*التـوت*

بنت البحرين ملك الاحساس لكم احلى شكر وتحية على المرور والمتابعة

عزيزين وغاليين على قلب كل اللي شاركوني في هالموضوع ..وتفاعلوا معاي اخوي شامخ قطر ياريت كل واحد يلبس ثياب رياضة وتكون عنده حب التطوع بدون انتظار مقابل المشكله .. في هالزمن ماكوا احد يعمل عمل من غير مقابل الكل ينتظر مقابل وراء اي شي يقوم به .. بس كل اللي اقوله الله يكون بالعون!!

فديت الكلام السنع والردود الحلوة اضم صوتي لصوت اخوي فايز وبعد أأكد على كلام احمد البنعلي وخواتي تشكرون على كلامكم الطيب ....... يعز على قلبي .. انه البحر ينهمل والتراث يترك من غير حفظ ......... اتمنى من قلبي .. نكون حملة لحماية كل ما يعز على قلوبنا

سلام من القلب لكم وتحية وردية من التوت عندي موضوع ..وودي أطرحه عليكم يا ترى بتسمعون النداء اللي آنا سمعته !!؟؟ البحر الكل يقول انه في وقت الضيق يحب يروح يقعد على البحر والبعض يعتبر البحر عالم رائع .. ومنظر أروع ..ووخيال واسع وكثير من المغنين ..تغنوا بالبحر .. وبجماله .. وبغدره .. وحلوه .. وبمره البحرين جزيرة محيطة بها البحر .. وديرتنا مب بحر واحد بل بحرين واللي توصلت له ديرتنا لصغيرة من تطور وازدهار يجعل المواطن يفخر بها لكن لو ألقينا نظرة على السواحل الموجوده بديرتنا لصغيرة بنلقى سواحل مهملة .. وسواحل اعادوا تأهيلها .. وسواحل حلوة وجميلة زين السواحل المهملة مالها رب !!؟؟ مثل ساحل الزلاق .. مريت فيه قبل فترة وكان شكله يعور القلب .. حسيته يقولي متى بتهتمون فيني !!؟؟ ياترى شنو بيدنا نقدر انسويه لمثل هالسواحل !!؟

لانها الغاز قديمة ما اتي على البال وحلها مايخطر على الباب حل اللغز الثاني هو الزاجرة اما الاسم الخماسي فهذا عاد سهل ســ لما ن لو حذفنا " لما " صار " سن " مفرد اسنان ولو حذفناا الحرف الاخير صار " سلمى "

جواب اللغز الاول ... بغششكم شوي غنمنا يالسود = الحروف الهجائية العود = اهو القلم كلما يكتب القلم (العود) اتزيد الحروف ( الغنم)

مارسيليا.. تسلمين على الطلة شامخ قطر.. حيالله اهل قطر الله يعافيك خوي

خوي فايز بالعكس ما ينعوي للسان هذا تدريب ورياضة للسان توتي سويتي تسلمين قلبي بس هذي مب امثال شعبية هذه تسلية شعبية ولين تبين امثال شعبية اعطيج منها بدل الواحد ألف

هلا اختي ونة يقولون في الامثال الصبر جميل والصبر مفتاح الفرج عاد خلي عندج شوي صبر يمكن في احد من الاخوان والاخوات ايعرف الاجابة ننطر ونجوف وبعدها اييج اللي يسرج

