Jump to content
منتدى البحرين اليوم

من عاش قصة حب فاشلة او صداقة وهمية يشاركني


Miss 3arfy

Recommended Posts

السلام عليكم

انا عشت قصص واايد من الحب الفاشل والصداقة الوهمية راح اذكر لكم من بين هلقصص قصة و بعد ماشاركوني راح اذكر الباقي ولكم القصة.....................

 

قصتي انا وصديقتي الخاينه....

في يوم كنت قاعده جنب كفتيريا المدرسة مرو علي مجموعة بنات وكانو يطالعوني بنظرات <_< خبيثة ماادري ليش ، مره ومرتين بعدين يات لي بنت منهم وقالت لي شنو اسمج وقلت لها اسمي قالت لي ليش كله تقعدين بروحج قلت لها بس بعي راحو للمكتبة وبيون قالت لي تعالي معانه ، وانا وحده غبيه يوم رحت معاهم :&amp;quot;( . وماصار لنه اسبوع اله وتعلقت في هلبنت وهي تعلقت فيني صرت اروح يتهم وتي بيتنه خصوصا انه بيتهم قريب من بيتنه واستمرينه لمدة 6 سنوات وامي كانت مو راضيه امشي وياها ولا خواتي وله خواني لانه يقولون عنه بنت مو زينه، وله علاقات وااااااااايد وماتقعد بالبيت كله تتمشى في الشوارع، انا ماصدقت نصحوني بيتنه وااااااااااايد لكن انا كنت اعاند قالوا لي بتندمين وبتشوه سمعتج انا ماصدقت.

المهم هذي البنت تعرفت على ولد جيرانه وضلت معاه علاقة لمدة شهرين وصارت تطلع وياه وتروح وتي واذا سالو بيتهم وين رايحه قالت رايحه لفلانه(اله هي انا) وانا قلت لها ولد جيرانه مب زين تركيه ماصدقت وبعدين تركها ولد جيرانه وطيحها بمشاكل مالها اول ولا تالي وانا طلعتها منها ووقفت لولد جيرانه وكانو معاه ربعه وقلت له اذا ماتركت البنت في حالها بشتكي عليك بالشرطة وخااااااف وابتعد عنها وجيرانه صارو يتكلمون عني وبعد طنشت وحتى ذاك اليوم كنت انا وهي وصديقتي الثانية نتمشى راحت صديقتي الخاينه بيتهم وبقيت مع صديقتي الثانية نتمشى ونتكلم كنت اقول لصديقتي فلااااااانه مو راضيه تعقل تفصخ لحجاب من ورا اهلها وتتمشى مشيت تقصع وحركات فاضيه وظحك انا واايد مضايقة كلمتها واايد لكن اهي مو راضي تفهم شنو اسوي لها اله غلطة صديقتي وقالت لي انتي تشتكين منها وهي تشتكي منج قلت لها شنو قالت مارضت تقول لكن بعد ظغط كبير قالت لي انها قالت عني حرامية واني خذيت منها فلوس وتلفونها وانا ام صبيان وعلى طول اغازل ولي علاقات شكثر وخذيت منها حبيبها وانا سمعت قبل وااايد ناس قالوا لي انها قالت خذيتي منها حبيبها لكن انا ماصدقت لكن الحين صدقت لانه عدة اشخاص قالوا هلكلام فتهاوشت معاها وضليت معاها كله هواش ولا ياريت تعترف تنكر كل شي وتقول انا قلت جذي ابي اشوف هذي صديقتج توصل لج وله لا لا بس انا مادخلت عقلي، ضليت في قهر وندم وقلت ياريت مامشيت معاها وله عرفتها والقهر الحين انها حطوها معاي في صف واحد وكل وحده امشي معاها خذتها مني واولهم صديقتي الي خبرتني عن الحجي الي قالته لكن شنو اسوي هذي حال الدنيا توقع الي ماتتوقعه والي مايطيع اظيع :ssm11: ولعلمكم توني من 3 ايام متهاوشه معاها :&amp;quot;(

 

لكن الحمدالله اني عرفتها على حقيقتها ومو ندمانه اني تركتها :de20::up:

 

وياريت اتشاركونه قصصكم.

