Jump to content
منتدى البحرين اليوم

هذي هي قصتي


mahroom25

هل انا ظالم ؟  

243 لقد صوت الأعضاء

  1. 1. هل انا ظالم ؟

    • 1- مذنب
      72
    • 2- غير مذنب
      95
    • 3- محروم
      46


Recommended Posts

  • Replies 199
  • Created
  • Last Reply

Top Posters In This Topic

زهوووووووووور بيضاء ،

 

انا شاكر لك الرد الواقعي ،

 

هذا نصيب الواحد مننا في الدنيا هذي ، والشي هذا مكتوب من فوق ، من رب العالمين .

 

لكن القلب المجروح ! القلب الحزين ! ويش حله ؟

 

اللي يده في النار غير عن اللي يده في الماء .

Link to comment
Share on other sites

مذنب

 

ليش؟؟

 

لانه تركها وهي تحبه وأرخص حبه لها،،، بدون سبب مقنع

 

ليش يتركها مدام يحبها ، وبعد اهو مذنب لسبب آخر ، لنه مازال يحبها مع انه تزوج ، يعني اشذنب اللي تزوجها ، وهو باله مشغول بمحبوبته

 

هذي مب عدلة الصراحة بحقها ،، بالتالي انت ممممممممممممممذنب

 

اي نعم

 

اختك علاية

Link to comment
Share on other sites

أنا أعتقد انك أنت المذنب

ما دامك عارف بالظروف اللي انت فيها أو عارف ان في حواجز تقدر تمنعك منها كنت من البداية ما حطيت روحك في هالمواقف ولا حبيتها

 

وانت أدرى بمصلحتكم انتوا الاثنين

Link to comment
Share on other sites

اختي زهور بيضاء : فعلاً قسمة ونصيب .

 

اختي حميدة : حاب اني اقول لك انها كانت زميلة جامعة يعني ويشلون راح اعرف انها بنت بالمستوى هذا ،

 

حتى اني ما عرفت القوة اللي هي فيها واهلها يمتلكونها مع انهم طيبين والله ،

 

الا بعد فوات الاوان . وبعد 4 سنين حب .

 

يعني كيف انسحب منها وهي قدامي كل يوم ،

 

اطلع كذاب وخاين وكنت اضحك عليها واخليها تضيع في دراستها ،

 

بالعكس اخواتي : انا خليتها تخلص الجامعة وتتخرج وانهيت لها كل الاجرأءات الصعبة ويوم سافرت كنت افكر في البعد واني انهيت المهمة وجا الوقت اني اكون ضحية الحب الصادق .

 

ويوم جاني الكلام وشفت الوضع وشفت المشاكل اللي ممكن تجي لها بسببي قلت مالك الا البعد والهروب مثل الضعفاء المنهانين واني اطلع قدامها كذاب وخاين واتسلى ،

لاني عارف ويش ممكن تسوي مشاكل مع اهلها بسببي والله ما حبيت اني افرق بين اسرة متماسكة والكل يحبون بعض فيها وبالذات هي يحبونها موووووووووووووووووووووووووووووووت

لانها كنز من كنوز الدنيا هذي .

 

ليه مذنب ؟؟؟؟؟؟؟؟؟؟

 

لاني ما صرت اناني ؟ لاني ما خليت حياتها مع اهلها مشاكل ؟ يا عالم ويا ناس ! ترى الاهل اهم شي في الوجود ، وهم مرجع اي بنت او ولد في النهاية .

 

اذا طاعتني وتسببت في مشاكل مع اهلها وانا جاني كلام من اخوها بالوضع اللي راح يصير قولو لي ويش اسوي ؟

افكر في مصلحتي وان عيالي راح يصيرون تجار بسبب امهم .

 

او اني افكر في اني ابتعد واكون الانسان الكلب في نظرها .

بس هي تعيش حياة جميلة مع اهلها .

 

وفعلاً اخواني الحين هي مع اهلها في احلى حياة وحب كبيييييييييييييييييييييييييييييييييييييييير

 

يعني الحمدالله اني ضحيت في شي شفت نتيجتها الحين انها سعيدة مع اهلها وانشاءالله مع زوجها .

