** فراشة الربيع ** Posted يونيو 9, 2005 Report Share Posted يونيو 9, 2005 أختي أمواج بليز نبي التكملة Quote Link to comment Share on other sites More sharing options...
دلعلع Posted يونيو 9, 2005 Report Share Posted يونيو 9, 2005 خيو امواج والي يعافيج نزلي الباقي بسرعة الجزء واجد قصير جان طولتيه Quote Link to comment Share on other sites More sharing options...
أمواج Posted يونيو 22, 2005 Author Report Share Posted يونيو 22, 2005 اسفة على التاخير الجزء الرابع عشر: وكانت اسماء واختها قاعدين في الصاله يسجلون الاشياء الي بقى ياخذونها والي نسوها ورن تلفون البيت اسماء قامت علشان ترد اسماء: الو نعم هاشم: سلام اسماء: وعليكم السلام هاشم: انتين اسماء صح اسماء: اي نعم وانت هاشم جنه لا هاشم: اي هو وين اختش اسماء: هاشم اسمح اليي ما اقدر اناديها واختي مابقى شىء عن يوم ملجتها هاشم: لا تقهريني زياده وروحي ناديها بسرعه اسماء ترى انا قريب عند بيتكم لا تخليني اجي اسماء: لا لا تجي مو ناقصين مشاكل بس بناديها لحظه هاشم : عاد مو تقولين اليها اني انا الي متصل اسماء: ان شاء الله صار وراحت اسماء الى زينب وقالت اليها وحده تبيش في التلفون زينب: نعم هاشم: زينب صدق الي سمعته زينب: هذا انته هاشم ارجوك سك التلفون مالي خلق مشاكل هاشم: اوكيه انا بسكه بس قولي اليي ان الكلام الي سمعته كلا كذب زينب: ما اقدر اكذب عليك الكلام صحيح هاشم: ليش زينب ليش وافقتين عليه انا كنت انتظر هالحظه واتقدم ليش زينب: لا تذبحني اكثر هاشم رحم الله والديك سك التلفون وانساني خلاص انت في طريق وخلني في طريقي . ونزلت زينب سماعته التلفون وهي تركض حجرتها تصيح كانت حايره مو عارفه ويش تسوي فاخذت تلفونها واتصلت في احمد ولد بس ماشاله التلفون كان في المقهى وازعاج وبعد شوي هو شاف رقمها فتصل فيها واسماء لما شافت اختها تاخرت راحت تشوفها في حجرتها وبدون قصد سمعت اختها تكلم ولد عمها احمد: خير زينب متصله زينب: هاشم احمد: اي صدق ذكرتيني فيه ويش اتصل فيش كلمش لو زينب: ايه وبدت تصيح احمد هاشم كان بيخطبني احمد: انا اعرف ان هاشم ولد حلال وشارنش بس ظرفش جدي زينب: كلا من هالعين هاني لو ماسوى جدي جان اني الحين بخير هذا حطمني شلون بعيش وياه ما ادري احمد: لا تقولين جدي يابنت عمي وتصبري هانت اسماء ماقدرت تجمع حجي بس الي وقف في بالها هاني لعين وفعلته بس ماحبت تسئل اختها وبعد فتره دخلت اسماء وكانت زينب تمسح دموعها واسماء فضلت انها ماتسئل اختها عن السبب وهم قاعدين رن جرس الباب وكان هاني الي جاي وطلعت اليه اسماء كان يسئلها اذا محتاجين شىء او ناقصنهم شىء اسماء حست ان هاني حنون وطيب وشكله واجد مهتم بختها ويحبها بس هي تفكر ليش اختها مو مهتمه مرت الايام وجاء يوم الملجه واقتنع محمد ان يوم الملجه يلبس ثوب ويوم الحفله يلبس بدله اما زينب فكانت متوتر وخايفه انها تعيش ويا هالانسان الي ضرها اما هاني