عاشقة الوردي Posted مايو 11, 2005 Report Share Posted مايو 11, 2005 هذي قصه شفتها في احد المنتديات وحبيت انقلها ليكم الجزء الاول قبل القصة راح اكتب تعريف بسيط جدااااا لشخصيااااات عايلة ابو سعود سعود عمره 30 متزوج بنت عمه ناصر وعنده ولد واحد عمره سنه ونص تقريبا (سالم) بدر عمره 28 توه راجع من برا وحاصل على الماجستير في ادارة الاعمال نواف عمره 24 يدرس برا وبيرجع على نهاية السنة نوف..اختهم الكبيرة من البنات تعرف اخوانها من غير ما يتكلمون متزوجه وعندها ولد واحد(احمد) ريوف..عمرها 21 بالسنة الثالثة من الجامعة ريم عمرها 19 اول سنة جامعة عايلة ابو خالد..عياله خالد انسان مختلف والكل يعرف هالشئ دائما قوي بافكاره واختياراته وصريح ومحبوب يشتغل بشركتهم والاهم انه حنون على اهله وهذي ميزه فيه أمل..زوجة سعود عايلة بو سلطان..سلطان عمره 27 يحب ريوف بنت عمه وتقريبا الكل يعرف انها له يشتغل بالشركه وهو انسان مثقف وواعي وطيب رغد..عمرها 22 تدرس مع ريوف وهي توأمها وكاتمة اسرارها عبد الله..عمره 24 وهو شاعر مبدع واغلب الوقت بعالم ثاني قليل ما يطلع مع اهله وشخصيات نتعرف عليها من خلال القصة 1423/12/ه يوم لهذكرى جميلة عند عائلة بو سعود ففي هذا اليوم قام كل البيت على صوت سعود وهو يصارخ باعلى صوته ينادي امه الي جت مسكينه تسرع من الخوف لحد ما وصلت غرفته وحصلته عند الباب سعود:يمه لحقي على امل تعبانه شكلها بتولد الحين شسوي الام:قرب السيارة وخلي خواتك يساعدونك ونزلوها تحت وانا بجيب عباتي يالله بسرعه وراحت ام سعود لغرفتها تاخذ عباتها.. وسعود ينادي خواته..ريوف..ريم تعالوا بسرعه وطلعوا خواته منغرافهم وراحوا صوب غرفة سعود وساعدوه ونزلوا امل الي مسكينه كان مره تعبانه ركبت امل وام سعود مع سعود السيارم وراحوا المستشفى وسعود ما عاد يشوف دربه مع كل صرخه لحبيبة قلبه امل يحس وده يطير حتى يوصل المستشفى.. والحمد لله الله سهل عليهم وصلوا المستشفى ودخلت امل غرفة الولاده وتم سعود رايح راد وامه تهديه وبعد ثلاث ساعات ..طلعت الممرضه وبشرت سعود انه جاه ولد وسعود من غير تفكير صار يقول..صرت بو سالم ..سالم الصغير شرف وراح وحضن امه وبعدها بنص ساعة حضن سعود ولده الي من غير شعور بمجرد ما حضنه نزلت دموعه.. سعود:آه يابدر لو احكي لك من اليوم لبكرا عن احساسي ذاك اليوم وفرحتي ما اقدر لكن هذا اليوم له اهمية عند امنا وابونا وكل العايله وعقبالك بدر ان شاء الله قريب نشيل ولدك بدر:لا وين عقبالك انا توني راد ومحتاج وقت وبعدين الزواج يبي له استعداد وتهيئ وانا توني ما تهيأت سعود:اي استعداد ياشيخ عمرك 28 سنه استح على ويهك واخذت الماجستير وتوظفت وشتبي بعد بدر:الموضوع التهيئ النفسي للزواج سعود:بدر لا تطبق دراستك علي.. ابوك محضرلك مفاجأه الليله وياخوفي من الليله وش بيكون فيها بدر:سعود خير لا تقول الوالد بيخطب لي سعود:بدر انت عارف ان الوالد ما بيخطب لك لان خطيبتك معروفه وهي تنتظرك بدر:خطيبني معروفه.. منهي..؟؟ وقبل ما يرد سعود دخل ابو سعود وقاموا العيال لابوهم الي توهم كانوا معه بالشركه وجلس وتموا يسولفون لحد ما قال ابو سعود..ها يابدر متى بتحدد اليوم الي يكون كل شي رسمي بينك وبين بنت عمك بدر من قوة الصدمه صار يناظر ابوه واخوه ابو سعود:بلاك ماترد يابدر بدر:اي بنت عم يايبه طال عمرك ابو سعود:وشهالحكي يا بدر..رغد بنت عمك الي الكل يعرف انها لك من سنين بدر:بس يليبه انا رغد عمري ماشفتها الا يوم كانت صغيره ابو سعود: بدر اشوفك جبت مع شهادتك طبايع الغرب زمن متى بناتنا يكشفن على عيال عمهم بدر: لا طال عمرك ما هو هذا قصدي انا اقصد رغد صغيره ولا فكرت فيها زوجه ابو سعود: اسمعني وانا ابوك انت رجال وما عليك قصور وبنت عمك شيخة الحريم وتقدم لها رجال ما ينردون لكن بو نواف ردهم عشان يشري قرب ولد اخوه ورضى اخوه العود بنت عمك القريب والبعيد يعرف انها لك لا تهدم ما بنيت بسنين عشان كلام الكتب الي قريته بامريكا يابوك انا علمتك وانت قرر واذا تبى رضى ابوك اشر بنت عمك وقام بوسعود وراح لغرفته..ولقى ام سعود توها مخلصه من الصلاة الوتر وجاس عندها ابو سعود:يا ام سعود بدر شكله بيسود وجهي قدام اخوي ام سعود: افا والله ليه خير ان شاء الله ابو سعود:شكله ما رايد بنت عمه ام سعود:رغد كامله والكمال وجه الله وين بلاقي مثلها وبعدين مافيه مكان ماقلت فيه انها مرت ولدي خل عنك انا بفهم بدر وان شاء الله ما بكون الا الخير قم نم يابو سعود ومالك الا العلم الطيب ابو سعود:انشاء الله ..ربك كريم وبمكان ثاني من بيت بو سعود وبدر سعود..بدر ليه ساكت بدر:افكر بهالمصيبه سعود:لا حول ولا قوة الا بالله صارت مصيبه يابدر وانا اخوك قولي ليه ما تبى رغد فيه احد ثاني في بالك..؟؟ بدر:لا ما فيه لكن من رغد الله يخليك من اكثر من تسع سنين ما سمعت الظاهر صوتها وشلون اتزوجها سعود:والله صدق ابوي يوم قال جبت طبايع الغرب اعنبوك من متى انا نتكلم بنات عمنا بدر:يا سعود افهمني انا عمري ما سمعت شيئ عن رغد حتى ما اعرف هي كم عمرها وليش تدرس سعود:ماهي مشكله ناد ريم او ريوف ويقولون لك بدر: يعني حليتها يالفالح سعود كل انسان له وجهة نظر يعني عالاقل يمكن انا ابي اتزوج وحده بيضاء وهي سمراء سعود: يا تفهك يا شيخ بدر: انا اقول مثال لكن ليه تحرموني من اختيار او حتى التفكير بصفات زوجتي ويختارونها لي سعود: بدر كلامك منطقي لكن هذي عاداتنا انا عندك اخذت امل بنت عمي ناصر وشوفنا عايشين ومبسوطين بدر: الله يهنيكم لكن نجاح زواجك ما يعني ان زواجي ينجح لازم يكون فيه اختيار مني وبعدين قبول حتى على الاقل احس بهذا الزواج سعود: بدر لاتطولها وهي قصيرة فكر زين وتذكر ان بنت عمك ردت رجال كثير لان عمي