 

وسامحوني على الاطالة . بس محتاج التوجيه منكم للشي اللي تشوفونه غلط في كلامي .

Link to comment
Share on other sites

  • 1 month later...

اخواني واخواتي الاعزاء

 

 

كل عام وانتم بألف خير واعاده الله علينا وعليكم بالخير والسلوان وتقبل صيامنا وصيامكم وأجرنا بصالح الاعمال ،

 

انا اسف على اطالة الموضوع ، ولكن المعروف عن اعضاء منتدى البحرين المنتدى الكبير بقلوب اعضاءه ووقفتهم مع كل عضو محتاج اليهم ،

 

 

انا مو عارف ويش اسوي والله العظيم اني لين الحين ما نمت من يومين جاني تبلد حسي بسبب التفكير في الموضوع ما اعرف ويش اسوي احبها والله ،

 

 

 

تقولون ظالم لزوجتي ؟ ويش فيني مو حاس ؟ ..........

 

 

اكيد اسئلة كثيرة ؟

 

 

بس ما اعرف ويش اسوي ودي انها تعرف اني اموووووووووووووووت فيها واني ما تركتها كذب عليها او حقران لمشاعرها والله حاس اني سببت لها تعب واتعذب يوم بعد يوم للشي هذا .

 

مع اني مثل ما تعرفون ما تركتها الا بأمر من اخوها حتى ما يخسر اخته ولا اخته تخسر اهلها ووضعي المادي البيسط وهي غنية وجنسيتها غير عني .

 

افيدوني ؟؟؟؟

 

وشي الحل ارجوكم

 

ملاحظة / رحت طبيب نفساني وجلست عنده 3 جلسات بس ما اقدر افع له اكثر غالي وانا وضعي الحمدلله بس ما اقدر عليه .

Link to comment
Share on other sites

أنتة مش مذنب ...

 

بس أذا هيه اتحبك لازم اتعيش معاك لو كنت في كهف الحب تضحية مش مستويات ....

بس الحياة بتعيشها مرة وحدة ليش ماتعيشها مع حبيبتك .....

 

أخر كلمة أقولها عـــيش حيــاتك.... nnn10.gif

thumbup.gif

Link to comment
Share on other sites

تم التوصيت

غير مذنب

 

انت مالك شغل الذنب مو ذنبك هذي النصيب وخلاص انساها علشان ماتظلم زوجتك

 

واتمنى لك حياة جميله مع زوجتك وعيالك

 

اختك

ناز دلم

Link to comment
Share on other sites

انت مذنب الانك تركتها لو انت تحبها ليش تركتها مو حرام عليك

 

ليش وليش وليش وليش

 

 

همها قلت ما بيفيدك بشئ,,لأنه اذا فات الفوت ما ينفع الصوت

Link to comment
Share on other sites

انت قلت انه زواجكم تم في نفس اليوم و شهر العسل كنتو مع بعض !!

 

ليش جذي ؟؟ يعني نفس الفتره الي قدرت انك تتزوج

 

حراااااااام ! ليش ماخذيتهة نفس السنين و نفس الفتره ..

 

 

Link to comment
Share on other sites

مرحبا .... (( اسمح لي علا الي بقوله لاني بقول كلمة الحق )) ...

الله يساعدك ويساعد زوجتك علا هل صار بحياتك سابقا .... اكيد زوجتك مو على علم بالموضووع لكن اشفق على حالها

بصراحة الي خلق حبيبتك خلق غيرها

والدنيا تجارب لازم تعيش وتخوض وتشوف عشان تتعلم ... ومو من اقل زلة مهما كانت حلوة وطويلة وفيها عشرة عمر تهزك وتخرب او تسيطر بينك وبين شريكت حياتك الي راح تكون معاك العمر كله ,,,,

وبصراحة قصتك وبلوتك والحالة الي انت فيها تهون قدام بلاوي ومشاكل الناس الي مايعلم بهل الا رب العالمين ...واعتقد من سلوبك بسرد القصة انك ناضج يعني 30 او اكثر .... شوف حياتك والله يوفقك معا زوجتك ويهني حبيبتك سابقا معا زوجها .....

