*التـوت*

صباحكم عسل على مربي شلونكم وشخباركم بسألكم من عنده المنتدى بطئ ؟؟؟ ابي اجوف بس انا ولا في احد معاي يعاني من نفس المشكله

تسلمون حبايب قلبي على الردود الحلوة وياريت لو اقدر اصور لكم هالمشاهد واحد لكن مينو وعصير حتى تكمل القعده

عنوان الحلقة :النظافة من الايمان تنتهي اجازة الربيع .. ويعود الاولاد الى مدارسهم ..وبالطبع يكون الوضع مختلف عند فايز وطلال وفرح .. لانهم سيذهبون الى مدارس جديدة.... طلال : يمة يمة وين الجوتي اليديد ؟ الام : عند الباب يمة .. فايز : يمة قرقشي فليساتج لو سمحتي فرح : يممممممة .. تعالي سرحي شعري .. الام بدأت تعصب : اللهم طولج يا رووووح ... فايز روح الى ابوك بيعطيك .. فرووح ييبي المشط وتعالي يالله الاب: ام فايز وين الشنطة الحمرة اللي فيها الاوراق ؟ الام : انت بعد ... بتلاقيها في الغرفة يم المكتبة وبعد الفوضى الصباحية ..تهدأ الامور بذهاب الاولاد الى المدارس... في ساحة المدرسة التي انتقل لها فايز....يتجمع عدد كبير من الاولاد .. ويبدأ كل مدرس بتنظيم تلاميذه لبدأ طابور الصباح..وبعد الانتهاء من الطابور يتجه الكل الى صفه.... تنتهي اول ثلاث حصص ..وتبدأ الفسحة خليفة : يالله شباب عندي لكم مكان اسبشل نقعد فيه سلمان : اقول الربع هذا اللي اسمه فايز مبين انه يديد في المدرسة محمد : اي سمعته يتكلم مع خالد اللي قاعد يمه ويقوله انه توه منتقل اهني خليفة : زين عيل خل نلعب عليه ها ها ها سلمان : اي اي فكر لنا في فكرة يا الخَلف محمد : لا يا شباب مبين عليه طيب .. خلنا انرافجه احسن -------------------------------------- خالد : ماقلت لي يا فايز انت عندك خوان؟ فايز : اي عندي اخت في خامس ابتدائي واخو في صف اول اعدادي خالد : انا بعد عندي اخت واخو بس انا لصغير فايز : لا انا لكبير بينهم ... شخصية انا عبالك شنو وفي اثناء الحوار الذي كان يدور بين خالد وفايز يمر خليفه مع ربعه خليفة وهو ماسك علبة عصير في يده : اقول الربع مبين انه هالعصير يديد ماكانوا يبيعون منه قبل .. سلمان : اي والله و شكله مب شي ها خليفة : اللا مب شي وماله طعم ومبين دمه ثقيل بعد ويرمي خليفة بعلبة العصير على الارض قرب فايز وهو يضحك باستهزاء تحتد نظرات فايز الى خليفة ويمشي مسرعا ويقف امامه فايز : يا اخ ما اتعرف انه النظافة من الايمان .. وهذا التصرف مب صحيح خليفة : وانت منو ...علشان اتقولي صح ولا مب صح فايز : كلنا اخوان في هالمدرسة ولا اهي مدرسة ابوك خليفة : خوا يمبك .. انا عندي في البيت اخوان وايد مب ناقصك انت هاهاهاها سلمان : يالله يالله خليفة اترك عنك هالمحاضرات وخل نمشي خالد : فايز تعال نمشي ويذهب فايز وخالد من جهة وخليفة وربعه من جهه ثانية خالد : فايز هذا خليفة وربعه من شياطين المدرسة .. لاتعور راسكم معاهم فايز : بس هذي التصرفات لليهال واحنا كبرنا عليها وانا عن نفسي مااقدر اسكت عن الشي الغلط خالد : شنو بتسوي .. مايفيد معاهم شي .. فايز: اصبر وانت بتجوف .... دق الجرس .. وانتهت الفسحه فايز : خالد يالله بسرعه نبي نوصل الصف بسرعه خالد : ليش بسرعه وليش ماخذ كيس الوصخ معاك فايز : انت تعال وبتعرف ويصل فايز وخالد الى الفصل قبل التلاميذ .. ويضع فايز كيس الاوساخ على طاولة خليفة ويخرج من الفصل مسرعا خالد : فايز ليش سويت هالشي؟ فايز: علشان خليفة يتعلم درس ماينساه طول عمره خالد : بصراحه اشك انه خليفة يتعلم شي ويصل خليفة وربعه الى الفصل .. وما ان يصل قرب طاولته ويرى الاوساخ يصرخ قائلا خليفة : من الوَصُخ اللي رمى هالاوساخ على طاولتي .. ؟؟ الطلاب يطالعون بعضهم البعض والكل يعرف انه خليفه ولد شيطان ومافيهم شدته سلمان : خلاص خليفة انا بشيل هالكيس يمكن احد حطه بالغلط خليفه : لا لا سلمان لاتشيل شي انا لازم اعرف من اللي وصخ طاولتي وحسابه معاي عسير يدخل فايز وخالد الفصل وكأنه شيئاً لم يكن .. وينظر خليفة الى فايز خليفه : انا اقول اللي حط هالوصخ على طاولتي يعترف احسن له فايز : وليش معصب يا خليفة الموضوع مايستاهل كل هالعصبية خليفة : انت لا تدخل نفسك في كل شي .. وانا لازم اعرف من وصخ طاولتي فايز : خالد يقول المثل من وصخ ديرته وصخوا له طاولته ويضحك فايز مع خالد خليفة وهو معصب : انت هيييييي شقاعد اتقول ..لاتطير بس يالخفيف فايز : يا خليفة احنا اخوان مثل ما قلت لك ..وواجب الاخ تجاه اخوه انه ينصحه .. ومثل ما انت اتضايقت من وجود الوصخ على طاولتك الناس بعد تتضايق لما تمشي في مكان كله اوصاخ ..وواجب علينه انحافظ على نظافة مدرستنا وديرتنا لانه النظافة من الايمان .....................

