Jump to content
منتدى البحرين اليوم

أسيرة الورد

الاعضاء الفعالين
  • مشاركات

    428
  • انضم

  • آخر زيارة

Everything posted by أسيرة الورد

  1. أسرارفهد،، وسط الدجى عشقت بدر ما هو لغز ،، لالا ،، هي قصة واقعية،احداثها حقيقية ، الأسامي خيالية لكن الأحاسيس صادقة و أتمنى تعجبكم من تأليفي الخاص ، أقصد أسلوبي الخاص هع أسيرة الورد أحداث القصة صارت ما بين البحرين و الإمارات نبتدي بسم الله أسرار بنت عمرها 20 ، حنطاوية جميلة و الكل يشهد بأخلاقها و طيبتها ، تدرس طب في الجامعة الايرلندية ببعثة ،أبوها متوفي و عايشة في مدبنة عيسى مع أمها و أخوانها في بيت زوج أمها ، حالتهم متوسطة و أبوها المتوفي من عايلة معروفة بس هي مبتعدة عن أهل أبوها وايد لأنها تيتمت من صغرها فهد عمره 19 سنة أبيض طويل ، أخلاقه عالية و طبعه طبع البدو يدرس حقوق بجامعة البحرين و عايش في محرق مع أهله بدر عمره 19 سنة حنطاوي طويل جسمه مفصل بو عضلات يعني وولد بدو بعد ، حياته أمه ،و أبوه متوفي ،يدرس إعلام بجامعة البحرين ، صاحب فهد الروح بالروح و أخوان ف الله من أيام الاعدادي ما يفترقون ابد و جيران يعني بعد عايش في محرق ويا أمه و خواته الصغار القصة بدت في الفيس بوك كان فهد دايم يحط بوستات هادفة و منها اجتماعي و اسلامي و أسرار فاتحة لها قروب و بسبب دراستها ما كانت تقدر تتواجد كل يوم المهم فهد ضافها و قبلت الاضافة فهد كان وايد محترم و يتكلم بأسلوب و أخلاق الكل بيقول ف الفيس بوك لازم الواحد يجذب بس فهد ما كان من هالنوع ، عنده خوات و يخاف عليهم وبالنسبة له كل البنات خواته مثل ما يخاف على عرض خواته ، يخاف على بنات الناس و خاصه انه بدوي بعد فترة من السوالف و عرفوا عن بعض اكثر طلبت منه اسرار انه يكون ادمن في قروبها و طبعا وافق بعد فترة من السوالف عن الجامعة و الدراسة ضافها بدر أثناء ما اهي تدردش مع فهد قال لها فهد بيضيفج اخوي و صاحبي بدر قبليه قالت له اوكي و تموا اهمه الثلاثة دايم يسولفون ويا بعض ينطرون الويك اند عشان يدخلون المسن و يشبكون محادثة جماعية ضحك و سوالف عن الجامعة و المواقف و الدكاترة و كل واحد ملتزم حدوده المهم يات فترة امتحانات الفصل الاول وكلن انشغل تدش اسرار تكتب رسالة لهم و تطلع يدش فهد يكتب رسالة و يطلع يدش بدر يكتب رسالة و يطلع قل لقياهم بعد الامتحانات و بعد طول غياب التقوا ع المسن مثل قبل فهد طلب من اسرار رقمها اما بدر رفض لأن مرة وحدة دقت عليه بالغلط و أمه زعلت عليه و مثل ما قلت من قبل بدر حياته امه ما يرضى عليها خلال هالعطلة سافر بدر الامارات عشان يشتغل ما يبي يكمل دراسة أهل أمه اهناك ف قرر يشتغل مع خاله خلال هالعطلة كثرت السوالف بينهم في المسن كانوا تقريبا كل ليلة ما يقارب 5 لين 6 ساعات يتكلمون على المسن فهد ما يتصل بأسرار الا للضرورة و بدر يتصل في فهد اول ما يفضى بعد فترة بدر انحك ف الشغل صار دوامه من 6 الفجر لين 10 الليل ف كان صعب يتكلمون اي وقت غير الويك اند رجعوا الجامعة اسرار و فهد و كان بدر دايم يوصيهم بدراستهم اسرار