غزوووله

أولا : حقوق الطبع غير محفوظة ولا يوجد أي مانع من الإحتفاظ بها أو نشرها في المواقع الأخرى نقدم أسفنا على عدم جودة الصور بالصورة المطلوبة لأن التصوير كان ممنوعا في مكان الجريمة ولذلك اضطررنا أن نقوم بالتصوير بدون فلاش أرفق لكم (12) صورة للمكان الذي حدثت فيه جريمة قتل مروعة ( طلق نار ) في الساعة الواحدة من صباح يوم الأحد الموافق 20/8/2006م راح ضحيتها الشاب مهدي عبدالرحمن رمضان الذي لم يتجاوز الثامنة والعشرون عاما وهو متزوج وله من الأولاد ولدا واحدا فقط ولقد صرح شاهد عيان شاهد الذي حصل أن سيارة المجني ( مهدي ) وهي من نوع BMW كانت في المقدمة وكانت تطارده سيارة إيجار فيها أكثر من شخصين وكانت هذه السيارة تحاول أن تعترض سيارة المجني عليه وهنا توقف المجني عليه ( مهدي ) ونزل من سيارته وحينها قام أحد الجالسين في المقعد الخلفي في سيارة الجناة بإنزال نافذة السيارة وأطلق ثلاث طلقات واحدة أصابته في مقتل وأخذ المجني عليه ينزف بغزارة وسقط على بعد أمتار قليلة فقط من سيارته وهنا قام بعض الأشخاص المتواجدين بأخذه إلى المستشفى ولكنه قد فارق الحياة ولحد كتابة هذا الخبر لم يتم القبض على الجناة لا حول ولا قوة إلا بالله العلي العظيم ونرجو أن يتم القبض على الجناة حتى يتم القصاص منهم ملاحظة : إذا لم تظهر الصور فما عليك إلا تحديث الصفحة بالضغط على Refresh أو بالضغط بيمين الموس على (×) واختيار كلمة show picture ... تفضلوا الصور ... صورة المجني عليه مهدي عبدالرحمن رمضان وفي مصادي ثانيه تقول السالفة ومافيها ان يوم المسيرة قايل حق مهدي نزل العلم مهدي قايله مابنزله والي بتسوي سوه وتقريبا ساعة 12 اتهاوشو عند 24 ساعة في اصبيان جايفينهم ويعرفونه قايله تعال المركز بنتفاهم قايله واهمه رايحين المركز مهدي جاف الريال واقف علي صوب مهدي رجعله ونزله و واهو قاعد في السيارة اطلق عليه النار و الي اطلق عليه النار مباحث ويشتغل في نادي ضباط واهو مال كمال اجسام اسود إنا لله وإنا اليه راجعون الله يصبر اهله

يصير وصارت وايد في ناس

ههههههههههههه حلو الموقف لو يصير في احد جدامي باقعد اضحك بس دامه يعرف ان اهي ماتكلم شباب ويعرف ان اهي تبيه وتأكد من مشاعرها ان اهي اتحبه اذا قدر خل يتقدم لها بدل ما يكلمها حب وغرام على التلفون

عادي يصير بس مو البنت اهي اللي تختار قرارها لازم الصبي والاهل من العائله الحاكمه اذا رضو يخلونه ياخذها وممكن انا سامعه عن وحده خذت واحد من عالئله الحاكمه واهي عمرها 17 بس ماشاءالله عليها الكل يمدحها بجمالها

خل يتقدم لج الحين على الاقل لو خطوبه احسن لج وعلشان اتكونين جريبه منه دام اهو حبيبج وانتي اتحبينه ولتخلين الاعذار اتييج واذا تبين صبري لين اتخلصين دراستج بس مو اكثر

خل يسألها ويشوف شنو فيها يواجهها علشان يعرف عقب شلون يتصرف

باعطيكم جواب مختصر: الناس اجناس

ههههههههههههه حلوة وقويه اهو يعتمد على نوعيه الاشخاص في ناس يتقبلون وناس مايتقبلون يعني واحد شدخ رفيجه ولعن قفد اخته وباقول لك عن قصه وحده من اهلي عندي وحده من اهلي رفيج اخوها يحبها وعاد قال لأخوها ان اهو يحبها وعادي اخوها خذ الموضوع بكل رحابه صدر بس قال له خل اهلك ايون يتقدمون لها يعني تحجزها لك لان اهي البنت ماتدري ان اهو كان يحبها المهم تقدم لها احجزوهم لبعض يعني اهم الحين بالكلام محجوزين لبعض مافي بينهم عقد والحين اتكلمه في التلفون وعادي بس اخوها ياب لها تلفون واتكلمه وبيتهم كلهم يدرون لان اهم محجوزين لبعض والحمدلله بس اهو لين يشتغل بيتقدم لها لان اهو في الجامعه واهو رفيج اخوها الروح بالروح