زمان اول كان الضحك له لون وطعم ووقت الفراغ عندهم غير عننا احنا وقت الفراغ نقضية على الانترنت اما في زمانهم .. كانوا يتجمعون في مجلس والبعض يقول حزاوي .. وناس تقول نكت و ألغاز ونوادر جحا .. بقولكم بعض ألغاز أول وياريت اتعرفون الجواب :- 1- غنمنا يا السود ... راعيهم مسعود ..كلمان جر العود ..زادت غنمنا !! 2- بنتنا بنت الدلالي ... راكبه فوق الجبالي .. اتحارس مركب ابوها .. لين يجرونه بالحبالي !! 3- اسم خماسي الحروف مذكر .. اذا حذفت اوساطه عاد في الفم وان حذفت الحرف الاخير فانه يعود اسم انثى ظاهرا في التكلم !!؟؟ وغير الالغاز .. كان في نوع من التسلية لتدريب اللسان على الحروف المتقاربة في اللفظ وهذا النوع يسمونه (( قولها ثلاث مرات بسرعه )) مثل: بيدي صم شيص .. وبيدك صم شيص .. صم شيصي احسن من صم شيصك .. لو صم شيصك احسن من صم شيصي ؟ ها تقدرون تقولونها 3 مرات بسرعه !!؟؟ وطبعا هالنوع زاد وكثر وزادت الجمل .. من قبل ومن الحين .. وهذي امثلة للجمل :- شـرشـفـنا مع شـريف وشرشف شـريف زى شـرشـفـنا خشبت الحبـس حبـست خمـس خشـبات وخشـبه قمـيص نفيسه نشـف ذبحنا بقرتـنا وذبحوا بقـرة بارقبه طلعت مرقة بقرتـنا احسن من مرقة بقـرة بارقبه خمـيس خمش خشم حبش وحبش خمش خشم خمـيس خـيـط حـرير على حـيـط خلـيل بطتكم بطت بطن بطتـنا وبطتـنا تقـدر تبط بطن بطتكم لان بطتكم بطت بطن بطتـنا شـفـتـك شـفـتـنـي ما شـفـتـك شـفـتـنــي حــوش خمـيـس خــوش حــوش دبـاب ما فـرملـنا به ودبـاب فرملـنا به عـطـوني غـداي وغـطـو غـداء عـطـيـه اكلت قفص بصل ومصيت قفص قصب طبخنا في مطبخكم طبختنا جدار دار طين دارنا اكبر من جدار دار طين جارنا قطو طارق نط وطق طير طارق شمس تمشي وشمس مشمسه قدر مرقة بقرتنا اثقل من قدر مرقة بقرتكم قعقاع فوق قعقاع جو جده زي جو جيزان فراش فراس مفروش خميس الخباز خبز خمس خبزات لقمه وجغمه صفحه سبعه صعبه خط تبوك طويل القصمان لبسوا قمصان واكلوا قرصان طحين حنطه وطحين دخن جدع قام وجدع قعد يا زين شمس الشتاء ناديـــن نادي ندى رسمنا بالمرسم برسيم ومسمار لوري بلا بوري كبش مكسي شحم شعبان شبعان مكرونه بالكريمه مركونه بالكرتون شـاب شيب شعر راسه بسيطه وماتبسطهاش وصعبه وماتصتصعبهاش لحم الحمام حلال ولحم الحمار حرام شـرطي اكل طرشي حب حبـحبـنا زي حب حبـحبـكم الله يرحم زمان أول تراني انطر الجواب على الالغاز واذا عجزتوا قولوا لي وانا اعطيكم الحل !!

ماكو احد حلووو الا وجودكم في صفحتي وردودكم وطلاتكم لكم احلى شكر وتحية

بنت الاصايل حلوة طلتج على الصور والاحلى ردج على مواضيعي لج مني كل الشكر

السلام عليكم اخوتي واخواتي كل يوم يمر علينا عدد من الصور نشاهدها في صفحات بعض المواقع وبصراحة انا وايد احب أجمع صور ..الصور الحلوة بس وحبيت اني احط لكم بعض الصور اللي اعجبتني واتمنى تعجبكم .. يا حلاة هالكمثراية يا حلوها فديت قلب الأم البطة ماشاء الله عليج .. اصغيرة وقوية ياريت عندي مثلها ..

