دلوعة الدلع

مستحيل شنو يطلعون مب اهلي والله اموووت ماتصور حياتي من غيرهم كلش لا بس الحمدلله واثقه ان اهما اهلي يمه جان مو هالثقه تطلع خرطي بس لالا انا اشبه الماما وااااااايد والكل يقول ان انا .....((اسمها)) الصغيره الله لايقوله ولا يطلع لي اهل غير انا افتخر ان ذيله اهلي فديتهم انا ...

كلمة آسف عمرهاا ماتنسي الانسان شنو الغلط اللي سواه اللي قاعد يعتذر صج ان مافي انسان مايغلط بس لازم ينتبه لتصرفاته لان يمكن ايأذي الطرف الثاني في لحظة غضبه فلازم يقدر يضبط روحه بس بعد بالنسبة لي كلمة آسف عمرها مافادتني في شي لاني اذا شلت في قلبي اشيل من قلب لاني ماقدر اتحمل احد جريب مني يجرحني واللي يجرحني مرة يقدر يعيدهاا الف مرة ومرة ...

بالنسبة لي بتحبين محد مانعج ياماما بس في حدود شهالينون اللي بيضرج في يوم يعني شفايدة انج حفرتيه بتبينين له شقد تحبينه يعني الحب مب حروف ورسم قلوب الحب مشاعر واحاسيس واحترام الواحد لازم يفهمهاا ويقدر يوصلها للطرف الثاني بطريقه صح مب بحفر حروف ويسلمووووووووو...

لماذا تحبين وضع المكياج؟ لان في مناسبات تحتاج انج تحطين بعد شلون تروحين مثل مانتي رايحه المدرسه ... هل الميكب امر ضروري في حياتك ولا يمكن الاستغناء عنه؟ لا مب ضروري لدرجه اني مقدر استغنى عنه ... هل يمكنكي الخروج من المنزل بدون وضع الميكب (حتى الكحل و lip gloss)؟ اي اكيد ليش لا دامني الحمدلله حلوة من ربي ...

انا مب ضعيفه ولا دبووه بس فيني جسم يعني مليانه شوي مب حابه اضعف ولا امتن خاطري احافظ ع جسمي شلوون؟؟!!

اين اساس المشكلة ؟؟ المشكله في الشباب من جافوا بنيه كأنهم ماجافوا خير شنو اول مرة يجوفونها والله شنو ... وكيف حلها ؟؟ الحل مثل ماالشباب يحبون يكشخون يحطون في بالهم البنت بعد تحب تكشخ حق روحها مب لازم عشان تعرض لكم كل شي حطيتوه ان احنا نحطه لكم من هم يعني والله حاله ... ومن السبب في هذه المعاكسات ؟؟ هم الشباب انا مانكر في بنات في هالزمن يسوون اشيا تلفت انظار الشباب ياكثرهم مب شويه بس الشباب لو البنيه لابسه دفة راس وتمشي في حالها ماخلوها ... وعلى من يقع اللوم الأكبر ؟؟ الفتاة ام الشاب !! الاثنين معاً الشاب عاد مايبي له كل مصدق عمره والبنيه كاشخه له ولغيره , والبنات ياكثرهم اللي يحطون ميك اب ويلبسون وووو حق يلفتون النظر بس بعد في بنات يحبون يكشخون لروحهم بعد مايبون يطلعون وحالتهم حاله صج الحلو الحلو بدون ميك اب وحاله بس بعد تحب البنيه تحط لها اشيا تتناسب مع المكان الا اهيا فيه والتخلف صاير في الشباب ان كل ماحطت بنيه شي قالوا تلفت انظارهم حمدلله والشكر ع كل حال دام الاهل راضين مايخص الناس فيهم وبس واتمنى انكم ماتنزعجون مني لان هذا رايي وحبيت اقوله ...

وي شنو يضمنهم ان مشاعرنا ماتتغير وان الحب حب يهال ومراهقه بالنسبه لي مب حلوة سالفة ان واحد يحجز له وحده من دون ماتدري لان انتوا شدراكم ماتحب واحد غير بعد اهيا مب مجبورة تحبه اهوا جيه بعد الحب بالغصب كل شي في وقته حلو اذا صج شاريهاا ايي لها بعدين ليش لا ...

هل فعلا اللي شخصيته ضعيفة مطلوب أكثر من اللي شخصيته قوية؟ لا, شنو هالخرابيط اذا وحده فكرت جذي فيها نقص لووول>>صارت دكتورة نفسيه لوول ... وشنو معنى قوي الشخصية وضعيف الشخصية؟ ؟ بالنسبة لي القوة والضعف تتطلب في مواقف بس مب حلو الواحد يستخدمهاا باشياء سلبيه بالعكس باشياء تفيده وتفيد من حولة ...

والله مدري عنهم بس بالنسة لي اقول عمري ليش لا((16سنه)) وافتخر بعد كل سنه اعيش سني باشياء تتناسب سني ويا حلات الصراحه ومب حلو تكونين فكره للناس انج ام ويهين خلج كوول لوووووووول ...

