Jump to content
منتدى البحرين اليوم

معجبه بممثل !!!!!!!!!!!


Bounty

Recommended Posts

بسم الله الرحمن الرحيم

 

السلام عليكم ورحمه الله وبركاته

 

 

عندي موضوع احب انقاشه وياكم وهو

 

الانعجاب

 

بالذات عند البنات

 

تلاقيهم ينعجبون بالممثلين او المغنيين او مال الكورة

 

يعني تجمع صورة تسمع اغانيه

 

وتتغزل في جماله

 

وهذا اكثر شي عند الصغار من 9 الى 17 سنه

 

 

ليش يعني تنجذب الفتيات الى هالنوع من الناس

 

وخصوصا ان الانعجاب اكثر الاحيان ما يكون الى شخصيات بارزة ومهمه وتستاهل بل يكون الى مجرد ممثل وسيم

 

 

هل هالشي يؤثر على البنت وعلى اخلاقها اذا كبرت

 

او ممكن يكون نتيجه سوء تربيه

 

او انه مجرد مرحله وتعدي

 

وهل يختلف الامر لو كانت مثلا معجبه بشخصيه اسلاميه او سياسيه

 

 

 

 

ارجو التفاعل بالموضوع

 

وخذو راحتكم فيه اللي تبون قولوه

Link to comment
Share on other sites

تجوفين الي ميته على لاعب كرة ولاممثل

مالها علاقه بالكره ولاتفهم فيها

ولا لها اي درايه بالفن

تجوفينها شاااطه رووحها عليه واتغزل فيه "حمدلله والشكر"

اهمه يحبونهم مو حبا فالكرة ولا حبا فالفن ...

هذي راجع لتربيتهم على ماعتقد

مثل ماتدرون خاصه هني عندنا الابو ماله دور فالبيت ولا فتربيه عياله

ودايما بعيد عن عياله وماله وجود وبعيد عن بناته الي اهمه اكثر حاجه لمجرد وجوده بينهم والشعور بحبه لهم

واذا ماحسوا بهالحب

بيروحون يدورونه في اي شخص يجوفونه ويتعلقون فيه

 

 

Link to comment
Share on other sites

بدينا بالحش ssm16.gif

 

بااقولج عن نفسي...

 

انا احب ايمينم..

 

مو لانه اهلي مايهتمون فيني وماادري شنو..

 

بالعكس اهلي حاطيني بين عيونهم (فديتهم والله)

 

انا ساعات احس ان اهيا مرحله وبتعدي

 

لان اختي كانت مثلي اتحب فرقه باكستري بويز من زماان واحين ماتهتم لهم...

 

وطبعا ذي مابيأثر على الاخلاق ولا شي

 

وطبعا لو قلت رايي فيه او ليش احبه يمكن مايقنع اي شخص

 

فاحتفظ فيه لنفسي nnn6.gif

 

بسج حش هااا.. ssm16.gif

 

لووووووووووووول

Link to comment
Share on other sites

يعطيج العافيه أختي الغاليه على هـ الموضوع الحلو ،،

 

 

 

بـ النسبه لي أشوف إن هذي يختلف من بنت لي بنت ثانيه ،،

 

وكل وحده على حسب تربيتها وعلى حسب شخصيتها وطريقة تفكيرها ،،

 

يعني في بعضهم ،، تلاقينهم فتره معينه بس يحبون هـ الشخص ويموتون عليه ،،

 

وصوره في كل مكان في غرفتهم ،، لكن مو معجبه فيه لدرجة الجنون ،،

 

يعني لما تشوفه تستانس وايد لكن بكل هدوء ،،

 

 

لكن مع الأيام ،، ولما تكبر شوي ،، تنسى إنها أصلاً أعجبت فيه بـ يوم وكانت مثل المينونه عليه ،،

 

ولما تتذكر سوالفها ،، تضحك وايد على روحها ،،

 

لأن في مرحلة المراهقه ،، عادي تلاقين البنت المراهقه ،،

 

تنجذب لـ أي شاب وسيم على الشاشه ،،

 

ومو بس البنات ،،

 

حتى تلاقين الشباب ،، أو المراهقين الصغار ،، في مرحله معين ،،

 

