Angel of Love

شباب حبيت اعرف لوين امتحان المنظمات LAW 327 ، لان مرة قال لصفحة 106 وبعدين زيدهم فلوين الامتحان بالضبط؟؟ منظمة العمل مطلوبة علينا او لا؟ والي يعرف الساعة جم مجموعة الام دبليو، الساعة وحدة او 2 ونص؟؟؟؟؟؟؟؟؟؟ والي يعرف شنو ياب للمجموعات الي قبل من اسئلة؟ بسرعة الله يخليكم

مشكورة اختي على الرد انة موب هلون مشكلتي، يعني انة ماعندي مشكلة اكون ام دبليو او حتى سكشن تو الموجود احين بس تو الساعة 2 وانة عندي مادي 2 ومااقدر اغير وقتها وهاذي الدكتور مايرضى بعد اسوي تغيير داخلي، انة مشكلتي مع الام دبليو ان انة عندي ارتباطات والتزامات ثانية، ورئيس القسم موب راضي يسوي ادد جير، والمقاعد في السكاشن الثانية موب راضية تخلص عشان يسوي لنا ادد جير. والي تضايقت منه زود ان انة حصلت لي مقعد بالصدفة لان كنت كل شوي اجيك المقاعد المتوفرة وحاولت سجله اونلاين بس ماقدرت لان تسجيل دفعتي خلصت، وحاولت اروح الجامعة بس شي طبيعي لين مشوار الجامعة كان بروح علي لان انة مجرد حاولت اتصل بالجامعة عشان اجوف احد يقدر يضيفه لي الا المكان راح.

السلام عليكم بس محتاجة مساعدة الي يقدر يساعدني، ابي مادة law 412 سكشن (1) عند الدكتور مصطفى خليل الساعة وحدة بليز ضروري، الي عنده المادة ومايبيها ممكن يخبرني، حصلت المادة مرة وحاولت اسجلها بس وقت تسجيلنا خلص، وراح علي وصار السكشن فل مرة ثانية، فالي ما يبيها ممكن يخبرني عشان اضيفها. انتظر ردودكم

السلام عليكم، عندي سؤال عن القانون الجنائي؟ في جريمة التزوير من طرق التزوير انتحال الشخصية واستبدال الشخصية، فما الفرق بين انتحال الشخصية واستبدال الشخصية؟؟؟؟؟؟؟؟؟؟؟؟؟؟؟ اتمنى احصل الرد منكم

مشكورة اختي و يعطيج الف عافية

اختي في وين موجود ممكن تعطيني الوصلة اذا سمحتي؟ انتظر الرد ضروري

السلام عليكم.. شلونكم شخباركم؟؟ لو سمحتوا ابي شرح قصدية ابن زيدون ضروري، عندنا فيها كويز و انة كنت غايبة فيها ومادري شي عنها؟؟ بلييييييييز اتمنى ألاقيها اهني، ضروري و بأسرع وقت..

مشكور اخوي على الاجابة، و يعطيك العافية، تعبناك معانا....

مشكورين على الردود و يعطيكم العافية

سلام.. عندي سؤال ابي له حل،، ماهي الحماية القانونية للطفل أثناء النزاعات المسلحة، في الدول العربية، غير الحماية المنصوص عليها في اتفاقية الطفل.

قوة ، شلونكم شخباركم؟ عساكم طيبين ... عندي سؤال و متوهقة فيه و ابي له جواب اذا احد يعرف يشترط القانون البحريني في من يرغب في تكوين جمعية أن يكون عمره 21 سنة فما فوق، بينما تمنح اتفاقية حقوق الطفل الأطفال الحق في تكوين الجمعيات وهذه الاتفاقية هي جزء من القانون البحريني (لأنها منشورة في الجريدة الرسمية)، أي هناك تعارضا بين قانون الجمعيات البحريني واتفاقية حقوق الطفل. فما هي الحلول المقترحة لتسوية هذا التعارض؟ انتظر ردوكم...

ههههههههههههههههه مافي شي غصبا عنهم، في شي غصبا عنا اي بس غصبا عن الجامعة ماعتقد!!!

