dloo3h_19_85 Posted مايو 25, 2006 Report Share Posted مايو 25, 2006 اول شي حبيت اشكركم على الموووضووع الحلو انا بااادخل في الموووضوووع ع طووول بس والله من كبر الماااساااة الي اعيشه موو عاررفه شنوو اكتب ولا شنو اقووول في البداايه والبدااايه اهو وقت الفراااغ كااان الفرااغ كاااابوووووووووس وااايد كرييه كنت اضيع وقت الفراااغ ع النت واااقعد ع البااالتووك من البالتوووك.... كانت المااااسااه عرفت وااحد كنت اكلمه عن طريج النت لين تطورت العلاااقه معااه ووصلت الي التلفووون ماااعرف شااااقووول بعد بس كاااان اسااوبه وااايد حلو و وااايد جذاااب قمنا نتبدااال الصووور من النت ومااكنت ادري ان اهو نيته شينه كنت اتوووقع ان اهو انساان نيته صااافيه لكن للاسف طلع ذئب من الدئاااب البشريه قااام يهددني ويعااايرني في الصووور وانا كنت خااايف منه وااايد بس مااعرف اشلوون اتصرف لين وصل واتصل في ابووووي ماااعرف شااقووول بس الي اقدر اقوووله اني عاايشه عيشه ممله كئبه محد عنده ثقه فيني هلي كلهم ابتعدووو عني صديقااتي تركوووني كل من يحاااول ان يصد عني كل شي حلووو في حياااتي قااااعد يرووووووح مااابااقيلي شي حلوو انا محتاااره ماااعرف شاااسووووي انا مااابي اي شي يرد الي ابي بس ثقة امي وابوووي فيني واني اقدر انام وانا مرتااحه بس والله مرااات وااايد افكر اني انتحر والله لوو مااكان ذي الشي حراام شاان انتحرت وع فكره ذي الشخص لي يوومكم يتعرضلي في الشااارع مااكفااه الي سواااه والله مليت من ذي الحياااة ابي اعيش حااالي حااال الغير مااااادري شااااسوووي انا وااايد محتاااره مووو عااارف الج حق من محتاااااااااااااااره سااااعدووووووني عااااااااااااد :ssm11 : Quote Link to comment Share on other sites More sharing options...
نـوفـه Posted مايو 25, 2006 Author Report Share Posted مايو 25, 2006 السلام عليكم ورحمة الله وبركاته ،، السموحه ع التأخير ،، الأخت العزيزه **miss bahrain** ،، كل إللي آقدر أقوله ،، إذا كانت البنت في سن أصغر من 20 أو 19 ،، أنصحها تترك سوالف ( الحب ) أو العلاقات العابره ،، خاصه مع الأشخاص إللي بـ مثل تصرفات حبيبها ،، ما يفيد إنها تورط روحها معاه ،، بدون هدف ،، لا توهم روحها ،، إنه يحبها ،، مادام إنه يكلم غيرها ،، لا توهم روحها إنه صادق معاها ويبيها ،، إذا كانت صغيره وهو صغير ،، وسنهم ما يتجاوز سن المراهقه ،، لأن الحب في هالسن صعب وايد ،، إللي يحب حب نقي وصادق ،، صعب إنه يخدع حبيبه ويكلم غيره ،، ومدام إن البنت تصدقه في كل شي يقوله ،، يعني حبها له معميها ،، يبي لها أحد يواجهها بـ الأشياء إللي هي مغمضه عينها عنها ،، وإذا كانت طالبه في المدرسه ،، الأحسن لها إنها تتركه وتترك سوالف الشباب والعلاقات ،، وتهتم في دراستها ،، لأن شهادتها هي إللي بتخليها توقف على ريلها بعد أخلاقها وسمعتها ،، dloo3h_19_85 ،، هلا أختي ،، أشكر لج ثقتج