Link to comment
Share on other sites

  • Replies 75
  • Created
  • Last Reply

Top Posters In This Topic

الله يعينك والله يوفقك

والله يعوضك بمن هو افضل منها

وهذي تجربه ودرس لك لكي تختارين الصديقه الصح

والله يديمك ويحفظك من كل شر ومكروه ويبعدك عن الخيانه واصحابها

والله يعوضك بافضل منها

ودمتي بصحه وعافيه

Link to comment
Share on other sites

بصراحه هذه حال الدنيا خيوو

 

يعني بعدج ماشفتي الدنيا

 

هذه تجااارب علشان الواحد يتعلم من اخطاءها

 

وان شاءالله الله يعوضج بصديقه افضل منها

 

وتقدرين تنسينها وتنسين مشاكلها

 

الله يوفقج ان شاءالله في حياتج

 

:n10:

Link to comment
Share on other sites

انا عشت قصة حب وباقولكم قصتي عشان تاخذونها عبره:

انا في يوم كنت داشه على ايميل صديقتي وتعرفت من ايميلها على واحد وضافني في ايميلي :&amp;quot;( وتميت اكلمه وطرش لي صوره ما اخفي عليكم اني اعجبت ابجماله وتميت اكلمه مره طلب من اتصل له في تلفون او رفضت بس خزنت رقمه في تلفوني :( وفي مره وديت تلفوني المدرسه كان يوم الي وااايد بنات غايبين كنا بنات قليلين وتصلت فيه وكلمته .. وبعدها تميت اكلمه وكان طبعا مايقصر بكلام الحب و دايما يقول انه بيتزوجني وانا بديت ابني احلامي معاه ومره صادوني بيتنا وطبعا حرموني من كلشي وفقدو فيني الثقه بس قمة اكلمه على النت ولا كان مهتم .. وفي مده انقطعة عن النت

ولما رجعت قالي انا الحين اعتبرج مثل اختي وتعرفت على وحده ثانيه :&amp;quot;( صج انه مايستاهل الي سويته له بس والله حاولت كثر ماقدر اني انساه والحمد لله ورجعة لي ثقة اهلي اهم شي

Link to comment
Share on other sites

قصتي تقريبا مثل قصتج Miss 3arfy <_<

 

كنت ارافج بنية وكنت دايما معاها وامي واتقول لي ان اهيا مب زينة :ssm11:

 

واخر شي تبي اتشوه سمعتي معاها :rest2:

 

واتقول اني اسوي حركات :ssm7:

 

واهيا ابروحها مفضووحة في كل مكان :zq13:

 

وكل من يعرفها :rest:

 

الله يهديهم بس :&amp;quot;(

Link to comment
Share on other sites

الخياانه سلووك فطري في بعض القلووب الضعييفه

 

الله يقوييج اختي وتنسيين الي صار معا حبيبج والي اعتبرج مثل اخته

 

والله عطانا نعمة النسياان عشاان ننسى الي صاار والي مانحبه .. وعطانا نعمة العقل عشاان نفكر صح .. ونشووف اخطائنا وعدلها ومانقع فيها مره ثانييه ;)

Link to comment
Share on other sites

كل اللي بقوله: (( احذر صديقك قبل ان تحذر عدوك)) لان الصديق اهو يعرفك اكثر من عدوك وعاد الانانيه الحين وارده في كل مكان وعلى كل شي ومن كل من..

Link to comment
Share on other sites

الله ايعينش على بلوش

عيوني صدق صدق ذكرتيني بقصتي مع صديقتي مثل الشي لكن انا هذي الصديقه اتكون00000 واقرب الناس ليييييييييييييييييي

Link to comment
Share on other sites

الله يساعدكم بس وانا الحين بقول لكم قصة حبي بعد

في يوم من الايام صديقتي طلبت مني اني اكلم حبيبها لانه متهاوشه معاه ويبي يتركها كلمته وقال لي برجع لها علشانج بس.

