شفتك بقلبي,,,قصه ولا اروع,,

[miss دانه]

وي ويت

[الخزامى]

ابشركم الود ارجعت وكتبت جزء جديد

 

رح انزله لكم :ssm1 أوكي .. وين وصلنا .. شطار .. وصلنا يوم عبود الصايع يسحب الثور

ميود وياه من المطعم من غير ما يتعشون *عيل ليش سايرين* ..

سيارة مايد

 

عبدالله سرحان .. و مب مفتكر ف مايد الي يالس حذاله و يطالعه

يتريا التفسير * يقولك انطر يا حمار ... * .. بعد ما مل و تعب

مايد من الانتظار ...

 

مايد: بترمس و لا لا

عبدالله: ........................ سرحان *بديت أشك ف الموضوع*

مايد يضرب عبدالله ع جتفه: حووووووووووو .. وينك .. نحنو هنا

*بشر امك*

عبدالله بضيج: أوهو ...بلاك ..ما اتعرف تحترم سكوت الغيــر

مايد بطل عيونه ع وسعهن .. مستغرب ..بلاه هالصايع .. لا يكون انا

قلتله شي من غير ما اعرف .. و لا انا استويت ما عرف اتصرف معاه

مايد يحط ايده ع جتف عبدالله: خير عبود بلاك ؟؟ اتكلم ..

عبدالله ساكت ما يصد صوبه

مايد بضيــج: ادري اني ابتعدت عنك يا عبدالله فتره .. بس ندمت

ورجعت اباك أتشاركني أفراحي و أشارك أحزانك قبل أفراحك .. و سكت

فتره .. و كمل بس الظاهر اتأخرت و مستحيل يرد الوضع مثل قبل ...

عبدالله ما هان عليه مايد و صفعه بالخفيف: يا اخي وايد صاير حساس

.. بس انا متضايج من البنت .. قفطتني يا بوك ..

مايد ابتسم .. عبود طيب

عبدالله: هيه مستانس .. والله ما عرفت كيف القط ويهي ..

مايد:ههههه .. ليش شو سوت ؟؟؟

عبدالله بارتباك: شو ؟؟

مايد مبتسم: انزين شو سوت ؟؟

عبدالله: ها .. الله يسلمك .. لحقتها .. و سكت

مايد: وعقب !!!!

عبدالله: اممم .. وصلت حمام الحريم .

مايد: و بعدين ؟؟

عبدالله: سكت اشوي .. صدت وقالتلي (( شو بتدخل حمام الحريم بعد

!! )) و حاس بوزه

و مايد نقع من الضحك:هههههههه

عبدالله: هيه اضحك ,, اضحك

مايد:هههههههههه ..

عبدالله يشوفه و مبتسم ..

مايد: هههههه

عبدالله: بس عاد

مايد: هههه .. ما قدر ,,,اتذكر يوم اتقفطنا ف السيتي ..يوم عطتنا

أم لسانين محاضره قويه

عبدالله: ههههه ..

و كل واحد سرح ف الي ماخذ عقله و قلبه .. مايد بفيّ ,, و عبدالله

بحور

بس قطع عليهم لحظة الصمت ,, موبايل مايد واصلنه مســج .. قرى

مايد المسج بضيــج

عبدالله: خيـــــــــر

مايد: ما شي ..بس الحرمه *خير لا يكون ماتت و فكتنا*

عبدالله بخوف: بلاها

مايد:ماشي مطرشه مسج .. أونه تولهت عليك

عبدالله باستغراب و عقب تفكيــر: انزين و ليش متضايج

مايد: انا من خذتها وانا متضايج .. اوف كل يوم ف مشكله وياها

..بس تعبت منها .. أفكر أطلقها

عبدالله برعب: ليش ؟؟؟؟؟؟

مايد بحزن: مب قادر اتفاهم وياها

عبدالله بجديه: لا يكون بسبب إعجابك الجديم .. يا مايد عط عمرك

فرصه

مايد منزل راسه: لا مب هذا السبب .. و رفع راسه .. و بعدين انا

عطيتها و عطيت عمري اكثر من فرصه بس هي ما تستغلهن .. تعبت من

المشاكل .. ابى ارتاح ..

عبدالله : فكر ف الموضوع عدل يا مايد …

مايد بضيــج: إن شاء الله

و ساد الصمت لدقايق … كلن يفكر ف همومه … و هموم صديقه و أخوه

عبدالله: مايـد

مايد: خيــر

عبدالله: يلا انزل و صلنا بيتكم

مايد بعصبيه : احلف

عبدالله يضحك: والله

مايد بعناد: مب نازل .. الين ما اتعشيني .. قاص عليه اونه بعزمك

.. و أخر شي اتوصلني المطعم و اتراويني المنيو و اتردني

عبدالله: هههههه … احمد ربك راويناك المنيو … *هيه والله ..

ابصرااحه وايد خسر*

مايد يقفل باب السياره: يلا ودني اتعشى

عبدالله يضحك و خضع لطلب مايد يعرف ربيعه يوم يستخف .. و عزمه ع

شاورما من الكفاتيريا و مايد يتحرطم و عبدالله يقول احمد ربك ناس

مب امحصلين أكل و انته تتشرط … ههههه .. عقب العشا وصله بيتهم …

و رد و هو يفكر ف الموضوع الي شاغل باله .. إلا وهو

(( اامممممممممممم .. البنت الي شفتها ف المطعم .. هاذي مرت

مايــد .. اعتقد …بس إذا هي مرت مايد امنو هالريال الي وياها ..

معقوله أخوها .. بس إذا أخوها أكيد مايد بيعرف انها موجوده ف

هالمطعم و بيرفض يسير لأنه رافض شوفتها .. يالله .. معقوله اتكون

اتــ …لا لا .. استغفر الله .. لو كانت من هالنوع من البنات جان

ما طرشتله مســج .. سكت اشوي .. اووووووف بس انا متأكد هي نفسها

الي شفتها ويا مايد ف المطعم .. اممم .. بس لو اعرف منو هالريال

الي وياها .. أووووووهو ما يحقلي أظن فيها ظن السوء و انا ما

اعرفها .. أكيد هذا واحد من أخوانها ))

*

*

*

بيت بو حمد

 

انرد لحمد و شهد و الرزه هندوه .. عقب ما سمعت شهد كل الي دار

ببين حمد و هند ..و موقف حمد .. حست بانهيار و ضعف .. فطلعت من

المطبخ التحضيري بسرعه .. ويوم وصلت الصاله شافت عمها و عمتها و

فيّ ...

 

أم حمد: هلا والله بالغاليه .. هلا بمرت ولديه ..