فينا ،، مشكلتج صارت حق وايد ناس أعرفهم ،، الشباب إللي مثل هـ الشاب ،، أشك إن فيهم حاله نفسيه مستعصيه ،، يعني يسببون مشاكل ورا بعض بدون أي إهتمام وبدون أي أسباب ،، خليني أصارحج ،، ولا تزعلين مني ،، إنتي غلطتي غلطه عوده بـ إنج طرشتي له صورج ،، خاصه إنج متعرفه عليه بـ النت ،، ويمكن ماعرفتي شخصيته عدل ،، لكن إللي أغراج فيه هو كلامه وإسلوبه ويمكن شكله ،، خلوج ترتاحين له وتثقين فيه ثقه عميه ،، تخليج تعطينه صورج بدون تفكير ،، هـ التصرفات إللي سويتيها وايد غلط ،، وكل إنسان يمر بـ لحظات ضعف ،، شبه يفقد فيها عقله ،، ويستخدم بس قلبه وعاطفته ،، مابالومج ،، لأن الشي راح وسويتيه وخلصتي ،، وحصلتي نتيجته ،، وإن شاء الله يكون درس تتعلمين منه وماتعيدينه وماتندمين أكثر ،، أحين أهم شي إنج ترجعين ثقة أهلج فيج ،، لأن بدون ثقتهم ،، العيشه تصير عذاب ،، حاولي تقعدين معاهم ،، تعتذرين لهم ،، تبينين لهم مدى ألمج وأسفج وندمج ،، على إللي سويتيه ،، حاولي توضحين لهم إن إللي صار من أخطاء ،، كان في لحظات ضعف ،، وأحين فتحتي عينج وندمتي ،، بيني لهم ،، إنج عارفه إنج غلطتي ،، ووعديهم إنج ماراح تكررين هـ الغلطه ،، لأن ثقتهم أهم شي عندج ،، وأشكاله ما تسوى تراب ريلهم ،، وأهم شي إنهم يسامحونج ويقبلون إعتذارج ،، طبعاً صعب إنهم ينسون إللي سويتيه بسرعه ،، لأنه مو سهل ،، خلج صابره شويه ،، يمكن بيتأخرون في مسامحهتم لج ،، لكن حاولي تبينين لهم ندمج ،، ولا تتعبين وتيأسين وإنتي تحاولين تحصلين رضاهم ،، خلج قويه ،، وخلي ثقتج بـ ربج أكبر ،، قوي إيمانج بـ الله ،، وتحلي بـ الصبر ،، وبـ إذن الله ربج بيكون معاج ،، أما عن الشاب ،، كل ما يتعرض لج سوي روحج ما تجوفينه ،، وحسسيه إن كل شي يسويه لج ما يأثر فيج ،، وإذا تمادى أكثر ،، خبري أهلج ،، حتى لو يوصلونه للمراكز ،، لكن بيني لهم إنج تعلمتي من غلطتج وتبينهم يوقفون معاج ،، وإذا إحتجتي أي شي ،، إعتبريني أختج ،، ودزي لي رساله خاصه ،، وبإذن الله ماراح أقصر معاج ،، والسموحه ع التقصير ،، وإللي عنده أي مشكله يخجل إنه يعرضها ،، تقدرون تدزون لي رساله خاصه ،، وأوعدكم أكون قد الثقه بإذن الله ،، أختكم دووووم Quote Link to comment Share on other sites More sharing options...
مستر بين Posted مايو 27, 2006 Report Share Posted مايو 27, 2006 انه عندي مشكله عوووده مب صغيرة.. من شهر 9 2005 كانت في وحده بالنسبه لي حالهه حال اي بنيه يعني مو مهتم لهه حديي.. المهم كنت اجوفهه متقطع فالجامعة ... وانعجبت فيهه شوي شوي... بس لي حد احين ماتدري اني احبهه .. او بالاحرى ماقط كلمتهه .. ليش؟؟ مادري؟؟ فالحين انه ناوي اروحلهه و اكلمهه بس شلون؟؟ مادري؟ لاني مالعب عليهه ومن صجي احبهه صج صج .. بس ماعندي الجرؤة اروح لهه فيس تو فيس.. صعبه وايد.. فمادري اذا عندكم حل.. وشكرا Quote Link to comment Share on other sites More sharing options...