ينجذبون لـ فتيات الشاشه الجميلات ،،

 

ومع الأيام ،، لما يكبرون ،، يضحكون على تصرفاتهم لما كانوا في هـ المرحله ،،

 

 

 

أما ،، إذا كانت البنت تعشق الشاب لـ درجة الجنون ،، والسبب كله يرجع إلى شكله ،،

 

ومن تجوفه ،، تستخف وتراكض وراه وتضمه وتصور معاه وتمسك يده ،، وتنسى إنها بنت ولها عايله محافظه ،،

 

 

 

يعني ،، يختلف من شخص لي شخص آخر ،،

 

ويختلف من طريقة التربيه الفكريه غير المقصوده إللي تزرعها الأسره في عقل المراهقه ،،

 

 

 

لكن عامه ،، أنا أعتبرها مرحله وتعدي ،، وما ينتج عن سوء تربيه أو سوء أخلاق ،،

 

إلا إذا كانت البنت ،، لما تلاقي الشاب المشهور إللي معجبه فيه ،، وتروح له كأنها مينونه ،،

 

وتصارخ وتصيح من الوناسه ،، وودها ترمي بـ نفسها عليها ،،

 

هذي أشوفه قمه في الإنحطاط في الأخلاق ،،

 

 

 

 

والله الموفق ،،

Edited by نـوفـه
Link to comment
Share on other sites

user posted image

 

 

 

تسلمين اختي على الموضوع

 

 

انا عن نفسي

انعجبت في ممثل هندي مو عشان ان اهوة وسيم او حلو

بالعكس

انه انعجبت فيه بسبب تمثيله وصدق الاحاسيس الي يوصلها

وان اهوة ممثل عن جد

 

احب ازور كل افلامه

بس مو لدرجة اني اجمع صوره او اجوف افلامه 24 ساعة

وما اقوم عن التلفزيون

 

 

ومو شرط ان البنت او الشاب ينعجبون في الوسيم

يصير انهم ينعجبون في شخصيته او اسلوبه او كلام

فيختلف من طريقة التفكير من شخص لي ثاني

 

 

وتلاقين المراهقين يسوون هالاشياء

يمكن للفراغ الزايد الي عندهم

فيجمعون الصور و يحتفظون فيها

وينعجبون في اي ممثل

 

 

مثل ماقالت اختي نوفه

فترة وتعدي

وبيضحكون على روحهم بعدين

 

 

 

تسلمين على الموضوع

 

 

user posted image

 

Link to comment
Share on other sites

في اعتقادي ان اهياا مجرد مرحله واتعدي,,,

 

يعني البنت تنجذب للممثل الفلاني اوالمغني الفلاني في فتره المراهقه

وفي الفتره اللي تنفتح عيونهاا على هذه الاشياء لاول مره,,,

 

لكن بعدين لما تكبر تبتدي اشوي اشوي تفقد اهتمامها بهالاشياء

ويتجه تفكيرهاا لاشياء اهم في حياتهاا ,,,

 

ويسلموووو ع الموضوع

 

ويعطيج الفــ عافيه

Link to comment
Share on other sites

مشكورة اختي على الموضوع الرائع يارائعة

 

اي والله هالظاهرة واايد منتشرة

 

 

بس تدرين خلهم يتحلمون مردهم بيكبرون وبعرفون

 

 

 

ثانكس يامتألقة

Link to comment
Share on other sites

تسلمون لي عالمرور والمشاركات الحلوة cool.gif

 

 

يمكن فعلا مثل ما قالت ليدي امينم ونوفه انها مرحله وتعدي

 

وهذي مجرد تصرفات صبينانيه يسوونها بصراحه مادري ليش يمكن عشان يملون فراغهم مثل ما قلتي عيون البحرين

 

لكن ابدا ما اعتقد انها بسبب عدم اهتمام الاهل فيهم او ابتعاد الابو

 

لان الابو لما بتعد عن بناته راح يدورون عن واحد ياخذون منه حب وحنان مو مجرد بوستر معلق في الغرفه

 

يدورون على الحب مو الاعجاب وهذا على ما اعتقد يختلف

 

 

 

وانا بعد ترى عندي هالحاله

 