فكان فرحان ومستانس هاشم راح الملجه واحمد لما شافه خاف ان يصير شىء ولما دخل الشيخ علشان ياخذ موافقتها كانت زينب ترتجف وهي خايفه وفي نفس الوقت ماكانت مصدقه ان مشكلتها بتنحل وبعد ماخذو موافقتها وخلصت الاجراءات العقد دخلو الشباب ودخلو وياهم المعرس كان هاشم واقف عند باب بيتهم وهو حزين وكان مجود روحه علشان مايصيح وبعد ماسلمو الشباب على بنت عمهم طلعو علشان المعرس يشوف عروسته كان هاني واقف وشايل باقة ورد وخاشنها وراه وبعد ماقرب من العروس طلعها وعطاها اياها وقال ليها مبروك يا عروس زينب كانت مستحيه منه والشباب في الصاله كانو قاعدين يسولفون نزلت اسماء من حجرتها وشافت محمود بس سوت روحها ولا جنها شايفتنا كانت بتروح تصور اختها ويا خطيبها واول ماشافها محمود ناداها وراحت اليه محمود: الااااااااي وشهالحلاوه اسماء وهي مستحيه: اوهو اتباعد خلني اروح مستعجله محمود:صبري شوي خلني املي عيوني منش اسماء: انت ماتستحي محمود: وحق ويش استحي كلها سنتين وانتين تصيرين ام عيالي اسماء: لين جت هالسنتين قول هالكلام والحين اتباعد محمود: انزين عاد انا بتباعد بس بقول اليش شىء ترى انتين صايره احلا من العروس اسماء: ادري ماقلت معلومه جديده محمود: هي مو تصدقين روحش واخذ محمود الكامرا وقال الى اسماء انه بصور كشخه محمد اخوها ويوم اخذ الكاميرا قعد يصور فيها وهي منقهره عليه خلص الفلم عليها وعلى محمد واحمد واختها ما صوروها............ ........ يتبع Quote Link to comment Share on other sites More sharing options...
أمواج Posted يونيو 22, 2005 Author Report Share Posted يونيو 22, 2005 الجزء الخامس عشر: قررت اسماء انها تدخل على اختها الحجره وتخبرها بفعايل اخوها ومحمود ولد عمها بس اول ما وصلت عند باب الا امها كانت بتدخل فوقفت اسماء علشان تنتظر بس تخلص امها تدخل هي دخلت ام محمد وسلمت عليهم ام محمد: شوف ياهاني هذي بنتي زينب اغلى من عيوني هذي جوهره بتركها بين ايدك وما اوصيك عليها ترى زينب غاليه علينا كلنا هاني: ان شاء الله ياعمه ولا توصين زينب في عيوني واطمنت ام محمد على بنتها وطلعت كانت اسماء واقفه عند الباب من بره ومتردده تدخل لو لاء وبعد ماطلعت ام محمد قعد هاني منزل راسه يفكر بعمق وبدون ما يحس سالت دموعه على خده زينب لما رفعت راسها وشافته انبهرت وقالت في نفسها و ليش يصيح لازم اسئله زينب وهي خايفه عليه: هاني ويش فيك ليش تصيح هاني مش دموعه ورفع راسه وقال: انتي الماسه ثمينه يازينب ماتستاهلين واحد مثلي انا اذيتش وظلمتش وياي كان لازم ما اسوي كل الي سويته اسماء كانت واقفه عند الباب وسمعت كل كلام هاني طبعا بدون قصد وتراجعت بعد ماعرفت ان اختها كانت مجبوره تاخذ هاني بس زينب حست ان هاني الي اخذت عنه فكره انه وحش في داخله انسان صغير طيب ويحمل قلب كبير يعني ممكن تعيش وياه وهي مطمئنه ومتاكده انه ماراح ياذيها او يضايقها قعدت زينب تدقق في ملامح خطيبها ووجد فيه انسان