يعطيكم العافية الف شكر لكم

ربي يسلمك ومن الخير يعطيكم ترى الحلقة الثانية تنطركم

التوت موجوده

يالله يالله يالله تعالو يا حلوين.. انجوف كل يوم حلقة جديدة نتعلم ادرووووس من فايز مفيده ... يالله يا فايز ... يالله يا فايز ... علمنا .. ومتعنا .. وعلى الخير جمعنا.. على الخير ... جمعنا على الخير .. جمعنا عنوان الحلقة ..الحواس الخمس بدأت عائلة ناصر تتعود على الحي الجديد الذي سكنوا فيه ..وبدأ الابناء بالتعرف على اولاد الجيران .. وذات مساء خرج فايز يتمشى بالقرب من الحديقة الخلفية للحي ... فايز : ياسلام الجو اليوم وااايد حلو .. ها من هذا اللي قاعد يم الشجرة ؟؟ يمكن يكون جار جديد خل اروح واتعرف عليه.. فايز: السلام عليكم حمد : وعليكم السلام فايز : اعتقد انك جديد في هالمنطقة وانا بعد ساكن جديد واسمي فايز ناصر حمد : اهلا فايز ..انا حمد البنعلي .. فايز : احنا صار لنا اسبوع تقريبا من سكنا في هذا الفريج حمد: انا مب ساكن اهني بس ياي مع اهلي في زيارة بيت جدتي فايز : اها ..طيب شرايك انقوم نتمشى في الحديقة الجو اليوم وايد حلو حمد ينظر الى فايز بنظرة غريبة ..ثم ينظر الى قدمه .. حمد : انا ما اقدر امشي .. فايز ينظر اليه نظرة حزينة : انا اسف يا حمد .. ما لاحظت هذا الشي حمد : انا اقعد اهني انتظر يجي ابوي ينزل الكرسي المتحرك لي فايز : حمد ممكن اسأل سؤال..اذا تسمح لي يا خوي حمد : اتفضل يا فايز انت الحين صديقي فايز : من متى انت على هذا الحال؟؟ حمد : من ثلاث سنوات .. دعمتي سيارة وصرت مااقدر امشي .. انا احسد الاولاد اللي يمشون ويلعبون واتمنى لو يروح مني اي شي بس ترجع لي رجولي فايز : لا يا حمد لا تقول مثل هالكلام .. قول الحمد لله على حال حمد : الحمد لله .. بس لو ماكنت اسمع كان افضل .. او ما اتكلم .. بس اني امشي هذا حلم بالنسبة لي اتمنى يتحقق فايز : حمد اتخيل لو كنت تمشي بس ما تسمع هل تعتقد انه ممكن تعيش حياة سعيده حمد يسرح في كلام فايز ويتخيل انه اصم ......................................... حمد : السمع نعمة عظيمة ما اظن الانسان يقدر اعيش بدونها .. فايز : ومثل نعمة السمع نعمة البصر ونعمة الكلام .. وكل النعم اللي الله انعمها علينا حمد : الحمد لله على كل نعمة .. فايز : والحمد لله انك تقدر تطلع وتزور الناس .. وهذا بفضل التطور والتكنولوجيا .. والكرسي المتحرك حمد : كلامك صحيح يا خوي .. اقتنع حمد من خلال كلام فايز بان لا يحسد الغير على مااعطاهم الله .. ولا يتمنى زوال نعمة مقابل رجوع نعمة اخرى.. وهذا هو ما نتعلمه اليوم من فايز .. بان نشكر الله تعالي على كل نعمة ... ونرضى بما قسمه الله لنا في حياتنا ..