انعجبت بمغنيين وممثلين لاكن مو عشان شكلهم حبيتهم عشان ادائهم

 

 

 

Link to comment
Share on other sites

معذرة اواني لكن في طرحي للموضوع تطرقت الى الانعجاب في الشخصيات الاسلاميه والسياسيه وغيره

 

لكن ما لقيت اي تفاعل من هالناحيه

 

بليز انكم تعطوني اراءكم بهالموضوع

 

 

لان انا بعد معجبه بشخصيات كبار وما انعجبت فيها الا لانها تستحق الاعجاب

 

مثل المرحوم زايد

 

وche guevara

 

ذيلين على ما اعتقد يخلف الوضع يعني الواحد ما ينلام اذا يحبهم

 

لانهم يستاهلون الحب بكل معنى الكلمه عندهم مبدأ وقضيه يناضلون عشانها

 

مو مجرد اغنيه او فلم يتمايل فيها مع البنات ph34r.gif

Link to comment
Share on other sites

مشكورة اختي بونتي على هالموضوع الحلو

 

وبعدين عادي

 

يعني مو كل من اعجب بشخص يعني يبيه له

انا معجبة بطلال يوسف ومعجبة بلعبه وعندي بعد دفاتر فيها صور له يعني انا ماافهم في الكورة وشاطه عمري

 

بس هاي الفترة تكون في فترة المراهقة يعني فترة طيش وانا الحين عايشة فيها ومالها علاقة بالاهل

 

اما عن البنات الي عايشين في الاحلام الوردية وحاطين في بالهم انهم بياخذونهم او شي من هالقبيل فهاذيلا ماعندهم سالفة ويبون يشغلون نفسهم في اي شي وعايشين حلم

 

 

ويعطيج العافية اختي

ومشكووووووووووووووورة

 

 

Link to comment
Share on other sites

أختي الغاليه ،، Bounty ،،

 

 

إسمحي لي على نسياني بـ التعليق على آخر نقطه وإللي هي الأهم في موضوعج النقاشي ،،

 

إللي هي الإعجاب والإنجذاب إلى شخصيه معروفه ،، سياسيه أو إسلاميه ،،

 

 

أنا وايد أحترم وأقدر البنات أو الناس عامه ،، إللي تلاقينهم مهتمين بـ السياسيين والإسلاميين ،،

 

وأعتبرهم فخر لـ أهاليهم ،، لأن تفكيرهم راقي ،، مو يميليون للـ خرابيط وبس ،،

 

 

وعن نفسي ،، أنا أعترف وأفتخر إني من عشاق ( جمال عبدالناصر ) ،،

 

حتى لو ما لحقت عليه ،، لكني عرفت حبه ومواقفه ومسيرته العظيمه عن طريق يدتي الله يرحمها ،،

 

وعن طريق أبوي الله يخليه لي ،،

 

إللي غرسوا فينا حبه وإحترامنا للشخصيات إللي مثله ،،

 

 

وبـ نفس الوقت ،، ( زايد الخير ) ،، من أكثر الكبار إللي حبيتهم وإحترمتهم ،، الله يرحمه ،، sad.gif ،،

Edited by نـوفـه
Link to comment
Share on other sites

مادري شلون هلمرحله مالها علاقه بالاهل والتربيه wacko.gif

يمكن الي قلته غلط بس فالنهايه اهيا مجرد وجهه نظر مو شرط تكون صح اميه بالاميه وتطنبق على كل مخلووقه فهالدنيا

شكلي فاهمه الموضوع غلط

الاعجاب بشخص شي طبيعي

يمكن تكون صج مواصفاته عجبتج

ويمكن انتي خليتيها تعجبج ل حاجه عندج وهاذي الي كنت اقصده فاول رد

لاتاخذونها اهانه

والله مو قصدي اتثيقل biggrin.gif

 

أنا وايد أحترم وأقدر البنات أو الناس عامه ،، إللي تلاقينهم مهتمين بـ السياسيين والإسلاميين

thumbup.gifthumbup.gifthumbup.gif

Edited by maryoum
Link to comment
Share on other sites

مشكورين على التفاعل

 

 

