غـــــــرام الــــــبحرين Posted أغسطس 30, 2005 Report Share Posted أغسطس 30, 2005 وين التكمله حبيبتي؟؟؟ Quote Link to comment Share on other sites More sharing options...
الدمعة الجريحة Posted أغسطس 30, 2005 Report Share Posted أغسطس 30, 2005 ???? Quote Link to comment Share on other sites More sharing options...
شـــ الهبله ـــوق Posted أغسطس 30, 2005 Report Share Posted أغسطس 30, 2005 وين التكمله حبيبتي؟؟؟ Quote Link to comment Share on other sites More sharing options...
دلوعة هروبي Posted أغسطس 30, 2005 Report Share Posted أغسطس 30, 2005 ابغي التكملة يا الغالية Quote Link to comment Share on other sites More sharing options...
افا ياقلب تخدعني Posted أغسطس 31, 2005 Report Share Posted أغسطس 31, 2005 التكملة اختي بسرعة Quote Link to comment Share on other sites More sharing options...
بحرينيه^مزيونة Posted أغسطس 31, 2005 Report Share Posted أغسطس 31, 2005 ؟؟؟؟؟ Quote Link to comment Share on other sites More sharing options...
زهرة المستقبل Posted أغسطس 31, 2005 Report Share Posted أغسطس 31, 2005 ويييييييين التكملة .. بلييييز كمليها بسرعة حطي لنا الباقي كله ؟؟؟ Quote Link to comment Share on other sites More sharing options...
VIN DIESEL2 Posted أغسطس 31, 2005 Report Share Posted أغسطس 31, 2005 شكرا اختي على القصه الحلووو Quote Link to comment Share on other sites More sharing options...
khalijia Posted أغسطس 31, 2005 Report Share Posted أغسطس 31, 2005 mshkoora bs plzzzzzzzzzzzzzzz yalla 3ad wain iltkmila?!?!?!?!??!?!?!?!?! Quote Link to comment Share on other sites More sharing options...
زهره العجم Posted سبتمبر 1, 2005 Author Report Share Posted سبتمبر 1, 2005 اشكركم كلكم و سامحوني بليييز سامحوني على التأخير أسماء : الله يطول في عمرج أمايه .. أم مهند : وإنتي تعرفين إنه نحن رامسين ويا خالتج وريلها ومتفقين ..على كل شيء وكنا نتريا ردت مهند وألحين مهند موجود .. أسماء : شو قصدج أمايه مهند : بدون مقدمات الملجة الأسبوع الياي أسماء بصدمة وكأنه حد صفعها طراق : شوووووووووووووووووووووووو أم مهند : لا تقولين إنج مب موافقة يا بنتي حرام عليج الريال يبى يستقر من متى وهو يتريا أسماء : بس مب بهذي السرعة مهند بجدية : يا أسماء نحن ألحين نشاورج وعبيد قال ملجة وعقب بيعطيج فرصة تخلصين شغلج وما أظن تحتاجين أكثر من شهرين بعد الملجة .. احيدج مزهبه شوي يوم قررنا المرة اللي طافت .. أسماء : بس أنا ما تهيات نفسيا أم مهند : يا أمايه خالتج زعلانة عبيد من متى وهو يباج وألحين يوم يا الوقت إنتي ترفضين مهند : وبعدين إنتوا تفاهموا على العرس تعرسون تتاخرون إنتي عقب بتغيرين رايه يالله يا أسماء صدق عبيد وايد مصر هذي المرة وهو دوم يتكلم في الموضوع بس امايه ما تقولج عشان ما تشغل بالج هذي السالفة .. أسماء : بصراحة .. أم مهند : يالله فرحي قلبي وقولي .. أسماء وهي منزلة راسها : اللي تشوفونه سوه .. أم مهند بفرح : مبروووووك والله خالتج بتطير فيج من الفرح .. مهند بإبتسام وأسلوب تغليس : مبروك مبروك ولو سمحتي عرسي قبلي عشان أرتاح أنا واشهد في بيتنا بغير الطابق اللبي فوق بسويه جناح لشهد هذا اللي أنا مفكر فيه أسماء : لا والله مالي خص امايه شوفيه حرام حجرتي .. أم مهند : تشوفين غرفة المكتب مال أبوج الله يرحمه واللي يستخدمها مهند