نـوفـه Posted مايو 27, 2006 Author Report Share Posted مايو 27, 2006 هلا أخوي مستر بين ،، أول شي حياك الله ،، وأشكر لك ثقتك فينا بـ طرح مشكلتك علينا ،، ثاني شي ،، حبيت أقول لك نصيحه ،، وإعتبرها من أختك العوده ،، بـ غض النظر عن فرق السن الحقيقي ،، إنت في أول سنه دراسيه بـ الجامعه ،، على ما أظن يعني ،، يعني توّك في بداية مشوارك الدراسي الجاد ،، لا تشغل بالك بـ هـ المواضيع ،، ولا تتسرع بـ إنك تصارحها ،، عشان ما تندم ،، لأنك في الجامعه ياما وياما بتشوف بنات ،، منهم إللي بتعجبك ،، ومنهم إللي بتدش قلبك بـ قوه ،، ومنهم إللي بتتحمد عليها ،، ومنهم إللي بتكرهها ،، أظن إنك في أول سنه جامعه ،، يعني بيمرون عليك أشكال وأنواع طول فترة دراستك ،، وإللي إنت تمر فيه أحين ،، إعجاب عادي ،، كل شخص طبيعي لازم يمر فيه ،، هذي مو حب ،، الحب إنك تعرف الشخص عن قرب ،، تعرف أفكاره ،، أخلاقه ،، نظرته للحياه ،، إسلوبه ،، وكل شي عنه ،، مو بس بـ الشكل أو النظر أو الأشياء الخارجيه وبس ،، لا تصارحها بـ شي إنت مو واثق فيه ليحين ، وحاول تبعد تفكيرك عن هـ المواضيع ، وخل بالك في الدراسه ، لأن هالمرحله هي إللي بتحدد مستقبلك العملي الجاد لا تعتقد إن لأن الجامعه فيها ( إختلاط ) يعني لازم تكون هي أساس علاقه بينك وبين إللي تعجبك ،، تره الإختلاط طبيعي ،، والإعجاب طبيعي ،، والإحترام بين الطرفين ،، الجنسين ،، أحلى مافي الإختلاط ،، وأي سؤال ،، أو مساعده ،، لا تتردد في إرسال رساله خاصه ،، والله الموفق ،، Quote Link to comment Share on other sites More sharing options...
مستر بين Posted مايو 27, 2006 Report Share Posted مايو 27, 2006 مشكورة اختي نوفه على النصيحه.. وانه باحط هالنصيحه فعين الاعتباار.. يمكن اكون صح بنسبة 90%.... ومشكووووووورة مرة ثانيه Quote Link to comment Share on other sites More sharing options...
احلى دبدوبه Posted مايو 27, 2006 Report Share Posted مايو 27, 2006 (edited) أختي الموضوع فتح لأجل مشاكل الحب وليس لأبداء الرأي في الحب هو حلو أو لا Edited يوليو 10, 2006 by أبن الرفاااع Quote Link to comment Share on other sites More sharing options...
دلـوعـــة محرقيــة Posted يونيو 5, 2006 Report Share Posted يونيو 5, 2006 هاااي غااايز شخباركم ؟؟ شلونكم ؟؟ انا ابي اقول مشكلتي بس متردده .. لكن يلا باقول انا احب وااحد واهوو اكبر مني 5 سنواات.. لكن الحب ما يشوف العمر صح؟؟ انزين انا بدايتي معااه كانت اذا ارووح البراده مع اهلي او بروحي يقعد يضحك في ويهي ومادري شنو .. بس انا ما كنت اعطيه وييه امشي عنه .. وتميت على هاي الحاال يمكن 7او8 شهوور يشوفني ويضحك في ويهي انا ما اهطيه ويه .. ومره كنت رايحه مع ربعي البراده وشفته ومادري شنو اللي خلاني اضحك في ويهه .. وبعدين عقب اسبوع جذي قال لي اخذي رقمي وانا خذييته .. لان حسيت ان اهوو يحبني .. واتصلت له وكلمته .. وعقب تميت اشوفه واكلمه في الفوون... وبعد جم اسبوع لنا مع بعض اخوي عرف ان انا اكلمه وعصب علي وراح تهاوش مع الصبي .. واهو رفيجه .. وبعدين لما صارت ذي السالفه ردييت انا