فعلا يمكن يتعبر الامر طبيعي شوي لكن اذا ما انتبهنا الى البنت ممكن تحلم زياده عن اللزوم وتتخيل اشيا وهذا مكن بعدين يدمرها نفسيا

 

يعني ما فيها شي لو انعجبنا باحد لكن اهم شي عقلنا ما نضيعه

 

 

 

اختي نوفه اشكر مرورج مره ثانيه وردج الراقي

 

وترى الاعجاب بهالشخصيات يخلي الانسان يرتفع بمستواه فوقى مستواهم ويجوف الدنيا بمنظارهم

 

يعني حب نحصل من وراه فايده

 

 

وسوري اختي maryoum على كامي يمكن كان قوي شوي

 

انا ما كان قصدي ان مالها علاقه بالتربيه اكيد التربيه اهي اللي تخلق فينا اطباعنا وتصرفاتنا

 

كان قصدي ان البنت لما ابوها يبتعد عنها تروح تدور الحب عند الشباب يعني علاقه حب

 

ما يكفيها مجرد الاعجاب بانسان تدري انها ما راح توصل له بيوم

 

لانه ما راح يعطيها الحنان اللي فقدته من ابوها

Link to comment
Share on other sites

انا اعتقد انه مرحلة وتعدي للاغلبيه تكوون بس فتره المراهقه

 

بس ما يكون لتربيه الاهل دور في هالشي

 

وعن انه الواحد ينعجب بشخص ثانى وسامته هاى شي غلط اكيد يمكن يكون شكله وسيم بس داخله شلون تفكيره غلط

 

انه عن نفسي صارت معاى هالتجربه

بس كبرت شوى وفهمت واحين حمد الله ما يهمنى انى انعجب بشخصيه الى اذا عرفتها زيييييييييييين

 

 

 

Link to comment
Share on other sites

السلام عليكم ورحمة الله وبركاته،،

 

موضوع جدا جدا جدا رائع

 

الاعجاب في المشهورين

 

صار الحين بشكل كبير جدا لدى البنات وحتى الشباب يموت على فنانة معينة

 

اولا خطوة

 

يتابعون كل اعماله ويعرفون كل دقائق حياته

 

صور المشهور او المشهورة على جدران الغرفة وفي الكمبيوتر والتلفون ومحفظة النقود

 

تقليد الشخص من كل الجهات

 

اللبس والكلام والتصرفات سواء كان الشيئ يستاهل التقليد او لا

 

 

 

 

والفئة العمرية ماتقتصر على اللي ذكرتيهم والله كل الاعمار وارد عندهم هالتصرف

 

 

 

انا ما احب ان الشخص يقلد الفنان بشكل اعمى

 

مو هذا اللي عافس مجتمعاتنا

Link to comment
Share on other sites

 

مرحلة وتعدي ؟؟

 

غريب هالجواب

 

هالمرحلة شنو بيصير فيها

 

وايد شغلات غلط

 

مرة رحت مسرحية كويتية في البحرين

 

وشفت جنون البنات بشل غير طبيعي على الممثليين برغم ان المسرحية كانت للاطفال لكن كلهم كبار اللي حضرو

 

لمجرد ان الممثل موجود على كل حركة يصارخون واواو

 

وماقدر

 

وبيغمى علي

 

كلمات اسمعها بأذني

 

او احبك

 

او تبوسه

 

هالمرحلة اللي تعدي

 

مضره بالبنت ضرر كبير قبل لا تعدي

Link to comment
Share on other sites

بسم الله الرحمن الرحيم

 

مشكورة ختي ع الموضوع الحلو

 

هاذا الشي مب بس في البنات حتى الشباب

 

طبعا الانعجاب في بعض الشخصيات ياثرعلا الشخص سواء تصرفاته او شكله

 

يعني مثلا الشباب صارو يقلدون الممثلين والمغنيين في كل شي

لبس \ قصة شعر\ حتى في تصرفاتهم

 

واحيانا تجوف وحدة ما تفهم في الكورة تتابع مباريات ريال مدريد كلها علشان تجوف بيكهام

يعني شبتستفيدين من واحد مثل هاذا ( بروحه يلوع الجبد )

 

واعتقد انها مرحلة وتعدي

 

