تفضل وسام بابتسامة : صباح الخير رجاء : صباح النور والسرور وسام : يا سلام شنو هالكشخة ؟ رجاء : احم احم ( وهي تدور ) : صدق حلوة صايرة ؟ وسام : احلى من القمر رجاء : عيونك الحلوة .. يالله ننزل تحت .. احين بجون بيت خالتي وسام : حتى بيت عمي بجون .. ومحمود واهله رجاء وهي تتذكر شي شاغل بالها : اهاا .. حياهم الله بدر بعد ما صلى صلاة الظهر ... مباشرة جمع اغراضه كلها .. وسلم مفاتيح الشقة الى صاحب العمارة .. وانتقل مباشرة الى بيته .. وفي السيارة كان مضايق .. بيرجع للبيت وبرد يعيش بروحه .. آه .. ولكنه تذكر الاتصال الي غيره حالته وسام : السلام عليكم بدر : غرررررررررررررريبة وسام يضحك بفشيلة : هههه رد السلام عاد بدر : وعليييكم السلام والرحمة .. يا هلا بالقاااطع وسام : هلا بييك شخبارك ؟!! بدر : انا بخير بس لما سمعت صوتك وسام : آه يا العيااارة .. يالله زورنا اليوم على الغذى بدر : وين يا اخوي .. عندي انتقال من شقة الى بيت هههه وسام مستغرب : على وين ! بدر : لا بس محد بالبيت .. الاهل كلهم بالامارات .. ولازم انا ارجع البيت وسام : انزين عاد مرنا .. كل معانا لقمة .. نعرفك على الاهل بدر : هههههه ما ادري بشوف وسام : لا قول أي او لا .. عشان اقول الى الوالدة تزيد الغذى .. اعرفك داهية بتبلع بلاع هههههه بدر : ايا الظالم .. ذاك اليوم منو الي كان بكمل اكل المطعم كاامل وسام : هههههههه يعرف روحه .. انزين بتجينا او لا ؟ بدر وهو يطالع الساعة : احين الساعة 10 ونص .. بصلي وبجمع اغراضي وبروح .. اذا كملت كل شي .. وشفت فيه وقت بتصل فيك وسام : اوكي انتظر اتصالك .. يالله مع السلامة بدر : الله يسلمك : ) .. شعور حلوو لما تكون يا وسام بين الي حولك .. وانا استغربت منك يوم انك سافرت .. بس الحمد الله رجعت لصوابك في بيت ام وسام .. العائلة الكريمة كلللها متجمعة .. والاجواء تجنن .. وكأن سحابة الفرح مرت عليهم من جديد .. وظلت مكانها كانوا الشباب بالصالة الي في الوسطة والبنات في الصالة الثانية فراس وسلمان ووسام واحمد قاعدين مع بعض يضحكون ويسولفون ومحمود قاعد مع عمه ابو فراس احمد : فراس من ورانا عجل تخطب هااا فراس ابتسم الى احمد ابتسامة خفيفة وسام : اووووه اووه شنو هالتطورات .. غبنا كم اسبوع وخطب اخ فراس سلمان : اقولك عاد الخيانة ههههه .. ما ينتظرنا وسام : انزين ومنو سعيدة الحظ ؟ احمد : اختك رجـ ـ ـ ـ ـاء وسام انصدم : اختــــــــي فراس ابتسم عشان ما يبين له أي شي : أي اختك سلمان : هههه طلع الاخ حاط عيونه عليها واحنا آخر من يعلم فراس : هههه كوا عندك بنات واجد .. اشروا وما بقصرون الاهل وسام وهو يبتسم الى فراس : ما اوصيك على اختي .. حطها بعيونك الثنتين .. ما عندي الا هالاخت ومالي غيرها احمد : شنو تنتظر شغل وعندك .. ناقصك بس حرمة وسام وهو يتذكر الي مقرره : اصلا انا شايل فكرة الزواج من بالي كليا سلمان : اوووبس ليش ياخي .. الزواج نص الدين .. وسنة الحياة وسام : بس ما ابي احمد : ذكاء صراحة ( وبنظرة حاااالمة ) لو انا مثلك من زماااااان تزوجت وسام : شنو الي حادك احمد وهو يرسم على صدره قلب ويأشر عليه بصبعه : القلب وما يهوى سلمان ضحك عليه : هههههههههههههههههه الله يغربل بليسك .. ومن هذي الي سرقت قلبك احمد : وحدة وسام : ندري وحدة .. يعني واحد ! سلمان ووسام وفراس : هههههههههههههههههه محمود وهو يسمع ضحكهم : ضحكونا معاكم سلمان : ههههه لا بس هالعاشق الولهان ضحكنا محمود : اكيد فراس معرسنا فراس : ههههه لا مو انا .. اخوك محمود : احمدوووو العاشق الولهان احمد : الشره علي اني قلت لكم .. فضحتون الامة العربي محمود وهو يداعب احمد : علينا هااااا احمد يضحك : ههههههه بس بس انسوا بين البنات .. كان الجو هادئ وحلوو والسوالف بينهم رقيقة شذى : اووف لا تذكريني بكرة جامعة ندى : ههههه ما شفت وحدة تكره الدراسة كثرج شذى : انتي لان اول سنة .. كملي سنتين وبشوفين شوق : صح رجاء متى بتلحقينا بالجامعة رجاء : ما ادري بقول الى امي ووسام ندى : يالله لحقينا بالجامعة .. مو حلوة بدونج رجاء ابتسمت لها : تسلمييين ام وسام الى رجاء : رجاء قولي لبيبي تبرز الغذى .. تأخرنا رجاء : يالله بقوم عشان احط السلطة بعد ندى : يالله بنقوم معاج نبرز اسراء : خذوني معاكم وراحوا البنات كلهم المطبخ عشان يبرزون الغذاء في هاللحظة بدر كان قاعد يدور في بيتهم .. يشوف كل زاوية فيه .. ويتذكر الماضي .. الي بظل في باله .. ومستحييل ينساه .. وقف مكانه لما شاف هالتحفة .. أخذ يتلمسها .. وهو يتذكر طيبة وحنان الوالدة بدر ( وعمره خمس سنين ) : ماما ابي اطلع ؟ ام بدر : وين حبيبي تطلع ! بدر : ابي اروح الألعاب ام بدر : هههه الألعاب احين !؟ بدر : أي احين ام بدر : بكرة روضة .. يعني لازم حبيبي ينام من وقت صح ؟ بدر وهو يقوم من على كرسي ويحط كل قواه على التحفة الجديدة وتوه بيتكلم .. الا تطيح التحفة وتنكسر بدر خاف من الصوت وفي مثل الوقت انها انكسرت فركض الى حجر امه يصيح ام بدر وهي تمسح على راس بدر المنغمس في حضنها : لا تصيح حبيبي ( وتنادي الخدامة ) : ميري ميري ميري : نعم مدام ام بدر بطيبتها المعتادة : بكلف عليج شوية .. ابيج تشيلين التحفة الي نكسرت ميري وهي تبتسم : لا عادي مدام ما في مشكل ام بدر تبتسم الى ميري بطيبة : يعطيج العافية ام بدر وهي تكلم بدر الي لحين مستمر في صياحه : حبيبي بدر ليش تصيح ؟ بدر : البابا بجي وبعصب علي ام بدر تضحك بانوثتها : هـهـهـ بس هذا الي خايف منه ! بدر ببرائة وشفايفه نازلة : أي ام بدر : ولا يهمك حبيبي .. احين بطرش السايق ياخذون وحدة مثلها .. بعد آمر بدر وهو يمسح دموعه ويضم امه بقوة : شككككككككرا ماما ام بدر وهي تبوس ولدها : العفو حبيبي بدر وهو يحط راسه فوق حظن امه .. ويمد رجوله مثل الي بيرقد : يالله ماما قولي لي قصة ام بدر : ان شاء الله من عيوني شنو تبي قصة ؟ بدر : اممم ابي قصة انا ميم ام بدر تضحك على ولدها : هههه ان شاء الله هني بدر مسح دمعته الي نزلت مغصوبة .. آه يا يمه .. شكثر مشتاق لج .. لو كنتي هني .. ما كان هذا حالي .. الله يرحمج يا يمه .. الله يرحمج ( ويقطع عليه صوت التلفون ) بدر : هلا وسام وسام : ويييينك ياخي بحطون الغذى بعد شوية ما بتجي ؟! بدر : ما ادري وسام : يالله يالله انتظرك ااوكي .. سي يو بدر : لحظة تعال وسام : قلت سي يوو بااااااااي ( وسكر التلفون ) بدر ابتسم : خلنا نروح شنو بينقص منا .. نطلع شوية من هالجو وفي المستشفى .. كان ابو منال ووفاء برى .. بنتظرون خبر عن منال .. ولو صبع منها تحرك بس الدكتور طلع من غرفة منال بعد الفحص ومباشرة تقدم له ابو منال : بشر يا دكتور ؟ الدكتور بأسى : للأسف .. مرت اكثر من 24 ساعة .. ومنال على حالها .. يعني رحمتها تحت رب العالمين .. واحنا بدورنا ما نقدر نسوي لها شي ابو منال انهار وقعد على الكرسي وراحت له وفاء : بس عمي استهدي بالله .. ولا تأثر روحك .. صحتك اهم ( وتكلم الدكتور ) : دكتور يعني تقريبا بعد كم يوم يطول حالها ! الدكتور : علمي علمج اختي .. بس لو سمحتي بغيتج شوية .. عشان موضوع الانتحار وفاء : ان شاء الله وفي بيت ام وسام بعد وصول بدر الي غير اجواء المكان .. طبعا الرجال تغذوا بالمجلس .. والبنات بقاعة الغذاء .. كان الجو حلو .. الكل فرحان .. فهل يا ترى سوف تكون تلك الابتسامة .. مجرد لبداية المطاف ! وبعد الغذاء .. الكل انتقل للصالة .. وراحت رجاء مرافقتها شوق حق العصاير شوق وهي تعطي الصينية الى اخوها فراس وتغمز له : امي احين بتفتح موضوع خطوبتك مع مرت عمي فراس اخذ الصينية وابتسم الى اخته رجاء بعد ما اخذت القلاص الوحيد الي ظل بالصينية قعدت مكانها ام فراس : يالله يا وخيتي يا ام وسام .. ما حبينا نطول بالموضوع اكثر .. واحنا اهل ومالنا الا بعضنا ام وسام ابتسمت الى ام فراس ام فراس : باسمي وباسم ابو فراس وفراس حابين نطلب يد بنتج الغالية الى ولدنا فراس ام وسام مباشرة لفت نظرها الى رجاء .. الي كانت تشرب العصير بهدوء .. وملامحها ما يبين عليها أي شي ! ام وسام : والنعم فيكم والله .. فراس بحسبة وليدي وما ينعاب .. باخذ راي البنت وراي اخوها .. ومالكم الا طيبة الخاطر وظلوا يسولفون بالمهم والاهم في هالحياة .. والبنات انسبحوا الى فوق .. واسراء راحت مع محمود لان عندها موعد بالمستشفى وفوق بين البنات شذى : آه يا الخيانة .. اصغر مني وتنخطب قبلي ما يصير ندى : يووو لحين ما صار شي .. مجرد تقدموا شوق : يعني في مجال للرفض ! ندى : الزواج قسمة ونصيب .. والي فيه خير لها وله .. الله بيكتبه رجاء : والنعم بالله ندى الى رجاء : انتي شرايج بالموضوع رجاء وهي تتعبث في اغراضها وبلا مبالاة : عادي شذى مستغربة : شنو عادي ! .. هو موضوع بيتقرر فيه حياتج .. مو لعبة رجاء : اذا امي واخوي راضين .. برضا ندى : بس رايج مهم رجاء في قلبها : ما اعتقد انه مهم اصلا شذى وهي تشوف سرحان رجاء وتحرك يدها قبال وجه رجاء : وين رحتي ! رجاء : هني شوق : يبين رجاء ضحكت بنعومة : هههه رجاء : الا بقولكم شخبار الجامعة معاكم ؟ ندى : زينة .. عندها دكتورة اووووف شلون ثقيلة دم لأبعد درجة .. تقهر شوق : ههههه احنا ما عندنا الا نتحلطم عليها بالعربي ندى : هههههه أي والله .. لكنها الداهية تحس تقولنا " WHAT ARE U SAY" رجاء : ههههههه وشنو تردون عليها شوق : لما سالتنا رد عليها صبي .. لا يقولون ان انتي شرحج حلوو مضبوط .. ومفهوم الكل ضحك هههههههههه ندى : ومسكيييينة ما شفتينها شلون تشققت شذى : هههههههه مسكينة بدر لما كان معاهم .. كان جسد .. بس روحه بعيييد .. في مكان ثاني ! وسام : الي في بالك يتهنى به بدر : ههههه شنو في بالي غيرك انت حبيبي وكل شي وسام : بل السقف بطيح ههههه ( وهو يأشر على احمد ) شوف هذا احمد الي قلت لك عليه بدر : أي شكله حبوب ومزوح وسام : أي واااجد بدر : هو شنو يصير لك ؟ وسام : بنت عمي متزوجة .. وهذا اخو زوجها بدر : الي مساعة طلع وسام : أي اسمه محمود بدر : عاشت الاسامي وسام : عاشت ايامك .. الا شفيك ساكت وشارد الذهن بدر : لا بس مو متعود يعني وسام : صح مو متعود .. بس بالك مو معانا كلش بدر : لا بس تذكرت ان بكرة دوامات وسام : انزين ! بدر : هاااا !! .. لا لا بس مو شي وسام مستغرب : بدر شفيييك ! بدر يبتسم الى وسام : لا ما فيني شي .. يالله استاذن وسام : ويييين ؟! .. توها الناس بدر : برجع البيت .. بعدل اغراضي وبشوف شنو ناقص من اكل وكل شي وسام : اوكي عجل نشوفك على خير بدر : يالله مع السلامة ( ويكلم الشباب كلهم ) يالله شباب اشوفكم على خير ابو فراس : وين وليدي ؟ بدر : بروح شوية عندي كم شغلة ابو فراس : عاد لا تقطعنا بدر : لا ان شاء الله ما بقطع .. ونلتقي بالافراح ان شاء الله الكل : ان شاء الله بدر : يالله مع السلامة ورافقه وسام لعند الباب الخارجي بدر وتوه بيركب السيارة اوقفه وسام : ما بتقولي شفيك ! بدر : لو اقولك تضحك وسام : قول ابي اضحك بدر : وقت ثاني .. مستعجل احين وسام : اوكي شوية شوية بالدرب بدر : اوكي .. مع السلامة وسام : الله يسلمك بدر طول الدرب يفكر .. بكرة مدارس ودوامات .. وآنسة .. ملل .. لحين ما عرفت اني مو شهود على قولتها .. وان عرفت اخاف تاخذ عني فكرة اني قاص عليها .. اووووه وانا ليش مهتم فيها جدي !! .. هي غلطانة وتتحمل غلطتها .. لازم تتأكد من الايميل قبل ما تضيف .. يعني الغلط غلطتها مو غلطتي .. لكن انا مشترك معاها بالغلط بعد .. هي صدفة .. ولكني متعمد ما اقولها .. اووووووف ليش انا جدي مهتم لأمرها وااجد الا جاهلة .. لييييش يعني !! .. جاهلة وما عندها قلب ولا مشاعر ولا احاسيس .. يمكن بالتوجيهي ( ثانوية عامة ) .. يعني كبيرة .. يا ربييييي .. ( ويزيد سرعة السيارة ) .. لازم اكلمها لو اطرش لها رسالة واقولها انا مو شهد اناا بببدر .. عشان ما تنصدم بكرة في دار الزين .. العين .. وبالاخص في غرفة ايمان ايمان واقفة ومقابلة المنظرة تعدل نفسها وتجيها غالية : الغالية شو تسوي ؟ ايمان تضحك : ههههه عنلاتج يالعيارة .. الغالية من انا ولا انتي ؟ غالية تضحك : هههههه ثنتينا ولا يهمج ايمان : فديتج تسلمين غالية : يالله نحدر تحت ايمان : يالله وهم ينزلون من على الدرج غالية بتردد : اممم اقدر اسالج سؤال ايمان : تفضلي غالية : اممم ليش اخونا بدر ما يحبنا ! ايمان منصدمة : شو هالرمسة غالية من قالج بدر ما يحبكم ؟ غالية : هوا من يجي بيتنا .. واذا يجي بالغصب ايمان : اعذريه غالية هزت راسها بالرضا : خلاص اوكي ايمان : وما ابيج مرة ثانية تييبين هالطاري قدام ابوي او غيره .. بدر الي فيه كافيه غالية حست بالذنب ونزل راسها : ان شاء الله في بيت الدكتور فهد كانوا العائلة كلهم قاعدين في الصالة فهد : يمه ابي افاتحج في موضوع ام فهد : آمرني يا وليدي فهد متردد : اممممم انا نويت اخطب نادية ( اخت فهد ) وقفت مصدومة : احححححححلف ! فهد ضحك : هههههه شفيج .. أي نويت اخطب .. فيها شي ام فهد من الفرحة دمعة عيونها : من صدقك يا وليدي او تمزح ؟ فهد : يمة من صدقي نادية وتقعد جنب اخوها بشقاوة : ومن سعيدة الحظ ان شاء الله ؟ فهد : ههههه بنية نادية : عجل صبي .. عاد من انا اعرفها ؟ فهد : بروحج نتفة في المدرسة .. شلون يعني تعرفينها ؟ نادية : يمكن من الاهل انزين فهد : لا مو من الاهل .. اووف سكتي كلتيني بهدومي خليني اكلم امي نادية : ابي اعرف من ماااني ابي اعرف فهد يضحك : ههههه اسمها ( وبابتسامة ناعمة ) رجــــاء ام فهد : عاشت الاسامي .. وشمعنى رجاء فهد : اممم بس دخلت بالي .. وحسيتها البنت المناسبة انها تكون شريكة حياتي نادية بمشاكسة : اعترف من وين تعرفها ؟ ام فهد : وليدي ماله هالسوالف فهد : ههههه المهم يمة شقلتي ؟ ام فهد : تــــم يا روح امك .. بس انت حدد اليوم فهد : ان شاء الله باخذ منهم موعد وبرد عليج خبر نادية : واااااااو وناسة بتصير عندي مرت اخو فهد : هههههه ومرت عصرية اليوم حلوة على الكل .. ما عدى بعضهم !! عائلة ام سلمان وابو فراس استأذنوا .. لان بكرة دوامات رجاء مباشرة انتقلت الى حجرتها .. صلت المغرب .. ومباشرة اخذت لها شور منعش .. ولما لبست لها لبس بيتي كيوت .. وهي تجفف شعرها وتشوف شكلها .. والله وكبرتين يا رجاء .. وبتصيرين عروس .. لكن شنو الي حداه غير وصية ! وتتذكر اول ما سمعت الخبر .. لما كانت نازلة تساعد ندى في اعداد العشاء والله يا ام وسام انتي عارفة ان آخر لحظة للمرحوم على هالدنيا كان بقربي .. واناالي اعرف شنو وصيته ام وسام : هو عطاك وصية؟ ابو فراس : أي .. الوصية ان نقرب العائلتين .. وما نخلي الزمن يفرقنا بزواج رجاء منفراس ويقطع عليها حبل افكارها .. طق على الباب رجاء : تفضل ام وسام دخلت وهي مبتسمة : شكلج متسبحة ؟ رجاء : أي توني بس ام وسام : نعيما حبيبتي رجاء بابتسامتها العريضة الي الكل يحسدها عليها : الله ينعم بحالج يمة ام وسام وهي تتقدم نحو رجاء وتحط يدها فوق راس رجاء وتداعب شعرات بنتها : شكثر وحشتني هالابتسامة الحلوة منج يا رجاء .. ( وتضم بنتها بحنية ودموعها تطيح ) .. حبيبتي رجاء شنو قلتي عن موضوع الخطوبة رجاء باعدت نفسها .. وباست امها فوق راسها : يمة ليش تصيحين .. مو هذي سنة الحياة !! .. وانتي كنتي دايما تقولين الله يبلغني فيج عروس .. واشوفج بثوب ابيض .. وجنبش الي يهنيج .. وهذا حلمج بيتحقق ام وسام بفرحة ما تنوصف : يعني انـ.. وتقاطعها رجاء باصرار : أي يمة انا موافقة .. فراس ولد عمي وما عليه قصور ام وسام تضم رجاء لها بقوة : هذا عشمي فيج يا بنيتي .. ومستحيل تخيبينه .. الله يبيض وجهج .. مثل ما بيضتي وجهي يا بنيتي رجاء ابتسمت الى امها : آمين يالغالية الا بدخلة وسام : فرحوني معاكم ام وسام : بارك الى اختك .. انخطبت الى فراس وسام : وافقتي من غير تفكييير !! رجاء : ليش افكر دامه ولد عمي .. ويكفيني فخر انه ولد اخو ابوي وسام : والنعم فيج يا احلى اخت ام وسام : يالله انا اخليكم احين .. ببرز لكم العشى بعد ما طلعت ام وسام وسام : رجاء رجاء : نعم ! وسام : مو كأنج استعجلتي شوية ! رجاء في قلبها .. قول وااجد مو شوية : لا عادي .. لو فكرت بكرة وبعد بكرة بغير شي !! .. انا موافقة وخلاص وسام : رجاء احد غاصبج ؟ رجاء : لا حشاني .. محد غاصبني .. بس في احد يرفض ولد عمه .. ( وتخفي عبرتها ) .. محد وسام : الله يسعدج يا اختي رجاء : آمين .. ( وتبي تغير الموضوع لان عيونها تفضحها وما تقدر تخبي اكثر على اخوها ) .. الا وسام شنو عن الجامعة ؟ وسام : بكرة قعدي من الصبح عشان نروح نشوف رجاء : ان شاء الله وسام : يالله اخليج وظلت رجاء بروحها بالحجرة .. وبعد ما عدلت شعرها ورفعته .. قعدت فوق السرير .. آه يا يبا .. لو ما كانت وصيتك ما بوافق بهذي السرعة .. صح انه ولد عمي .. واولى فيني من الغريب .. ولكن املك الحق اني افكر قبل ما اوافق .. بس يا يبا وصيتك ما عطتني فرصة ولا مجال اني افكر .. راضية راضية .. انا راضية وبقناعة .. خوفي ان فراس مغصوب بعد .. الله يستر .. مصيرج مجهول يا رجاء مجهـــــــــ ! ـــــــــــول وسكرت جفنها .. وفتحتهم وناظرت الدنيا من الدريشة و نظــــرتها مليئه بالحزن الدفيـــــن..مشتته تتطــــلع لمستقبلهــــا المرسووم بين الوصية أو ...... ! وفي المستشفى الدكتور : الحمد الله .. الجرح التأم .. وبامكانج الحمل مرة ثانية اسراء ترفع نظرها الى محمود .. ومحمود رد عليها بابتسامة عذبة محمود للدكتور : يعني في مجال لثبوت الجنين اذا تم الحمل ؟ الدكتور : باذن الله .. لان سقوط الجنين اعتقد كان بسبب سقوط شديد .. وهذا السبب الي خلى الجنين يفقد مكانه محمود : تسلم دكتور ما تقصر الدكتور : حاضرين اخ محمود .. واول ما تحمل المدام .. تعال لعندي واعطيك مثبت للجنين .. عشان تطمن محمود وهو يقوم من على الكرسي ويمد يده للدكتور : ما تقصر رايتك بيضة الدكتور وقف هو الثاني : حاضرين محمود : مع السلامة الدكتور : حياكم الله وفي الطريق .. اسراء ومحمود شابكين يدهم في بعض .. ويمشون مثل عصافير الحب اسراء : محمد متأمل خير ؟ محمود وهو يضم يد اسراء اكثر : حبيبتي انا ما يهمني العيال .. كثر اهتمامي لج .. يكفيني انج معاي يا اسراء ( ويضغط على ايدها اكثر ) يكفيني اسراء ابتسمت له : صدق حبيبي ؟ محمود : أي عمري .. شرايج نتعشى برة ؟ اسراء : اووكي محمود : اول شي بنروح مجمع نتمشى .. وبعدين نتعشى اوكي اسراء : اوكي محمود : ممكن اصارخ ؟ اسراء : يؤيؤيؤ ليش تصارخ ؟ محمود : ابي اقول اني احبج اسراء : هههههههه مجنون محمود : بحبج لما وصل بدر بيتهم .. اخذ شنطته واغراضه .. ومباشرة انتقل لفوق حجرته وفتح اللابتوب .. وشبك على النت ولما فتح الماسنجر تنمنى آنسة وردة ( ملل ) .. تكون اون لاين .. ولكن للأسف خاب ظنه .. دخل المنتدى وقام يداور .. وبعده فتح الهوت ميل ماله وشاف ان عنده رسائل من منتديات .. ولكن من ضمنهم رسالة من .... ! قوة أخ غريب الدار .. ادري بتستغرب بتقول غريبة ما قالت شهود ! كان اسلوبك معاي محترم ومؤدب معاي وما تعديت حدودك .. وهذا الي يخليني اطرش لك رسالة واقولك .. اني عرفت انك مو صديقتي شهد .. لا تستغرب بس اتصال صديقتي الي تخبرني وين الاضافة ما ضفتيني خلاني اعرف على العموم تشرفنا اخوي .. ولو اني تمنيت انك بنفسك تقولي اختي غلطانة .. انا مو شهد واسمح لي .. عطيتك بلوك ودليت مع السلامة بدر انقهر : اوووف شنو هالقهر .. مني ليش تأخرت عليها ما خبرتها .. ( وسكر اللابتوب بقوة من قهره ) .. وقام يعدل ثيابه واغراضه .. وهو يتحلطم ومنقهر على نفسه وعليها .. ( ويقلد بصوت انوثي ) : واسمح لي عطيتك بلوك ودليت .. انا الغلطان الي فكرت فيج وقلت بقولج .. وبعدها قعد على السرير : احين ليش انا جدي منفعل وحالة .. ومنقهر على البنت المسكينة .. رسالتها كانت مؤدبة ومافيها أي شي من قلة الادب وعدم الاحترام .. وزين انها ما طرشت لي رسالة فيها زف وشتم .. لازم اعتذر منها بأي طريقة .. وأبين اني مو قصدي .. بس شلوووون !! هيااااااااااااااا ( وهو ينط ) : حصلتها ويفتح له صفحة وورد .. وحاول يكتب خاطرة يعتذر فيها على الخطا الي سواه في حقها .. وكان كل حرف ينطلق من يده مو كلام مسموع .. وانما كلام منطوق من قلبه أسف على كل الجروح بودعك بمشي وأروح ماأقدر أجامل خاطري والدمع يسكن ناظري اعتذر منك عزيزي واسمح لي ع غلطتي اعيد واكرر أسفي وانتظر ردك بمعذرتي هذا اهداء لأغلى ناسي واعذريني على خطأي ونزلها بالمنتدى وكتب عنوانها .. اهداء لك ِ .. ادخلي واقرئي وابتسم على أمل .. انها تسامحه .. ولكن ! من جهة ثانية .. كانت شوق تعدل اغراضها لبكرة الجامعة .. وهي في حالم ثاني .. تتراقص مع النجوم .. وتداعب القمر .. وتبتسم للغيوم والهواء الي يلعب بخصلات شعرها .. يعني عايشة بحلم ! طلعت لها بدلة .. وبرزت شنطتها وكتبها وكل شي .. وشافت الساعة احين الساعة 9 .. لكني ابي انام .. ابي اغمض عيني عشان الموقف يظل في بالي .. وما ينمسح .. غسلت وجها وحطت عليه مرطب .. عشان تنتعش بشرتها .. وتعود لها نظارتها .. وغاصت في احلامها الوردية .. فوق سريرها الريشي .. وهي تسترجع الي صار لها أشكر اخوي " حسين " على تقديم المساعدة لي بعدة تصاميم رائعة . ابو فراس توه بحرك السيارة مبتعد عن بيت ام وسام شوق : لحظة يبة .. نسيت تلفوني ابو فراس يوقف السيارة : يالله بسرعة .. عشان نلحق على صلاة الجماعة شوق نزلت وسكرت الباب بسرعة : ان شاء الله يبة وراحت تركض بسررعة .. وبالها وين تلفونها حطته ! وهي تركب العتبة .. كانت عبايتها شوية طويلة .. فداست على مقدمة العباية وتعثرت .. وبصرخة خفيفة : يمــــــة ( وغمضت عيونها ) توقعت انها بتفتح عيونها على الف فضيع في راسها .. ولكنها !! سلمان وهو يبعد يده عن خصر شوق .. ويشيل يده الثانية عن كتفها ويبعد شوية وابتسامة خجولة : السموحة شوق هني قعدت على الارض من الفشيلة والحياء سلمان قعد على ركبته وهمس لها : تعورتي !! شوق ودموعها تطيح من الفشيلة .. وشيلتها تعفست .. وشعرها طاح على وجها وبدموع : لااا سلمان منصدم : عجل ليش تصيحين شوق وبحركة طفولة تحاول ترفع الشيلة ولكنها قاعدة عليها وقذلتها طايحة على وجها سلمان حس وجوده فيه احراج اكثر لها فوقف : سلامتج ما تشوفين شر شوق وهي تشهق من الفشيلة .. حالتها حالة .. وما تدري انها صايرة قمر : الـ ـ ـشر مااا يجييك سلمان وقف وابتسم لها وروح وشوق قاعدة على الارض لحين ركبتها تعورها .. ولكن صياحها كان بسبب احراجها .. وتطفر بصوت هرن ابووها وتحمل نفسها وترجع السيارة بدون ما تاخذ تلفونها حتى !! شوق وهي فوق السرير : ههه شبقول عنج الرجال .. والله فشيلة .. لكن !! .. الااي يا ليت الزمن وقف لحظة لما كنت معاه .. امنية ان الزمن وقف .. مو بس يوقف دقايق .. لااااا ابيه يوقف طول العمر .. ( وتضحك على نفسها ) : شنو هالفشيلة والله .. صدق اني ما استحي .. نامي يا شوق احسن لج من هالاحلام البعيدة .. فعلا بعيدة بعد النجوم .. ( وغطت وجها باللحاف والابتسامة ما تفارق ثغرها ) ومن جهة ثانية في البيت فراس : يالله استاذن بشوف الشباب شوية ابو فراس : على وين يا وليدي ؟ فراس : بروح القهوة ابو فراس : تعال وليدي لحظة ابيك بالمجلس فراس : ان شاء الله يبه وداخل المجلس ابو فراس : وليدي خلاص خطبنا رجاء لك رسميا فراس نزل راسه وما علق ابو فراس : وخلاص كلها اشهر معدودة .. ورجاء تصير خطيبتك .. ابيك تتحمل فيها .. تراك ولد عمها وبتصير زوجها .. ومالها الا انت فراس : ان شاء الله ابو فراس : فراااس .. انا بعطيك بنت اخوي الوحيدة .. ولا تنسى اني ولي امرها من بعد اخوي الله يرحمه .. يعني ما ابيك تخيب ظني فاهمني فراس : مفهوم يبه ابو فراس : وغير جدي .. ابيك تخفف هالطلعات مال العزوبية .. عشان تتعود شلون تكون سند لغيرك .. وتحس بالمسؤولية فراس : لكن يبه ابو فراس يقاطع : لا لكن ولا شي .. بكرة جامعة .. اهتم بدراستك .. عشان بخليك تشتغل وانت تدرس .. عشان تكد على نفسك .. وتصرف على حرمتك ابو فراس : يبة لا تضغط علي اكثر ابو فراس : الشدة تخلي الصبي يصير رجال والنعم فيه .. الدراسة والشغل ما بغير شي في حياتك .. انت من الجامعة الى بيت وقهوة ونادي وحالة .. ولا تذاكر ولا شي .. في الشغل بعطيك فراغ عشان تراجع وتشد على نفسك .. وراك مسؤولية فراس وهو منزل راسه : ان شاء الله ابو فراس : واحين قوم ارتاح .. عشان مباشرة من ترجع من الجامعة تتغذى .. وتجيني الشغل .. براويك المكتب الي مجهزه لك .. وطلعات القهاوي والنوادي في آخر الليل .. خلها عنك الى ايام الاجازات فراس يبتسم الى ابوه وخلف هالابتسامة جيش من غضب : ان شاء الله .. تصبح على خير ابو فراس : وانت من اهله وفي المستشفى وفاء : عمي انا لازم ارجع البيت .. بكرة معاي جامعة .. وان شاء الله اول ما اكمل بمر المستشفى بشوف منال ابو منال يوقف : يالله عجل انا بقوم بعد .. وانا عطيتهم رقمي .. وان شاء الله اول ما تتحرك يتصلون فيني وفاء : ان شاء الله ابو منال : تعالي معاي يا بنيتي بوصلج وفاء : لا عادي عمي بتصل في اخوي يمر علي ابو منال : لا تعالي معاي ابيج بعد في موضوع وفاء حملت شنطتها : ان شاء الله ابو منال : يالله مشينا وفي السيارة ابو منال : يا بنيتي ابيج تجين البيت وتاخذين الاشياء المتعلقة في الجامعة .. عشان ابي منال تنسحب كورس .. لان يمكن كانت منضغطة من الدراسة .. فأول ما تصحى .. فاخذ لي اجازة انا بعد .. وبنسافر لنا كم يوم .. عشان ترتاح نفسيتها وفاء : ان شاء الله عمي .. بسحب اوراق منال ابو منال : وشنو قالج الدكتور لما ناداج ؟ وفاء : كان يقول اذا فيه سبب يخليها تنتحر بحولونا للمحكمة .. بس قلت له ان ما في سبب .. واحنا نجهله اصلا ابو منال : هممم وفي بيت ابو فراس ام فراس : ابو فراس مو كأنك وااجد ضغطت على فراس ؟ ابو فراس : انا وانتي نعرف ان احنا دلعانه واااجد .. وخليناه على راحته .. احين لما فكر يرتبط .. لازم انا بنفسي اعدله ام فراس : بس يا ابو فراس لاز.... ويقطع عليها ابو فراس : انا اعرف بسوالف ولدج .. من جدي ابي اعدله .. واخليه رجاااال .. ورجاء بنت اخوي .. ولو فراس ما كان ولدي ما كنت بوافق عليه ياخذ بنت اخوي .. ولكنه ولدي وبعدله بنفسي ام فراس منزلة راسها : براحتك يا ابو فراس وفراس بحجرته .. من قهره شوية ويكسر الي قدامه بالمنظرة فراس وهو يرص على اسنانه .. ويمسك الكرة الي عند الكرسي .. ويضغط عليها بكل قوته .. وبعدين يعضض شفايفه قهــــــــــــر .. ورجع للسرير وارتمى فوقه .. واخذ تلفونه .. يعافس فيه .. من الملل والقهــــــــــــــ ـ ـ ـ ـ ـ ـ ــــــــــــــر ولفت انتباهه رسائل منال .. مباشرة دق على زر الاتصال .. وينتظر الرد على أحر من الجمر في هاللحظة كانت منال تشوف اوراق الجامعة .. وسمعت صوت تلفون منال شافت الشاشة كان باسم (( فوفو )) .. وطبعا هي تعرف انه فراس ما حبته ترد عليه .. خلته سايلانت .. وكملت تدور الاوراق .. ولما حصلت الاوراق الضرورية .. راحت شافت التلفون .. انه خلاص قفل .. اخذته وسكرته كله .. واخذت شنطتها وقبل ما تطلع .. تركت تلفون منال فوق الكمدينو .. ولكن !! .. لفتت انتباها ورقة مكتوب فيها مثل الشعر .. ودفعها الفضول تقراه .. وخصوصا طريقة الكتابة المعفسة .... هذي آخرتها يا اخ فراس !! .. وربي ادفعك الثمن غالي .. الثــــــــــــــــــــــمن غــــــــــــــــــــــــــــــالي ومن جهة ثانية فراس انقهر .. ليييييييييش ما ترد علي !!! .. مو هي وعدتني تكلمني .. ليش يا منال انا محتاج لج .. اشكي لج هميييييييييي .. آآآآآآه .. كفاية الي فيج يكفيييج .. يكفيج يا ( وبدموع وحسرة ) حبــــــيــــــبــــــتــــــي نهاية الجزء السادس توقعاتكم * بدر .. شنو عنوان حياته ؟! * الخطبة تمت .. والموافقة تمت .. فمتى البداية ؟! * فهد .. والخطوة الي ما توقعناها منه .. يا ترى شنو بصير ؟! * ( ملل ) .. هل ستسامح ام .. ! * شوق .. نهاية حلمها .. الى وين ! * اسراء & محمود .. شنو مخبية لهم الاقدار ! * فراس .. حياته مجهولة .. الى متى سيطول الصبر ! * رجاء .. تسرعت او كانت عين الصواب ! * يا ترى شنو مكتوب بالورقة الي قرأتها وفاء ! ومتـــــى النـــــدم !! تحياتي للجميع ولألــــمي تحيــة .*.*.*. مع السلامة*.*.*.* .*.*.*.*.*.*.* .*.*.*.