عزيزاتي هل تقبلن السكن في بيت عائلة زوجكـٍ ..؟؟ لا, لان اكثر الاحيان تصير مشاكل وانا ماحب ادش فيها عشان ماخسر زوجي ... ام تفضلن الاستقلاليه في بيت خاص لكـٍ ..؟؟ اكيد مب لازم بيت انشالله شقه صغيره ع قدنا ... وان كان زوجكـٍ وحيد والديه واكبر عائلته ..؟؟ ماذا ستفعلين ..؟؟ اي هني غير يعني البيت مافي احد غيرنا انا وهوا وعمي وعمتي لووول صاروا عمامي قبل لايصير شي لووووووووووووول ...

بالنسبة لي مب حلوة ان الوحده تحمل فترة الخطوبه ,لان هالفتره احلى لحظات حياتج عيشيها واستانسي هني حدج اشياء سطحيه مب حلوة تتعمقين يعني اذا سويتي كل شي في فترة الخطوبه شخليتي للعرس وشله سموها ليله الدخله انشالله ياماما صبروا شفيكم اول ماطلعون من الصاله مني يوم ثاني يايه ودبتج واصله الارض>>العن ابوو التشبية البليغ لووووول المهم الوحده حلاتها تضبط نفسها وتعرف شنو لها وشنو عليها وبس ...

وي الله لايقوله يمه شسوي والله ماعندي غير البجي بكبري مااندز بسرعه تنزل دمعتي بعد يصير لي جذي بس للمعلومه ماباخذ واحد الا اذا انا واثقه فيه كل الثقه لوووووووووول ...

انا احب اكون بروحي في حجرتي بس عمري ماترددت اني اكون في حضن الماما اهيا اكثر وحده احسها تفهمني حتى لو مابجيت تعرف ان في شي مضايقني فحلاتها تكون علاقة البنت مع امهاا علاقة صداقه مب علاقة ام في بنتها لأن اذا قدرتي اتخلينها رفيجتج تقدرين تقولين لها اللي فقلبج واهيا بعد مابتخش عنج شي لوووووول ...

1.ماهي ردة فعلك عندما يصارحك شاب بحبه لك؟ وي استحي مقدر لوووووول ... 2.ماهو رايك في الشاب اللي يلبس جينز( لو ويست) يعني جينز خصر نازل....؟ وي بكيفه بعد يبي يكشخ شعلي منه ... 3.هل يجذبك الشاب اللي راكب سيارة كشخه...؟ وي شدعوه مافتكر لااطالعه ولا اطالع غيره علي من نفسي وبس ... 4. اذا شفتي شخصية مشهورة وانتي معجبة في هاذي الشخص المشهور .. شنو راح اتسوييين؟ وي ولا شي بطالعه وانا مستغربه بس مابسوي حركات الينون ويصدق عمره بعدين لوووووول ... 5. اذا كنتي معجبة في شخص.. كيف ممكن اتفسرين له حبك؟ وي اخر عمري بعد اروح انا واقط عمري عليه عشتو لووووول ...>>مصدقه عمرهااا ميووووو .... 6.هل يجذبك الشاب الخجول؟ انا ماطالع بس لي عرفت ان هالانسان خجول وسألوني عنه اكيد بيجذبني لان حلاته خجول مب خريش لووول ... 7.ما رأيك في البنت اللي اتكلم اولاد؟ وي اولاد بعد مب واحد بكيفها اهيا وضميرهاا ... 8. اذا تقدم لخطبتك شاب من دول الخليج.. هل اتوافقين؟ وي برا يعني اكيد لالا مااتخطي حدود البحرين لووول ... 9.ما رايك في طريقة الزواج التقليدية؟ يعني خطبة عن طريق الاهل..؟ وعييييع مب حلوة ولا فن ماتحسين انج مسويه شي تبينه ... 10. هل ممكن ان تدخلي في علاقه قبل الزواج؟ اي ليش لا بس اكيد تكون علاقه فيها خط احمر بيني وبين الطرف الثاني ...

هل تقبلين الخروج مع شاب تعرفتي عليه من النت او التلفون؟؟وهل تعتقدين بان هالعلاقه راح تتوج بالزواج؟؟ انا مب معارضة فكرة الحب بالعكس الحب شي حلوو بس ان طريقة التعارف بالنت والجات والفون كلش مب حلوة حلو ان تكون بداية الحب بداية حلوة مب اي شي وبالنسبه لي لو فكرت احب عمري ماراح افكر ان اطلع معاه لان الطلعه تتدرج لاشياء وايده مب زينه وانتوا فاهمين قصدي فالوحده تحب بس باعتدال مب حلوو تشوه فكرة الحب في نظر الناس فلازم تخاف مو بس ع سمعتها سمعة اهلهاا ويسلمووو ....

