Jump to content
منتدى البحرين اليوم

لك قلبي ياحبيب الروح>قصة رومانسيه مؤثره اتمنى تعجب


Recommended Posts

والقصة هذه عزيزه وغاليه علي من زمان لاسباب شخصيه ما احب اتكلم عنها ..بس اتمنى اني اوفق بكتابتها بأسلوب اخليكم تتعايشون معها وتتأثرون فيها مثل ما انا اتأثر فيها وانا افكر فيها او وانا اكتبها... ويالله ما ابي اطول عليكم <<<ثرثاره ما صدقت تكلمت

 

راح انزل جزء بسيط واشوف رأيكم ...

 

 

<لك قلبي ياحبيب الروح>

 

الفصل الاول:

في صالون التجميل.......

 

 

دخلت بنت راقيه انيقه ب21سنه من عمرها صالون تجميل كانت جميله وناعمه شعرها اسود وعيونها وساع بلون شعرها تحمل فيهم الحزن والاسى ناهيك عن المالمح الدقيقه المتناسقه اللي تعطيها جاذبيه ..

 

صاحبة الصالون:كيفك موزمازيل رهف..شو عامله

رهف:الحمد لله شخبارج

صاحبة الصالون:منيحه ..وينك مافي احد بيشوفك من مده طويله رهف:والله مشاغل

صاحبة الصالون: الله يكون بعونك ..قص ولا صبغ

رهف:لا بس استشوار

صاحبة الصالون:ميري ..شوفي الموزمازيل شوبدها... بس بركي بتنطري شوي انتي شايفه الصالون زحمة كتير

رهف:ماشاء الله ...مو مشكله ما وراي شىء

 

راحت رهف قعدت علي احد الكراسي .ناطره دورها وكانت في بنت قاعده جمبها تسويلها وحده بديكير ومنيكير

 

العامله:اه كيفك انسة رهف شو عامله

رهف :تمام اشلونج يا ام تامر

ام تامر:نشكر الله ..أنسة ايمان بدي اعرفك علي زبونه الصالون الانسة رهف

ايمان هي البنت اللي قاعده تسويلها البديكير والمنكير

ايمان:ياهلا

رهف:ياهلا فيج

ام تامر:هيدي انسة ايمان عروستنا

رهف:صج الف مبروك متى العرس انشالله

ايمان:الخميس الجاي

رهف:الله يتمملج علي خير

ايمان:مشكوره

 

واخذت رهف واحده من المجلات اللي قدامها الاوله كانت تتكلم عن الازياء والمكياج والثانيه نفس الطريقة اما الثالثه كانت مجله عاديه فيها مواضيع مختلفه وطبعا رهف انسانه مثقفه وتحب تقرء في كل المجالات

 

في الاثناء هي تتصفح المجله فجأه توقفت عند صفحه وقعدت مده طويله تتأمل الصفحه .وحست انها شوي وتبي تبجي لكن مسكت دموعها سكرت المجله واخذت نفس عميق وردت فتحتها مره ثانيه علي نفس الصفحه ..كانت الصفحه عباره عن مقال لصحفي يكتب ارائه وكان حاطط صورته ...

 

رهف وتكلم حالها:اااااه يادنيا ..شكلي كل ما احاول انساك لازم شىء يذكرني فيك ..كل ما افتح تلفزيون او مجله لازم اشوفك..ليش ياربي تعذبني جذي ..

 

ايمان:انتي مخطوبه

رهف وكانت سرحانه:اه ..شنو

ايمان:هههههه شكلج سرحانه

رهف:اه اسفه شنو قلتي

ايمان:مخطوبه

رهف:لا

ايمان :كل الجمال هذا ومو مخطوبه

رهف:تسلمين كلج ذوق بس انا موحابه الفكره هذه الحين

ايمان:جم عمرج؟؟

رهف:21سنه وانتي

ايمان:23سنه .كنت مفروض اتزوج من ثلاث سنين لكن كان في ظروف صارت لولد عمي اللي اهو زوجي فتأجل الزواج.

 

سكتوا لفتره قصيره ..

 

ايمان:شكلج رومانسيه حيل

رهف:هههههههه صج مبين علي

ايمان:ايه شكلج عشتي قصة حب لكن انتهت

رهف:...........