شهد حست بالغصه و بخفه مسحت دموعها: هلا عموه و سارت باستها ع

راسها و سلمت ع عمها و فيّ

فيّ: خيـــر .. اليوم عندنا ومن غير ما انعرف ..و الأغرب أنه حور

ما عندها خبر ..

شهد اتحاول تخفي أحزانها: يا بوج مليت من مجابل ويه حور ..قلت

خلني ما اخبرها و اطب عليكم ...

فيّ: ههه .. وينها تسمعج

بو حمد: والله تنتفج ... *صدقت*

أم حمد: حدكم .. صح بنتي دفوشه .. بس بعد ما ارضى عليها

الكل:ههههههههههه

ثواني و يدخل حمد الصاله و وراه هند .. و شهد ما تقدر اتشوفهم

..اتحس بغصه .. وبكره ..هيه اتحس انها تكره حمد * علينا ..* و

تكره هند *صدقنا .. كلنا ما انحبها*.. و حمد من حدر الصاله

وعيونه ع حرمته ..

أم حمد: هند أنتي اهني

هند اتوترت: هلا خالوه ..

فيّ باستغراب: أنتي من متى اهني

هند: احم .. قبل اشوي واصله

سلمت ع خالتها و بنتها و يلست حذالهن

بو حمد: حمد حد معاقبنك

حمد التفت صوب أبوه باستغراب: ليش؟؟؟؟؟؟

بوحمد: اشوفك واقف .. اتفضل ايلس حذال حرمتك ...

شهد من سمعت كلام عمها بغت اتموت .. شو يلس حذالها ..هي مب قادره

اتشوفه .. فما بالكم يلس حذالها *عيبني بو حمد* .. رفعت راسها

وشافت حمد يشوف هند .. يالله وايد مستعيل تباها اتكون حرمتك .. :

(

مشى حمد و يلس حذال حرمته و هو حاب الشعور ما يعرف ليش بس فرح

يوم أبوه قاله ايلس حذال حرمتك و بالذات يوم شاف نظرة هند

المليانه غضب وقهر.. و ما حس بنظره شهد الناريه .. يلسوا جماعتنا

يسولفون اشويه .. و شهد كارها عمرها و الي يالس حذالها *تراه

عمرها* .. و تبى تشرد بس ما تعرف كيف .. وتعبت من نظرات حمد و

هند .. و نظرات الشماته من هند ... و عقب ما طفح الكيل عندها

قامت شهد ..

شهد: يلا عمي انا بستأذن ..

بو حمد: وين يا بنتي ... بعدج ..

شهد: اسمحلي عميه برد البيت ..

حمد ما يحتاي اقولكم من قامت شهد و هو يشوفها ... بس شهد

امطنشتنه

بو حمد: انزين ليش العيله

شهد اتحاول اتبرد قهرها: والله ولد خالي سيف باينا اليوم ..و ابى

اسير ايلس وياه .. من زمان ما سولفت وياه و خذت أخباره

حمد اهني بغى يحترق من الغيره ... كيف حرمته اتودره عشان تيلس

ويا واحد ثاني !! *تستاهل حبوب ما ياك*

بو حمد: أنتي ما اتيوزين عن هالسيف من صغركم كل أخباره عندج ..

ههههه

شهد:هههههههه

فيّ: انزين خلي حمد يوصلج

شهد بسرعه: ما يحتاي ... الدريول برع .. و صدت صوب حمد و قالت

باحتقار و ما ابى ابعد ريلي و طالعت شهد هند بنظره غياض و احتقار

عن أشغاله .. يلا مع السلامه ..

و سلمت ع الكل ..حتى ع هند .. عشان محد يحس بأنه كارثه مستويه ..

و بعد تبى تقهر هند و اتبين انها مب متأثره *مول مب متأثره*

بس عقب ما خلصت السلامات ..

هند: شهد ..

شهد بقهر: نعم

هند: ممكن حمد يوصلني البيت .. ما عندي سياره ..

شهد حاولت تتمالك أعصابها و ما تذبحها و بابتسامه: والله الشور

شوره مب شوري .. بس إذا اتحاتيني انا مول ما عندي خلاف .. حتى لو

تبينه يستوي دريولج *قويه* .. انا ما اقدر ارد المحتاجيــن ..يلا

فداعت الرحمن ..

طلعت شهد و ودرت حمد يحترق من القهر و الغيره ..عيل اتقول عنه

دريول .. و مقهور من طلب هند الوقح ... و هنند مقهوره من برودة

أعصاب شهد وردها .. أما بو حمد و ام حمد و فيّ يالسين و مستغربين

لي يستوي و مب فاهمين السالفه ..

حمد: هند اسمحيلي ما قدر اوصلج .. خلي الدريول يوصلج ..

ام حمد: بس الدريول محد ... اليوم ماخذ إجازه

حمد: اوووووووووف

فيّ: وصلها .. ما بيطيح نصك

حمد: إن شاء الله

أما بو حمد ما لزم ع حمد يوصلها لنه مب مرتاح لهاي الهند و

باختصار ما يستطلفها * ويه عيل نحنا نكرها ..ههههه*

وصل حمد هند لبيتهم بس خذ فيّ وياه لأنه ما يبى هند تتكلم وياه

..

*

*

*

بيت بو زايــد

حجرة شهد

 

هقيتك تفهم الإحساس و انا روحي بك اهتمت

فرحت لشوفك بلا قياس و عيني صورتك ضمت

وفجأه حل فيه اليأس كذا نفس الهنى انغمت

(( خساره الفرحه ما تمت ))

 

شهد من وصلت البيت ..دقت سلف لحجرتها .. و قفلت ع عمرها الباب ..

و من القهر يلست اتصيــح و اتفر المخاد و كل شي جدامها و ما تم

شي ما كسرته من القهر .. و اتصارخ .. ((أنا

غبيــــــــــــــــــــــــه ..غبيــــــــــــــــــه)) *توه

الناس* .. ف النهايه جلبت الحجره لزباله .. و حمدت ربها انه

أهلها مب ف البيت و لا ما عرفت شو اتقولهم .. و يلست شهد طول

اليوم ف الحجره اتصيــح .. و من القهر كسرت موبايلها .. *حرام شو

ذنبه لو كسرتي راس حمد أبرك*

*

*

*

بيت سارا

خلنا انرد لحور و اعتراف سارا

 

سارا: توج تمدحينه ..شو جلب حالج .. سار بتردد حور انا ابى

اعترفلج بشي ..

حور بخوف: شــو ؟؟؟

سارا: أوهو .. لا تسوين جيه .. تراج اتوتريني ..

حور: ويه شكله الموضوع خطيــر

سارا: يعني مب وايد

حور: انزين اتكلمي ..

سارا:احم *اوف ذليتينا ..يلا اتكلمي*

حور: اوهو .. اتكلمي تراني بديت أعصب

سارا: لا لا تعصبين ..هدي عشان اقولج ..