يلالالالالالالالالالالالا نزلييييها

اي بس بغيت اقول لكم اني الحين بيقطعون عني النت لا ما ادري شنو فيه فيعني بتاخر واذا جاينكم الفضول تقدرون تدخلون المنتدى وتسجلون انتون بس اكتبوا في قو قل منتديات عيون البحرين وسجلوا اوكيك باياتووو

مشكوووووووووووور خوي بسرعه نزل البارت

مااتجووفين شر ان شاءلله قلبي الف الحمدالله على سلامتج

يسلموو ع المرور الحلو والحين اخليكم مع البارت ** ******* السلام عليكم *** الفصل الاول من الجزء السادس ابو منال وهو يدق الباب : منالي قعدتي ؟ ...... ابو منال وهو يضحك : هههه والله هالبنت ولا كأنها كبيرة ( ويفتح الباب ويشوفها نايمة فوق سريرها مثل الملاك البريء ) ابو منال قعد على حافة السرير وهو يرفع خصلات شعرها عن وجها : منااالي قومي .. أذان الظهر أذن .. وانتي لحين ما قعدتي شلون بتنامين اليوم من وقت للجامعة .. يالله منال ( وهو يرفع يدها يمسح فوقها ) .... ابو منال ترك يدها ولكنها هوت بأسرع من البرق .. استغرب ابو منال ابو منال وهو يضرب على خدها : مننننناااال .. وحط يده تحت رقبتها ورفع راسها ولكن راسها سقط على صدر ابوها رفعها مرة ثانية بخوف وصرخ منـــــــــال ابو منال وهو ينادي على الخدامة والخوف مالي قلبه : كتريناااااااااا .. كترينااااااااااا كترينا جت بخوف : نعم بابا ابو منال وهو يحمل منال على كتفه مثل الطفلة الصغيرة : بسرعة جيبي عباية منال السياررررة بسرعة احيييييين وبسرعة نزل و ركب السيارة وترك منال في المقعد الخلفي .. واول ما وصل المستشفى حملها بسرعة .. وقام يراكض في الممرات .. وهو يصااارخ بنــــــــتي .. بنتــــــــــــتي الوحيــــــــــدة بتـــــــــــروح وبتخليــــــــــني ومن التعب قعد على الارض وترك راس بنته فوق حضنه وهو يصيح من كل قلبه .. لما تجمعوا الاطباء حوله واخذوا منال من حضنه بكل حزن .. لان شكل منال ما يبشر بالخير في بيت ام وسام رجاء بعد ما كملت صلاة الظهر .. قرأت لها قرآن .. وابتسمت بارتياح .. لكنها تذكرت مصيرها !! فتحت باب حجرتها .. على أمل تلاقي احد تسولف معاه ولكنها !! لمحت طيف .. طيف منو هذا !!! تبعت الوهم والسراب .. فقادها الى حجرة ابوها ابتسمت بفرح : معقوولة ابوي رجع فتحت الباب بأمل .. ولكن !! رجاء وهي تحاول تفتح الباب ولكنه مقفووول رجاء قامت تنادي : يبه .. يبه افتح الباب انا رجاء رجاء وبصراخ سمعته ...... : باباااااااااتي حبيبي افتح الباب بس بسلم عليك الخدامة بيبي : رجاء انت في شنو يسوي ؟ رجاء : بيبي الله جابش عطيني مفتاح الحجرة بيبي بخوف : لكن ماما يقول ما في يفتح حجرة بابا ابو وسام رجاء بعصبية وهي تهز بيبي من كتفها : قلت لج جيبي المفتاح .. فهمتيييييييييي !! بيبي بخوف : حاضر مدام وبسرعة تركض تحت .. وتجيب لها المفتاح رجاء بابتسامة مفرحة مع دموع حزن شكرت بيبي الي قلبها انقبض بشوفة هالموقف رجاء فتحت باب حجرة ابوها .. لقتها خالية .. واستنشقت بجنــــــــون ريحة عطر ابوها رجاء بمرح طفولي : باباااااا وحشتني وراحت فتحت كبت ابوها ( مال الثياب ) وناثرت ثياب ابوها بجنون .. ورفعت مجموعة من الثياب فوق .. وهوت على جثة رجاء بهدوء .. وضحكات رجاء متعالية وراحت لمت الثياب بكل حب .. وبجنون حركت بؤبؤ عينها نحو الحمام ( وانتوا بكرامة ) ونادت : بابا يالله اطلع وحشتني و بيبي كانت تشوف كل هالمواقف .. ومن خوفها راحت تركض تتصل على أي رقم يجي في بالها ندى وهي تنزل من الدرج وتصارخ : يمـــــــــــــــــــــــــه شذى طلعت من المطبخ وهي خايفة : ندوووا شفيج تصارخين ندى : شذى لحقي لحقي .. بيبي متصلة فيني تقول ندى صارت مجنونة شذى : بيبي !!! .. وشنو سالفة رجاء مجنونة ؟؟؟ وخالتيييييييي !!! ندى : بلا هالاسئلة الزايدة .. انتي دقي على خالتي لانها طالعة مع امي ما ادري شعندهم بالجمعية .. وقولي لها بسرعة ترجع بيتهم .. وانا بروح اجيب عبايتي وعبايتج شذى كانت بس فاتحة عيونها تطالع ندى الي تتكلم بسرعة .. وهي مو عارفة شتسوي .. رجولها انشلت .. (( رجاء صارت مجنونة !!! )) ندى وهي تصارخ : شــــــــــذى .. تحركي يالله شذى : هااا !! ندى وهي تركض الدرج وهي تركض : شذى بسررررعة يالله واجتمع الكل في بيت ام وسام ندى وشذى وام وسام وام سلمان .. وطبعا سلمان واقف برى الحجرة بس يسمع اصوات .. لان رجاء كانت مكشوفة الشعر ام وسام وهي تقعد على ركبتينها مواجهة رجاء والدموع تنزل من عينها : رجاء حبيبتي صلي على النبي .. وقومي روحي حجرتج رجاء وهي تشم ثوب ابوها وتضمه بجنون وهي تصيح بشهقات : لا انا بنتظر ابوي هني ما بقوم .. يعني ما بقووووم .. فهمتوا ( وبصراخ ) ما بقـــــــــــــــــــــــــــــــــــــــــــــــو م ندى وهي تصيح بخوف على رجاء وتكلم شذى : شذى انا خايفة على رجاء واااجد شذى وهي تمسح دموعها ولأول مرة تعامل ندى بانها الصغيرة وشذى الكبير : لا تخافين ان شاء الله خير سلمان برى ما عرف شسوي ولا اراديا ما حس نفسه الا متصل للدكتور فهد : هلا سلمان سلمان وصوته متغير شوية : هلا بيك فهد بخوف : عسى ما شر صوتك متغير ؟! سلمان بخوف : رجاااء .. يا فهد رجاء تعبانة فهد وقف بسرعة من على كرسي مكتبه : شفيـــــــــها !! سلمان : ما ادري .. بس تعبانة فهد وهو ياخذ القميص ويلبسه وبسرعة برى البيت : اوكي اوكي عطني العنوان وبلحظات قليلة .. وصل الدكتور فهد سلمان وهو يفتح الباب : هلااا فهد وهو يطالع يمين ويسار وفوق وتحت : ويييينها !! سلمان : تعال وراي فهد اول ما دخل الحجرة وشاف شلون شكل رجاء .. والي حولها خوفهم باين من ملامح وجهم تقدم لها وهو يتكلم بثقة : رجاء شفيج !! رجاء رفعت راسها بعيون محمرة : انتظر ابوي فهد وهو يتكلم بشوية هدوء : ابوج توفى الله يرحمه رجاء وهي تصر على اسنانها : ابـــــــــــــوي حـــــــــــــي مـــــــا مـــــــــــــات فهد وهو يصارخ : ابوووووووووووووج ماااات ... واصحيييييي ماله داعي لهذا الخبال الي انتييييييييي فيه رجاء وهي تصرخ وتضرب على الارض : لااااااااا ابوي ما مات ما مااااات يعني ما ماااااااااااات فهد يصارخ : قلللللللللللت لج ابوج مااااااااااات .. ادعيييييييييي له بالرحمممممممممة رجاء وهي توقف وشوية تنقض عليه من قهرها وتصاااارخ : لااااااااااااا .. ابوووووي ما ماتت فاااااااهم فهد ما استحمل حاااول معاها كل المحاولات لكن ما في فايدة فرفع يده .. وعطاها كــــــــــف : غصب عنج ابوج مات فهمتي رجاء من قوة الضربة طاحت على الارض وهي تصيح : لييييييييش !! لييييش !! .. ليش تبي تقعدني من غفوتي .. ابي انسى ليش تبي تذكرني فهد ضم يده بقهر .. ليش انه مد يده على الانسانة الي هواها قلبه .. أي أي احبها .. ومافي غير هالحل عشان تصحى من الي فيه الكل انصدم من ضرب فهد لرجاء .. ام وسام قامت تصيح .. وندى حاولت تروح الى رجاء .. بس فهد منعها لمصلحة رجاء وكلها دقايق من بكاء رجاء لمعرفتها حقيقة وفاة الوالد .. فقدت وعيها .. وانتقلت مباشرة للمستشفى ابو منال قاعد على الكرسي ومنزل راسه بأسى على بنته الي ما يدري شنو سبب الي فيها .. وشماخه على كتفه والي يمر عليه يحس انه شايل هموم الدنيا فوق راسه طلع الدكتور ويبن عليه متعب حده ابو منال وقف : بشر دكتور ؟ الدكتور منزل راسه : شقولك يا ابو منال .. منال بحالة جدا خطييير جدا جدا ابو منال فتح عيونه على الآخر وتقدم الى الدكتور وجود يده : ارجوووك دكتور حاول تنقذها .. وهي شنو فيها بالضبــــــــط !! الدكتور : شكلها كانت تبي تنتحر ابو منال : شنو تنتحـــــــــــــــــــــــــــــر !!! .. انا ما قصرت عليها بشي شنو السبب الي يخلينها تنتحر الدكتور : اخوي .. احين لازم ما نضيع وقت .. بطرش دورية شرطة تفتش بيتكم .. عشان نعرف نوعية الحبوب .. ونسوي لها غسيل معدة .. بأسرع وقت .. ترى اذا تأخرنا بتكون معرضة للموت ابو منال انهار في هاللحظة وقعد على الكرسي بتعب الدكتور يركض وهو يتكلم : خبرتك التأخير ما بكون لصالحنا ابو منال استغفر ربه ومسح دموعه الي نزلت مغصوبة على بنته الوحيدة .. ومباشرة ركض بأسرع ما عنده الى برى المستشفى .. وركب سيارة الشرطة .. متوجهين الى ذلك القصر ( بيت ابو منال ) بدر بعد ما اتصل للمطعم .. وطلب وجبة غذاء .. راح الى غرفة فراس .. طق عليه الباب .. ولكن ما في رد !! .. عرف انه لحين في سابع نومة دخل وهو مبتسم .. وركض ونط على السرير بطفووولة فراس قعد من النوم متخرع وقام يطالع يمين ويسار .. وشعره بصفته طويل صاير كشة بدر ضحك عليه : ههههههههههههههه .. خرعتك فراس وهو يبتسم الى صديقه الي يحاول يخفف عنه حزنه : هههه أي عبالي زلزال بدر ضحك عليه : هههههه يالله قوم .. الغذى شوية ويوصل فراس وهو يوقف متجه للحمام ( وانتوا بكرامة ) : اوكي عطني خمس دقايق بدر وهو يعدل السرير : اوووكي ( وهو يعدله التفت لضوء ) بدر وهو يشوف الشاشة .. لقى اسم ( شــــــــوق ) يتصل بك بدر : فــــــــــراس فراس من داخل الـ BATH ROOM : نـــــعم بدر : في اتصال لك من شوق فراس : اوكي رد عليها قولها فراس يسبح بدر : وانت حضرتك تسبح وانا قايل لك الغذى شوية وبارز فراس وهو يفرك راسه بالشامبو : كلها عشر دقايق .. بالكثير ربع ساعة بدر : امرنا لله .. نرد نرد بدر : الــــو شوق ما مميزت الصوت لاستعجالها : فراااس الحق .. رجاء بالمستشفى تعبانة .. بسرعة تعال بدر انصاع وما عرف يرد شوووق : الوووو الوووو بدر : هلا اختي .. مسامحة انا صديق فراس .. وبخبره ان شاء الله شوق انحرجت : اهااا .. اوكي مع السلامة بدر : الله يسلمج بدر وهو يطق الباب على فراس : فراااااااس اختك متصلة تقول ان رجاء بالمستشفى فراس : هــــــــــا !! بدر : من قال هااا سمع .. يالله بسرعة عجل .. عشان تروح الى خطيبتك المستشفى تشوف شفيها فراس في داخله : خطيبة طل .. ( ويكلم بدر ) : ان شاء الله في بيت ابو منال .. الدورية ما قصروا .. ما خلوا مكان الا دوروا فيه .. وللأسف لقوا حبوب اعصاب الشرطي وهو يحمل العلبة ويكلم ابو منال : هذي مالت من ؟ ابو منال : بعد وفاة ام منال الله يرحمها .. منال تأثرت وااجد .. وشوية كانت مريضة بالأعصاب .. كنت انا اعطيها الحبوب بانتظام .. بس لما كبرت خليتها تعتمد على نفسها الشرطي يكلم الشرطي الثاني : بسرعة اتصل للمستشفى قولهم نوعية الحبوب .. عشان يسوون لنا غسيل معدة بأسرع وقت .. ( ويلف نظره الى ابو منال ) لان يا ابو منال .. تم شرب كمية كبيييرة جدا من الحبوب ابو منال بحزن شديد وكآبة : لا حول ولا قوة الا بالله العليي العظيم وشوية الا يسمع ابو منال صوت التلفون .. تلفوووون !! انتقل ابو منال لمصدر الصوت .. كان تلفون بنته الوحيدة يرن باسم (( وفــــوي )) عرف ان المتصل صديقة بنته .. ووصل لها الخبر التعيس .. بكت وفاء بدل الدموع دم .. وعرفت ان السبب الوحيد هو فراس !! بس الخبر الي خلى منال توصل الى هالحال .. شنو ؟! مو معروف لحد الآن فراس راح المستشفى .. وظل بدر بالشقة كعادته .. يتغذى بروحه .. وشوية الا يدق تلفونه النقال .. ابتسم لما شاف الرقم .. وخصوصا رقم فتاح الخط بدر : هلا وغلا وسام : هلا بيك .. شخبارك ؟ بدر : الحمد الله .. وانت اخبارك ؟ وسام : عايش .. وشخبار الاهل ؟ بدر : اهلك بخير .. ولكن !! وسام : لكن شنو ؟؟ بدر بأسى : وسام ارجع اهلك بحاجة لك .. امك اختك .. كلهم بحاجة لك من بعد وفاة ابوك .. من لهم رجال يتحمل مسؤولياتهم .. يا وسام رجاء اختك حالتها متدهورة .. واحين هي بالمستشفى وسام منصدم : بالمستشفى !!! بدر : أي .. خل عنك الانانية وارجع البحرين .. كل انسان لازم بمر بهذا الموقف .. اسمع كلامي وارجع .. والدتك تعبت من كثر هالهم الي عايشة فيه .. هم وفاة زوجها .. ومرض بنتها .. وتزيد عليها برحييييلك يا وسام !! وسام في هاللحظة انهار .. حس نفسه فعلا اناني لأبعد حدود .. وما فكر بامه واخته بدر : اسمع كلامي وارجع بأقرب فرصة وسام لا اراديا : شكرا ( وسكر التلفون ) بدر ابتسم .. وحس واخيرا ان كلامه فاد لأول مرة بالتاريخ رجع ياكل .. وهو يفكر بحاله بدر .. 23 سنة .. انسان حبوب .. بكون له دور جـــــــــــدا بارز في القصة .. الدنيا لعبت عليه بلعبتها .. وصار عضو جديد في صف الهموم والحزن وشوية الا يدق تلفونه ضحك على نفسه : هههههه صاير BUSINESS MAN لما شاف الاسم ( أمـــ اختي الوحيدة ـــــون ) ابتسم بفرح .. وفي نفس الوقت بحزن : هلاااا وغلا ومرحبا وسهلا ايمان وهي تضحك : ههه هلا بيك .. شخبارك يالغالي بدر : بخير يا وجه الخير .. وانتي بشريني شخبارج ايمان : الحمد الله .. تمام بدر : الحمد الله ايمان بحزن : بدر بدر حس من نبرتها ان في شي صاير : عسى ما شر ! .. شفيج حزينة ايمان : بدر انا برجع الامارات اكمل دراستي هناك بدر : مع اهل ابوي !! ايمان : أي .. غصب عني صدقني مو برضاي .. انا مليت وانا عايشة وحيدة .. مالي ام ولا ابو .. ولا اخت ولا حتى اخو بدر : افااا وانا ؟ ايمان : اهل ابوي رجعوا الامارات من اسبوع .. وما اشوفك رجعت البيت .. وابوي دق علي امس .. قالي ان اليوم بجي ياخذني معاه الامارات .. ويبيك انت بعد تجي معانا بدر باصرار : مســــــــــــتحيل .. بلادي ما بهدها وابروح الامارات ايمان : لكننا كلنا اهل الخليج .. ومافي فرق بدر : انا ماني رايح .. تبين تروحين انتي روحي ايمان : وابوي !! شقوله ؟ بدر : ما في ابو يسوي الي سواه ابوج ايمان : لا تنسى انه ابوك بعد بدر : ابو بالاسم وبس .. لا تجذبين وتصدقين جذبتج ايمان : لكن ابوي حياته بالامارات .. تجارته هناك .. شنو نقدر نسوي !؟ بدر : انا واحد ما بروح .. انتي تبين تروحين مع ابوي روحي ايمان : وما بتجي تودعني على الاقل بدر وهو يكتم عبرته : لا ما بجي ايمان بحزن شديد والدموع بدت تتركز بعيونها : براحتك .. ومفاتيح البيت بخليها مع السايق .. اول ما تجي اخذه منه بدر : ولو اني اتمنى اظل بهذي الشقة الصغيرة .. بس يالله امرنا لله .. لازم نقعد بالبيت ايمان : بدر فكر من احين الى قبل صلاة المغرب .. يمكن تغير رايك بدر : انا متخذ هالقرار وباصرار بعد .. وابوي يبي يفرقني عنج .. عشان اقتنع واروح معاكم ديرته ايمان : بدر لا تصير ظالم .. ابوي يبي مصلحتي .. وانا بروح هناك عشان دراستي بدر : الله يوفقج ايمان : بدر لا تنسى تفكر عدل .. وانتظر اتصالك .. باي بدر بابتسامة حزن : في حفظ الرحمن ايمان سكرت من عند اخوها الوحيد والعنيد .. وانتقلت مباشرة الى حجرتها .. وهي تجر اذيال الخيبة وراها .. اخذت الشنطة .. وبدت تنقل ثيابها واغراضها وكل شي .. خلاص بتستقر هناك .. بدولة الامارات .. بتترك اخوها الوحيد وبتروح مع ابوها .. بدت تحط اغراضها بدمـــــــــع الأيــــــــــام : عنييييييييد .. ما احبك .. ما احبك .. طول عمك عنيد .. من وانت صغير .. دوم تجرحني وتعذبني وتشغل بالي .. وما تحس بالي تسويه .. متى يا بدر تعقل متـــــــــــى !! في المستشفى الساعة 5 العصر .. وبالأخص في غرفة رجاء .. كان الكل فرحان .. والدموع تتساقط .. ولكن !! دمــــــــــــوع فــــــــــــرح وســــــــــعادة رجاء وهي تكمل كلامها وتحط يدها على خدها : صح انه يعور .. بس لو ما جاني هالكف .. ما طلعت من الحالة الي اني فيها .. ( وتنزل راسها وتنزل منها دمعة مغصوبة ) .. يالله الله يرحمه .. وفي فسيح جناته .. ( وترفع راسها مرة ثانية ) .. وأنا آسفة يمة .. ووصلي أسفي للدكتور ( وتلونت خدودها وهي تذكر اسمه ) فهد ام وسام وهي تمسح دموع الفرح وتضم بنتها : مسموحة يالغالية .. وحمد الله على سلامتج ابو فراس استغل فرصة وجود الاهل كلهم : دام الفرح جمعتنا مرة ثانية .. انا اعلن طلبي قدام الكل .. اني اطلب يد رجاء الى ولدي الوحيد فراس ( وما مرت حتى ثانية وحدة على كلام ابو فراس والا ........ ) يدخل شخص بكل قوته يفتح الباب ويصرخ : رجـــــــــــــــاء رجاء انصدمت وصرخت بفرح : وســــــــــــــــــــام وسام ركض الى اخته .. وضمها بكل قوته : ما تشوفين شر يالغالية .. ما تشوفييين شر رجاء وهي تصيح وتشهق : الشر .. ما .. يجيييييك يا اخوي وسام وهو يبعد عنها ويحط يده على وجنيتها ويمسح دموعها : خلاص لا تصيحين دامني موجود هني معاج رجاء وهي تحرك راسها بالايجاب وعلامات الابتسامة وااضحة على محياها : ان شاء الله ام وسام همس : وليـــــــــدي ! وسام ترك يد رجاء ومسك راس امه وباسها : السموحة منج يا ست الحبايب ام وسام وهي تمرر اصابع يدها في شعر ولدها وكأنها مو مصدقة وجوده : وسام انت هني ؟؟ وسام وهو يبوس يد امه : أي هني .. هني يا يمة .. وما بخليكم مرة ثانية لو شنو صار فراس .. انسحب عن الغرفة .. ومشاعره متناقضة .. بين الحزن والفرح وداخل غرفة رجاء .. الفرحة لا توصف .. برجوع الصحة والعافية الى رجاء .. وعودة وسام بعد غياب طوويل فهد .. تقدم للشخص الوحيد في العائلة .. الي ما كانت علامات الفرح مو كاملة مع وجهه فهد وهو يمد يده الى فراس : السلام عليكم فراس مد يده بابتسامة مالها أي معنى : وعليكم السلام فهد : انت من اهل رجاء صح ؟ فراس : أي نعم انا فراس ولد عمها فهد : والنعم فراس : ينعم بحالك فهد بتردد : امممم .. السموحة على تطفلي .. بس ما شفت الفرح كامل بعد رجوع الاثنين وهم رجاء واخوها فراس يخفي خله حزنه : لا بالعكس فرحان فهد: ما ابي لك الا كل خير .. وقصدي بهذا التطفل مساعدتك لا غير فراس في حيرة من امره .. يبي يخبره ويطفي القهر الي بداخله .. وفي نفس الوقت ما يبي يحط نفسه في موقف محرج .. ففظل السكوت لا غير فهد وهو يبتسم ويمد كرت بيده الى فراس : على العموم يا اخ فراس .. هذا الكرت فيه جميع ارقامي .. وقت الي حاب تفضفض .. اول شخص يجي على بالك هو اخوك فهد .. ومع السلامة فراس وهو يبتسم لطيبة هالرجال : مشكوور اخوي .. ورجاء تشكرك بعد على مساعدتها ( هني فهد تحركت مشاعره حركة غريبة لمجرد سماع احرف اسمها ) .. وفي حفظ الرحمن فهد ضغط على يد فراس ليبين له حسن نيبته .. وانسحب عن هالمكان في جهة ثانية من المستشفى .. ابو منال ووفاء .. ينتظرون لو طيف احد الاطباء .. يطلعون بخبر صغير .. يريح قلبهم .. ويطفي توترهم ابو منال بحزن : بنيتي يا وفاء .. ما تعرفين شنو فيها منال .. وشنو السبب الي خلاها تفكر بالانتحار وفاء ودموعها تتساقط : ما ادري عمي ابو منال نزل راسه بكتئاب .. ورجع بقرأ بالمصحف والا بصوت الباب ينفتح وفاء رفعت راسها وناظر الدكتور بعيون محمرة وابو منال سبقها للدكتور : بشر دكتور !!! الدكتور : الحمد الله .. سوينا لها عملية غسيل معدة .. من المخدر الي عطيناها اياه كحد اقصى لازم تكون فاقدة الوعي 24 ساعة .. واذا زاد عن الـ 24 ساعة .. ( نزل راسه بأسى ) .. رحمتها بيد رب العالمين ابو منال بتفاؤل : باذن الله بتقعد .. بنتي قوية .. بتقعد الدكتور وهو يطبطب على ظهر ابو منال : ان شاء الله .. بس من رايي تروح مع بنتك ( عباله وفاء بنته ) .. وترتاحون .. لان قعدتكم هني مالها فايدة .. غير توتر الاعصاب الساعة خمس ونص في الفيلا الكبيرة ابو بدر : وبدر عجل وينه ! ايمان بحزن : مو راضي يجي معانا الامارات ابو بدر : بكيفه هالعنيد .. يالله مشينا يا بنيتي ايمان : يالله وطول السيارة بالطريق الى المطار .. ايمان كان بيدها تلفونها .. تنتظر اتصال منه .. ولكن !! .. ما في حتى مسكول ابو بدر : تنتظرين شي يا ايمان ؟؟ ايمان : هاااا !! .. لا لا ما انتظر شي ايمان انقهرت طول هالانتظار والمحاولات .. وما في فايدة فطرشت له هالمسج ان قصدك عذابي لا توصي حريص الـ زمن ما يقصر و إنتفيك بركه بدر لما قرى مسج اخته ابتسم بحزن وطرش لها مسج أنا صوره من الماضي أنا حاضر بلا ديره و أنا طيف مضى وقته و اصبح للزمنتذكار أنا جرح صعب يبرى و كسر صعب تجبيره وجودي و الألم واااحد بدنيا كلها أسرار ايمان تضايقت من الرد الي وصلها منه .. وسكرت التلفون بعصبية اما بدر قرر يدق عليها .. ويقولها كلمة ( توصلين بالسلامة يا اختي ) ولكن اكتشف ان التلفون مغلق ! .. تنهد ورجع نظره للابتوب وشوية الا تكلمه ( ملل ) .. الي حتى ما يعرف اسمها ღ ღ مــ ـلـ ـ ــلღ ღ : .. مو قلت لج رحبي فيني في المنتدى .. توقعتج اول وحدة ترحبين فيني غـــريـــب الـــدار: نسييييت .. اوكي عطيني وصلة الموضوع ღ ღ مــ ـلـ ـ ــلღ ღ : .. اوكي لحظة بس ღ ღ مــ ـلـ ـ ــلღ ღ : ********* .. هالمرة اعفاء وما بضربج بالمدرسة .. مرة ثانية مو اعفاء بدر ضحك : هههه هذي بالمدرسة !! .. لكن اسلوبها اسلوب بنت كبيرة غـــريـــب الـــدار: اوكي بدر كمل شغله .. ونزل الموضوع في المنتدى .. بعنوان .. انا فاقد اعز انسان سمعت باليتيم اللي قدام عينه تموت أمه يناظرها ولايقدر يبرر دمعة الشفقان يصرخ خذي رووحي و بس خليك يايمه تموت و يعاني مع الذكرى ألم و أحزان كن إحساسي إحساسه و كن ما همني همه هو القدر خذا أمه وأنا فاقد أعز إنسان وحتى ما مرت خمس دقايق من نزل الموضوع ღ ღ مــ ـلـ ـ ــلღ ღ : الخاطرة الي نزلتينها واااجد حلوة .. تكتبين من ورانا هااا !!! غـــريـــب الـــدار: تسلمين ما تقصرين .. عيونج الحلوة ღ ღ مــ ـلـ ـ ــلღ ღ : بس صح ليش ما قلتين لي انج تكتبين ؟؟ ღ ღ مــ ـلـ ـ ــلღ ღ : وحتى الخاطرة صايرة كأن صبي يتكلم .. مو بنية .. بس صايرة روووعة غـــريـــب الـــدار: امممم اختي ابي اقولج شي ღ ღ مــ ـلـ ـ ــلღ ღ : تفضلي شهود غـــريـــب الـــدار: اختي انا مو شهد الي تقصدينها .. انا صبي .. وشكلج بالغلط ضايفتني .. انا آسف اني ما خبرتج من البداية .. لكن هذي الحقيقة وانتظر وانتظر ردها ولكن ما في رد .. نزل صفحتها الماسنجر .. وراح يشرب له شوية ماي .. وهو يشرب سمع الصوت ان في احد يكلمه وبسرعة رجع وهو مستانس .. انها ردت عليه يعني مو ماخذة بخاطرها تعذر ارسال الرسالة الى ღ ღ مـ ـ ـ لـ ـ ـ ـل ღ ღ : اختي انا مو شهد الي تقصدينها .. انا صبي .. وشكله بالغلط ضايفتني .. انا آسف اني ما خبرتج من البداية .. لكن هذي الحقيقة بدر بيأس : اوووووووف ما وصلها الكلام .. الله مو كاتب اقولها رجاء رخصوها .. بعد ما عطوها حبوب مقوي .. وانها لازم تاكل .. لانها خسرانة وااجد من وزنها وكل شخص رجع الى بيته رجاء كانت في قمة فرحها .. ان وسام اخوها رجع وما اقدر اخبي عليكم ان ندى طاااايرة طااايرة من الفرحة .. والكل مستانس وابو فراس مرتاح .. لان موضوع فراس ورجاء انتفح .. على رغم ان رجوع وسام .. نستهم السالفة .. بس مرة ثانية بكون اسهل عليه يفتحها رجاء ما تركت سالفة كونها الى فراس تعكر مزاجها .. بل ظلت الابتسامة مرسومة على ثغرها .. لرجوع اخوها .. ولانها طلعت من هالحلم المخيف .. والممل .. والمتعب . بعد ما نزلت الطائرة على ارض الامارات .. توجهت ايمان وابوها مباشرة للقصر الي عايشين فيه استقبولها ام سيف .. وسيف و غالية و فيصل ام سيف: يا مرحبا يالغالية ايمان .. وينج يا حرمة ما تنشافين ؟ ايمان وهي تضم ام سيف: موجودة فديتج .. شحالكم ؟ سيف : يه يه اوونه اختي تعلمت ترمس اماراتي ايمان : ههههه لازم نتعلم .. شحالك فصوول .. وشحالج غالية بعد الترحيب والسلام قعدوا في الصالة فرحانين بقدوم اختهم الكبيرة سيف : عيل وينه بدر .. ما اشوفه يى معاج العين ايمان : حاب يقعد بالبحرين ابو بدر : براحته الي يعيبه يسويه .. هو ريال ومو حلوة بحقه نرمسه وايد عن هالسالفة ام سيف : العيال الزم عليهم يكونون قريبين من امهم .. وبدر فقد امه فديته وهو صغير السن .. وصعبة عليه .. خله براحته يا ابو بدر ايمان نزلت راسها بحزن غالية : ايمان .. تعالي فوق اباج بكلمة فيصل : انا بيي معاكم غالية : وانت ما تودرنا .. لو سمحت لا تيي ورانا فيصل بحزن : ابيها تلعب معايا شوية .. هي اختي مهي بس اختج غالية : اوووووه انت متفيج .. البنت ياية من الطائرة تعبانة .. تيي انت تبيها تلعب معاك ايمان كانت تضحك عليهم وعلى مناجرهم سيف وهو يحمل فيصل على جتفه : شبلاج انتي كليتي عنقودنا بهدومه .. هوا يسوولف معاج بس ابو بدر : يالله عيل انا بنش .. برقد ام سيف : عوافي .. وانا بزهب لهم لقمة ياكلونا ايمان .. 26 سنة .. اخت بدر الوحيدة الخليصة ( يعني من ام وابو ) سيف وغالية .. 16 سنة .. توأم .. واخوان بدر وايمان من الابو يعني فردة فيصل : 7 سنوات .. آخر العنقود .. وصبي فرفشي وحلوو .. ولا كأنه عمره 7 سنوات .. لان السانه طويل ** نهاية الفصل الاول ** * شنو بصير مصير منال ! .. بتصحى او ؟! * رجاء .. رجعت لنا مثل الي نعرفها .. هل بترضى بالوصية او بتعارض ؟! * وسام .. رجع لنا ورجعت البسمة .. هل بغير شي من تسلسل الاحداث ؟! * فهد شنو بكون موقفه لما يعرف ان الانسانة الي هواها وعشقها .. في طريقتها للرحيل لشخص آخر ؟ * فراس .. هل بيعرف ان منال صار لها كل هالشي وبسببه !! .. واذا عرف من بخبره .. وشنو بكون تصرفه ؟! * بدر .. وحياته وعناده ؟ وشنو نهاية المطاف مع ( ملل ) ؟ * العائلة الاماراتية الجديدة !! وأتمنى .. يكون البارت عجبكم .. ولو انه قصير شوية السموحة واتمنى .. اني توفقت بكتابتي باللهجة الاماراتية مع تحياتي

مشكوووووووووووووووووووووووورة اختي بس لا تطولين لان اخر مقطع من اللي كتبتينه كشوخي ههههه امبي اعرف اوكيك

ابييييييييييييييييييييييييييي البارت

