أشجان Posted يوليو 12, 2005 Report Share Posted يوليو 12, 2005 (edited) ســـلام علـــــــيكم،، ســـــــــــــوري على التأخيــــــر!! أول شي مشكورة نوفه على الاهتمام الواضح لرقي منتدى النقاش الحين الإجابة عن اسألتش - شنو هي أفضل إيجابيات القسم ؟ المواضيع الجديدة .. والفريدة من نوعها .. والطرح الجيد لأغلب هذي المواضيع واحترام وجهات النظر 2- شنو هي أسوء سلبياته وأكثرها ؟ السلبيات في نظري غطت على الإيجابيات ..للأسف.. 1 كثرة المواضيع المكررة ((وهذا الشي اللي يبعدني عنه)) 2 كثرة المواضيع "الافتراضية.....واللي تقريباً خيالية ما أقول إنها مو مفيدة بالعكس ..توسع مخيلتنا .. بس هالمواضيع تلقى صدد أكبر من القضايا والمشكلات الواقعية !! 3أحياناً كثيرة نجوف مواضيع مو في محلها ومالها فائدة أو هدف.. مثل "شنو عطرك المفضل " ,, انتوا تاكلون؟؟ جاوبوا على اسألتي" 4 الاقتباس الغير مباشر لرأي عضو ما يعني "كوبي بيست" ويزيدون سطر عليه .. وهذي واااايد تصير لي ..وتقهرني 5 أحس مافي مصداقية أحياناً في النقاش 6 بعض الاعضاء يردون على الموضوع بثانكس!! مع انهم مواضيع نقاشية بحته !! ومافي إدارة من صاحب الموضوع أو متابعة جيدة فنلقاه يرد " مشكورين على الردود" كأن اللي يقول شكله يمنن اللي كتب الموضوع أو العكس اللي كتب الموضوع يمنن اللي رد عليه و كأنه يتفضل عليه.. و القهر ان لما تسأل أو تبي تتحاور "لا حياة لمن تنادي" محد يتكلم أو يرد و يصير الموضوع في آخر الصفحات !! أو يصير الحوار جاف ..جامد ..ماله معنى ..كأني أكلم نفسي ساعات ما أحب اتناقش ..لأن محد يكلمني في الموضوع محد يقدر الكلام ..ما يسوون شي ما يتقبلون الحوار!! يلااا حط رايك و اطلع ..هذا اللي عندهم!! مو هو منتدى نقاش؟؟ منتدى أخذ و عطاء؟؟ مو منتدى تبادل آراء؟؟ ليش جذي؟؟ !!! سوري يمكن خربطت وايد ..بس والله من القهر اللي فيني نرجع للأسئلة ,,, 3- من هم أكثر الأعضاء مشاركة في عدد الردود والمواضيع فيه ؟؟؟ بصراحة هم وااااااااايد "اللي يردون ".. .. بس قليل اللي يتمتعون بالمصداقية و الواقعية .. بعضهم يشكرون على الموضوع وبعضهم يطلعون عن الموضوع .. والباقي يعلقون بسطحية على الموضوع المطروح. أكثر الأعضاء اللي ينزلون مواضيع بأقلامهم ..وتتضمن أهداف .. حالياً هم: باونتي ..وأبن الرفاع .. و D_18online و شاعرتنا الكبيرة "رباب الجودر" سابقاً : Miss online و نـوفـه و محرقاويه عسل .. والأسد 99 ..و>>>إلخ إلخ 4- من هم أكثر الأعضاء قـوة وجمال وواقعيه في الإسلوب النقاشي الصريح ؟؟؟ وااااااااايد..بس مو دائماً منهم باونتي انتي miss seven أبن الرفاع مطلع الشمس D_18online بوحصه والحاضرة الغائبة " محرقاويه عسل" وبس 5- من هو أكثر عضو/ عضوه ،، يجذبك في إسلوبه ( 1 بس ) ؟؟؟؟ يعجبني الأسلوب الواضح الصريح الصادق الخالي من المثالية .. أو قريب للواقعية المحترم لوجهات نظر باقي الاعضاء .. الجاد في نقاشه ..اللي يدرس المشكلة أو الموضوع ..يحلله ويحاول يوجد الحلول المناسبة له ..يعجبني الأسلوب اللطيف ..اللي يفرض رايه بابتسامه بريئة. بالاضافة إلى كل الي ذكرتهم فوق ... 6- شنو هي إقتراحاتك لـ قسم النقاش ،، ( أشياء تبي نسويها ونزيدها) ؟؟؟ أشياء ما تتمناها تكون بـ النقاش أتمنى نتخلص من كل السلبيات الي ذكرتها أو على الأقل نصهم .. أتمنى الكل يتعاون معانا ..للتخلص منها شكراً نـوفـه على هالفرصة الي عطيتينا اياها للتعبير عن رأينا وسماع اقتراحاتنا.. وهذا يدل على حرصش واهتمامش لنجاح هذا المنتدى .. وثقتش الكبيرة فينا .. يعطيش العافية .. وعساش ع القوة تحياتي|| "نـون" Edited يوليو 12, 2005 by أشجان Quote Link to comment Share on other sites More sharing options...