ايمان:احب اعرف القصة اذا ما كان عندج مانع ..ادري بتقولين اني ملقوفه لكن فعلا احب اسمع قصص الحب لاني كنت دايما احلم اخذ شخص عن قصة حب لكن للاسف من كنت صغيره و انا لولد عمي

رهف:ما تحبينه

ايمان:ولا اكرهه لكني اعتبره مثل اخوي بس اهلنا جبرونا ..المهم تقولين ولا لا

رهف:هههههه خلاص اقول

راحت فتحت المجله علي نفس الصفحه وقرت الاسم بينها وبين حالها خالد جاسم .اسم ما راح انساه

رهف:كان صحفي و...

ايمان:صج صحفي شوفي الصدفه ..حتى زوجي صحفي

رهف:صج (وفكرت وقررت انها ما تقول اسمه الحقيقي اللي هو خالد لان يمكن زوج ايمان يطلع يعرفه فراحت غيرت الاسم وقالت

 

رهف:اسمه احمد .الكلام هذا كان قبل 3 سنوات كان عمري 18 سنه توي صغيره وحابه الحياة وكنت مثل أي بنت تحب تعيش قصة وكنت عايشه في عالمي الخاص عالم احلامي ..وكان عندي عيب واحده والعيب هذا هو اللي خلاني اشوفه واعيش معاه قصة حب ..ما اقول اني احب الكذب... لكن احيانا احب اغير شخصيتي يعني ممكن ما اقول عمري الحقيقي او اسمي الحقيقي هذا طبعا عند ما اشوف ناس ما اعرفهم... لاني احب اعيش شخصيات مختلفه بس فعلا هذا غصب عني ..المهم بعد ما خلصت المدرسه بعطلت الصيف قررنا انا واهلي وكانت معاي بنت خالتي ان احنا نسافر لبنان.....

 

الفصل الثاني :

 

سافرت انا وامي وابوي وبنت خالتي ريم للبنان بلد الاناقة والجمال ....

 

في الطياره..

كنت قاعده جمب الدريشه وجمبي ريم ...

 

ريم:رهف ريري بشنو قاعده تفكرين

رهف:شنو..

ريم:شكلج سرحانه هههههه

رهف:ايه كنت قاعده افكر شنو راح يصير في لبنان

ريم:يعني شنو راح يصير ؟؟

رهف:ما ادري قلبي يقولي ان راح يصير شىء

ريم ومتخرعه:الله يستر لا تخرعيني

رهف:هههههه لا مو قصدي شىء سىء قصدي انه راح يصير شىء يغير حياتي كلها

ريم: يغير حياتج؟؟عرفت

رهف :شنو عرفتي

ريم:يمكن تشوفي ايوان يعجب فيج ويموت عليج ويتزوجج

رهف:هههههههه ماتخلين سوالفج

ريم:لو ما تبينه تنازلي عنه حقي

رهف:ههههه من الحين انا متنازله

 

ريم بنت خالة رهف عمرها 18 سنه ما تفارق رهف ابدا وخصوصا ان رهف وحيدة اهلها فتعتبر ان ريم اختها.. ريم بنت طيبه وحلوه وحبوبه وخيالها واسع ودايما تحلم انها تكون ممثله مشهوره...

 

بعد ما نزلت الطياره ارض المطار ..اخذو تاكسي وراحو لفندق من اكبر فنادق لبنان ...كان الفندق جميل ورائع فخم من داخل ومن بره رهيب فيه حمامات سباحه كبيره وطاولات لحفلات بليل وكان يطل علي البحر ...

 

في الريسيبشن ...

 

محمد وهو والد رهف:نبي غرفتين يكونو جمب بعض

عامل الرسبشن:والله ما في غرفتين هلا جمب بعض في غرفة في الدور التاني والتانيه في التالت ..اتوقع ما فرقت كتير

 

محمد:اوكي مو مشكله احجزلنا الغرفتين

 

كانت رهف وريم في اللوبي يطالعون الفندق كان فعلا فخم وحلو وخصوصا اللوبي اللي فيه كراسي وقنفات والديكورماله شكله حلو...كان ناس واجد من جميع الجنسيات ..اشكالهم كانت غريبه اكن الواحد في اوروبا ..

