~x وصية الغرور x~ Posted سبتمبر 29, 2005 Author Report Share Posted سبتمبر 29, 2005 [align=center]راشد مو عارف شيسوي محتار هل يتصل بها الحين ولا لاا بس قرر انه يخليها ترتاح وتنام وبكرة بيتصل لها.. ** **** ******* ***** ****** **** *** وفاء منسدحه على سريرها وليلى منسدحه على سريرها بعد مابدلوا ملابسهم.. ليلى: يله وفاؤووة علميني بكل شي.. وفاء: هههه مو عارفة من وين ابتدي والله لو قلت لك بتنصدمين الا ماراح تصدقين.. ليلى : بسررعه حمستيني قولي.. وفاء: شفتي اخوهم اللي التقيتي فيه.. ليلى: ايه شفيه؟ وفاء: تذكرين اللي قلت لك عنه اللي بغينا نسوي معاه حادث.. ليلى باستغراب: اييه شدخلة..؟؟ وفاء بابتسامه: الظاهر ان اللي انا شفته واللي انت شفتيه طلعوا اخوان.. ليلى مافهمت: كيف ... اييييييييه قصد ان؟؟ وفاء وهي تضحك : اييه هو.. ليلى:ههههههههههه حلفي؟؟ وفاء: والله هو نفسة رااشد.. ليلى: سبحان الله موجد الصدف.. وفاء: اكبر صدف وصدمات صارت لي اليوم العايلة اللي تهاوشت معاهم كلهم طلعوا عيلتي الجديدة.. ليلى:هههههههههههههه بس تدرين شوو انا متأكدة انك مستانسة اذكرك يوم قلتي لنا حلمك كنتي متشوقه ويوم قالت لك احلام لايكون حبيتيه نفيتي هالشي وانت تتمنين..ولما شفتيه بالمجمع كنتي وايد فرحانه.. وفاء: بلا هبال ليلوة انا لا حبيته ولا شي بس صاير الموضوع اثاره ليلى: ايييه شو هالصدفه يطلعون اخوان؟؟ وفاء: حلاتها ياخذك والله ونصير قراب من بعض.. ليلى: اليوم شفته بس مدري شفيه كأنه عصب وراح.. وفاء: كيف؟ ليلى: قال لي انادي الأهل بس وقلت له حاضر اي خدمه ثانيه مارد علي وراح ولا شو يبيني اطق معاه سالفه ماقدر.. وفاء:هههههههههههه شكله يحبك ليلوة.. ليلى:هههههههه بلا سبوليه وبعدين انا اللي بياخذني لي شرط عليه ان نعيش بالسعودية طوول ماابوي عاايش لأنه وبحزن: من بعد امي بصير لحاله.. كلمته اليوم ياوفاء وقال لي انه الأامل خلاااص فقده وان لامحاله الأطباء يقولون ان امي ماراح تعيش اكثر من شهر.. ودمعت عيونها هي ووفاء بس سرعان ماتذكروا كلام يدتهم يوم قالت لهم لاتصيحون ابد بس اقروا قرآن وادعوا لي بالرحمه وعرفوا اني برتاح .. وفاء تبي تغير الموضوع عشان ينسون الحزن: بس تدرين انا في الحلم شي مافهمته .. ليلى: وش هو؟ وفاء:لما راشد راح لعبير وصدت عنه وراحت لناصر وبعديت جا لي وش معناته وشدخل عبير؟؟ ليلى: ايه صج .. شرايك تقولين لعبير اكيد بتتفاجئ مثلي وتسألينها عن الحلم يمكن تقدر تفسرة.. وفاء: صح فكرة ولو ماقلت لها بتزعل.. واتصلت لها على جوالها حطته سبيكر عشان ليلى وقالت لها وهي مستغربة وتشهق وهم يضحكون عليها .. بعدين قالت لها عن اللي مو فاهمته بالحلم .. قالت عبير بتردد: امم اقول لك شي بس ماتخلينه يأثر على علاقتك معاه بأي شكل من الأشكال.. وفاء بخوف: شنو؟ عبير: شفتي اللي قلت لك عليه انه خطبني وانا رفضته عشان ناصر.. وفاء: هو راشد؟ عبير: ايوه..امي تقول بعد خطبك ورفضتي بيخطب غيرك لأنه يبي يتزوج.. وفاء: ايه صج عادي مثل مايقولون الحياة قسمه ونصيب.. وسولفوا شوي وسكروا وكل وحده راحت تناام.. وفاء كانت تفكر باللي يصير معاها ويا راشد ويا خواته ومستغربة هالصدف.. بس تحس بالراحه هي بكل حقيقة معجبة براشد هو صج حلو ووسيم وجميل وشكلة محبوب بس لو ماهالغرور اللي فيه ..!! **** ***** **** ***** ***** **** **** حسين .. مسكين ماكان في حاله الطبيعي كان..متضايق واايد وخاايف ان حالته اللي يعاني منها تجيه اليوم.. بسبب ضيقته.. كان يبي ينفس عن الغضب اللي فيه أي شي مسك التحفة اللي على الكومدينه وفلتها على الارض بكل قوة وانكسرت نتفة نتفة .. كان يحس بألأألم يحس انه مجرد تفكيرة بهالأانسانه خيانه لأخوه.. لأنه ماعاد له اي امل معاها.. لما شافها ببيتهم ماجا على باله انها ممكن تكون البنت اللي خطبها راشد لو ماقالت بكل سهولة راشد توه طالع من المجلس وبعد انها كانت تبي تدخل بسرعه وحتى مابتسمت له هذا دليل انها خلاص تقريبا تعلقت باخوه وهو يعرف شكثر البنات يعجبون فيه.. ويحبونه بسهولة.. رغم انه ماكان اقل من اخوه بس خلاص وش له بهالشي دام اهم وحده راحت لأخوه.. راح طلع اوراقها وهو يحس بانه خسر شي كان يتمناه دون مايفهم هالشي الا اليوم..