أحمد الله على نعمة الام وأحمد الله انه ربي حفظ لي أمي واذا كنا نحتفل في يوم 21 /3 بعيد الام فأنا أحتفل بأمي كل يوم وكل ساعه وكل دقيقة ويقولون اللي يبي الاجر يبوس راس أمه كل يوم ويسألها : يمة انتي راضية عليي !!؟؟ ويبشر بالتوفيق والسعاده ليما تقوله امه انها راضية عنه ....... ومااقدر أوفي حق امي بكلمة ولا بجملة ولا برسالة لان كلماتي تعجز لين نطقت وقلت أمي تسلمين يا بنت الاصايل وانتي بعد تستاهلين انقولج كل عام وانتي بخير لانج ام حمد .. تقبلي مني كل الحب والاحترام اختج التوت

كلام منسق جدا ويدخل للقلب .. وينطبق على واقع نعيشه واضيف بعض ماقاله قلبي ذات يوم.. قد نبتسم ونرسم الابتسامه على وجوهنا ولكن هل هذه الابتسامة تعكس ما يكمن وراء ثنايا القلب !!؟؟ قد نبتسم لنيل رضا الوالدين قد نبتسم في وجه طفل برئ قد نبتسم امام ضيف غريب ولكن يبقى في القلب حاجة هل لها في هذه الدنيا انفراجه !!؟؟ سلمت يداك اختي ونة والله يجعل ايامكم كلها سعاده وابتسامه

كل سنة ووملاكوو وقمررو بخير والله يديم الافراح يارب واحنا ننتظر الكيكة

فايز بنت الاصايل بنت الوزان حمد محرقي ملك الاحساس ونة ألم رازجية توتي سويتي ღ my love اخجلتم تواضعي بردودكم الحلوة وافرحتم قلبي بمتابعتكم ويارب يجمعني معاكم في مواضيع جديدة تقبلوا مني خالص الشكر والمحبة توته

عنوان الحلقة : نجحنا والله وفقنا واخر صبرنا نلنا تمر الايام .. وتنتهي فترة الامتحانات .. ويبدأ الجميع بانتظار النتائج .. وخصوصا فايز الام : شفيك يمة متوتر هالون؟؟ فايز : يمة اليوم النتائج وانا وايد خايف... الام : افا عليك يا وليدي لاتخاف وانا امك دعيت لك من كل قلبي .. وانت يا يمة ما ينخاف عليك فايز : يمه هالسنة اخر سنة لي وانا اتمنى يرتفع معدلي الام : يالله ياكريم ان معدل ولدي يرتفع واتفرح قلبه فايز : اي يمه ادعيلي بقوووة طلال : هلوووو شلونج يمه شخبارج ولهت عليج من الغدا ما جفتج الام : هذا اللي ضارب الدنيا جوتي .. انت ماتقولي متى تطلع نتائجك ؟؟ طلال : انا .. مادري يمة لو ادري ما بخش عنج .. الربع قالوا بخبروني لين اطلعت الام : انا ماقول الا الله يستر منك يا طلول فايز : اي والله يا يمة ولدج ذي ناوي ياخذ دبلوم في الاعدادي طلال : دبلوم مرة وحده .. شي زين يعني ذي ..