حور: هديت ... *مسرع*

سارا: شو رايج ف الخاتم الي عطيتج إياه

حور باستغراب: الخاتم ؟؟ .. قتلج وايد حلو و عيبني وايد وايد ..

الله ياخذ ابليس .. الحين هذا الموضوع الخطير

سارا بخوف: لا .. السالفه إنه هالخاتم .. مب مني من ...

حور بغضب:من منو ؟؟!!

سارا بسرعه عشان ما تفقد شجاعتها: عبدالله أخويه

حور من الصدمه جنه حد صاب سطل ماي عليها .. و مب عارفه شو اتقول

حور: عبدالله ّ؟!!!!!!!!!!!!!!!!! .. وو ليش يهديني ؟؟ و شو

المناسبه ؟!!!!!! .. وبعدين سارا انتي كيف اتقصين عليه .. كيف

؟؟؟؟ .. و وقفت حور و تم تمشي سايره وراده ف الحجره .. و سارا

تطلعها .. و خايفه انها اتكون خربت كل شي على أخوها هي تبى

اتساعده ..

حور بتوتر: سارا انا بردلج الهديه اترديله ..

سارا بحزن: ليــــــــــــش ؟!!!

حور بعصبيه: كيف تبيني اقبل أخذ هديه من واحد غريب ..كيف ؟؟ و لا

خاتم ..

سارا: والله لو عرف اني قتلج بيعصب و انا مب ناقصه ..

حور: اسمحيلي سارا انا ما اقدر اقبل الهديه و اخليها عندي .. و

بعدين هو ليش يهديني ..ليش ؟؟؟ *تستهبلين* .. شو يتحسبني من

هالسهلات .. برمسه عشان اهداني خاتم .. و أنتي كيف ترضين يا سارا

.. كيف ..

سارا بدت اتعصب من تفكير حور بأخوها: حرام عليج هو يحترمج .. و

لو كان مثل ما اتظنين جان ما وصل بيتكم و خطبــج ..

حور باستغراب و بدت دقات قلبها اتزيـــــــــد: خطبـــــــني

؟؟؟؟؟ متى !!!!!!!!!!!!!

سارا: هيه خطبج من فتره و أنتي رفضتيــــــه ...

حور مصدومه: يعني هو الي خطبني .. و انا رفضته

سارا بحزن: هيه هو

حور ردت و عصبت: و كيف يرضى يهديني هديه عقب ما رفضته .. ترى

أخوج عديم الإحساس و و

سارا قاطعتها بعصبيه: بس ..بس يا حور ... حرام عليج الي تسوينه ف

عمرج و ف غيرج .. و بتندمين ف يوم ع الكلام الي قلتيه لأنج ما

بتحصلين واحد شارنج مثل عبدالله .. لو اقوله رد اخطب حور بتوافق

بيرد على طول يخطبج .. و ما بيهمه انج رفضتيه قبل ... ما بتحصلين

يا حور حد يحبج مثل عبدالله .. والله ..

حور قاطعتها و هي تصيــح: بس بس...حرام عليكم .. حرام عليكم ..

ما تفهمون انا ما ابى اعرس ..ما ابى واحد غير خليـــــــــــــفه

... ما ابى ..

و طلعت بسرعه من بيت سارا .. و خلت سارا ف حزن كبير ع أخوها و

ربيعتها .. و اتحس بندم ,,,هي كانت ناويه اتعين أخوها ..مب تزيد

الطين بله ...

*

*

*

بيت بو حمد

 

وصلت حور بيتهم بسرعه .. ما اتعرف كيف وصله لأنها ف حاله ما يعلم

بها إلا الله ... المهم وصبت بسلامه .. و نزلت بسرعه من

سيارتها,, و ركض صوب البيت .. أول ما فتحت الباب شافت أمها و فيّ

يلوس ... بس هي ما عبرتهن لأنها مب ف حاله انه اتسولف .. تبى اتم

بروحها .. و تبى توصل حجرتها بسرعه .. أما أم حمد يوم شافت ححور

و حالتها بغى قلبها يوقف من الخوف ..

أم حمد اتقوم بسرعه: حووووووور .. .حور

بس حور ما ردت عليها .. و سارت فوق

فيّ فزت بخوف: أماه .. بلاها حور ... !!!

و لكن أم حمد ما ردت عليها و ركضت ورى حور الي قفلت ع عمرها

الباب و ما رضت تفتح الباب و فيّ ف الصاله تتحرقص و ميت من الخوف

ع أختها .. ثواني و اترد أم حمد الصاله

أم حمد: والله هالبنت بتذبحني .. ما اطيع ترمس ..

فيّ: ما قالتلج شو فيها

أم حمد بضيج:ما عطتني ع طول قفلت ع عمرها الباب ..و أكيد الحين

اتكمل صياحها

فيّ بحزن و استغراب: اتصيـــــح ؟!!!

أم حمد بحزم: انا اليوم برمس بوحمد و حمد لازم يشوفولها صرفه ..

انا ما برتاح الين ما ترتاح حور

فيّ: هدي أعصابج ..و بعدين أنتي ليش تربطين أي شي يستويلها بموت

خليــفه .. يمكن شي ثاني

أم حمد : الله يسمع منج ...

 

حجرة حور

 

أول ما وصلت حجرتها ..قفلت الباب ع عمرها .. و ركضت صوب الكبت و

هي ما تشوف شو جدامها من الدموع .. و اول ما فتحت الكبت طلعت

الصندوق ... و بسرعه و من غير حاسيه يلست اطلع كل الأغراض منه

بسرعه .. ادور ع شي ..و اول ما حصلته مسحت دموعها ... و يودت

الظرف و هي ترتجف ... هالظرف عندها من زمان .. بس ما اتجرأت

تفتحه من ثلاث سنين ..من عقب وفاة خليفه.. أول مره تتجرأو تفتحه

.. وطلعت منه صورة الإنسان الي ملك قلبها .. صورة خليفه .. و

حضنت الصوره و ردت اتصيــح و اتصيــــــح بحرقه ...

.. يبوني يا خليفه أنســــــــــــــــــاك .. أنســــــــاك ..

يبوني أكون لواحد غيــرك .. لواحد غير خليــفه .. يبوني أخونك ..

أخونك !! .. بس انا ما اقدر انســـاك و لا انسى حبك ... حبك الي

بعده ينبض فقلبي ... ما قدر أنســــــاك يا خليفه مستحيــل .. بس

هم ما يفهمون ..محد يبى يفهم .. محد .. ليش ودرتني .. ليش ..