نـوفـه Posted يوليو 12, 2005 Author Report Share Posted يوليو 12, 2005 تسلمون لي كلكم على تواصلكم الطيب معاي ،، ولي رجعه بكره ،، عشان أناقش معاكم كل رد أو أعقب عليه ،، وإن شاء الله يصير قسم النقاش العام ،، من أرقى الأقسام ،، بعون الله ،، ثم بـ تفاعلكم وبـ إهتمامكم الحلو معاي ،، لي رجعه بكل حب ،، Quote Link to comment Share on other sites More sharing options...
DJ WesTSiDE Posted يوليو 13, 2005 Report Share Posted يوليو 13, 2005 1- شنو هي أفضل إيجابيات القسم ؟ فيه حرية التعبير .. تقدر تقول اللي تبي .. والعباره ( اختلاف الراي لا يفسد في الود قضيه) ينطبق على المنتدى 2- شنو هي أسوء سلبياته وأكثرها ؟ تكرار المواضيع الى درجه ان الموضوع يتكرر حرفيا اكثر مره في صفحه وحده يحتاج الى ردود اكثر توسع غير عن مجرد شكر او اقتباس 3- من هم أكثر الأعضاء مشاركة في عدد الردود والمواضيع فيه ؟؟؟ والله وايد لكن صقر المحرق و المزيون وايد الاحظهم 4- من هم أكثر الأعضاء قـوة وجمال وواقعيه في الإسلوب النقاشي الصريح ؟؟؟ صقر المحرق 5- من هو أكثر عضو/ عضوه ،، يجذبك في إسلوبه ( 1 بس ) ؟؟؟؟ صقر المحرق 6- شنو هي إقتراحاتك لـ قسم النقاش ،، ( أشياء تبي نسويها ونزيدها ؟؟؟ أشياء ما تتمناها تكون بـ النقاش ؟؟؟ ) ؟ مافي شي في بالي Quote Link to comment Share on other sites More sharing options...
يــــــحــــــه Posted يوليو 13, 2005 Report Share Posted يوليو 13, 2005 من هو اكثر عضو/عضوة يجذبك في اسلوبه؟ صقر المحرق Quote Link to comment Share on other sites More sharing options...