والله اانك ياخوي نمرة واحد الام : طلال لو سمحت لاتعور راسنا بهذرتك الحين ..وقوم صب لي جاي طلال : يمة من قال لج اني اشتغلت صباب جاي الام : وصمة ان شاء الله ... استح على ويهك وقوم فايز : صج انك جليل حيا .. قوم يالله وصب لي معاك بعد طلال : ياااا اجوف طالت وشمخت .. بعد امي مااقدر اقول لها لا ..انت قوم صب حق روحك بروحك بعد شلة الله ماعطيك هاليد .. فايز : قوم لاتتيك رفسة اتطيرك المطبخ دايركت الام بدأ تعصب على طلال ..ولكن طلال يتدارك الموضوع ويذهب مسرعا الى المطبخ .. يرن هاتف فايز .... فايز : الووووو هلا الحمد محمد : فااايز الحق يقولون النتائج انزلت على موقع المدرسة فايز: بذمتك محمد ..يالله يالله بروح اجيك يذهب فايز مسرعا الى جهاز الكمبيوتر .. ويحاول ان يدخل على موقع المدرسة ليرى النتائج ... ولكن المحاولات فاشلة ..بسبب بطئ الموقع فايز: اووووووووف شنو هالحظ شلة مب راضي يفتح يبدا فايز يتوتر اكثر فاكثر .. ..بعد لحظات يسمع فايز صوت امه وهي (( تزغرد)) وتنادي فايز بصوت عااالي الام : كلووووووووش فااايز تعااال يمه تعاااااااااال فايز يذهب مسرعا : شصاير يمة الام وهي واقفة جنب الاب : مبرووك ياوليدي مبروك الاب: مبروك فايز تعال خل المك فايز مب مصدق عمره : شصاير يبه قولي الاب : مبروك ياولدي معدلك 97.9 فايز وباقي شوي ويصيح : يبه شلون عرفت متاكد انت ؟؟؟؟؟ الاب : اي فايز شفيك يبه انا اليوم من الصبح مكلم جارنا الاستاذ صالح وقلت له اذا يقدر يطل نتيجتك فايز : يبه والله اني مب مصدق ..الحمد لله الحمد لله الام بدأت عينيها تمتلئ بالدموع : عساني افرح فيك يا ولدي والله انك مفرح قلب امك فايز : يمة انا بعد مب مصدق ..الحمد لله الف الحمد لله .. الحين باقي اجوف علامات كل المواد طلال : خشمك خشمك يالاخو مبروك خوي .. صج طلعت سبع فايز : الفال لك يا خوي شد حليك عاد يالله طلال : معليه انتم السابقون ونحن اللاحقون الام : فايز يمة روح اتصل حق خالتك وبشرها تراها تحاتيك اهي بعد وانا اليوم بعزم كل الفريج على هالمناسبة الحلوة حقق فايز حلمه .. وحصل على درجات عالية .. وقرر بعدها ان يدخل الجامعه ..ليكمل مسيرة العلم ومن مسيرة العلم الى مسيرة العمل .. ومن مسيرة العمل الى مساعده الناس وخدمة وطنه .. هذا هو فايز .. فلكل مجتهد نصيب والى اللقاء يا اصدقاء