واسمح لي

Link to comment
Share on other sites

الزواج قسمه ونصيب

 

والله مو كاتب انه يجمعكم ببعض

 

يمكن صح كلامك من مصلحتكم بس بعد الحب وما يسويه

 

انت كنت تحبه وهي تحبك فلو شنو صار لازم ما تبتعدون عن بعض

 

بصراحه اخوي انت غلط يوم تتركها

 

صح انك تزوجت واهى بعد تزوجت بس كل واحد تفكيره بالثانى

 

جذي جرحته وجرحت نفسك بنفسك

 

وانت قلت هي مستعده تعيش معاك اى مكان يعنى بتتنازل عن كل شي ما تقدر توفره لها

 

(( ليس كل ما يتمناه المرء يدركه)) sad.gifsad.gifsad.gifsad.gif

Edited by قمر البنات
Link to comment
Share on other sites

اخ محروم ..

بالنسبه لك فان انت مرين بالثلاث مراحل ..

كنت غير مذنب لان حبيت من قلبك انسانه تستهال هذا الحب النابع من قلبك ..

كنت مذنب يوم تتركها وحيدة تبحث عنك وبدون اي اخبار منك ولا شي

ممكن تظن ان صادك اي شي لاسمح الله .. خليتها تائهه ماتعرف تسو يولاشي .. ومحتارة ما تدري تتزوج والله تعيش حياه حب ووهم ضايع معاك ..انت مذنب يوم خليتها معلقه .. على الاقل لو ما قدرت تتزوجها كان من الافضل ليك تقطع علاقتك وياها لو باي سبب من الاسباب المهم تتقبله . لكن تخليها تنطر وتنطر وتنطر ! الى متى ؟! وبدون اي اخبار عنك كانك اختفيت .. والله حرام .. وجان على العذاب لاتقول ان انت تعذبت ازيد منها لانك خليتها تعيش في دوامه ماتعرف مصيرها بنفسها ..

والحين قاعد تعيش حياة محروم منها كل هذا بسبب عدم التفكير السليم

ولو كنت تبي مصلحتها جان على الاقل توضح لها الاسباب حتى لو كانت غير معقوله ..

وعلى الحب ياخوك ليه ان يتهدم في لحظه تفكر فيها ان ينبني ..

الله يسعدك مع زوجتك وحتى لو ما قدرت تنسى تناساها على الاقل ولاتكون مع زوجتك بجسد وبروح غير موجوده هايمه مع حبك الاول ..

انساها وخل في بالك ان الي سويته غلط ويوم من الايام بيتبين ليك ..

Link to comment
Share on other sites

اخوي mahroom25

 

اللي مجرب الحب اهو اللي حس باللي حسيت فيه انت ..

صراحة ما قرأت الردود كلها بس اللي فهمته أنك للحين تحبها ومن الصعب ان تنساها .. بس انت تتوقع اهي نستك الحين وإلا لا ..

واللي عرفته بعد أنه زوجتك تعرف بقصة حبك السابقة ليش ما حاولت إنها تكسبك لها وتخلييك تنساها ؟؟ يمكن لما اهي حاولت وحسستك بحبها لها راح يتغير الوضع عندك .. وبعد يمكن لما تنجبون أولاد راح يتغير الوضع وراح تنسى اللي حبيتها .. لأنه راح تتغير حياتك ويزيد عليك طفل ومجرد إبتسامة بريئة منه راح تغير مجرى حياتك ..

أنه عاذرتك لأنه عن جد الحب عذاب ..

بس فكر في الإنجاب وياسبحان الله يمكن تتغير حياتك ..

 

واتمنى لك التوفيق في حياتك ..

 

مع التحية

الناي المكسور

Link to comment
Share on other sites

 

 

هلا اخوووووي

 

الي ابي اقوله والي ابي اوضح شغلات معينه

 

انت اتقول ماقدر انساها صح !!