كان برنامج حلو واايد والحين الصور ولا احلى من الحلا صج يسلم لنا يمناك يا اخوي احمد وطبعا ماننسى نشكر الغالي الفايز بقلوب الناس ويارب دوم تتحفنا ببرامج حلوة ,,, واحمد يتحفنا بصور احلى عساكم على القوة

لكم مني كل الشكر والامتنان على التشجيع الحلو اللي حسيته في ردروكم ويارب تكون النهاية سعيده ..

اخجلتوا تواضعي يالغاليين انا مب مبدعة هذي بس بداياتي في الكتابة ويارب اكون عن حسن ظنكم شكرا لكل اللي يتابع ويرد

حبايبي الحلوين اللي يهوون المسلسلات الكارتونية حبيت اقولكم ترى المسلسل بدا وهذي الحلقة الاولى http://bahrain2day.com/forums/index.php?showtopic=428540

اغنية المسلسل: يالله يالله يالله تعالو يا حلوين.. انجوف كل يوم حلقة جديدة نتعلم ادرووووس من فايز مفيده ... يالله يا فايز ... يالله يا فايز ... علمنا .. ومتعنا .. وعلى الخير جمعنا.. على الخير ... جمعنا على الخير .. جمعنا عنوان الحلقة "منزل جديد" انتقلت عائلة فائز المكونه من : الاب ناصر والام سعاد والابن الاكبر فايز ( في المرحلة الثانوية ) والابن الاصغر طلال( في المرحلة الابتدائية ) والابنة فرح ( في المرحلة الاعدادية ).. الى منزل جديد يقع في المدينة ..رغم انه العائلة كانت سعيده بهذا التحول الجديد إلا ان ذكريات المنزل الصغير مازالت تدور في ذهن كل افراد العائلة ولا سيما فايز .... الأب ناصر : يالله يالله يا ولادي تعاونوا .. الأم سعاد : خلهم يريحون شوي يا بو فايز.. طلال : يمه يمه ممكن تعطيني شوي حلاو الام : طلال يمة احنا اتفقنا نخفف من اكل الحلويات ..عشان ما تطلع السوسة في اسنانك مرة ثانية طلال : يمه انا والسوسة صرنا اصدقاء ..يالله يالله ابي حلاو الام : يصير انصادق شي يضرنا يا ولدي؟؟ [/color] طلال : انا اتفقت مع السوسة انها ما تضرني ..اهي قالت دامك تاكل حلاو وكيك انا ما بضرك ويالله عطيني ماما الام : اترك عنك السوسة الحين وروح ساعد فايز .. طلال : مابي اذا ساعدت فايز..اضروسي بتسوس تنظر الام الى طلال بنظرة وهي ذاهبة لمساعده البقية .. ويمشي طلال وهو بتكلم مع نفسه(يتحلطم) وبعد مرور الوقت .. يبدأ الجيران بالانتباه الى قدوم جار جديد ..فعلي يمين منزل ناصر يوجد منزل الاستاذ صالح مدرس الرياضيات بالمدرسة المجاورة ..وعلى يساره منزل رجل فضولي جدا يدعى عادل بعد انتهاء العائلة من نقل الامتعه الى الداخل .. واذا بالباب يطرق .. فايز وهو يفتح الباب: منو ؟ عادل : السلام عليكم فايز : وعليكم السلام ورحمة الله وبركاته عادل : اممم شنو اسمك يا ولد ؟ فايز : انا فايز جاركم الجديد عادل : فايز يافايز وشنو اسم ابوك يا فايز ؟ الاب وهو متجه نحو الباب : من عند الباب يا فايز؟ عادل : السلام عليك يا ابو فايز الاب : وعليكم السلام ورحمه الله وبركاته عادل : انا جاركم عادل ..اظن انكم انتـقلتم اليوم للسكن في هذي المنطقة الاب : هلا بك يا اخ عادل .. اي نعم وصلنا قبل ساعات .. عادل : الله يجعله سكن مبارك يا اخي .. وبكم اشتريته ؟؟؟؟ الاب بدا الغضب يظهر على وجهه : شكرا على الزيارة يا اخ عادل .. اتمنى انجوفك في وقت ثاني عن اذنك ..مع السلامه عادل وهو ماشيا يكلم نفسه : شنو هالجار الجديد .. صدق مايعرف الاصول .. لكن ما خبرني كم ولد عنده .. دام هذا الابو اكيد عنده اولاد راح يزعجونه في الايام الجاية

8:13 موجوده

لازم ندخل دام الخبر الحلو لفنانا الحلو يوسف

تسلمون على الردود والاقتحامات وحتى اللي ما يحبون الرسوم المتحركه بعد يعطيكم العافية

توتي .. وونة الم تسلمون على المرور وان شاء الله ما اتاخر عليكم

صباخ الخير والاحساس والطيبة شخباركم اخواني واخواتي عساكم بخير

احبائي اشكركم على الردود الحلوة والتشجيع الاحلى وبالنسبة لسؤل اختي رازجية الحلقات بتكون في موضوع غير واهني راح اسمع تعليقاتكم واراءكم وان شاء الله السبت موعدكم من اولى الحلقات تحياتي لكم

مراحب للغاليين على القلب شلونكم وشخباركم سؤال واضح وصريح من يحب الرسوم المتحركه ؟؟ اللي يحبها يتفضل يستمتع معانا بمسلسل مغامرات فايز حصريا في منتدى المذيع فايز تفاصيل المسلسل هنا

مرحبا بكم مرحبا اخوي فايز مرحبا بنت الاصايل شخبارج مع المسابقة عساج علقوة

يا مرحبا فيكم .. وقلبي يحييكم اليوم انا عندي لكم مسلسل كارتوني من تأليفي اتمنى من قلب انه يكون عند حسن ظنكم .. لاني مب كاتبة ولكن هذا بداياتي طبعا في نهاية المسلسل راح يكون في سؤال يعني مسابقة اصغيرة .. واللي راح يجاوب على السؤال راح يحصل على جائزة بس مااراح اقول شنهي الجائزة الحين ... راح اكتب كل يوم حلقة .. ماعدا الخميس والجمعه واتمنى تكون ردودكم في هذا الموضوع واتمنى اسمع انتقاداتكم و آرائكم فيه ها مستعدين لمتابعه حلقات المسلسل؟؟

التوت 8:59

صباحكم خير ومساكم حلو

ونة الم ..ملك الاحساس المنتدى منور بوجودكم تسلمون يارب

ونة الم ..ملك الاحساس تسلمون يا رب على التواجد الحلو ويارب انحقق الهدف ونترك هالسم