Jump to content
منتدى البحرين اليوم

هذي هي قصتي


mahroom25

هل انا ظالم ؟  

243 لقد صوت الأعضاء

  1. 1. هل انا ظالم ؟

    • 1- مذنب
      72
    • 2- غير مذنب
      95
    • 3- محروم
      46


Recommended Posts

اخواني واخواتي

 

اود ان اعطي نبذة ولو بسيطة عن قصتي الاليمة التي تغير فيها مجرى حياتي وهل انا صح ام خطأ .

 

ارجوكم افيدوني فإني في حيرة وتفكير عمييييييييييييييق منذ 7 سنوات الى الأن :ssm11:

 

اظن انكم تعرفون او سمعتم عن الحب الجامعي الذي غالباً ما ينتهي بنهاية قاتلة للقلوب :rest:

 

البداية :

 

كنت ادرس في جامعة مختلطة لمدة 5 سنوات ومنذ السنة الاولى قمت بالتعرف على زميلة لي خلوقة .. محترمة .. حنونة ... طيبة .................الخ .

جميع صفات المرأة مجتمعة فيها وبدون مبالغة .

هي من عائلة غنية ( ما شاءالله تبارك الله ) .

وانا الحمدلله من عائلة مستورة ، وقد تطورت العلاقة الى انني احسست انني لا استطيع العيش بدونها

وقد حاولت قدر الامكان ان اعمل اي شئ لكي لا تبتعد عني ، حيث انني كنت غريب في البلد التي ادرس فيها ،

ودارت الايام والسنين واصبح التخرج من الجامعة امر مفروغ منه وعودتي الى بلادي لابد منها :wacko:

ماذا افعل ؟؟؟؟

لا اعرف سوى انني سأعمل المستحيل لكي اتزوجها فهي حياتي .

وعدت الى بلادي وعملت والحمدلله ولكن صدمت انني لا استطيع ان افعل شئ الا بعد 4 سنوات على الاقل وانا من دولة وهي من دولة اخرى :ssm7: شاب شعري وتناثرت افكاري وضاقت الدنيا بي .

وقد فكرت كثيراً وكثيراً ولم اجد حلاً سوى ان ابتعد عن محبوبتي الطيبة واترك لها مجال ان تعيش حياتها وان لا اجعلها تعيش معي في حياة اقل من حياتها .

حيث ان الحياة صعبة جداً وقمت بالهرب منها وعدم الاتصال وقمت بالسفر لمحاولة نسيانها وكنت اترقب اخبارها من بعيد الى ان سمعت انها ارتبطت وفرحت لها كثيراً الا اني قمت بالبكاء مثل الاطفال والفرح لانها ستعيش حياة مشابهة لحياتها الاصلية وفرض اهلي علي الزواج لنسيانها وقمت بالزواج الا انني فوجئت بأنها تزوجت معي في نفس الاسبوع ومن ثم قررت السفر الى الخارج لقضاء شهر العسل وقدر الله مالم يكن في الحسبان رأيتها في نفس البلد التي سافرت اليها فسبحان الله العظيم انا وزوجتي وهي وزوجها وكان ذلك اليوم هو يوم عيد ميلادي الذي كانت تذكرني فيه في السنين الماضيات وتهديني الا انني اقف اماها ولا استطيع ان اقول لها شئ .

ملاحظة : هي كانت تحبني مثل ما انا احبها واكثر .

 

هل ظلمتها ؟ هل انا مذنب بتركي لها ؟ اقسم بالله اني تركتها لمصلحتها والى الآن لا استطيع ان انساها رغم اني اعيش حياة جميلة مع زوجتي الطيبة . ولكن كيف انساها قولو لي 5 سنوات من الحب الطاهر الجميل كيف انساها والآن لي 7 سنوات منذ ان تركتها ولم استطع ان انساها . احس اني مذنب احس اني محروووووووم

افيدوني افادكم الله .

سامحوني على طول القصة ولكن هذا الاختصار المفيد .