رهف:تدورين علي منو

ريم:طالعي معاي يمكن نلاقيه

رهف:اهو منو اللي نلاقيه

ريم:عاصي الحلاني

رهف:ههههههههههههههههههههههههه

ريم:تضحكين ها طيب اضحكي وباجر ما اتزوج فنان راح تركضين لعندي تقولين لناس انا اعرفها هذه بنت خالتي

رهف:تزوجي انتي من فنان ويصير خير

 

مها والدة رهف:يابنات وينكم قاعدين ندور عليكم

رهف:هلا يمه كنا قاعدين نتفرج وناخذ فكره والله الفندق فخم

محمد:لا حقين ..احنا نبي نطلع ننام تعبانين ما تابون تنامون

ريم:نوم شنو ياعمي احنا ما صدقنا نجي هني مفروض ما نضيع ولا دقيقه

محمد:ههههه علي راحتكم وهذه مفتاح غرفتكم اوكي واحنا في غرفه 205 اما انتم 323

رهف سمعت الرقم لكن كانت سرحانه شوي :اوكي

 

رح كل من مها ومحمد لغرفتهم علشان ينامون من التعب

 

ريم:رهف رهف

رهف:نعم

ريم:مو هذه مذيعه اللبنانيه

رهف:لا مو اهي تشبها

ريم:والله هي وبتشوفي

راحت ريم لعندها بس اول ما قربت شافت ملامحها بدقه وعرفت انها موالموذيعه طلع بس شبه

 

رهف شافت ريم جايه عليها:ههههههههه مو قلتلج تشابه... انتي وعالم الشهره مالج راح يسببلج مشاكل

ريم:ما ادري كلهم يتشابهون

رهف:بسبب عمليات التجميل اللي خلتهم نسخة وحده ..المهم تجين ناخذ شاور ونغير ملابسنا

ريم:لا ما ابي اضيع وقتي روحي انتي وانا انطرج هني علشان نشرب عصير في الكافتيريا

رهف :اوكي ...شنو قال ابوي رقم غرفتنا

ريم:332 ..اتوقع

رهف:تتوقعين

ريم:ما ادري مو انتي كنتي واقفه معاي

رهف:اوكي خلاص راح اروح كلها نص ساعه وانزل لا تروحين بعيد

 

راحت ريم قعدت واخذت من الطاوله اللي جدامها مجله وقالت:وين راح اروح كاني قاعده لكن لو مالقيتيني تأكدي اني شفت رامي عياش

رهف:ههههههههههه

 

راحت رهف ركبت المصعد كان عامل المصعد لابس بدله حمره واول ما شافها

العامل:هلين وسهلين موزمازيل نورتي لبنان

رهف:لبنان منوره بأهلها

العامل:أي دور بدك تروحي

رهف وتفكر :صراحه ما اعرف بس الغرفه 332

العامل:هيدي الدور التالت

 

في الدور الثالث وصلت رهف وقامت تدور علي الغرفه ..

لغاية مالقت الغرفه راحت ودخلت لانها كانت مفتوحه...كانت الغرفه حلوه واثاثها راقي وفيها سرير واحد كبير وحاطين عليه قطعت شوكلاته كترحيب ...

 

رهف:واااااااااو الغرفه رهيبه ...ياي شوكلاته

وراحت اخذت الشوكلاته وفتحتها وقامت تاكلها..وشافت بالكونه وراحت دخلت ..كان المنظر رهيب وخصوصا وهي تطل علي البحر ...

رهف:يجنن المنظر.. احب منظر البحر

 

واخذت نفس عميق ..وتذكرت انها لازم تاخذ شاور ..وتنزل عند ريم وهي طالعه من البالكونه...اخذت تدور علي جنطهم

 

رهف:وين الجنط معقوله ..لغاية الحين ما جابوهم

 

وفجأه سمعت صوت باب ينفتح ..وراحت شوي شوي ولقت بابا الحمام انفتح وفجاة طلع واحد وكان حاطط الفوطه علي راسه ووجه يعني ما كان شايف اللي قدامه ولابس روب الحمام..