ياليتك خذتني وياك ..*استغفري ربج يا بنت* ...اسمع يا خليفه انا

كنت أحبك .. و ما زلت أحبك و بعيش أحبك ..و لو حاولوا ينهون حبك

ف قلبي بيكون أخر يوم ف عمري * ع كيفيج* .. أحبــك

و باست الصوره .. وسارت بسرعه ادور ع برواز بس ما حصلت .. فاضطرت

انها اطلع صورتها الجديمه من البرواز و حطت صوره خليفه و ابتسمت

..

لازم يعرفون أني ما نسيتك و ما افكر انساك يا خليفه *حشرتيني كل

ثانيه و قلتي خليفه ..بلاه عبود الاصيع : ( *

 

(( عقب ساعتيــن ))

 

حور ما زالت منعكفه ف حجرتها .. سمعت دق ع الباب ... و عرفت من

طريقة الدق أنها فيّ .. قامت و فتحتلها الباب .. و دخلت فيّ و

يلسن ع الشبريه

فيّ: ها ما بتخبريني ليش كنتي اتصيحين

حور: ما شي

فيّ بتشكك: متأكده ...

سكتت حور

فيّ: حور أنتي متى بتنسينه ..متى بتنسين خليــفه

حور نشت بعصبيه: انا ما بنساه .. ليش ما تفهمون أني ما بنساه ..

فيّ استغربت من طريقة حور .. و حبت اتكمل كلامها وياها لأنها

اتحس انه حور بتقول الي ف خاطرها ..

فيّ: أنتي ما تبين تنسيه .. انا كنت متأكده أنه هو السبب ف زعلج

و صياحج

حور بدفاع: لا مب خليفه .. أنتوا السبب ..أنتوا السبب ..تبون

تجبروني ع شي انا ما اقدر عليه و لا أباه ..

في بتعجب: نجبرج ؟؟ على شو ؟؟؟

حور بتردد:ع الزواج

فيّ بتفهم و حنان: حبيبتي حور ما يجبرج ع شي أنتي ما تبينه .. و

أنتي اتعرفين هالشي ..ما جد زحده فينا انجبرت ع شي ..

حور: عيل ليش كل يومين و الثاني يايبيلي خطيــب

فيّ:هههه .. و الله مب ابكيفنا ... هم ايون يدقون باب البيت ..

حور: و أنتوا اتعرفون إني رافضه الفكره .. بس ما اتردونهم الين

ما اتشاوروني

فيّ: لأنه من حقج .. من حقج اتعرفين انه هالريال ياي يخطبج..و من

حقج اتوافقين أو ترفضين .. و بعدين أبوي يتوقع انج اتغيرن رايج ف

يوم من الأيام .. و لاحظي أنهم ما فرضوا عليج الزواج و شاورج

..وأنتي زعلانه عليهم !! .. عيل شو بتسوين إذا يا و قالج أني

وافقت ع الريال و الملجه عقب كمن يوم ..

حور سكتت وحست بندم ..

حور: بس انا احس أمي تضغط عليه

فيّ: يمكن بس حاولي أنتي بعد تفهمين وجهة نظرها .. وجهة نظر الأم

.. هي تحبج و تبى تفرحبج .. و عقب الي صار .. خوفها عليج زاد ..

و رغبتها في أن اتشوفج ممستقره زادت و قوت

حور: بس هي ما تفكر فيني

فيّ بحزم: و أنتي بعد أنانيه ما تفكرين ف أمي و أبويو حمد و أنا

.. بس اتفكرين ف خليفه .. عنيده ما تبين اتحاولين أنج ..

قاطعتها حور: تبيني أخونه

فيّ بتعجب: منو ياب طاري الخيانه ؟!!!! .. و بعدين أنتي تتوقعين

لو خليفه كان حي بيعيه حالج .. انتي تدرين كيف انه خليفه يحبج و

يخاف عليج ..اعتقد لو كان يدري أنه بيموت جان وصى أنج تتزوجين من

عقبه ..

حور ساكته و اتصيح بهدوء *ردينا ع طير ياللي*

فيّ حست انه قست ع أختها بس لازم اتسوي جيه.. أختها عنيده وما

اتفكر ف أمها و هذا الحل الوحيد انه بعدل تفكير أختها

قامت فيّ:انا بخليج الحين ع راحتج ..و فكري ف كلامي عدل ..و

أتمنى تنزل أختى الخريش حور تحت عند أمايه .. لأنه متكدره من

دخلتج علينا و كم مره صاحت ..

حورو هي تصيح: لا تخبرين أمايه اني اصيح عشان خليفه .. قوليلها

عشان الجامعه أو أي شي

فيّ بحزن: إن شاء الله ..بس اتمنى يا حور ترحمينها .. و ترحمينا

كلنا ..

طلعت فيّ و خلت حور غارقه ف أحزانها و حيرتها

و عقبها بنص ساعه طلعت حور .. و نزلت عند أمها و يلست اطمنها و

بدت بتنفيذ كلام أختها الصغيره

*

*

*

بعد ثلاثة أيام

العصر

بيت بو زايد

حجرة شهد

 

عرفت الناس و الدنيا و طريقي عرفت إنه الهوى كذب و أمانـــي

خذاني الشوق و الحب الحقيقـي لذاك الـــــــــــي عقب ودّه جفاني

نساني للأسف في عزّ ضيقــــي وانا في غمرة إجراحي أعانــــــي

لقيته في هوى غيري غريقــــي تنكر من هواي و من حنــانـــــــي

 

من استوت السالفه و هي معظم وقتها معتكفه ف حجرتها .. لأنه كل ما

تظهر اهلها يسألونها شو فيها .. فشلت تخفي حزنها هالمره .. و فوق

هذا زايد كم مره سألها إذا حمد سبب حالتها .. وإنه مستعد ياخذ

حقها منه .. بس هي تنكر .. و تعبت من النكران .. هي ما اتعرف

تجذب ... و خاصه إنها زعلانه و هالسالفه من تذكرها تصيــح *جيه

هي نستها*.. والي قاهرنها أكثرإنه حمد خلال هاليومين ما اتصلبها

..و لا عبرها .. كأنه ما صدق انها تزعل ... و فجأه رن موبايلها

.. استانست .. اتفألت انه يكون حمد .. بس انصدمت يوم شافت الرقم

.. الرقم غريب .. ما اتعرفه .. قررت ما اترد ..بس عقب غيرته

رايها وردت ...

شهد: ألو

البنت: السلام عليكم

شهد بستغراب: و عليكم السلام

البنت بمكر: ما عرفتيني !!

شهد: لا والله ما عرفتج

البنت: انا هند ..المفروض صوتي يكون مطبوع ف ذاكرتج * شو اسويبها

.. اقوم اصفعها *

شهد انقهرت من هند بس ما حبيت اتبينلها .. و حب تقهرها: هند ؟!!