 

 

:bahflag:

Link to comment
Share on other sites

  • Replies 199
  • Created
  • Last Reply

Top Posters In This Topic

:( انا باقول مذنب

اخوي والله ادري انت تبي مصلحتها و خايف عليها

 

بس صدقني انت تقول لانك تحبها لازم توفر لها احلى حياه و اذا انت تحبها بتخليها تعيش احلى عيشه و ما تبيها تغير حياتها مثل ماانت قلت

 

 

اخوي انت مذنب

باقولها لك بكل صراحه :(

لان جفت في الواقع قصه مشابهه لك

 

حرام عليك والله

انا ماابي احسسك بالذنب اكثر

بس احلى شي كنت بتسويه لها انك تتزوجها

مب انك تبتعد عنها

يبه لو تعيش في الشارع

صدقني كان بيكون عليها اهون من ان تبتعد عنك

و تعيش طول حياتها مع انسان غير

 

لو تبتعد عنها عشر سنين مب 4

حرام عليك

والله اهم شي انت بقلبها و هي بقلبك

مو مهم المكان <_<

صدقني اللي سويته غلط

والله عارفه نيتك و قصدك و ما سويت كل ذي

الا من حبك لها و خوفك عليها

 

قصتك صعبه و تعور القلب

ادري انت تتعذب و تحس بألم و اللي تحس فيه مب شوي

و مب هين

انت محروووووم منها :(

بس انت اللي بعتها

 

لا تقول ما بعتهاااا

اخوي

اذا الواحد يحب وحده بيكون احلى

شي يسويه في حياته و اكبر تضحيه ووفاء

انك ما تتخلى عنها لو شنو كان السبب

عندك اسباب و اعذار وايد

بس بعد :&amp;quot;(

الغلط غلط

اوكي اصلا انت تدري انك غلطان

و لو ما كنت حاس بهالشي

جان ما حسيت بالذنب و بقى

حبها في قلبك كل هالسنين

 

مااقول غير الله يوفقك في حياتك و الله

يوفقها في حياتها آمييييين يارب

 

بس باقول حق كل الشباب

ترا البنت اذا تحب :ssm6:

ما تبي اي شي منك

ما تبي الا انها تكون وياك

انتو تسوون هالشي بقصد مصلحتها

و من خوفكم و حبكم عليها

بس والله انتووو تضرونها بهالشي

و تضايقونها و تعذبونها

و تخلونها تضيع الثقه في كل انسان

حتى في اعز الناس حق قلوبها :(

 

 

الله كريم

و الله يسامحك في الي

سويته لهااا

 

 

ادري كلامي قاسي بس

هاي اللي اقدر اقوله سوري

باي :(

 

و على فكره اللي تسوونه يجرح جرح

ما في دوا بالدنيا كلها تخليه يبرى

لانه من اغلى ناس

للاسف

Edited by مهاوي المحرقيه
Link to comment
Share on other sites

أنتة مش مذنب ...

 

بس أذا هيه اتحبك لازم اتعيش معاك لو كنت في كهف الحب تضحية مش مستويات ....

بس الحياة بتعيشها مرة وحدة ليش ماتعيشها مع حبيبتك .....

 

أخر كلمة أقولها عـــيش حيــاتك.... :n10:

Link to comment
Share on other sites

هلا اخوي

اول شي احب اقوله لك هو

ان كل اللي صار مكتوب لك ومصيرك ومصير حبك مقدر لك قبل لا انت تعيش هذا الحب

هذي رغبة الله وكتبته يعني مهما كان الظروف ما بتسمح لام مو كاتب لك تتزوجها

انه اقولك وباعلى الصوت انت مو مذنب وهذي رايي انه وراي العقل

لان اللي يحب يضحي بكل شي عشان اللي يحبه يعيش مرتاح واذا عرف انه ما بيرتاح معاه ما يظلمه عرفت شلون

لا تقول ليش ويمكن وهالكلام لان ما بتقدر ترد الزمن ورا

انه يوم قريت كلامك عرفت بدون ما اعرفك شخصيا انك ريال وخوش ريال والاهم عرفت انك انسان ومن جذي افتخر بوجود امثالك اللي يقدم العقل قبل القلب