يعني مثلاً في وحدة كانت تموت في جواد العلي ( من جماله ؟؟ dry.gif ) تجمع صوره واغانيه

وبعد فترة تجوفها ماتطيقه

 

لكن مثل ما ذكر اخوي al Mzzyoon_55

هالفترة تاثر في الشاب او الشابة

 

لكن مثل ما ذكرتي اختي في ناس تستاهل ان الواحد ينعجب فيهم

 

وعلى الانسان انه يختار القدوة الزينة

 

يعني انك تنعجب في شخصية اسلامية هاذا شي واجد زين

وتحاول تكون مثله

 

تحياتي

ads12.gif

Edited by دوا الريح
Link to comment
Share on other sites

اشكركم على ردودكم

 

 

خوي المزيون

 

ردك كان جدا رائع

 

ومثل ما قلت حتى لو عدت هالفتره تكون عدت وخلفت وراها تصرفات سلبيه واشيا غلط

 

لان فيه بنات مثل ما قلت يوصلون انهم ينتحرون جدام هالممثل

 

او انها تقط روحها عليه كانها عمرها ما جافت واحد حلو

 

ومو بس جذي حتى تقليد هالفئه من الناس ما يفيد شبابنا

 

الا يخترب اكثر واكثر مثل ما قلت

 

لكن كل هالتصرفات والتاثيرات تروح عقب ما تخلص هالمرحله

 

 

 

 

ردك عجبني وايد دوا الريح مشكور

 

ومثل ما قلت مو كل واحد يستاهل ان ننعجب فيه

 

احنا المفروظ نختار عدل الانسان اللي نحبه لان حتى بهذا الشي احنا محاسبين يوم القيامه

 

 

 

 

واعذروني لو كان الكلام موجه الى البنات لكن مو بس البنات في هالمسأله كان هذا مجرد مثال

 

لان حتى الشباب ينعجبون في نانسي وايمينم cool.gif

Link to comment
Share on other sites

اعتقد في حقيقة الامر

لابد بس خلنا نقول في معظم الاحيان

الواحد او الوحدة تنعجب في شخص

وهذا امر مفروغ منه

لكن السؤال والمحور الاساسي هو في من وليش؟؟

ف بناء على ميول الفتاه وشنو الي تفكر فيه

وشنو الي يحيطها من بيئه اهيه البنت تتأثر

مثلا هذي البنت تفكيرها يركز في الجمال فتنعجب

في شخص ممثل او ملك جمال او غيره

البنت تحب بل ومتمسكة بدينها فتنعجب في شخصية اسلامية

فتاة بيئتها وبيئة المحيط حولها كله اغاني ولهو

فتموت على شي اسمه اغاني

وغيره

وجهه نظر

Link to comment
Share on other sites

اني في راي انه هذا الموضوع عادي

واغلب البنات يصير لهم هذا الشي

واني بصراحة معجبه بالمطرب فضل شاكر

واحس ان هذا موضوع عادي

لانه مجرد اعجاب بشخصية فنان

او بشي معين بالفنان

فمثلااني يعجبني بهذا الفنان احساسه العالي وصوته

هذا الشي الي خلاني انجذب له

بس هذي مرحله وتعدي

وماضن انه فيها مشاكل

 

 

Bahrain.gif

Link to comment
Share on other sites

 

انه مو مراهقة انه شابة ناضجة والاكيد اني مريت بمرحلة المراهقة بس الحمدلله ماكان عندي هالشي الانعجاب بفنان او مغني او.... لاني اصلا ما احترمهم فكيف انعجب باشخاص ما احترمهم لكن انه من فترة طويلة وللحين يعجبني السيد حسن نصرالله هذه الشخصية السياسية الدينية والاجتماعية المشهورة لا لفنها ولا لنجوميتها بل لطهارتها ونقائها وعشق العرب والمسلمين له ليس بالغريب فهو معشوق وحبيب لكل شخص يعرف معنى الاسلام والحرية والنصر.