كان واثق ان رغد لبدر ولا تنسى ان سلطان خاطب ريوف وان فيه اعمال وشراكه بين عماني كلهم لاتهدم كل شيئ بدر: سعود قصدك ان رفضي ممكن يسبب مشاكل بين الاخوان لا عماني فاهمين ولا بصير شيئ سعود: اذا انت متعلم وانا وعيال عمك وعمانك الكبار مثل ابوك عايشين على العادات والتقاليد والكلمه الي يقولها الرجال يعتبرونها عهد عليه واعلان برسمية هالزواج وابوك قالها كثير اما مزح او جد.. بدر خير ان شاء الله انا بروح انام والله يكتب الي فيه الخير سعود: وين ما بعد سهرنا مع سالم الصغير بدر: والله ماني رايق له اسهر معه لحالك ههههههههه سعود: بكرا تتمنى ولدي يسليك بدر: اشبع فيه.. تصبح على خير سعود: وانت من اهله.. راح سعود لبيته الي بنفس سور اهله وهي مجمع سكني بنله ابوه ثلاث فلل من غير البيت العود لسعود وبدر ونةاف الي بعده يدرس بامريكا.. دخل سعود وحصل اما وولدها سالم بحضنها تغني له.. سعود: الله لا يحرمني من الصوت وصاحبه ان شاء الله استحت امل: ولا منك يابو سالم وراح سعود زشال ولده الي بدا يرفع يدينه من شاف ابوه وتم سعود سهران مع زوجته لحد الساعة ثلاث بعدها راحوا ينامون عشان بكرا الجمعه وراهم صلاة.. وبعالم ثاني كان بدر يفكر بالموضوع الي غير كل مخططاته كان مقرر يتم سنه او اكثر وبعدها يتزوج لكن ابو سعود خلى بدر يعيد حساباته.. وظل بدر يفكر لحد ماقرر انه يروح يسولف مع خواته ويعرف منهم بعض صفات رغد بغرفة ريم كانت ريوف وريم سهرانات مع بعض وسمعوا احد يطق الباب.. ريم: مين بدر: انا بدر اقدر ادخل ريم قامت وفتحت الباب: ياحيا الله اخوي نورت غرفتي بدر: الله وشحلاة كلامك يابخته.. ريوف: منهو الي يا بخته بدر: يابخت سلطان بريوف والله استحت ريوف ونزلت راسها ريم: يا حبي لاختي تستحي.. ادخل بدر تفضل تم بدر عند خواته ويسولفون وفجأه رن تليفون ريوف.. ريوف: هلا والله بام احمد عاش من سمع صوتك ام احمد: عاشت ايامك الغاليه .. شلونكم وشلون امي وابوي ريوف بالف خير.. ام احمد: وسلطان شلونه ريوف:عندي بدر وريم بحط عالسبكر وكلميهم ام احمد: يا حيا الله اخواني والله جمعتكم حلوه تعال بدر خذني بدر:هههههه لا ماني ناقص ابو احمد بشري الغالية شلونكم وشلون احمد وابوه ام احمد: بخير يا وجه الخير.. اجل وين سعود عنكم ريم: سعود نايم بالعسل هههههههه ريوف وام احمد: هههههههههههه بدر رفع عينه على اخته وصار يناظر فيها.. ريم: شفيك عادي هو دايم يقول هالكلمة ونقولها له ابتسم بدر: لا بس استغربت الكلمه ام احمد: بدر متى نبدأ نستعد ان شاء الله ريم وريوف: ايه صدق متى بدر بتقرر زواجك بدر: اذا الله اراد ان شاء الله.. نوف بكرا بتصل عليك ابيك بسالفه نوف: انشاء الله اتصل بي الصبح يكون احمد نايم بدر : انشاء الله تصبحين على خير الكل.. وانت من اهل الخير طلع بدر وراح ينام ويقول بينه وبين نفسه الظاهر العروس بعد