.. أي هند .. اسمحيلي ما عرفتج

هند: ههههه *ضحكتي بليا ضروس قولي آميــــن* .. هند حبيــبة ..

اقصد هنمد بنت خالة حمد *والله انه التكفيخ اشويه عليج*

شهد اهني بغت تطلع من السماعه و تزغدها: هي ...هلا .. منو عطاج

رقمـــي

هند بمكر: حمد

عاد ما يحتاي اقولكم القيج كم صك عند شهد: هيــــه ,,خير شو

بغيتي

هند: ما شي بس بغيت ارمسج عنا

شهد باشتغراب: عنــا ؟؟؟؟

هند بدلع: اقصد انا و حمد *خلاص ما استحملها .. *

شهد بأرف بس حبت تقهر هند: ليش شو من بينج و من بين

ريـــــــــلي *ياليتج تنجحين*

هند بمكر: أنتي اتعرفين كل شي .. شهد بسألج ..أنتي اتحبين حمد ؟؟

 

شهد: و الله اعتقد انه هالموضوع يخصني و يخص حمد .. و مب ملزومه

أجاوبج

هند بقهر: لا يخصني ..لأنج بأنانيتج هاي بتدمريني انا و حمد ..

أنتي لو تصدق اتحبينه كنت بتبدين سعادته على سعادتج ... *عاش نقع

البووكس*

شهد: و الله .. أدمر حمد ..ممكن اسألج وين سعادته

هند: انتي اتعرفين انه سعادته ويايه *وايد واثقه ..اقول يا ماما

..اجلبي ويهج*

شهد بقهر: و ما اعتقد انه منعته عنج .. و لا وقفت في ويه سعادته

هند: لا بموقفج هاك اليوم دمرتيه ..هو ما يقدر يطلقج .. ما يبى

يغضب أمه و أبوه .. و لا يخرب العلاقات ..

شهد: والله بزواجج منها ما بيدمر العلاقات ..

هند: بس يمكن يكون الوضع اهون إذا أنتي وافقتي .. و لا .. و سكتت

 

شهد: و لا شو

هند: ما شي ..

شهد بقهر: انا بحاول أحل المشكله .. بس بطلع بحل يناسبني ... و

خبري حمد مره ثانيه ما يطرشلي مرسال ...

هند: يا شهد حاولي تفهمين *شو اتشوفينها مينونه جدامج*

شهد اتقاطعها: اعتقد انا قلت كل الي عندي ..مع السلامــه و ما

اتريتها اترد عليها و رقعت اتلفون ف ويهها .. *زين سويتي ..*

من سكرت شهد .. وهي مب عارف شو اتسوي .. بس اتحس ببراكين ف قلبها

... و ادموعها اربع اربع من غير ما اتحس و كل ما تذكر كلام هند

.. يزيد القهر .. و من القهر قامت اتفر كل شي جدامها ..اطلع

قهرها ف الأشيا .. و اتصيح بصوت عالي و اتصارخ بكلمات غير

مفهومــه ..

*

*

بيت بو حمد

جريب المغرب

الصاله

 

الكل متيمعين ما عدا بو حمد .. يسولفون .. حور و فيّ ردن

لطبيعتهن ..أما حمد يالس وياهم وقلبه و فكره عند شهد .. من

يوميــن يحاول يتصل فيها بس كل يحصله مغلق .. لأن الأخت مسرت

الموبايل والين ما اشتروالها موبايل ثاني .. حمد ف هاليومين عرف

انه يحب شهد .. و حبه لهند مات و اتدفن ..اتأكد من هالشي .. لأنه

هند ف هاليومين مالها مكان ف تفكير حمد ... شهد ماخذه كل

تفكيــره .. و يبى يوصلها بس مب عارف كيــف .. و ومب عارف كيف

يواجها ..حس أنه جبان ..*توه الناس* .. أما هند وقفها عند حدها و

طلب منها اليوم انها ما اتحاول تخدعه بكلماتها و بخرافتها .. و

توهمه انه ما زال يحبها ..لأنه اتأكد انه ما حب و لا بيحب غير

شهد ... *عاشو .. تصفيــق*

و ف نص سوالف و حشرة حور .. رن موبايل حمد ..

حمد: الــو .. هلا زايــد .. بخير .. و فجأة يفز حمد و يصارخ

شـــــــو .؟؟ متى ؟؟ أنا الحين ياينكم .. شو ..أقولك دقايق و

اكون عندكم .. مع السلامه..

كل الي ف الصاله يتحرقصون يبون يعرفون شو استوى .. مشى حمد بسرعه

صوب حجرته و خذ مفاتيح سيارته .. و رد الصاله

أم حمد برعب: خيــر حمد.. شو مستوي

حمد بضيــج :ما شي .. ومشى يبى يطلع بس اتنط حور جدامه

حور: وين و لا ما تطلع الين ما تقول شو مستوي

حمد يصارخ:حور قومي ..انا مستعيل

فيّ بخوف:حمد انزين ريحنا و طمنا

حمد بحزن: شهد طاحت عليهم .. و الحين هي ف المستشفى

فيّ و حور كل وحده طلعت منها شهقه اطر طبلت الأذن

أم حمد و اشوي لا اتصيــح: شو ياها ..

حمد بضيــج و بسرعه يبى يطلع: يقولون انهيار عصبي ..

حور و هي اتصيــح: انته شو سويت ... أكيد منك انته يا حمد

حمد عوره كلام أخته ,,بس ما حب يبين

فيّ بعصبيــه: حور شو هالكلام ..

حمد: يلا مع السلامــه

*

*

*

المستشفى

 

زايد و راشد كانوا ف ممر المستشفى ..و أم زايد داخل ويا شهد .. و

راشد يالس يضارب ويا زايد * وقته*

راشد: ياخي انته مول ما اتعرف ترمس

زايد بقهر: والله عيل تباني اسكت عنه

راشد بعصبيه: منو قالك ان حالتك أختك بسببه

زايد: هو مزعلنه ..

راشد: هي خبرتك

زايد: لا

راشد بعصبيه: عيل لا تألف و اطلع إشاعات الريال

زايد: مب لازم هيه اتقول ..امبين

راشــد: ياخي السالفه بينه وبين حرمته .. وهم بيحلونها ابروحهم

.. فلا تتدخل .. يالس اتهدد الريال والله لو ياه شي بزولك ..هاي

رمسه تنقال

زايد بعصبيه: ترضى عيل يزعل أختك؟!!