وصج رجع لها وبعد فتره ضلوا يتهاوشون وكلمته وقال لي انا بتركها خلاصة قلت له ليش قال مااقدر اعيش معاها عقلها صغير طبعا انا مااجذب عليكم حسيت روحي انجذب لهلصبي وبعد فتره اتصل فيني وقال لي انا ابيج ومحتاج لج قلت لها روح لحبيبتك مو انا قال لا انا احبج وابيج وسوا بغيتيني اولا انا بخليها، انا ماعرفت شنو اسوي ظليت افكر افكر وبعدين اتعرفت عليها خلااااااااص وكانت هذي اكبر غلطه اني اتعرف على حبيب صديقتي السابق وضليت معاه سنه و9 شهور وتعرفت على اهله وحبيبت اخوه وتهاوشت معاه لانه مايبين اروح خطوبة اخوه وخطيبة اخوه قالت لي تعالي ماعليج منه قال لي لا تروحين لانه بتسوين لي مشكلة مع بنت عمي ماعطاني سبب مقنع انا عاندت وقلت بروح يعني بروح وبشوف شنو ايصير قال لي اذا رحتين لا اعرفج ولا تعرفيني قلت له اوكي رحت خطوبة اخوه وقلت له انساني وفعلا شهرين ماكلمته بعد الشهرين رجع يتصل لي يبي يرجع لي انا الغبيه قلت له اوكي ورجعت له وبعد شهر تركني يقول يبي يتعرف على صديقتي الثانيه انا تضايقت وحسيت الدنيا استكت علي وكان هذا الشخص معروف راعي مشاكل وشيطاااااااان واايد ومستحيل يتأسف لاحد ولكن الشي الغريب الي صار انه بعد سنه رجع ندمان ويبي يرجع لي لانه اكتشف انه يحبني ويبني اسامحه انا سامحته بس قلت له مااقدر ارجع لك لانه تركتني قال انا تركتج لانه صغيره وخايف عليج فمثلت اني ابي صديقتج علشان تبتعدين عني وتكرهيني قلت له مااقدر لانه احب غيرك وفعلا ضليت اتعرف بعده على واايد شباب بس علشان انساه واخيرا حصلت الي نساني اياه والحين انا اكلمه كمجرد صديق وهو يعزني وانا اعزه واتمنى انه محد ايصيره له الي صار لي.

 

الله يعين الي يحب.......

Link to comment
Share on other sites

اهلين

 

اختي Miss 3arfy

 

صارتلي سالفة تقريبا مثل سالفتج

 

في واحد تحبه رفيجتي وصارت بينهم مشاكل وقامت ما تكلمه الا بالنت

لانها قبل كانت تكلمه بالماسنجر

وخفت علاقتهم مع بعض

و ابوها كان شايل نت مالهم

وما قامت تكلمه الا اذا يات بيتنا

و اهو الشخص اعترف لها بكل شي وقال لها انه كان يحب وحده وقال لها سالفته مع البنية

لكن البنية ذيك هدته وقصت عليه لكن اهو يحبها ليلحين

وعاد رفيجتي قامت تكلمه على انه رفيجها و اهي قالت لي جذيه

 

وعقب مدة قمت ادش ايميلها وقمت اجوفه

ومرة قالي انه رفيجتج تحبني موووت و اهي صاحت ذاك اليوم عشاني هههههههه جذاب يعني معقولة رفيجتي يصير شي وماتقولي

 

وقالي اهي تحبني

انه مابي اكسر بخاطرها

لاني اعتبرها مثل اختي و اكثر

انتي حاولي تبعديها عني وتقولي لها اي شي عني

عادي طلعي علي اي كلام بس مابي قلبها ينكسر عشاني لاني ما احبها اعتبرها بس مثل ختي

و انه ندمت يوم ذاك اليوم قلت لها احبج ومتندم وايد لاني ماحسها مثل البنات اللي اكلمهم احسها مثل اختي غير عنهم >>> الاخ يكلم بنات

المهم رحت احاول اطلع من رفيجتي الكلام وطلع انها ما تحبه بس مجرد انها تعتبره رفيجها لا غير

 

ورحت قلتله

وارتاح لما خبرته

وصار بينهم بعد مشاكل وايد و انه صرت احلها بينهم عن طريق اني ادش ايميل رفيجتي

و انه ولا مرة كلمت واحد

بس كنت اكلمه و احاول افهمه عشان رفيجتي بس

مب عشااانه

ومرة قالي انه معجب فيج وايد و انتي عجبتيني باسلوبج وطريقة تفكيرج لما تحلين مشاكلنا وتتدخلين بينا

وخبركم يعني قال كلام وايد

انه عرفت شنو يقصد من ورا ذي كله

وطلب ايميلي واني اكلمه

 

لكن انه عطيته اياها فويهه

قلت له انه عارفتك انت شنو تقصد وشنو تبي .. لا تقولي تفكيرج ما اسلوبج ما شنو عجبني

