دانــــة البحرين Posted فبراير 26, 2004 Report Share Posted فبراير 26, 2004 السلام عليكم .. إلى كل لأعضاء الجامعين والذين لهم خبرة في مجالات وتخصصات جامعة البحرين.. ابي استفسر عن تخصص الاحصاء في جامعة البحرين ،، أتمنى من كل الي يعرف اي معلومة عنه يخبرني بها ،، يعني أبي أعرف هل تنصحون ان الواحد يدرسه؟؟ وشنو مجالات العمل في المستقبل؟؟ وهل البحرين بحاجة الى هذا التخصص او ان في اكتفاء منه؟؟ أرجوكم أبي مساعدة ضروري لاني طالبة بتوجه الى الجامعة ومحتارة في الموضوع ! لا تبخلون علينا Quote Link to comment Share on other sites More sharing options...
وليف الروح Posted فبراير 26, 2004 Report Share Posted فبراير 26, 2004 السلام عليكم الصلاة و السلام على سيد الرسل اذا تبين راي بصراحه الاحصاء مجال حلو بس المكان اللي بتدرسين فيه مو حلو الكل يعرف الجامعه و النظام اللي فيها و الاشياء اللي تصير فيها و انا عندي اقتراح لج ليش ما تدرسين نظم الاحصاء الصحي اللي هو يدرس بكلية العلوم الصحية و اذا عندج امكانية درسي برع البحرين مجرد راي شخصي تحياتي الروحية Quote Link to comment Share on other sites More sharing options...
نضال بدر Posted فبراير 26, 2004 Report Share Posted فبراير 26, 2004 اختي العزيزة دانـــة البحرين أنا من رأيي تاخذين القرار بروحج.. لأن الآراء تختلف ومو شرط تخدم مصالحج.. انتي شوفي أكثر شي يناسبج.. والله يوفقج.. من كل قلبي أقولها Quote Link to comment Share on other sites More sharing options...
7aBoOoBa Posted فبراير 26, 2004 Report Share Posted فبراير 26, 2004 بصراحه تخصص الاحصاء وااايد حلو انا تخصصي احصاء بس انا ادرس برع البحرين تحديدا في الامارات واذا عقلج رياضي اقصد تحبين الرياضيات انصحج تدخلينه بس ابعد مادري عن البحرين لان احنا عندنا تخصص الاحصاء يتبع كلية الادارة والاقتصاد وعندنا فرعين حق هالتخصص احصاء بحت وااحصاء نظم معلومات بس في جامعة البحرين اتوقع الاحصاء يتبع كلية العلوم ... بس بصراحه التخصص وااايد حلو Quote Link to comment Share on other sites More sharing options...
subah Posted فبراير 27, 2004 Report Share Posted فبراير 27, 2004 اووه انا خلني على صوب في الاحصاء تعقدت mean o median o standard deviation o madee sheno بال بال بال ههههههه بس يا ريت لو الاحصاء يحطونها على النت لان صراحه وايد صعب الواحد يحصل عن البحرين للاسف Quote Link to comment Share on other sites More sharing options...
دانــــة البحرين Posted فبراير 27, 2004 Author Report Share Posted فبراير 27, 2004 أشكركم كلكم على هالمعلومات.. أخوي نضال بدر اكيد القرار في الاول والاخير عندي بس آنا حبيت اعرف عنه بعض المعلومات عشان اكون ملمة بشي اكبر في هذا المجال .. والله يقدم الي فيه الخير.. أدعوا لي بس.. Quote Link to comment Share on other sites More sharing options...
أمل مأسور Posted مايو 21, 2004 Report Share Posted مايو 21, 2004 نتمنى لج التوفيق خيوتي والإحصاء سمعت عنه انه صعب واايد هذا من بنت سمعته ومتفوقه الحين تدرس علاج طبيعي في الخارج غيرت المهم مافي شي صعب اهم شي جدي على روحج وبالتوفيق Quote Link to comment Share on other sites More sharing options...
ولد الديـــرة Posted يونيو 4, 2004 Report Share Posted يونيو 4, 2004 هلا وغلا بدانتنا .. دانة البحرين أتمنى أنج تكونين في أفضل حال بصراحة تبين نصيحتي .. تخصص الإحصاااء وااااايد حلو .. بس طبعا في شوي صعوبة .. <_< بس أنتي لا تفكرين في الصعوبة الحين .. ما عليج منها .. لأنه كل شي في الجامعة صعب ..ما في شي سهل في هالحياة ؟؟.. لازم كل واحد منا يواجهة الصعوبة .. عشان يوصل حق هدفة المستقبلي ... مستحييييييييل الواحد يوصل للي يبيه بالساهل ومستقبل الإحصاء مضمون ترى .. الحين توهم مسوين مبنى جديد ( جهاز الإحصاء المركزي ) وأكيد يبون ناس من هالتخصص في المستقبل .. وثاني شي الإحصاء يدخل في كل مكان .. بنوك .. وزارات .. شركات .. كلهم محتاجين ناس دارسين أحصاء .. ويا ريت يا دانة البحرين .. تفكير في الموضوع أكثر ولا تتسرعين ... <_< لأنه تحديد المستقبل عن طريق تخصص وايد صعب ... بس إذا تبين رايي .. إذا كنتي وحدة تحبين الرياضيات وتفهمين فيه عدل .. دخلي هالتخصص .. لأنه وااااااااااااااايد مطلوب .. صدقيني .. <_< ولو حبيتي أزودج معلومات عن لأي تخصص ترى أنا في الخدمة ... أهم شي التفكير السليم .. B) أخوج ... ولد الديـــرة Quote Link to comment Share on other sites More sharing options...
القلب الأبيض__7 Posted يونيو 4, 2004 Report Share Posted يونيو 4, 2004 صديقتي تدرس احصاء و تقول انه حلو بس صعب كله رياضيات باقولج شي انه التخصص يعتمد على الشخص نفسه و قدراته و انتي اكثر وحدة تعرفين نفسج و جذي تقدرين تحددين ميولج و الله يوفقج Quote Link to comment Share on other sites More sharing options...
شمس الضحى Posted يونيو 11, 2004 Report Share Posted يونيو 11, 2004 يقولو ن أن الإحصاء في البحرين صعب لأنهم يشرحون لج شي وفي الإمتحان يبون لج أسئلة كلش غير عن إلي شرحوه فما دري إذا تبين تجازفين وتاخذينه. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.