ماكو احلى من دينار اول اول ايام ابوي وامي ويدي ويدتي كان فيه بركه والله يالله معليه مشكور الغالي وان شاء الله هالتغير يكون خير على الكل

قرأ في احد المواقع عن رعاية الله لنا .. فقلت في نفسي لماذا لا انقل ماقرأت الى اخواتي واخواني هنا!!؟؟ تابعوا معي... عندما يحل وقت النوم تبدأ الجفون بالتثاقل والعيون تبدأ بالاحمرار شيئا فشيئا وتحس بجسمك يستجيب لهذه الاشارة فيبأ هو بتخفيف نشاطه شيئا فشيئا والدماغ يرسل الاشارات لبقية اعضاء الجسم كي تقوم هي الاخرى بدورها في التهيئة للنوم وبعد ان تتمدد على الفراش الوثير كلها لحظات وترى نفسك قد غبت عن الوعي ودخلت في الموتة الصغرى النوم الهادىء الوادع ولكن .. هل فكرت في نفسك ولو مرة واحدة مالذي يحصل لو تعطلت الية واحدة من اليات عمل الجسم كيف سيتحول شكلك وانت نائم؟؟ عندما تنام يكون الله سبحانه وبحمده يرعاك ويسلمك من الافات عند نومك لذلك احمد الله سبحانه عزوجل على تقليبه لك مرة كل (7دقائق) لتغيير وضعك اثناءنومك حتى لايصاب جلدك الرقيق بالتعفن واحمد الله سبحانه ايضا على نعمة لسان المزمار الذي يفتح منفذا للريق الكثيف الذي يجتمع بفمك وانت نائم لاتدري حتى لاتختنق وتشرق بالريق احمد الله اللطيف الرؤوف بعباده على نعمة الاحلام غير المرضية التي يجعلها الله سبحانه كالمنظف لما يزدحم في ذاكرتك من معلومات ومشكلات وكل ذلك لتحافظ على لياقة عقلك احمد الله سبحانه ايضا على نعمة عدم اصابتك بفيروس التهاب الدماغ السباتي الذي تصاب معه بنوبة من الحمى الشديدة مع فترات طويلة من النوم لاتحس بعدها بالراحة احمد الله سبحانه على نعمة انك لاتعاني من نوبات الهلع الليلي والهلوسة الشديدة والهذيان المتلاحق بسبب ماتراه من احلام وتصورات اثناء نومك واحمد الله سبحانه ايضا على نعمة عدم اصابتك بالنوم المرضي المفاجىء الذي يجعلك تنام في اي مكان وفي اي لحظة سواء كنت تاكل او تقود سيارتك او تصعد السلالم احمد الله سبحانه ايضا على نعمة عدم اصابتك بمتلازمة الرجلين التوهمي والذي يجعل رجلاك تنتفخان اثناء نومك احمدالله سبحانه ايضا على نعمة عدم اصابتك بمرض التبول الليلي اللاشعوري الذي قد يصيب الانسان ولو كان كبيرا احمد الله سبحانه ايضا على نعمة عدم اصابتك بشلل النوم الذي يصيب عضلات الجسم فجأة لفترات مختلفة احمد الله سبحانه ايضا على نعمة هدوء شخيرك وعدم اصابتك بانقطاع التنفس النومي الذي يجعل من شخيرك صوتا مزعجا تصل درجة قوته الى ايقاظ من في الحجرة الاخرى احمد الله سبحانه وبحمده على نعمه التي لاتنتهي وعلى افضاله التي لاتحصى يرعاك وانت نائم ويرعاك وانت قاعد ويرعاك وانت قائم ويرعاك في كل احوالك