ظريف واكتشفت انها راح تتقبله وانها راح تحبها وهي تطالع في ملامحه هاني: ويش طالعين زينب: احد قال اليك من قبل انك وسيم هاني : هاااااا ويش وسيم مره وحده ههههههههههه صلي على النبي زينب : لا صدق ماشاء الله تبارك الي خلقك خشمك طويل ودقيق وعيونك وساع ولونهم بني فاتح هاني: هههههههاي ادري انهم فاتحين بس تدرين انش جميله وكلمه جميله شويه عليش صار وجه زينب احمر وبدت تستحي وهي تقول ليه: او هاني جوز له هاني:ماعلينا الحين قومي البسي عبايتش وخلينا نطلع زينب: وينه نروح لالا خلك اهني هاني: بموت من الجوع ولين ماكلت شىء الحين بتسمعين السنفونيه زينب: هههههههههههههه ان شاء الله بس بخبر امي اول وطلعت زينب وهي مستانسه ومرت الصاله كانت اسماء مستحمقه وتتحلطم واول ماشافت اختها قالت اليها عن موضوع الكاميرا وسالتها زينب عن امها علشان تروح تستاذن منها طبعا سمحت ام محمد لبنتها انها تطلع ويا خطيبها واول ماركبت زينب سياره هاني البي ام الزيتيه زينب : ماشاء الله وشهالنظافه زين تركب سياره واحد من واولاد عمي او سيارة محمد اخويي بنسبه لسيارتك ماساه هاني: ههههههههاي اي طلعت ويا محمد يوم يروح يفصل اليه ثوب ذاك اليوم هدويش السياره عاد تشوفينها تقولين بيت حتى ثيابه داخل زينب: ايه ههههه انجان الا محمد وبعد ماطلعو وتعشو راحو صوب البحر كان هاني مشغل مسيقى كلاسيكه حست زينب ان هاني انسان غيررر وطيب وحبوب ورمانسي غير ماكانت تتوقعه وهاني كان نادم على كل الي سواه في زينب واكتشف انها بنت خلوقه ومربيه وهم قاعدين عند البحر هاني: زينب ممكن تنسين كل الي كان بيني وبينش زينب وهي مبتسمه: ومن قال اليك اني مانسيت اصلا كان في شىء بينا هاني : تصدقين انتين اكبر هديه الله عطاني اياه واغلى هديه واخذ هاني ايد زينب بين اياديه وقال ليها : واوعدش اني احبش واكون زوج صالح ولا اقصر عليش زينب: اوووووووه هاني بس له يلا ودني البيت تاخرت بسرعه هااا وراحت زينب البيت وحطت راسها على الموسده وهي مرتاحه ومستعده لتواجه يوم جديد يوم الحفله قعدت زينب متاخره وكانت اسماء وامها مستعجلين ينظفون في البيت وعدلون واول مانزلت زينب كان محمد اخوها قاعد ينتظرها في الصاله علشان يوديها الصالون وبعد ماجهزت نفسها ونادت اختها علشان يروحون الصالون لان هناك مواعدين بيان بنت عمهم ويا ساره بنت خالت بيان وصلو الصالون وشافت بنت عمها هناك وساره اما المعرس فقعد ويا الشباب يزينون السياره وراحو الصاله يشرفون على المكان واخيرا جاء الليل وجهزت العروس وراح محمد وراشد يجيبون العروس لخطيبها الي كان ينتظرها عند باب الصاله ولما وصلو وسلمو زينب لخطيبها الي كان ينتظرها على احر من الجمر ودخلو الصاله الكل كان متحمس لان يشوف وجه العروس بس مافي احد مشتاق لان يشوفها ا كثر من هاني واول ما وقفو وجاء موعد ان هاني يرفع الشنيول الي على وجه زينب.......... يتبع Quote Link to comment Share on other sites More sharing options...