امجهزه ما ناقص الا المعرس وضحك على نفسه ودخل ينام والساعة عشر الصبح صحى بدر واخذ له دش ولبس وقبل ما يطلع قال خليني اتصل بنوف اكيد صاحيه وفعلا ردت عليه نوف: هلا والله بدر شلونك بدر: بخير الحمد لله انتم شلونكم نوف:بخير ونعمه ولله الحمد.. بدر :نوف انا ما بلف ولا بدور انا بقول لك الموضوع مباشره نوف:سم يا خوي تفضل بدر : نوف انتي اقرب خواتي لنا كلنا تعرفينا اكثر من غيرنا نوف انا ما ابي اتزوج رغد نوف: ساكته..وبعدين قالت..ليه يابدر..؟؟ بدر: اعرف قصدك ما فيه احد فيه بالي لكن رغد لا ما ابي اتزوج بهالطريقه ليه يختارون عني نوف: طيب يا بدر انت شلون تبي تختار زوجتك بدر: مو هذا موضوعنا نوف: لا يا بدر او اقول يا استاذ بدر.. اذا انت شايف ان بنت عمك الي حتى ما سألت هي فيها من صفاتك الي تطلبها ما تناسبك فكر كثير..وراح تتوصل لنتيجه وحده مجتمعنا هذي طريقته بالزواج الاهل الي يخطبون لعيالهم صح بعض الناس الصدف تلعب دور وتخلي الولد يختار زوجته لكن هذا استثناء ما هو قاعده بدر: نوف طيب انا راح اعمل الي انتم تبون نوف: لا يا بدر لا تغالط نفسك بيدك ترفض لكن فكر بتبعات الرفض بدر :خلاص نوف توقعت انك تفهميني نوف: بدر انا فاهمتك زين لكن رفضك راح يجرح ناس كثير اولهم ابوك الي ماراح يكون قد كلمته بدر :خير انشاء الله مع السلامه نوف نوف : مع السلامه نزل بدر تحت وسلم عل امه وبوه الي كانوا يفطرون بالصاله.. ام سعود:افطر يا بدر بعد الفطور ابيك بسالفه بدر: يمه مستعجل ونأجل السالفه لليل بدر.تامرون بشيئ ام سعود وابوسعود: سلامتك يالغالي طلع بدر من البيت وتم طول الوقت يفكر بكلام ابوه وسعود ونوف.. ولا رجع للبيت الا الساعة تسع بالليل بدر: السلام عليكم كل العايله.. وعليكم السلام سعود: بدر ليه قافل جوالك تعبت اتصل فبك بدر: انتهت البطارية ام سعود: بدر تعال ابيك بسالفه بدر : ما يحتاج يالغاليه انا موافق واليوم الي تامرون فيه انا جاهز بس بشرط سعود عرف ان بدر وافق من غير قناعه لخاطر لبه وامه ابو سعود:خير يا ولدي سمعنا شرطك انتظر ردردكم Quote Link to comment Share on other sites More sharing options...
عاشقة الوردي Posted مايو 11, 2005 Author Report Share Posted مايو 11, 2005 الجزء الثاني ابو سعود: خير ياولدي سمعنا شرطك بدر: اشوفها قبل الملكه ابو سعود: وليه تشوفها عشان عقب تقول ما تبيها وتفشلني عند الله وخلقه ام سعود: يا ولدي بنت عمك كامله والكامل الله بدر: هذا حقي والدين عطاني اياه ابو سعود: ان شاء الله واخوي مابيرد لي طلب وانا اخوه الكبير بدر: تصبحون على خير الكل.. وانت من اهله قام سعود مع بدر.. بغرفة بدر.. سعود: مقتنع يا بدر بقرارك..؟؟ بدر: ماهو مهم على قولة نوف اذا ماتزوجت رغد بتزوج غيرها بنفس الطريقه خلينا نخلص ونفتك سعود: بدر بنت عمك ماهي رخيصه حتى تقول هالكلام بدر: وانا ما قلت شيئ وكل حقوقها تاخذها وغير كذا ما عندي سعود: وشتقصد يا بدر..؟؟ بدر: ولاشي لو سمحت سعود خلني لحالي برتاح .. سعود: ولا يهمك ارتاح يالمعرس هههههههههه بدر: بايخه مره اطلع وسكر الباب بعدك سعود: ايه طيب بايخه .. طلع سعود وترك بدر مع نفسه وللاسف توصل بدر لقناعه انه بيعطي بنت عمه كل حقوقها الا الحب مستحيل يحبها مستحيل تكون ترجمة حلمه لواقع عن طريق رغد ما هي الانسانه الي تمناها ابدا .. وبدر انسان طيب وحبوب لكنه يكابر بمشاعره ولا هو بسهوله يبين حبه او يبين انه ضعيف .. نام بدر وهالقناعه مسيطره عليه وبغرفة ريوف كانت ريم تسمع كلام خواتها الي من قال بدر قراره راحت ريوف تكلم نوف وتقول لها لان نوف خبرتها عن الطلام الي قاله بدر .. وحطت ريوف اسبيكر وتموا يسولفون مع بعض ريم: والله اخوك هذا ما يقدر النعمه والا رغد وش ناقصها زين وخفة دم وعلم نوف: انا اعرف رغد عشان كذا ما كان ودي تروح بعيد ابيها لبدر وربي بتعجبه الله يهديه ريوف: والله انكم جاهلين ببدر بدر حجر ما يلين ولايهمه لاخفت دم ولا حب يا عيني يارغد كل هالدلال والرومانسيه بتكون بالهواء ريم بوجه حزين: بتنصدم باخونا الاستاذ بدر نوف: بس انتي وياها والله بدر رجال ما فيه مثله مع انه احيانا ينرفز ريم: نوف انتي وين رجلك جالسه تهذرين ههههههههههه ريوف: ههههههههههه عيب ريمه نوف: الشرهه علي الي جالسه وتاركه رجلها وتسولف معكم يالله مع السلامه ريم: نوف خلاص نمزح تعالي بكرا اشتقنا لحمود نوف: ايه انعدلي هههههه ان شاء الله مع السلامه.. البنات .. مع السلامه ريم وبابتسامه خبيثه .. ريوف ما اشتقتي لسلطان ..؟؟ ريوفو الصدمه على وجهها من السؤال المفاجيئ: اعنبوك انتي ما تستحين هو انا شفته عشان اشتاق له ريم :علي هالكلام ريوف اعرف انك تموتين عليه ههههههه ريوف: طيب اموت عليه واشتقت له موت وشعندك ريم: هههههههههه ما عندي شيء خلينا نكلم رغوده شرايك ..؟؟ ريوف : الحين ..؟؟ ريم: ايه بكرا عندكم اف واكيد هي صاحيه الحين ريوف: طيب ندق على الجوال وبعدين اذا صاحيه ننزل تحت اوكي ( تخاف يرد سلطان ولا يتركها بعدين لانه جريء ويحب يسولف مع بنات عمه اذا صادف ورد عليهم) ريم: طيب يالله اتصلي وتتصل ريوف ويدق جوال رغد ولا احد شاله وتنزل ريم وريوف عند التلفزيون ويخلون جوالاتهم بالغرفه ويحصلون بدر طالع من المطبخ معه كاس عصير .. ريم من الخوف: بدر ما نمت ؟؟ بدر بابتسامه: لا نايم بس اشرب عصير.. وش السؤال الغبي ريوف: هههههههههه مسكينه ويرن التيلفون وترتفع عين بدر تلقائيا عالساعه ويروح ويشوف الرقم ما عرفه بدر: الوووو المتصل.. لحظة صمت .. السلام عليكم بدر: وعليكم السلام والرحمه المتصل: عفوا اقدر اكلم ريوف بدر: لحظه ويناظر بدر ريوف ويعطيها السماعه وشكله واضح انه ما هو راضي عن المكالمه لان الساعه كانت عالواحده ريوف: مين ؟؟ بدر: مااعرف كلمي وقولي لي!!.. ريوف: شافت الرقم وقالت هلا والله رغوده بدر عرف منو رغوده اكيد بنت عمه لكن استغرب من اتصالها بهالوقت وتم واقف عند الباب بمكانه ومع كاس العصير وسمع اخته ريوف: اتصلت على جوالك ما رديتي لاني ما توقعتك نايمه قلت اسألك عن الاختبار (تكذب علشان بدر واقف والا هي بتسولف) رغد: لا عيوني ما نمت بس كنت عند عبد الله ورجعت وشفت رقمك اكثر من مره واتصلت ما رديتي قلت اتصل على البيت بس من الي رد علي سعود عندكم للحين(هي شاكه انه بدر بس تتاكد) ريوف وهي تحاول تخبي ابتسامتها: لا هذا بدر مو سعود رغد سكتت: وضحكت ريوف ما قدرت.. بدر على باله قالت رغد شيء عنه وضحكت ريوف وقال .. تصبحون على خير .. طلع بدر وظلوا البنات يسولفون شوي وعقب سكروا وراحوا ينامون الساعه وحده الظهر في بيت ابو سعود.. دخل سعود وزوجته وولده الي اخذته ريم وجلست تلعب معه ودخل ابو سعود وبدر وسلم بدر على امل زوجة سعود.. بدر: هلا ام سالم شلونك امل: بخير الله يسلمك شلونك انت بدر: الحمد لله بخير .. ولف بدر على سالم واخذه بحضنه الا امه داخله الصاله وشافته ام سعود: عقبال ما تشيل ولدك يمه الكل.. امين .. وبدر يحاول انه يتصنع ابتسامه ابو سعود: ها يا بدر يوم الاربعاء نروح لبيت عمك كلمته ووافق انك تشوف رغد بدر: الي تامر فيه يصير يبه ابو سعود: كفوا يا ولدي اجل نتكل على الله يوم الاربعاء تجهزي يا ام سعود انتي والبنات وقولي لنوف بعد بدر: ليه يبه نروح كلنا انا وانته نشوف البنت ونرجع ابو سعود وبأ يعصب: يوم الاربعاء بنخطب رسمي بوجود كل عمانك والا ناوي اتشوف البنت وتهون بدر: لا ما بهون وبصوت واطي لو تكون شمال والي ابي يمين ابو سعود: شقلت ..؟؟ بدر : سلامتك صار الي تامر به طال عمرك وفي بيت ابو سلطان الكل مجتمع بعد الغداء ابو سلطان وام سلطان ورغد وسلطان وعبد الله كان طالع معزوم على الغداء ابو سلطان: يوم الاربعاء كل اخواني بيجون عندنا ام سلطان: حياهم الله البيت بيتهم ابو سلطان: رغد ابوي عمك سالم بيجي يخطب رسمي وشقلتي رغد:استحت وهي تموت على بدر قالت الشور لك يبه سلطان: رغد هالموضوع ما فيه مستحى اذا موافقه قولي ابو سلطان: موافقه رغد من غير ما تقول بس الله يهديه بدر طالب يشوفها قبل ام سلطان ما عجبها الكلام: افا والله ليه بيشوفها وعقب يتركها خافت رغد معقوله يعملها بدر ويفضحها ويقولون شافها ولد عمها وتركها وقطع تفكيرها سلطان سلطان: حقه يمه ما نقدر نمنعه ام سلطان: وليه ما شفت اخته انت ما دامه حق سلطان: يمه الله يطول بعمرك انا ريوف اعرفها زين مايحتاج اشوفها سلطان كان جريء واذا اتصل يسلم عل بنات عمه وشاف ريوف بالصدفه اكثر من مره ابو سلطان: تجهزي يابوي يوم الاربعاء ولا نبي لبس هالايام فا% Quote Link to comment Share on other sites More sharing options...