Link to comment
Share on other sites

مرحبا

 

انه معجبة بجم ممثل هندي هههههه

ماعليكم مني اموت في الافلام الهندية

 

انعبجت فيهم لان ادائهم حلوو

وتمثيلهم احلى

يمكن تجوفين وسامتهم مو وايد كبيرة

بس انعجبت بأدئهم

 

كل شخص بيجوف شي يعجبه بيحبه

 

انه اتكلم عن نفسي

 

انه صج انعبجت فيهم وحتى اكا توقيعي هههه

بس مو لدرجة اني اموت فيهم و اتحلم فيهم وماخلي صورة لهم الا احتفظ فيها عندي واصير مينونة عليهم

هاي بصراحه ناس ماعندها سالفة اذا جذي

 

و اكيد كل شخص بيعجبني ادائه بتابعه وبتابع اعماله

 

وكل هذا بالنسبة لي ماله علاقة بتربية الاهل ولا هالسوالف

 

ومشكورة عالموضوع الرائع

 

 

Link to comment
Share on other sites

اني في راي انه هذا الموضوع عادي

واغلب البنات يصير لهم هذا الشي

واني بصراحة معجبه بالمطرب فضل شاكر

واحس ان هذا موضوع عادي

لانه مجرد اعجاب بشخصية فنان

او بشي معين بالفنان

فمثلااني يعجبني بهذا الفنان احساسه العالي وصوته

هذا الشي الي خلاني انجذب له

بس هذي مرحله وتعدي

وماضن انه فيها مشاكل

 

 

Bahrain.gif

بس انااا مو معجبة في فضل شاككر ببس خذيت اقتباس من الاخت لان الرد عجبني وانا وياها في الرد بس اناا معجبة في عاااااااااااصي الحلاني من ناحية شكله وصوته ولبسه وانه لبناني واحترامه للاخرين واغااانيه اللي كل وحدة احلى من الثانية وثانكس على الموضوع thumbup.gifthumbup.gif

Link to comment
Share on other sites

user posted image

 

 

 

تكمله لجوابي

 

لو كل الناس ينعجبون في الشخصيات الاسلامية او الشخصيات السياسية او الثقافيه

جان تطورنا اكثر واكثر

وما وصلنا لدرجة الجنون على الممثلين او المغنيين

 

لان الي يتابع هالشخصيات دايما يكون في تحدي مع ذاته

و يكون له طموح ان يحقق مثل الي حققوه

او يحقق ولو جزء بسيط

 

 

وانا من الشخصيات الي لفتت انتباهي وانعجبت فيهم هو جمال عبد الناصر

مما لا شك الشخصية المعروفة (( زايد الخير )) الله يرحمه

 

 

 

user posted image

 

Link to comment
Share on other sites

وعليكم السلام ورحمة من الله وبركاته000

 

النوع من هذا الناس ليس لهم أعمار في الأعجاب00 أنا معاج اختي

 

باونتي أن الأغلب بتكون أعمارهم في سن المراهقه00 بس في كبار

 

السن ينخرطون في هالمواضيع00 وهاذي يمكن تكون مرحله وتعدي

 

ويمكن تكون أبديه00 يعتمد على فكر المعجب وعقليته 000

 

هذا إللي كتبو عنه في الجريده أنفصل عن خطيبته لأنها لا تشبه نوال

 

الزغبي00 عمره تعدى العشرين سنه !

 

أشكرج أختي باونتي على المواضيع الرائعه !

Link to comment
Share on other sites

احب اشكركم من كل قلبي على ردودكم

 

وعجبتني بصراحه ردودكم انها تحمل تجربه كل واحد فيكم

 

يعني مو مجرد اراء وانما واقع قاعدين تعيشونه

 

 

اختي عنيده الخليج وساهره

 

فعلا كان كلامكن ان اعجاب البنت او الولد يعتمد على شخصيتهم وميولهم وهذا اللي يحدد الشخصيه اللي ينعجبون فيها

 

وهذا يعني شي واحد بس ان مجتمعنا فخطر

 

اذا كان المراهقين هذا اهتمامهم وكل اللي يفكرون فيه ما اعتقد انهم ممكن يكون الجيل اللي ينهض بالبلد

 

محتاجين ناس عندها ثقافه اكثر من مجرد غناء وتمثيل

 

مثل ما قالت اختي عيون البحرين لان الي يتابع هالشخصيات دايما يكون في تحدي مع ذاته

 