كانت وايد شاطرة اما فهد كان يبي ينجح و بس ما يهمه المعدل مرة من المرات صار مؤتمر في جامعة البحرين و تلقت أسرار دعوة بس ما كانت تقدر تروح لحالها الجامعة كبيرة و ما تدلها قالت حق فهد السالفة فهد قال لها انا اخوج وين رحت ! ابشري انتي بس توصلين بوابة الجامعة و خلي الباقي علي اوديج القاعة الي تبينها اهني اسرار حست براحة انحلت مشكلتها و ما رفضت الدعوة خصوصا ان صاحبة الدعوة صديقتها من زمان بس بتكون مشغولة ف التنظيم وقتها و ما بتقدر تقعد وياها كثير يه اليوم الموعود و راحت اسرار جامعةا لبحرين و شافت فهد فهد مثل ما تقولون (عشقها من أول نظرة) بس بسبب البداوة و الرجولة الي فيه ظل يعاملها على اساس انها بعدها اخته و بس و كتم الحب بقلبه و مرت الايام و ليحين يتواصلون بالمسن عقب بدر قام وايد يشتاق حق اسرار و يسألها عن كل صغيرة و كبيرة و فهد كل ما يكلم بدر في التلفون ما له طاري غير أسرار عسى ما شر اشصاير ، فهد حس انه بدر يحب اسرار صارحه : بدر ليش وايد تسأل عن اسرار؟ بينكم شي؟ بدر: لا ابد ، بس مادري شاقولك ياخوي ،، وش تقول في قلب(ن) عشق مزيونة! فهد انصدم و كل التعابير من حياته اختفت : بس اشلون انت ما شفتها؟ بدر : والله اخلاقها و كلامها و اسلوبها يخلي الواحد يعشقها غصب ، و من ناحية الشكل اكيد مزيونة ، انت شفتها صح؟ فهد : هي من ناحية مزيونة مزيونة ، بس تر ان نويت تحب يا تحبها بإخلاص و قصدك زواج يا بلاه من حب ، تراها اختي و مارضى حد يلعب عليها ! بدر: افا فهييد انا اخوك وتعرفني زين فهد و العبرة خانقته : الله يوفقكم و نفرح بعرسكم ان شاء الله بعد يومين كان الجمعة و فتحت اسرار المسن بدر : هلا والله هلا بالزين كله أسرار: هلا بدران اشلونك؟ بدر :الحمدلله بخير وانتي؟ أسرار: متكسرة توني مودية اخواني الصغار الالعاب ههههههه بدر:ههههههه الله يعطيج العافية أسرار: الله يعافيك ، الا وين فهيد ما دش؟ لحظة بتصل له بدر: وين وين نطري تعالي ، انا بالعمالة قايل له ما يدش ابيج في موضوع أسرار: تبيني في موضوع؟! غريبة كل مواضيعنا مع فهود ؟! اشصاير عسى مب متهاوشين ؟! بدر :لالا ابد ،، مم سمعي يا بنت الناس ،، انا باقولها من الاخر ،، انا احبج و نويت القرب أسرار : !!!!!!!!!!!!!!!!!!!!!!! بدر:ادري منصدمة و بتقولين اصغر مني و محد يحب عن طريق النت و هالخرابيط، بس الله يشهد قصدي شريف و انا يايج من الباب و اتمنى تفهميني أسرار: مادري شاقول بدر : فكري ف الموضوع و ردي علي باجر اخليج احين أسرار انصدمت ما عرفت شتسوي ؟! رفعت السماعة و اتصلت على فهد فهد: هلا اختي اشلونج؟ أسرار: ممم منصدمة فهد فهد : اوه شكله بدر فاتحج بالموضوع أسرار : بصراحة صدمني ، انت اشرايك ف الموضوع؟ فهد بكل أمانة : والله بدر اخوي و عشرة عمر ، ريال و عند كلمته ، ودامه يحبج ما راح يظلمج ، و مثل ما قلت لج صاحبي و اخلاقه عالية ، و اظن لو تعرفينه مثل ما اعرفه ما راح ترفضينه أسرار: هقوتك جي؟ فهد : اي والله و ما شاء الله ، انتي مزيونة و هو مملوح ، لايقين على بعض أسراربخجل :فهههههههد ، عن اذنك طيب اليوم الثاني بدر اون لاين يتحرى أسرار أسرار: السلام عليكم بدر : عليكم السلااام يا هلا بالطش و الرش هلا بالحلوة هلا أسرار : ههههههه :$ ، اشلونك؟ بدر :اول انتي اشلونج؟ أسرار: انا بخير بدر :دامج بخير اكيد انا بخير أسرار : :$ يدوم لك الخير بدر :فكرتي؟ أسرار : اي :$ بدر : انزيين اشقررتي؟! أسرار : مم انا اعترف اني معجبة فيك بس حب؟! بدر : وعد وعد مع الايام بتحبيني بس عطيني فرصة تكفيين أسرار : ممم :$ الايام بينا بدر : الاااااااااااي ونااااسة ، زين سمعي انتي عقب شهرين تبتدي عطلتج ، وانا باخذ اجازة من الدوام و بتقدم لج رسمي صار أسرار : وي :$ اشفيك هلون مستعيل ، خل نخلص الفصل عقب يصير خير تعال أسولف لگ ترى الوقت محسوبّ وھہذا العمر بـ يروح من عرض مارآح إي والله إني تغربت مجبور ومغصوبّ لا بـ يدي أرجـع لگْ ،، ولا قـادر أرتآح وتموا يتكلمون بعد شهر بالضبط أسرار صارت مينونة في حب بدر لدرجة محد يتصورها حبته بإخلاص أما بدر كان يحبها بس مو للدرجة الي يتخلا عن الدنيا عشانها أسرار كانت تهد دراستها عشان تكلمه و تسهر لين الفجر لعيونه تراجع مستواها الدراسي كثير فهد كان مرتاح عشان أسرار بتكون من نصيب صاحبه و يدري ان صاحبه قدها بعد فترة أم بدر مرضت و اضطر بدر يرجع البحرين ياخذ امه يروح الاردن بشوفون وضعها والحمدلله طلعت حالتها مستقرة و رجعوا الديرة و رجع بعدها الامارات قبل الامتحانات النهائية باسبوع بدر اتصل على فهد بدر: قوة الفهدي فهد : هلا بدران اشلونك بدر : انا تمام ،، اقولك قول حق لحب تدش اون لاين فهد :اعنبوا حبايب و ماعندكم ارقام بعض ، حبايب الكترونين انتوا ! بدر : يلا عااد السالفة ضرورية تكفى فهد : زين زين يالعاشق الولهان ، انتوا تحبون وانا اشتغل بدالة يلا باي بعد اشوي اسرار اون اسرار : السلام بدر: عليكم السلام هلا حياتي اشلونج ؟ اسرار :$ الحمدلله زينة فديتك وانت؟ بدر : انا تمام اسرار : دووم ، خير عسى ما شر اشصاير؟ بدر : ها ، لالا مب صاير شي اسرار : عيل اشفيه فهود يقول تبيني ضروري؟ بدر : ممم امي بتيي الامارات عقب اسبوع اسرار: صجججججج ،، اوووووووه زين زين تستاهل ادري حدك مشتاق لها بدر و في قلبه (لو تدرين ليش بتيي بس ) : ااييي اكيد بس كنت ابي اقولج ،،، درسي عدل ف الامتحانات اسرار :ههههههههه يا حيااتي ،، ان شاء الله يلا باي ايام الامتحانات فهد كان كل يوم يكلم أسرار و بدر لاهي ف دنياه و أسرار كانت شاطرة بس كانت خايفة من مادة وحدة و كان فهد يهديها و يشجعها دايم بعد الامتحانات اتصل لها فهد فهد : قوة أسرار اشلونج أسرار : هلا اخووي هلا فهييد فهد : مم سمعي ابيج ف سالفة أسرار : امر تدلل ؟ فهد : مم سمعي الحياة قسمة و نصيب ، و ابيج تظلين مثل ما عرفتج قوية و لج راي و ما تنكسرين طيب أسرار : مع اني مب فاهمة بس ان شااء الله اخوووي فهد : دشي المسن ، بدر يبيج ضروري أسرار :صجججججج اوووكي يلا بااي فهد :باي دشت أسرار المسن أسرار :بدووووووووري حيااتي اشلوونك بدر : هلا اشلونج؟ أسرار :انا زوينة ، اشفييك تكلمني بنفسية عسى ما شر بدر : مم امي عندنا ف الامارات أسرار :اي ادري انت قلت لي بتييك بدر : مم أسرار امي تبيني اتزوج بنت خالي أسرار بصدمة : شنو؟! بدر : اي  أسرار : اها وانت شنو رايك ؟ بدر : امي ماقدر ازعلها أسرار : انت قلت لها عنا شي ؟ بدر : لا اكيد أسرار فهمت انه مو قد كلمته ولا قد وعده : اها طيب ، الله يوفقك بدر بدر : اتمنى ما تزعلين و الدنيا قسمة و نصيب أسرار (بحزن و الدمعة بعينها ) :لا ولو عزيز و غالي ، حصل خير ، يلا عن اذنك باي أسرار انهارت و تمت تصيح سنة بساعة، اتصل عليها فهد ما ردت حرق التلفون لين ردت اسرار اسرار و صوتها يرتجف و تكتم الدمعة : هلا اخوي فهد : اسرار ليش ما تردين ؟ اسرار : مافيني شي ، امر اخوي اشفيك؟ فهد :اشفيج تصيحين ؟ تكلمي ورا صوتج هلون ؟! أسرار : بدر بياخذ بنت خاله اخوي  طلع يلعب علي فهد : هالنذل الخسيس ، خليتج امانة عنده و غدر فييج انا الغلطان الي عرفتكم على بعض انا الي سمحت بهالشي يصير اسرار : لا اخوي لا تقول جي هو ما يرضى يزعل امه و امه اهم مني مهما كان فهد :اصلا هو ما حاول ويا امه اسرار : يعني انت تدري ؟!!!!!!!!! فهد : ها ، اي حاول يفهمني السالفة وانا صكيت التلفون في ويهه اسرار : لا حرام اخوي اهو صاحبك ، لا تخلون بنت تفرقكم فهد : يا اسرار الي ما تعرفينه ان انا احبج قبله و قبل لا اعترف لج اكتشفت انه اهو بعد يحبج و انا شفت دامه اغنى مني و و جاهز من كل صوب و قادر يسعدج ما حبيت اوقف بطريجكم و هو من مواخذيكم وانا لا اسرار بصدمة و دموع بدون توقف : ها ! فهد : تكفيين لا تصيحين والله دمعتج غالية يالغالية تكفييييين أسرار: انت اشقاعد تقول !! فهد : أسرار والله احبج بس لو ما تبيني كيفج ، خليني اخوج مثل ما تعامليني احين والله مب طالب شي ثاني غير سعادتج حتى لو مع غيري أسرار و الدموع شلال و الصوت يرتجف :والله حرام الي تسوونه فيني فهد : خلاص اسرار ، خلاص اختي ، دامه باعج بيعيه ، طلع مب ريال و أسرار مو قادرة توقف دموعها لدرجة ان فهد نزلت دمعته بسبتها! و نامت أسرار على مخدتها الي مليانة دموع و فهد معاها على الخط ! اليوم الثاني أسرار قعدت و الحزن معتليها بس ما تبي احد يحس فيها خذت شاور و صحصحت و فتحت الفيس بوك الا فهد ينطرها فهد : هلا الغالية أسرار : هلا اخوي مم انطر دقيقة بدر يكلمني ف المسن! فهد : بعد له عين هللي ما يستحي أسرار : بس دقيقة بسوي كوبي بيست حق المحادثة بدر :سلام عليكم أسرار :عليكم السلام والرحمة ، يا هلا بدر :اخبارج ؟ o أسرار: زينة وانت ؟ عساك طيب و مرتاح بدر : دوم ، دام بخير ، انا بخير أسرار : يدوم لك الخير ، دووم يالطيب  بدر: أمين ، سامحيني أسرار : على شنو ؟ ما صارشي بدر ، تظل عزيز و غالي والله يهنيك بدر: تسلمين ن اشسويتي اليوم ؟ أسرار والدموع ف عيونها بس ترد بكل أخلاق : أبد ولا شي توني صاحية بدر : أها صح النوم ، انا توني راجع من الشغل أسرار: الله يعطيك العافية يبه ، اتصلت في صاحبك تسأل عنه؟ ولا لقيت اصحاب غيره و نسيته؟ بدر : اتصلت فيه وايد بس ما يرد أسرار و علامات الاستغراب على ويها لان فهد مستحيل ما يرد : اها يمكن مشغول ما تدري شنو ظروفه بدر : اتصلت فيه وايد ، اخاف ازعجته أسرار: لالا صاحبك ما ينزعج منك ، ربي يخليكم لبعض بدر : امين و يخليج لنا أسرار بضيقة و سخرية على حالها : هههههههههههههههههههههه الله كريم بدر بكل ثقة : دوم هالضحكة أسرار باستغراب : دام لك الخير، ما قلت لي شخبار خواتك الصغار و الوالدة ؟ بدر : بخير كلهم بخير ، احس فهد زعلان أسرار: فهد يزعل ؟! بل ليش؟ شمسوي له ؟! بدر : مادري ، لحظة بتصل له أسرار :لالا فهود ما يزعل ، صاحبك من عمر ، احين تبيه يزعل عليك ! اشدعووة بدر كلم فهد و سكر الفون و رجع يكلم اسرار : فهد ما يرضى عليج و زعلان مني على الي صار ،، ممكن اطلع ؟ أسرار : يه ؟ اشسويت لك انا اللحين ؟ عسى ما شر يالطيب ؟ ضايقتك بشي ؟ وبعدين الي صار قسمة ونصيب بدر : لا بالعكس ، اشكرج على الاسلوب الراقي أسرار : اشفيك قاعد اتطنز بدر؟ بدر : لا والله بس توقعت انج بتسبيني ، بس الحمدلله راضية علي أسرار و العبرة خانقتها و احساسها بالغدر معتريها : وليش اسبك! تربيتي ما تسمح لي و الي بقلبه كره او حسد ما ينام الليل مرتاح ! بدر : صح ، فديت قلبج ، الله يرزقج بالي احسن مني أسرار : هههههههههه مب مسموح لك تتقداني بعد اليوم بدر : اي عدل أسرار : ههه الله يوفقك و نشوف عيالك و عيال عيالك يا رب بدر : امييييييييييييييييين ،، ممكن اطلع ؟ أسرار : في حفظ ربي ، محد منعك ولا غصبك على شي ما تبيه ^^ واذا ما تبي تكلمني بعد براحتك شي راجع لك ، حريتك الشخصية يالمعرس بدر : لا انا ماحذفج ، يلا مع السلامة أسرار : سلام سوت أسرار كوبي ع المحادثة و حطتها ف الفيس بوك ف رسالة حق فهد فهد : صرااااااااااااااااحة ،ن اسلووووووبج ابداااااااااع ، رووعة مالج حل أسرار بحزن و تتصنع القوة : اشدخل اسلوبي؟ اشفيك ؟ ينييت اخوي؟ فهد : سكتيه ، اثبتي انج جبل وما يهزج ريح أسرار : شنو توقعت اقوله مثلا؟ اسبه ؟ ، اغلط عليه ؟ اترجاه ؟! فهد : لا والله توقعت تعاتبينه ع الاقل، بس اثبتني انج عبقرررررررية ماالج حل أسرار : اشدخل العبقرية احين! صاحي فهد : الا مستانس ، عمري ما شفت بنت تتحمل كل هاي و تكون عاقلة و متزنة مثلج أسرار : من الي ذقته في حياتي تعلمت الصبر ياخوي فهد بضيقة (اشفيها كله تقول اخوي والله احبج والله احبج ) : كفوو عليج والله بردتي قلبي أسرار : بس بعد دامه صاحبك لا تقطعه و تنهي علاقتك وياه بسبتي فهد والقهر مالي قلبه من الي صار في اسرار : لا اتييبين طاريه يصير خير ، انا عادي بس مستحيل ترد علاقتي وياه مثل قبل هالنذل أسرار : عيب بنت تفرقكم تر اظل بنت من الفيس بوك لا راحت ولا يات فهد : لا تقولين عن روحج جي ، اصلا انتي تاج راسه ، هو الي ما عرف قدرج أسرار بضيقة ع الي صار : يلا اخوي عن اذنك فهد بينه و بين نفسه يقول ( والله احبج يا اسرار والله احبج وابيع الدنيا و اشتريج ،، بس يا لييت اعترفت بحبي بالاول ،، راح اكسب حبج ، و حتى لو ما كسبته راضي اكون اخوج بس اعرف اخبارج و اسمع صوتج ،، الله يسعدج يا أغلى الأسرار بقلبي ،، آآه يا أسرار فهد ،لكن للأسف وسط الدجى عشقت بدر ... اجمعت بين الدلع و الرجولة وكملت في حسنها الشعر البسايل لو تقارنها ما بين سارة و نورة تظل أسرار هي بنت الحمايل و ما زال فهد يحاول كسب حب أسرار ، و يعاملها كأخت و يخاف عليها من نسمة الهوا ، لكن جرح أسرار بعده ما طاب و قامت تحسب لأي خطوة ألف حساب ووعدت نفسها ما تفتح باب للحب إلا للي يخطبها قدام الكل و ما يلعب بمشاعرها .. أتمنى تعجبكم القصة و تراها حقيقية 100 % عدا الاسامي أسيرة الورد
  2. والله خوش قصة و الله يديم المحبة بس هالايام صعب تصدق واحد من النت ما منهم امان
  3. Eye 4 eyE than the hall world go BLIND !!!

  4. يلااا عااااااااااد نقعنااااااااااااااااااا
  5. البارت ذي كان باختصار ولا ارووووووع واي واي واي و اخيرا عرسووووووو و انا حضرت العرس واي واي واي ونااااااااااااااااااسة مو طبيعي يا بنت مو طبيعييييييي خياااااااااال خياااااااااااااااااااااااااااااااااااااااااااال ما شاء الله ما شاء الله ابدعتي ابدعتيييييييييييييييييييييييييييييييي و اخيرا تحقق الحلللللللم صج صج صج عشت هالقصة بكل لحظة فيها عشقتها و عشقت كل شخصية فيها حبيتها حب مو طبيعي عشتها حتى في حياتي اليومية و لها مكان خاص بقلبي و لكاتبة هالقصة مكان كبييييييييييييييييييير بقلبي مشكورة فديتج على هالقصة الحلوة و تسلم يمناج الي خطتها استانسنا وياااااااااج واااااااااااايد و صحيح قلتي برب لكن مافيني صبر لازم اررررررررد البارت بصرااااااااحة يبرررررررد القلللللللللللللللللللللب روووووووووعة الكلمات مو قادرة تطلع شررردت هههههههه موفقة يالغالية
  6. اوهووووووووووووووو وقفت في مكان غلط تخليني اندمج ف الاحداث وتقول يلا البارت الي عقبببببببببببب تسلم على البارت حده فن keep it up البارت الياي ابيه looooooooooooooooooong لا تطول علينا :)i am waiting
  7. الله الله الله وش ذا الزين ذي كله!!! السموحة حبيبتي بس ظروفي ما سمحت لي اتواصل مثل قبل و جوفي الوقت الي قاعدة اكتب فيه اللحين يعني كلش وقتي متخربط بس اهم شي اني ما نسيتج و متواصلة لو خلف الكواليس و راح تلقين رد محترم بعد البارت الاخير الي اتوقعه بيكون مو طبيعي اترياج
  8. alslalm 3leekom nice story i want to knew what will happen next what about yasmin ?? whats wrong with her? dont be late see ya
  9. يووووووووووووؤ تطووووووووووراااااااااااااات سامحيني يالغالية ما رديت من زمان بس ظروف الجامعة و الدراسة اجبرتني على هالشي يلا عاد خل تعرس نوروو البارتات حدهم رووعة ما اقدر اطول مرة 2 ان شاء الله اقولج التوقعات سلام
  10. حلاااااااااااااااااااااااا اخييييييييرا نور و مهند رجعووووووووووووووووووا لبعض برد حرتي في لموي الحقيرة تصدقين صج قليلة تربية هالبنت يقولها ف الويه ما ابيج تقوله احبك حبها بررررررررررص علووي طلعت فقيرة ما كنت ادررررررررري على كثر ما كرهتها عورت قلبييييييي خخخخ ياسمينو قالت ماما ولا بابا اووول؟ ازهار و علي متى العررررس نذير شنو مصيره بندر؟! نادر و هيا مبروك علييييييييييييييييهم ان شاء الله ايبون ناصر نااااااااااااااايس فديتج سوري على التاخير بس ظروف
  11. قوووووووووووووووووة شخبارج اشلونج شمسوية الحمدلله على السلامة فديتج هالبارت كان روووووووووووووووووعة لكن بصراحة افتقدت نور و مهند ما بينهم مواقف كلش احمد :حقير نذل منحط لابعد حد اشواق : غبييييية اشلون تركب مع واحد الله يهداها بس عبدالله : والله هالصبي طيب اشلة مو ماعطته وي؟ ميساء :عمرررررررررري الي تغااااااااااااااااار سعود : ما اقدر على العاشق الولهان شوق و محمد :الله لا يغير عليهم ان شاء الله حمد :حقق حلمه و في النهاية انصدم اريج :يا غبييييييييييية يااااااااا غبية اللحين خلاص ريلج اتقولين له هلوووووون يحبج اشفيج ما ادري ايي امصع رقبتج؟؟ بندر :ايه عليه حب و ما انحب ازهار و علي : عصافير الحب و الشقاوة الله لا يغير عليهم هالمحبة شخبار ياسمينةويسوري؟ وحشوني علاء ام راس مالها حسسسسسس غرييييييييبة؟؟ لمياء: يا ذابح يا مذبووووووووووح و الحمد لله انتبهتي اني ما ارد كنت انطرج اتحجين بس هلون اتغلى عليج ما فيني شي و القصة دايم تحلى لا تفكرين ف العكس أتمنى اجوف مواقف بين مهند و نور و اترياج في البارت الياي
  12. بسم الله الرحمن الرحيم السلام عليكم و رحمة الله وبركاته شخبارج بنتو عساج بخير يالغالية اممم حقج علي ما رديت على القصة من فترة طوويييييييييييلة لج الحق تتشرهين علي و بصراحة تمنيتج تتشرهين و تسالين ليش ما ارد عليج بس للاسف خيبتي ظني المهم يالغالية بصراحة القصة و لا اروووووووووووووووووووع من اول بارت و انا متابعتج ما فاتني و لا بارت ابد في كل بارت اعيش جو القصة و كانها فلم جدامي ومرات كاني شخصية قاعدة وياهم عشت شخصية كل واحد و احساسه هيام و رامي ابطال القصة ما جفت مثلهم بحياتي شيخة و خواتها و ناصر ريم و امها و ابوها هاني و طارق و جاسم و زوجاتهم كلهم باختصار لهم مكان بقلبي يمكن تكون شخصيات من الخيال لكن بالنسبة لي ناس حقيقين عاشوا في قلبي و عشت حياتهم بتفاصيلها من كل شخصية تعلمت شي يفيدني بالحياة الصبر الاخلاص الكفاح العطاء الحب المعزة الرجولة الصدق الطيبة و الحكمة حتى الغيرة ما شاء الله عليج كفيتي ووفيتي و زود فترة القصة كان احلى فترة و بالذات و انا اقراها و اعيش جوها كبرت معاها لها اثر كبير في قلبي و لج انتي اثر كبير في قلبي من خلال شخصيات القصة تعرفت على انسانة رااائعة بكل ما في الكلمة من معنى انسانة لها من المشاعر و الاحساسيس و الطيبة للعطاء بلا حدود لج مني يا بنت الحدادة باقة ورد و لو انها قليلة في حقج على المجهود العظيم الي بذلتيه بالرغم من دراستج و الصعوبات الي واجهتج واصلتي و احنا معاج اتمنى لج كل التوفيق في حياتج ان شاء الله و ان شاء الله اجوف هالقصة بالذات مسلسل بيكون من اسعد ايام حياتي و يااارب نجوف اليوم الي تكونين فيه اعظم كاتبة بحرينية و كلنا مفتخرين فيج و السموحة على القصور اختج أسيرة الورد
  13. البنت مسافرة ان شاء الله جريب ترجع وحشتنا الله يردها بالسلامة
