ريفا المحرق Posted ابريل 26, 2005 Report Share Posted ابريل 26, 2005 هلا اخوي المحروم الموقف اللي قلتي لي انه من بدون ما تقوله حطيت في بالي ان كان ممكن تروح لها تخطبها ويصير الشي يعني افترضت هالموقف فالحمدلله ان صار قبل لا تروح عشان تحفظ كرامتك وهي محفوظة الحمدلله الحين انت تبي منا الكلام اللي تشوف ان يمكن يغير واقعك بس انه اقول هالشي مستحيل احنا نقدر بكلامنا نساعدك فيه هالشي يبتدي وينتهي منك انت وبس مثل ما قلت لك انت اللي تقدر تحدث هذا التغيير اي شي اييك تفكر تتذكر تعوذ من الشيطان لان كثرة التفكير يؤدي لنتائج وخيمة اهمها صحتك ولا انت شتقول تذكر ان احنا باجر خلاص بنودع هالدنيا ما بناخذ شي منها ولا حبيب ولا ولد ولا زوجة ولا اهل ولا شي انه ما اقول هالشي الا لان التفكير في الحساب والاخرة تخلي الواحد يعرف ان الدنيا قصيرة فما يتضايق على اللي يواجهه في حياته من مشاكل وتصير اشياء بسيطة بالنسبة لبعدين الحياة الاطول انشالله اكون افدتك .. الله معاك Link to comment Share on other sites More sharing options...
مهاوي المحرقيه Posted ابريل 26, 2005 Report Share Posted ابريل 26, 2005 حبيبتي واختي مهاوي المحرقاويةانه من رايي ان مدام هو ما انكتب يتزوج منها معناته صلاح له ولها الله هو الاعلم بالظروف اللي كانت بتصير لو هم تزوجوا وقتها فمن جذي اهو يمكن مرت عليهم اوقات صعبة وموحشة وتقطع القلب لكن يمكن كانت الظروف اللي لو تزوجوا اصعب يعني الله ما بيسوي الشي الا يعرف فيه صلاح لهم عرفتي شلون ومو كل من تزوج عن حب خلاص كان بيكون سعيد في حياته الدنيا مو هي الحب الحب هو جزء من دنيتنا ومو كلشي نحط اساسه الحب اوكي الحب بيصفي القلوب لكن مو دوم بنربط حياتنا بحب ساعات اشياء نفكر فيها بعقلنا هذي حياة وطويلة فيها الحلو والمر والحب بعد سنين ما بيتم هو الحب نفسه نفسه اللي كان قبل لان ذي طبع الايام وسنة الحياة والايام دول تتغير مو كله نفس المستوى واخر كلامي اقول للي يقرون ردي ان مو كل انسان باحبه باقدر اعيش معاه وسلامتج كلامج صح يبه وانا والله ما الومه لان اللي جافه مو شوي و كانت عليه ضغوط و ظروف ما نعرفه بس انا اقول هالكلام عشان اي واحد يقرا يعرف ان اللي بتحبه من قلب ما بتكون تبي اي شي منه غير ان يتزوجها و يبقون مع بعض طول العمر المهم الحين اللي صار صار و لازم تنسى و تعيش حياتك و ان شاء الله يستفيدون الاعضاء من قصتك لا ن صج صج تعور القلب و اكيد مثل ما قلت انت ما كنت تبي تسبب مشاكل بين اهلها بس هي شنو ذنبها ان قلبها ينجرح و تتعذب عشان اهلها اذا صارت بينهم مشاكل كلها فتره بسيطه و عقبها بيواجهون الامر الواقع بس ما تقدر اللحين غير انك تتناسى السالفه لا تتذكرها انساها انت مذنب او غير مذنب او محروم الحال واحد لا تعذب ضميرك انت نيتك كانت انك تحافظ عليها قد ما تقدر و ما سويت كل ذي الا من حبك مادري شاقولك بس عيش مع زوجتك و الله يخليك حاول تتناساها لان حرام تحس بكل هالاحساس و انت متزوج Link to comment Share on other sites More sharing options...
mahroom25 Posted ابريل 27, 2005 Author Report Share Posted ابريل 27, 2005 اخواتي الاعزاء : ريفا المحرق ومهاوي المحرقية ، انا شاكر لكم تفاعلكم معاي بالموضوع وفعلا مقدر لكم نصايحكم الرائعة اللي فعلاً تهون على القلب وما تخلي الواحد يحس انه وحداني بل بالعكس يحس انه عنده خوات يفكرون معاه ويوجهونه للصحيح . تصدقون اني الحين مرتاح كثر وحاس اني مو لوحد شايل هم السالفة لاني اول مرة اكتبها وكنت كاتمها في قلبي من عام 1998 تخيلو وانا اتعذب وافكر . بس الحين حسيت اني مرتاح . وبالنسبة اني ما افكر فيها انشاءالله راح احاول قد ما اقدر والله يساعني مع انه اقول لكم يا خواتي سامحوني اذا ما نسيتها ولا تزعلون مني لانها تجري في عروقي هي دمي وهي قلبي اللي ينبظ مع احترامي الخالص لزوجتي العزيزة اللي انشاءالله ما اكون مقصر معاها بشي والحمدلله . والقاكم في مواضع ثانية انشاءالله . واقول لكم كلمة اخيرة : الله يسعدكم دنيا واخرة ولا يحطكم في ى ضيقة الا ويفرجها بأحسن منها . سامحوني اذا خليتكم تعيشون معاي همي بس مالي الا الله وثم انتو اعظاء المنتدى العظيم منتدى كل الناس منتدى الاحساس والطيبة منتدى مملكة الناس البحرين الحبيبة والشكر القدير لكل من ساهم في وضع المنتدى ومتابعته وتنظيمه . اخوكم محروم . Link to comment Share on other sites More sharing options...
