[صور حصرية لنجوم ستار اكاديمي في مطار البحرين]

الف شكر أخوي المزيون على الصور..

بصراحه روعه...

الله يعطيك العافية..

[وحشتونى ياناس]

ياهلا و ياغلا اخوي أحمد...

و انت بعد لك وحشه.. منور المنتدى..

انه إنشالله بكون في الحفلة و إنشالله نستقبلك في المطار..

[لو عرضنا عليك هالشي .... توافق؟]

ياجماعه...

ترى أحمد صلاح الدين مايقدر يغني في أي مكان لأنه مرتبط بعقد مع ستار أكاديمي و قناة LBC ... و إذا خالف شروط العقد يكون فيه غرامة....و فوق هذي كله, مايقدر يدلي بأي تصريح عن قناة ستار أكاديمي إلا بإذن من القناة ولا حتى يقدر يسوي مقابلات..

[احمد صلاح الدين يسلم عليكم بالصوت]

مقطع الصوت يشتغل عادي مافيه شي..

الف شكر لك اخوي فهد...ماتقصر ولله..

 

 

أنه إنشالله بكون موجود في الحفلة... خلاص شريت التذكرة اليوم...

و طبعا أكيد كلنا بنشجع الستار أحمد صلاح الدين ولد ديرتي و أولهم أنا..

[صج او لا]

صح حسين جاسم كان مطرب و اعتزل.

و الحريم كانوا يركضون وراه أيام أول....هههههه

بس الحين اعتزل. أغانيه وايد معروفه و للحين يسمعون له الكبار.

اهو اصله كويتي مو بحريني.

[برايم جديد!!!!!!!!!!!!]

شكرا على الخبر..

مادري اذا صج ولا لا...

بس ترا مافي تصويت حق الطلاب الأربعة عشان يصيرون ثمانية.

خلاص مافيه... المدرسين مختارينهم من زمان.

[سؤال]

انه اللي سمعته من الشباب اهني انه الحفلة بتكون في تاريخ 19/5 و بتكون في مركز المعارض عند جيان و السيف... بس مادري كم سعر التذكرة أو الساعة كم. عموما أحمد صلاح الدين بيكون معاهم اهني في الحفلة مالت البحرين. ِ

[صورة للستار هشام بطائرة الامير الوليد بن طلال]

يستاهل أبو هش الستااااار!

الله يوفقه و يحقق له اللي يتمناه.

[صوووووور كثيرة لاستقبال هشام]

شكراااااااا على الصور الحلوة.

يستاهل هشام كل هالاستقبال و الله يوفقه.

[الف الف الف مبروووووووووووووك ابو الهشاهيش]

الف الف الف الف الف مبرووووووووووووووووووك لهشام!!!

[خبر عاجل جدا جدا جدا]

لا مافي تصويت للثمانية...

خلاااااص...

[احمد صلاح موب من ال8]

انه عارف السالفه من زمااااااااان!!

عارف انه مافي تصويت للثمانية لأني اتصلت على ستار أكاديمي. بس محد راضي يصدقني.

حسافه والله...

[مكالمتي مع ادارة ستار أكاديمي...]

والله قسم بالله هذي كل اللي قلته في المكالمة... و كل الكلام اللي قالته لي البنت.

 

أنه والله ماعندي هالطبع. ماحب اسوي جذي و أحس بالذنب. بس اهي اللي جابت الكلام حق روحها. قامت تستفزني كأني طالب منها القرب. و فوق ذي كله تقوم تصك الخط في ويهي مع اني ماقلت لها ولا شي غلط.

الله يسامحهم.

 

سامحوني انه ماقدر أحط رقم ستار أكاديمي اهني لأنه على ما اعتقد قوانين المنتدى ماتسمح انه نحط رقم تلفون أوي إيميل أو عنوان موقع.

بس اللي يبي الرقم حق ستار أكاديمي... أقدر أطرشه له برايفت على رساله خاصة.

[مكالمتي مع ادارة ستار أكاديمي...]

كان ودي أكلم رولا

بس البنت مارضت

[مكالمتي مع ادارة ستار أكاديمي...]