أمواج Posted يونيو 22, 2005 Author Report Share Posted يونيو 22, 2005 الجزء السادس عشر: كان الكل ينتظر هالحظه ومتحمس لها رفع هاني الشنيول وانصدم بطل عيونه على الاخر وشهق هاني: ماشاء الله تبارك الخلاق وقبل جبهتها وهو فرحااااااااان كانت زينب كالقمر المنير في الحفله فهي محط انظار الجميع خصوصا وان المكياج برز جمال ملامح وجها الجميل وبعد فتره دخل محمد وابوه وعمه علشان يسلمون على المعاريس ويباركون اليهم وزينب لما لمحتهم من عند الباب استحت وزاد احمرار وجها سلمو عليهم ووقف محمد عدال اخته علشان يصور وياها اما اسماء فكانت مشغوله بالحفله والمعازيم خصوصا وانها تعرفت على ساره اكثر وصارت صديقتها والشباب محمود واخوه كانو قاعدين عند الصاله كان محمود يتمنى لو تنتهي الحفله بسرعه علشان يشوف بنت عمه احمد حس ان اخوه مو طبيعي وعرف انه يبي الحفله تخلص فقرر انه يتحرش فيه شوي احمد: محمود شكل الحفله مطوله تعال خلنا نروح المقهى شوي محمود: لا الحين بيطلعون النسوان احمد : النسوان هااا يعني مو بنت عمي محمود: هههههههه انت الوحيد الي فاهمني احمد: محمود خلنا نتكلم بواقعيه شوي هاا محمود: اوكيه تفضل احمد: محمود ويش رايك تثقل شوي وتبين الى اسماء انك رجال يعني بلا حركات الجهال الي تسويها وياها بين اليها انك كبرت خبرك الحين احنا بعد مو جهال محمود: اتثيقل عليها والله فكره زينه بعد نجربها ويش نخسر بس عاد شوف اي مشكله تصير اليي وياها بتكون انت السبب احمد: هههههه اوكيه محمود : بس بتصل لبيان شوي احمد: ادري فيك ماتقدر محمود: لا صدق بتثيقل عليها بجوف واتصل محمود لبيان اخته علشان تعطي اسماء تلفونها ويكلمها بس بيان سكت التلفون في وجهة يوم قال اليها تودي التلفون لاسماء وبعد ساعات خلصت الحفله وطلعو النسوان فاطمه طلعت لعيالها ونادت احمد علشان يوصل خالته وبنت خالته ومحمود راح ويا محمد ولد عمه علشان يكملون بقيت السهره في بيت عمه وهم في السياره سئلت مريم ولد اختها مريم: احمد جم سنه باقي عليك وتخلص دراستك احمد:والله ياخاله بقى هالكورس الجاي والسنه الي عقبها كانت ساره معجبه بشخصيه احمد انسان هادىء ورزين وفي بيت راشد كان محمد ومحمود قاعدين في الحوش جت اسماء وامها دخلو البيت اسماء وقفت علشان محمود يشوفها بس محمود كان يفكر بكلام اخوه وماعطاها وجه اسماء استغربت من فعلت محمود ودخلت البيت وبعد ماوصل احمد خالته وبنتها رجع بيت عمه علشان يكمل السهره وياهم اما المعاريس فطلعو من الصاله ورجعت العروس بيتهم وغيرت فستانها الوردي الطول ولبسه ملابس خفيفه وطلعت ويا خطيبها ومرت يومين ومحمود على هالحال صار مهتم بدراسته اكثر من اي شىء ثاني وصار مايكلم اسماء على طول واسماء استغربت من تغيره المفاجأ وفكرت انها تكلمه بس ماكانت تحصل اليها فرصه تسمح مر اسبوعين وحان موعد رجوع الشباب الى القاهره في هالمره هاني وزينب هم الي بوصلون الشباب المطار وهم في المطار لمحت زينب هاشم من بعيد كان رايح يودع الشباب قبل سفرهم وبعد ماسلم عليهم وقف يطالع زينب وهي تطالعه كان يقول في نفسه : كل ماليش تصرين احلا الله يهني الي خذاش زينب كانت خايفه وترتجف بدون شعور حطت ايدها في ايد خطيبها وتقربت منه هاني استغرب لفعلتها وابتسم . اسماء ماراحت المطار ومحمود كان