راشد: لا ما ارضى ,,بس انا لو مكان حمد ..بعد ما برضى بالي سويته

..ما برضى حد يدخل بيني وبين حرمتي ..و بعدين كلنا نتزاعل

ونتراضى .. و الزواج مب كل الوقت ضحك و فرح .. بعد فيه زعل .. و

احلى شي الرضى بعد الزعل ..فلا ادخل عصك ف شي ما يخصك ..و خلهم ع

راحتهم ..ويوم اختك بتحتاجك بتيك بنفسها

زايد يشوف راشد بطرف عينه

راشد يدز زايد من جتفه: استحمله وعامله زين إذا تبى تأخذ أخته ,,

و لا ترى عادي يرفضك

زايد: متفيج أنته .. انا قلتلك ما باخذها ..

راشد عصب بس ما حب يبين لأخوه: عيل انا بخطبها

زايد باستغراب و عصبيه: شــــــــــــــــــوه

راشد: سمعتني الغالي .. ما دامك ما تباها انا باخذها *جيه لعبه*

زايد: والله ؟؟ و البنت الي كل يوم .. اقصد كل ساعتين اتكلمها

راشد: أي بنت .. هيــه .. اتعرف انه نحن انرمس البنات نتسلى

انضيع وقت .. وبعدين ما ببدي النجوم ع القمر و غمز له

زايد عصب و ودره وسار عند أخته .. و راشد سرح ف البنت الي يكلمها

.. يدري انه قص على أخوه ,, و أنه بدى يتعلق ف البنت الي رمسها

.. قطع عليه تفكيره حمد

حمد: ها اشحالها

راشد: وعليكم السلام

حمد باحراج: اسمحلي والله انه عقلي مب فيني

راشــد:هههه ..مسموح ..عاذرنك

طلع زايد من الحجره و سلم عليه حمد

حمد: أبى اشوفها

زايد بوقاحه: مب وقته .. و اعتقد إذا شافتك حالتها بتزيد ..و روح

عنهم

راشد و حاس بالإحراج من تصرف أخوه: ما عليك منه ..بس هم هاليومين

عصبي و مب مستحمل عمره

حمد: صح كلامه .. هذا ثاني شخص يقولي اني انا السبب ف حالتها ..

ما عليه انا بروح الحين و سلم عليها

راشد ايود يد حمد: وين ساير يا ريال

حمد يحاول يصطنع ضحك:هههه.. لا تخاف باجر برد.. بعطيها فرصه

اتريح اليوم من شيفتي .. و باجرياينها بغت اتشوفيني و لا لا ..

ما عليه منها ..انا متوله عليها

راشــد: يا عيني ع الرومنسي ,,,

حمد: هههه .. فداعت الله

طلع حمد من المسشفى و هو مهموم .. وحزين ..زايد و حور يحملونه

مسؤؤليية مرض شهد ..مرض حرمته ..و حبيبته و عمره .. و هو بعد ف

داخله يحس أنه السبب .. بسبت غباءه بيفقد شهد .. و هو ما يبى

يفقدها .. بس ابتسم حمد يوم اتذكر كلام حور و فيّ انه شهد طيبه و

زعلها ما يطول .. بس معقوله ترضى بسهوله هالمره ؟!!!! *والله

اتذكر شو سوتبكم يوم سالفة شما ..مول ما اطمن ...هههههه*

حمد وهو حايس بوزه: الله ياخذ عدوج يا الوّد .. اكرمينا بسكوتج

...إن شاء الله باجر بشوفها وبراضيها ..

الوّد: أتمنـــــــــــــى *__*

 

انرد لراشـــــد

راشد تم واقف مكانه كسر خاطره حمد .. و مقهور من زايد .. ما يعرف

يفكر .. دوم يفكر بقلبه .. و هذا عيبه ما يعرف يوازن بين العقل و

القلب .. وده يصفعه ...

الوّد: راشــد يا بوك اشوي اشوي .. بلاك معصب

راشــد: أوه إنتي اهني ..متى وصلتي ..

الوّد: لا انا هناك ... وصلت من طلع حمد ..اتصدق السخيــف ما

عبرني .. : (

راشد: لا تلومينه .. بعدين حقوق السخف محفوظه لأخوي العزيز

الوّد: الحين أنته مقهور منه عشان ادخل بين حمد و شهد ..هذا من

خوفه

راشد:أدري .بس المفروض ما يدخل مثل ما قلت .. وبعدين انا مقهور

منه لأنه يتصرف مثل اليهال و ما يعرف مصلحته

الوّد: هههههه .. ما شاء الله عليك .. حتى انته ما اتعرف مصلحتك

وين

راشد بتوتر: شو تقصدين ؟!!

الوّد: علاقتك ويا البنت الي شفتها ف السينما .. تراني ملاحظه

انك بديت تتعلق فيها

راشـد بثقه و تكبر : يتراوالج ... انا اقدر وقت ما ابى ابتعد

عنها

الوّد: بنشوف .. وانا اقولك ما بتقدر .. ها يا قراء ترى أنتوا

الشاهدين .. انا اقولكم انه راشد وايد متعلق ف البنت و ما بيقدر

يودرها ...

راشد: الحين القراء بيسمعون كلامج

الوّد: هيه نعم .لأنهم يوثقون فيني .. صح يا قراء ؟؟

راشد بقهر: اجلبي ويهج .. ادري ميته عليه وتبين اودر البنت .. بس

عناد فيج مب امودرنها

الوّد بمكر: هيه هيه اتعلث .. بسير اطمن ع شهوده ابرك من مجابل

ويهك يا الجذاب

*

*

*

اليوم الي عقبه

العصر

البحــر

 

الصيع عبدالله و مايد .. سايرين البحر ... و كل واحد يايبله

جتسكي.. وعاد بدت الربشه ..نسوا عمارهم *الله انا ابى*

..يتسابقون و يستعرضون يعني حركات الشباب البطاليه ... بس شبابنا

مستانسين و ناسين همومهم .. و عقب ما شبعوا شبابنا .. يلسو ع

السيف يدقون سوالف ..

 

عبدالله: هارد لاك بو الشباب ..

مايد بعصبيه: اســكت

عبدالله:ههههه ...الحين انته عندك حرمه ..اشحقه اتشوف بنات الناس

.. استخفيت .. بس الله راواك

مايد شل فوطته وفؤها ع عبدالله: وع .,,,هههههه

مايد: عبود يوز عني

مايد كان معصب لأنه كان يتخقق و يستعرض و ها كله يوم شاف بنات

يتمشن .. و أخر شي انجلب ... و عبود الصايع .. مثل ما انعرف

مستحيل يخلي السالفه ااتعدي مرور الكرام

عبدالله: إن شاء الله .. بس يكون ف علمك هذا عقاب من رب العالمين

 

مايد: شو اسوي ..اتولهت ع مايد الأولي قلت خلني استرجع الذكريات

*واسترجعتها عدل*

عبدالله بحزم: بدال ما اتجابل بنات الناس سير شوف حرمتك وايلس

وياها و اتفاهموا .. ترى عقب ما يفيد الندم

مايد باستغراب: شو تقصد ..أنته من عقب ما طلعنا من فرايديز و

انته كله اتركسني عنه هالسالفه ..احس انك تبى اتقولي شي خايف

عبدلله: اخاف ؟؟!! .. ليش ..بس انته اخويه و انا حبيت انصحك ..و

ترى عيال الحرام وايد .. *ردوا ع الشباب ..وحليلهم* .. و حرمتك

بنت .. أكيد تبى حد يهتم فيها و يحسسها انها مهمه

مايد سكت ويلس يشوف عبدالله بتعجب و يفكر ف كلامه .. وكان بيسأله

..بس رن ف هاللحظه موبايل عبدالله.. ومن شاف الرقم رد عليه بسرعه

..