solidad555 Posted يوليو 13, 2005 Report Share Posted يوليو 13, 2005 1- شنو هي أفضل إيجابيات القسم ؟ المواضيع النقاشية المميزة اللي ينزلونها بعض الاعضاء حرية النقاش واختلاف الاراء والتعلم من هذه الاختلافات 2- شنو هي أسوء سلبياته وأكثرها ؟ المواضيع المكررة المواضيع اللي مالها معنى ومانها فايدة ردود بعض الاعضاء على المواضيع بحيث تكون خارجة عن الموضوع او يكتبون شكرا موضوع نقاشي المفروض يناقشون 3- من هم أكثر الأعضاء مشاركة في عدد الردود والمواضيع فيه ؟؟؟ نوفة بوحصة بوحمد ابن الرفاع صقر المحرق عيون البحرين في بعد بس ماتذكر 5- من هو أكثر عضو/ عضوه ،، يجذبك في إسلوبه ( 1 بس ) ؟؟؟؟ ابن الرفاع 6- شنو هي إقتراحاتك لـ قسم النقاش ،، ( أشياء تبي نسويها ونزيدها ؟؟؟ أشياء ما تتمناها تكون بـ النقاش ؟؟؟ ) نحاول نضقي على السلبيات نجوف مواضيع نقاشية حادة وجدية مشكورة على الموضوع وان شاء الله نجوف اراء باقي الاعضاء Quote Link to comment Share on other sites More sharing options...
ملاك الياسمين Posted يوليو 13, 2005 Report Share Posted يوليو 13, 2005 ما تقصرين والله اختي نوفه على جهودج وفعلا منتدى النقاش يحتاج تطوير وشغل وايد 1- شنو هي أفضل إيجابيات القسم ؟ فيه حرية التعبير .. تقدر تقول اللي تبي .. والعباره ( اختلاف الراي لا يفسد في الود قضيه) ينطبق على المنتدى 2- شنو هي أسوء سلبياته وأكثرها ؟ تكرار المواضيع الى درجه ان الموضوع يتكرر حرفيا اكثر مره في صفحه وحده يحتاج الى ردود اكثر توسع غير عن مجرد شكر او اقتباس 3- من هم أكثر الأعضاء مشاركة في عدد الردود والمواضيع فيه ؟؟؟ ما اقدر اعطي اسامي لان اخاف اظلم احد لكن تره مو شرط الواحد يتمبز بعدد المواضيع والردود لانه يمكن مواضيعه وايد لاكنه ما قرا منها حتى كلمه اللي نبيه بالمنتدى ردود صجيه توسع بالاراء واخذ وعطى بالمواضيع 4- من هم أكثر الأعضاء قـوة وجمال وواقعيه في الإسلوب النقاشي الصريح ؟؟؟ هني بعد ما اقدر اعطي اسامي لكن موجود بالمنتدى عدد كبير من الاعضاء بصراحه يشرفون المنتدى بردودهم الرووعه حتى ما تقدر تعقب اي شي على كلامهم والله يزيدهم انشالله 5- من هو أكثر عضو/ عضوه ،، يجذبك في إسلوبه ( 1 بس ) ؟؟؟؟ بو حصه 6- شنو هي إقتراحاتك لـ قسم النقاش ،، ( أشياء تبي نسويها ونزيدها ؟؟؟ أشياء ما تتمناها تكون بـ النقاش ؟؟؟ ) ؟ تحاولون بس حذف الموايع المكرره او نقل المواضيع اللي مو بمكانها وانتي مو مقصره بصراحه الله يوفقج Quote Link to comment Share on other sites More sharing options...