نفس قبل ما اعطيه ويه ولا شي وبعدين واهو بعد صار ما يعطيني ويه ... بس انا كنت بعد احبه .. ومادري اذا اهوو كان يحبني ولا لا.. وعقب ذي السالفه بفتره قام يضحك في ويهي ومادري شنو .. وراح قال حق اخووي ان انا احب اختك وابي اصير وياها ا تحسب ان انا اكلمها حق شي غير وجذي بس انا ما كنت ادري بشي .. ومره كنه طالعين الا يقول لي اخووي تعالي معاي شووي والمهم انا رحت الا يقول لي انتي تحبين فلان انا خفت وقلت له لا الا يقول لي انا ادري ان انتوا تحبون وبعض .. وباقول لج احين باخليج تكلمينه من فووني وتروحين تشوفينه .. واستانست انا .. وبعدين في صبي غير قام يتحرش فيني وعطاني رقمه انا خذيته واتصلت له وقلت له شتبي مني انا احب وااحد ومابي اصير وياااك ... وتم يقول لي انزين بس صداقه .. انا وقلت له اووكي وانا ادري ان انا غلطاانه .. ولما درى حبيبي بالسالفه تغير عليي وصار ما يعطيني ويه واذا اتصل له يقول له شتبين انا مشغول اتصلي بعدين ... انا ادري ان انا غلطانه يوم كلمت ذاك الصبي بس الانسان لازم يغلط ... وقبل جم يوم شفته يتمشى بنية وتم يطالعني باحتقار ومادري شلون .. والعصر اانا رحت البراده اشتري حق بيتنا .. وتم يتحرش مره ثانيه بس انا ما عطيته ويه .. ومشيت ولا كان في احد قاعد .. بس انا للحين احبه وماقدر اتخله عنه .. انا رفيجتي قالت لي اكا اهوو جدام عينج يتمشى مع بنية عيني عينك .. وانتي بعد تحبينه .. وقالت لي ان اهوا ما يستاهل حبج .. وارجووج تساعديني .. كاني طولت عليكم .. على العموم يلا بااي Quote Link to comment Share on other sites More sharing options...
جودوة Posted يونيو 5, 2006 Report Share Posted يونيو 5, 2006 انه هذي مو مشكلتي مشكله صديقتي تعرفت على واحد من طرف صديقتها كانت تتصل له من تلفوتها لان ماعندها تلفون وهي كانت تلعب مو غرضها الحب وماعجبها اسلوبة وتركتة فترة مرت الايام واتصل على تلفون صديقتها يقول لهاابغي اكلمج واسلوبه كان مرح معاها كلما تقول له بشتكي عليك يقول لها لو اشتكي عند الحكومة ماخاف ما بخليج عجبني صوتج مبين عليج خووووش بنت وواصلت وياة وتمت شاكة فية وكانت تسله من وين لك رقمي وهو يقول لها بالغلط ماقال انه مخزن الرقم عنده حسسها انه يحبها ويخاف عليها ويتحكم في طلعاتها وحتى لبسها وهي عطته الثقه لان حسته انسان محترم المهم مرت الاياموهم يكلمون بعض وطلب منها ان يجوفها وجافها من بعيد لبعيد وعجبووو بعض وم ثاني كلمها قال لها انا جذبت عليج ان اسمي مو جدي وانا مو من هالمنطقة قالت له ادري عرفت من اللهجة ان انت مو من هالمنطقة وقال لها انهو مخزن رقمها من على ايام ما صديقتها تتصل فيه المهم قالت له ليش اعترفت لي قال لها حبيتج ووثقت فيج مشت وياه وبعد فترة كل بين يومين يطلع سالفة قال لها بسافر دبي عشرين يوم قالت له محد يروح دبي عشرين يوم وقالها لاتنسيني وبتصل فيج كل يوم ولا تكلمين احد غيري قبل لا يسافر بساعات اتصل لها ودز لها مسجات وانقطعت اخبارة اسبوعين وهي كل يوم تدق عليه وكانت المكالمه دولليه موخارجية اهي شكت في الامر اتصلت الا مكلمنها اهل قال لها صاحب التلفون مسافر واللي رد ع التلفون جاهل ماكانت تدري