  14. كفوووووو والله مررررة و عن عشرة رياييل بعد يسلمووو ع الموضوع
  15. تسلم اخوووي ما قصررت ولله و يا ريت اجوف ردود ثانية عن هالشي اترياكم
  16. السلام عليييكم و رحمة الله وبركاته شخبااركم بغيت استفسر عن القروض الدراسية اي بنوك تعطي و شنو شروطها و امتحان التوفل في وين انقدمه؟ تكفون لا تبطوون علي اترياكم
  17. الاااااااااااااااااااااااااااااااااااااااااااااااااي اهداااااااء ليييييييييييييييييييييييييييييييييي الااااااي وناااااااااااااااسة من قديييييييييي يا عالم يا هوووووووو خخخخ تسلمييييييييين يا حلووووة شكرن شكرن شكرن و البارت كان رووووووعة و انا اظن بعد الموقف الي ف السويرماركت يمكن نادر بيحن قلبه على هيا لا يجوفهامتاثرة يسلمووووووووووووووووو نتريا البارت الياي حبوبة
  18. قووووووووووة رفيجتي الغالية بصراااحة بااارت و لا ارووووع ايماني و احمدوااا يا بختهم الله يهنييييييهم ياااااااارب عبدالله في النهاية بيكسب قلبها لان احمد نذل بكل ما في الكلمة من معنى هيا معورة قلبي و نادر بعد بس لازم بتهدى النفوس و احس بيعيشون احسن عيشة و بييبون ناصر و بيربونه لان ناصر غالي عليهم اهمه الاثنين علا ام راس ما لها حسسس؟ مهند و نور انصدمت من مهند بصراحة ياخي افهم السالفة و نور بعد كان المفروض تحمي كل المسجات و نفس الوقت تخبر مهند ان في واحد يخبرها يعني كلا الطريفن غلطانين في نظري نذير ان شاء الله بيقدر يحل الموضوع و ترد الامور لمجاريها و لموي النذلة بتروح فيها من مهند عقب ما يخبر اهلها عشان يحاسبون على بنتهم ميسااء و سعوود؟؟؟ اين هماا وحشتني الرومنسية الي بينهم بصراحة باااااارت رووووووعة تسلميين يالغالية و نترياااج
  19. السلام عليكم و رحمة الله وبركااته شخبااركم اعضاء عساكم بخير؟ ممم بس بغيت اخبركم ان girl heart تقول لكم انها راح اتاخر في تنزيل البارت اشوي لان عندها حالة وفاة :'( الله يصبرها و يصبر اهلها ادعوا لولد عمها الله يرحمه بالجنة اختكم اسيرة الورد
  20. شي شي الباااااااارت يسلموووووووووووووو بس وايد قصير يا ريت تطوليييييينه
  21. الاااااااااااااااااااااي باااااااااااارت يرد الرووووووووووووح فدييييييييييتج احدااااااث رووووووووعة شكرن لانج استخدمتي قصايدي :$ و الله ونستيني الله يرحمه نااااااصر الله يعين هيا و نادر ماادري بيخليها على ذمته و لا بيطلقها؟ وافديييت الغيووووور نوووووووور خخخخ و مهند الله يعينه على لموي و ملاقتها و هاي شسمه منذر موري شنو غبي انت البنت ماتبيك اشهالسخافة ذي:@ باط جبدي اوه اوه ايماني بتنخطب مااااااااقدر كلولولووووووووش مبروووووووووك خخخخخخ يلا فديتج تسلمين على هالباارت الحلوووو ونترياااج بالبارت الياي لا تطولييين
  22. حلاااااااااااا قصصصصة و لا ارووووووووع حبوووبة اللحين انا بصراحة متشوووة حق اعرف النهااية بس شكل القصة مطولة هع هع يا ريت ما تططولين علينا حبوبة
  23. الله يرحمهمـ واايـ عورا قلبيـ مثواهمـ الجنة انـ شاء اللهـ اللهـ يجمعنا فـ الجنة شكررررنـ عـ القصة الحلووووة
×
×
  • Create New...