 

تبي لييش لانك انت مو راضي تشلها من بالك ..مو لانك مو قادر انت ماتبي هالشي

 

واذا اتقول احبها موت وماقدر انساها ..في اصعب من فراق الام او الضنى

 

هاذي الحب الحقيقي ماقول حبك مو حقيقي ..بس مافي اكبر من حب الام لضناها

 

يعني انت فقدت الي تحبها ..وكل واحد راح بطريجه ..خلاص حاول اتطلعا من بالك

 

حاول لا تقول ماقدر الي قال ماقدر مايوصل لشي ..حاول قول انه خلاص نستها

 

كانت حب لي ونسيته ..ماصار لي نصيب فيها ..ابتدي صفحه يديده ويا شريكه حياتك وام عيالك

 

اهي محتاجه لك اكثر منها ..لا تققول انه اعطيها الحب والحنان واحبها ...يعني مو معقوله ماتحس

 

انك تفكر وتفكيرك مع غيرها ..هالشي يالمها بس الام تخليها بصمت...يعني تخيل اشكثر

 

اهي صابره عليك ..المرة ماتبي من زوجها الا انها تكون كل تفكيرها ..تراها اتعذب

 

من اتعرف انه شريكها يفكر وللحين يحب غيرها ..وبعدين البنت الي كنت اتحبها

 

ماتزوجت!! مايابت يهال !!! خلاص جافت حياتها اهي ..الحين اتجوفها لاهيه ويا عيالها

 

وريلها ..ويمكن يوم انك خليتها قررت تنسااك ((بطبع المرة فيها كبرياء يعني تكابر ))

 

ويمكن تفكيرها واتقول اهو نساني انه بنساه ..انت مو الغلط انك خليتها لا

 

ولا الغلط انك ماتزوجتها وخافين على مصلحتها وبديتها عليك لا... الغلط يااخوي

 

انك رحلت بصمت على الاقل تفهمها سبب الفراق عنها ..يعني اكيد مابتصد حب وعشره يروح جذي

 

هدر محد يبي هالشي ..الغلطه الوحديه الي سويتها مافهمتها قبل لا تفترق عنها ..وحتى اذا قلتها

 

ورفضت هالشي وقالت بتوقف وياك ضد اهلها ..اهني كنت تقدر تروح بصمت ..واهي بتعرف

 

عذرك ..الحين اهي اتعرف عذرك **لا** بس اكيد وانه متاكده يااخوي انه نستك يااخوي خلاص

 

متزوجه وصار لها جم سنه اشلون تفكر في غير زوجها ذي بيعتبر خيانه في حق زوجها

 

والدين مايرضه بهالشي ...وانت بجذي اتخون اهلك واتفكر في شي مو من حقكك تفكر فيه

 

لانه صارت على ذمه ريال ثاني ..سوري على الكلام الي باقوله ..بس حط نفسك في مكان زوجها

 

ترضه بمجرد الاتفكير احد يفكر في زوجتك؟؟؟.. اكيد **لا** ذي عريزه فطريه لدى الرجل الغيرة

 

وبعدين الله اهو الي وهبنا نعمه النسيااااااااان يا اخوووووي ..لا تقول ماقدر انسه

 

هذي نعمه من رب العالمين ومافي نعمه من ربنه وماستفدنه منه ..انت بس قول بينك وبين نفسك نسيتها

 

وصدقني بتنساها على الاقل مابتفكر فيها بشكل دائم او مثل قبل ...ولا تقول ماقدر

 

الانسان الي يبي يسوي شي يقدر لو شنو يصير ...اكيد بتيي اشيه وذكريات في بالك وتحزن ..

 

لكن الحين ماباليد حيله ..خلاص ...وعيش حياتك مع زوجتك شريكه حياتك وعيالك وبتفلح انشالله

 

وانشالله تطبق الي قلته لانه نابع من تجربه من حجي وبس

Link to comment
Share on other sites

sad.gif انا باقول مذنب

اخوي والله ادري انت تبي مصلحتها و خايف عليها

 

بس صدقني انت تقول لانك تحبها لازم توفر لها احلى حياه و اذا انت تحبها بتخليها تعيش احلى عيشه و ما تبيها تغير حياتها مثل ماانت قلت

 

 

اخوي انت مذنب

باقولها لك بكل صراحه  sad.gif

لان جفت في الواقع قصه مشابهه لك

 

حرام عليك والله

انا ماابي احسسك بالذنب اكثر

بس احلى شي كنت بتسويه لها انك تتزوجها

مب انك تبتعد عنها

يبه لو تعيش في الشارع

صدقني كان بيكون عليها اهون من ان تبتعد عنك

و تعيش طول حياتها مع انسان غير

 