ريفا المحرق Posted ابريل 27, 2005 Report Share Posted ابريل 27, 2005 هلا هلا حيا الله المحروم افا عليك هذي الشي من واجبنا وانت مثل اخوانا يعني اذا ما واسينا وتفاعلنا مع اخونا نتفاعل مع من اي وقت اي مشكلة ثانية لا تردد تعرضها اهني مهاوي وانه وكل الاعضاء راح نحطها بعين الاعتبار وبدائرة اهتمامنا باذن الله واحنا بالعكس ما سوينا شي هذي الواجب واكثر ولا اشلون يا مهاوي انت بالعكس اللي سامحنا اذا كلمة مني مناك زعلتك او ضايقتك او مثلا>>>>>> تليقفت انه ومحاولتك هذي عارفين ان ما بتصير في يوم وليلة يبيلها وقت طويل بس بتوصل للي تتمناه انشالله لان الشعور اللي في داخلنا شي غير ملموس ما نقدر نلمسه ونشيله من داخلنا هني تكون الصعوبة بس مع الايام انشالله كلشي بيكون مثل اللي تبيه واكثر يله مع السلامة واترك الميكروفون حق مهووووووووي المحرقاوية B) Link to comment Share on other sites More sharing options...
mahroom25 Posted ابريل 27, 2005 Author Report Share Posted ابريل 27, 2005 هذا من طيب اصلك واصل كل اللي في المنتدى ونشوفكم انشاءالله في مواضيع ثانية Link to comment Share on other sites More sharing options...
حلا الدنيا Posted ابريل 27, 2005 Report Share Posted ابريل 27, 2005 بصراحة انه اجوف ان انت مذنب لأن: اذا انت تحبها و متأكد ان هي تحبك كان المفروض ان انتوا تنتظرون بعض حتى لو 4 سنوات ,, انت جذتي مو بس جرحتها انت جرحت روحك بعد.. Link to comment Share on other sites More sharing options...
مهاوي المحرقيه Posted ابريل 28, 2005 Report Share Posted ابريل 28, 2005 افا عليك يا الغلا كله محرومووووو حاظرين لك اخوي ولو شدعوه ومنج احلى مايك يا ريفا تسلمين يا قلبي و احنا مثل ما قلتي راح نوقف مع كل الاعضاء المحروووم اخوووي الله يعينك و يوفقك في حياتك و مع زوجتك و الله يوفقها في حياتها و مع زوجها مسأله ان تنساها مستحيل لان ما في احد يحب حب صادق و ينسى بس يعني ان تتناساها و تعيش حياتك و هاذي بعد صعبه و يبي لها وقت بس اذا انت كنت مؤمن انك راح تقدر على هالشي بأذن الله راح تقدر و الله يكون في عونك شلون قدرت تتحمل تشيل هالهم كل هالسنين في صدرك من غير ما تقوله لاحد انا لو مكانك جان حطيت الخبر في الجزيرة مب بس قلته Link to comment Share on other sites More sharing options...
mahroom25 Posted ابريل 30, 2005 Author Report Share Posted ابريل 30, 2005 والله يالمهاوي : ما اعرف ويش اقول لك بس والله من جد ( قصتي المفروض تنزل في فلم او مسلسل ) يا ريت اقدر اعرضها على منتج وما ابي فلوس بالعكس احس اني اذا قلت له التفاصيل كاملة راح تكون قصة حلوة وحزينة وكل شي وفيها من العبر للناس والمحبين . بس ما اقول الا شاكر لك وكل الاعضاء التعاون Link to comment Share on other sites More sharing options...
ولـد ديـرتي Posted ابريل 30, 2005 Report Share Posted ابريل 30, 2005 مذنب و60 مليون مذنب وظالم بعد دام انتو تحبون بعض وهي موافقه تعيش بمستوى حياتك ليش تركتها وعذبتها وعذبت روحك اخوكم : ولد ديرتي Link to comment Share on other sites More sharing options...
ba7reenya o aft5or Posted ابريل 30, 2005 Report Share Posted ابريل 30, 2005 صراحة انت محروم والله تحياتي: ba7reenya o aft5or Link to comment Share on other sites More sharing options...
Recommended Posts