Jump to content
منتدى البحرين اليوم

جاسم محمد عبدالله

الاعضاء الفعالين
 عرض الصفحة الشخصية  شاهد نشاطهم

  • مشاركات

    202

  • انضم

  • آخر زيارة

 Content Type 

مشاركات posted by جاسم محمد عبدالله

  2. قدم شكرك لـ ابطال مسلسل نعم او لا .!

    in الاخبار الفنية

    Posted

    مسلسل قمممممة في الروعه من ناحية التأليف... التمثيل... التصوير و الاخراج!

    أرشح المسلسل بأنه يكون أفضل مسلسل خليجي هالسنة!

    بالنسبة لي شخصيا... نعم ولا هو أفضل مسلسل عربي.. مو بس خليجي... و طبعا هذي مجرد رأيي الشخصي... لاغير..

    الممثلين كلهم كبار بأدوارهم و شخصياتهم وايد حلوه!

    الصراحه ماقدر انتقد المسلسل أو اطلع فيه أي سلبيات!

    كفاية اني كنت اتابعه مرتين باليوم و ولا حلقة تفوتني...

     

    خصوصا الحلقه الاخير قممممة في الروعه!

  17. في اعتقادكم من هو مؤلف مسلسل عذاري

    in الاخبار الفنية

    Posted

    ياهلا بك إستاذ محمد القفاص...

    نورت منتدى بحرين تودي...

    أتمنى اني ماظلم احد في هالموضوع..

     

    بس انه اعتبر مسلسل "عذاري" انه نسخه ثانية من مسلسل "هدوء و عواصف".. صحيح انه القصة تفرق شوي.. بس الكثير من الشخصيات و الأحداث تعتبر متصلة بمسلسل هدوء و عواصف.

     

    مثل ماقلت اخوي... طريقة موت ساهر في حلقة أمس نفس وفاة منصور العام. شخصية الفنان قحطان القحطاني متقاربة من شخصية الفنان غازي حسين. شخصية فوزي نفس العام. سالفة الحوطه و المكان اللي قاعدين فيه.. و أيضا الشخصية المتمردة للفنانة إيمان القصيبي متقاربة جدا من شخصية الفنانة فاطمة عبدالرحيم العام... و فيه اشيا وايد وايد و مابي اذكرها كلها لأنه أغلبنا من تابع مسلسل هدوء و عواصف و مسلسل عذاري راح يعرفها....

  20. مناقشة حول مسلسل عذاري

    in الاخبار الفنية

    Posted

    بالنسبة لرأيي في استخدام اللهجة البحرانيية في مسلسل عذاري...

    انه اجوف انه بالعكس...الموضوع جدا عادي و مافيه اي شي غلط...

    لأنه الممثل قاعد يؤدي دوره فقط... يعني مو قاعد يستهزأ في البحارنة..

    و ثاني شي...انه متأكد انه المخرج محمد القفاص اهو اللي يبي جذي..

     

    انه ماجوف فيها شي لو ممثل سني تكلم اللهجة الشيعية في اي مسلسل اذا كان يجيد اللهجة... و مثل مانعرف انه العديد من الممثلين الشيعة سبق و انهم تكلموا باللهجة السنية في المسلسلات..

    هذي شي جدا حلو و يبين انه احنا كلنا عيال ديرة وحدة واللهجة ماتعتبر حاجز بيننا...

  23. الف الف مبرووووك بوشهد

    in منتدى الفنان نضال بدر

    Posted

    أخوي نضال...

    الف مبروك لك على الفوز... و عن جد, الفلم جدا فضيع.. و روووعه... استمتعنا فيه وايد. و ماشالله عليك ...أداءك وااااايد حلو. عجتني فكرة الفلم و واااايد اندمجت مع أحداثه.. و المخرج ماشالله عليه فنااااااان في كل شي.. عجتني واايد طريقة دمج المشاهد مع بعض.. و أحلى شي في الفلم اهي طريقة سرد القصة.

    اخوي انه التقيت بك بس للأسف كان اللقاء قصير في حفل الختام... و نتشرف بمعرفتك نضال. أتمنى لك كل التوفيق ياخوي..

  25. كم استفسار بخصوص ستاراك2 في البحرين

    in الاخبار الفنية

    Posted

    ياجماعه وش هالالفاظ هذي؟

    ترى عيب عليكم... والله عيب!

    في ذمتكم هاذي كلام ينقال اهني في هالمنتدى؟

    والله عيب جذي تشوهون صورة البحرين و أهلها و تشوهون صورة المنتدى...

    الله يسامحكم بس..

     

    بالنسبة للإستفسار... يمكن أقدر أفيد...

     

    * الحفلة تبتدي الليلة الساعة 8:30 .

    * الطلاب أمس الأربعاء كانوا موجودين في فندق الخليج علشان يوقعون للجمهور و يصورون معاهم.

    *بالنسبة لوقت مغادرة الطلاب... ماعندي فكرة بس أتوقع بيروحون يوم الجمعه.

×
×
  • Create New...