مرحبااااااااااا...

 

ابي اقول لكم انه توني متصل في ادارة ستار أكاديمي علشان أقول لهم جم شي. بس بصراحه... البنت اللي كلمتني ماعندها إحترام ولا أخلاق.

انه بعد مسوي روحي كلش... مسوي روحي فلته قاعد أحاول أتكلم معاها لبناني علشان تفهم كلامي. لووووووووول

إحتمال مايكون فيه تصويت للثمانية.. و إحتمال فيه تصويت. هذي حسب كلامها... كنت أبي أطلع معلومات بس مارضت تقول لي شي.

 

هذي تفاصيل المكالمة.

البنت: مرحبا قناة ال بي سي إدارة ستار أكاديمي معك.

أنا: أهلين كيفيك. ممكن أكلم مدام رولا؟

البنت: لا هلا ماتقدر تكلمها. انتا من وين؟

أنا: أنا من البحرين. طيب بدي احكي لها كلام ضروري.

البنت: خبرني أياه و أنا أوصل لها كلامك.

أنا: هل الخبر صحيح؟

البنت: شو عم تتكلم؟ شو تقصد؟

أنا: يقولوا انكم الغيتوا التصويت للثمانية اللي بيقوموا بجولة فنية و انتوا بنفسكم اخترتوا قائمة الطلاب مش احنا اللي نصوت لهم مثل ماقلتوا في البرايم.

البنت: انا مابقدر اقول شي عن هاي الموضوع مشان رولا بس فيك تنتظر للبرايم الأخير و هيلدا راح تكون عندها الخبرية.

و على طول قامت صكت التلفون في ويهي... ياعيني على الأدب و الإحترام. مع اني ماقلت لها أي شي غلط. أنه اهني على طول عصبت... بعد تسوي فيني جذي؟ قلت لاااازم اتصل و أغسل اشراعها على الحركة اللي سوتها فيني.

 

المهم... اتصلت... محد يرد... اتصلت مرة ثانية... قامت ردت علي نفس البنت.. طبعا عرفت انها نفس البنت من صوتها.

البنت: مرحبا إدارة ستار أكاديمي معك اتفضل.

أنا: لا مرحبا ولا شي. شو هاي الحركة اللي عملتيلي إياها. ( لا و مسوي روحي كلش حتى و انه معصب قاعد أكلمها لبناني... لووول )

البنت: يمكن الخط انقطع من نفسه (والله انها جذابة...صكته في ويهي). ممكن اخدمك في شي تاني؟

أنا: انتوا على ايش شايفين حالكن؟ شو هاي المعاملة و العنصرية ضدنا احنا الخليجيين؟

البنت: لا عنصرية ولاشي. الخط انقطع من دون قصد. (بعد تجذب).

أنا(قاطعت كلامها): و حتى هشام ماسلم منكن و من الاعيبكن. تقوموا تجيبوا صوفيا لأماني قلنا أوكي.. تجيبوا لها أحمد الشريف و قلنا أوكي... بس هشام شو عامل الكن مشان ماتجيبوا ولا حدا من أهله أخوانه ولا أصحابه؟

البنت(قاطعتني): هاي الأمور كلها تتعلق برئيسة الأكاديمية و مش انا اللي بيحدد مين يجي الأكاديمية و مين مايجي و هشام راح يحصل لو شي كتير حلو و راح ينبسط. (مادري شنو تقصد بهالكلام.. بس لايكون قصدها الورد حق هشام؟؟ لأنه الورد من زماااان وصل هشام و خبرها عتيج).

أنا: حرام اللي تعملوه فيه.. وإنشالله هو يلي بيكون الستار.

و قمت و صكيت التلفون في ويها. أنه بصراحه مافيني هذي الطبع. ماحب أصك التلفون في ويه أحد لأنه عيب. بس اهي اللي بطت جبدي و قهرتني. أنه ماغلطت عليها ولا قلت لها شي. كلمتها بإحترام. تقوم تصكه في ويهي؟ ماشالله على الأخلاق.

[صوت وصوره هدايا هشوووم]

الف شكر لك سعودي أصيل.. ماتقصر..