ألحين بنبدلها وبنعدلها إذا يتي إنتي تباتين فيها وبنسوي الطابق اللي فوق جناح حق مرت أخوج عشان تاخذ راحتها لها الحق تعيش في بيت بروحها أسماء مبوزة : اجتمعتوا علي كلكم يعني خلاص سووا اللي تبونه بس تراني مب طالعة من حجرتي لين ما يتحدد موعد العرس عدل على كيفك بس لا تقرب صوب حجرتي لين ما اطلع منها مهند : لا أنا أفكر أسويها مكتب أسماء : خلاص زين يعني ما بتحتاج تغيرها من ألحين .. أوكي بس ما قلتولي ملجة بس بدون حفله أم مهند : لا يا بنتي يكفي الملجة ومرة وحدة يوم العرس سوي حفله حق شو تخسرين الريال مب لازم يا بنتي ليش التبذير والإسراف .. أسماء : خلاص امايه على راحتكم .. بتردون على عبيد اليوم .. مهند : إنتي صليتي استخاره تبيني أرد عليه ألحين أسماء : لالا أنا بصراحة كل فترة أصلي استخارة .. وأسأل ربي يوفقني وبرد أصلي اليوم وباجر بقولك إذا تقوله ولالا .. مهند : على خير أنا بقوم ألحين .. بريح ولا تنسون باجر عزيمة غدا بيت عمي .. أم مهند : على خير إن شاء الله أسماء : ليش ؟؟ مهند : ردة حمدان وملجته .. أسماء : ما شاء الله بهذي السرعة .. مهند : خلي أمايه تقولج السالفة تعبان بقوم أرقد .. أسماء : خلاص خذ راحتك .. قام مهند .. وسار صوب غرفته .. عشان يريح .. ** أبو محمد وأم محمد كانوا في حجرتهم ووياهم نورة .. نورة : هلا أبويه ميرة قالت إنك تباني أبومحمد : هي يا بنتي ليش شو تسون نورة : ماشيء نشوف شو اللي ناقص حق باجر ونزهب كذا شيء في المطبخ أبو محمد : لا ماله داعي تزهبين شيء إنتي ريحي وقومي طلعي مع ميرة شوي روحي تحني نورة بتعجب : أتحنى لين أبويه أم محمد : يا بنتي خير البر عاجله وحمدان شاف الضيم برع ويبى يرتاح وأبوج اليوم جدمه وقاله باجر الصبح إن شاء الله تسيرون تملجون دام إنتوا مجهزين كل شيء ماله داعي التفكير وبعدين عشان مرت عمج الفقيرة تستانس .. وأغراضج كلها زاهبة ومب ناقصج شيء اتفقي إنتي وحمدان متى العرس نورة : عـــــــرس بعد !! أبو محمد : يابنتي لو ماصار اللي صار كنتي ألحين مرت حمدان .. وربج هو اللي ييسر كل شيء توكلي على الله يا نورة وأنا لو شكيت للحظة إنج ما بتوافقين ما كنت قلت لحمدان شيء .. فيابنتي قومي وسوي اللي قلتلج عليه إنتوا مب صغار ألحين عشان تقولين بفكر ولا شيء .. وإنتي من قبل متوقعة إنه بعد ردة حمدان بتصيرين مرته يالله يالغالية افرحي مثل كل عروس وخلينا نفرح .. نورة كانت منصدمة .. مب عارفة شو تقول .. ليش الحين مب قادرة تستوعب طول عمرها تتهيأ لهذا اليوم خايفة يصير شيء مثل كل مرة .. لكن أملها بربها كبير .. وهي قوية هالمرة رفعت عيونها اللي كانت مليانة دموع وحبت أبوها على رأسه ولوت على أمها اللي صاحت وياها .. نورة : اللي تشوفونه يا أبوي أنا موافقة عليه ومثل ما قلت أنا جاهزة وما عندي مانع بس عندي شرط ياأبوي .. أبو محمد : قولي يا بنتي نورة : أنا ما أبى عرس وصالة وزفة وهذا كله أم محمد بتعجب : أفا ليش يا بنتي نورة : لا أمايه ما أبا أنا راضية بحفلة بسيطة أو خيمة عند بيتنا وبدون دق وأغاني وإسراف نحن مب ناقصين إثم وذنوب .. زفة بسيطة جدا واعزمي اللي تبينه لكن بدون إسراف ماله داعي أنا وايد بالغت في زهبتي وندمت وايد ليش المخاسير اللي عقب تطلع على راسي انا وريلي .. بومحمد بفخر : هذي بنتي اللي أفتخر بها خلاص إنتي اقنعي حمدان لأنه أنا ما عندي مانع .. يالله يابنتي روحي وخلصي شغلج .. باجر إنتي عروس .. نورة : إن شاء الله .. وقامت طلعت من حجرة أبوها وأمها .. وهي تحمل شعور رائع .. شعور الحلم البريء اللي اليوم يتحقق أو يتحقق بعد ساعات بسيطة .. بترد نورة حرم حمدان حميد .. =========== بالباجر الفجر .. كانت واعية بعد ما صلت الفجر .. وتكتب ورقة ولما خلصت حطتها في الظرف اللي كانت شارتنه .. واتصلت بجاسم .. غدير : ألو السلام عليكم جاسم : هلا وعليكم السلام ورحمة الله وبركاته .. غدير : طلعتوا ..؟؟ جاسم : تتوقعين امايه ترضى نروح من غير ما تمرج أو تمر فواغي لازم بتي .. غدير : باقي وايد .. جاسم : لا خلاص أنا تحركت ياي صوبج وحتى ناصر بس أبويه يسلم على عمي وبيلحقنا .. غدير : جاسم بعطيك الرسالة اللي قلتلك عنها توصلها لفاطمة .. لا تنسى جاسم : من عيوني الغالية لا توصين حريص غدير : والدمعة معلقة في عيونها : تسلم يا اخوي تسلم .. جاسم جاسم : عيونه .. غدير : خلاص بتروحون بتخلوني هني جاسم : غدير لو تغيرين رايج ألحين أنا بقنع الكل تردين ويانا ماله داعي ونايف بيتقبل الموضوع .. غدير : لالا خلاص مستحيل أغير رايي مب عشان نايف لا عشان فواغي عشان ولد خالد اللي بيشوف النور على خير .. جاسم : على خير وأنا ما بقطعج بييج بين فترة وفترة غدير : ما تقصر يالغالي .. جاسم : غدير عمي امس كلم أبويه ترى وبني زيارة بعد فترة مب أكثر عن خمس شهور عشان نايف يملج عليج ..أبويه قالي الجرح ما بيبرى وماله داعي حفلة وعرس بس ملجة وعزيمة عشى وخلاص غدير بحزن : بس يا جاسم فواغي ما بتطلع من العدة لين ما تربي كيف تباني أعرس ومرت أخويه في عدتها .. جاسم : غدير إنتي تعرفين إنه يلستج في بيت فواغي بدون محرم ما تصير .. فعشان خاطر فواغي قال أبويه خلاص مب اكثر من خمس شهور وعمي وافقه والفرح أحسن من الحزن .. على طول تملجون وتعرسون في نفس الوقت .. غدير : بس يا جاسم أنا ما أعرف نايف وماقد شفته إلا بالصدف ما عرف عنه شيء لازم على الأقل أعرفه وأعرف طباعه .. جاسم : تعرفين إنه عندهم غير من عندنا لازم ملجة وعرس في نفس الوقت .. أسألي فواغي وخليها تكلمج عن نايف ونايف ريال وبيعجبج .. غدير : جاسم مب وقته الكلام في العرس ألحين أخوي بعده حزنه في قلبي ما بيموت وألم فراقه ألم مستحيل أنساه .. ومستحيل يكون بعد ألمي فرح .. وأنا في هذي الفترة بحاول اغير راي عمي على الأقل تتريون فواغي تخلص العدة بعدين يصير خير .. جاسم : والله ما ادري شو أقولج .. المهم أنا عند الباب يالله اطلعي .. غدير : إن شاء الله .. غدير كانت تظن إنه فواغي راقدة .. لكن فواغي صدت وابتسمت لغدير وقالت : غدير يالغالية كلام عمي وابوي صحيح أجل تبين تمين هنه بأي صفة ونايف طيب وبيعوضج عن حفلة العرس اللي ما بتسوينها وخليني اطلع من العدة وأنا وخالد بنسويلج أحلى حفلة عرس (ودمعت عيونها ورفعت صورة خالد اللي كانت ضامتنها لصدرها) صح يا خالد قول لغدير وافقي على راي عمي وأبوي إنته بتفرح صح ؟؟ ونايف ريال وبيحط غدير في عيونه .. غدير ما قدرت تمسك نفسها كيف تتكلم وتخلي فواغي تسمعها دمعت عيونها .. وقامت .. تروح تشوف أخوها وتخلي فواغي بروحها مع خالد .. كان موقف الوادع صعب .. صعب وايد .. غدير حست بروحها تطلع وهي تودع امها وأبوها وأخوانها .. أهلها .. أمها تمت توصيها على نفسها وعلى مرت أخوها وأبوها نفس الشيء وناصر قالها بيحاول يسويلها أوراقها عشان تدرس في جامعة خاصة طبعا لأنها تعتبر وافدة من دول الخليج .. وانتهى موقف الوادع اللي ما يوصفه أي كاتب أو شاعر موقف وداع روح من جسدها .. وداع بعده لقاء طيب .. ألم بعده سعادة .. ولقاء طيب وروح سامية تحلم بحياة جديدة حياة فيها سعادة بعد كل الآلام .. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.