وكل اللي صار ترى خير لك وهذي دليل محبة الله لك لان ذي اختبار نفس الطبيب لين يعطيك دوا مر لكن يشفيك الله عطاك هذي النهاية المرة عشان تصبر ويعطيك الاجر ويعوضك صدقني

الحين انت متزوج والحمدلله وزوجتك لازم اتكون هي الاولى والاخيرة والاحب لك من حب الماضي لان خلاص هي زوجتك الي تشاركك حياتك بحلوها ومرها

انه اقول عيش حياتك وارسم على شفاتك بسمة صافية وتوكل على الله وتحمل بحياتك وزوجتك اللي هي تستاهل تكون كل حياتك وذكرياتك لان حياتك ما وقفت في اليوم اللي افترقت عن حبيبتك السابقة بالعكس الله كتب لك عمر طويل انشالله كله فرح باذن الله انت ترسم ملامحه وتبنيه بالخير والتفاؤل

Link to comment
Share on other sites

ريفا المحرق

كلامج صح اختي

بس مثل ما قلتي هو

يحب يضحي بكل شي عشان اللي يحبه يعيش مرتاح واذا عرف انه ما بيرتاح معاه

 

و من قال انها ما بترتاح معاه

هو ظن هالشي لان كان خوفه و حبه لها وايد وايد لدرجه ان تركها

و ضحى بقلبه و حبه

 

ما في احد يسوي هالشي الحين

بس تعليق على الكلام

انتي قلتي ان

اللي يحبه يعيش مرتاح

 

مااعتقد في وجهه نظري ان اي واحد يحب

بيعيش مرتاح بعيد عن حبيبه

 

 

مــــــــستـــــــــــــحــيــــــل مستحيل مستحيل مستحيل

 

و هاذي الواقع

مثل ما قالت انت ما تقدر تغير شي

و الندم و الحسره ما راح تنفعك

خلاص انسى ماضيك و فكر بزوجتك الحين

و تخيل لو انها مكانك و قاعده تفكر بحبها القبلي

شنو هالشي بياثر عليك وايد و على نفسيتك

لا تخليها تحس بهالشي تحمل و اصبر و الايام

باذن راح تخليك تعدي هالمرحله

ما راح تنسى لان الحب الاول راح يبقى بالقلب لو شنو يصير

 

بس مااقول غير

كل شي قضاء و قدر و

قول شي واحد

الحمدلله على كل حال

و احمد ربك و انسى اي ماضي

لان التفكير فيه ما راح يغير اي شي

Link to comment
Share on other sites

حبيبتي واختي مهاوي المحرقاوية

انه من رايي ان مدام هو ما انكتب يتزوج منها معناته صلاح له ولها

الله هو الاعلم بالظروف اللي كانت بتصير لو هم تزوجوا وقتها فمن جذي

اهو يمكن مرت عليهم اوقات صعبة وموحشة وتقطع القلب لكن يمكن كانت الظروف اللي لو تزوجوا اصعب

يعني الله ما بيسوي الشي الا يعرف فيه صلاح لهم عرفتي شلون

ومو كل من تزوج عن حب خلاص كان بيكون سعيد في حياته

الدنيا مو هي الحب الحب هو جزء من دنيتنا ومو كلشي نحط اساسه الحب اوكي الحب بيصفي القلوب لكن

مو دوم بنربط حياتنا بحب ساعات اشياء نفكر فيها بعقلنا هذي حياة وطويلة فيها الحلو والمر والحب بعد سنين ما بيتم هو الحب نفسه نفسه اللي كان قبل لان ذي طبع الايام وسنة الحياة والايام دول تتغير مو كله نفس المستوى

واخر كلامي اقول للي يقرون ردي ان مو كل انسان باحبه باقدر اعيش معاه

وسلامتج

Link to comment
Share on other sites

المفوض انك تتزوجها وما يهم وين بتعيشون مدام اثنينكم اتحبون بعض

بس شنو المهم وشنو اللي بتستفيده اذا عرفت انك مذنب ولالا؟؟

انتالحين متزوج خلاص وعلى قولتك عندك زوجة طيبة

فخلاص اللي صار صار ماليه اي داعي انك تفكر فيها

الحين بتصير مذنب مرة ثانية اذا فكرت في حبيبتك الاولى وانت متزوج

 