عبدالله: ألوه

ساره: السلام عليكم

عبدالله ببرود: و عليكم السلام ..

ساره: اشحالك؟؟

عبدالله: بخيــر .. أنتي علومج .. إن شاء الله غيرتي رايــج

ساره بخوف: علومي اتسرك .. احم .. عبدالله انا بملج عقب يومين

عبدالله جنه حد جب سطل ماي عليــه .. و مب عارف شو يسوي ..احس

انه أخته بدمر حياتها ..

ساره: عبدالله

عبدالله بحزن: بعدج مصره

ساره: هيه و أتمنى انك اتكون موجوده عندي ..انا ما ابى افقدك

..انته أخوي الوحيد

عبدالله يقاطعها : أنتي فقدتيني يوم وافقتي عليه .. و انا قتلج

قبل أنا ما بشارك ف تدمير مستقبلج .. بس ما اقول غير الله يوفقج

..

ساره اتصيـــح ..

عبدالله بضيــج: مع السلامه و سكر التلفون قبل ما اترد عليه

يلس عبدالله متضايج .. و مايد لاحظ أنه هالمكالمه جلبت عبدالله

180 درجه .. و اتريا عبدالله يرمس .. بس طفح الكيل عنده

مايد: خيــر عبدالله

عبدالله بضيج: ما شي بس .. و سكت

مايد: اتكلم يا عبدالله .. انا مايد أخوك .. و ربيعك ..إذا ما

قلتلي الي ف قلبك تخبر منوه .. و بمرح حرمتك ..

تكلم عبدالله بضيج ومن غير ما يعلق او يضحك لكمتت مايد و خبره

بكل الي صار ويا أخته

مايد: انزين يمكن هي على حق ..انا وايد سمعت انه الزواج هدى وايد

من الشباب ..

عبدالله: بس مب دوم يستوي .. و هذا وايد صايع .. وانا احس انها

مب مقتنعه فيه بس وافقت عشان أبويه

مايد: انزين مب عيب إذا فكرت ف أبوك .. هي عندها أمل أنه الأمور

بتعتدل ويا أبوك .. وعندها أمل إنه بتغير الريال .. فلا تيلس

اتخوفها .. لا تنسى هي بتقدم ع خطوه كبيــره وحياه يديده و وجودك

وياها بيريحها و بيخفف من توترها و خوفها ..

عبدالله بحزن: بس أخاف تندم ف يوم .. و اتلومين اني ما منعتها

مايد: عبدالله أنته منعتها و حاولت وياها ..بس هي ما رضت و مصره

..يعني ما بتقدر اتلومك .. خلاص يا عبدالله انته مما قدرت تمنعها

..بس تقدر توقف وياها و اتحسسها انك وياها .. عشان إذا لا سمح

الله .. إذا صارت مشاكل من بينهم .. تقدر تلجأ لك ..

سكت عبدالله و يلس يفكر ف كلام مايد ..

مايد: قم قم ..قم خلنا نستانس قبل ما اتشوب من التفكيــر ..

شافه عبدالله

مايد: عقب ناس ما بيرضون فيك ...

عبدالله :ههه خلهم يرضون قبلي فيني الحين و عقب يحلها ألف حللال

..

مايد: كسرت خاطري يا بوك ..قم قم قبل ما اصيح

و كملوا شبابنا فرحتهم .. و تناسوا أحزانهم للفتره بسيــطه

*

*

*

المغرب

المستشفى

 

طبعا شهد بعدها ف المستشفى ما طاعوا يرخصونها لأنها ضعيفه .. و

فقر الدم زايد عندها .. و بعد زايد طلب منهم ما يرخصونها عشان

اتحصل عناية و اهتمام أكثر .. لأنه يعرف أخته ف البيت بتدلع

عليهم و ما بطيع تاكل .. فوجودها ف المستشفى بيجبرها تاكل وتهتم

ف صحتها ... المهم هالوقت حور وفيّ و حصه و بنات خال شهد عندها

.. و دق سوالف و جيه ..و يحاولون يردون شهد لطبيعتها .. فجأه

سمعوا دق عالباب .. قامت حصه و فتحت الباب .. و إلا تشوف بااقه

ورده عــــوووووووووووووووووووووووووووووووووده ...و الممرضه

ادخلها ..

بنات خالها: واووووووو ..وايد حلوه

حور: يا سلام من منــــــــو

فيّ: افا يا شهد ..عندج معجبين من ورانا ..

شهد:هههه

حصه: خلنا انشوف الكرت ..شلت الكرت وقرته بصوت عالي

(( يا عله فيـــــــني و لا فيـــــج

اتولهت عليــــــج حبيبتي

الولهان حمد ))

شهد من سمعت حمد بغت اتموت .. و عصبت ف خاطرها .. ليش يسوي جيه

..مب سادنه الي سواه .. ليش يحب يتشمت فيني و يجرحني ..

فيّ: فديته أخوي رومنســــــــي

ابتسمت شهد باستهزاء

ز يلسن البنات يلعوزن شهد .. و له وحده اتقول يا رب يرزقني بريل

مثلج .. و لا وحده بتسلفيني ريلج .. ومن هالحركات ...

رن موبايل حور و ابتعدت عنهم عشان تاخذ راحتها ف الرمسه .. و

ردتلهم عقب ما خلصت المكالمه

حور بخبث: شهد .. الولهان برع

شهد ما فهمت: منــــــــو ؟؟؟

و صارخن البنات ضربه: حمـــــــــــــــــد ...ههههههههههههه

شهد بغت يغمى عليها شو يايبنه ... ليش .. انا ما ابى اشوفه كيف

اقولهم

شهد بغباء: شو يايبنه

فيّ باستغراب: ياي يشوفج ..

حصه: هههه ..شؤال غبي ..أكيد لأنه متوله عليــج مثل ما كتب

نشن بنات خالها بيروحن

شهد: وين .

.بس بنروح .. خل الحبيب يدخل

شهد: لا لا يلسن .. حور قولي لحمد انه البنات اهني ..

