Bounty Posted أغسطس 21, 2005 Report Share Posted أغسطس 21, 2005 بسم الله الرحمن الرحيم السلام عليكم ورحمه الله وبركاته عندي موضوع احب انقاشه وياكم وهو الانعجاب بالذات عند البنات تلاقيهم ينعجبون بالممثلين او المغنيين او مال الكورة يعني تجمع صورة تسمع اغانيه وتتغزل في جماله وهذا اكثر شي عند الصغار من 9 الى 17 سنه ليش يعني تنجذب الفتيات الى هالنوع من الناس وخصوصا ان الانعجاب اكثر الاحيان ما يكون الى شخصيات بارزة ومهمه وتستاهل بل يكون الى مجرد ممثل وسيم هل هالشي يؤثر على البنت وعلى اخلاقها اذا كبرت او ممكن يكون نتيجه سوء تربيه او انه مجرد مرحله وتعدي وهل يختلف الامر لو كانت مثلا معجبه بشخصيه اسلاميه او سياسيه ارجو التفاعل بالموضوع وخذو راحتكم فيه اللي تبون قولوه Quote Link to comment Share on other sites More sharing options...
maryoum Posted أغسطس 21, 2005 Report Share Posted أغسطس 21, 2005 تجوفين الي ميته على لاعب كرة ولاممثل مالها علاقه بالكره ولاتفهم فيها ولا لها اي درايه بالفن تجوفينها شاااطه رووحها عليه واتغزل فيه "حمدلله والشكر" اهمه يحبونهم مو حبا فالكرة ولا حبا فالفن ... هذي راجع لتربيتهم على ماعتقد مثل ماتدرون خاصه هني عندنا الابو ماله دور فالبيت ولا فتربيه عياله ودايما بعيد عن عياله وماله وجود وبعيد عن بناته الي اهمه اكثر حاجه لمجرد وجوده بينهم والشعور بحبه لهم واذا ماحسوا بهالحب بيروحون يدورونه في اي شخص يجوفونه ويتعلقون فيه Quote Link to comment Share on other sites More sharing options...
LaDy EMiNeM Posted أغسطس 21, 2005 Report Share Posted أغسطس 21, 2005 بدينا بالحش بااقولج عن نفسي... انا احب ايمينم.. مو لانه اهلي مايهتمون فيني وماادري شنو.. بالعكس اهلي حاطيني بين عيونهم (فديتهم والله) انا ساعات احس ان اهيا مرحله وبتعدي لان اختي كانت مثلي اتحب فرقه باكستري بويز من زماان واحين ماتهتم لهم... وطبعا ذي مابيأثر على الاخلاق ولا شي وطبعا لو قلت رايي فيه او ليش احبه يمكن مايقنع اي شخص فاحتفظ فيه لنفسي بسج حش هااا.. لووووووووووووول Quote Link to comment Share on other sites More sharing options...
نـوفـه Posted أغسطس 21, 2005 Report Share Posted أغسطس 21, 2005 (edited) يعطيج العافيه أختي الغاليه على هـ الموضوع الحلو ،، بـ النسبه لي أشوف إن هذي يختلف من بنت لي بنت ثانيه ،، وكل وحده على حسب تربيتها وعلى حسب شخصيتها وطريقة تفكيرها ،، يعني في بعضهم ،، تلاقينهم فتره معينه بس يحبون هـ الشخص ويموتون عليه ،، وصوره في كل مكان في غرفتهم ،، لكن مو معجبه فيه لدرجة الجنون ،، يعني لما تشوفه تستانس وايد لكن بكل هدوء ،، لكن مع الأيام ،، ولما تكبر شوي ،، تنسى إنها أصلاً أعجبت فيه بـ يوم وكانت مثل المينونه عليه ،، ولما تتذكر سوالفها ،، تضحك وايد على روحها ،، لأن في مرحلة المراهقه ،، عادي تلاقين البنت المراهقه ،، تنجذب لـ أي شاب وسيم على الشاشه ،، ومو بس البنات ،، حتى تلاقين الشباب ،، أو المراهقين الصغار ،، في مرحله معين ،، ينجذبون لـ فتيات الشاشه الجميلات ،، ومع الأيام ،، لما يكبرون ،، يضحكون على تصرفاتهم لما كانوا في هـ المرحله ،، أما ،، إذا كانت البنت تعشق الشاب لـ درجة الجنون ،، والسبب كله يرجع إلى شكله ،، ومن تجوفه ،، تستخف وتراكض وراه وتضمه وتصور معاه وتمسك يده ،، وتنسى إنها بنت ولها عايله محافظه ،، يعني ،، يختلف من شخص لي شخص آخر ،، ويختلف من طريقة التربيه الفكريه غير المقصوده إللي تزرعها الأسره في عقل المراهقه ،، لكن عامه ،، أنا أعتبرها مرحله وتعدي ،، وما ينتج عن سوء تربيه أو سوء أخلاق ،، إلا إذا كانت البنت ،، لما تلاقي الشاب المشهور إللي معجبه فيه ،، وتروح له كأنها مينونه ،، وتصارخ وتصيح من الوناسه ،، وودها ترمي بـ نفسها عليها ،، هذي أشوفه قمه في الإنحطاط في الأخلاق ،، والله الموفق ،، Edited أغسطس 21, 2005 by نـوفـه Quote Link to comment Share on other sites More sharing options...