بموت عليها ماشافها وهذي اول مره ماتروح تودعه كان يحس محمود ان ماراح يشوفها بعد واول ماوصلو الشقه اتصل محمود لاسماء وقعد يسولف وياها وبعد يومين كانت فاطمه قاعده ويا زوجها يطالعون التلفزيون بعد ماخلصو الغدا فاطمه:يوسف شفت بنيه قطعه لاحمد يوسف: احمد ولدي مو مال زواج هذا اعطيه دراسه وكمبيوتر وانترنت جدي يعني فاطمه: ساره بنت اختي وشحلاوتها والي نعرفه احسن من الي مانعرفه يوسف : اذا رجع هالمره نفاتحه في الموضوع وبالمره بعد نروح نحجز لمحمود اسماء رسمي فاطمه: ههههه بطير من الفرحه ادري به محمودوه يوسف : ويش رايش تروحين تقعدين ويا العيال عن بروحهم وتغيرين جو فاطمه: اي والله وحشوني بس صار في اقرب فرصه بروح وراحت فاطمه القاهره لعيالها وبعد ماخلص الكورس اسماء بعد خلصت من المدرسه وتخرجت اما ساره فكانت هذي ثاني سنه ليها في الجامعه ورجعو البحرين قعدت فاطمه وزوجها ويا عيالهم وخبروهم بالي في بالهم وان بعد باجر بروحون يحجزون اسماء رسمي محمود طار من الوناسه اما احمد فيوم خبروه عن ساره بنت خالته ماستانس بس بعد مازعل لان مافي باله احد ومدام امه الي اختارتها يعني اكيد زينه وتستاهله فوافق بس كان يتمنى لو يعرفها عن قرب اكثر لان ماكان يحتك فيهم وجاء اليوم الموعود وبعد صلاه المغرب ركبو سيارتهم وتوجهو بيت راشد.......... يتبع Quote Link to comment Share on other sites More sharing options...
عاشقة العقيلة Posted يونيو 24, 2005 Report Share Posted يونيو 24, 2005 مشكورة على القصة الحلوة وننتظر باقي الأجزاء بليز نزليهم بسرعة Quote Link to comment Share on other sites More sharing options...
alhaira Posted يونيو 24, 2005 Report Share Posted يونيو 24, 2005 مشكووووووووووووووووووووووورة اختي ع القصة وننتظر التكملة Quote Link to comment Share on other sites More sharing options...
شهد Posted يونيو 24, 2005 Report Share Posted يونيو 24, 2005 مشكوووووووووورة اختي امواج وننتظر التكملة تحياتي : شهد Quote Link to comment Share on other sites More sharing options...
شهد Posted يونيو 25, 2005 Report Share Posted يونيو 25, 2005 Quote Link to comment Share on other sites More sharing options...
أمواج Posted يونيو 28, 2005 Author Report Share Posted يونيو 28, 2005 الجزء السابع عشر دخلو وقعدو في الصاله اسماء ماكانت تدري بموضوع الخطبه بس كانت تفكر ليش محمود مستانس اليوم اكثر من اي يوم فبدى يوسف كلامه يوسف: ياراشد يا خوي تدري انا اليوم ليش جاينك وما ابيك تردني راشد: البنت بنتك يا يوسف اهني اسماء انصدمت ويش يقولون دلين من صدقهم يعني اسماء ماكانت مصدقه ولا قادره تصدق الي تسمعه استحت اسماء وصار وجها احمر وزينب كانت مستانسه لختها وفرحانه راشد: ويش ياام محمد ام محمد: شقول بعد محمود ولدنا راشد : ها بابا اسماء ويش تقولين اسماء تخسبقت وماعرفت شتقول : على راحتكم يوسف: على بركة الله والحين نتكلم في التفاصيل بعد ماتكلمو طلعو بنتيجه وهي ان اجازه نص السنه تتم الخطبه اما احمد فقال لامه انها تكلم خالته يعني مو الحين تروح تخطب ساره رسمي بعد مده في هالمره كان شعور محمود غير كان سعيد ومستانس وكان ينتظر تمر الايام بسرعه