كاسندرا

المرأة تُولد بالفطرة هالشي طبيعي .. الزوجة هي مكمله للرجل و بتعيش معاه باقي حياتها في بيت واحد يجمعم سقف واحد و بتكون أسرة ما تبي أحد يشاركها في مملكتها تكون اهيه الملكة و ما في ملكة ثانية اتشاركها في زوجها .. بعضهم يعتبرها أنانية و حب التملك و هذي حق بسيط من حقوق المرأة تحافظ على كرامتها و تبي اتكون المرأة الوحيدة في عيون زوجها

الإنسان بطبيعته يعرف شنو الصح و شنو الغلط .. مثلاً الحرامي يدري البوق حرام بس هم يبوق و يبرر انه فقير او محتاج و لين صادوه و تم فترة في السجن يمكن ياخذ عبرة و يمكن يواصل .. مو لازم انخوض تجبة و تترك لنه آلام عشان ناخذ عبرة و نستفيد صج النار تحرق ريل واطيها و اللي بيخوض تجربة يمكن يدرك كل زاوية من هالتجربة .. بس هالشي ما يمنع انه الشخص اللي ما خاض التجربة يتعلم .. و الدنيا مواقف و ما نقدر نرد الزمن اللي راح عشان نعرف وأد البنات غلط !! هل آدمي بيذبح بنته و بيتحسف عقب يعرف ان وأد البنات غلط و حرام ؟؟ ياخذ دروس من الدنيا بنفسه و لا يخسر حياته في خوض تجارب فاشلة بحجة انه يتعلم

أصعب اللحظات اللي اتمر علي لما أجوف أعز إنسانة علي مريضة و ما في يدي شي غير الدعاء .. و موت أحد اقربائج

وايد نسمع فلان راح المستشفى و طقوه ابرة بالغلط و اكاهوه في الإنعاش و في حالة يرثى لها .. يا ما يهال راحوا من يد أهلهم بسبة هالغلط في العلاج .. و احتمال يصير غلط في العلاج بس انت درست و تحملت علاج أعيال ديرتك و لازم اتكون قدها بس اللي صاير الغلط صار اثنين و ثلاث و كل يوم يزيد عن اليوم اللي قبل و للأسف محد يحاسب اي طبيب يغلط .. لازم يكون كل شي يسويه محاسب نفسه و غلطة الشاطر بألف

اي دايما اتصير مشكور اخوي على المعلومة

للأمانه منقول تحياتي كاسندرا

وزارة الداخلية ما اتنقاش مثل هالأمور راقدة في مشاريع ثانية للاسف و مخلية الشباب اللي أهمه جيل المستقبل في يدهم يكملون الدرب و يبنون الديرة او يهمون كل شي .. و يمكن اتكون مرخصة من الحكومة بس دون رقابة مرخصة للمتزوجين بس أصحاب الحلال يستغلونها لأغراضهم الخبيثة ،، النواب يتحجون و بنسوي كيت و كيت و كيت و بس يوصل المجلس ما يحرك ساكن .. مخلين وكالة بدون بواب اللي يدش يسوي اللي يبيه و اهوه في أمان محد راح يحاسبه و ما في عين وراه و أقل شي بيسوونه كفالة بمبلغ معين .. وين رحتوا عن الأحكام في القرآن او مع تطور العصر و الإنفتاح الغبي نمشي في طريج الغرب مع الخيل يا شقرة و ما ندري وين بنوصل ،،، لو بتكون هذي تجارتهم حراام من يتاجر بأعراض الناس .. بس الشره على اللي سمح حق هالشقق تستقبل أشخاص ما عندهم عقد زواج