ايخسي شنو عنده بنات في الماسن لو الفون جيه مب ماليه عنونه انا اسواهم واطيحهم بعد شنو ذي والله لو يسويها فيني اذبحهم وبعدين اذبحه لوووووووووووووووووووووووووول ...

هل انت ضد ؟؟ ام مع ؟؟ ((( التشديد على البنات))) مع ذكر السببب مع اكيد بس في حدوود , يعني مب كل شي يمنعوننها منه يكونون في اعتدال لان اللي عندهم حريه من عند اهلهم جوفوا شيسون مايخلون شي مايسوونه ومساكين اهلهم ياغافل لكم الله مب كلهم يعني ثلاثة ارباعهم لوووووووول هذا رايي اكيد سيوووووووو ...

وي ايخسي اطبخ له ليلة الدخله جيه بعد شجايفني لعبة عنده يسوي فيها اللي يبي يحترمني غصب عنه بعد شنو لعبة يهال يوم اهوا مب مسؤل ومايقدر يتحرمني شله ياي ومتزوجني اما صج يعني شباب هلايام ينخاف منهم ...

في اصدقاء اوفياء صح نادر وجودهم بس موجودين وع الانسان شلون يختار صديقه الحلو انج تعيشين معاهاا كل ايامج بفرح وينون وصرقعه ولا تفكرين ان في يوم بتروح عنج مردج انتي بعد بتروحين فعيشي يومج ولا تفكرين في باجر شبيصير هذي كتبت الله وقدره ولازم نرضى فيهاا والله يرحم كل المؤمنين والمؤمنات ...

هل تفضلين الزوج صاحب المال والثراء ام الزوج صاحب الحب والحنان حتى ولو كان فقيرا ؟؟؟ صاحب الحب والحنان حتى ولو كان فقيرا , اكيد مايبي لها سؤال بالنسبه لي ان هالشخص افضل بوايد من الغني لان ياكثرهم اللي عندهم مال قارون ومب مستانسين مب كلهم بس اكثريتهم مب مرتاحين فالحمدلله ع كل شي لازم يكون الانسان قنوع وفي نفس الوقت طموح ...

وعييييييييع فكرة ان الشاي يرقم بنيه غلط شلون بعد بنيه ترقم الشاب شنو ذي مايخافون ع عمرهم وراهم مستقبل يشوهون سمعتهم وفي شي احسن من السمعه الله يهديهم ...

وي حمدلله والشكر باين من اولها عيل ان ماكان يحبهاا شنو يعني اذا شكلها مب حلوو يعني ماتنحب صج تخلف الجمال صج جمال الروح والاخلاق شفايدة الجمال بدون اخلااق الله يخلف عليه ...

اقبله ليش لا جيه مو انسان حاله حال الاوادم له حق يتزوج بالنسبه لي معاشه آخر همي اهم شي اهوا شنو يتمتع من اخلاق يكون حنون عليّ يصوني هالاشياء اهم من المعاش واذا عليه انا بساعده لان الحياة الزوجيه مساعده صح والله لا؟؟!!! ويسلمووووووووو ع المووضووووووع ...

1. عضو تحس انك ظلمته وتتمنى يسامحك؟ والله ماعرف احد توني يديده... 2. 2. عضو تحس انه ظلمك وزعلان منه؟ محد لووول ... 3. عضو بدونه المنتدى ما له طعم؟ مدري لوووول ... 4. عضو تتمنى تشوفه؟ بعد مدري لووووووول ... 5. عضو تتنمى يصير مشرف؟ مدري ... 6. عضو يقرب لك بالمنتدى؟ يعني من العائلة نو بدي ... 7. عضو تتنمى تعرف اسمه الحقيقي؟ محد لوووووول ... 8. عضو تحس انه مغرور ؟ وي مدري بعدين بحكم لووووووول ... 9. عضو تحبه وما تقدر تقوله ؟ وي بعد محد ... 10. عضو مرح ويحب المزح؟ مدري جاري البحث لوووول ... 11. عضو جاد اكثر من الازم؟ اي دونت نو ... 12. عضو تعتقد انه ما يطيقك؟ وي يمكن كل ابو المنتدى مايطيقني ... 13. عضو انت ما تطيقه؟ وليش ؟ محد ... 14. عضو تفرح لما تشوف مواضيعه؟ كلهم ... 15. عضو محترم وغصب عنك تحترمه؟ وي الاحترام عندي للكل بس لين واحد ماحترمني مابتحرمه لوووووول ... سؤال اخير اريد اجابة صريحة هل الاجابات التي اجبتها صريحة ام لملأ الاسطر ؟ وي اكيد صريحه طالعه عليّ اللي فقلبي ع الساني ... ويسلموووووووو ع الموووضووع الحلووو ...

كالشكل كلش مايهمني يهمني داخله شنوو ابيه انسان خلوق ومخلص وصادق معاي مثل ماهوا صادق مع نفسه خجول طيب حنوون يكون لي الحبيب والزوج والصديق والاخوو والام والابوو والله يعطيني ع قد نيتي انشالله في المستقبل ...