~x وصية الغرور x~ Posted فبراير 5, 2006 Author Report Share Posted فبراير 5, 2006 شهد برقة احاسيسها طاحت دمعتها اللي مسحتها بسرعه عشان محد يشوفها.. بس كوثر شافتها ورغم حزنها ع اللي قالته ليلى ابتسمت لمعرفتها ان صديقتها حساسة كذا وباستها بسرعه ع خدها وكلهم مستغربين من حركتها لكن ماحد عق لان شهد ابتسمت وقالت: اووه كوثر.. كلهم:ههههههههه ليلى تبي تغير الموضوع: بسألكم.. اكيد رحتوا من قل عرض الدولفين اللي يسونه عندكم في العيد... كوثر:ايه رحنا.. ليش؟؟ ليلى: ولا شي بس اسمع وفاء تقول انه احلى من اللي يعرضونه بالسعودية وخاطري ادخله اشووف.. حسين في باله: والله ان الله قدرني حققت لك الخاطر ياليلى.. نرجس: خلاص في العيد نروح وتجون معانا.. ليلى:ههههه خلاص شهد: تصدقون حتى انا مارحته ماحب هالاشياء وووع.. كلهم:ههههههه >>شهد ماتحب الحيوانات المائية وخصوص فصيلة الاسمااك ههاااي.. ** * بعد كل من هالسوالف اذن المغرب وراحوا يصلون في مسجد جميع عشان بعدها يروحون الملاهي.. ** ** نرووح السعودية.. جنان اغراضها كلها كااااملة وجااااهزة للحفلة ..ماشاء الله عليها جهزت كل شي في وقت قياسي.. الفستان فصلته عند خياطة وصار احلى مايكوون وتحس بالراحه لوجود امها اللي قدرت تعتمد عليها في كل شي.. وتحس بالشكر بعد لاهل حسام اللي ماقصروا عليها في ولا شي وكل يوم يسألونها اذا هي في حاجة للمساعده.. وهم بدور وامها اللي صارت تحبها وماتناديها الا خالتي .. وحتى انها تعرفت على ام جنان بطلب من جنان لأامها عشان تبي تقوي علاقتها ببدور ونظراً لغلاة جنان عند امها وانها تبي تشوفها مستانسة خذت هالخطوة دون علم زوجها ابو سالم واتصلت في ام بدور وعزمتها شخصيا لحفلة جنان واصرت عليها تجي هي بكل بناتها.. جنان بغرفتها تكتب خاطرة توصف فيها شعورها.. طق سالم عليها الباب.. سالم:ممكن ادخل ياحلوة؟؟ جنان: طبعا ياحلو..تفضل.. سالم: شلونك ؟؟ جنان: بخير الحمدلله انت شخبارك؟؟ سالم: انا.. الحمدلله.. لما سأته هالسؤال وهو يقول في باله قبل لايجاوب لاتسالي عن اخباري دام النار في قلبي مشتعلة والسبب هالهيفاء اللي مدري من اين طلعت لي .. ومدري ليه كل ماجيت بسوي شي تطلع في بالي وتضايقني اففف مو عاارف شاللي يصير طيب تنطق هي وسعود انا شيدخلني .. لااا شلون شيدخلني وخالتي.. لو ناصر اللي كان مكاني وشاف ابوي مكان ابوه كان ماسكت ولا صار جبان وانا ماراح اسكت ياهيفاء ولا بيكون اسمي هو سالم اذا ماا.... قطعت تفكيره جنان: هي سلووم وينك وين وصلت؟؟ جيت وسرحت.. سالم في قلبة يجاوب: وصلت البحرين وبصوت عالي يقول: ههه لا ولا شي بس تذكرت قضية وجا في بالي حل لها .. جنان: يا حنل يا هالقضايا ماتطفشون منهاا.. سالم:هههااي تعودي بس اقول لك لأن زوج المستقبل بكبره محامي وعنده قضايا تارسة مكتبه.. جنان بمسخرة:هههه مو هذا اللي انا حاملة همه.. سالم:هههه طيب جنان انا جاي بتكلم معك شوي بهالخصوص.. جنان: شنو؟؟ سالم: بسالك سؤال انت اختي وابي لك الخير بس هم حسام صديقيس ومابقبل له غير الخير.. سكووووووت في بضع ثوااني سالم:انت وافقتي على حسام عن اقتناع ولا عشان تنسين ناصر.؟ جنان:........ سالم: انت لازم تنتبهي لنفسم وماتظلمين الرجال معاك فاهمة قصدي.. جنان قالت ايه من حيث هزت راسها بدون كلام.. سالم: جنان كلميني قولي لي احساسك انا اخوك وبوقف معك وبنصحك اذا شفتك غلط.. جنان: سالم انا ناصر خلاص شلته من بالي وماعدت اهتم له مثل قبل صحيح لما دريت انه رجع يشوف فكري انجن وفكرت ان الحين يجوز ناصر ينتبه لي ويترك عبير عشاني ويقول لابوي انه يبيني وبما انه يشوف الامل بالموافقة اكبر.. لكن لما شفت الحب القوي اللي بينه وبين عبير وهالشي اللي ماانتبهت له من قبل.. راجعت نفسي وقلت انا ليش حاطة نفسي في النص.. ودامه هو مايفكر فيني ليش افكر فيه.. وخلاص من لحظتها وانا مااحس تجاهه غير انه اخو عزيز وغالي حاله حال خواته العزيزات الغالين.. سالم ابتسم:طيب وحسام.. جنان احمرت وقالت: شفيه حساام؟؟ سالم: امم وش فيه؟؟؟ جنان: وش فيه مافيه الا الخير.. سالم: يعني مااعرف منك انك معجبة فيه شي من هالقبيل.. جنان فتشلة بس بكل قوة عين قالت: انا هالأنسان يقهرني ولازم اكسر خشمة.. سالم فقع ضحك:هههااي عااشت جنان اختي .. بس على فكرة من زماان انت كاسرة خشمه لانه الرجال ميت بحبه لك.. وطلع عنها عشان تفكر عدل.. هي استحت وماعرفت شتقوول بس اطمئنت نفسياًاكثر.. واتمنت في نفسها انها تقدر تحه مثل مايحبها عشان تسعد معاه وتنسى الماضي.. وتوها بترجع تكتب في دفترها الا سالم رااجع.. سالم: سوري نسيت اقول لك اني عطيتك رقمك لحسام وبيتصل لك في أي وقت بعد شوي.. جنان: طيب.. وراح عنهاا.. وهي تقلصت معدتهاا وعورها بطنها وهي تفكر انها بعد شوي بتكلمه.. هههاااي.. ** ** وقبل مانرجع البحرين نتجه لبيت جاسم.. ام جاسم تتصل على ولدها تلفون: افف وش فيه هذا مارد علي عاطيني اشكل.. وسكرت الخط .. شوي الا جاسم داخل: السلام عليكم.. ام جاسم وابو جاسم واخته :عليكم السلام.. ام جاسم: ليش ماترد هااه؟؟ جاسم ابتسم وراح لأمه اللي عن يازعم معصبه الحين هي وباس راسها: لاتزعلين ياالغالية كنت عند الباب ليه ارد واخسرك .. ابو جاسم: وهو الصاج.. ام جاسم: اشوفكم اتفقتوا علي.. الكل:ههههه مريم اخت جاسم الصغيرة: خبيرة يمه بسرعه لو انا اللي بقول له.. ابو جاسم: مريوم عن اللقافه وخلي امك تتكلم.. مريم تتحنطب: طيب طيب مايمدي الواحد يتكلم بهالبيت الا كلوة.. ام جاسم: مايكلون الا الملاقيف الي مثلك... جاسم: خلاص خلو مريوم في حالها ماقالت لكم شي هي وقولوا لي شعندكم؟ مريم: هذا الغالي اللي يفهمني دووم.. ام جاسم: ياولدي اليوم اتصلت فيني ام سلطان .. جاسم كشر خوفاً من اللي بينقال: ... ام جاسم: وحددوا لنا يوم الأحد نروح نتقدم رسمي ونتفق ع كل شي.. والبنت رخصها ولد عمها عشانه يبي وحده ثانية مو من العيلة يعني مو عشان أي شي يعيب البنت.. جاسم تنفس الصعداء وابتسم وقال: مبروك عليك ام جاسم مقدما زواج ولدك جاسم.. ام جاسم:ههه الله يبارك فيك ياجاسم ياولد ام جاسم.. مريم: بل على طووول زوااج قول خطوبة طيب.. جاسم: لاحبيبتي انا لما اروح هناك بتفق معاهم ان شرطسي الملجه والعرس بنفس اليوم .. ولدج عمها اللي كان بياخذها كان بيسوي نفس الشي خلاص انا ابي نفس الشي.. ابو جاسم:لما نروح نشوف شنو يصير الحين روح صلي لربك ركعتين شكر .. وادع ان اللي فيه الخير هو اللي يستوي.. جاسم: ان شااء الله.. مريم: انا بقوم اتصل في نوف اقول لها عن هالخبر السعيد.. ام جاسم: هذا اللي شاطرة فيه اللقافة.. الكل:هههههههه مريم: ليش فيك حره تبين تخبرينها ان والله ماخيتك وراحت تركض للتلفون.. الكل:ههههههههه >>جاسم عنده خوات ثنتين بس وهو الوحيد بينهم نوف اكبر منه ومتزوجه ومريم اصغر منه وتدرس في الكلية<< * ** ** ** ** ** ** Quote Link to comment Share on other sites More sharing options...
مدمنة النت Posted فبراير 6, 2006 Report Share Posted فبراير 6, 2006 يسلمووووووو على القصة Quote Link to comment Share on other sites More sharing options...
~x وصية الغرور x~ Posted فبراير 6, 2006 Author Report Share Posted فبراير 6, 2006 تسلميني حبوبة على الرد Quote Link to comment Share on other sites More sharing options...
عطر الأشواق Posted فبراير 7, 2006 Report Share Posted فبراير 7, 2006 يسلموووو على القصه وننتظر التكمله Quote Link to comment Share on other sites More sharing options...
بحرينيه^مزيونة Posted فبراير 7, 2006 Report Share Posted فبراير 7, 2006 تسلمين حبيبتي ،، بأنتظار التكمله ،، Quote Link to comment Share on other sites More sharing options...
عطر الأشواق Posted فبراير 8, 2006 Report Share Posted فبراير 8, 2006 مشكورة حبيبتي على البارت وننتظر التكمله بفارغ الصبر تحياتي عطر الأشواق Quote Link to comment Share on other sites More sharing options...
بحرينيه^مزيونة Posted فبراير 8, 2006 Report Share Posted فبراير 8, 2006 بأنتظار التكمله ،، Quote Link to comment Share on other sites More sharing options...
كيفي عجمية Posted فبراير 8, 2006 Report Share Posted فبراير 8, 2006 تسلم يدج ويلا البارت اليديد نبيه تحياتي Quote Link to comment Share on other sites More sharing options...
بحرينيه^مزيونة Posted فبراير 9, 2006 Report Share Posted فبراير 9, 2006 بأنتظار التكمله ،، Quote Link to comment Share on other sites More sharing options...
صراخ الصمت Posted فبراير 14, 2006 Report Share Posted فبراير 14, 2006 ووووووووووووووبعدين خيوووووووووووو ناطرين نعرف النهاية و هالقصه باين ما لها نهايه لا تبطين علينا ناطرين Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.