محرقاويه عسل Posted سبتمبر 19, 2005 Report Share Posted سبتمبر 19, 2005 الجمهـرة لـ حامد زيد إي بالله أخطوا والخطا اللي جابهم عين الصواب مبطي وأنا أشوف الطمع يكشف رداهم وأستـره مايملي عيون الحسود بهالزمـن غيـر التـراب ومن لايتوب من الخطـا تحـرم عليـه المعـذره اللي من أولهـا خـراب أكيـد بتاليهـا خـراب والبنـدق اللـي ماتثـور فـي هدفهـا تـذعـره ودك اليا من جاتك الغلطه مـن النـاس القـراب الصاحـب اللـي ماكسبـت محبتـه ماتخسـره مشكلتي إني ماعرفت أحسب لصدتهـم حسـاب قلطتهم صدري علـى ذكـري قصيـد وحنجـره صوت ٍ يصول فمنبره واخطاب ما بعده خطـاب والطيبه اللي زعزعت صوت الخطيـب ومنبـره مافيه دمع ٍ صوبـوه أحبابـي بوجهـي وخـاب ولا زرق حزنـي علـى غالـي ولا فـج انحـره كل الزهاب اللي معي ذكرى من أصحاب الزهاب واللي بقالي من عذاب اشرس طريقي وأخطـره لأني تجنبت الغرق.. عديت من فـوق السحـاب لأن أكثر أصحابي ورق..ماشفت للطيـب إثمـره والله ماحطيـت بيـن الحقد و الـخـوه حـجـاب حتى غدوا ربعي يحدوني على الضيـق أشكـره البارحه ثـارت علـي رقـاب وأوتنـي رقـاب البـارحـه ياثـقـل دم الـبـارح ويامحـقـره أهب ياوجه الحسـد وشلـون جمعهـم وغـاب كيف السنيـن اللـي عطتنـي بعثرتهـم بعثـره أثر المصايب ماتجيك إلا مـن النـاس القـراب وبهالزمن حتى الخوي اللـي تثـق فيـه أحـذره لابارك الله فـي رفيـق ٍ تزعلـه كلمـة عتـاب ولا جمع الله الرجـال اللـي تفرقهـم..... مـره عوّدت نفسـي كـل ماشـددت لليمّـه ركـاب مأصد وجهي عـن طريق إلا ليا جبـت خبـره الصاحب اللي مايجي من صحبته غيـر العـذاب نذر ٍ علي إن ماهجرني وإلا أنا اللي ب أهجـره من يفتح لفرقاي باب أفـك لـه عشريـن بـاب وأذا خويـي مايقـدر خوتـي ...... مـا قـدره أن روّحـوا فأنـا بـري منهـم ليـوم الحسـاب وإن جرحوا قولوا لهم ماحركـوا فـيّ إشعـره شفهم لهم حول السنه ولا خـذوا منـي جـواب أحسن دوا للي يحاول يستفـزك ........تحقـره انا جمعت أوراقهم بكتـاب وأغلقـت الكتـاب ياوقت لم اللي تلمه...... وأنثـر اللي....تنثـره ماكنت أحاتيهم صغيّير ..عـاد أحاتيهـم شبـاب إن ما ذخرني صاحبي لليوم الأسود ما أذخـره عقب أكتئاب البارحه ماعاد انـا حمـل إكتئـاب الطيب جرجرني وانا ماني بناقص....... جرجره اللي يخاف من الظما يترك لنـا طـرد السـراب واللي ماهو بقد الظلام ووحشته....... لايسهـره انا تجرعت الظما ليـن أحتـرق وجهـي وذاب انا كسـرت بخاطـري قبـل الصداقـه تكسـره انا خسرت اللي غيابه غيـر عـن كـل الغيـاب انا غفرت لعالم ٍ ماتستحـق.......... المغفـره انا أكثر (أنسان) تعلم من كثر ماأخطـى وصـاب انا أخر (لسان) يتكلم في........ زمان الثرثـره انا القصيد اللي نزع مـن دفتـره مليـون نـاب وانا الوحيد اللـي جمـع مليـون نـاب بدفتـره جفني و جرحه السهر حيلي و هدته الصعاب دمهي هدر ضحكي ندر عمري وضيعت أكثره شيبت بعقول العرب هيبت روس ٍ ما تهاب جمهرت ناس ٍ عمرهم ما يعرفون الجمهرة ما صرت ذيب الا لانه اللي حواليني ذياب ما كنت أغيب الا لانه العفو عند المقدرة ترى حلاتك لاحملـت لصاحبـك كلمـة عتـاب أن مانطقـت بهـا بوجهـه ماتـذمـه بظـهـره في هالزمن مايملي عيون الحسـود إلا التـراب والا الحظيظ.. الطلقـه اللـي ماتصيبـه تذعـره ودك اليامن جاتك الغلطه مـن النـاس القـراب الصاحـب اللـي ماكسبـت محبتـه ماتخسـره وسلامتكم ،، Quote Link to comment Share on other sites More sharing options...
شاعرالمحرق Posted سبتمبر 19, 2005 Report Share Posted سبتمبر 19, 2005 الغالية محرقية تحياتي لك وين ما كنتي تيلم يد من نقلها هذا عهد بو زيد ما تعودنا الا المميز لا تقطعين هالمشاركات ولي الشرف اكون اول من بعقب بصفحتك تحياتي لك يالغالية Quote Link to comment Share on other sites More sharing options...
ولد الساعي Posted سبتمبر 25, 2005 Report Share Posted سبتمبر 25, 2005 يسلمو اختي على القصيدة الروووووووووووووعة Quote Link to comment Share on other sites More sharing options...
ولد بن رجب Posted أكتوبر 15, 2005 Report Share Posted أكتوبر 15, 2005 لله يعطيش العافيه اختي مشكورة تحياتي ولد بن رجب Quote Link to comment Share on other sites More sharing options...
محرقاويه عسل Posted أكتوبر 16, 2005 Author Report Share Posted أكتوبر 16, 2005 مشكورين كلكم على المرور الحلو شاعر المحرق ،، لي الشرف اكثر انك تكون اول من يرد على الموضوع تسلمون ،، Quote Link to comment Share on other sites More sharing options...
أحلى إماراتي Posted أكتوبر 18, 2005 Report Share Posted أكتوبر 18, 2005 روعة تسلمين وما قصرتي يعطيك العافية وهذا ماهو بجديد على حامد تسلمين فمان الله Quote Link to comment Share on other sites More sharing options...
بنوووته عسل Posted أكتوبر 19, 2005 Report Share Posted أكتوبر 19, 2005 الغالية محرقية تحياتي لك وين ما كنتي تيلم يد من نقلها هذا عهد بو زيد ما تعودنا الا المميز لا تقطعين هالمشاركات ولي الشرف اكون اول من بعقب بصفحتك تحياتي لك يالغالية بسم الله الرحمن الرحيم السلام عليكم ورحمة الله وبركاته،، مشكووور وايد يا محرقاوي على الشعر ويعطيك العافيه.... وشكرا Quote Link to comment Share on other sites More sharing options...
لحظة امل Posted أكتوبر 19, 2005 Report Share Posted أكتوبر 19, 2005 مشكوورة محرقااوية عسل على الأبيات والله يعطيج الصحة والعافية ... وننتظر المزيد .. Quote Link to comment Share on other sites More sharing options...
wa7da fa'6ya Posted ديسمبر 16, 2006 Report Share Posted ديسمبر 16, 2006 يسلموووو عالنقل !! حااامد زييييد .... كل قصايده روعة ماشاء الله Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.