انا لو منج اقول لرفيجتي السالفه كلها اللي صايره ان هالصبي يلعب عليكم انتو الاثنين وانتو الاثنين اتسووون فيه دقه اتخلونه يتعلم ويتفشل من حركته البايخه

ليش ماتكلمون البنيه واتفهمونها؟؟ اتقولون لها يا ام تعقل وتثبت على الصبي او ان يكون لها تسجيل مكالمات او اي تسجيل او اي بوينت اتشوفونه عليها واتقولون لأهلها حزتها شوفوها اذا تعقل ول لا قولو لها يا ام تعقلين واتصيرين نفس الاوادم واتكلمين الصبي ماتلعبين عليه؟ او اتهدينه واذا مافاد معاها قولو لأهلها بنتكم اتكلم اكثر من شخص وترى هالنوعيه من البنات بسهوله يطيحون بالفخ؟ يعني ممكن اي شخص غريب يتصل لها واتواصل معاه ويصيدها فقولو لأهلها على الاقل اتسوون فيها خير

اكيد ممكن عادي يعني مافيها شي لو ان غربه لكن بيكون في اتصال بيني وبين امي وابوي لكن اقبل بكل خليجي ماعدا عماني اخاف اروح عمان

اكيد لازم اتساهم لكن مايمنع انه يصرف عليها ممكن يتفقون كل شخص على شنو يصرف ممكن مرات الزوج يكون رابته ضعيف على الزوجه انها اتساعده حتى ايام قبل المرأة تساعد ريلها وايد مثلا اتخيط الثياب واتبيعم تصنع الخبز وجذي

الحمدلله انا بعيده عن هالسوالف انا ماحط لي مكياج حق محرم ول شي والحين حتى حق الايام العاديه قمت ماحط ول شي علشان بشتري تكوون ناعمه على طول مو لازم اخربها بهالسوالف

بالعكس عادي بوافق ليش لا؟؟ اهي مجرد خطوبه مو عرس اهو يه خبطني مايه علشان يطلعني من المدرسه ووايد من ربعي مخطوبات وحياتهم عاديه ومستانسين ووحده في ثالث اعدادي اصغر مني ووحده في توجيهي اكبر مني بسنه يوم انخطبت كانت كبري عادي كلش عادي

ههههههههه كلش عادي الناس ماينظرون لشخص مثلا البنت عمرها 18 والولد 27 حتى لو البنت عمرها 16 واهو 30 محد بيقول شي لكن النظره تختلف اذا مثلا بنت 20 سنه والريال 50 او 40 سنه هني نظره المجتمع تختلف يقولون بنت في عز شبابها والريال شيبه كحيان

انا بعد قريت في مجله سيدتي عن ظاهره هروب الفتيات لكن مو لان الكبت اهو اللي يخليهم يهربون الهروب اهو من معامله الاهل القاسيه عليهم مثلا ابو ظالم او مرت ابو ظالمه او مثلا زواج غصب او مثلا حوادث كثيره اتخلي الفتيات يهربون مو بس في المجتمعات الخليجيه على الغربيه والهنديه وااايد مجتمعات لان الناس مايتبعون نصايح رب العالمين لو كل واحد يفهم عياله شنو رب العالمين يبي ليش يلبسونهم الحجاب واهم يكونون مطيعين لله مايكونون ظالمين مايشربون جان مابتستوي هالمشاكل لكن اللي ضايع عن الدين تستوي فيه كل المشاكل

الغاالي انت مشى عندك المثل عندي دوا الناس ماعندي دوا نفسي الغالي ماذكرت التفاصيل هل انت كنت معاها على علاقه وسويت شي وخليتها تبتعد عنك ول لا؟؟ بس ترى الغالي الحب مو غصب ولو كانت اهي تحبك لكن ابتعدت عنك هني في لك امل اتعدل غلطتك واتحاول معاها شوف ناس يقولون لها اللي باخطرك واسفك على اللي سويته خليتها تبتعد عنك لكن اذا ماكنت على علاقه معاها خل لكم وسيط بينك وبينها يفهمها اللي بخاطرك او يخليك اتكلمها واتقول لها كل شي بخاطرك ترى معروفين الشباب ماكرين وانت صير ماكر علشان تربحها ترى البنات قلبهم طيب لو يظهرون العكس

- عامل الناس كما تحب أن يعاملوك ... - احذر عدوك مرة وصديقك ألف مرة فإن انقلب الصديق فهو أعلم بالمضرة ... بكل صراحه هالمثلين لان انا فعلا امشي عليهم مبنيين على تجربه