شكرا

Link to comment
Share on other sites

صديقي مالك الا الصبر

 

انت سلمت نفسك لقظاء رب العالمين و حطيت ايمانك فيه

 

و ربك عمره ما يكسر بخاطر احد

 

اصبر و حاول تنسى هلبنت

 

التفت حق زوجتك و جوفها باحلى عين

 

لان مجرد التفكير في وحدة غيرها خيانة

 

و الله يجمعكم بيوم الدين

 

سمعت ان اذا اثنين حبو بعض و افترقو و ظل الحب بينهم لاكن ما حاولو يغلطون الله يجمعهم في الجنة

 

تحزم بلصبر عزيزي و الله يعطيك مرادك

 

 

:ad12:

Link to comment
Share on other sites

اخواني واخواتي الاعزاء :

 

انا فعلا شاكر لكم ومقدر لكم التعاون الجميل والكتابة الرائعة التي تبتعد عن جرح مشاعري وتمتاز بالصدق .

 

اخوي supra656 : انا قلت 4 سنوات حتى اكون نفسي ولا قدرت على مهرها لا تنسون بنت راهية جداً يعني مو من مستواي بالمرة .

 

اختي مهاوي المحرقيه : حطي نفسك مكاني يعني اذا انتي عايشة في فلة فخمة وخدم وسيارات تقدرين تعيشين باقي حياتك في شقة 4 غرف،

 

اختي dalo03a : لو تدرين انها قالت مستعدة تعيش معاي فوق سطح . :&amp;quot;(

 

اختي ريفا المحرق : كلامك منطقي وواقعي وما اقول الا ربنا عالم بالصالح لي ولها وهذا مقدر ومكتوب بس والله العظيم والله والله والله اني لين الحين احبها مووووت ولا قادر انساها وحاس اني ما ظلمتها لانها تزوجت واحد غني والحمدلله عايشة معاه مرتاحة بس قلبي يعورني واصيح كل ما تذكرت اني تركتها وخليت حياتها جحيم لفترة من الزمن حتى تزوجت . تدرين ما احب اظلم احد فما بالك اني اخلي حبيبتي تصيح وتكره الناس والدنيا لفترة هي كانت محتاجة لعطف مني وهي كانت كل ما تقرب مني انا ابتعد واهرب ويش اسوي ما راح ارتاح الا اذا قالت لي انها مسامحتني من قلبها اه يارب سهل امري وريح بالي . تخيلي لي 4 سنوات متزوج مو قادر انسى مو لاني مذنب لاني حبيتها من كل قلبي وتعبت وانا احاول اعيش لها .

 

اختي مهاوي المحرقيه : كلامك بالرد على الاخت ريفا المحرق حلو وانا ما اقول انك غلط او هي غلط كلكم صح بس انا ورطان في الحب والله اني بعيد كل البعد عن اي غلط .

 

اخوي Buffalo Soldier : ريحتني الله يريح بالك . يعني انشاءالله راح اتزوجها في الجنة . ما عندي مشكلة اذا الكلام هذا صدق في حديث شريف بإذن الله انا ما ابي الحور العيين ابيها هي والله ( يا رب )

Link to comment
Share on other sites

اخوي المحروم

انه متفهمة للكلام اللي قلتي اياه

اهي مدام حبتك من كل قلبها صدقني ما يحتاي انك تسمع كلمة سامحتك منها

اللي يحب ترى كلش ما يقدر يحط على اللي يحبه حتى لو قال انه ما بسامحك

تلقاه في داخله يتمزق لان قال هالكلام

انت مدام حبيتها حاول تطلع من حالة الشعور بالذنب ولو لحظة وحدة وقتها

بتحس فعلا انها مسامحتك لان الحب يولد تواصل بين الارواح وهالشي حقيقي

ترى والله مو حلو انك تظل طول حياتك تتحسف على شي مضى وراح لان عمر الندم ما يرجع اللي راح