انه ماكلم شباب وماكلمتك الا عشان رفيجتي

ولا تحسبني مثل باقي البنات اللي تقص عليهم بكلمتين

المهم اني عطيته كلام وخليته يسكت وماعرف يرد علي

وانه احين خلاص قلت حق رفيجتي اني ما بدش ايميلها و احسن لها ما تكلمه

 

مع العلم ان رفيجتي ما تكلم احد .. اول مرة تكلمه اهو

ومن تدخل الماسنجر تهاوش معاها وطلعت .. كل مرة .. مع انهم ما يكلمون بعض عالماسنجر الا في شهرين مرة تقريبا

يتهاوش معاها لان يباها تتصل له

 

قلت لها لا تكلمينه خلاص وذي شكله يحب المشاكل

و انه خلاص ما ادش ايميلها

ومثل ماقالو

الباب اللي ايي منه الريح سده و استريح

 

مب كأني هذرت وايد لووووووول ههههه

 

تحياتي

قيثارووو

Link to comment
Share on other sites

السلام عليكم ورحمة الله وبركاته،، Miss 3arfy :)

 

انه قصتي بدت يوم كنت في ثالث اعدادي كنت صغير على الحب بس كنت اعرف كلشي يدور في بيتنه كلشي يسونه اعرفه يات الايام قمت اجوف ربعي كلواحد عنده تيليفون قلت يله اشفيكم يعني التيليفون شتسوين فيه قالولي كله نتكلم مع بنات قص عليهم بجم كلمه يصدقون يقولونلي تبي انجوفلك وحده قتلهم لا مشكورين لين ابقي باقولكم قلت حق ابوي ابقي تلفون بعد ماحنيت عليه وشرالي ربعي استانسو يقولونلي تبي احين انجوفلك من هالحلوين قتلهم يالله بنجوف الي اتقولون عنه لعبه على البنات اشلون وعرفوني على وحده وقامت تطصل مادري شتسوي انه تمللت ويسلت افكر بيني وبين نفسي احين الي يكلمون ليش يكلمون وهل اهمه يثقون في البنات الي يكلمونهم او البنات يثقون فيهم يلست افكر افكر ولين حصلت الجواب الي يقنعني ومــا يقنع ربعي بس ليش لانهم متخلفين عقلين يودت واحد من ربعي كان يحاجي وحده قتله يالس اتحاجي من قالي بنيه حلوه زينه انت اتعرفه يم فريجكم قتله اها زين وانت اتعارف اخلاقه اتعرف اذا محترمه او لا اتعرف اذا شاطره قالي كل هالاشياء ماتهم اهم شي اهيه ماخانتني واهيه تحبني قمت ضحكت يلس يقولي ليش تضحك قتله وله شي قتله عيل تحبك قالي اكيد وقتله انت واثق فيه قالي اي قتله قابلته قالي لا قتله زين قتله الله يوفقك بس قتله انت يالس تلعب في البنت والبنت على فكره اتكلم الي يصيرلي والي يصيرلي هده بعد ماكتشف انه اتكلمك ويه اليوم الي باقولك عنه انك ليلحين ماوعيت انت مال مدرسه حكومه جوف الفرق بينكم وبينهم مال الخاصه اهمه واعين يعرفون الصح من الغلط وبنات الناس نب لعبه وانصح كلواحد مال يلعب ابمشاعر الغير تره البنت له مشاعر واحاسيس ممكن باي ثمن تنجرح وتكون انت السبب تره يوم لك ويوم عليك .

 

اسف لاني طولت معاكم واهم عندي وايد من الغصص الي انشالله يستفيدون منه الي في مثل سنه في المرحله الثانويه اصحو ياجماعه والله ماتفيدكم العبه حب ماقولك لتحب بس افهم شنو يعني الحب ولتجرح الغير :)

Link to comment
Share on other sites

السلام عليكم

اختي مس عرفي

تدرين شنو احسن شيء سويتينه انج تركتينها تولي لانج لو ماتركتينها جان بتحطج بمواقف انتي غنية عنها وانا الصراحة حاسة فيج لاني صار ليي جدي بعد ان صديقتي طعنتني بظهري وطلعت اسرار بيني وبينها بس الله يسامحها اللحين اهي راحت بحال سبيلها وانا رحت بحال سبيلي .