محرقاويه عسل Posted يوليو 13, 2005 Report Share Posted يوليو 13, 2005 من هم أكثر الأعضاء قـوة وجمال وواقعيه في الإسلوب النقاشي الصريح ؟؟؟ الصراحه الاعضاء كثر وفيهم الاقلام المتميزه ومنهم محرقاويه عسل ,, بوحمد ,, Bounty ,, أشجان ,, أبن الرفاع ,, ماحوزي ,, solidad555 ,, حتى التجمد PoLice Woman وغيرهم الكثير مع اني نسيت الكثير منهم 5- من هو أكثر عضو/ عضوه ،، يجذبك في إسلوبه ( 1 بس ) ؟؟؟؟ الصراحه اعضاء كثر و اكون متحيز اذا ذكرت اسم واحد منهم بس تبين الصراحه احب الاسلوب الي تتخذه محرقاويه عسل في الهجوم مشكور بوحصه انك ذكرتني و ما تقصر <<< استانست وايد بس ماسرع ما حطمت معنوياتي ،، انت ميود لي موقف واحد بس !! و انا ما سويت شي غلط دافعت عن بنات جنسي ،، على العموم مشكور و شهادة اعتز فيها بصراحه و يعطيك الف عافيه 3- من هم أكثر الأعضاء مشاركة في عدد الردود والمواضيع فيه ؟؟؟ بصراحة هم وااااااااايد "اللي يردون ".. .. بس قليل اللي يتمتعون بالمصداقية و الواقعية .. بعضهم يشكرون على الموضوع وبعضهم يطلعون عن الموضوع .. والباقي يعلقون بسطحية على الموضوع المطروح. أكثر الأعضاء اللي ينزلون مواضيع بأقلامهم ..وتتضمن أهداف .. حالياً هم: باونتي ..وأبن الرفاع .. و D_18online و شاعرتنا الكبيرة "رباب الجودر" سابقاً : Miss online و نـوفـه و محرقاويه عسل .. والأسد 99 ..و>>>إلخ إلخ 4- من هم أكثر الأعضاء قـوة وجمال وواقعيه في الإسلوب النقاشي الصريح ؟؟؟ وااااااااايد..بس مو دائماً منهم باونتي انتي miss seven أبن الرفاع مطلع الشمس D_18online بوحصه والحاضرة الغائبة " محرقاويه عسل" وبس مشكورة حبيبتي و ما تقصرين انج ذكرتيني ،، و انا موجوده بس الشغل و ان شاء الله كلها شهرين و ارجع لكم و تسلمين يالغاليه و هاي كله من طيب اصلج Quote Link to comment Share on other sites More sharing options...
محرقاويه عسل Posted يوليو 13, 2005 Report Share Posted يوليو 13, 2005 اول شي مشكورة نوفه على الموضوع الحلو و الصراحه منتدى النقاش افضل قسم عندي في منتدى بحرين تودي لانه ممكن تقولين اكثر قسم تستفيدين منه ،، تتعرفين على مختلف الآراء و مختلف النظرات و اكيد يهمني اني اجوفه في احسن حال ،، و انه تنطرح فيه مواضيع راقيه و مو اي كلام !! و ان شاء الله نقدر نطوره و نرفع من مستويات النقاش فيه نرجع للاسئلة ،، 1- شنو هي أفضل إيجابيات القسم ؟ النقاش الهادف اللي يطرح مشاكل اجتماعيه و ثقافيه يناقش مشاكل تهمنا كشباب او اي عمر التعرف على نظرة الناس تجاه موقف معين او من قضيه معينه و التطوير من افكارنا و منطقنا و اهدافنا 2- شنو هي أسوء سلبياته وأكثرها ؟ اسمحولي انه في مواضيع ما ترقى انها تكون في منتدى النقاش و سلبيه واضحه في المنتدى انه قرب المواضيع بينه و بين الديوانيه انه في مواضيع تنطرح في النقاش مكانها الديوانيه مثل افضل عطر ،، افضل عضو و غيرها من المواضيع المفروض لنقاش هادف انه العضو يكون له اكثر من مرور في الموضوع و اكثر من مشاركه طبعا مو الزامي بس اذا سمح هالشي منتدى النقاش تتغير مواضيعه بسرعه بسبب طرح مواضيع وايد في اليوم يعني تلاقي موضوع انطرح اليوم تلاقي اليوم الثاني وصل الصفحه الثالثه و اغلب الاعضاء يمكن ما جافوه لانه المواضيع اللي تنطرح في اليوم وايد و هاي يأثر على النقاش العضو نفسه ينزل اكثر من موضوع في اليوم و هاي ما يعطي المواضيع حقها 3- من هم أكثر الأعضاء مشاركة في عدد الردود والمواضيع فيه ؟؟؟ و الله مادري بس مثل ما قالوا الاعضاء اللي يهمنا مو الكم بل الكيف 4- من هم أكثر الأعضاء قـوة وجمال وواقعيه في الإسلوب النقاشي الصريح ؟؟؟ وايد اعضاء ما شاء الله اسلوبهم حلو و نقاشهم راقي في البدايه اذكر استاذي (( وسمي الفزيع )) اسلوب راقي في الرد و هالشي مو غريب بما انه صحفي و يشرفني مروره على اي موضوع لي و مروري على اي موضوع له بوحصه ،، نقاشه حلو و مواضيعه احلى و من مجتمعنا البحريني دايما مطلع شمس البحرين ،، تعطي الموضوع حقه في الرد ،، و اسلوبها وايد حلو أشجان ،، طلتها وايد مميزة و حلوة ،، و آرائها دايما في مكانها ،، و اسلوبها ما شاء الله عليه عجيب D_18online نقاشها حلو و الصراحه عقلها اكبر من عمرها ما شاء الله عليها و وايد غيرهم بعد شاقول شاخلي و طبعا ما انساج و ما انسى اسلوبج الراقي و الحلو في الرد على المواضيع و مواضيعج الراقيه و الهادفه 5- من هو أكثر عضو/ عضوه ،، يجذبك في إسلوبه ( 1 بس ) ؟؟؟؟ ماقدر احصر رايي في شخص معين لانه الكل له ستايل معين يميزه 6- شنو هي إقتراحاتك لـ قسم النقاش ،، ( أشياء تبي نسويها ونزيدها ؟؟؟ أشياء ما تتمناها تكون بـ النقاش ؟؟؟ ) ؟ اتمنى بس قبل ما اي عضو ينزل اي موضوع يفكر هل الموضوع يناسب منتدى النقاش او يرقى لان يأخذ من اهتمام الاعضاء لانه اسمحولي بهالكلمة بس للاسف تكون احيانا في مواضيع تافهه و مو مكانها النقاش و ياريت الاعضاء يفرقون بين 3 منتديات اهم ( النقاش ،، الديوانيه ،، المواضيع العامة ) شكرا على الموضوع و اتمنى اني ما طولت عليكم ،، ولا زعلت احد لانه اولا و اخيرا انا ما قلت هالاشيا الا لمصلحة المنتدى و الاعضاء Quote Link to comment Share on other sites More sharing options...
أشجان Posted يوليو 13, 2005 Report Share Posted يوليو 13, 2005 (edited) المفروض لنقاش هادف انه العضو يكون له اكثر من مرور في الموضوع و اكثر من مشاركه طبعا مو الزامي بس اذا سمح هالشي منتدى النقاش تتغير مواضيعه بسرعه بسبب طرح مواضيع وايد في اليوم يعني تلاقي موضوع انطرح اليوم تلاقي اليوم الثاني وصل الصفحه الثالثه و اغلب الاعضاء يمكن ما جافوه لانه المواضيع اللي تنطرح في اليوم وايد و هاي يأثر على النقاش العضو نفسه ينزل اكثر من موضوع في اليوم و هاي ما يعطي المواضيع حقها ملاحظة 1 أغلب الأعضاء إذا مو كلهم يردون على الموضوع أو ينزلون موضوع بدون ما تكون عندهم متابعة أو اهتمام يعني كل شخص يحط رايه .. وخلص ينتهي الحوار!! ملاحظة 2 فعلاً هالشي يزعجني .. يجبرني اسوي حركة غريبة شوي وهي "أحجز مكان للرد" وهذا واايد عرضني للاحراج والكل يقول "تبي تزيد مشاركاتها" أو " قاعدة في مسنجر" و الفنتك " شكراً على المرور"!!!! بس هذي أحسن طريقة .. لأن مستحيل ألقى الموضوع في هالكم الهائل من المواضيع !! إن شالله تنحل كل هالمشاكل بإشراف "نــوفــه" على القسم Edited يوليو 13, 2005 by أشجان Quote Link to comment Share on other sites More sharing options...
ba7rainy_a9eel Posted يوليو 13, 2005 Report Share Posted يوليو 13, 2005 بسم الله الرحمن الرحيم السلام عليكم ورحمة الله وبركاته،، الصراحه احسن عظو عندي في هل مجال اهوه صقر المحرق Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.