دنوونه Posted أكتوبر 8, 2003 Report Share Posted أكتوبر 8, 2003 يبه وينك ؟؟ ولهت لنظره من عينك .... يبه وينك ؟؟ اشوفه طوّل غيابك !! و من ودّاك .... ما جابك !! قالوا ما يدوم الزين !! و انا عندي امل للحين .. و لا كني اعرفك وين !! يبه وينك ؟؟ عسى الداعي يبه بس خير ؟!! عساك بخير ....!! مداين تكرم لعينك ... بس ارجوك علمني ... علمني .. يبه وينك ؟؟ سألت امي عن رجوعك ... ولا كني اعرفك وين !! و قالت .. ما يدوم الزين !! و انا .. عندي امل للحين .. في رجوعك !! يبه بس تكفى علمني .... متى رجوعك ؟؟ يبه بس تكفى علمني . وش احلى من طلوع اثنين ؟؟ طلوع الشمس .... و طلوعك يبه وينك ؟؟ سألت امي ...... غيابك طال ؟؟ ولا كنّي اعرفك وين !! و قالت مثل ما قالت .. حسافه ... ما يدوم الزين ... مع كل هذا صدقني .. انا عندي امل للحين !! سؤالي عنك يالوالد .. صبح موال و اشوفه طال ... والله طال .. حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه .. يبه .. ارجوك علمني ... تشوف اللي انا اشوفه ؟؟ انا اشوفك نهار و ليل ... في وسط المجلس تصلي .. و تدعي الرب ييسر لي .. يبه .. ما عاد بي من حيل .. وين الحيل ؟؟ و انا اشوفك نهار و ليل .. مع اني ادري ما ترجع !! غريبه .. بعدها تدمع .. عيوني من هموم البين !! و ادريبه مكانك وين !! مع َ هذا .. ارد و اسأل !! يبه .... وينك ؟؟ و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك .. و لا ادري وش يخبي الغيب !! و جرح ٍ عذ ّب احبابك .... يبه ..عيّا يخف و يطيب !! يبه.. كل جرح في الدنيا .. مصيره بالدوا يلتم ... و لكن البلا من جرح .. نزف فرقاك ... بليّا دم !! و هذا الفرق في جرحي ... عجز يلقا الدوا دكتور .. انا جرحي غريب الطور !!! ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما تـلتم .. بس عندي امل للحين !! و لا كنّي اعرفك وين !! يبه .. ذكراك تفرحني .... في نفس الوقت تجرحني !! لا من جبت في طاريك ... دموعي غصب تفضحني .... يبه .. تذكر ليالي الصيف ؟؟ عرس الحي .. و رقص السيف ؟؟ و كرم قلبك معَ هـالناس .. كل ٍ كان في بيتك ضيف .. الا يا حيف .... الا يا حيف .. زمن قاسي .. زمن قاسي ... اخذ مني بلا رحمه اخذ مني اعز ناسي !! و خلاّ لي سهر هالليل .. في عيني ضيف .. الا يا حيف !! يبه وينك ؟؟ تعال و شوف ... كبرنا مثل ما تمنيت . درسنا كل ما حبيت .. نصلي مثل ما وصيت .. و ندعيلك في كل ظروف .. يبه وينك ؟؟ تعال و شوف .. صحيح الدنيا ما ترحم .. تجرعنا التعب انواع ... و لكن الأمل ما ضاع .. و انا عندي امل للحين !! و لا كني اعرفك وين !! يبه تذكر شطانـتـنا ؟؟ انا و اخواني و اخواتي ... معانا عيال حارتنا .. نلعب في زوايا البيت .. يبه ... والله انا حنيت .. لذاك الوقت في وجودك ... الا يا ريت ... الا يا ريت ... ترجع .. يا يبه حنيت .. حسافه الدنيا ما ترحم ... خذت منا سعادتنا ... خذتك بعيد .. و خلتنا !!! يبه امي تذّكرنا ... بأيامك قبل ما تروح ... تناديها.. يا روح الروح .. تغازلها و تنظر لك .. مثل طفله ... ملامحها عشق مفضوح ... في ذاك الوقت .. كنا صغار ... معَ هذا ... كنا نغار .. عليها .. او بعد منها ... كنا نغار نحبك يا يبه ... ارجع مثل شمس الفجر .. اطلع حزينه الشمس في غيابك .. و نفس الحزن في احبابك .. واخاف الشمس من حزني .. تغيب و ما بعد تطلع !! يبه ارجع !! اذا لي خاطر فـ قلبك .. تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم .. لكن قلّت الحيله ... و يمكن مـ البطا ضاعت .. و قلنا يوم !! يبه سامحني بترخّص ... قبل ينشف حبر الأقلام .. كلامي بعده ما خلّص .. و لكن موعد الأحلام .. حان .. ولازم اوفي له.. بعد ما ضاعت الحيله .. اشوفك والوعد باكر !! اذا فكّر يجي باكر ..!! و برجع اسألك وينك !! بس لازم تجاوبني .. ترى عندي امل للحين !! و لا كني اعرفك وين ..! اتمنى تعجبكم Quote Link to comment Share on other sites More sharing options...
غرباوي Posted أكتوبر 8, 2003 Report Share Posted أكتوبر 8, 2003 يا سلام والله .. صج صج روعه .. صح لسانج Quote Link to comment Share on other sites More sharing options...
albdra Posted أكتوبر 8, 2003 Report Share Posted أكتوبر 8, 2003 انه بعد وحشني ابوي دائما اناجيه في قلبي الله يرحمه Quote Link to comment Share on other sites More sharing options...
مهدي هيات Posted أكتوبر 8, 2003 Report Share Posted أكتوبر 8, 2003 دنوونه أنتظرنا طويلا تلك الكلمات وهمسك الرائع العذب الجميل التي أبت الا ان تفيض الأشواق والهمسات العاشقة تسللت الى القلوب بعذوبة كلماتك دمتي أيتها الغالية مبدعه تحياتي أبن البحرين Quote Link to comment Share on other sites More sharing options...
دنوونه Posted أكتوبر 8, 2003 Author Report Share Posted أكتوبر 8, 2003 غرباوي البدره ابن البحرين تسلمون على مروركم ..كلكم ذووق اللهم ارحم موتانا وموتا المسلمين واشفي مرضانا ومرضا المسلمين Quote Link to comment Share on other sites More sharing options...
نواف Posted أكتوبر 9, 2003 Report Share Posted أكتوبر 9, 2003 شكرااااااااا دنونه على كلماتك و على الابيات المعبره Quote Link to comment Share on other sites More sharing options...
بنت الناصر Posted أكتوبر 9, 2003 Report Share Posted أكتوبر 9, 2003 صح لسانج دندونه وعساج عالقوه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.