 

مشكورة على طرح هاي الموضوع الحلو

 

 

تحياتي :n10:

Link to comment
Share on other sites

ا

لسلام عليكم

اختي مس عرفي

تدرين شنو احسن شيء سويتينه انج تركتينها تولي لانج لو ماتركتينها جان بتحطج بمواقف انتي غنية عنها وانا الصراحة حاسة فيج لاني صار ليي جدي بعد ان صديقتي طعنتني بظهري وطلعت اسرار بيني وبينها بس الله يسامحها اللحين اهي راحت بحال سبيلها وانا رحت بحال سبيلي .

 

مشكورة على طرح هاي الموضوع الحلو

 

 

تحياتي :n10:

Link to comment
Share on other sites

توقعت إني أحبها لكن قالت الكلمة في وجهي جدام ربعي و ربعها جدام كل الناس في مجمع السيف كلمتك بس عشان الملل و لكن بودي أكون معاك لكني ما أكلم فاشلين ليش فاشل للحين ماخذيت رخصة السياقة و انشالله السنة شهر 7 -_-

Link to comment
Share on other sites

مشكوره اختي Miss 3arfy :) انه اهم شي اني اكون انصح كل من يخطا وانصحهم علشان يتعلمون من غلطهم

 

واقول حق كلولد فكر قبل ماتسوي اي شي لتقول التفكير يتعب يتعب بس في نفس الوقت يوديك الى الطريق الصحيح

Link to comment
Share on other sites

ألســـــــــلام عليكم

 

باقول لكم قصه بنت اعرفها شخصيااااااااا

وابي رايكم في الاخير او تعقيب على الموضوع

كانت هالبنت من يوم وهي صغيره تتهاوش مع ولد الفريج الي اكبر منها ب 5 سنوات

يحبها ويدلعها كونها اصغر منه

كان يحب عبادي الجوهر وكان يحاول انه يقنعها انها تحب عبادي بس هي اصغر منه

وكانت تتطنز عليه....

البنت صارت في الاعدادي وكبرت شوي عن الطلعه في الفريج يعني كبرت على اللعب في السسكه مثل مانقول احنا.....

صارت تنتظر ييته خاصه في رمضان لين امه تطرش لهم لقمه....

صارت تهتم شوي ...تستحي منه.... تنتظر شوفته.. او اي شي عنه...

كبرت البنت شوي ودخلت الثانويه... وهو خلص المدرسه قبلها بفتره وصار يشتغل

وهي بينها وبين نفسها صاينه نفسها وروحها وقلبها وعقلها له

يعني حب من طرف واحد ...وهي ماتدري بأي شي عن شعوره ناحيتها

صارت تشوفه في الهدده لين تروح البيت عند باب المدرسه رايح ياي بسيارته عند باب مدرستها الثانويه

البنت كانت تغير

وفي نفس الوقت محتارة ليش يمر وعشان من وليش.؟؟؟؟ ماتقدر تسال كونها مالها حق يعني...

كان لين يشوفها عادي يسلم وهي ترد السلام من غير يعني ماتبين او توضح شي

في يوم من الاياام كان الوقت مغرب وهي كانت راجعه البيت وقبل ماتددخل البيت تفاجات بولد الفريج يناديها وياشر عليها وهو ياي صوبها ... وقبل ماتدش البيت وقفت انتظرت ...تبي تعرف اشعنده... ياها وسلم عليها وعطاها ظرف وقال لها اخذي هالظرف وبعدين بارجع لج ... البنت ارتبكت وماعرفت شتقول... وهو مشى بسرعه... وهي خشت الظرف ودشت البيت.....على طول البنت ركيض غرفتها وقفلت الباب.... وفتحت الظرف... وقرت:

بسم الله الرحمن الرحيم

عزيزتي....

انا ماكنت حاب اني اتطفل بهالطريقه لكن ماباليد حيله... سمعي يابنت الناس...انتي بنت والنعم فيج اخلاق... وحلاه... وجمال وعقل وثقل وهالشي مب من الحين من يوم انتي صغيره...

الزبده... انا احبج ومييت فيج... وماكنت اقدر اخش هالشي اكثر ...كونج الحين كبرتي جريب بتتخرجين من الثانوي.. يعني بديتي تفكرين شوي ويعني كبرتي مب الصغيره الي كنت اراشيها وهي صغيره... ههههههههههههههههه عالعموم هذي رقم تلفوني 12345678 وانتظر اسمع صوتج...