لو تبتعد عنها عشر سنين مب 4

حرام عليك

والله اهم شي انت بقلبها و هي بقلبك

مو مهم المكان  dry.gif

صدقني اللي سويته غلط

والله عارفه نيتك و قصدك و ما سويت كل ذي

الا من حبك لها و خوفك عليها

 

قصتك صعبه و تعور القلب

ادري انت تتعذب و تحس بألم و اللي تحس فيه مب شوي

و مب هين

انت محروووووم منها  sad.gif

بس انت اللي بعتها

 

لا تقول ما بعتهاااا

اخوي

اذا الواحد يحب وحده بيكون احلى

شي يسويه في حياته و اكبر تضحيه ووفاء

انك ما تتخلى عنها لو شنو كان السبب

عندك اسباب و اعذار وايد

بس بعد  se7.gif

الغلط غلط

اوكي اصلا انت تدري انك غلطان

و لو ما كنت حاس بهالشي

جان ما حسيت بالذنب و بقى

حبها في قلبك كل هالسنين

 

مااقول غير الله يوفقك في حياتك و الله

يوفقها في حياتها  آمييييين يارب

 

بس باقول حق كل الشباب

ترا البنت اذا تحب  ssm6.gif

ما تبي اي شي منك

ما تبي الا انها تكون وياك

انتو تسوون هالشي بقصد مصلحتها

و من خوفكم و حبكم عليها

بس والله انتووو تضرونها بهالشي

و تضايقونها و تعذبونها

و تخلونها تضيع الثقه في كل انسان

حتى في اعز الناس حق قلوبها  sad.gif

 

 

الله كريم

و الله يسامحك في الي

سويته لهااا

 

 

ادري كلامي قاسي بس

هاي اللي اقدر اقوله سوري

باي  sad.gif

 

و على فكره اللي تسوونه يجرح جرح

ما في دوا بالدنيا كلها تخليه يبرى

لانه من اغلى ناس

للاسف

thumbup.gif

Link to comment
Share on other sites

اخواني الاعزاء انا شاكر لكم تفاعلكم وتعاونكم اللي فعلاً يثبت لي ان لي اخوان في المنتدى

 

وانا ممتن ومقدر شعوركم واحساسكم الجميل اللي فعلاً يريح البال ويسعد القلب وشرح الصدر .

 

 

MeeMoo انشاءالله راح اطبق النصيحة وانشاءالله اقدر انساها

 

 

مع اني حاس انها مالكة القلب والروح

Link to comment
Share on other sites

مادري والله ماقدر اقولك شي

بس انت ليش ماتقدر

اتسوي شي الا بعد 4 سنين

واسمح لي بس لو كنت انت اتحبها من صج

واهيه اتحبك من صج

جان نطرتوا بعض لو العمر كله

يعني مادري اشلون دامها اتقول انها اتحبك

وانت اتحبها

ليش ما نطرتوا بعض

غريبه اشويه سالفتك وانا وايد اسمع

جي سوالف واستغرب منها

لان انا عندي الي يحب راح ينطر

لو العمر كله

انت اتقول انه اتصل فيك اخوها

ممكن انك لو تفاهمت معاه راح

توصل الي شي

مجرد انه اتصل لك خلاص

كل شي ايصير بالتفاهم

وبعد ممكن الله ماكتب لكم نصيب

لان اذا الله ماكتب لكم نصيب

لو شنو ما بتاخذها

بس الحين فات الفوت

وانت تزوجت ماله داعي تضلم زوجتك

وتتذكر شي انتهى

لانه بياثر على علاقتكم

وحاول انك تنسى السالفه ذي

وان شاء الله ما ثقلت عليك بكلامي

 

Link to comment
Share on other sites

  • 2 weeks later...

بالعكس انت الي سويته عين العقل ويبين انك انت تحبها لانه اذا تحب شخص تبيه له السعادة فانت تحبها واحين عطيتها السعادة ومدام اهلك مايبونها اكيد اذا تزوجتها بتعيشون حياة تعيسة ومابتستانس وياك

Link to comment
Share on other sites

Guest
This topic is now closed to further replies.

×
×
  • Create New...