السلام عليكم
شلونكم ؟ شخباركم ؟
بصراحة انا كنت اقرأ موضوع اخوي ( مازن الماجد )
اللي اهو بيان هاام لـ : معشر النساء
وكانت رفيجتي يالسة معاي وحبت ترد عليه
وكتبت ذي الحجي
واهو عن الصبيان
اذا قال احبج ورديتي يقول منزهقة وما صدقت
وان مارديتي قال ما تحبني ومن جذي اسكتت
اذا طلعتي مع ربعج قال صايعة وما تحل
واذا طلع اهوة مع الربع قابليني اذا عنج سأل
اذا صار تلفونج مشغول يعني انتي ام صبيان وعليج كلام
لكن تلفونه بزي لا يعرف بنات وبسم الله عليه السلام
اذا دزيتي مسجات قال صج لزقة وما تفج
واذا ما دزيتي تحير : شلون هذا وانا قايل لها احبج
اذا تأخرتي ما رديتي بسرعه يعني انتي حاقرة
واذا اهو تأخر لازم تظلين غصب عنج ناطره
اذا اتصل وقطع عليج النوم فيج خير تزفين
وحتى لو سكتي بيقول مالج خلق تتكلمين
وان قطعتي عليه النوم ياويلج شنو تحصلين
اذا تدلعتي قال مو مربية وما تناسبني
واذا ما تدلعتي قال ماتفهم علي ولا تدلعني
اذا بجيتي يعني انتي غلطانه
وان ضحكتي قال شفيها عبيطه من الضحك فطسانه
وبيوم الخطبه متحير ان كنتي ضعيفة يقول مافيها روحها
وان كنتي متينه قال هذي شنو يسكت يوعها
بكل بساطة اذا ارظيتيه ظل وياج واخرتكم ارتباط
وان ما ارضيتيه نهاية العلاقة كلها فراق واحباط
وكانت هذي اخر كلمات نبي تقولها
وسامحوني يالصبيان رضاكم ترى هو هدفنا
ومن دونكم مادري شتسوى محبتنا
وكلام حق اخوي ( مازن )
وانا تراني يامازن تعادلت انا اليوم وياك
ولا تحسبني حاقده ترى هالتحدي كله فداي وفداك
وان كنت بتزيد فيها انا موجوده وحياك
شنو رايكم تعرف ترد صح
وها اخوي مازن شرايك برد رفيجتي وترى صج اهي كاتبه الكلام لان لو تدورونه ما بتحصلونه
واذا تبونها تكتب هم بتكتب
: