عاشقة اسمراني Posted مايو 20, 2005 Report Share Posted مايو 20, 2005 شسالفه ؟ شصاير احد يفهمنا ويقول لنا شسالفة ؟ Link to comment Share on other sites More sharing options...
محرقاويه عسل Posted مايو 20, 2005 Report Share Posted مايو 20, 2005 السلام عليكم و رحمة الله و بركاته انه عن نفسي اقول بالاعتذار بالنيابة عن الاعضاء كلهم و مثل ما قال اخوي علي شرفي و اعتذر انه بعد اعتذر و بصراحة حبينا نطلع و نكون شايلين في قلبنا كل الخير للجميع و اذا تلاحظون موضوع الانسحاب فالنهاية كاتبين و مرة ثانية اعتذر بالنيابة عن الاعضاء و مسحوها فيننا و متأسفين و شكرا حبيبتي والله انتي ،، من يقدر يزعل عليج وانتي ما تتحملين ذنب احد اعتذارج مقبول يالغاليه و الله يوفقج ان شاء الله وانتي بريئه من هالاساليب ،، وانا اضم صوتي حق قلبي واقول شكرا محرقية نتفة Link to comment Share on other sites More sharing options...
عادل محسن Posted مايو 20, 2005 Report Share Posted مايو 20, 2005 مزيون و اللي يخلي لك غاليك احذف الموضوع ،، عشان ما تزيد المشاكل خلاص اللي صار صار وما نبي الكلام يزيد و الناس تاخذ وتعطي واللي يسلمك احذف الموضوع مو موضوعي على شان احذفه ولا لي حق احذف الموضوع شوفي المدراء ردو عليه وانا احذفه تبيني انحذف ما يصير يا جماعه هاي المواضيع تفرق بين الاعضاء يا ريت تنحذف مزيون سولي واسطه اختي خلي الكل يعرف ويفهم مايصير انتي ماتدرين شلون يصيدني قهر ان شكل الادارة ظالمة عند الاعضاء Link to comment Share on other sites More sharing options...
m7aReGia NiTFa Posted مايو 20, 2005 Report Share Posted مايو 20, 2005 اقدر اعتذار للمرة الثانية باسم جمعية البحرين الشبابية اقدر اعتذاري لمنتديات البحرين اليوم و اعذرونا و ارجوا من كل اللي بيدش عقبي يعني بيكون رجاء منني لحد يرد بردود غلط لو سمحتوا اعتذر مرة ثانية لكل اعضاء منتدى البحرين اليوم و المدراء و المشرفين و الفنانين و المراقبين و الشعراء و ضيوف الشرف و سامحوننا Link to comment Share on other sites More sharing options...
Politskof Posted مايو 20, 2005 Report Share Posted مايو 20, 2005 مزيون و اللي يخلي لك غاليك احذف الموضوع ،، عشان ما تزيد المشاكل خلاص اللي صار صار وما نبي الكلام يزيد و الناس تاخذ وتعطي واللي يسلمك احذف الموضوع ليست من سياستنا تكميم الافواه و العمل في الظلام و حياكة المؤامرات و بالعامية ما عندنا شي نخشه أعضائنا مكرمين و لهم الحق يجوفون كل شي جدامهم. الموضوع راح يبقى مفتوح الى ان يستوفي حقه بالكامل و كل واحد يعرف نتيجة عمله، مع انه من المحزن ان نقابل بهذه المعاملة يشهد الله تعبنا الله العالم شكثر هالمنتدى يستهلك وقت و أعصاب و مراقبة و أمور تقنية العارفين باحوال المواقع يعرفون شنو قاعدين نقول لكن انا شخصا و متأكد ان كل الادارة نفس الشي كل تعبنا ينجلي لما نشوف ابتسامة ترتسم على وجه اي عضو عندنا و نحزن كل الحزن لمصاب اي عضو معنا، عمرنا ما تعاملنا لاهداف شخصية ولا شهرة ولا اسم ولا اي شي من هذا القبيل عملنا بسكون تام لهدف الكل يراه أمامه، انشاء عائلة واحدة مترابطه متكاملة بدون اوهام بدون شعارات و بدون آمال كذابة، هدفنا شفاف للجميع لم نجري خلف دعم و لم نطلب أي شي من اي جهة، مجموعة صغيرة نتعب و نشتغل و نحزن و نفرح مافينا أي صفة كمالية أبدا و عمرنا ما طالبنا باي شي في المقابل، اكتفينا بعائلتنا اللي هم كل أعضاء المنتدى و هم كل ما نرتجي. مدينا يدنا للكل حاولنا نركب الكل لهاي السفينه حبينا الكل تغاضينا عن كل شي. آباء و امهات يتركون عيالهم أمانه عندنا في المنتدى متطمنين انه عيالهم في مكان زين، يمعة خير يعرفون انه يلاقون أخ او اخت اصغر او اكبر ينصحونهم يتبادلون وياهم التجارب، مدرسات و مدرسين مدراء و مشرفين يدشون المنتدى يجوفون اشلون هالمجتمع الصغير عايش، يجوفون اشلون نحب بعضنا. و لما نوصل بعد كل هذا انه نطعن بهذا الشكل في القلب ننكس اعلام الحزن على فؤاد يدمي و دموع تغرق الاعين ترى والله العظيم احنا اللي في قمة الادارة هني بشر و المنتدى فيه ما يقارب 28 الف عضو الله يزيدهم. اليوم بعد الموضوع اتصلت في فهد جلسنا ساعة على التلفون و اثنينا ساكتين كأنا نقول حق بعض احنا صج نستاهل جذي يا فهد احنا صج يزاتنا التعامل بهذا الشكل مع ناس احتويناهم في قلوبنا قبل المنتدى و سخرنا كل الامكانيات امامهم. اعذروني يمكن اول مرة افتح قلبي جدامكم، يمكن الشخص الغامض بالنسبة للكثير، البعض اعتقد اني كومبيوتر اللي يعرفني على الماسنجر يجوفني 24 ساعة ينام يطلع ياكل يدرس يشتغل يرجع و انا موجود تلفوني في اي وقت موفر للاتصال من قبل الادارة العليا لاي مشكلة تصير. كل الناس في العيد تعيد و تطلع انا اقعد هني ويا عائلتي اللي هم انتو اقول يمكن اطلع وواحد منكم يبي يدش و عنده مشكلة و ينكسر خاطره بالعيد. المنتدى لما يوقف لحظات فهد العبرة تخنقه مع انه ما يظهرها لكن احسه من يكلمني يقول لي ولدي اشفيه يقول لي الكهربه ليش منطفية على عيالي يقول لي رجعه بسرعه ترى دقات قلبي توقف ويا وقفة المنتدى. يسافر اذا ما يلقى النت يتصل فيني يتطمن على كل شي و يحاتي كل شي. بو عبدالله جنه نحلة يمشي و يقطر عسل لكن هالعسل ياخذ منه جسمه و تفكيره. البحريني في المستشفى كان مرقد ما كان يقول " دكتور شنو فيني " كان يقول فهد شخبار المنتدى المزيون يا لاحق على تغطية يا سبق صحفي يا مقابلة تارك كل احلامه كشاب وراه في مقتبل عمره نوره نص مخها في دراستها و قدهم في المنتدى كلهم ما ابي اترك احد ما ابي اعدد اسامي لاني ممكن اوصل لاسامي لمن اذكر مصابهم حتى انتو ما تستحملون. ما عندي اكثر من هذا الله الشاهد على كل شي و سيعلم الذين ظلموا اي منقلب ينقلبون Link to comment Share on other sites More sharing options...
بحريني موسهل Posted مايو 20, 2005 Report Share Posted مايو 20, 2005 (edited) تاكد اخوي فهد انه الكل وياك ومحد راح يرضى على منتدانه الغالي وجمعية الشباب سواء تمت او راحت ما راح يأثر اي شي في المنتدى والصراحة ما توقعت من جمعية الشباب هالكلام اللي بدر منهم واحنه نرفض اي كلام يمس في الاعضاء او الادارة ووين شعاراتكم يا جمعية الشباب، كله طلع كلام فاضي، وحضوركم يشبه غايبكم وعلى فكرة انتو اللي استفدتو من المنتدى مو احنا انتو اللي سحبتو اعضائنا مو احنا وحبيت اهنيكم على الموقع اليديد اللي راح تفتحونه وانا متأكد انه ماراح يكون مثل مستوى منتدانه الغالي بحرين تودي واقولك مرة ثانية ياخوي الغالي فهد مندي انه حبنه واخلاصنه للمنتدى وما راح يتغير اي شي، وحبيت اقول حق جمعية الشباب، خيرا تفعل شرا تلقى واشكركم على هالموضوع، لكن تاكدو احنا ما خسرنا ولا شي، انتو اللي خسرتو وعاش منتدى بحرين تودي وعاش فهد مندي وعاشو الاعضاء ويسقط كل من يريد تشويه منتدانه الغالي اخوكم بحريني موسهل Edited مايو 20, 2005 by بحريني موسهل Link to comment Share on other sites More sharing options...
botartar1 Posted مايو 20, 2005 Report Share Posted مايو 20, 2005 تاكد اخوي فهد انه الكل وياك ومحد راح يرضى على منتدانه الغالي وجمعية الشباب سواء تمت او راحت ما راح يأثر اي شي في المنتدى والصراحة ما توقعت من جمعية الشباب هالكلام اللي بدر منهم واحنه نرفض اي كلام يمس في الاعضاء او الادارة ووين شعاراتكم يا جمعية الشباب، كله طلع كلام فاضي، وحضوركم يشبه غايبكم وعلى فكرة انتو اللي استفدتو من المنتدى مو احنا انتو اللي سحبتو اعضائنا مو احنا وحبيت اهنيكم على الموقع اليديد اللي راح تفتحونه وانا متأكد انه ماراح يكون مثل مستوى منتدانه الغالي بحرين تودي واقولك مرة ثانية ياخوي الغالي فهد مندي انه حبنه واخلاصنه للمنتدى وما راح يتغير اي شي، وحبيت اقول حق جمعية الشباب، خيرا تفعل شرا تلقى واشكركم على هالموضوع، لكن تاكدو احنا ما خسرنا ولا شي، انتو اللي خسرتو وعاش منتدى بحرين تودي وعاش فهد مندي وعاشو الاعضاء ويسقط كل من يريد تشويه منتدانه الغالي اخوكم بحريني موسهل صج لسانك خووي المنتدى ما راح يتضرر... بالعكس المنتدى كان لكم نقطة بداية في مشواركم.. وانا ما عرفت عن الجمعية إلا من المنتدى ولا كنت ادري عنها حتى عاش فهد مندي عاش بحرين تودي Link to comment Share on other sites More sharing options...
دمــوع النسيان Posted مايو 20, 2005 Report Share Posted مايو 20, 2005 يالله خلاص يا جماعه علي شرفي قد الاعتذار باسم كل اعظاء الجمعة والمشكلة بينة وبين فهد خاص انشاء الله خير اووووووووووس ولا كلمة Link to comment Share on other sites More sharing options...
علي شرفي Posted مايو 20, 2005 Report Share Posted مايو 20, 2005 الى جميع مدراء ومشرفين والاعضاء تحية طيبه وبعد ،،، بدون علمي تصرف الاخ فراس ونزل موضوع غير لائق تجاه منتداكم اكرر مره اخرى اعتذاري نيابتاً عن الاخ فراس يا جماعة فراس كان عنده حاله وفاه وتسرع في الرد ارجوا ان تقدروا الظروف وانا عن نفسي اعتذر واكرر اعتذاري حصل خير يا اخواني كل شي بيتصلح اوعدكم اخوكم:- علي شرفي رئيس جمعية جم********* Link to comment Share on other sites More sharing options...
botartar1 Posted مايو 20, 2005 Report Share Posted مايو 20, 2005 اقدر اعتذار للمرة الثانية باسم جمعية البحرين الشبابية اقدر اعتذاري لمنتديات البحرين اليوم و اعذرونا و ارجوا من كل اللي بيدش عقبي يعني بيكون رجاء منني لحد يرد بردود غلط لو سمحتوا اعتذر مرة ثانية لكل اعضاء منتدى البحرين اليوم و المدراء و المشرفين و الفنانين و المراقبين و الشعراء و ضيوف الشرف و سامحوننا اعتذارج على راسنا من فوق بس ما نسمح ان تنمسح كرامة بحرين تودي في الأرض ونسكت لااااا يمكن Link to comment Share on other sites More sharing options...
Recommended Posts