لازم تتقرب من ربك وتزيد ايمانك وتشغل بالك عن هذا الحب لان مدام انت تزوجت ذي الاحساس كله من ابليس

خصوصا ان حرام تعيش مع انسانة فاضلة وهبت عمرها وتفكر في وحدة ثانية راحت في نصيبها

ادري بتقول صعب واكثر من صعب فاهمة هالشي لان الواحد لازم يتحدى نفسه وقلبه ويثبت لروحه قبل غيره

ان هو يقدر يعيش وليحين قلبه صاحي وينبض ويقدر يتغلب على الامصاعب اللي تمر فيه بكل قوة وارادة

الله يوفقك

Link to comment
Share on other sites

السلام

أنت الصرااحة وبكل أسف >>>>>>>>>>>>>>>>>>>>>>>>>>>>>>>>>>>>>>>>مذنب

مادام اتقول أنك تحبها مستحيل تنساها شنو يلي خلاك ماتقدم لزواج منها وحتى لوكان هناك مشاكل يمكن لين خطبته ومع مرور الايام بتنتهي المشاكل.

لوكانت تحبك نفس ماتقول بتعيش معاك في اي مكان بس تكون بقربك

شنو ذنب زوجتك يلي تزوجته علشان تنساها؟؟؟؟؟؟؟؟

وأنت مذنب بعد مع زوجتك لانك تعيش معاها ولكن قلبك وتفكيرك مع شخص ثاني!!!!!!!!!!!1

Edited by عسل بحرينية
Link to comment
Share on other sites

:&amp;quot;(:&amp;quot;(:&amp;quot;(

حرام عليك ليه تركتها انت جذيه قتلتها واهديتها للقبر

انت ريال تقدر تتصرف ومب لازم تعيشها مثل عيشه اهلها دام اهي راضيه تعيش معاك وين ماتكون المهم تكون انت معاها .. لو كان في سبب ثاني ماعليه بس سالفه غنى وفقر.. الله يكون بعونها

تقول انك تحبها شلون شلون.. ماتقدر على البعد عنها شلون شلون ليه ماقلت هالشي قبل لاتبتعد عنها

 

 

انه بنت لو كنت مرتبطه بانسان وحسيت ان ارتباطي فيه يبسبب له مضره او بيخسر شي في حياته بخليه يختار الاحسن له؟؟اهو اللي يختار

:&amp;quot;(:&amp;quot;(:&amp;quot;(

Link to comment
Share on other sites

يا ريت يا جماعة نحكم عقلنا في الامور اللي تتطلب العقل خصوصا امور الزواج

الحب ياما ناس حبوا وبعد الزواج ما توفقوا لان مشوا على قلبهم

الحب شي والزواج شي ثاني الحب مو كل بالحياة ومو كل مشكلة تعترضنا بحياتنا يحلها الحب

هذي قصة شخص حب وما تزوج حبيبته ولو كل واحد حب وخذ اللي يحبه جان ما صار عدل بالدنيا

هذي هي الحياة كل واحد ياخذ نصيبه ناس في الحب ناس في الدراسة في العمل وهكذا

هذي المجتمعات العربية اللي تجري ورا العاطفة

Link to comment
Share on other sites

عدل كلامك اختي بس اهو اللي باعها على شي ينحل بكل سهوله

وانه معاك بكل كلمه تقولينها بس المفروض يتفاهم معاها مايخليها ويشرد عنها

Link to comment
Share on other sites

والله يا اخواني واخواتي حيرتوني في نفسي .

انا ابي اقول لكم شي مهم .

انا قلت لكم اني اختصرت الموضوع بشكل كبير واعطيتكم زبدة الموضوع .