مو شرط ضايعيين عنبو على لبسهم وشكلهم بتحكمون عليهم اهم يرتاحون وكل شصخ يرتاح بطريقه سوى يبي جذي ول لا كل واحد ورايه واعتقاداته واهو حر يعني واحد يرتاح حق هالشكل انتو تبون اتغيرونه اتخلونه يلبس على مزاجكم مالكم حق كل شخص وراحته مالكم حق تتدخلون في راحت شخص غيركم اهو يمكن يحب الموضه لو الموضه ماتناسبه اهو يرتاح وكيفه اذا بتطالعون عيون الناس مابتسلمون ليش ماتطالعون عيوبكم انتو

الص راحه كل شخص ورايه وذلين الشباب مرات يتزوجون وحده ماعاكستهم لكن عاكست قبلهم اهم مايدرون ول اهي بتقول لهم مساكين وفي قوله سبحانه وتعالى الطيبين للطيبات والخبيثين للخبيثات يعني مو كل شخص يوثق بنفسه وفي شباب مايبون يتزوجون وحده تعرفو عليها لاعتقادهم ان اهي تعرفت على غيرهم وفي شباب مايبون زواج تقليدي علشان يبون يعرفون هل اهي تناسبهم في التفكير والاخلاق ول لا؟ وفي شباب مساكين مالهم في هالسوالف لكن امهم اهي اللي تبي اتعرسهم ومن كثر حبهم لامهم يقولون لها مانبي وحده الا على ذوقج وجذي نفس مايقول المثل :الناس اجناس

هل من الممكن ان تسامح شخص جرحك؟ ممكن اذا عرفت انه صج ندمان على جرحه وتأسف او فقط تسامحه ان كان عزيز وقريب من قلبك؟ مو شرط يكون عزيز ول قريب وان كان غير ذلك لا تسامحه وتنتقم منه؟؟ انتقم منه اذا كان الجرح قوي كلش واهو ماندم واستسمح ذي اذا كان بعيد عني لكن له مكانه لكن اذا شخص قريب مني ما انتقم لكن اهدده ان اذا واصل باسوي شي يندم عليه اذا مافاد اسوي اللي في بالي عليه حتى وان سامحته هل تستطيع ان تنسى بانه جرحك بيوم من الايام؟ وان كنت لا تستطيع النسيان فكيف سامحته؟؟ النسيان صعب يبيله فتره طويله علشان ننسى

يالشباب لتقولون اتهام الاشياء اللي انتو ماتسوونها قولو هالاسئله حق شخص يسويها او ان شوفو رايكم في ناس يسووونها انتو شباب وتقعدون مع بعض وتتحجون شوفو ومستحيل انكم ماتعرفون شي فمن جذي شوفو وقولو رايكم واجوبتكم في الاشياء اللي تخصكم واللي ماتخصكم

بسأل سؤال انت لو ليش اتحرمون واتحللون على كيفكم؟؟ الله صج ان قال عيدين لكن هالاعياد اعياد عاديه مو اعياد اجباريه يعني وشنو الفلنتاين حرام ممكن بنقول لان بنات وصبيان وحب وعلاقات ممكن لكن اشلون اتقولون راس السنه الاحتفال فيه الميلادي حرام اشدخل الحين مو مكتوب في القرآن ليش هالتأليفات؟؟خلو كل شي لرب العالمين لتحرمون وتحللون على كيفكم الناس يبون يستانسون اتقولون لهم حرام واهو مو حرام يعني حرام الواحد مع خطيبته يحتفل حتى عيد المولد اتقولون حرام ليش حرام؟؟؟ الكل يحتفل وعقب يقول حرام الصراحه مالكم حق تتدخلون في امون دينيه مو مكتوبه في القرآن

الفلنتاين كان حلو الهديه اللي قدمتها انا اهي عباره عن خاتم اللي اهو دبله داخله اسمي + اسمه + تاريخ اللي انا واهو صرنا حبايب الهديه اهي : القاعده اهي عباره عن شكل قلب فوق القاعده على طرف دبدوب صغير والصور الثاني عمود معلق عليه مزين بالمخدات الصغيره على طول مكتول love وجدام اللوف مجموعه جوكلت بس على قلوب مغلفه بجلاد شفاف حمر على شكل قلب ويمه مجموعه ورود صغيره ويمه يكون جدام اللي اهو الخاتم يكون في وسط الورود والحمدلله عجبته الهديه ولي اليوم مافصخ الخاتم ول يفكر يفصخه مستانس من جذي الحمدلله انا مرتاحه

يعتمد على الشخص وكل شخص له طريقه حب خاصه فيه فمانقول الحب اعمى لان الحب تضحيه واحلى تضحيه