يوم فهم انه خسرة خلاص.. مسك قلم وكتب على ورقة من الفاضيين اللي بملفها وكتب.. وكتب يعبر عن الامه يومم كان برا البلاد: وصفوها عبُورا عنها بتفاصيل ممله اسهبوا في شرحها اتقنوا رسمها شبهوها بليلة ظلماء لا فيها نجوم لا كواكب لاقمر كل مافيها مخيف ومع هذا ابينا ان نصدقهم وقلنا سنجرب وذهبنا..فرأينا.. كوردة ليس فيها اي لون او عبير كعود ليس فيه اي معنى للحياة كشلال بهي دون ماء كفتاة كل مافيها مثير كل مافيها يعبر عن جمال لكن دون روح انها الغربه اي شيء سيضيفون الى قاموسهاا غير قول السابقين انما الغربة كربه ودخل الورقة بالملف ورجعه مكانه وقرر ينام لأنه تعب من التفكيير!! * * ************ ***** ***** *** ****** يوم الجمعه الصباح الساعه 4ونص.. القوم اللي بمكة قعدوا من نومهم كلهم وتجهزوا وتلبسوا عشان بيروحون الحرم يصلون هناك ويدعون ويأدون مناسك العمرة ويرجعون..لأنهم يبون يسولفون مع بعض بعدها ويتعرفون على بعض.. مناهل: يله جنان بسررعه خلنا نروح عشان نخلص ابي اسوولف معاك واايد .. جنان ضحكت:هههه وانا بعد والله.. ايثار كانت مبتسمه وهي عارفة ان مناهل اختها بتسهل عليهم المهمه وبتخليهم يتعرفون على جنان بسرعه .. لأنها تسحب الكلام مثل ماتقط غيرة.. ** **** ** **** ***** ***** ** الحين صارت الساعه 7 الصباح.. وفاء قعدت من بدري رغم انها نايمه متأخر من التفكير.. لقت مكالمه من عبير قبل ربع ساعه واستغربت من السالفه لأن اليوم جمعه ومافيه دوام ليه الكل قاعد بدرية وطلت على كرفاية ليلى ومالقتها هذا اللي خلاها تستغرب اكثرر. .. قامت غسلت ونزلت تحت لقت عبير وليلى وناصر ودانه وهادي وريم ونايف قاعدين بالصاله.. وفاء بدهشة: وش صااير خوفتوني ليه كلكم قاعدين هناا؟ وليه عبير هناا؟؟ الكل طالع فيها بصدمه من هالهجوم لأنه ماتوقعوها بس ماردوا عليها.. وفاء: تكلموا شصااير؟؟ يتبع.. شتتوقعون صاير؟؟ ووش بيصير؟؟ انا ماكملت الجزء بس عشان انزلة لكم ومااـاخر اكثر قلت بنزلة واذا بكرة مداني ان شاء الله بكملة لكم رغم انه بيصير صغير.. بس عادي دامها التكملة ينمكن بيصيرون بكرة الباقي 20 صفحه اليوم هاذولي 31 يعني يمشي الحاال.. وتحيااتي لكم تكملت الكاتبة اوكى [/align] Quote Link to comment Share on other sites More sharing options...
تعبان نفسيا Posted سبتمبر 29, 2005 Report Share Posted سبتمبر 29, 2005 يعطيج العافية وشكراا على القصة تحياتى لج تعبان نفســــيا Quote Link to comment Share on other sites More sharing options...
~x وصية الغرور x~ Posted سبتمبر 29, 2005 Author Report Share Posted سبتمبر 29, 2005 ثانكس لك خوي على المتابعة Quote Link to comment Share on other sites More sharing options...
سعودية وبكل فخر Posted سبتمبر 29, 2005 Report Share Posted سبتمبر 29, 2005 مشكورة حياتي... Quote Link to comment Share on other sites More sharing options...
khalijia Posted سبتمبر 29, 2005 Report Share Posted سبتمبر 29, 2005 mshko0o0o0o0o0o0oraaa o fee inte'9ar il tkmila Quote Link to comment Share on other sites More sharing options...
عيون حزينة Posted سبتمبر 29, 2005 Report Share Posted سبتمبر 29, 2005 تسلمييين على التكملة و في انتظار الباقي لا تتأخرين علينا Quote Link to comment Share on other sites More sharing options...
~x وصية الغرور x~ Posted سبتمبر 30, 2005 Author Report Share Posted سبتمبر 30, 2005 تسلموووووووووون على المتابعة والردود الحلوة Quote Link to comment Share on other sites More sharing options...
عاشقه احمد صلاح Posted سبتمبر 30, 2005 Report Share Posted سبتمبر 30, 2005 تسلمين على الجزء.. ننتظر التكمله Quote Link to comment Share on other sites More sharing options...
عاشق بلا عاشقة Posted سبتمبر 30, 2005 Report Share Posted سبتمبر 30, 2005 قصة و اااااااايد حلوة و جميلة شكرآآ يا أختي عاشقة المحبين تحياتي عاشق بلا عاشقة Quote Link to comment Share on other sites More sharing options...
شهد Posted أكتوبر 1, 2005 Report Share Posted أكتوبر 1, 2005 ثااااااااااااانكس على الاجزاء الحلوة وفي انتظار الجزء الجديد مشكوووووووووووورة خيو يعطيج العافية Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.