صار علي الحين اني اضيف معلومة ممكن تكون في صالح على حد توقعاتي :

انا جاني اتصال من اخو محبوبتي وقال لي ترى ابتعد احسن لك لانك مو من مستوانا وحرام عليك انك تضيع اختنا مننا ، لانك اذا تزوجتها حنا راح نبتعد عنها واحنا نحبها حيل وانا اكثر واحد احبها وانا معارض الزواج بالمرة ومستحيل اقبل فيه مع احترامي لك وانك انسان طيب وعلى خلق بس صدقني راح تدمر العلاقة الاسرية وراح تسبب مشاكل مع اعمامي وعيالهم والعائلة كلها وانا راح اعمل المستحيل حتى ما تاخذ اختي الا اذا ربنا اراد وصار غصب عني فإنت لازم تعرف انه مابيني وبينك اي صلة او اخوة او رحم انت فاهم كلامي .

 

انا احترت في الحالة هذي :wacko:

وقلت اذا تزوجت وحبيبتي سوت المستحيل ويش بيكون مصر عيالي مع خوالهم وعيال خوالهم انهم من جنسية مختلفة وفي كره بينهم والبنت اللي احبها ليش افرقها عن اهلها .

انا زوج وانشاءالله ما راح احرمها من اي شي بس الواحد ممنا مهما حصل وصار ماله الا اهله ابوه وامه واخوانه . حطيت في بالي المستقبل في كل شي . حتى في مستوى المعيشة اذا عيالي شافو اولاد خالاتهم بأحسن عيشة وهم عيشتهم عادية وممكن عيال خوالهم ما يحبونهم وخوالهم بعد مو حرام علي اعذب عيالي واعذب زوجتي اللي ضحت بأهلها علشاني واذا لاسمح الله صارت مشكلة بيني وبينها لمين تشتكي قولو لي وممكن هي تعيش معاي بحب واخلاص بس اكيد راح تحس بذنب تجاه اهلها .

 

والله يا اخواني واخواتي اني ما تركتها الا لمصلحتها وانا اصيح دم . ارجو من كل واحد منكم يفكر في المستقبل وحياة المستقبل لا يفكر في لحظة الحب واخليها على الله زي ما تجي تجي . وقولو لي ارجوكم

ريفا المحرق : وجهيني على الصحيح ( زوجتي الحمدلله اكن لها بالحب ومو مقصر معاها بس اني اعتبر نفسي مذنب لاني احب وحدة وعايش مع زوجتي كذا هذا مو ذنب لان الذنب اذا كنت قاعد مع زوجتي واتكلم واروح واجي مع وحدة ثانية احبها )

والتفكير غصب عن اي واحد ما اقدر اتحكم فيه ابداً ولا اي انسان يقدر ممكن في وحدة تحب واحد وتفكر فيه وهي جالسة مع اهلها هذا ذنب في حق اهلها اكيد ما تقدر غصب عنها تفكر .

المهم ارجوكم فكرو لي .

ممكن تقولو هذا شي صار وانتهى ليه تفتح الموضوع على نفسك . اقول لكم احاول انسى بس كل ما حطيت التلفزيون على قناة الدولة تذكرت . وكيف انسى اول واهم حب لي واني تركت حبي وعذبت نفسي علشان احبها وعلشان مصلحتها وانا اللي انظلمت في الموضوع

Link to comment
Share on other sites

هلا اخوي المحروم

الموقف اللي قلتي لي انه من بدون ما تقوله حطيت في بالي ان كان ممكن تروح لها تخطبها ويصير الشي

يعني افترضت هالموقف فالحمدلله ان صار قبل لا تروح عشان تحفظ كرامتك وهي محفوظة الحمدلله

الحين انت تبي منا الكلام اللي تشوف ان يمكن يغير واقعك بس انه اقول هالشي مستحيل احنا نقدر بكلامنا

نساعدك فيه هالشي يبتدي وينتهي منك انت وبس مثل ما قلت لك انت اللي تقدر تحدث هذا التغيير

اي شي اييك تفكر تتذكر تعوذ من الشيطان لان كثرة التفكير يؤدي لنتائج وخيمة اهمها صحتك ولا انت شتقول

تذكر ان احنا باجر خلاص بنودع هالدنيا ما بناخذ شي منها ولا حبيب ولا ولد ولا زوجة ولا اهل ولا شي