عاشقة الوردي Posted مايو 11, 2005 Author Report Share Posted مايو 11, 2005 ابو سلطان: تجهزي يابوي يوم الاربعاء ولا نبي لبس هالايام فاهمتني ابوي رغد: ان شاء الله يبه وقام ابو سلطان يرتاح وراحت معه ام سلطان وظل سلطان ورغد بالصاله ورغد متعوده تسولف مع سلطان لانه طيب ويسمع لاخته حس سلطان ان رغد خافت من طلب بدر سلطان: رغوده لو لف الدنيا ما بيحصل مثلك صدقيني رغد بابتسامه باهته: عشاني اختك تقول كذا سلطان: لا لانك اجمل بنات العايله زين وعقل وعلم يحمد ربه.. ان الله رزقه برغوده تطمنت رغد من كلام اخوها.. وطلعت غرفتها وكل تفكيرها بيوم الاربعاء اليوم الي تشوف فيه حبيب عمرها بدر وبسرعه جاء يوم الاربعاء وفي بيت ابو سلطان الكل مشغول ومرتبك الدخون والقهوه والشاي والحلويات ورغد بحاله ثانيه لانها موبس خطبتها لا هي غير عن كل البنات العايله هي الوحيده الي طلب خطيبها يشوفها .. وفي بيت ابو سعود الكل كان جاهز وبدر ولاهامه ولا كأنه رايح يخطب لانه اعتبر زواجه واجب مجبر ينفذه ولا اعطى نفسه فرصه يحس بالفرحه او حتى الخوف.. وصل عمهم ابو خالد وراحوا كلهم لبيت ابو سلطان .. وبعد ما دخلوا الحريم والرجال راحوا للمجلس وقام سلطان واخوه بواجب ضيوفهم دخل سلطان واشر لبدر بعد ما طلب منه ابوه انه يطلع معه عشان يشوف اخته.. سلطان: تفضل بدر للمجلس الثاني ودقيقه تجي رغد بدر وتوه يحس بالارتباك والخجل من سلطان: آسف يا سلطان لكن انت انسان متعلم و..... سلطان قاطع بدر: يا خوي حقك ولا فيها شيء تفضل ارتاح ودخل بدر وطلع سلطان ونادى رغد الي كانت بتموت من الخوف ومعها البنات كانوا يحاولون يهدونها وصلت عن الباب وقالت لها ريم ريم: اقري المعوذات لا يعطيك عين اخوي هههههههههه رغد ماتدري تضحك على ريم والا تصيح من الخوف توكلت على الله ودخلت رغد: السلام عليكم لما سمع بدر صوتها رفع راسه ووقف: وعليكم السلام والرحمه جلست رغد مقابل بدر مثل ما قال لها سلطان لان سلطان يعرف اخته ما بترفع راسها بدر وبكل برود: كيفك رغد ..؟؟ رغد وبصوت واطي وهي بتموت من سمعت صوته: تمام بدر: يكلمها عشان ترفع راسها لكن ما فيه امل .. بخاطره والله مشكله سلطان: رغوده ارفعي راسك خلي الرجال يشوفك هههههه بدر وبعين قويه ولا حتى ابتسامه: كيف الدراسه رغد؟؟ رغد وبتموت من الحياء: ماشي الحال ورفعت راسها ثانيه بعدين قامت واستأذنت وطلعت واوا ما طلعت لقت البنات مجتمعين عند الباب وارتمت بحضن ريوف وبدت اتصيح ريوف وهي تضحك: رغد منتي صاحيه اجل يوم زواجك بتموتين ههههههه وكل البنات يضحكون عليها وطلعت غرفتها هي وريوف بس بغرفة رغد كانت بتطير من الفرح شافت بدر اخيرا ثلاث سنوات ما تشوفه ويرجع باجازه اسبوع ولا تشوفه اخيرا اخيرا ريوف وحاسه بفرح رغد وقلبها يتقطع عليها : رغوده ها شرايك بأخوي ..؟؟ رغد ساكته ومبتسمه:بدنيا ثانيه ما فيه غير بدر والكلمات القليله الي قالها والنظرات الجامده الي ناظرها فيها ريوف بابتسامه: تخبين عني اصلا عيونك فاضحتك مهما حاولتي رغد وكأنها صحت من حلم:انتي الوحيده الي تعرفي اني اموت فيه وتساليني وشرايي فيه انا اليوم اسعد انسانه بالدنيا اليوم يا ريوف ابدأ ابني حامي طول هالسنوات بالواقع يالله يا ريوف تتذكرين لما اقولك بعمل اذا تزوجت وبعمل وبحول حياة بدر لجنه اليوم انا حسيت بالسعاده وصدقيني كل الحب الي بداخلي بهديه لبدر .. الانسان الي حبيته وحلمت فيه ريوف: الله الله وين بدر يسمع ريوف: وبخاطرها تقول لو تدرين انه رافض الله يعينك يا رغد على اخوي وتمت ريوف ورغد بالغرفة تحكي لها عن فرحتها وريوف تتالم على حال بنت عمها وبمكان ثاني من البيت الكل يهني بدر وهو وكأنهم يهنونه على اي شيء تافه ما يعني له سعود والابتسامه على وحهه: ها يالمعرس تغير رايك بعد ما شفتها ..؟ رغم ان رغد كانت اجمل بمليون مره مما تصورها بدر لكنه ماا اعترف بالهشيء وقال بدر وكل البرود على وجهه مستحيل تقدر تحدد موقفه من تعابير وجهه: حبيت اسوي شيء يبين اني ساهمت بااختياري والا شفتها او لا ما تفرق عندي سعود بكل خيبت امل: اقول مالت عليك يل شيخ والله انا فرحان اكثر منك ابتسم مره وحده الواحد يعرس بدر: بس الشرع حلل له اربع !!! سعود وعيونه تتلفت خاف احد سمعه: عنبوك توك مااعرست اسكت لا يسمعك عمي والله يطردك بدر: يا شيخ روح انت ربي راحمني لانه حلل اربع على الاقل يختار الواحد له زوجه منهم سعود:: من جدك تحكي بدر.. بدر: بنت عمك حقوقها كا مله بتاخذه وبتعيش مكرمه في بيتي سعود: بيتها.. بدر: طيب في بيتها المهم فكونا يالله نمشي مليت من كثر ما يباركون لي سعود: اقول مالت عليك يا شيخ ماانت كفوا احد يعبرك خلني اروح لخالد ابرك.. وقتم عنه رجع الكل بعد ما تقرر ان الملكه تكون بعد ما تنتهي رغد من اختباراتها بعد شهرين ويكون بدر جهز البيت وبعد الملكه بثلاث اسابيع يكون الزواج وبكذا يكون بدر ما يقدر يشوف رغد ولا يكلمها الا بعد الاختبارات يعني بعد الملكه يتبع............... انتظرو الجزء الثالث لانه احداثهااااااااااااا كثيره واتمنى اني اشوف ردودكم Quote Link to comment Share on other sites More sharing options...
ELMOOS Posted مايو 11, 2005 Report Share Posted مايو 11, 2005 thanxxxxxxxxxxxxxxxxxxxxxxxxxxxxxx Quote Link to comment Share on other sites More sharing options...
عاشق المكسيما 98 Posted مايو 11, 2005 Report Share Posted مايو 11, 2005 مشكووووووووره اختي ع هي القصه يسلمووووووووووووووووو Quote Link to comment Share on other sites More sharing options...
عاشقة الوردي Posted مايو 11, 2005 Author Report Share Posted مايو 11, 2005 (edited) تبونيييييييي اكملها يعني لو لا ؟؟؟؟ ومشكورين حبايبي على الردود Edited مايو 11, 2005 by عاشقة الوردي Quote Link to comment Share on other sites More sharing options...
عاشقة الوردي Posted مايو 12, 2005 Author Report Share Posted مايو 12, 2005 ويششششش محد رد يعني ما اكملها ؟ Quote Link to comment Share on other sites More sharing options...
وردة الرمان Posted مايو 12, 2005 Report Share Posted مايو 12, 2005 يسلمووووو اختي على هالقصة الحلوة ياريت اتكملين القصة لانه مشوقه Quote Link to comment Share on other sites More sharing options...
وردة الرمان Posted مايو 13, 2005 Report Share Posted مايو 13, 2005 كملي القصة Quote Link to comment Share on other sites More sharing options...
تعبان نفسيا Posted مايو 13, 2005 Report Share Posted مايو 13, 2005 مشكورة اختي على هالقصة الحلوة تحياااتى لج وانتظر التكملة؟ Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.