عادي تعيشون و تجوف غيرها،، و الله تبين الصج موب منه النسيان، من الجامعة الموقرة الي تتعاقد مع دكاترة رايحة عليها كل واحد خطر ال100سنة،،، و الله عيب يعني،

تدري ليش يسود الصمت، لان القلوب تعبت خلاص، مافي اي طاقة بعد الواحد يفكر، صج قالوا امل و تفاؤل و صبر، بس يعني كل شي له حدود حتى هاذي الاشية لها حدود،،،،،، موب اول مرة يعني تصير مشكلة بالجامعة، و اصلا كل يوم تلاقي مشاكل الجامعة زايدة و اكثر من شخص تكلم و اكثر من طالب تحرك، ومااعتقد اكو بحريني مايدري بمشاكل طلبة جامعة البحرين،،، تقدر تقول لي شنو صار؟؟ و لا شنو سوا لهم؟؟ ولاشي، فشي طبيعي السكوت والصمت، و لا اهوة اول حق و لا اخر حق مسلوب....

بصراحة انة ماعرف وايد عن الانسحاب، بس يعني الي اعرفه انج تروحين للتسجيل و تقولين لهم السالفة و ظروف رفيجتج، هاذي اذا يعني وافقوا انج اتسوين الاجراءات بدلها، فيعني روحوا لهم و ساليهم ووالله يعينج على معاملة موظفين التسجيل اذا حصلتي لج احد منهم يعطيج كل المعلومات،، و اتمنى احد غيري من الي يعرفون يقر يساعدج.. بالتوفيج

وانا اقول شنو اسباب الإخفاقات الأخيرة للمنتخب .. اثاري العشب مال الوطني دابة " جبده ههههههههههههههههههههههههههههههههههههههههه حلوة هاذي لا بس صج حرام يعني وايد حرام، المفروض ان الطلبة الي راح تتخرج يتحركون على المووضوع، يعني صج هاذي اخر مهزلات الجامعة ... يلا انتظروا بعد بييكم من هالجامعة الي اخس منه

اصلا معظم الطلبة فقدت الأمل تسمع خبر حلو من الجامعة الموقرة، كل مرة اتطلع لها اخبار، و هاذي اشكره واضحة انها قاعده تتبع سياسة تطفيش الطالب، يعني احين الصيفي و يقولون ماعندها ميزانية، وكنسلوا الصيفي، و اسعار الكتب و غلتها، و الاكل في الكفتيريا و غلته، و الطلبة اتخرجهم بمعدل 3 ومافوق بالرغم هاذي حق لكل طالب انه يتخرج بمجرد انهاءه البرنامج الدراسي، ان شاء الله يكون معدله صفر بعد، و ان شاء الله يوصل معدلهم للمليون، بس يعني المبررات الي تحطها الجامعة صج ينطبق عليها عذر اقبح من ذنب، و لا تقولون في امل، وايد مصدقين احد بيسمع لكم يعني احين، الي يبونه بسوونه بالجامعة ......

الله يا ياودود يا كريم يا جبار السماوات والأرض يا هادي القلوب اهدي قلبي .... يا مغيث أغثني يا مغيث أغثني يا مغيث أغثني.. اللهم لا تزين لي عمل السوء اللهم ذكرني دائما بأن الدنيا زائلة فاصرف عني زينتها.. اللهم ارحمني فمن لي اله غيرك؟ من يرحمني غيرك؟ من يستر علي غيرك؟ من يرزقني غيرك؟ من يصبرني على هذه الدنيا غيرك؟ اللهم لك الحمد اللهم خذ روحي وأنا ساجد بين يديك وقلبي ينبض بخشيتك وذكرك اللهم أحسن خاتمتي.. اللهم اعني على طاعتك اللهم إني أعلم انك تحبني لأني عبدك المسكين الذي لا يوجد له احد سواك في كل وقت اللهم ابكني من خشيتك اللهم اعني اللهم أغثني فوضت أمري إليك ووجهت وجهي إليك لا ملجأ إلا إليك اللهم انك تعلم ما بحياتي كله الظاهر والباطن ما اعلمه وما أنت اعلم به مني استغفرك وأتوب إليك اللهم خذ بيدي إلى الهداية واستر علي وعلى جميع المسلمين الحمد لله الحمد لله الحمد لله الحمد لله الحمد لله حمداً كثيراً طيباً مباركاً كما ينبغي لجلال وجهه وعظيم سلطانه وصلى الله على محمد وعلى اله وصحبه أجمعين... انشرها فرب دعوة كانت سبباً لهداية غيرك... رب ضاعف حسنات من ينشرها أضعافاً أضعافاً برحمتك... والسلام عليكم ورحمه الله وبركاته