انه ما اقول هالشي الا لان التفكير في الحساب والاخرة تخلي الواحد يعرف ان الدنيا قصيرة فما يتضايق على اللي يواجهه في حياته من مشاكل وتصير اشياء بسيطة بالنسبة لبعدين الحياة الاطول

انشالله اكون افدتك .. الله معاك

Link to comment
Share on other sites

حبيبتي واختي مهاوي المحرقاوية

انه من رايي ان مدام هو ما انكتب يتزوج منها معناته صلاح له ولها

الله هو الاعلم بالظروف اللي كانت بتصير لو هم تزوجوا وقتها فمن جذي

اهو يمكن مرت عليهم اوقات صعبة وموحشة وتقطع القلب لكن يمكن كانت الظروف اللي لو تزوجوا اصعب

يعني الله ما بيسوي الشي الا يعرف فيه صلاح لهم عرفتي شلون

ومو كل من تزوج عن حب خلاص كان بيكون سعيد في حياته

الدنيا مو هي الحب الحب هو جزء من دنيتنا ومو كلشي نحط اساسه الحب اوكي الحب بيصفي القلوب لكن

مو دوم بنربط حياتنا بحب ساعات اشياء نفكر فيها بعقلنا هذي حياة وطويلة فيها الحلو والمر والحب بعد سنين ما بيتم هو الحب نفسه نفسه اللي كان قبل لان ذي طبع الايام وسنة الحياة والايام دول تتغير مو كله نفس المستوى

واخر كلامي اقول للي يقرون ردي ان مو كل انسان باحبه باقدر اعيش معاه

وسلامتج

كلامج صح يبه

وانا والله ما الومه لان اللي جافه مو شوي

و كانت عليه ضغوط و ظروف ما نعرفه

 

بس انا اقول هالكلام عشان اي واحد يقرا

يعرف ان اللي بتحبه من قلب ما بتكون تبي اي شي

منه غير ان يتزوجها و يبقون مع بعض طول العمر

 

المهم الحين اللي صار صار و لازم تنسى و تعيش حياتك

و ان شاء الله يستفيدون الاعضاء من قصتك :(

 

لا ن صج صج تعور القلب

و اكيد مثل ما قلت انت ما كنت تبي تسبب مشاكل بين اهلها

بس هي شنو ذنبها ان قلبها ينجرح و تتعذب

عشان اهلها

اذا صارت بينهم مشاكل كلها فتره بسيطه و عقبها

بيواجهون الامر الواقع

بس ما تقدر اللحين غير انك تتناسى السالفه

لا تتذكرها انساها

انت مذنب او غير مذنب او محروم

الحال واحد

لا تعذب ضميرك انت نيتك كانت انك تحافظ عليها قد ما تقدر

و ما سويت كل ذي الا من حبك

مادري شاقولك

بس عيش مع زوجتك و الله يخليك حاول تتناساها

لان حرام تحس بكل هالاحساس و انت متزوج

Link to comment
Share on other sites

اخواتي الاعزاء :

 

ريفا المحرق ومهاوي المحرقية ،

 

انا شاكر لكم تفاعلكم معاي بالموضوع وفعلا مقدر لكم نصايحكم الرائعة اللي فعلاً تهون على القلب وما تخلي الواحد يحس انه وحداني بل بالعكس يحس انه عنده خوات يفكرون معاه ويوجهونه للصحيح .

 

تصدقون اني الحين مرتاح كثر وحاس اني مو لوحد شايل هم السالفة لاني اول مرة اكتبها وكنت كاتمها في قلبي من عام 1998 تخيلو وانا اتعذب وافكر .

بس الحين حسيت اني مرتاح .

 

وبالنسبة اني ما افكر فيها انشاءالله راح احاول قد ما اقدر والله يساعني مع انه اقول لكم يا خواتي سامحوني اذا ما نسيتها ولا تزعلون مني لانها تجري في عروقي هي دمي وهي قلبي اللي ينبظ مع احترامي الخالص لزوجتي العزيزة اللي انشاءالله ما اكون مقصر معاها بشي والحمدلله .

