Jump to content
منتدى البحرين اليوم

Recommended Posts

Posted

العاشق الكذاب

 

قبل لا بدا معناتي ووضح ماتخفينه=قبل لا ينتهي فيني بقايا دمعتين وشاب

ابي قلبي مثل ماكان وابي منك تردينه=وابي عمر على شانك نذرته ماحسبت حساب

وابيني مثلما حلما تلاشى وانتهى حينه=وابيني مثلما نجمأ ظهر فجئه وفجئه غاب

ابي اصبح فعل ماضي صعب انك تعيدينه=ابي ارحل عن افكارك ولا ودي بذكر اسباب

لاني تبت من حبك وعفت الحب وسنينه=وعفت العشق واوهامه وحلم العاشق الكذاب

كفايه بس ياحلوووه كرهت الحب من شينه=تعبت الوي معناته وكسر داخله اعصاب

تعبت اتحمل عنادك وانا اللي ماتحبينه=تعبت افتح لك ابوابي وانا لي تقفلين ابواب

على شانك حملت الهم عسى مره تشيلينه=ولكن قسمت الدنيا انا وانتي نعيش اغراب

على فكره تري امزح ابي اعرف على وينه= يوديك الكلام اللي نقشته في سطور كتاب

وابي اعرف غلاتي فيك واحس اللي تحسينه=واذا قلت اكرهك مره تريني اعتبر كذااااااب

 

فيصل المريسي

  • Replies 36
  • Created
  • Last Reply

Top Posters In This Topic

  • 2 weeks later...
Posted

 

فيصل

 

الكره والحب في قصيدة واحدة !

التضاد هنا جميل

قرأتها... مرات

في كل مره أحس بروعتها أكثر

 

تحياتي لك

 

رقيم

Posted

وابينـي مثلمـا حلمـا تـلاشـى وانتـهـى حيـنـه

وابيني مثلما نجمأ ظهـر فجئـه وفجئـه غـاب

ابي اصبـح فعـل ماضـي صعـب انـك تعيدينـه

ابي ارحل عن افكارك ولا ودي بذكـر اسبـاب

 

شاعرنا الكبير فيصل

 

سلمت يمناك على ما خطته

 

بصراعه روعه وزياده

 

حلو لما يكون للفرح حزن واخر الاحزان فرحه

 

انتظر جديدك

 

تحياتي

Posted

 

 

قصيدة غاية في الروعة أخي العزيز .. طعم التضاد أعطاها نكهة خاصة مع عنصر المفاجئة المخبأ في آخر القصيدة .. فكرة جميلة وكانت على غرار قصيدتي ( أكرهها ) ... وتخاطر جميل بيننا على ما يبدو ..

 

ملاحظات خفيفة :

 

وابينـي مثلمـا حلمـا

 

لو جعلتها ( حلم ٍ ) أعتقد ستكون أفضل في النطق من وجهة نظر أتحمل مسئوليتها .. فلربما لأني أكتب الفصيح أجدها ثقيلة في النطق وشاذة بالنسبة لي .. وكذلك ( نجمأ ) ... ( نجم ٍ ) .

 

ظهـر فجئـه وفجئـه غـاب

 

الأصح .. فجأة .

 

ابي اصبـح فعـل ماضـي صعـب انـك تعيدينـه

ابي ارحل عن افكارك ولا ودي بذكـر اسبـاب

 

هذا البيت غاية في الروعة .. جميل جدا .

 

على فكره تري امزح ابي اعـرف علـى وينـه

يوديك الكلام اللـي نقشتـه فـي سطـور كتـاب

 

أخي العزيز .. في علم العروض والقوافي يوجد عيب في القافية يسمى ( التضمين ) وهو أن لا يستقل البيت بمعناه بل يكون المعنى مجزأ بين بيتين .. كأن يرد المبتدأ أو الفعل في بيت ومن ثم يرد الخبر أو الفاعل في البيت اللاحق .. وبصورة أخرى أن يكون البيت الثاني مكملا للبيت الأول .. ولأن العيب مرتبط بالقوافية ولأن الشعر الشعبي لكل شطر قافيته فهل يصح اعتماد عيب التضمين في البيت أعلاه !

 

نتمنى أن يفيدنا أصحاب الخبرة ..

 

أتمنى أن لا تكون مداخلتي مزعجة .. ولا عليك من كثرة ثرثرتي فقصيدتك باسقة كنخيل دلمون ..

 

تحياتي وتقديري ..

 

أبوحسين ,

Posted

فيصل المريسي

نثرت العبق هنا

فانتشت الاحرف زهواً تحت قلمك

نتألم حين نخطيء بحق من نحب

مهما كبر خطأنا

هم بأنتظارنا

لنبتسم لهم

لان نهمس في اذانهم

انتم اغلى من كل شيء واي شيء

 

فيصل المريسي

سلم حرفك

وسلمت من كل شر

 

اخوك الحب المستحيل

Posted

وابي اعرف غلاتي فيك واحس اللي  تحسينـه

واذا قلت اكرهك مره تريني اعتبـر  كـذااااااب

 

 

الله الله الله الله

 

اخوي فيصل ... اعتقد ان الكلام ماراح يوفي حقك

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
×
×
  • Create New...