اهو اللي مسوي الحركة لو جاهل صدق انتظرت ايام وايام بعد 15 يوم اتصل قالت لهليش ما تتصل فيني قال لها حاولت بس مافي خط مدري وينرايح اهو المهم ما ابي اطول عليكم اهي حبته وهو ما تدري يحبها لو لا ساعات يقول لها احبج وساعات يقول مو نفس قبل احبج وساعاتيقول انا مو مال حب بعد فترة اكتشفت ان عنده اكثر من رقم كان يدق عليها ما يتكلم يوم من الايام طلب منها ان يطلع معاها يبي يختلي فيها وان قصده ان قصدة مب ريف واهي رفضت هالشي واهو زعل لان رفضت الشي وقعد يصارخ وسكر التلفون وصارت تدق علية ويسكر في وجهها عرفت ان ما يبغي يكلمها والربع نصحوها لا تكلمة بس اهي حبتة وقالت يمكن يعتدل والشي اللي زاد الطين بله ان هي اخذت اجازة من الشغل اسبوعين وهو عادي كان يتصل فيها ويسالها عن الشغلويوم اللي داومت فية عرفت من صديقتها ان هو يتصل فيها ويسالها عنها عرف ان هي ما عمرها تجذب عليه والحين شنو الحل اللي تسوية مع شخص جذاااب فية مرض نفسي وماعنده ثقة في نفسة Quote Link to comment Share on other sites More sharing options...
®ROM® Posted يونيو 18, 2006 Report Share Posted يونيو 18, 2006 آآآآآآآآآآآآآآآآه...يا قلبي... مب لأني أحب ... لأني ما حبيت ولا أنحبيت.... Quote Link to comment Share on other sites More sharing options...
بنت كيوت Posted أغسطس 5, 2006 Report Share Posted أغسطس 5, 2006 كنت مترددة اكتب بس لما تعبت قررت اكتب واشوف حل حق نفسي مشكلتي بكل بساطة تتلخص في اني احب واحد واحد مووووووووووووووووت وهو بعد يحبني بتسالين وين المشكلة؟؟ المشكلة انه يشتغل ويدرس في نفس الوقت وعانى شوي من مشاكل لانه قاعد يبني روحه بروحه ومحد وياه يعني يايثبت نفسه او ينهدم مستقبله وكل شي بيديه لانه يصرف على نفسه بنفسه المهم واني ما قصرت وقفت وياه وما بخلت عليه بولا شي المهم هو عقب كل هالتغييرات من دراسة بس ولعب الى دراسة وشغل وما في وقت صاااااااااار زيادة عن اللزوم جاد وسيريس وكل شي عنده محسوب حاولت الينه في علاقتنا ما فيه يقولي اذا قلت له انت مقصر يقول لان هاي تفاهات واشياء انتي تعرفينها اني احبش وال اخره ما يحتاج اقول واعيد قلت بس اني محتاجة وعمرها المشاعر ما كانت تفاهات قال مشكلتج انج مو راضية تصدقين اني صرت جاد زيادة عن اللزوم بقول لش موقف صار لي اليوم وخلاني انفجر اتصل فيني كالعادة المهم وكنت اساله عن بنت اخته تواجه مشكلة قال مو مهم ما عاد احد يهمني قلت عاد هذيله اهلك قال ما نفعوني قلا عاد يازعم بكل ثقة الا اني بس الي اهمك الا يقول حتى انتين انتين مو مسؤؤولة مني ولا انا مسؤول منش انا مو ابوج ولا اخوش ...الخ انا اسعى اليج قلت له انزين عشان تسعى لي لازم تهتم فيني ما يصير انا اسعى لشخص واحبه يعني يهمني اذا انصكت عليه السالفة قال وبعدين تعبت شسوي ليه ادري يحبني واني احبه بس ما يصير جدي يقول لي انتون البنات واجد تتحسسون من هالاشياء قلت بس علاقتك العاطفية تتطلب منك اليونة والمشاعر مو كل جد عطيني الحل عشان افرح احبه ويحبني بس ما ادري شلحل قولوا لي ارجوكم تعبت ابي شي يرضيني ويرضيه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.