وايد اتمر في حياة الإنسان صدمات بس استحالة اتكون الصدمة من الأهل او اخوان .. اخواني اللي من دمي و لحمي اهمه السند لي شلون ايي اليوم اللي اجوف منهم صدمة .. اغلب الصدمات اتيي من ناس ما يعرفونج و للأسف تعطينهم ماي عيونج و أهمه ما يستاهلون التراب اللي تمشين عليه ما أقدر احدد شنو الصدمة بالضبط مواقف وايد و مع الأيام اتعدد اللي أعرف الصدمة اتهد كيان الإنسان و الله يبعد عن الجميع الصدمات

الحجاب أمر ضروري و مهم لأغلب البنات واجب على كل بنت مسلمة تلبس حجاب في سن التاسعة ،، شلون البنية المحتشمة ترضى على نفسها تكون بضاعة معروضة للذئاب اللي في كل مكان عمري ما راح اتخلى عن الحجاب .. ما في زوج يرضى على أم أعياله اللي بتكون مربية لجيل ياي بدون حجاب

نمشي على خط القدر و لا ندري شنو المكتوب ،، الانسان يخطط و يرسم لحياته هندسة متقنه لكن ما يدري إلى اين يذهب به القدر بس بالنسبة لي أفضل الحب بعد الزواج .. قبل الزواج في فترة تفاهم بين الطرفين (( الخطوبة )) و أكثر الناس يستغلون هالفترة و للإسف بالطريقة الغلط الحب بعد الزواج بداية حب المرة تقدر تعطي زوجها الحب و الحنان و يكون اول انسان ايحسسها بأنوثتها بيكون الوضع مختلف تماما شكرا على الموضوع الحلو

قصتج اتحز في الخاطر .. بس غلطة الشاطر بألف غلطتي في اللحظة الي سمحتي حق إنسان غريب يكلمج و يتصل لج على رقمج مهما يكون غرض الاتصال هالشي حرام و خلي في بالج صوت المرة عورة فما بالج جافج و جفتيه و كل يوم اتكلمينه ما ألومج لو حبيبته لانه هالشي مو انتي اللي اتحكمين فيه مشاعر مو بيد الانسان .. بس كل واحد عقله في راسه يعرف خلاصه لو فكرتي يوم انج خنتي ثقة هلج و كلمتي ريال غريب بتكون إرادتج قوية و قادرة انج تنسينه الخيانة آفة الحب و الريال خاطب بنية لو انتي من بدال خطيبته شنو راح يكون موقفج حزتها لو عرفتي خطيبج يكلم وحدة في التلفون و كلام حب و غزل و جافوا بعض ،، وايد ظلم خطيبته و انتي ظلمتي نفسج الحمد لله انج عرفتي كل شي عنه قبل اي تطور في علاقتكم .. و الله ما يسوي شي إلا فيه صلاح ... الانسان يعيش في حياته تجربة يمر بمراحل فشل و نجاح يتعلم من اغلاطه بس المهم ما يواصل في الغلط اتمنى انج قدرتي تمحين هالمرحلة السودة من حياتج و اتخلين بالج من دراستج .. و لا تستعيلين باجر بيي نصيبج لي عندج و بيدش من الباب مو من الدريشة .. اللي يرضى على كرامة بنات الناس تنداس ما يصلح يكون زوج يشاركج باقي حياتج السموحة على الإطالة

صعبة اقولج انسي و الاصعب انج تنزلين من كرامتج و اهوه يقول لج ما يبي يواصل معاج .. حاولي اتفاهمين معاه و تفهمين من الاسباب اللي اتخليه يخليج يمكن توصلون حق حل يرضي الطرفين .. و اذا كان لا بد انه يخليج شتسوين بيكون ذكرى و باجر ما تدرين وين نصيبج