(خبرج جي اس ام وتوني ماخذ لي واحد)......

المهم وقت ماحبيتي تكلميني هذي رقمي...

واذا الرساله ازعجتج اعتبري ان مافي شي وخلنا مثل ماكنا... مع اني والله شاريج ورايدج بالحلال....

مع السلامه.....

البنت بغى يغمي عليها.... ماصدقت... تخيلووو اشسوت.... والله ماحلف لكم انها راحت وتيددت صلت ركعتين تحمد ربها......وعقبها صلت المغرب.....

البنت ماعرفت شتسوي...لاتعشت... ولا نامت عدل... وثاني يوم راحت المدرسه... وكانت تنتظر الهدده..عشان تشوفه..... ويه وقت الهدده... وماشافته... وضايقت....

المهم رجعت البيت وهي متضايقه... وحطو الغده وتغدت...... وراحت غرفتها وهي حزينه..........

شوي الا امها تناديها.....

قالت لها : نعم يمه

الام: اتصلي في ام فلان وقولي لها امي بتييج عقب المغرب...

وام فلان هي ام ولد الفريج... قالت لها وليش انتي ماتتصلين قالت لها انا احين مشغوله واخاف انسى وانا ابيها ضروري

البنت على طوووووووووووول ركيض راحت تتصل

واتصلت

ورد عليها ولدهم الي هوتحبه........ تدودهت البنت وماعرفت شتقول سلمت عاااااااااادي كلش وطلبت امه وهو بعد كلمها عادي........وكلمت امه وخبرتها بالمسج الي وصتها امها تقوله......

 

القصه هذي بدت يعني والبنت في اول ثانوي.......... واول مانزلو التلفونات الجي اس ام.......

البنت تقرى الرساله كل ليله من غير ماتقوله اي شي.... ومن غير ماتوضح له اي شي

 

اذا شفت ردود واهتمام باكمل لكم القصه

وصدقوني والله العظيم والله وغلاتها عندي وغلاه وامي وابوي ان هالشي صار

وهالقصه حقيقيه

Link to comment
Share on other sites

الســـــــلام عليكم

وراح اكمل القصه عشانج يا مس عارفي...............وصدقيني كل كلمه في هالقصه اعنيها وبكل جديه وحقيقه

 

المهم

البنت تمت على هالحال كل ليله ماتنام الا وتقرى الرساله وتنتظر شوفته كل يوم عقب الهدده.... وهي محتفظه بالرساله وفي نفس الوقت ودها انها تكلمه ولكن تخاف ان تتغير صورتها في عينه.... او ان ينتقدها..ماتتخيلون اشقد هالبنت تحبه وتعزه.... في مرة من المرات كانت ام الشاب في بيتهم يعني مارة مسيره على ام البنت المغربيه... وهي تتكلم كانت تسال ام البنت عن الطبخه الي طرشوها لهم ذاك اليوم من الي طابخها وكانت تسال عن الطبخه فردت عليها ام البنت ان بنتي هي الي طابخه.... ف ام الشاب كانت تمدح الطبخه وتقول ان ولدها عجبته الطبخه.... تخيلو البنت صارت تطبخ هالطبخه كل جمعه وتطرش لهم بس عشان خاطر عيون الولد.... كانت كل ليله ماتنام الا ودموعها على خدها من كثر ما هي تطلب ربها ان يكون من نصيبها.... تمت البنت على هالحال تنتظر شوفته من وقت لي وقت وخاصه من عيد لي عيد لانه يمر على ابوها الميلس... المهم البنت كانت متهدده سنتين انها تكلمه او لا... خلصت اول ثانوي ودشت ثاني ثانوي.. وخلصت ثاني ثانوي ودشت ثالث ثانوي وهي على هالحال..... كان حبها له ماينوصف... محافظه على روحها ونفسها اول شي عشان ابوها وفي نفس الوقت عشانه.... كانت وايد تحبه ومتعلقه فيه.....

المهم.... في يوم... الوقت كان مغرب.. وعقب صلاه المغرب... امها طالعه وابوها طالع ومحد من اخوانها او خواتها في البيت... كان يوم اربعاء وهي بروحها في البيت.... تذكرت ان مع الرساله كان مكتوب بعد رقم البليب... كانت خايفه تتصل... المهم.. طقت له بلييب... ومن كثر خوفها عقب ماطقت البليب.. على طول الله يعزكم راحت الحمام من الخوف...

