MJHOOL Posted فبراير 16, 2004 Report Share Posted فبراير 16, 2004 (( من اول يوم )) عاهدتــك من أول يـــوم أفديـــك بســـواد العـيـــن لو مهرك قمر وانجـــوم أهديـــك المَــهــر مهـرين ونعيـــش بربــيع يـــدوم نبضه وحــده في قلبـيـــن ونشــوف السعــد مقسوم ما بين احلى واغلى اثنين (( من حقك )) قلت امهلــني بس أيـــام آخـــذ حكــمي بالتـقــديـر قلــت أمــرك وما تــنلام هـــذا الأمـــر بالتخيــيـــر طلبة إيــد وماهي ارغـام وانـــت وآخـــر التفكــيــر كـل انســان ولـه أحـــلام واللي ترتــضي به يصيــر (( انفتحت لقلوب )) ضلينه بوصل محســوب مثل الخـــاتـــم بصبـــعك سولــفــنا وفتحـــنا قلوب تكشــف طبـعي وطبــعك جوفــك بالحكي ملهــوب كل كلمة وجــرى دمعــك وحسيت انــك المطـلوب واقسمــت اشتعـــل شمعك (( حسيت بك )) رغـم انــي بعـــد مثــلك عشت اللوعــة والأحـزان بس دمــوعي من أجـلك صرت اخفــيــها بالنســيان كانـــت منـيـتي بوصلك دنـــيا وتمتـــلي اغـــصان قلبـــك لـــي وقلـــبي لك واختــــارك أعـــز انســان (( قلبك؟ )) صرت أسألك عن قلبـك يمكــن عالـــق ومسكون! يمكن هـــوى مو ذنــبك ويجــوز بشخص مفتون لكـــن تحــلــف بربـــك ان اللي في بـالي اضنون وماحد محتضي بحبـــك لاراهـــن ولا مرهـــــون (( قناعتك؟ )) صرت اسألك معنى المال قانع لو طموحــك فــوق؟ تـتـوطى بيسيــر الحـــال؟ لو مو كل معـــاش يلوق؟ جــاوبــت الـذهـب زوَّال والطيِّـــب محـــال يعوق يكـفيــني أصــل رجَّــــال من شيمه وكــرم مخلوق (( تفكيرك؟ )) صرت اســألك في بــالك مظهر لو شكــل مأمــول؟ والنـــوع اللي يحــلالـــك أشقــــر لو بياض وطول؟ قلـــت الطــمـع ما نـــالك وانـــك راضي بالمعقول يكفـــيـــك بأبـــو عيـــالك أخـــلاق وأدب مقـــبــول (( هذا أنا وشتقول؟ )) خبرتـــك عن احـــوالي وكل ما أملــكــه بعمري وضَّحـــت اول وتـــالي قلـــبي وعقـــلي وفكري كـل اشروطـــك فبــالي صبــرك يوسعه صبري عطــني كلمة يالغـــالي واعرف بري من بحري (( مقابله ثانيه بعد؟ )) قلــت يصيـــر نتقابـــل ثـــاني مــــره وانحــــدد يمكــن قلـــبي يتمــــايل واطيـــور الهنى اتغـــرد نتـــوافـــق ونــتــعــادل والا نعـــدل ونـــبــــعــــد آخــــر مـــره نتســــائل والمكـتــوب يضل موعــد (( أتقرب وتبعدني؟ )) وافقت وحفـــرت اسمك أحــــلام وأمـــل بالروح راضي بحزنــــك وهمك راضي بدمعك المسفوح قلـــت ابقى واضل يمك وبحـــبي اداوي اجـروح لكـــن للأســف حلـــمك قال ابــتعــد عني وروح! (( شنهو السبب؟ )) ترفضني بـــلا أســـباب! وتقـــول الله موكـــاتــب! ضنّك خـــالق الأربـــاب يرضاها بعـــذر غايـــب؟ مخــلوق ويصح أنعـــاب أحمـــل موجـــب وسالب لكن منـــك ابغـي اجواب عــيبي الفـقـر لو شايـــب؟! (( وين كلامك ؟ )) إسمح لي كلامــك ويــن؟ لوهو بس مـــزاج وطاف؟ كيــفــك نعـــم ونعميـــن بـــس اتكــلم بإنـــصـــاف مو قلت ابغي واحد زين في أخـــلاقه ما ينعـــــاف! لو صار الطلب ضعفين يعني كامـــل الأوصـــاف! (( تجهل مطلوبك؟ )) نفسك ماعرفـــــت نفسك والغـــــايــــه بلا غـــــايـــه تدفـــن بـــدرك وشمسـك مثــــل الضايـــع بــرايــــه مأســـور بنــــدم أمســــك واليــــوم الطلـــــب آيـــــه ! يكفي اللي مضى وبســك شخصـــك صـــار حزايــه (( شتبغي بالضبط؟ )) أضرب لــك من الأمثـــال أمــي وأمـــــك بعيــــنـــك عاشو في ستـــر واضلال والحق بـــيـــني وبيــــنـــك مــاحــددو طيـــن ارجــال يفرق طيــــني وطيــــنــك! حمدو من في شرعه قــال إيمانـــك في نص ديــــنــك (( ظلموك من قبل! تظلمني؟ )) شنهي الدنــــيا بعلومــك؟ وادموعــك دلــيل احساس شنهو عـنهــا مفهــومــك؟ واشلون الحــكم بالنــــاس! اتميــــزهـــا بهمــومـــك؟ لوهو جرحـــك المقـــياس؟ ما أعــتـــب ومالـــومـــك بس كـــون العقــل بالراس (( هذا حد صبرك؟ )) كم في الدنــيــا بوصوفـــك شـــاف الألـــم والحــســره شاف أصعب من اضروفك واتـعــــذب ألــــف مــــره لكــن ماعــــرف خوفـــــك واثبـــــت للزمـــــن صبره الله والنــــبـي يشـــوفـــــك وكل صابـــر وله أجــــــره Quote Link to comment Share on other sites More sharing options...
محمد العوضي Posted فبراير 16, 2004 Report Share Posted فبراير 16, 2004 يعطيك الف عافية مجهول على هذه الكلمات Quote Link to comment Share on other sites More sharing options...
مهدي هيات Posted فبراير 16, 2004 Report Share Posted فبراير 16, 2004 يا لها من كلمات جميلة ورائعة سلمت خي العزيز و بارك الله فيك ووفقك لكل ماهو خير ان شاء الله .... تحياااااااااااتي أبن البحرين Quote Link to comment Share on other sites More sharing options...
Abu_Smile Posted فبراير 16, 2004 Report Share Posted فبراير 16, 2004 ماشالله نفسك طوييييييييييييييييييييييييل انا املّ بعد ما اكتب 10 ابيات مرّه وحده في حياتي وصلت 32 بيت و مو قادر احفظها لين الحين اتمنى لك التوفيق Quote Link to comment Share on other sites More sharing options...
MJHOOL Posted فبراير 17, 2004 Author Report Share Posted فبراير 17, 2004 مشكورين أخواني على التعقيب Abu_Smile حبيبي بالممارسة بصير نفسك نفس حوت أهم شيئ أتسوي رياضة شعرية وخلااااص Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.