الكل استغرب ..بس سكت .. وحور نفذت كلام شهد .. ما تبى تضغط

عليها ..هي حاسه انه شي من بينهم ..الكل ملاحظ .. و حمد زعل بس

قال من حقها ,,أكيد زعلانه ..

و اليوم الي عقبه .. سار حمد من الصبــح عندها .. بس بعد ما رضت

يدخل بعلثة إنها تعبانه وتبى ترقد .. و شكلها يزيغ و كيف يشوفها

ف هالحاله .. ورد حمد بخفي حنين .. وكان بيزورها العصر بس حور

خبرته انه صديقاتها بيزورنها اليوم .. جريب المغرب طرشلها

كيــــــــك مكتوب عليــه ..والله أحبـــــــــــــــــج موت ..

و ظرف صغير ..داخله كرت .. ممتوب فيه ارحموا من ف الأرض يرحمك من

ف السماء .. و الله اني متندم و اسف ..ارحميني .. و الكل متخبل ع

حركات حمد .. حتى شهد متخبله بس من العصبيــه

*

*

*

[الخزامى]

ملجــت سارا (اليوم الثالث من طيحت شهد)

المغرب بيت سارا

 

سارا يالس ف حجرتها و مب مصدقه انه الي جدامها هي حور .. هي ظنت

عقب اعترافها حور لا يمكن اتسامحها .. و استانسي وايد يوم شافتها

داخله عليها ..

حور: مبروك يا عروستنا

سارا بفرح لوت عليها: ما اصدق إنج سامحتيني .. وبعدين انا بعدين

سنقل ... ههههه

حور:ههههه .. بعدين انا بعدنيما سامحتج .. بسامحج يوم بتاخذين

هالخاتم ..

سارا انصدمت يوم شافت حور تعطيها الخاتم ..هدية عبدالله ..

سارا بحزن: بس قلتلج بيعصب إذا عرف إني قلتلج و رديته

حور: مب لازم اتقوليله إني عرفته .. بس بليز سارا انا ما اقدر

أخليه عندي ..

خذته سار بأسى:خلاص باخذه عشان اتسامحيني

حور:هههههه .. شو النفسيه

سارا: أرف .. أمايه اتقول عقب اشوي بيبون الورقه عشان اوقع ..ز

حور:ههههه ..الله يكون ف عونج

سارا:بس دخيلج اسكتي ..بطني عورني ...

دق دق دق دق

سارا: أويه سمعتي ..حد يدق الباب ..

حور:هههه ..خير يا طير ..أكيد أمج يايبه ورقه إعدامج ..

سارا بتوتر:انزينه بسرعه افتحي الباب

حور بغياض: ها اشوفج مستعيله

سارا بعصبيه: حور

حور: ما فيني انش ..أنتي قومي

سارا بدلع: حرام عليج أمايه واقفه من متى

دق دق دق دق دق

حور و هي ناشه: بس عشان خاطر خالوه

سارت حور و فتحت الباب و سكرت ع طول

حور:اويه هذي مب أمج ..ريال

سارا منصدمه: منو

حور بتوتر: ما دري ..ما شفته بس شفت كندوره بيضا .. لا يكون بس

المعرس ياينج فوق

سار بخوف: خلاص بموت ...

حور: هههه .. زياغه ..

*

*

*

المستشفى

المغرب

 

اعطيني اعذارك و انا ابقى بحبك

كلمة حبيبي ف مدى الهجر تذبل

دام الصدود اليوم هو شرع حبك

يا ناسين قلبي ترى الجرح يوصل

دامك تناسى من هو الـــــي يودك

يا معذبن قلبــــي ترى الحب أجمل

 

شهد كانت يالسه بروحها .. ملانه و طفرانه ..أمها ردت البيت

..لأنه شهد حست إنها تعبانه .. فأصرت عليها اترد البيت .. حصه

وراها مذاكره .. وحور ف ملجت سارا .. يا خساره ما بقدر أحضر

ملجتها .. و هي ف قمة مللها تسمع دق ع الباب ..

شهد: تفضل ..

ثواني و اتشوف حمد جدامها ..ما عرفت شو اتسوي ..بغت تشرد تطلع من

الغرفه بس مب قادره ..متيبسه مكانها .. و مب قادره اتحرك ريلوها

..

حمد: و أخيرا تمتي بروحج

شهد اتشوفه باستغراب

حمد باسها ع راسها: الحمدالله ع السلامه حبيبتي

شهد شافتها و هي معصبه

حمد بغياض: ما بتقولين الله يسلمك حياتي

شهد: خيــر حمد .. شو يايبنك

حمد: يايبني الشوق .. شو اسوي الله بلاني بحرمه ما ترحم .. و

شريره .. و الله تولهت عليج وايد يا السباله *لا ما شاء الله

عليك اتعرف اتراضي*

شهد: توه الناس

حمد: والله كل يوم اوصل المستشفى بس ناس يردوني .. ما يبون

يشوفوني ..

شهد: و دامك اتعرف .. ليش مشرفني بزيارتك

حمد: شهد سامحيني ..

شهد: بعصبيه .. على شو اسامحك .. على شو ولا شو .. انته خبرني ..

اسامحك انك مطرشلي مرسال يطالب بسعادتك ..أنته الي سامحني يا حمد

أني وقفت بينك وبين سعادتك..

حمد :شو اتقولين أي مرسال و شو هالخاربيط ..

شهد: حمد ما يحتاي تنكر ..

حمد يشوفها باستغراب و مب فاهم السالفه

شهد: حمد انا قررت اوهبك سعادتك .. حمد و رفعت راسها اتشوفه ..

(( طلقــــــــــــــــــنـــــــــــــــــــــي ))

 

*

[ورود الليل]

يالله نبي الجزء بسرعه لا تمهلينه

 

[alhaira]

ثانكس

ونبيييييييييييييييييييييييييييي التكملة بسرعة

[روح الخفايا]

ثاااااااااااااااانكس على القصة

 

[Guest صدى الحياة]

 

 

مشكوووووووووووووره حبيبتي .............بس نبي التكمله

 

بسرعه يالغاليه لاتتاخرين علينا.....................

 

 

 

صدى الحياة

[بحرينيه^مزيونة]

مشكووره حبيبتي

 

ننتظر التكمله

 

فديتج لا تتاخرين

 

بلييييييييييييييييييييييييييييييييييييييز القصه روعه نبي تكملتها بسرعه

[Sea Melody]

thanx but plzzzzzzzzzzzzzzzzzzzzzzzzzzzzzzz i want the rest of it

plzzzzzzzzzzzzzzzzzzz don't be late

 

[حفرت اسمك على قلبي]

ثانكس على التكملة

Edited أغسطس 27, 2005 by حفرت اسمك على قلبي