علشان ياخذ البنت الي طول عمره يحبها وكان متحمس حق السفر للقاهره هالمره . فاطمه كلمت اختها علشان ولدها احمد يبي بنتها ساره ومريم ماكان عندها مانع وكانت تتمنى احمد لساره وساره اول ماسمعت بالخبر استانست لانها هي ماخذه فكره حليوه عن ولد خالتها ومعجبه بشخصيته . راحو الشباب القاهره وفي يوم من الايام كان احمد قاعد متاخر من النوم لان طول الليل كان سهران على الكمبيوتر ونزل من الشقه علشان يروح يشتري ليه شىء ياكله لان محمود ومحمد في الجامعه وهو نازل بيعبر الشارع مرت سياره تكسي بسرعه وصدمته وطاح احمد على الارض سائق التكسي اخذ احمد ووداه المستشفى وفي المستشفى كانو مجموعه شباب واقفين عند الباب وشافو سائق التكسي شايل احمد وهو ينزف فراحو يساعدونه واحمد كان يتاوه ويقول: نادو محمود عرفو الشباب ان هذا الشاب بحريني لان هم بعد بحرينين فاخذو احمد وعرضوه على الطبيب والحمد لله خيطو الجرح الي صار على جبهته ازال شىء من وسامته وبعد ماجبسو ايد احمد دخلو الشباب وسائق التكسي يطمنون على حاله احمد واحد من الشباب: مرحبا انا اسمي حسن من البحرين احمد: وانا احمد من البحرين سائق التاكسي: اتصل باهلك وطمنهم على سلامتك وانا ماكنت اقصد اني بدعمك بس سرحت شوي احمد: لا عادي بس مره ثانيه ركز في الشارع لو جاهل الي كان مارويش ان بصير السائق: صح كلامك وانا استاذن قعدو الشباب ويا احمد بعد ما اتصل لاخوه وولد عمه وقال ليهم بالي صار له كان حسن اكبر من احمد بسنتين وهو طالب محاماه اخر سنه دخل محمود وشاف اخوه على السرير ومجبسه ايده محمود : ها خوك عسى ماشر حسن: لا اطمن الحمد لله مرت على خير احمد: محمود هذا حسن توني متعرف عليه من المنامه هوحسن هذا محمود اخويي حسن : هههه ابين انتو توائم لا محمود: ايه و بعد الموقف الي جمع احمد بحسن صارت بينهم صداقه حلوه واقترح احمد على حسن وصديقه اسماعيل انهم يسكنون في الشقه الي تحتهم لانها فاضيه وسعرها اقل من الشقه الي هم ساكنين فيهم وانتقلو وصارو صوبهم وفي البحرين كانت اسماء واختها زينب يجهزون حق حفله الخطوبه وكانو يطلعون من الظهر مايرجعون الا الليل من السوق اما ساره فكانت تقعد ويا بيان بنت خالتها ساعات طويله يتكلمون عن احمد ومره كانت بيان تقول لساره: خلينا نتصل فاحمد شوي؟ ساره وهي مستحيه: لا حرام عليش خليه يمكن يدرس بيان: هذا تلاقينه الحين مندمج في الماسنجر ويا ربعه ساره : جي هو يدخل النت بيان : صح النوم هذا مدمن كلا منتديات وسياسه ساره: يؤ اني ادخل منتديات يعني مو كلش بيان : صبري بنتصل فيه وباخذ ايميله بعطيش اياه الي عندي مو متاكده منه ساره: لا مايحتاج واتصلت بيان وعرفت ان اخوها تعرض لحادث بيان: ماتشوف شر يا القمر المهم اسمعني احمد: نعم ويش عندش بيان : عطني ايميلك وحده تبي تضيفك احمد: من ؟ بيان : ساره واكي صوبي هاك سلم عليها ساره تفشلت واحمد بعد شلون بيان تتصرف بهطريقه وهي تعرف اخوها خجول وبيت خالتها اخجل ساره سلمت على ولد خالتها وماجابت اليه طاري الايميل بالمره لانها تستحي وهو بعد ماحب يثقل عليها لكن في داخله كان ميت يبي يعرف عنها شىء لانها بنسبه اليه شىء غامض وهو كان حاب يعرفها عن قرب بس الحدود بينهم تمنعه ...... يتبع Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.