هههههههههههههههههههههههه ............ المهم......... اتصل الشاب وهي ماعرفت شتقول... وهو عارف رقم بيتهم يعني من سنين..بيت جيرانهم... فكلمته البنت.... وسالت عنه وطبعا كانت المكالمه جداااا عفويه... وطلب منها ان تكلمه مرة ثانيه بس البنت خافت.... صدقوني... انا عمري ماشفت حب كثر حبها له.. ولا شفت اخلاص كثر اخلاصها له...المهم شوي شوي بدت تكلمه يعني كل اسبوع مرة... يعني من وقت لي وقت وهي حاسه بتانيب ضمير.... وعقب كل مكالمه كانت تصيح.... وخصوصا لما تشوف ابوها... ابوها ريال محترم ومب عود... بس يكسر خاطرها... ودوم تلوم نفسها يعني..بس في هالزمن ماعتقد في بنت جذي... مع احترامي للكل...

المهم.... الولد تذمر شوي انه تعود عليها ان يبي يسمع صوتها دوم..تولع فيها.. صار عنده فضول انه يبي يعرفها اكثر... وفي يوم يات الخدامه حق البنت... وقالت لها تعالي ابيج فوق.. راحت البنت مع الخدامه عبالها ان الخدم متهاوشين او شي من هالنوع تفاجئت انها تطلع لها علبه في كيس وقالت لها روحي حجرتج وبعدين نزلي تحت...البنت ماكانت مستوعبه... سلمتها الخدامه العلبه وراحت... راحت البنت غرفتها... وقفلت الباب..

وافتحت العلبه... كان موجود فيها رساله وتلفون

وافتحت الرساله

السلام عليكم

حبيتي هذي تلفوني ورقمي وانا راح اكلمج واتفق معاج على الاوقات الي باكلمج فيها.... بس اهم شي ماتردين على اي رقم غير هالرقم123456 اوكي والرقم السري 1234 وسامحيني... ادري هالشي بيزعلج وبيضايقج بس انا ابي اكلمج.. المهم حاولي تخشين التلفون...عشان محد يشوفه....

قامت البيت على طول خشت التلفون من غير ماتفتحه... ونزلت على طول تحت وتكلمت مع الخدامه انها اذا حاول مرة ثانيه يعطيها شي او يسال عن شي لاتقول له او تاخذ منه اي عود حتى.... المهم هي تفاهمت مع الخدامه.... يعني هما علاقتهم اوكي مع بعض............ وفي اليل راحت وافتحت التلفون والباب مسكر عليها طبعا... وكلمته وتفاجئت... تفاجئت اول شي بهالثقه الي وثق فيها وعطاها تلفونه... انا احين اشرح لكم هالشي مع ان لو في وقتنا احين عادي بييب لها رقم وتلفون .... بس انا ابي اوضح لكم انه هالشاب توه مشتغل ومع انه هما في خير بس يبي يعتمد على نفسه......... وصارت تكلمه يوميا بعد صلاه العصر.... وفي اليل واذا في شي ضروري تطق له بليب....

حبهم حق بعض كان واااااااااااايد قوي... صراحتهم لبعض... يعني لو اقول لكم واوصف لكم صدقوني ماراح اوفي في حقهم........ صدقوني.... حبهم كان شريف بمعني الكلمه... لاكان فيه كلام الواحد يستحي يقوله او شي يقللل من شان علاقتهم... وكانت علاقتهم جدااااااااااا جميله... حب.. وصدق.. كان يحس فيها اذا متضايقه... كان يخافي عليها... ويداريها بطريقه ماتتخيلون...كانت لين تشوفه او يشوفها.. يمربهم شعور عمره الواحد مايقدر يوصفه.... كانت لين البنت تشوفه من بعيد.. ودها تطير... وتروح له لكن في نفس الوقت كانت تتجاهل وجوده جدام الناس... واول ماتروح البيت تطق له بليب وتسمعه احلى كلام... انها ولهت عليه ومشتاقه له.. وانها تحبه وتموت عليه....

يعني

اذا شفت رد....

راح اكمل

ترى القصه تعور القلب.... يعني مب عوار ألم لا بس دام ان هالشي حقيقه ف انا احب اقولها

والله يعيـــــــــــــــــــــن

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...

×
×
  • Create New...