والقاكم في مواضع ثانية انشاءالله .

 

واقول لكم كلمة اخيرة : الله يسعدكم دنيا واخرة ولا يحطكم في ى ضيقة الا ويفرجها بأحسن منها .

 

سامحوني اذا خليتكم تعيشون معاي همي بس مالي الا الله وثم انتو اعظاء المنتدى العظيم منتدى كل

الناس منتدى الاحساس والطيبة منتدى مملكة الناس البحرين الحبيبة :bahflag:

 

والشكر القدير لكل من ساهم في وضع المنتدى ومتابعته وتنظيمه .

 

اخوكم محروم .

Link to comment
Share on other sites

هلا هلا حيا الله المحروم

افا عليك هذي الشي من واجبنا وانت مثل اخوانا

يعني اذا ما واسينا وتفاعلنا مع اخونا نتفاعل مع من

اي وقت اي مشكلة ثانية لا تردد تعرضها اهني مهاوي وانه وكل الاعضاء

راح نحطها بعين الاعتبار وبدائرة اهتمامنا باذن الله

واحنا بالعكس ما سوينا شي هذي الواجب واكثر ولا اشلون يا مهاوي :whistle:

انت بالعكس اللي سامحنا اذا كلمة مني مناك زعلتك او ضايقتك او مثلا>>>>>> تليقفت انه :wacko:

ومحاولتك هذي عارفين ان ما بتصير في يوم وليلة يبيلها وقت طويل بس بتوصل للي تتمناه انشالله

لان الشعور اللي في داخلنا شي غير ملموس ما نقدر نلمسه ونشيله من داخلنا هني تكون الصعوبة

بس مع الايام انشالله كلشي بيكون مثل اللي تبيه واكثر

 

يله مع السلامة واترك الميكروفون حق مهووووووووي المحرقاوية B)

Link to comment
Share on other sites

بصراحة انه اجوف ان انت مذنب لأن:

 

اذا انت تحبها و متأكد ان هي تحبك كان المفروض ان انتوا تنتظرون بعض حتى لو 4 سنوات ,, انت جذتي مو بس جرحتها انت جرحت روحك بعد..

Link to comment
Share on other sites

افا عليك يا الغلا كله

محرومووووو حاظرين لك اخوي ولو شدعوه

ومنج احلى مايك يا ريفا :ssm9:

تسلمين يا قلبي و احنا مثل ما قلتي

راح نوقف مع كل الاعضاء

 

المحروووم اخوووي

الله يعينك و يوفقك في حياتك و مع زوجتك

و الله يوفقها في حياتها و مع زوجها :n10:

مسأله ان تنساها مستحيل لان ما في احد يحب حب صادق و ينسى

بس يعني ان تتناساها و تعيش حياتك

و هاذي بعد صعبه و يبي لها وقت :(

بس اذا انت كنت مؤمن انك راح تقدر على هالشي

بأذن الله

راح تقدر :up:

:up:

:up:

 

و الله يكون في عونك شلون قدرت تتحمل تشيل هالهم

كل هالسنين في صدرك من غير ما تقوله لاحد

انا لو مكانك جان حطيت الخبر في الجزيرة مب بس قلته :ssm16:

Link to comment
Share on other sites

والله يالمهاوي :

 

ما اعرف ويش اقول لك بس والله من جد ( قصتي المفروض تنزل في فلم او مسلسل )

 

يا ريت اقدر اعرضها على منتج وما ابي فلوس بالعكس احس اني اذا قلت له التفاصيل كاملة راح تكون قصة حلوة وحزينة وكل شي وفيها من العبر للناس والمحبين .

 

بس ما اقول الا شاكر لك وكل الاعضاء التعاون :bahflag:

Link to comment
Share on other sites

مذنب و60 مليون مذنب وظالم بعد

 

دام انتو تحبون بعض وهي موافقه تعيش بمستوى حياتك ليش تركتها

 

وعذبتها وعذبت روحك

 

اخوكم : ولد ديرتي :bahflag:

Link to comment
Share on other sites

Guest
This topic is now closed to further replies.

×
×
  • Create New...