اللهم أجرنا من عذاب النار يزاج الله خير بنت دبي

متأكدة الجوري من مصدر الموضوع ؟؟

قصة حلوة و الحمد لله كانت هداية الفتاة بعد ما كانت تائهة ،، يعطيج العافية اختي رباب ماهو الدافع وراء وقوع فتياتنا المكرمات في هذا الموقف .. ؟؟ الاسباب متعددة و خاصة بعد الانفتاح و الاتباع الاعمى للغرب للاسف نجد أكثر الاسر غافلة عن تربية أبناءها في حين هناك ذئاب بشرية تحتضن هؤلاء الفتيات لتوهمهم بالأمان و تكون النتيجة الضياع و السبب الأساسي قله توجيه الاسر لأعيالهم لم لا يوجد ما يردعهن عن القيام بمثل هذه المعاكسات ..؟؟ أخوي العود عند مكتب محاماة و اتمر عنده قضايا وايد بس و لا مرة تكفل بالدفاع عن قضية معاكساة و الاسباب وايد أكثر الاسر خايفة على سمعة أعيالها و تلجأ غلى التفاهم و تكتفي بالحلول الودية دون الرجوع إلى شكوى لتتحول إلى قضية في المحكمة (( لو تحول ملف القضية للمحكمة بيكون دفع كفالة بمبلغ معين )) هذا العقاب اللي مايكون رادع لهم هل ضعف الايمان أم الحاجه الى الحب والحنان هما اللذان يدفعان الفتيات الى الانجراف وراء هذه العواطف الوهميه .. ؟؟ الاثنين مع بعض .. لما الإنسان يكون إيمانه بربه ضعيف بيقل خوفه على دينه و بنات ديرته اللي اهمه مثل خواته و قد تكون المشاكل و الضغوط النفسية هي الدافع للشاب بخروجه عن ما يرتضيه دينه و حاجته للحب و الحنان يبحث عنها خارج بيئة منزله و للإسف ما يلاقي غير اصحاب السوء و السبب نفسه بالنسبة للبنت

اتفق الراي مع اخوي ولد الرفاع ،، ما تدري اش صاير خلف الكواليس الشهادة الثنوية مثل ما قتلوا حاليا تعتبر حبر على ورق وين بيلقى له شغل و اهوه ما تخصص في الدراسة الجامعية .. لكل مجتهد نصيب و ربعك اللي واصلوا الدراسة للثنوي و اشتغلوا في محطات البترول يصبون بترول احسن من الشباب الي طلعوا من المدرسة و لا يشتغلون و ما يصير يا اخوي كل واحد بيدرس للثنوي و يبي يشتغل في القوة او الشرطة اهم شي انه يشتغل و موقاعد في بيتهم ينطر الشغل اهوه يدوره ،، و اسعى يا عبد و انه اسعى معاك عندهم فرصة و اهمه شباب يواصلون دراستهم و ان شاء الله بيلقون شغل في مستوى ارقى لو اني اجوف ما في شغلهم اي عيب و كل انسان بمجهوده

أحيي فيج خوفج على ربعج و غيرتج على مصلحتهم ،، النصيحة سلاح ذو حدين حاولي تستخدمينها بالشكل الصح .. يكون باختيار النصيحة في وقته و يكون اسلوب نصيحتج كلمات ما تجرح شعورهم عشان توصلين للي تبينه و يستفيدون من نصيحتج و كل انسان يمثل طبيعة معينة -->> يتقبل النصيحة << -- >> عنيد و ما يسمع كلام احد << -- الجرأة اللي كانت دافع لج تنصيحنهم بتخليج تتحملين ردة فعل ربعج تحملي و اجرج عن ربج

ألف مبروك تستاهل كل خير .. شكرا على الجهود المبذولة بوليتسكوف

يزاك الله خير اخوي النبي إبراهيم عليه السلام

ما آبي أحلم وايد ما شاء الله على اللي ردوا مخلين كل لستة ان شاء الله يتحقق حلمكم في يوم

من حقه في حدود ،، الضغط يولد الإنفجار .. بيكون صاك على أخته و ما تقدر تطلع و لا اتروح مكان خايف عليها .. كل يوم نسمع اشيا اتصير فلازم بيخاف على أخته بس مو من حقه يطقها و يعاقبها في وجود الوالدين

