هااي ..
يمكن مشكلتي ماراح تهم احد ويمكن محد يقدر يساعدني ..
بس في احد بهالحقارة ؟؟
وهاي السالفة ::
اول ماسمعت عنه ان اهوة واحد طيب وحنون ومايجذي زمايخون وووو ......(الخ) المهم .. اتصلت فيني ..... قالت لي انه هالواحد يبي يتعرف عليج وانه يمكن كنت في لحظة كان الشيطان يلعب بافكاري ,, فقلت لها اوكي ,, عطته رقمي واتصل فيني كان واحد مؤدب جنه مافي احد مثله في هالدنيا ،، فقام يكلمني عن روحه ويقول انه جذي .......(تعرفون الباقي) .. وصارت على علاقتنا اسبوعين او اكثر قال لي بصارحج في شي (انه احبج بس انه استغربت وكنت متخرعة انه في واحد يقول لي هالكلمة) المهم وفي نفس المكالمة قلت له انه بعد احبك (طبعا كنت ياهلة وماكنت افكر)
وكان متحكم فيني وااايد بدرجة كانت اتيي ايام مايخليني اطلع من البيت كلش ماكان يرضى وانه كنت اسمع كلامه..
وفي الاسبوع ثلاث مرات كنه نهد بعض بس كنه نرجع حق بعض ,, و العلاقة كانت صايرة لعبة في ايادينا (لعب يهال) ..عقب جم شهر تخرجت من المدرسة بس ماكنت وياه على علاقة كنه هادين بعض (حق فترة مؤقتة) اول مادرى اني تخرجت اتصل فيني يبي يرجع وانه وافقت ,, وتمت وياه له قبل بداية المدرسة (2007) ردينا هدينا بعض (وهاي كانت حالتنا نهد ونرجع) ..
وعقب ماكلمته عشان مايعرف وين بادرس ,, وثاني اسبوع حق الدراسة في (......) اتصل لي قال مايقدر يفترق عني وكانت معاي رفيجتي (الشيطان الاكبر) واهية تصير له بس انه ماكنت ادري ،، يات نصحتني تقول هديه هاي واحد مايستاهلج انتي طبية وقلبج ابيض ووووو... (بس انه ماسمعت كلامها) وعقب ايام سويت بينا مشكلة خلت هالمشكلة توصل له عند امي (مسكينة) راحت شوشته علي وقالت له ان انه اكلم اصبيان غيره واهوة وااحد متهور ومغرور وجايف في عمره واايد .. قال لي انه اصدق رفيجتج واجذب(اشكره قالها)وبتجوفين اللي بييج مني ،، انه مااهتميت .. وعقب هالتهديد بيومين انه كنت في (....) امي اتصلت فيني قالت لي انتي وينج ؟ قلت لها انه في (.....) قالت لي انتي تجذبين تبين تطلعين وية وااحد قلت لها ماما اشلون اطلع وانه عيال خالتي معاي في نفس المكان) قلت لها يمكن وااحد متسبب يبي يسوي مشاكل !! بس ماهتمت حق السالفة ونست ..
ورد اتصل فيني عقب ايام قال لي والله ماكان قصدي رفيجتج كانت تشوشني عشان اهية تصير معاي وانه رحت صدقته !! وغيرت رقمي عشان بس اكون معاه .. ومرت الايام رديت طحت في مشاكل معاه !! الى اليوم طحت في مشكلة معاه !! مادري شسوي ..
ادري ازعجتكم بمشكلتي وفي واايد كلام .. سوووري عالازعاج !!