والله يوفق هشاااااام...

[كلنا مع ولد الخليج هشام عبدالرحمن]

اخوي علي..

والله موغريبه عليكم كل هالمحبة و الطيبة و الكرم..

والله فيكم الخير و البركة والله يوفقكم...

شكرا على هالوقفة والله...

و الله يوفق هشام..

[هشاااااام يتحدث معكم بالصورة]

أكيد بنصوت لهشام...

أبووووووو هش!!

[إلـى كــل مـحـبـيـن أحمـد صـلاح الديـن..]

انه صوت لهشام...

و بعد بصوت له أكثر...

الله يوفقه يارب و ياخذ اللقب!!

[البقاء لله]

لاحول ولاقوة إلا بالله...

 

عظم الله أجرك اخوي فهد.

الله يرحمها و يغمد روحها الجنة.

الله يسهل عليها الحساب.

[لحقوا يا اهل البحرين 100% احمد صلاح من من الـ8]

حبيت أقول وين راحت السعودية ...؟؟؟

على الأقل ترد شي من الجميل للبحرين ...

السعودية معاكم لا تخافون ...

 

ووين راحت اليمن ...؟؟؟

 

 

يعني البحرين واليمن والسعودية والإمارات وعمان ... مع أحمد صلاح ان شاء الله ...

طبعا أنا اتكلم عن الأغلبية ...

 

ولا تنسون انه نسبة أحمد صلاح أقوى من فهد بشوي ...

لأنه مب كل الكويتيين يحبون فهد ...

 

ومصر يمكن يصوتون لأنهم يحبون شخصية أحمد المصرية ...

أنا دخلت منتدى مصري وعاملين استبيان بين آخر عشر طلاب ...

أحمد صلاح عنده 71% من شعبية المنتدى المصري ...

وباقي الطلاب يتقاسمون 29% ...

اخوي...

انه اللي ملاحظه و للأسف الشدييييييد انه أغلب المنتديات السعودية مايحبونا و لا يبون يصوتون لأحمد صلاح الدين رغم وقفتنا معاهم في كل لحظه.

اهم يفضلون فهد الزايد أكثر شي... و لما وقف فهد الزايد مع أحمد نومنييه قاموا صوتوا لفهد.

أنه ماجيب الكلام من عندي... بس هذي اللي لاحظته.. و دايما اذا نجيب طاري أحمد صلاح... يقومون يتطنزون عليه و علينا...

بس يالله... الحمدلله على كل حال... إنشالله احنا بنرجعه لأنه ولدنا و نحبه... و نتمنى له كل التوفيق. احنا مانقدر نجبرهم على شي اهما مايبونه..

دايما يقولون أحمد صلاح يتلزق في هشام و مدري وشو.. و يقولون انه هشام ماكل الجو عليه و هالسوالف اللي مالها معنى. أنه ماشوف قالوا نفس الكلام عن أحمد حسين و هشام؟ وشمعنى أحمد صلاح يعني؟

[خـبـر مـهـم..ومـؤكد 100% ,, ومن مصادر موثوقة]

والله اتمنى انه الخبر يكون صج..

لأنه بيكون ظلم اذا الغوا التصويت...

 

يالله ياناس...

جهزوا روحكم علشان نرجع أحمد صلاح الدين و بنسبة كبيرة بعد..

[لعبه: سؤال وجواب عن ستار اكاديمي = الفن]

أول ضيفة كانت سميرة سعيد..

و الضيف الثاني اللي كان معاها هو وائل كفوري..

[خبر عاجل لازم يوصل لأحمد حسين في أسرع وقت ...]

ياجماعه؟؟؟

أي سحر أي خرابيط هذي؟

انتوا من صجكم؟؟؟...بس يا ناس... قلنا الستار بيكون خليجي بإذن الله... عاد مو تقولون البنت قاعدة تسوي سحر و خرابيط و مادري وشو...

مو لهالدرجة عاد...امصخت السالفة..

[استقبال اهل الكويت لأحمد حسين]

شكرا بنت الكويت على الموضوع....

 

الله يوفق أحمد حسين يارب...