عيون البحرين Posted أغسطس 21, 2005 Report Share Posted أغسطس 21, 2005 تسلمين اختي على الموضوع انا عن نفسي انعجبت في ممثل هندي مو عشان ان اهوة وسيم او حلو بالعكس انه انعجبت فيه بسبب تمثيله وصدق الاحاسيس الي يوصلها وان اهوة ممثل عن جد احب ازور كل افلامه بس مو لدرجة اني اجمع صوره او اجوف افلامه 24 ساعة وما اقوم عن التلفزيون ومو شرط ان البنت او الشاب ينعجبون في الوسيم يصير انهم ينعجبون في شخصيته او اسلوبه او كلام فيختلف من طريقة التفكير من شخص لي ثاني وتلاقين المراهقين يسوون هالاشياء يمكن للفراغ الزايد الي عندهم فيجمعون الصور و يحتفظون فيها وينعجبون في اي ممثل مثل ماقالت اختي نوفه فترة وتعدي وبيضحكون على روحهم بعدين تسلمين على الموضوع Quote Link to comment Share on other sites More sharing options...
دلع miss Posted أغسطس 21, 2005 Report Share Posted أغسطس 21, 2005 في اعتقادي ان اهياا مجرد مرحله واتعدي,,, يعني البنت تنجذب للممثل الفلاني اوالمغني الفلاني في فتره المراهقه وفي الفتره اللي تنفتح عيونهاا على هذه الاشياء لاول مره,,, لكن بعدين لما تكبر تبتدي اشوي اشوي تفقد اهتمامها بهالاشياء ويتجه تفكيرهاا لاشياء اهم في حياتهاا ,,, ويسلموووو ع الموضوع ويعطيج الفــ عافيه Quote Link to comment Share on other sites More sharing options...
حالاوي للأبد Posted أغسطس 21, 2005 Report Share Posted أغسطس 21, 2005 مشكورة اختي على الموضوع الرائع يارائعة اي والله هالظاهرة واايد منتشرة بس تدرين خلهم يتحلمون مردهم بيكبرون وبعرفون ثانكس يامتألقة Quote Link to comment Share on other sites More sharing options...
Bounty Posted أغسطس 21, 2005 Author Report Share Posted أغسطس 21, 2005 تسلمون لي عالمرور والمشاركات الحلوة يمكن فعلا مثل ما قالت ليدي امينم ونوفه انها مرحله وتعدي وهذي مجرد تصرفات صبينانيه يسوونها بصراحه مادري ليش يمكن عشان يملون فراغهم مثل ما قلتي عيون البحرين لكن ابدا ما اعتقد انها بسبب عدم اهتمام الاهل فيهم او ابتعاد الابو لان الابو لما بتعد عن بناته راح يدورون عن واحد ياخذون منه حب وحنان مو مجرد بوستر معلق في الغرفه يدورون على الحب مو الاعجاب وهذا على ما اعتقد يختلف وانا بعد ترى عندي هالحاله انعجبت بمغنيين وممثلين لاكن مو عشان شكلهم حبيتهم عشان ادائهم Quote Link to comment Share on other sites More sharing options...
Bounty Posted أغسطس 21, 2005 Author Report Share Posted أغسطس 21, 2005 معذرة اواني لكن في طرحي للموضوع تطرقت الى الانعجاب في الشخصيات الاسلاميه والسياسيه وغيره لكن ما لقيت اي تفاعل من هالناحيه بليز انكم تعطوني اراءكم بهالموضوع لان انا بعد معجبه بشخصيات كبار وما انعجبت فيها الا لانها تستحق الاعجاب مثل المرحوم زايد وche guevara ذيلين على ما اعتقد يخلف الوضع يعني الواحد ما ينلام اذا يحبهم لانهم يستاهلون الحب بكل معنى الكلمه عندهم مبدأ وقضيه يناضلون عشانها مو مجرد اغنيه او فلم يتمايل فيها مع البنات Quote Link to comment Share on other sites More sharing options...
سكورتي قلوب Posted أغسطس 21, 2005 Report Share Posted أغسطس 21, 2005 مرحلة وتعدي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.