مشكووورة اختي مو خيو لان اكتشفت انج بنت ههههههههههههههههه الله يستر من التوقعات اله انتي اتوقعتينها وبنشوف هل هي صحيحة او خاطئة والحين اخليج مع البارت عشان تعرفين - - - - - - - - - السلام عليكم - - الفصل الثاني من الجزء الخامس رجاء فتحت شنطتها .. وطلعت الورقة نفسها الي كانت تقراها العصر .. وبدت تقرا فيها من جديد ......... : رجــــــــــــــاء !! رفعت راسها رجاء وشهقت ....... : شخبارج ؟ رجاء قامت تطالعه بنظرات استغراب وخوف ........ : شفيج تطالعيني جدي ؟؟ رجاء : ليش جاي هني ؟؟ ........ وهو يضحك : ههههه يــه .. ليش مجمع الدانة باسمج رجاء قامت تطالعه بنظرات احتقار ....... : يؤيؤيؤيؤ شفيييج جدي تطالعيني شوية وتضربين رجاء : خير يا دكتور فهد شنو تبي فهد : قلت لج ناديني فهد .. وثانيا ما ابي شي .. كنت جاي اتمشى .. ولمحتج رجاء : اهاا .. يالله باي ( وتوها بتقوم ) فهد : افااا وين قعدي بسولف معاج رجاء بعصبية : نعــــــــــــــــــم !!!! .. شنو تسولف معاي قاعدين احنا في وين فهد : في البحرين .. شفيها عادي !! .. احين انتي مريتي على طريق حياتي مثل أي بنت .. وصارت لي معرفة فيها .. وصرتي مثل صديقة لي رجاء : ( سكتت وما علقت ) فهد وكأنه تذكر شي : امممم أي صح .. نسيت ما اقولج عظم الله اجرش رجاء لفت راسها بسرعة وحطت عينها بعينه : على شنو !!!! فهد : يؤ على وفاة الوالد الله يرحمه .. يالله في فسيح جناته ان شاء الله رجاء بعصبية وشوية يعلى صوتها : انت شقاااااااعد تقول !! فهد وهو يسوي روحه يطالع يمين ويسار : اوووس فضحتينا شفيج .. انا جاي اسولف معاج .. وعزيتج شفيها .. عيب !!! .. او سبيتج وانا ما ادري ؟؟؟؟ .. ترى كل واحد فينا بجي يوم وبيتعرض لهذا الموقف رجاء : بـ. ببـ . بس انااا ابوي موجود فهد : لا والله حلفي بس .. وفي وين ان شاء الله ؟؟ رجاء متنساية طريقة سؤاله المطنزة : مسافر مع وسام وبيرجع فهد وهو يصفق : ذكاء خارق صراحة .. سمعيني يا رجاء الوالد توفى الله يرحمه .. بدال هالمسخرة الي مسويتها ادعي له بالرحمة واقري عليه القرآن رجاء وبدت شوية تفور اعصابها : قلت لك الوااااااالد ما مات فهد وهو يوقف : الاختلاف في الراي لا يفسد للود قضية رجاء : هذا مو راي !!!!!!!! فهد : اشوى يعني عارفة .. على العموم خلنا نسكر الموضوع وقومي معاي رجاء : وييين !! فهد : قومي بناخذ لنا شي ناكله انا جوعان رجاء وهي خايفة : لا لا انا بروح الى اهلي .. هناك ينتظروني فهد : زين يالله اوصلج لهم ومرة وحدة اسلم عليهم ومن صوب ثاني .. سلمان وصله مسكول من فهد سلمان : يالله بسرعة خلنا نمشي ندى وهي تاكل في الباستا : حرام ما اكلت حتى نصها سلمان : مو وقته بسرعة قبل ما تشوفنا رجاء .. ما اوصيكم وحدة تغلق تلفونها ووحدة تسوين سايلانت عشان ما تشك بالامر محمود : يالله تحركوا وبسرعة كل واحد حمل اكله واغراضه .. وغيروا مكانهم (فهد تواعد مع سلمان على هالخطة .. وعشان يكون بروحه مع رجاء في لحظة خوف ووحدة .. عشان يقدر يوصل للي بخاطرها .. وطبعا هذي خطوة من بداية علاج عقدتها .. وطبعا سلمان اتفق مع الكل على هالشي ) رجاء وهي تشوف الطاولة عليها ناس غير وتلف نظرها الى فهد الي كان بعيد عنها بشوية فهد : يالله شكلهم هذولا اهلج >> يسوي روحه ما يدري .. شكلهم مشغولين بالأكل .. ما يحتاج اقاطعهم اخليج ( ويلف يا زعم بيمشي عنها ) رجاء بسرعة : لحظة فهد فهد وشكله ما يوحي انه يعرف شي : خير رجاء مترددة : اممم هذولا مو اهلي .. ممكن تنتظر اتصل فيهم .. اخاف اوقف بروحي فهد : أي عادي مو مشكلة رجاء ما خلت احد الا اتصلت فيه .. الا هذا مغلق والثاني مشغول .. وغير ما يشيله .. عاودت الاتصال على الي ما يشيلونه ماكو فايدة رجاء بحزن : مافي رد فهد : شلوون ؟ رجاء : مغلقة تلفوناتهم .. والي ما يشيلونه فهد : يمكن من الزحمة ما يسمعون صوت التلفون رجاء : انزين ندى ليش مغلق تلفونها فهد : يمكن الجارج مخلص رجاء : اهااا ( ونزلت راسها ) وسكوت فترة بين الطرفين .. حست فيهم رجاء انها عاتق على فهد فحبت تنسحب رجاء ودموع الخوف والوحشة مليانة عيونها : اخليك باي>> وبدت تبعد شوية فهد وهو يشوفها برأفة وبهمس : ب ا ي ولما بعدت عنه بضع مترات .. ما حس نفسه الا يركض فهد وهو يصارخ والعالم تطالع فيه : رجــــــــــــــــاء .. لحــــــــظة انتــــــــظري رجـــــــــاء ( ووصل لها ) رجاء لفت بهدوء .. وسكرت عيونها وفتحتها وطاحت دمعة .. فهد عفويا كان يبي يمد يده يمسح دمعتها .. لكنه قبض يده ونزل راسه وبأمر : امسحي دموعج .. وتعالي معاي نشوف لنا مكان خالي ونتعشى .. وبعدين بدورهم معاش رجاء ما قدرت تسوي شي غير انها توافق على هالاقتراح الي بالنسبة لها مجنون واما في الشقة .. كان بدر متملل بروحه قاعد بدر : اوووف سلمان طلع مع اهله .. وقال بعرفني على احمد وما شفت حتى ظله جان طلعت معاه احين على قعدتي >> مسكين ما يدري ان احمد راز فيسه بينهم ههه.. ووسام محد .. وفراس ما اقول الا الله يساعده بدر فتح اللابتوت الي عنده .. وراح شرب له ماي على ما يشبك ع النت اول ما قعد فتح ايميله .. شاف اضافتين .. صار له مدى مو فاتحه شي طبيعي !! شاف الي قاعدين عنده .. محد عدل يسولف معاه .. تنهد وراح على السرير ونط فوقه بملل .. بصك الـ 22 .. ولحين ما سويت لي شي .. تفكيري وبالي كله بهذا الماضي .. وانا صابر عشان شنو اصلا !! .. الله العالم ربما مستقبل ينتظرني زاهر .. ههههههه اطنز على روحي والله .. أي مستقبل زاهر بس بعد الـ .. وقطع كلامه مع نفسه صوت احد يكلمه بالماسنجر .. الي يشوفه احد من الي ضافوه ღ ღ مــ ـلـ ـ ــلღ ღ : السلام عليكم غـــريـــب الـــدار: وعليكم السلام ღ ღ مــ ـلـ ـ ــلღ ღ : شخبار غـــريـــب الـــدار: بخير الحمد الله ღ ღ مــ ـلـ ـ ــلღ ღ : الحمد الله ღ ღ مــ ـلـ ـ ــلღ ღ : اقول دقيقة تلفون .. برب غـــريـــب الـــدار: تيت بدر وهو يتكلم مع نفسه : شكلها امون الدبة .. لها مليون ايميل ههههه ღ ღ مــ ـلـ ـ ــلღ ღ : باك غـــريـــب الـــدار: ولكمووووو ღ ღ مــ ـلـ ـ ــلღ ღ : يسلمووو .. اقول غـــريـــب الـــدار: نعم ღ ღ مــ ـلـ ـ ــلღ ღ : يؤيؤ .. بطلع ضروري وبدخل بعدين باي غـــريـــب الـــدار: باي حلم .. بعيد .. بعيد بعيد .. بل ابعد من النجوم نفسها .. ان هالواقع يكون مجرد وهم .. سراب .. كابوس زارني بوقت نومي ورحل .. آه .. ابي اعلن انسحالي تعبت ...... باستغراب : فراس !! فراس لف وراه شاف امه .. ابتسم لها من ورى خاطره : هلا يمة ام فراس : شفيك قاعد بالحجرة بروحك وسرحان ؟ فراس : لا ما فيني شي ام فراس : غريبة .. هالحزة انت طالع فراس : لا بس حاب شوية اقعد بالبيت ام فراس وهي تطبطب على ظهر فراس : لا تستعجل يا وليدي على الخطبة ولا تفكر واجد .. خلنا شوية كم اسبوع على ما تصير ام وسام بأحسن حال .. وبعدها نسوي لكم خطبة صغيرة .. بس ملجة .. والزواج ان شاء الله اكبر .. بس لا تستعجل فراس وهو يهز راسه بالرضا وفي داخله .. آه يا يما مو فاهمتني .. ولا أحد فاهمني في المجمع .. بعد ما كملوا العشى وكل شي .. بين البنات شذى : يالله ندى قومي معاي باخذ لي تلفون ندى : انزين وشوق ليش ما تروح معاج ؟ شوق : خلنا كلنا نروح .. بس لازم معانا صبي اسراء : مو مشكلة هذي بسيطة .. بقول الى محمود يجي معانا ندى : ورجاء !! اسراء : شفيها رجاء ؟؟ ندى : ما بننتظرها ؟ اسراء : وين ننتظرها !! .. احين هي مع الدكتور عشان شوية تطلع من حالتها .. يعني بأمان .. ويمكن يبي لها مدى لما ترجع شوق : صح كلام اسراء يالله مشينا ؟ ندى : وبالنسبة للصبي الي بجي معانا ؟ اسراء : يؤؤؤ وين عقلج ؟؟؟ ندى اسراء : لا تطالعيني جدي ياالمفهية .. انا قلت لج بقول الى محمود يجي معانا يالله يالله قومي ما اقول الا الي شاغل عقلج يتهنى به ندى وهي تحمل شنطتها وتقوم وهي تضحك بفشيلة : هههه اسراء تقلد ضحكتها : هاهاهاها اسراء مشت قبل البنات وراحت طاولة الشباب : محمود محمود وهو يلف ويطالع عيونها الوساع : عيون محمود اسراء نزلت راسها توردت خدودها وحست بحرارة غير طبيعية وفي قلبها .. الله يغربل بليسك عاد جنب الشباب .. وبدت تحرك اصابعها بتوتر وتورد خدودها محليها وصايرة قمرة صغيرة : امممم لا بس انا والبنات نبي نتسوق احين عشان ما نتاخر أكثر ونبيك تجي معانا محمود : من عيوني الثنتين كم اسراء عندي ( وهو يقوم من على الكرسي ) : يالله مشينا احمد نط : وانااااا !! محمود لف وطالع احمد : وانت شكوا صبي ومرته بيتمشون ليش تحشر نفسك اسراء وهي تكلم محمود : محمود مو بس انا معاك .. لان البنات معانا بعد محمود : بللللللللل .. وانا شلي دخل فيهم مسؤول عليش انا بس شذى سمعت كلام محمود : وي ما نبيك بس .. سلمان تعال معانا محمود ضحك : ههههههه احسن ف ك ة الكل ضحك على حركة محمود الطفولية سلمان وقف : يالله عجل انا بروح مع البنات هني شوق بلعت ريقها احمد : يا سلام وانا الطوفة الهبيطة ما تعزموني سلمان وهو يضرب احمد فوق راسه واحمد نقز من حركته سلمان : خوب انت عزموك او لا لازم راس الفيس احمد وهو يمثل حركة الزعلانة وياخذ تلفونه يحطه في مخباه : بس بروح للماما احسن ههههههههههههههههههههههه الكل ضحك على كلمة الماما احمد : شذى : محشووم احمد حياك معانا احمد لف صوب شذى الي كان طولها محليها وابتسم لها : هذا الذوق مو انتووو سلمان وهو يضرب ظهر احمد على خفيف : يالله يالله مشينا بدون تفلسف احمد : حشى كسرت ظهري يمشي بالسيارة بدون مركز .. ما يعرف وين يروح وين يوقف هالسيارة .. قرب مصيره للأمر المجهول .. ما يعرف شسوي .. شلون بعيش !!! .. شلون يقدر يوافق على انسانة ويحب غيرها شلوووون ؟؟ وقف سيارته عند بحر مظلم ومهجور .. ما فيه حتى بصيص لنور واحد .. المكان مظلم وموحش .. وقف سيارته وبندها خير شر .. وظل بالحر في السيارة .. فتح الدرايش كلهااااااا .. وترك مجال للهواء يداعب خصلات شعره الطويلة .. رجع الكرسي على وراء ومرر يده على شعراته بألم وبقهر .. ومن شدة غضبه شد على شعره بقوة وما تركه الا لما حس بالام .. فراس : لمتـــــــــــــــى !!! .. لازم اواجبه المصير اليوم .. واذا مو اليوم لازم بكرة .. واذا مو بكرة الي بعده .. يعني بواجهه بواجهه تايه بدنيا ملعونه مثل مركب كبير وبدون قبطان حكم علي زماني أعيش بكل تعاسه وهموأحزان محتار وفيني قهر واااااااااااه ياناري ويا خوفي الوصيه عهد برقبتيوالحب يحرق قلبي وجوفي يا قلبي أرجوك لا تحزن ولا تسهر ليالي طوال دامالعقل اختار الوصيه أثبت اني نشمي ورجال ابي امشي ورا عقلي وخلي القلب يوليو ينداس ورح اسوي الشي الي انا اشوفه يرفعلي الراس اه يالي سحرتني بجمالكوخليتني أحبك وأهواك صرت مجبور على فراقك ومقدر على فرقاك ابي اودعكواعرفي انك انتي الي ساكنه قلبي اجرب له من شراييني او حتى من دمي اتمنىانك تنسيني و تمسحي هذي الدموع واتمنى انك تخرجيني من مدرسة الضلوع بسبوعدك ما انساك يأحلى وأعذب الذكريات هذا هو قدرنا وهذا هو الي انكتب منالكتابات عليك الله وامانه من الغيره والكره و الحسد هذا هو حكم الرحمن وما نقدر نغيره ابد شكر للغالي بن طيفور (( ثامر المحرق )) .. على القصيدة الحلوة .. تسلم على المساعدة وتنفس بتحدي للدهر .. ورفع تلفونه ومرر اصابعه يضرب رقم التلفون رقم رقم .. رقم رقم .. بكل بطء وصله صوت انثوي مليء بالشوق وبكل لهفة : الـــــــو ..... منال : الووو فراس !!! .... منال الى وفاء الي معاها بالبيت : وفوي فراس ما يرد علي بس هو المتصل ؟ وفاء وقفت : اخليج معاه واشوفج يوم الاحد بالجامعة بااي فراس لما سمع يوم الاحد والجامعة تنهد .. لانه يعرف منال شلون حساسة ولو سمعت الخبر ما بتروح الجامعة حتى .. فتراجع عن قراره وتوه بيضغط على زر الاقفال .. ولكنه في هاللحظة وصل له صوتها .. صوت حبه .. أي بس انا حبيبتها واعترف انها حبيبتي وانا حبيبها الا عشيقها وما تقدر تستغني عني بعد منال : فراس شفيك ما ترد .. فرااااااس !!!! فراس بصوت منخفض ومتقطع : هـ ـ ـلا منال وابتسامة عريضـــــــــة بانت على محياها : اهلين وسهلين فراس ابتسم بألم منال وهي تقعد فوق السرير : شخبارك ؟ فراس وهو يتنهد : الحمد الله منال وبصوت حزين لانها حست ان في شي من نبرة فراس : الحمد الله والصمت كان سيد الموقف لبضعة دقايق .. وفي نفس الوقت منال : فـ ـ .. فراس : مـ ـ .. منال ضحكة ضحكة خجولة : هههه فراس ما حب يفشلها فشاركها بضحكة بسيط منال : آمر فراس : لا انتي تفضلي منال : اممم لا بس ما في شي فراس : عجل ليش ناديتيني ؟ منال : ههه لا بس كنت ابي اقطع السكوت فراس : اهااا منال : وانت آمر فراس : امممم ما ادري شقولج والله منال بخوف : عسى ما شر !!! فراس : .... منال ابتسمت : اذا كنت تقصد الفترة الي قطعتها .. لا انا عاذرتك لاني احبك فراس .. ومستحيل ازعل عليك بشي مو بيدك فراس : منال ابيج تعرفين شي وتحطينه في بالج طول ما انا اقولج هالشي .. اني احبج .. واني مغصووووب منال : على شنو حبيبي ؟ فراس بألم : منننننال انا خيروني بين روحي وبين وصية عمي .. و .. وامممم ما اعرف شسوي .. ايام وانا افكر مو عارف شسوي يا منال منال : شلون يعني بين روحك وبين وصية عمك ؟ فراس : آه شقولج .. انا اعرف ان علاقتنا مع بعض تعدت حدودها .. وانا كنت حاب اصلح هالغلطة بس !!! منال : بس شنو يا فراس ؟؟ فراس : منال أنا آسف وربي آسف .. بس قسم ما بيدي شي .. ولازم واجب علي اني اادي وصية عمي عشان يرتاح بقبره منال : أي ؟؟ فراس : منال انا كلها اسبوعين وار . . وارتبط ببـ.. منال بخوف : بمنوووو !! فراس بتعب : ببنت عمي رجاء .. آسف والله آسف منال في هاللحظة في صدمة وحيرة من امرها .. مب عارفة هي بحلم او بعلم .. الي عايشة فيه وااقع او خيال .. وهم او حقيقة !! فراس : منال بليز سمـ .. منال بهمس : فراس اخليك فراس بخوف : لا لحظة منال بقولج منال : فراس عشاني ابي اقعد بروحي شوية فراس : انزين بس لحظة بشرح لج موقفي منال ودموعها تنزل على وجنتينها وصوتها بدى يبيح : فراس بعدين اوكي فراس : منال لا تصيحين خليني اكمل للآخر منال : فراس فراس بلهفة : نعم منال : باي وسكرته من عند فراس .. ومباشرة غفلت تلفونها .. وحطت راسها على الموسدة .. ونزلت الدمعة على رقبتها بألم منال في داخلها : يا ربي شسوي !!! .. تعودت عليه .. وبنيت احلامي عليه .. لكنه طلع مثل الشباب .. لاااااااااااا حراااام مو مثلهم .. هي وصية .. وفرقت بينا .. آه وفي المجمع فهد وهو يشوف صحن رجاء : رجاء ما اكلتي شي ؟ رجاء وهو منزلة راسها : ما ابي فهد فهم لها : خلاص انا بعد شبعت .. يالله قومي ندور عليهم رجاء استانست ورفعت راسها ومرسوم على قسمات وجها ابتسامة عريضة : صددددق احين ؟؟ فهد ضحك عليها : هههه أي احين يالله رجاء اخذت شنطعتها : يالله وبدوا يتمشون مع بعض في المجمع .. بغرض تدوير اهل رجاء فهد : رجاء رجاء وهي تشوف يمين ويسار عشان لو تشوف لو طيف لأحد من اهلها : نعم دكتور فهد : من دكتور ؟ رجاء : انتَ فهد : لا انا اسمي فهد رجاء ضحكت برقة : ههه نعم فهد : شنو تدرسين بالجامعة ؟ رجاء تذكرت ونزلت راسها : ما ادرس بالجامعة فهد : عجل ؟؟ رجاء : ما ادرس شي فهد : يؤؤ لكن شكلج وملامحج تدل على انج بنت شاطرة .. ما قبلوج الجامعة ؟ رجاء : مبلا لكن !! فهد : لكن !! رجاء : امي تقول اني تعبانة وبوقفوني فصل .. والفصل الثاني يمكن اواصل فهد وكأنه ما يعرف شي : من شنو تعبانة ؟؟ مريضة !! رجاء : ما ادري فهد وهو يرفع حاجبه مستغرب : ما تدرين !! رجاء صرخت : كو نــــــــــــدى فهد ضحك عليها : هههه واخيرا رجاء : كاهم في محل الموبايلات يالله نروح ؟ فهد ابتسم لها وطالعها بنظرة اعجاب : نروح ليش لا وتوجهوا مباشرة للمحل شذى : ندى خاطري آخذ لي سوني اركسون ندى : كيفج .. انا اقول احسن تاخذين لج نوكيا شذى وهي تطالع التلفونات : نوكيا شنو !! شوق : انا اقول N70 2 حلوو شذى وهي تشوفه من بين التلفونات المعروضة : لا ما ابيه لونه اسود يجيب الحزن احمد ضحك : ههههه انزين فيه وردي شذى رفعت راسها وناظرت احمد : صدق !! الا بدخلة رجاء يتبعها فهد : ويييينكم خلتوني هني الكل سكت !! سلمان حاول ينقذ الموقف : لا بس .. واحنا رايحين ناخذ عشى شوية تاخرنا .. ولما رجعنا الطاولة الي انتي قاعدة فيها .. الا محد فهد : يالله مو مشكلة .. استاذن ( ومشى شوية ) رجاء راحت له : دكتور فهد فهد لف لها وطالعها بنظرة فهمت قصده رجاء بخجل : اقصد فهد فهد : آمري رجاء بابتسامة أمل : شكرا فهد : حاضرين .. رجاء فكري بالي قلت لج عليه ولنا لقاء .. بااي رجاء بهمس وكأنها مو فاهمة شي : ب ا ي سلمان غمز الى شذى عشان تقوم بدورها .. وشذى فهمت وراحت الى رجاء شذى وهي تطالع رجاء : من هذا القمر ؟؟؟ رجاء : من قمر ؟؟ شذى وهي تأشر : الي راح رجاء : متناسية سؤال شذى : شتسوون هني ؟ احمد : ناخذ تلفون الى شذى رجاء : اهااا في شقة سلمان .. كان سلمان يداور بالمواقع والمنتديات .. ينزل موسيقى ويقرا مواضيع .. والا احد يكلمه بالماسنجر ღ ღ مــ ـلـ ـ ــلღ ღ : باك غـــريـــب الـــدار: ولكم ღ ღ مــ ـلـ ـ ــلღ ღ : يسلموووووووو غـــريـــب الـــدار: يسلمج الرحمن ღ ღ مــ ـلـ ـ ــلღ ღ : مسامحة مساعة نادتني الوالدة بدر بداخله : لا شكلها مو امون غـــريـــب الـــدار: لا عادي كله وااحد ღ ღ مــ ـلـ ـ ــلღ ღ : انزين شهود بقولج .. بدز لج عبارة شوفي حلوة احطاه لي نك نيم .. لاني متحيرة بدر ضحك وهو بالحجرة بروحه : ههههههه شكلها البنية مضيعة غـــريـــب الـــدار: اوكي ღ ღ مــ ـلـ ـ ــلღ ღ : وغـــاب الأمـــل .. ~ جريحة الأمس غـــريـــب الـــدار: ملل احلى ღ ღ مــ ـلـ ـ ــلღ ღ : شهووود يالله بلا دلاعة قولي لي أي احلى غـــريـــب الـــدار: جد .. ملل احلى من هالثنين ღ ღ مــ ـلـ ـ ــلღ ღ : صدق والله !!! غـــريـــب الـــدار: هههههه أي صدق ღ ღ مــ ـلـ ـ ــلღ ღ : مللللللل غـــريـــب الـــدار: تعرفين ليش قلت ان ملل احلى .. لانه اسم على مسمى ღ ღ مــ ـلـ ـ ــلღ ღ : هههههههه غـــريـــب الـــدار: متمللة شفيج ما عندج شي تسوينه ؟ ღ ღ مــ ـلـ ـ ــلღ ღ : اتمنى عندي اخت بدر توه بيكتب ليش ما عندج .. بس عقب تذكر انه يا زعم شهود على قولتها غـــريـــب الـــدار: اهاا .. انزين شاركي بمنتدى ღ ღ مــ ـلـ ـ ــلღ ღ : المنتدى الي مشاركة فيه مسكر ما ادري شفيه من جدي متمللة .. لو فتحوه ما بشوفيني على الماسنجر غـــريـــب الـــدار: انزين تبيني اعطيج منتدى ؟ ღ ღ مــ ـلـ ـ ــلღ ღ : عندج ؟ غـــريـــب الـــدار: أي عندي تبين ؟ ღ ღ مــ ـلـ ـ ــلღ ღ : أي عطيني غـــريـــب الـــدار: اوكي لحظة ღ ღ مــ ـلـ ـ ــلღ ღ : بقولج ليش نكج غريب الدار .. لازم غريبة الدار بدر ضحك على ذكاء هالبنت وفطنتها غـــريـــب الـــدار: هههههه لا بس تكون باللفظ صعبة غريبة الدار ღ ღ مــ ـلـ ـ ــلღ ღ : اهااا .. لكن حلوو له معاني عجيبة غـــريـــب الـــدار: شنو معانه ؟ ღ ღ مــ ـلـ ـ ــلღ ღ : ما بجاوب .. يالله ابي وصلة المنتدى غـــريـــب الـــدار: ههههه اوكي كيفج لا تجاوبين غـــريـــب الـــدار: ****** وهذي وصلة المنتدى ღ ღ مــ ـلـ ـ ــلღ ღ : ثنكيووو .. برب غـــريـــب الـــدار: تيت ومرت ربع ساعة سكوت بين الطرفين ღ ღ مــ ـلـ ـ ــلღ ღ : واااااو عجيب المنتدى .. بسجل فيه وبشارك .. عاد ردي علي في موضوع الترحيب .. وبنسوي قروب مع بعض اوووكي غـــريـــب الـــدار: ههههه اوكي ღ ღ مــ ـلـ ـ ــلღ ღ : يالله بطلع من الماسنجر البنات مللوني وابي اشارك واسوي لي توقيع وكل شي .. يالله باااااي اشوفج على خير غـــريـــب الـــدار: في حفظ الرحمن بدر : هههههه هذي من وين طالعة لي بعد .. بس شكلها حبوبة وقام من على الكمبيوتر واتصل في فراس فراس بتعب : الو بدر : اوووووووبس شفيه المعرس الولهان صوته مو طبيعي فراس بحقد : اكرهااااااااا بدر : يــــــــــه .. شصاير ؟؟ فراس : خلتها تصيح .. كل بسببها .. لو اقدر بس اعدمها من هالارض عدمتها بدر بعصبية : ياخيييييييي انت شفيييك يالحقووود .. لا تظلمها تراها ما سوت لك شي فراس : مبلاااااااا سوت وبتسوي اكثر واكثر واكثر .. يا بدر انا خبرت منال .. وسمعت صياحها .. آآآآآآآآآآآآآه .. قهرررر وربي قهر بدر : بلا هالكلام الفاضي .. وقولي انت في وين فراس : في الجحيييييييييييييم .. عساها الــ.. بدر : لا تقعد تدعي عليها ولا شي .. مالها ذنب وبلا شلخ قولي انت في وين فراس : آه عند البحر بدر : بحر وين !!! فراس : ما ادري عند بحر وبس بدر : انت بلا هرار .. ويالله مرني الشقة متملل بروحي فراس : اووكي بدر : بالعدال في السياقة .. يالله مع السلامة فراس : الله يسلمك وفي السيارة شذى : يالله بسرعة وصلوا شوق ابي اروح البيت اشوف اغراضي نسيت شنو شريت ندى : حشى والله .. تبينه يعني يطير .. ويوصل شوق شذى وهي تلف من قدام واطالع شوق : وانتي شنو جيبش معانا .. جان رحتين مع اسراء شوق : اسراء ما بتروح البيت !!! شذى : اووووووووووف ورجاء باقي بعد ندى : مو كأنش مصختينها شذى : امزح هم يعرفون اني امزح .. عندهم روح رياضية مو انتي ندى : روح عربية احسن وكلها كم دقيقة الا موصلين شوق شوق : مشكووورين يالله تصبحون على خير الكل : وانتي من اهله شوق وهي قبل ما تسكر الباب : مع السلامة الكل : الله يسلمش ووصلوا رجاء .. ورجعوا بيتهم الحمد الله بخير وسهالة شذى وهي تفتح الاجياس : تصدقين عن جد عاجبني التلفون ندى وهي تحط راسها على الموسدة : عليج بالعافية شذى : يؤؤؤؤ بتنامين ؟؟ ندى : لا بس افكر شذى : بشنووو ؟؟ ندى : بأشياء واجد تغيرت من بعد وفاة زوج خالتي الله يرحمه شذى : الله يرحمه .. الله كريم ندى : احس ان رجاء امممم .. ما ادري شقول والله شذى : طنش تعش تنتعش .. انا احاول اخفي وراء ضحكتي ومزحي اشياء وااجد بقلبي .. شنو نقدر نسوي يعني ندى : كسرت خاطري موقفها لما شافتنا عند التلفون .. يعني احس من نظرة عيونها .. فيها خوف .. ولهفة لما شافتنا شذى : آه .. خلها على ربج .. ان شاء الله يتحسن وضعها ندى : انا الي كاسر خاطري بكل هالسالفة .. انها بفوتها فصل .. بعد اذا مو سنة كلها بعد شذى : ان شاء الله خير واما في الشقة .. نقدر نسميها شقة الاحزان فراس : ممكن طلب بدر ؟ بدر : آمر فراس : ببات معاك الليلة بدر : البيت بيتك .. حياك بكل وقت فراس : تسلم بدر : انزين لما كلمتها وقلت لها عن السالفة شنو قالت ؟؟ فراس : بكل هدوء طلبت مني اسكره .. تبي تقعد لحالها شوية بدر : مسكينة هالبنت .. وحتى رجاء مسكينة فراس : لو سمحت لا تجيب اسمها .. ولا تطريها بعد بدر : مسكينة لانك كارهنها .. ومالها ذنب .. كل ذنبها انها صارت من ضمن الوصية فراس : وانا شنو ذنبي !!! بدر : ذنبك انك رجال .. ولازم انت الي تتحمل وتصبر .. مو هي فراس : ... بدر : فراس مو لازم اعيد واكرر بكلامي .. رجاء انثى .. والانثى مخلوقة ضعيفة .. تتحمل وتصبر .. ولكن بداخلها ضعف وكل الضعف .. تطيح دموع .. لانها تخفف حزنها .. من جابتك ومن جابتني !!! .. قولي .. مو احنا نحتفل بأعياد ميلادنا .. ليش ما نصيح ويكون يوم حزن مو فرح .. يوم حزن ان في هاليوم امهاتنا كانوا بين الحياة والموت .. احنا ما نشوف التعب الي هم يشوفونه .. ومع ذلك وقت الشدة هم يتحملون اكثر مننا .. فكر زين .. بعقل .. مو بقلب وعاطفية فراس : ..... بدر : يالله اخليك ترقد .. بتنام معاي بحجرة .. او بالحجرة الثانية فراس : لا خلني هني .. وقت ما احس ان فيني رقاد بقوم بدر : اووكي .. تصبح على خير فراس : على خيرات في حجرة شوق .. لبست بجامتها .. وخلت الاجياس مال الاغراض الي اخذتها على جنب .. واستلقت على السرير شوق بنفسها : الااااااي .. اليوم يوم حلووو وجميل .. احلى شي لما ابتسم بوجهي .. احس ان ابتسامته لها معنى ثاني .. ههههههه انا خبلة .. يالله مو مشكلة يكفي انه من عائلتي افتخر .. افتخــــــــــر بكل فرح وسعادة .. هههه وغطت نفسها كلها باللحاف وضحكاتها تتعالى تسكرت الانوار .. على امل .. ان تنفتح من جد وجديد بكل سعادة لا نعلم ما تخبؤه الاقدار لأبطالنا .. ولا لأنفسنا القصة في بدايتها .. فمتى ستكون نهايتها !! توقعاتكم : * رجاء والدكتور فهد ؟؟ الى أي طريق بوصلون ؟ * يا ترى من تكون ( امون ) ؟ * من الي ضايف بدر ؟؟ وهل بكون لها دور بالقصة ؟ * منال شنو بكون حالها ؟ هل بتسكت وبترضى بالقدر ؟ او !! * شوق وحبها الى سلمان ؟؟ * وآخر سؤال عن بطلنا المفقود ؟ وسام !! واتمنى يكون البارت عجبكم .. وكل الامنيات انكم تشكروني بتوقعاتكم وتفاعلكم مع القصة : ) تحياتي يلا عاد اختي غصون يعني اشوي شهري القصة ههههههههه لان مافيه اله انتين

مشكور او مشكورة اخوي اوختي ههههههههه ما ادري انتي والله انت بنت او صبي بس ماعليش هههههه الفصل الاول من الجزء الخامس علمت اليوم ,, ما هو قدري ,, وأين هوى نفسي ,, الذي كنت أجهله ,, وليتني لم أعرفه ,, وليتني ما زلت أجهله ,, لكنت مبتسمة ,, ولكن أين هي ابتسامتي ؟ أين أنتي ؟ أنقذيني ,, فالصمت يلون الأرجاء ,, بألوان أفضل الصمت المؤلم ,, عن التحدث بمصيرها ,, بألوان زهرية كانت تلون قلبي ,, مشاعري ,, أحاسيسي ,, ونبضي ,, ولكن أين هي الآن ؟ كرهتها ,, وكرهت الحياة من دونها ,, كرهت نفسي لأنني أحببتها ,, وجعلتها حبي الأول ,, لما كل هذا ؟ في بيت ام سلمان .. شذى قاعدة تشوف التلفزيون .. وشوية يدخل عليها سلمان سلمان : قوة شذى بس شهقات سلمان بهت : شفيج ؟ شذى وهي تمسح دموعها : اسكت بموت راشد احين سلمان باستغراب : أي راشد ؟ شذى : اوووه اسكت زوج عذاري سلمان انقهر منها عبالها تقصد شي الا طلعت مجرد حلقة .. ومن قهره قام بند التيفي شذى صرخت : هيييييييييييييي ليش تبنده ؟ سلمان وهو يقعد ولا كأنه مسوي شي : احسن لج من الصياح سمعيني شذى بعصبية : مالت عليك ابي اشوف لما يشيلون ولد راشد من عليه ويجود فانيلته اووووووف هالبيت مافي شي اسمه ديمقراطية ( وتروح فوق حجرتها ركيض عشان تشوف اللقطة لما يموت راشد ههه ) سلمان : خرفت هالبنت .. خلني اقوم اشوف لي شي اشربه ابرك لي وتوه بقوم .. الا صوت تلفون يرن على اغنية ( قوة قوة حق ماجد المهندس ) استغرب نقاله رنته موسيقى مو اغاني .. الا شوية يلفت نظره تلفون امه سلمان : هذا تلفون امي .. اكيد اخذته شذى منها .. واحين ان وديته لها زفتني ( وشوية الا يسكت عن الرنين ) سلمان بخفة دم : احسن ويتركه .. وفي طريقه للمطبخ يرد مرة ثانية يرن ويرجع سلمان للتلفون ويرن بعصبية شوية : الوووووووو الي على الخط الثاني خافت وبصوت مرتبك انثوي رقيق : الوو هـ .. هذا تللفون شذ.. شذى ؟ سلمان سكت واما الى على الخط سكرته ويت ويت ويت ابتسم سلمان لما عرف انها صكته وترك تلفون اخته .. وراح المطبخ أخذ له جوز .. وروح فوق واول ما دق على اخته شذى شذى وهي تفتح الباب و يا زعم زعلانة : نعم سلمان : ههههه يا حلو الزعلانين .. ممكن ادخل ؟ شذى : لا يالله مع السلامة سلمان ويا زعم بروح : كيفج انتي الخسرانة ندى بتعرف قبلج شذى لما سمعت ان فيه خبر وندى بتعرف قبلها فتحت الباب وركضت الى اخوها : لا تعال حياك الحجرة هههه امزح معاك سلمان وهو يضحك على اخته : هههه يالله شذى بصوت منخفض : ايوااااااا سلمان : شنو ! شذى : هااا لا لا بس تفضل اقعد سلمان بخفة : ها مات راشد ؟؟ شذى بحزن : أي مات خسارة سلمان : المهم بلا خرافات .. بكرة تبون تطلعون ؟ شذى بفرح : الاااااااااي أي اكيد بكرة يوم الجمعة يعني بداية الويك آند .. وين بتودينا عاد ؟ سلمان : على شوركم ؟ شذى : امممممم سلمان : اول شي شوفي رجاء وندى .. وردي علي خبر شذى : ليش وشوق ! سلمان : اوكي قولي لشوق بعد .. نسيتها شذى : اووووووكي بدق عليهم ( وتقعد تدور ) وين تلفون امي !!!! سلمان : أي صح تلفون امي تحت شذى : اووكي .. يالله بروح بدق عليهم سلمان : لحظة شذى ما سمعته وراحت تركض تتصل فيهم .. يا سلاااااااااااام بنطلع .. بسرعةةة بروح ادق على شوووق وندووي ورجاء سلمان ضحكت عليها : ههههه مجنونة ابي اخبرها عن البنت الـ .. ( وما كمل كلامه ) اكتفى بابتسامة وروح حجرته شوق بهدوء : الو شذى : هلوووووووووووووووووو .. شخبارج ؟ شوق : حشى عورتي اذوني .. انا بخير وانتي شخبارج ؟ شذى : تمممممممممممام .. انزين سمعي شوق : انتي الي سمعي يوم اد .. وقاطعتها شذى : هي سمعيني ما في كردت واجد .. بس بخبرش ان بكرة بنطلع برزي روحج شوق : وين بنروح ! شذى : ما ادري .. سلمان قال احنا نتفق شوق باستغراب : وشدخله سلمان احين !!!!! شذى : شوقو فهمي يا هبلة .. سلمان بطلعنا بكرة انا وانتي وندى ورجاء .. وقال نختار لنا مكان شوق : اهاا .. وصح اني مو هبلة يا الدبة شذى : هههههه اوكي المهم برزي روحج شوق : متى عاد العصر او المغرب ؟ شذى : سلمان قال احنا نختار .. بس نخليه المغرب بعد الصلاة شوق : اوكي شذى : باي كملتي الكردت مالي مع هالاسئلة الهبلة .. الي مثل صاحبتها شوق : باي ومالت عليش ههههه شذى : باي ههه ( شكلك تبي تبدا معايا الخيانة .. لا يا حبيبي هونك شوية هونك ) وبسرعة قامت ندى من على الكرسي .. واخذت التلفون وسوته سايلانت .. وطلعت برى بسرعة بسرعة ندى : الوووو شذى : وريح في ابليس .. ليش ما شلتينه بسرعة ندى : انتي الي ازعجتينا .. رجاء توها مسكرة عيونها .. وزين انها ما قعدت من صوت التلفون شذى : اهااا .. انزين سمعي بكرة بنطلع ندى مستغربة : وين نروح !! شذى : على اختياراكم ندى : انزين من بودينا ؟؟ شذى : يعني من اكيد سلمان ندى : وشنو المناسبة ؟ شذى : اووووف المحقق كونان .. بس نطلع نتونس نغير جو .. وبالاضافة عشان رجاء شوية تشم هوى .. المهم برزي روحج انتي ورجاء بنمركم بعد صلاة المغرب ندى : اوكي نبي الدانة ؟ شذى : شمعنى يعني ؟ ندى : لان السيف زحمة وخصوصا بكرة الجمعة يعني اجازة .. فخليه الدانة شوية اقل زحمة شذى : اوكي .. باي ندى : باي باي شذى اول ما كملت من تبليغ الخبر للكل .. ركضت فوق لأخوها عشان تخبره عن المكان والوقت طق طق طق سلمان وهو يجفف شعره : تفضلي شذى : هلوو سلمان ابتسم لها : هلوات شذى : شكلك توك سابح سلمان : أي شذى بمرح : اهاا نعيما سلمان : ينعم بحالج شذى : المهم ما أتاخر عليك .. قررنا انا والبنات ان احنا نبي نروح الدانة بعد صلاة المغرب سلمان : تم .. بكرة ان شاء الله على خير شذى : اوكي على خيرات .. يالله اخليك سلمان : في حفظ الي علينه ما تنام شذى ابتسم لأخوها بحنية وتوها بتطلع .. لكنها وقفت وراحت الى اخوها ولمته : مشكوووووووووور واااجد سلمان ضحك عليها : هههه العفو حاضرين للحلوين بس اول ما طلعت شذى من سلمان .. سلمان اخذ تلفون ودق على ..... ؟ سلمان : الووو ؟؟؟ سلمان : بخير وانت شخبارك ؟ ؟؟؟ سلمان : الحمد الله .. المهم اخبرك بكرة موعدنا في الدانة بعد صلاة المغرب ؟؟؟ سلمان : ولو حاضرين للغالين .. يالله اخليك مع السلامة همسات مزغردة أسمعها تتطاير من خلف ذلك الغصن ..وأسراب من الطيور الرائعة تحوم في الهواء الطلق .. وعلى أصوات تلك النغمات .. لم اتمكن من فتح عيني .. نعم .. لأنني اعلم ماهو قدري المحتوم .. آه .. حاولت ان ابكي بلا صوت .. ان اذرف الدموع فقط .. ولكن ما بقلبي اقوى من ذلك .. فاخذت ابكي وانوح .. وشهقاتي تتعالى .. اعذروني فما بقلبي شي بالغ القسوة و الألـــــــــــــــــم ندى قعدت على صوت غريب .. باعدت خصلات شعرها عن قسمات وجهها .. والتفت للصوت الغريب .. رجـــــــاء قامت من سريرها وتقدمت الى سرير رجاء وبهمس حنون : رجاء شفيج حبيبتي ؟؟ رجاء : ( مجرد شهقات ) ندى : رجاء قولي لي شفيج !! .. من دخلت عليج وانتي تصيحين وذابحة نفسج من الصياح .. خبريني شفيج .. مو انا صديقتج .. وبنت خالتج .. وكل شي .. يالله قولي لي ... ندى : رجاء حرام عليج الي تسوينه بنفسج .. خبريني شنو الي يصيحج .. !!! شي يعورج لا سمح الله .. قولي لي بلييييز ... ندى : اوكي بس انطقي .. قولي كلمة وحدة على الاقل .. لا تظلين ساكتة .. رجــــــــاء مو زين تصيحين في هالوقت ( وتطالع الساعة ) .. شوفي الساعة 6 توها .. يا ربيييييييي حملت نفسها ندى ونزلت تحت عشان تاخذ لرجاء ماي .. ولكن !! وقت نزولها من الدرج لفت انتباها ندى : من في حجرة وسام ؟؟؟ وتوجهت ندى الى غرفة وسام .. وقتها كانت لابسة بجامة وردية .. برمودة لونها وردية .. وفانيلا كت فيها صورة ميكي موس .. وشعرها منسدل على وجها .. يعني شكلها طفولي وملائكي .. ندى اول ما فتحت الباب شهقـــــــــــــــــــــ ــــــــــــــــــــــت الي داخل الروم شافها واستغرب وجودها ندى بخوف : منووو انت !!! شتسوي هنيي .. برررررع اطلع برررع لا اصارخ بسرررعة ........ تورط ما عرف شسوي : انزين لحظة خلينا نتفاهم ندى بعصبية وبخوف في نفس الوقت : على شنو نتفااااهم يالحراااامي .. قلت لك اطلللللللع بسرعة .. احمد ربك اني ما صرخت او اتصلت للشرطة يالله بسرررررعة برررررررررع ........ : لحظة سمعيني اختي ندى : تخلخلت حنوجك .. ( وبدت تصراخ ) خالللللللللللللتي في حراااامي خالللللللتي ..... تورط ما عرف يسوي راح لها ومسكها من بوزها : اووس سكتي فضحتيناااااا ندى وهي تحاول تصارخ وتتكلم : اه مامي خاتي رج سابورخ ....... : بس خلاص سكتي انا مو جاي ابوق مثل ما تتوقعين انتي هدي عشان اقدر افهمج شسالفة وندى لكن لحين مصرة وتتحرك بين يدينه بعصبية ........ : صدقيني انا اعرف اهل هالبيت .. بس انتي ما اعرفج لان شكلج مو اخت وسام .. يمكن من قرايبه بس انا اعععرف اهل هالبيت ندى لما سمعت اسم وسام عرفت انه فعلا مو حرامي .. وهدت شوية عن الحركات .. ولما شافها هدت شال يده عن بوزها .. وصارت ندى قباله .. ولما شافها بهذا الشكل .. نزل راسه ندى في بالها : شفيه هذا مجنون منزل راسه خله يفهمني شسالفة ومنو يكون وشنو يبي !!!! وبعدها هي نزلت راسها بعد هي الثانية وانصدمت بشكلها : مبييييييي شوف شنو لابسة قداه شنو بقول عني الرجال .. ( وبسرررررررعة تركض تطلع برى الحجرة ) الرجال ضحك عليها واخذ الشي الي يبيه ومشى عنها اما ندى .. فراحت الحجرة عشان تلبس الشيلة والعباية وهي تلبس : احيييين شنو بقول عني .. يا ربي شنو هالفشيلة .. شقالت .. قالت حراااامي اووف وهي تلبس متناسية سالفة صياح رجاء .. واول ما كملت مباشرة طلعت .. وتوجهت الى غرفة وسام .. وهي محمرة الوجنتين ندى مسغربة : وي .. وين ذلف ذي !!!!!!! وطلعت من حجرة وسام تطلع يمين ويسار .. وطالعت تحت .. ما في اثر له كلش .. اووووووووف مالت عليه مخلني البس وحالة وذلف .. روحة بلا رجعة ان شاء الله .. بس لحظة هذا شنو سالفته !!!! .. وبالاساس شنو مدخلنه بيت خالتي وبالذات حجرة وسام .. يا ربييييييييييي احين شلون بنام والفضول بيذبحني ما ادري هذا من وين طالع لي ( وفجاة تذكرت ) مبييييييي رجاء وبسرعة راحت المطبخ واخذت لها قلاص ماي .. وروحت فوق الحجرة .. والف سؤال يدور في بالها .. واول ما دخلت الحجرة لقت رجاء راقدة ندى : مالت على ابليس .. ومتعبة نفسي وحالة وآخر شي رقدت تركت القلاص على الكمدينو .. وطاحت على السرير تكمل رقادها بتعب . لم يكن نوما هنيئا .. وليس مريحا .. فالزمن فعل فعلته ورحل .. وبقيت وحيدة لا زوج .. ولا ابن .. وابنتة كلها شهور وتكون لغيري ام وسام : استغفر الله رب العالمين .. استغفر الله . حملت نفسها ام وسام وراحت الحمام ( وانتوا بكرامة ) .. شافت نفسها بالمراية وبدت تتكلم مع نفسها : آه يا ابو وسام .. رحلت ويتمت عيالك .. وخليت اسم الارملة يلاحقني من مكان الى ثاني .. رحلت ورحل ولدك بعدك .. ما خليت بنتك تتهنى بشبابها .. وهذي هي قدرها وانكتب .. آه .. الله يرحمك ويغمد روحك الجنة .. رجعت حجرتها .. ولبست لها شي على شعرها .. وقرت شوية قران .. عشان تهدي .. بعد ما كملت تنفست بارتياح .. ونزلت تحت تبرز الفطور .. نزلت المطبخ شافت الخدامة تنظف وترتب في المطبخ ابتسمت لها >> الحلو في ام وسام انها جدا طيبة مع الخدم ام وسام بابتسامة حنون : صباح الخير بيبي بيبي ترد عليها الابتسامة : صباه النور ماما ام وسام وهي تفتح الثلاجة : من متى قاعدة ؟ بيبي : انا يقعد الساعة سبعة ونص ام وسام : وليش قاعدة من الصبح .. ما في شغل ولا شي بيبي : انا ما في يجي انا نوم اكتر .. لان ينوم بدري واجد ماما ام وسام وهي تطلع الزيتون من الثلاجة : زين .. نوم العوافي .. عطيني صحن بيبي : جين ماما ام وسام .. برزت صحن الزيتون والجبن .. والسندويج الي معتادة بيبي تجيبه من الساعة سبع ام وسام وهي قاعدة على الكرسي وتقص السندويج : بيبي الساعة كم احين ؟ بيبي وهي تشوف الساعة : احين ماما تسعة ونص ام وسام : يعني في وقت بيبي : ليش ماما في شي يبي يسوي انتي ؟ ام وسام : لا بس كنت بشوف البنات .. الساعة 10 بروح لهم اشوفهم بيبي وهي مترددة : ماما ام وسام : خير بيبي بيبي : اممم رجاء شنو فيه ماما ؟ ام وسام وهي تتنهد : آه شقولج بس يا بيبي ولو قلت لج ما بتفهميني بيبي : لا انا فيه يفهم .. من يموت بابا ابو وسام الله يرهمو .. وانا كل يشوف رجاء ساكت .. انا خوف لان رجاء وازد يحب بابا ام وسام : ان شاء الله خير يا بيبي ان شاء الله خير بيبي : ووسام انا ما يشوف من زمان .. وين فيه يروه ؟ ام وسام وهي تبتسم لتخفي وراها شلال من الدموع : ما ادري يا بيبي .. علمي علمج في بيت ابو فراس .. وخصوصا في غرفة فراس فراس كان راقد بتعب وبعذاب .. حتى الواقع يزوره بالحلم قعد بخوف وبفزعة وهو يغالب عبرته : بسم الله الرحمن الرحيم .. اعوذ بالله من الشيطان الرجيم .. شنو هالحلم .. اعوذ بالله .. اعوذ بالله ورد نزل راسه على الموسدة بتعب وهو يلعن الحياة ويسب ويشتم فيها : ليـــــــش شـــــــنو ســـــــويت بحـــــــياتي عـــــــشان اتـــــــعاقب بهـــــــذي الطريقة .. أي اذنـــــــبت بلعبتـــــــي علـــــــى بنـــــــات النـــــــاس .. لـــــــكن !! مـــــــو جـــــــذي تعاقبنـــــــي يـــــــا ربـــــــي .. رجـــــــاء ليـــــــش ؟؟؟ ليـــــــش مـــــــو وحـــــــدة ثانيـــــــة ليـــــــش ؟؟؟ المشـــــــكلة انـــــــي مـــــــا اقـــــــدر اخـــــــونها لأنـــــــها بنـــــــت عمـــــــي !!! آه .. آه عـــــــلى حبك لمـــــــنال .. وحبـــــــها لك مد يده تحت الموسدة واخذ التلفون الي صار له اكثر من يومين مسكر .. فتحه .. الا مسجات ورى بعض تجيه .. قبل ما يفتحهم عرف انهم من منال .. تنهد وفتحهم ( ليت ) الفرح يطق على بابك ويرضيك ( ليت ) الحزن تايه عنك و ناسيك ( ليت ) الزمن دايم الدوم يهنيك ( ليت ) تذكر منهو بالخير يطريك .. !! ... القلب يا قلبي اذا غبت ناداك ،، والعين يا عيني رجاها تشوفك ،، والروح يا روحي عن البعد تنهاك ،، والنفس يا نفسي حياها وجودك ،، والعمر يا عمري ضايع بفرقاك ،، ( كلي على بعضي شنو اسوي بدونك ) فراسي .. احبك .. لا تنساني لو الزمن فرقنا وتذكر اني بظل انتظرك لو كنت بعيد الدار تذكرني لو بمسكول حتى اطمن عليك احبك تنهد فراس على دخلة اخته شوق شوق بابتسامة : صباح الخير فراس يرد عليها ابتسامة متالمة : صباح النور والسرور شوق : توك قاعد ؟ فراس : أي توني من شوية شوق : يالله قوم الفطور شوية ويبرز فراس وهو يترك التلفون متناسي طلب منال : يالله شوية وجاي وراج شوق : يالله اول ما طلعت شوق من غرفة فراس .. نزلت تحت الا امها وابوها على الطاولة شوق : صباح الخير ابو فراس وام فراس : صباح النور شوق وهي تبوس ابوها فوق راسه : شخبارك يبه ؟ ابو فراس : بخير يالغالية شوق وهي تلاوي على امها بمرح : واحلى ام بالدنيا شخبارها ؟ ام فراس وهي مبتسمة الى بنتها وتبوسها على خدها : بخير يا كل الخير ويا شمعة البيت شوق : ههههه دوووم يا رب يا اغلى ثنين بحياتي ام فراس : ها وين اخوج بيبرد الريوق شوق : احين جاي وراي وشوية الا ينزل فراس فراس : السلام عليكم الكل : وعليكم السلام ابو فراس يبتسم لولده بحنان : حيالله المعرس فراس بلع ريقه : الله يحييك يبة ام فراس : فديت وليدي .. الله يخليني واشوف عيالك يا رب شوق : وانا ؟ ام فراس : هههه وانتي بعد .. كم شوق عندنا ؟ شوق بمرح : وحدة ام فراس : واحلى وحدة ابو فراس : يالله بسم الله وبدوا ياكلون وكل واحد يفكر شنو جايه بالدرب فراس في نفسه : آه شكلها العايلة الكريمة كلها عرفت .. والاسوء ان محد يعرف انها وصية عمي غيري انا وابوي وشوق .. وعبالهم ماخذها لسواد عيونها .. ما يدرون ان مغصوب .. اوووف في بيت ام وسام ندى قعدت وبالها مشغول بالي شافته .. عبالها حلم اول ما قعدت .. ولكن لما شافت نفسها راقدة بعبايتها والشيلة حول رقبتها .. عرفت انه واقع ومجهوووول .. وشكل الصبي لحين متركز في بالها .. وصورته ملاحقتها .. وتبي تعرف حقيقته !! ندى وهي تبتسم لخالتها الى بروحها فوق طاولة الطعام : صباح الخير خالتي ام وسام : صباح الندى ندى ابتسم : شنو يسوي الحلو قاعد لحاله ؟ ام وسام : تنتظر الوردتين يقعدون ندى : هههه ليش ما جيتي تقعدينا ؟ ام وسام : قلت بجيكم الساعة عشر ندى وهي تشوف الساعة : لكن احين الساعة عشر ونص ام وسام : نسيت نفسي .. الا ما قعدت رجاء ؟ ندى وهي تفكر تقولها عن صياحها او لا ام وسام : وين سرح الحلو ندى : هههه لا ما سرحت مكان .. بس رجاء لحين ما قعدت ام وسام : ااهااا خليها على راحتها .. يالله سمي ندى : بسم الله طلعت لها جينس مزخرف بالوردي .. وبدي كت لونه وردي .. وقميص نص كم خفيف .. لونه مايل للبحري ( يعني مثل لون الجينس ) .. قصير نص الظهر .. وبعدها راحت لكبت الشنط .. واختارت لها شنطة وردية فرو بنوتية .. ابتسمت لها شافت الشنطة .. هذي من رجاء قبل ما ترجع البحرين يوم عيد ميلادها دازتنها لها هدية .. وبعدين شافت لها شيلة سودة عادية حرير .. وقامت تنادي من غرفتها شذى : ويناااااااااااااااا .. ويناااااااااا سلمان وهو يركب الدرج : يالله صباح خير .. شفيج تصارخين ؟؟؟ شذى بدلع : وين وينا ؟؟ سلمان : وانا شدراني ؟؟؟ شذى : حبيبي سلمان ( حطت في يده الشيلة ) عطها وينا تكويها لي .. وقولها تقولج شذى لا تنسين تسوين عود .. لاني بطلع المغرب .. بروح الدانة .. يالله باااي باخذ لي شور سلمان وهو يبوس يده : الحمد الله والشكر .. البنت خرفت ما تسوى علينا هالطلعة ورد نزل مرة ثانية عشان يلبي طلبات الفلانة >> شذى هههه شذى .. من طبعها اذا بتروح مكان تحب تبرز كل شي لو قبل بيوم .. لانها تموت بشي اسمه طلعات وشوبنق .. بنت ما تلام شذى راحت عند الكمدينو وطالعت وجها بالمنظرة : يا حلاوتي ناعمة .. بحط لي بس سمركيك خفيف .. وكحل وكلوز .. ما بحط لي شدو .. عشان اكون ناعمة .. الااااي متى يجي المغرب .. من زمان ما طلعت . وبعدها راحت كبتها طلعت لها بدلة عادية حق تقعد فيها بالبيت بس .. ومباشرة راحت الحمام تاخذ لها شور . في ذلك البيت الصغير .. المليء بالرومانسية والحنان اسراء : محمود ممكن بعد الفطور ابي اروح ازور اهلي .. من زمان عنهم محمود : اكيد اليوم يومج ويوم اهلج اسراء ابتسمت له بحنية : خلاص بدق على امي بقولها تحسبني وتحسبك بالغذى محمود : لا عمري ما يحتاج تحسبني .. انا بروح ازور الوالدة .. ومرة وحدة اتغذى معاهم اسراء : براحتك حبيبي (وهي ترفع التلفون وتضرب الرقم ) ام فراس : يا هلا ومرحبا اسراء : هلا بام فراس يالغالية ام فراس : هلا بحبيبتي .. شخبارج يالغالية ؟ اسراء : انا بخير الحمد الله ام فراس : وشحال محمود عساه مرتاح ؟ اسراء وهي تناظر محمود : الحمد الله كلنا بخير .. اسال عنكم ام فراس : سالت عنج الصحة والعافية .. احنا عايشين بخير ونعمة يا بنتي الغالية اسراء : يمة اليوم انا بجيكم حسبوني بالغذى ( وشوية ويدق الجرس ) ام فراس : الخير واجد يا بنيتي حياج يالغالية اسراء ونظراتها تتباع زوجها الي رايح يشوف من على الباب : على خير عجل يمة .. اشوفكم بعدين سلمي لي على الوالد وشوق وفراس ام فراس : يوصل حبيبتي .. مع السلامة اسراء : مع السلامة اسراء وهي تكلم محمود : من على الباب ؟ محمود : قومي لبسي لج شي .. هذا احمد اسراء : ابو قاسم .. حياه حياه البيت بيته ( وراحت فوق تاخذ لها شي تحطه على راسها ) محمود : حياك تفضل يالقاطع احمد : هههه الله يحييك .. شخباركم ؟ محمود : والله الحمد الله بخير ربي يسلمك .. وانت بشر ؟ احمد : الحمد الله .. بس تعرف هذي اول سنة لي من تخرجت .. وقاعد ادور لي على شغلة محمود : شهادتك واجد زينة .. تجيب لك شغلة زينة احمد : عاد وين تعبت وانا ادور محمود : اصبر ياخي .. ما صار لنا الا اسبوع مبلشين الدوام .. اصبر الصبر زين الا بنزلة اسراء والابتسامة على ملامح وجها : هلا يالغالي هلا احمد بخفة : هلا بالنحيسة هلا اسراء : اول شي انا مو نحيسة .. ثاني شي شخبارك لك وحشة يالدب احمد يقلدها : اول شي انا مو دب .. ( ويوقف ) شوفيني رشيق شحلاتي .. وثاني شي انا بخير ههههه اسراء ومحمود : ههههههه محمود : ما تجوز عن سوالفك .. الا شخبار الوالدة ؟ احمد : الحمد الله .. الوالدة عايشة بخير وعافية محمود : يالله رايح لها بعد شوية احمد : الغذى معانا ؟ محمود : أي انا بس .. واسراء بتروح بيت ابوها احمد بدون ما يلتفت على نفسه : سلمي على الكل وعلى شذى بعد اسراء ابتسمت له بحنية وفي قلبها ( هالصبي قلبه شفاف يبين من يحب ومن يعز ) : الله يسلمك من الشر احمد : وعلـــــــــــة .. ما تقومين تضيفيني .. صدق ما تعرفين اصول اكرام الضيف اسراء تضحك عليه : هههه افا عليك آمر تدلل احمد وهو يحط رجول على رجول : احم احم .. بغيت عصير مانجو فرررررررش اسراء وهي حاملة نفسها متوجهة للمطبخ : ابشر كم احمد عندنا احمد : واحد ادري قبل ما تقولين هههه اسراء ضحكت عليه احمد : الا قولي ازيك بعد يا خيي محمود يضحك هههه : تمام عال العال احمد بخفة دم : سبحانه الله شلون جدي .. انا بعد تصدق محمود يضحك وياخذ قوطي الكليس ويبي يقطه عليه : مالللت عليه تتمسخر حضرتك هههه احمد وهو يغطي نفسه بالموسدة الي جنبه : لا تضرب انا ما ضربت محمود : هههههه ذكرتني بطفولتنا احمد : الااااي عجيبة ذيك الايام محمود : ههههههه خصوصا بعبارتك هذي ذكرتني لما كنا راجعين من المدرسة يوم النتايج يوم النتايج احمد وقتها كان في الثاني الابتدائي .. ومحمود صف اول اعدادي يعني مرحلة جديدة وبتكون شوية اصعب محمود طلع من المدرسة شوية حزين احمد بصوت مثل الصواية : كم نسببببببببتك ؟؟؟ محمود : 93.88 احمد : ويووووووو امي وابوي بزفونك هههههههه محمود وهو رافع يده : احين بجيك كف على هالوجه احمد وهي يغطي وجه بشهادته : لا تضرب انا ما ضربت احمد : هههههههه عجيبة ذيك الايام الا بدخلة اسراء : ضحكوني معاكم محمود : حياج .. نتذكر ايام الطفولة اسراء : ههههه احلى مرحلة يعني وفي شقة بدر بدر في التلفون : وانت حضرتك متى ناوي ترجع ؟ وسام : الي فوقك وحده العالم .. ويمكن ما ارجع .. ولو رجعت انسان ثاني بدر : بدون هالاسلوب وهالالغاز الي مامنها فايدة ولا شي .. وارجع اهلك محتاجين لك وسام : بدر خلني على راحتي بدر : وشوو اخليك على راحتك .. هي لعبة .. لا تصير جاهل وارجع احسن لك وسام : خلني فترة بعيد بدر : اسمع لك فترة معينة وان ما رجعت .. لا انا اخوك ولا اعرفك ولا تعرفني وسام وهو يتنهد : لا تزيد علي هموم وانا الي فيني كافيني بدر : شوف مصايب الناس تهون عليك مصيبتك يا اخوي وسام : ربك كريم .. يالله سلامي للجميع ..مع السلامة بدر : الله يهديك .. مع السلامة آه يا وسام .. لو شفت حالتي ومصايبي .. كنت حمدت ربك .. الي مريت فيه مو شوية .. تعبت صح .. ولكني صبرت وقلت انتظر واقول .. ما اجمل يوما لم نعشه بعد .. ويمكن القدر مخفي لي شي حلو .. احلى من الي مضى .. والنعم يالله .. والشكر له والحمد استقلت الشمس في كبد السماء .. ونشرت اشتعتها الحارة .. في شهر صيفي مثل شهر سبتمبر .. لم يحدث ما يلفت الانتظار .. فالاجواء هادئة .. ولكن !! .. متى سوف تهب الرياح !!! الساعة اربع .. كملت ندى احلى قعدة مع خالتها .. فيهاا تمت المصارحة والمناقشة .. والتفكير والتوقعات للمستقبل .. والتمني والاحلام ندى وهي تفتح باب حجرة رجاء بابتسامة مشرقة .. وزادت اكثر لما شافت رجاء فوق السرير وبيدها ورقة .. فيها كلام بس من بعيد ما قدرت تقراه ندى بمرح : صح النوووم .. يا ام النوم رجاء لما سمعت صوتها سكرت الورقة ودخلتها داخل شنطتها : هلا ندى بابتسامة امل : متى قعدتي ؟ رجاء : 2 ندى : وليش ما نزلتي رجاء : مالي زاغر ندى : انزين ترى بنروح الدانة بعد صلاة المغرب .. انا وانتي وشوق وشذى رجاء : ما بروح ندى : يالله رجاء بلا دلع رجاء : مالي نفس مجمعات .. بقعد هني انتظرهم ندى باستغراب : تنتظرين من !! رجاء : اذا قلت بتقولون مجنونة .. فاسكت احسن ندى ومو حابة تتناقش في هالموضوع : هذا مو موضوعنا .. واذا ما جيتي معانا انا ما بروح رجاء : اووووووووف .. اوكي بجي ندى : غصب عنج .. يالله قومي برزي لج شي عشان تلبسينه رجاء وهي قايمة .. رايحة عند دريشة حجرتها وتناظر برة : بعدين ندى بابتسامة : براحتج .. انا احين بروح البيت عشان اتبرز رجاء وهي تناظر الشمس بنظرة غريبة : اخذي من عندي ندى : عيب علي انا اختار قبلج رجاء وهي تناظر ندى بنظرة غضب : صايرة مليقة ندى اخذتها بروح رياضية : هااا نبرز لنا او اروح البيت ؟ رجاء : انزييين يالله في بيت ابو فراس ام فراس .. وشوق واسراء متجمعين بالصالة اسراء : عجل طلع فراس مو سهل حاط عينه على رجاء واحنا ما ندري ام فراس : فديت وليدي .. الله يهنيه شوق ما قدرت تقعد اكثر وتخفي خلف نظراتها حقيقة مرة : يالله انا بروح فوق اسراء : وين بتروحين وبتخليني .. مالت عليج من مدة ما جيت البيت واحين تخليني شوق : سووري .. بس وراي طلعة بزهب نفسي اسراء : خيااااانة .. شنو بتطلعين وانا جاية ليش عجل ؟؟ شوق : انزين تعالي معانا ؟ اسراء : طلعات آنسات .. اني صرت سيدة لازم اطلع مع سيدات شوق : الله والسيدة اشوفج صكيتي الاربعين .. بلا هرار ويالله قومي لا تفوتج الطلعة .. بتصير عجيبة اسراء : ادري بوجودي اذا جيت معاكم .. بس قولي وين بتروحون ؟ شوق : بنروح الدانة شوية نغير جو اسراء : من بوديكم ؟ شوق : سلمان بودينا .. انا وشذى وندى ورجاء اسراء : كشخة بجي معاكم شوق : حياج .. ها بتجين معاي الروم اسراء : أي يالله ام فراس : يالله عجل انا استاذن بعد .. بزور الجيران واتفقد اخبارهم اسراء وهي تبوس امها : فديتج ماماي سوري ام فراس : سوري !! .. شنو هالكلام بعد .. روحي روحي فوق شوق وهي تمسك يد اسراء وتاخذها معاها فوق : تعالي تعالي اسراء : اوكي بس لا تخليني اركض مثل الجهال .. صرت عودة شوق وهي تفتح باب حجرتها : كلش عاد اسراء : بدلتي مملة .. لابسة لي جلابية .. لان ما ادري بتطلعون شوق : اخذي من ثيابي اسراء : ما ادري .. يمكن اتصل على محمود يجيني اغير هدومي وارجع شوق : حشى عشان ثياب تمللين الرجال اسراء : الا تعالي .. اصلا لازم يجيني لان السيارة ما بتكفي شوق : أي صح اسراء : بنزل تحت باخذ نقالي .. عشان ادق عليه شوق وهي تشوف الساعة : احين الساعة 4 ونص .. بعد الصلاة احنا بنمشي اسراء : اوكي يكفيني الوقت .. يالله اخليج شوق : اوكي سي يو وفي بيت ام محمود محمود : الوالدة شكلها مطولة احمد : قعدة عجايز شنو تبي منهم هههههه محمود : عجل شنو يقعدنا هني .. قوم شوية نتنفس هوى احمد : يالله مشينا ( ووقت طلعتهم يرن تلفون محمود ) محمود : هلا بغلا العين هلا اسراء بدلع : هلا حبيبي محمود : وحشني هالصوت احمد يدش عرض : وزززززززززز توك معاها محمود الى احمد : انجعم ( ويكمل مع اسراء ) : آمريني يالغلا اسراء : ههه شفيه اخوك يتحلطم محمود : خليه عنج آمري اسراء : ابيك تمر علي .. بروح ابدل ثيابي .. وابيك تجي معاي الدانة .. هناك بروحون الاهل محمود : تم ابشري اسراء بخجل : تسلم .. باي محمود : باي محمود : يالله اخليك .. بروح للمدام احمد : شنووووووووووو .. والطلعة !!! محمود : طلبات الحكومة اوامر احمد : لا يا عيوني وراك وراك .. ما يهمني محمود : هههههه حياك .. الاهل بطلعون احمد : أي يعني ما فيها شي يالله جدامي والله محمود : ههههه الله يغربل ابليسك الكل برز .. وتكشخ .. طلعة من بعد حزن .. شي جديد بالنسبة لهم .. الكل على آخر كشخته .. ما عدى رجاء بسيطة .. بسبب الي فيها .. ولان حياتها بسيطة سلمان وشذى قدام .. وورى رجاء وشوق وندى رجاء تناظر من دريشة السيارة وتشوف العالم كتلة من الالغاز ما تعرف حلها شوق سرحانة بحبها الي تقول عنه انتهى .. ولكن !! ندى قاعدة وسطهم ومرتبشة .. ليش اونه ورة وشذى كل قدام >> برائة ههه في السيارة الثانية فيه سلمان ومحمود قدام .. واسراء ورى .. وكان الجو احلى بسبب روح المرح بين بعضهم لما وصلوا الدانة .. فوق النص ساعة وهم يحاولون يدورون لهم طاولة يقعدون فيها .. حصلوا طاولة وحدة وفيها اربعة كراسي بس رجاء وشذى وشوق واسراء قعدوا .. وندى مرتبشة ليش يخلونها واقفة ندى : اووووووف تعبت اني من الوقفة .. وحدة منكم تقوم وتتبرع لي اقعد ( الكل سكوت ) ندى : مالت عليكم ما منكم فايدة ولا شي ندى : انا بروح اطلب لي عشى شذى وشوق مع بعض : بنجي معاج ندى : احين .. يالله ارزوا مكانكم ( وهي تحمل شنطتها ) بشرط تجون معاي بعدين اقعد انا على الكرسي شوق : اوكي شذى : انتي قلتي اوكي مالي شغل ما بقوم انا من على الكرسي شوق : اووف اوكي ندى : يالله بروح يم يم تري بطلب لي باستا .. رجاء شنو تبين ؟ رجاء : مثلج ندى : واسراء ؟ اسراء : بعدين بروح مع محمود وبطلب ندى : براحتج يالله مشينا ومن صوب ثاني الشباب يدورون طاولة غير .. ولما حصلوا دق محمود على اسراء محمود : قومي وقفي حصلنا طاولة غير اسراء : وين ما اشوف شي محمود وهو يرفع يده ويحركها : هااا شفتيني ؟؟ اسراء : أي أي شفتك محمود : يالله تعالي عشان تقعدين فوق الكرسي .. على ما نجيب الطاولة والثلاث كراسي اسراء : اوكي جاية باي محمود : باي اسراء الى رجاء : رجاء دقايق بروح وبرجع رجاء هزت راسها بالرضى ولما راحت عنها اسراء رجاء فتحت شنطتها .. وطلعت الورقة نفسها الي كانت تقراها العصر .. وبدت تقرا فيها من جديد ......... : رجــــــــــــــاء !! رفعت راسها رجاء وشهقت نهاية الفصل الاول توقعاتكم : * شنو سر الموعد بين المتصل المجهول وسلمان ؟ * وندى ؟؟ من شافت من بيت خالتها ؟؟ ممكن تكون شخصية بتخترق قصتنا او ؟؟ وشنو اخذ من غرفة وسام ؟ * بدر ؟؟ شنو مخفي ورى شخصيته من اسرار ؟ * وسام بطلنا سمعنا صوته بس ما عرفنا مكانه ؟؟ وين يكون ؟ وشنو يدور براسه ؟ * رجاء وسر الورقة البيضة معاها ؟ * من الي شافت رجاء بالمجمع يا ترى ؟؟ ومــــــــــــــــتى ستـــــــــــكون البــــــــــــــــداية !! وللأيـــــــــــــام لقاء تحياتي