يخليكم ربي على الردود الحلوة وبصراحه وايد تشجعون الله يدوم المحبة والتواصل بيننا

على باب مدرسة طلال .. يقف فايز مع صديق طلال ... فايز: حمود انا فهمتك شتسوي عدل .. عاد انت وشطارتك ولك مني اللي تبيه بس انت سو اللي قلت لك عليه حمود: افا عليك ولا يهمك انا لطلول بالمرصاد فايز : زين يالله فمان الله حمود : باي خوي يتجه حمود الى صفه ... ويتجه فايز الى مدرسته ... في الطريق يفكر فايز فيي اخوه طلال .. رغم انه فايز كان قلق من الامتحان الا ان فايز طالب شاطر ومجتهد اما في صف طلال .. كان حمود يقف بالقرب من طاولة طلال ينظر دخول طلال الى الصف.. لكن طلال كعادته يمر على بعض الفصول ليلقى التحية على بعض زملائه... يصل طلال ويدخل ويستقبله حمود حمود: هلووووو طلوووول طلال : هلا حمووووود.. ها شخبار الدراسة معاك؟ حمود : اخبارها مثل اخبارك .. طمني عسى مضبط الوضع؟ طلال : اي وضع اللي تكلم عنه؟؟؟ حمود : لا اتغيشم.. انا اقصد البراشيم.. ترا انا معتمد عليك لان امس ما كان لي خاطر اراجع طلال : وانت من امتى اتحب هالسوالف ؟؟؟ حمود : يعني شنو حلال عليك حرام على غيرك...يالله اجوف اجوف طلال : اسمع انا صراحه سويت جم برشومه بس اخوي طب عليي .. بعدها ذاكرت لكن قلت ما يمنع احمل معاي هالجم برشومه.. حمود : ان اشاء الله بس كتبت الاشيا اللي انا ابيهم طلال: شنو الاشيا اللي تبيهم؟؟في اي درس حمود: ما نبي ننفضح ترا انا اخاف عطني اياهم وانا بجوف شنو اللي ابيه طلال : زين بحطهم في الدرج وانت خذهم وبسرعه خلص وردهم مكانهم ياخذ حمود اوراق البراشيم من درج طلال ويسوي روحه بيقرا اللي فيهم .. لكن حان الان موعد تنفيذ خطة فايز حمود يستبدل البراشيم باوراق ثانية اللي استلمهم من فايز هذا الصباح وبحركه سريعه يرجع حمود الاوراق الى طلال في الدرج .. واذا يالاستاذ يدخل الصف ... طلال يحاول يعتدل , ويهيأ نفسه الاستاذ : السلام عليكم الطلبة : وعليكم السلام ورحمة الله وبركاته الاستاذ : ها شباب مستعدين للامتحان الطلبة: نعم استاذ الاستاذ : يالله الاوراق اللي قدامكم .. شيلوها.. ابي اجووف بس اقلامكم على الطاولة يالله نقول بسم الله ونوزع الاوراق ... ما ابي اسمع ولا صوت بعد توزيع الاوراق يبدأ الاستاذ بتوزييع الاوراق .. وبعد ان ينتهي يذهب للجلوس على مقعده الخاص ليشغل وقته بامور عديده اما الطلاب فتبدأ عندهم مراسيم الغش... طلال ينظر الى الاسئلة ويقول في نفسه : اوووووه اجابة هالسؤال انا امبرشمنها خوش عدل هذي من اولها وعندي الاجابات بس خل اجوف الاستاذ لا ينتبه ليي يتلفت طلال يمين ويسار ... ينظر الي حمود والغريبة ان حمود كان مندمج في الاجابة استغرب طلال ولكن قال في نفسه : اذا يبي شي بيقولي انا المهم الحين اطلع اجابة هالسؤال يحاول ان يخرج البراشيم .. ويفتحها ... لكن ......... طلال : شنووووووووو هذاااااااااااااااااااا ينصدم طلال لما وجده مكتوب في الورقة ((((((((( حاول مرة اخرى )))))))))) اكتشف طلال اللعبة التي لعبها حمود عليه وعرف انه حمود هو ا لذي بدل البراشيم بهذه الاوراق والان ... اعتمد طلال على ان يجد الاجابة في البراشيم ... فضاعت المعلومات من ذهن طلال وبدأ طلال يحاول ويحاول ان يسترجع بعض المعلومات التي ذاكرها وبدأ بالتأليف تارة ... وبالنظر الى اوراق زملائة تارة اخرى الى ان انتهي الامتحان وحانت الفرصة طلال ينظر الى حمود بنظرات حاده وما ان خرج الاستاذ طلال : حمووووود اناااا اتسوي فيني جذي والله لا اراويك حمود : صبر صبر طلال .. انا ماليي شغل في الموضوع اخوك فايز اهو اللي قال لي اسوي جذي ينصدم طلال اكثر ..... حمود : وانا وافقت اني أبدل البراشيم ابهالاوراق لانه الغش مامنه فايده يا طلال وانا رفيجك واتمنى لك الخير طلال تختلط عنده المشاعر .. فيبقى ساكت امممم ياترى كلامي صح ولا غلط الغش مهما كانت اوقاته حلوة ومغامرته احلى .. والربع يتعاونون فيه الا ان عمر الغش ماكان مفيد... واللي يعتمد على الغش .. فالعصافير راح تبني في مخه عش اتمنى وصلت المعلومه تقبلوا مني احلى تحية والى اللقاء في الحلقة القادمة

خو بوحمد ذبحتني من الضحك بس انا عندي محامي وايد خطير بنت البحرين تسلمين على المتابعه باجر ان شاء راح نكون مع احداث يديدة اعذروني على التاخير

اخجلت تواضعي يا بوحمد وانا بسمح لك تبوقها بس مب علشانك علشان حمودي بس خبرني اي حلقة بتبوق ؟؟

اسعدتني ردودكم من غير استثناء كل الردود عورت قلبي وحبيتها كل الحب وبناءا على هالردود انتظروا جديد مسابقاتي احبكم حدي