مررت بضيق نتيجة مشكلة أو كرب فعليك قراءة السبع الآيات المنجيات وأنت على يقين بأن الفرج لا يأتي إلاّ من عند الله سبحانه وتعالى السـبع الآيات المنـجيــات كالتالي : بسم الله الرحمن الرحيم " قل لن يصيبنا إلاّ ما كتب الله لنا هو مولنا وعلى الله فليتوكل المؤمنون " " وإن يمسسك الله بضر فلا كاشف له إلاّ هو وإن يردك بخير فلا راد لفضله يصيب به من يشاء من عباده وهو الغفور الرحيم " " وما من دابة في الأرض إلاّ على الله رزقها ويعلم مستقرها ومستودعها كل في كتب مبين " "إني توكلت على الله ربي وربكم ما من دابة إلاّ هو آخذ بناصيتها إن ربي على صراط مستقيم " " وكأين من دابة لا تحمل رزقها الله يرزقها وإياكم وهو السميع العليم " " ما يفتح الله للناس من رحمة فلا ممسك لها وما يمسك فلا مرسل له من بعده وهو العزيز الحكيم " " ولئن سألتهم من خلق السموات والأرض ليقولن الله قل أفرأيتم ما تدعون من دون الله إن أرادني الله بضر هل هن كشفت ضره أو أرادني برحمة هل هن ممسكات رحمته قل حسبي الله عليه يتوكل المتوكلون " ولا تنس أن الرسول (صلى الله عليه وآله وسلم) قال: من فرج على مؤمن كربة من كرب الدنيا فرج الله عليه كربة من كرب يوم القيامة". اللهم وفق قارئ وناشر هذه الرسالة لما تحبه وترضاه

اقول عيل دام معظم هلون موب مستعد تعالوا انعد ايام الاجازات الي بتصير في هالكورس ، اهية موب وايد بس يلا شنسوي!! جوفوا .. اول شي بصير الفورملا!! بس موب اكيد، و هالمرة يقوولون الفورملا في شهر مارس موب ابريل، بعدين عندنا اجازة المولد النبوي الشريف و على حسف التقويم كاتبين 10 ابريل و يصير يوم الاثنين هاذي اذا ماتغير على حسب القمر، بس انشاء الله يتم نفس مااهوة و عقب عندنا اجازة مابين الفصلين، عاد اكيد جوفوا قبلها امتحانات و عقبها امتحانات و تبتدي من 15 ابريل الى 19 ابريل، يعني بعد المولد بخمس ايام ،، و عقب 1 مايو عندنا اجازة يوم العمال و هاذي الي عندي من اجازات، و الله يزيدهم يا رب

لا بصراحة انة وحده موب مستعدة ، كلش موب مستعده للجامعة ، ولا ابي اروحها بعد.. و لو اتعزينا على روحتنا الجامعة بدل ماتهنينا يكون ابرك بعد، هاذي احد يهني الواحد على روحته لها وبعدين الجامعة كله اتقص علينا، و الاجازة الي احنا فيها نصها رايحة على اجازات رسمية، كفاية اجازة العيد و عاشوراء، المفروض لنا تعويض، موب كفاية امتحانات قبل و بعد العيد

فعلا اختي القصة بغاية الروعة، و جدا جدا عجبتني لما قريتها لان سبق و قريتها لكن الخبر المحزن بالموضوع ان القصة موب كاملة، لان كاتبتها انزعجت من البعض الي قام و نشر قصتها في منتديات ثانية بدون اذنها او حتى ذكر المصدر الرئيسي للقصة و لدرجة البعض قام بتحريف شوي باسم القصة و اسمها الاصلي مثل مااهوة مكتوب انت لي، ولكن البعض قال رغد انت لي و ماشابه ذلك، و لهاذي الاسباب قررت كاتبها ان تنشرها بكتب وان شاء الله تقرونها بالكتب لان فعلا حلوة القصة....

مشكور اخوي محمود على الموضوع وان شاء الله الكل يستفيد من هاذي المناسبة العظيمة و يعتبر منها ويارب الكل يكون عايش في تسامح بـــس .... شنو سالفة الموضوع في قسم مقررات الحقوق؟ و شنو بعد كانت سالفة مسيرات نانسي بقسم مقررات الحقوق؟

بصراحة مادري شقول لج، بس و الله حالي من حالج

مشكورين كلكم على الردود