 

شروق المحبه / القيثاره الحزينه / عجميه من قلب

 

مشكورين على المشاركه بالموضوع واهم شي الواحد يعرف وين المفروظ يوقف

 

اوكي ما نقدر نمنعكم من الانعجاب لكن الواحد المفروظ يحافظ على عقله ويتصرف لمصحته

 

بحيث ما يخلي هالشي يسيطر عليه بالعكس المفروظ يكون اهو المسيطر

 

 

 

خوي بحريني قح

 

مادري شقول لكن المراهقين نقدر نعذرهم لانهم توهم صغار

 

اما الكبار فما نقدر نقول الا الحمدلله والشكر والله يهديهم

 

ما فيه فايده ننصح الصغار دام الكبار نفسهم يلحقون ورا هالاشيا

 

وبالذات الكبار المفروظ يحاسبون على تصرفاتهم لان عندهم مسؤوليه عيال يربونهم

 

ما ينفع نربي عيالنا على بوستر نوال الزغبي واغنيه نانسي عجرم

 

Link to comment
Share on other sites

يعطيج العافيه أختي الغاليه على هـ الموضوع الحلو ،،

 

 

 

بـ النسبه لي أشوف إن هذي يختلف من بنت لي بنت ثانيه ،،

 

وكل وحده على حسب تربيتها وعلى حسب شخصيتها وطريقة تفكيرها ،،

 

يعني في بعضهم ،، تلاقينهم فتره معينه بس يحبون هـ الشخص ويموتون عليه ،،

 

وصوره في كل مكان في غرفتهم ،، لكن مو معجبه فيه لدرجة الجنون ،،

 

يعني لما تشوفه تستانس وايد لكن بكل هدوء ،،

 

 

لكن مع الأيام ،، ولما تكبر شوي ،، تنسى إنها أصلاً أعجبت فيه بـ يوم وكانت مثل المينونه عليه ،،

 

ولما تتذكر سوالفها ،، تضحك وايد على روحها ،،

 

لأن في مرحلة المراهقه ،، عادي تلاقين البنت المراهقه ،،

 

تنجذب لـ أي شاب وسيم على الشاشه ،،

 

ومو بس البنات ،،

 

حتى تلاقين الشباب ،، أو المراهقين الصغار ،، في مرحله معين ،،

 

ينجذبون لـ فتيات الشاشه الجميلات ،،

 

ومع الأيام ،، لما يكبرون ،، يضحكون على تصرفاتهم لما كانوا في هـ المرحله ،،

 

 

 

أما ،، إذا كانت البنت تعشق الشاب لـ درجة الجنون ،، والسبب كله يرجع إلى شكله ،،

 

ومن تجوفه ،، تستخف وتراكض وراه وتضمه وتصور معاه وتمسك يده ،، وتنسى إنها بنت ولها عايله محافظه ،،

 

 

 

يعني ،، يختلف من شخص لي شخص آخر ،،

 

ويختلف من طريقة التربيه الفكريه غير المقصوده إللي تزرعها الأسره في عقل المراهقه ،،

 

 

 

لكن عامه ،، أنا أعتبرها مرحله وتعدي ،، وما ينتج عن سوء تربيه أو سوء أخلاق ،،

 

إلا إذا كانت البنت ،، لما تلاقي الشاب المشهور إللي معجبه فيه ،، وتروح له كأنها مينونه ،،

 

وتصارخ وتصيح من الوناسه ،، وودها ترمي بـ نفسها عليها ،،

 

هذي أشوفه قمه في الإنحطاط في الأخلاق ،،

 

 

 

 

والله الموفق ،،

الله يعطيج العافيه

Link to comment
Share on other sites

أشكرج أول على الموضوع المهم .. طبعا وخصوصا البنات تنعجب في اي شخصيه شبابيه ومثل ماقلتي اذ كان مغني او لاعب كوره وسبب وعلى حسب ظني اذ قالت البنت انا احب هاذي اشخصيه المعينه لأم او لابو او لأخ محد بيقدر يتكلم لأنه ذي شخص له معجبين من كل مكان .. فما أدري اتشاركوني أراي او لا .. مع احترامي لكم user posted image

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
×
×
  • Create New...