 

رهف:منو انت ؟؟؟؟؟؟

الرجل وهو متخرع لانه توقع انه لحاله في الغرفه

الرجل:عفوا انتي اللي منو شنو دخلج هني

رهف:هذي غرفتي

الرجل:عفوا انتي غلطانه

رهف بعصبيه:لا ما ني غلطانه

الرجل:ليش تعصبين ..شوفي الرقم اللي علي مفتاحج

 

رهف ما كنت ما انتبهت ان في رقم علي المفتاح

 

راحت شافت المفتاح وفجأه وجها احمر من الخجل كان مكتوب رقم 323.مو332بس السبب مو منها السبب من ريم اللي قالت الرقم فعتمدت علي كلامها بالرغم انها كانت شاكه في البدايه ..

 

رهف:انا...انا اسفه

الرجل:مو مشكله هذه مو اول مره دايم يصير معاي جذي ..بس هذه المره حيل حظي حلو ان بنت حلوه هي اللي غلطت في الغرفه قبل كانوا كلهم عواجيز ..بس غلطتي اني ما سكرت الباب بالمفتاح

رهف وبصوت ومنخفض وحطه ايدها علي حلجها قامت تضحك

الرجل:فديت الضحكه وصاحبتها

اتحرجت رهف وستأذنت وطلعت وهي عند الباب

الرجل:اعتبري الشوكولاته هدية مني

فطالعت رهف ايداها وكانت ماسكه قطعة الشوكولاته وتحرجة

رهف:شكرا

وطلعت ركض من الغرفه ....

الرجل:ههههههههههه مبين عليها لطيفه وحبوبه

 

كان الرجل طويل ووسيم وفيه جاذبيه وشعره اسود كثيف وعيونه بني غامق

 

راحت رهف لغرفتها الاصليه وتاكدت المره هذه انها ما غلطت ..اخذت شاور ولبست وعدلت حالها حطت مكياج خفيف مع شويت عطر ..وهي تطالع حالها في المرايه كل ما تتذكر الموقف تقعد تضحك ..خلصت واطلعت من الغرفه وراحت اللوبي ولقت ريم قاعده في مكانها

رهف:اشوف رامي عياش ما خطفج

ريم:هي هي هي ..دمج خفيف

رهف :مو اخف من دمج

 

وراحو لكافتيريا وطلبو عصير وقالت رهف الي صار معاها لريم

 

ريم:هههههههههههههه

رهف:تضحكين

ريم:ههههههههه نفسي اشوف شكلج

 

رهف :ريم..ريم ..شوفي هذا اهو اللي اكلمج عنه

ريم:وينه؟؟

رهف:هذا اللي قعد علي الطاوله واللابس قميص مخطط

ريم:هذ اهو والله انه وسيم ..ومبين عليه كبير اتوقع بالعشرينات

رهف:واحنا شكو جم عمره ..خلينا في حالنا

 

وفضلو رهف وريم قاعدين وكل شوي رهف تطالعه وما شالت عينها من عليه ..كان فعلا وسيم ..وفيه جاذبيه ...وابتسامته حلوه

وقامت تطالع حركاته ..حسته انه لطيف وتذكرت شكله يوم شافه في الغرفه وقعدت تضحك

رهف:هههههه

ريم:علي شنو تضحكين

رهف: ولا شيء..تذكرت سالفه

 

في هذه الاثناء كان الرجل جالس مع شخص شكله صديقه... وهو يتلفت شاف رهف اللي بسرعه سوت حالها تطالع الناحيه الثانيه ..وكل ما تجي تكلم ريم تشوفه لان ريم قاعده قدامها وهو يعتبر وراها ..شافته يطالعها وابتسم ..وبعد 10 دقايق قام من مكانه واجى لعندهم

الرجل:قوه

رهف وتطالع ريم:يا هلا

الرجل:ممكن سؤال..؟؟؟؟؟؟؟

 

 

 

Link to comment
Share on other sites

  • 2 weeks later...

لو سمحتي بلييييييييييييييييييييييييييييييييييييييييييييييييييييز كملي القصه وااايد حلوة thumbup.gifads12.gif

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
×
×
  • Create New...