ربة الإسرة مسؤلة عن الخدامة اللي بتخليها ادش بيتها بين إعيالها و ريلها .. و لازم اتفاهم معاها و تخلي في بالها إنها إنسانة تحس و تتعب و من حقها ترتاح ،، لو بتعاملها زين بتكون الخدامة معاها ماشية سيدة بس هم الجرائم اللي اتصير وايد و حرام أم في غمضة عين يروحون إعيالها او ريلها و تنحرم منهم بسبب خدامة أو أسرة تنحرم من أعيالها بسبب الخدم ,, كل اسرة تسمح بدخول الخدامة بيتهم اتحمل وجودها و الله يبعد الشر عن الجميع .. بس أكثر الجرائم متراكمة في الخليج بسبب تفتح عقول ربات المنزل

موضوع تفنن المخرجين في إيجاد أبسط المسلسلات لإبرازه لجميع الناس .. و تمكنت الصحافة أن تعترف بشكل واضح بمناقشة هذه القضايا .. قال تعالى ﴿ و لا تقل لهما أفا و لا تنهرهما و قل لهما قولا كريما و قل ربي أرحمهما كما ربياني صغيرا ﴾ الأسباب متعددة و تختلف لإختلاف البيئة التي عاش وسطها قد يكون بسبب التربية او معاصرته لقسوة واليده في معاملة أجداده و اليوم لك و باجر عليك .. رد لهم اللس سووه امس قد يكون تمرد و عصيان من الشاب نفسه بطبعه قاسي على واليده او بعد الزواج بس الحاح زوجته بثقل وجود والديه معه في المنزل و هتمامه بهم .. الأمر كله راجع لأخلاقيات الشاب نفسه و مدى خوفه على والديه صعب الطفل يعيش بدون أم مثل ما صعب العجوز يعيش بدون إبنه من بدال ما يحمد الإنسان ربه انه كبر و يه الوفت المناسب اللي يرد حق والديه تعبهم و يهتم فيه .. ينكرهم حصرت الأسباب بتمرد الشاب او إلحاح الزوجة او حياة الشاب مع والدين أنكروا أجداده و كان طريهم إلى دار رعاية المسنين بالرغم وجود من واجبه الإهتمام لهم الله يهديهم و يكبر عقلهم و يعرفون اللي يسوونه اليوم في أمهمو أبوهم باجر أعيالهم بيردون الكرة لهم ..

كفيتي و وفيتي آخر العنقود مشكورة اختي اتمنى الكل يخلي جدامه

لول كان حق المرأة شبه مهضوم و أنتشر وأد البنات و إنكارهم و حقوقهم مسلوبة بشكل ملحوظ .. و لكن مع تطورات الزمن و الإسلام أنصف حقوق المرأة بشكل كبير و أصبحت وثبة كبيرة لجميع النساء و مع الأيام أصبحت المرأة تطال بحقوقها (( تساوي حقوق المرأة و حقوق الرجل )) .. و الأنفتاح أتاح الفرصة للأسوا أصبحت المرأة تمشي للوصول إلى مناصب و رتب أعلى من الرجل و أستطاعت !! بعد ما كنت قبل محصور شغل البيت و تربية أعيالها و يا ليت في من يحمد و يشكر العنف ضد الرجل .. المرأة بطبيعة مشاعرها و انوثتها بتكون حساسة أكثر من الرجل .. تكون هناك طفرات لما المرأة تكون عنيفة في تصرفاتها مع الرجل .. و ما سمعت بريال اطقه مرته الا قليل مو معقولة تقدر مرأة اتحكم و تشل تحركات ريلها .. اهوه يقدر ياخذ حقه بالتفاهم و اللين و لين ما قدر في حلول ثاني بدون ما يصرخ انه مرته اطقه و بيصير مو ريال في نظر من حوله ،،