فرسان البحرين

السلام عليكم تسلمون اخواني واخواتي على المرور و التعليق اخوي بلبول انه ما حددت بوجه التحديد ان الفنان عادل محمود محتكر انه قلت معظم وليس الكل وهنالك فرق بين المعظم و الكل يعني لاحظ انت الكثير من الفنانين مايحبون الا قصايد حبيني واحبج واذا كلمته يقول ان الجمهور اللي يبي جذي ليش ما انت كفنان ترتقي باختيار القصايد و الالحان يعني بدال ما تاخذ قصيده عاديه معانيها مستهلكه اخذ قصيده عدله ولا شكله يبيلهم اعاده برمجه لذائقتهم و السموحه على الاطاله وتحياتي للجميع فرسان

السلام عليكم شخباركم عساكم بخير حبيت اصافحكم بقصيدتي واتمنى ان تنال رضاكم :::::::::::::::::::::::: جيت بنسف لك جميع الحب من اعماقي عيّا قلبي ينسفه ماطاوعت ايديّه انتي غرامي و الفرح واشواقي صورتك موجودة في ذا القفص اهنيّه كل ما اذكرك تدمع يالغلا اوراقي ثم يحن ذاك المكان اللي جمعنا فيّه اشهد ان الشهد منك يغار بين اذواقي يلي وصفك اصفى من وجه القمر في ضيّه انتي يا رمان يا خوخ بطعم راقي ياشهد عمري وكل اشواقي المخفيّه في جفاك الشمس ما تشرق على احداقي ثم اصير اليوم كني ورده منسيّه وذا الكلام بكل حرف به يجي مصداقي و الشعور اللي كتبته صدق ميّه ميّه قالها فرسان لك يا مذهله اعماقي عيا قلبي ينسفك ماطاوعته ايديّه :::::::::::::::::::::::: كلمات : فرسان البحرين ودمتم سالمين فرسان

السلام عليكم شخباركم عساكم بخير سؤال لكل الفنانين و المطربين ليش محتكرين شعراء معينين في الاغاني وما تنوعون في الشعراء لان صاير الفنان مثل ماهو مافي تطور بسبب ان اهو مختار بس كمن شاعر يعني الكلمات تتغير بس مثل ما اهو النفس يعني من اول شطرين عرفت الشاعر لان هاي اسلوبه يغير الخارج و المحتوى نفسه و السموحه على الاطاله مع تحياتي القلبيه فرسان البحرين

السلام عليكم شخباركم عساكم بخير سؤال لكل الفنانين و المطربين ليش محتكرين شعراء معينين في الاغاني وما تنوعون في الشعراء لان صاير الفنان مثل ماهو مافي تطور بسبب ان اهو مختار بس كمن شاعر يعني الكلمات تتغير بس مثل ما اهو النفس يعني من اول شطرين عرفت الشاعر لان هاي اسلوبه يغير الخارج و المحتوى نفسه و السموحه على الاطاله مع تحياتي القلبيه فرسان البحرين