حفرت اسمك على قلبي Posted نوفمبر 23, 2005 Report Share Posted نوفمبر 23, 2005 مشكورة حبيبتي على الحلقة الروووووووووووووووووووعة تسلم ايدج و بانتظار الحلقات الجديدة Quote Link to comment Share on other sites More sharing options...
مناميه**مخارقيه Posted نوفمبر 24, 2005 Report Share Posted نوفمبر 24, 2005 تسلمين يا الغاليه ويلا نبي الجزء الي بعده عجييييييييبه القصه Quote Link to comment Share on other sites More sharing options...
دموع الآلام Posted نوفمبر 24, 2005 Report Share Posted نوفمبر 24, 2005 نتريا الجزء الجديد Quote Link to comment Share on other sites More sharing options...
متملله من الوجود Posted نوفمبر 24, 2005 Report Share Posted نوفمبر 24, 2005 يسلمووو خيووو كمليها بسرعة شوقتينا Quote Link to comment Share on other sites More sharing options...
همس الذكريات Posted نوفمبر 25, 2005 Author Report Share Posted نوفمبر 25, 2005 مرحبا شخباركم حبايبي انشاء الله تمام اشكر كل الي ردوا وهاي الحلـــــــــــقـــ13 ــــــــــه عقب ما هددت الام زينب صارت زينب شوي خايفه زينب في قلبها : يووو جان مو تقول ليهم ويجوون يتسألون فيي ويسحبون مني كلام الا داخل علي جاي من الشغل علي : زينب قومي جيبي ليي ماي بامووت من العطش زينب : علي: زنبووووو زينب : هاااااا ويش؟ علي : جيبي ليي ماي زينب : انزين الام : علي ,, لو تشووف ويش سوت اختك في بنت خالتك ويش تقوول علي : ويش مسويه فيها بعد الام : مسكينه بنت خالتك جايه بيتنا عشانها ما شافتها الي تهاوشها علي : الحين بتشووف اذا جابت الماي زينب : هاك علي : ويش مسويه في بنت خالتي ندى ؟ زينب : ها اشوفك تدافع عنها انت بعد علي : و ويش فيها لو دافعت عنها ابغي اعرف السالفه زينب : سالفه ما لك خص فيها زيييييين ؟ علي : لا الضاهر انتين تبغين جم طراق يعدل لش شكلش زينب : انتون ويش يخصكم مني اوووووووف اهيء اهيء و دخلت الباب وسكرته الام : اني ما ادري ويش فيها مستخفه من قبل هي مي جذي علي : من تخرجت وقعدت في البيت خرفت ساره : كل جذي حتى اني يوم اتخرج ولا ادخل الجامعه ورفقاني كلهم دخلوا الا اني صار ليي جذي بعدين عقلت علي : لا انتين اشوى منها يتراوى ليي ساره : الام : يعني ويش نسوي فيها على حساب ما دخلت الجامعه تقوم تصير لينا بلوى ,, ولا احد من اولادي دخل جامعه هذا حظي وياكم علي : اماه لا تزعلين انا باوديها معهد تدرس فيه عشان لا تأذينه الام : ويش فايدته ؟ هدحنا بنسافر عقب سبوووع تقريبا علي : ايي صدق نسيت ساره : اني الحين بدخل وياها بشوف ويش سالفتها .... زينب افتحي الباب شوي زينب : ماني انتون اصلا ما تحبوني وتحبون ندى اكثر مني ساره : من قال زينب : ما احد بس من حركاتكم تحبونها و تدافعون عنها ,, و قولي الى علي اذا يحبها خله يعرس عليها ويفكنا ساره : زينب : اي تضحكون عليي شايفيني اركوووز علي : تضحك زينب ههههههههههههه زينب : روح انت مناك ,, ادري عنك تحبها ها علي : اي بنت خالتي ويش فيها لو حبيتها زينب : اي روح اخطبها تصلح لك الام : جان زين هاكي ويش حلاوتها مؤدبه علي : اماه انتين صدقتينها يعني,,, هي الا جاهله زينب : طل في ويهك جاهله اني بكمل العشرين و تقول جاهله علي : كل ما كبرتين بتظلين جاهله زينب : لا تخليني اروح اكسر اغراضك ها ,,,, انتون تبغون تقتلوني ؟ الام : بسم الله عليش يا خلف جبدي من قال هل الكلام زينب : لو ما تبغون هل الشي ما سويتون ليي هل الحركات الام : انزين انتين بطلي الباب زينب : نعم ؟ ويش تبغين ؟ الام : حبيبتي تعالي اول مره اشوفش تصحين جذي وقامت الام وشبقتها مريم : ساره : علي : عقب ما سكتت زينب و كل شي راحت زينب غرفتها تتصل الى محمد محمد : هلااااااااااااا زينب : هلاا محمد : شخبارش زينب : مو زينه زفت محمد: افااااااا ,, ليش ؟ من مزعلنش ؟ زينب : تهاوشت وي ندى بنت خالتي محمد : ليش ؟ زينب : اهددها محمد : انتين مجنونه ؟ زينب : حتى انت تقول عني مجنونه ..... اييييييي اني مجنونه محمد : زينب : اصلا انتون ما تحبوني كلكم محمد : من قال هل الكلام ؟ انتين بس الله يهداش هي ما تدري ويش صاير وقمتين هاوشتينها زينب : ما قدرت اكتم الكلام في داخلي رحت وقلته ليها محمد : بس خلاص لا تصيحين اضحكي تضحك لش الدنيا زينب : ما ليي خلق اضحك محمد : افاااا ما ليي خاطر عندش زينب : اووكي عشانك بس هذاني ابتسمت محمد : بعد عمري المطيعه زينب : محمد : انتين لا تصيرين عصبيه واجد حاولي كل تكونين ريلاكس اوكي ؟ زينب :شلوون محمد : يعني كل كوني هادئه ولا تتهاوشين وي خواتش واخوانش علشااني بس زينب: بحاول بس اهم شي ما ينكسر خاطرك محمد : يااااااااا بعـــــــــــــــد عـــــــــــــمري زينب : محمد : طيــــــــبه و قمـــــــــــــر زينب : بس اني استحي محمد :ههههههههههههههه زين ..... ويش اخبار السفر وياكم ؟ زينب: اييييييييي بنرووح وياكم في حمله و في باص بعد محمد : صدق كشخه ,,,, يتراوى ليي بتصير احلى سفره زينب : اي اني بعد اقووول وقعدوا يسولفووون عن الي بصير في السفر <<< متفرغين يوم ثاني قعدت زنبوو من النوم الساعه 3 ما قعدت الا تسمع صوت خالتها تتكلم وي امها الخاله : اني سألتها قالت انها ما سوت فيها شي من جت قامت تهاوشها الام : هل الحاله عجل بنتي استخفت ,, سامحيني يا اختي ترى هي ما تحشم احد زينب : لا والله قاعدين تحشوون فيني ها ومن اقرب الناس ليي الام : احنا ما تكلمان عليش بس نقول ويش السبب الي خلاش تتهاوشين وي ندى ؟ زينب ذكرت كلام محمد انها تصير هاديه وريلاكس ولا تتهاوش : انزين خلاص الحين انتهت السالفه الام : الخاله : لا شوتي في الناس و تالي قولي انتهت السالفه زينب: بعد عمري خالتي ادري عنش مستحرقه عشان ندى بنتش وقولي ليها تسامحني الام : الخاله : زين يا بنتي بس لا تعودينها زينب : ان شاء الله استجنت الام وقعدت تقول : الي هداش يهدينا زينب: ان شاء الله جميع راحت زينب تتغذى وعقب ما تغذت رحت تتصل الى محمد زينب : محمد محمد : عاش من سمع هل الصوووت زينب : عاشت ايامك محمد : ها شعندش زينب : لا بس متملله و جيت اكلمك محمد : على العين والراس ,, بس لحضه ببند التلفزيوون زينب : اوكي محمد : هلا قولي زينب : هههههههههه انت مو نصحتني نصيحه محمد : اي زينب : طبقتها محمد: يا بعد جبدتي ,, صدق مطيعه و مزيونه زينب : و كل باطبقها بعد محمد : ان شاء الله على طول ,, عشان اذا تقدمت لش ما يقولون انتين جاهله زينب : اي ويعاملوني معاملة كبيره محمد : ايييييييي زينب : محمد : كل ما تكبر تحلى تصير احلى واحلى زينب : ههههههههههههههههههه تغني عليي ؟ محمد : ايي اذا ما اغني عليش على من اغني ؟ زينب : شوفوا حبيبي شوفوا يا محلاه محمد : تغنين عليي ؟ زينب : شوفوا عيونه شعره و لونه محمد : هذا كله عليي ؟ زينب : اييي واكثر محمد : الله ,, يا سلام على الجمال زينب : محمد : انا ابغي بسرعه يجي هذك اليوم الي نركب فيه الباص ونمشي زينب : اييي ان شاء الله شقتكم صوب شقتنا محمد : ان شااااااااء الله ياااا رب چاان فلله زينب : باقي 5 ايام ... وااااااااجد ما نقدر نتحمل محمد : انا اذا رحت بتشري لش هديه زينب : اني بعد محمد : ويش تبغين اشتري لش من هناك ؟ زينب : امممم كل شي من عندك حلوو محمد : لا انتين آمري زينب : ما يآمر عليك عدو ,,, ما ادري الهديه ما يطلبوون فيها محمد : اوكي عجل باخذ لش هديه كشخه زينب : اني باخذ لك هدايا مو هديه ,, وكل هذا ما يعبر عن محبتي لك محمد : مشكووره يا الغاليه ,, عجحل انا بعد باخذ لش هدايا واجد تستاهلين اكثر زينب : محمد : اقووول زينب : هلا محمد : ويش صار وي سالفة ندى ؟ زينب : تأسفت ليها محمد : عفيا على القمر ,, تعجبيني زينب : محمد: يلا الحين انا بقووم زينب : وين ؟ محمد: هههههههههههه خلاص بقعد كل شي ولا زعلش زينب : انزين ,, ويش اخبارك وي الشغل حصلت لقك وظيفه .؟ محمد : انتين تدعين ليي . ؟ زينب : ايي ادعي في كل صلاه ربي يوفقك وتحصل شغل محمد : ان شاء الله يا ربي ,, ربي يسمع من دعائش زينب: ان شاء الله ,,, اسمع محمد : هلا زينب : ممكن سؤال ؟ محمد : تفضلي زينب : انت ويش رايك فيي ؟ محمد : احلــــــــــــى من القمــــــــر زينب : محمد : صدق ,, بشيل القمر وبحطش مكانه زينب : يلا عااد لا تبالغ محمد : هههههههههههه زينب : بااااااااااااااااي ابغي اقعد معااك بس امي تناديني محمد : اهاا عجل روحي ليها ولا تصارخين عليها وصيري طيبه و ريلاكس زينب : اووكي طلعت زينب الى امها الام : ويش قاعده تسوين في الحجره اطق علي الباب و انتين ساكته عني زينب : قاعده اعدل كبتي الام : اهاا ,, تغذيتين ؟ زينب : اي الحمد لله اتغذيت ,, تسلم ايدش اماه على هل الغذى السنع الام : بالعافيه زينب : الام : يلا امشي ويايي نرووح بيت ام سلمان لان اختش مريم هناك وي بتها زينب : وين ساره ؟ الام : اليوم معزومه في بيت خطيبها زينب : اها الام: يلا البسي عباتش وتعالي زينب : ان شاء الله راحت زينب مع امها بيت ام سلمان وهناك عادة تتجمع النسوان في المجلس كل يوم عشان السوالف والوناسه دخلت زينب الا هناك كل نسوان و جهال ما في احد قدها بس ويش تسوي المسكينه ما تبغي تكسر خاطر محمد الام : شحوالكم يا جماعه النسوان : حياش الله ام علي تفضلي الام : زاد فضلكم ... زينب حبيبتي تعالي قعدي هني زينب : ان شاء الله و من ضمن السوالف الي يسولفونها النسوان سالفة بنيه تحب صبي تالي قام قص عليها و خرب سمعتها الام : اني الحمد لله بناتي مو من هل النووع ,, الله يستر علينا وعلى الجميع ام حسن : ايي ,, ما شاء الله على بتش حليوه هكي و مؤديه الله يخليها لش زينب في قلبها : اني عرف محمد عدل مستحيل يسويي جذي وحده من النسوان : ولا مساكين هل البنات يصدقون كل جلمه تنقال ليهم ويحسبون الصبي يحبهم زينب في قلبها : لالالالالالالالا مستحيل محمد يجذب عليي ,, هو غير عن الصبيان هو طيب ويحبني ام عباس : الله يكفينا من كل سوووء ,و لو البنات ما يعطونهم وجه احسن ليهم ,, يحارسون لين ما يوقع الفاس في الراس زينب : الام : يوو ويش فيش زنووب زينب : لا ولا شي بس ابغي ارووح البيت ام حسن : ويش فيش يا حبيبتي ؟ زينب : ولا شي ,, اماه ابغي اروح البيت اتمللت الام : انزين روحي حبيبتي بس اتحملي عن الشارع زينب : انزين مع السلامه راحت زينب البيت وهي تصيح ام حسن : الضاهر بنتش مو متعوده تقعد وي النسوان الام : ايييي وصلت زينب البيت و راحت تتصل الى محمد زينب: الوو محمد : هلااااااا الا رجعتين زينب : لان سمعت كلام ضايقني محمد : ويش الكلام الي ضايقش ؟ تكلمي زينب : قعدوا يسولفون عن البنات لي يكلمون الصبيان محمد: و اكيد قالوا ان البنات الي جذي ينقص عليهم مو ؟؟ زينب : ايييييييي اهيء اهيء محمد : انتين كل شي وصحتين عليه زينب : لاني خفت محمد : انتين للحين شاكه فيني انا توقعتش واثقه فيني ,, و واثقه من حبي لش زينب : بس ناس واجد قصوا عليهم صبيان محمد : اي في صبيان بس انا غير انا قصدي شريف زينب : شسوي واحد يخرب على الف .. الصبيان ما ينوثق فيهم محمد : بس مو كلهم زينب : انزين اني اسفه محمد : عادي بس لا تحاتين واجد ولا تشكين زينب : ان شاء الله محمد : لا تحزنين ,, اضحكي زينب : يوم قالو الكلام دار راسي و قلت مستحيل حمودي يسويي جذي محمد : ,, هههههههههه اضحكي الحين زينب : ضحكت محمد : و الى الابد زينب : لو ما انت في هل الدنيا جان اموووووت محمد : بسم الله عليش من المووت ,, عساني انا ولا نتين زينب : لالالالا عسى عيني ما تبجيك محمد : هههههههه مره ثانيه لا تصيحين واجد يا الصيووحه زينب : هههههههههه ويش اسويي ,, الحب يجبرني ,,,, يلا باااي شكلها امي جت تسألني ويش فيني محمد : دبري لش جم شلخه زينب : اكيد و سكرت التلفون الام : زينب زينب : هلا الام : ويش فيش طلعتين وانتين تصيحين زينب : لان ذكرت الفلم وقلت لازم اروح اطالعه الام : عاد فلم يخليش تصيحين زينب : لاني احارسه و اخاف تمنعيني اني ارجع الام : تدرين ان النسوان الي هناك شاكيين فيش ,,, فشلتيني زينب : سامحيني الام : مره ثانيه لا تعودينها تحرجيني قدامهم زينب : ان شا ء الله يوم ثاني بدوا الناس يجون بيت زينب يقلدونهم الدعاء والزياره وهي زينب ما تشتهي الفوضه في بيتهم ,, عاد تعرفون يجون النسوان وي جهالهم وحاله زينب : يا ربي متى نخلص من هل السالفه ونسافر و نفتك مريم : بالعكس كشخه اذا يجون الناس زينب : انتين كل شي عندش كشخه عاد ساره : زينب ,, جيبي قدوع للناس اني ابغي اقعد وي رفقاني زينب : انزين و راحت زينب تحط القدوووع وما انتبهت الا ام محمد وي خواته الثنتين مقعدين راحت بدون شعور و ودت القدوع صوبهم <<هبله ساره في قلبها : هبله زينب اقول ليها جيبي القدوع لرفقاني راحت ودته ليهم و زينب لابسه احسن ما عندها من ثياب وقاعده صوب امها وتسوي روحها كشخه و تسولف و تناقش الام : ام محمد ,, انتون بعد بتسافرون مو ؟ ام محمد : اي له ,, بنروح سوريا عقب اربعة ايام انتون بعد ؟ الام : ايييي لا يكون انتون ويانا ام محمد : احنا في حملة كذاكذا الام: يوو احنا بعد ,, طلعتون ويانا واني ما ادري ام محمد : ايي انتون بتسافرون كلكم ؟ الام : اييي كلنا بس بنتي ساره بتسافر ايران وي بيت خطيبها و ولدي علي ما اخذ اجازه فبيقعد هني ام محمد : اييييي بروحه عاد الام : ايي ,, فشيله جايه ليي بيتنا تقلديني الدعاء واني ما اجي لش ام محمد : ههههههههه لا عادي اني كل جذي الناس ما يدرون ان اني بسافر واني طبيعتي بعد كل ساكته عاد ما احد يدري احنا بنسافر لو لا الام : ههههههههه عجل لازم باجر اجي لش ام محمد : حياش الله زينب نطت تتكلم وي فاطمه خت محمد : انتين بتروحين اي صف فاطمه : ثاني ثنوي و انتين ؟ زينب : اني متخرجه بس قاعده في البيت فاطمه : ما بتشتغلين ؟ زينب : تو الناس فاطمه :هههههههههههههه زينب تستهبل : انتين اكبر وحده في بيتكم ؟ فاطمه : لا لا عندي اخو اكبر مني عمره 20 زينب : اهاا ام محمد : يلا بقووم ,,, قلدناكم الدعاء و الزياره الام : علينا الدعاء و على الله الاجابه .. قعدا ويش عاجلنكم تو الناس ام محمد : برروح ان شاء الله نشوفكم في السفر الام : ان شاء الله من غير تقديم على الله و زينب مستانسه وطايره من الفرحه على حساب عائلة محمد زينه وياهم و بيت محمد يطلعون وبدشة الخاله وبتها نــــــــــدى زينب : ولييييييي اكيد بيفتحون السالفه ندى : السلام زينب : عليكم السلام و قعدوا ,,, قامت زينب يوم شافت ندى ما تعطيها وجه ,, وبقومتها الا تلفونها يرن زينب : الوو ابرار : هلاا شخبارش شعلومش يا القاطعه ما تبينين زينب :هههههههه هلاااااااااا شخبارررش من زمان ما شفتش ابرار : ولا حتى على الخاطر زينب : سامحيني بش الظرووف يا اختي .... المهم شخبارش ابرار : تمام ,,, يقولون بتسافروون زينب : اي له بنسافر سوريا يوم الاربعاء ابرار : اهااا ,, عجل لازم اجي لش زينب : تعالي الحين عمري عاااد ابرار : ليش الحين بالذات ؟ زينب : عشان احر بنت خالتي ندى تحسبني بروح اراضيها ابرار : متهاوشين ؟ زينب : اي ولا تقولين ليي ويش السالفه لاني ما بقول انتين بس تعالي ابرار : اوكي الحين جايتنش و راحت زينب تجهز القدوووع ليه الا تلفونها ران محمد : هلووووووو ,, عرفت سوالفش وي اختي زينب : حشى حشى لا سلام لا كلام على طولل (( عرفت سوالفش وي اختي )) محمد : ههههههههههههههههههههههه انزين سلاااااام زينب : وعليكم السلام ,, ويش عرفت من اختك ؟ محمد : من جت اختي فاطمه قعدت اتسأل فيها عنش زينب : بسم الله الرحمن الرحيم ويش دراك انهم جو بيتنا ,, جني ؟ محمد: ههههههههه يلا خذ اصلا انا الي قايل ليهم يجوون بيتكم زينب : شلون قلت ليهم ؟ محمد : قلت ليهم هكو بيت حجي ناصر بسافروون روحوا ليهم زينب : يا خوفي كشفوني محمد : لااااااااااا يا بت الحلال وين يكشفونش , انا في ويش وانتين في ويش زينب : و ويش قالت لك فاطمه عني ؟ محمد : قالت انش كاشخه و قعدتين تسولفين وياها زينب : اكيد اني على طوول كشخه محمد : انيقه ما احد يضاهيش في الاناقه زينب : ايي عجل ويش حسبالك ما اعرف للموضه محمد : ما علينا ,,, ما قعتين تتدلعين قدامهم ؟ زينب : اني اصلا حركاتي طبيعيه <<< جذابه هههههه محمد : عليي ؟ زينب : اني والله ما اجذب محمد : هههههههههههههه مستحيل تصير حركاتش طبيعيه .. انتين خبز ايدي دلوووعه زينب : اي كيفي دلووعه محمد : صدنااااش كشفنااش ,, تتدلعين ها زينب : عيب لو حرام التدلع محمد : يه يه ,, الي مثلك لو تدلع الــــــــــــــدلع لايــــــــــق عليه زينب : محمد : شكلش مشغووله اسمع صوت مواعين وصحوون زينب : هههههههههههههههه ايي قاعده اسويي القدووع الى رفيقتي بتجي محمد : هههههههههه اها , زين عجل اخليش زينب : اراك لاحقا محمد : حسناً زينب : اوووووه ما يمدينا حتى نتكلم لفه عربيه فصحه محمد : ههههههههه اتمازح وياش , يلا باي زينب : بااااي و قعدت زينب تجهز الا ابرار جايه زينب : هلا حبيبتي ابرار ابرار : هلا وغلا زينب : تفضلي ابرار : زاد فضلش وراحت ابرار تسلم على ام زينب وخالتها وبنت خالتها ندى تالي قعدوا شوي بعيدين عنهم زينب : طالعي ندى شكلها بتنفجر من القهر ابرار : زنبوو سكتي ترى تشوفش زينب : خلها ,, عساها بطنه ابرار : انزين سولفي ولا تقعدين تسوين ليها حركات لا قمت زينب : لا لا ,, بس خلااص ابرار : حليو السفر يا ريت اني وياكم في حمله زينب في قلبها : اشوى منتين وياي ابرار : ويش فيش ضعفانه ؟ لا يكوون الي يسمونه الحب زينب : هاا لالا اني اصلا اسوي رجيم هل الايام ابرار : قولي الصدق الرجيم ما يدخل راسي زينب : عاد بتصدقين لو لا .. هاي الجزء وايد طويل على شانكم بس يالله عاد ابي ردوودكم Quote Link to comment Share on other sites More sharing options...
الــعـيـون الــفـاتـنـه Posted نوفمبر 25, 2005 Report Share Posted نوفمبر 25, 2005 ثنكس حبووو على القصه واااااااااايد حلو وبسرعه علشان نبي التكمله Quote Link to comment Share on other sites More sharing options...
الــعـيـون الــفـاتـنـه Posted نوفمبر 25, 2005 Report Share Posted نوفمبر 25, 2005 ثنكس حبووو على القصه واااااااااايد حلوه وبسرعه علشان نبي التكمله Quote Link to comment Share on other sites More sharing options...
متملله من الوجود Posted نوفمبر 26, 2005 Report Share Posted نوفمبر 26, 2005 مشكورة حبوبة على البارت الحلو ويلا بسرعة نبي التكملة Quote Link to comment Share on other sites More sharing options...
همس الذكريات Posted نوفمبر 26, 2005 Author Report Share Posted نوفمبر 26, 2005 انتو تامروون صار باقي يومين عن سفرتهم و هم مشغولين بتجهز الثياب و مقلوب البيت فوق حدر من العفسه الي هم فيها الام : زينب فدمتش انتين ليش تبغين شنطه بروحش ؟ زينب : لا والله اني الحين كبيره عادي احط ثيابي بروحي الام : بس الشنطه الي بتحطين فيها واجد كبيره تجزيش انتين واختش زينب : ما يهمني الام : عجل حبيبتي مريم جيبي ثيابش بحطهم ويايي في شنطه مريم : ويش فيها لو اني بروحي بعد الابو : ما نبغي نحمل شنطات واجد كل ما صارو شوي احسن مريم : انزين و قعدوا يرتبوون في الشنطات ومشغولين حدهم علي: اي مساعده ؟ الام : تعال يا حبيبي رتب ثياب البدل علي : ان شاء الله اماه زينب : اماه ماني حامله الدشاديش مالي الام : يووو جي في سوريا غير اذا في البحرين كل واحد بتقعدين هناك الجده : هذا صحي بتروحون سوريا ولا تودوني وياكم ؟ الام : يووو ,, جي انتين ما بتسافرين وي ولدش العود ؟ الجده : لا من قايل لش ؟ الابو : اماه مو كأن المفروض باجر تسافرون الجده : من بادع عليكم هل البدعه الشينه ,, اني ما ادور اروح الا وي مرت ولدي العود الشريه الابو : ما ادري انا سمعت جذي الجده : الحين ويش تبوني اسويي لازم اروح وياكم الابو : بتصل الى الحمله و بشوف زينب في قلبها : هي ويش تسوي تروح بس للطحنه و القرضه مريم : ان شاء الله في كرسي فاضي الام : هاكو ابوش يتفاهم وياهم زينب : اصلا ما في كراسي فاضيين لان يوم نحجز كان في 4 بس الابو : اشوى الحمد لله في كراسي فاضيين لان عائله انسحبوا من الحمله الام : الحمد لله ,و حجزت ليها الابو : اييي ,, خلاص اماه ما باقي عليش الا تجهزين شنطتش انا باروح باجر ليهم وباساويي وياهم كل شي الجده : عطاااك الله من بره وبحره ,, ربي يسعدك ويغنيك يا خلف جبدي الابو : ان شاء الله جميع الام : السيده زينب كاتبتنش ليها السنه الجده : الحمد لله زينب : وي استانستين الحين ؟ الام : زينب سكتي زينب : علي : ادعوا لينا هناك عاد الام : ان شاء الله بحق السيده بندعي لك ربي يوفقك و يسعدك ويعطيك بنت الاجاويد علي: ان شاء الله زينب : ادري تقول في قلبك ندى علي: انتين ويش عندش وي ندى ؟ صدق فاضيه الام : و ويش فيها لو اخذ ندى عادي بنت خالته علي : اقول لش عااد .. عادي والله زينب : لاني كشفتك علي : اماه اذا لخيتها كف لا تستحقين الام : سكتي الجده : اني باقوم انام زينب : بل توها 10 الجده : جي اني مفلش انام الصبح زينب : زين روحي نامي فكينا الجده : ها ؟ الام : تقول نوم العوافي الجده : اييي الله يعافيش زينب : مريم : رن تلفون زينب الام : هذي من ؟ زينب : هااا ,, هذي ابرار ,, بقوم حجرتي علي : لويش تقومين ؟ زينب : والله عاد كيفي اني وي رفيقتي لو تبغي تسمع كلام بنات بعد علي : زين روحي مينونه زينب : مالت و راحت زينب الى حجرتها وقفلتها زينب : الووو محمد : ويش فيش ما تشيلين التلفون بسرعه زينب : كنت قاعده وسط بيتنا ويش تبغيني اسويي ؟ محمد : اهاا ,, انزين لا تستحمقين زينب : لا اني مو مستحمقه بس اخويي علي شاك فيني محمد : زينب : محمد محمد : عيون محمد زينب : رديت صرت عصبيه ما اعرف اصير هادئه و مؤدبه وريلاكس على قولتك محمد : هههههههههههههههههه عادي اهم شي حاولتين ,, مرد الطير يرجع لعشه زينب : ههههههههههه اشوى شبهتني بالطير مو بذنبة الجلب محمد : افــــــــا .. من الي يشبهش بالجلب خليني اروح له واكفخه زينب : هههههههههه شوي شوي ما في احد بس يعني اقول في مثل ينقال عن ذنبة الجلب محمد : ههههه اي اعرفه ,, بس خسي اقوله للحبايب زينب : محمد : ها شخباركم وي تجهز للسفر زينب : ماشي الحال ,, بس صار الي مو في الحسبان محمد : ويش صار ؟ مات احد من اهلكم ؟ زينب : وي وي فال الله ولا فالك محمد : عجل وي زينب : جدتي بتجي ويانا محمد : كل هذا على حساب جدتش بتجي زينب : انت ما تعرفها قدي تملل كأنها عجوز النار محمد: حرام عليش زينب :اسغفر الله واجد تمللني و كل تنص نصايح هرار مثل وجهها ,, وتطحن ,, و من اشغل تلفزيون تبغي قنوات الي فيهم عزا و ادعيه وحالتنا حاله وياها محمد : ويلي مثل جدتي زينب : صدق محمد : ايي لا ,, بس انا ما اتهاوش وياها واجد تدرين ليش ؟ زينب : ليش ؟ محمد : تتهاوش وي اختي فاطمه اكثر لان هي كل تطالع التلفزيون وتتهاوش وياها على القنوات ,, وانا كل بره فمن جذي لا اشوفها ولا تشوفني زينب : اييي مسكينه فطوم حالتها مثل حالتي محمد : الله يعينكم زينب : ويصبرنا على ما بلانا محمد : حشى سويتينه بلى زينب : ويش نسوي بعد محمد : فن في سوريا ما اظن اروح هناك زينب : ايي عشان البنات الي يتصعون ويدلعون هناك ؟ محمد : لالا من قال زينب : اعرفكم انتون يا الصبيان محمد : انتين كل تشكين فيي وانا قصدي شي ثاني زينب : ويش قصدك ؟ محمد : كان قصدي ان انتين بتكونين ويايي زينب : اهاا .. زعلت ؟ محمد : زينب : حموووودي حماده و فيك سكر زياده محمد : زينب : حموود يلا تكلم محمد : احم زينب : هلا بهل الصووت هلا محمد: شخبارش زينب : ههههههههههههههههههه ,, اذا انت منت زعلان اني زينه محمد : لا لا تخافين انامو زعلان زينب : عجل اني زينه بعد محمد : انتين حليوه وكل شي بس كل تشكين ليش ؟ زينب : ويش اسويي مو ودي بس الهوا ضــــــــدي محمد : الله الله زينب : هههههههههههه محمد : تصلحين شاعره زينب : لا عاد لا تبالغ واجد محمد : خخخخ انزين ممكن اعرف تحبين اي لون ؟ زينب : ليش ؟ محمد : لان اذا جيت بشتري لش هديه لازم اعرف اللون الي تحبينه زينب : اهاااا ,, اني احب لون الوردي , و الاحمر محمد : وجم مقاس رجولش زينب : ماني استحي اقول محمد : عجل جيفه اشتري لش نعال زينب : مقاس رجولي ..... محمد : اهااا اوكي عجل عجل بجيب لش نعال لا صار ولا استوى مثله زينب : وانت ويش اللون الي تحبه وجم مقاس رجولك ؟ محمد: احب لون الازرق , ومقاس رجولي ..... زينب: يصير خير ,, اوكي حمود اني الحين بقووم محمد : وين تو الناس ما شبعت من سوالفش زينب :ههههههههههه بقوم اتعشى محمد : اهاا احنا من زمان اتعشينا زينب : اها ,, يلا بااااي محمد : بااااااي طلعت زينب الجده تتحجج الجده : اني ما اكل هل الاشياء الي فيها دهن زينب : مريم : جدتي ويش تبغين ؟ الجده : ابغي روبه و قرص خبز عشان اقوم انام الام : ان شاء الله تفضلي الجده : عجل اني آكل اكل يعسر الهضم الام : بس هذا مو من المطاعم غير اني مسويتنه الجده : ايي كل واحد كله دهن زينب: انتين لو تسكتين واجد زين الجده : تسكتيني ؟ زينب : ايي اسكتش الجده : عجل ما ابغي اكل من عندكم وباقوم انام الابو : اماه هدي اعصابش وهذي جاهله ما عليش منها زينب : كل مسوييني جاهله الابو : سكتي انتين الحين الام : سكتي زنووب حبيبتي واكلي ,, هذي جدتش كبيره وكل تتحجج زينب : الام : يلا اكلي ولا تطالعين فيها جذي زينب : انزين *********************************** قعدوا بيت حجي ناصر من النوم يوم ثاني زينب:الااااي باجر بنسافر باقي بس اليوم الام : هههه ايييي مريم : اماه اني بحمل ليي لعبة اتاري عشان العب في الباص ولا استمل الام : احملي زينب : اني بحمل ليي هتفوون ومجلات الام : ايي حملي بس لا تحطين في الهتفون اغاني زينب : لويش ؟ الام : الحين انتين رايحه للسيده وتحملين هتفون فيه اغاني ,, حطي اناشيد او عزا زينب : لالالا باحط موسيقى هادئه عشان تخليني ريلاكس الام : انزين ساره : جان زين اني اسافر وي بيت عمي قبلكم او وياكم زينب : ليش ؟ ساره: لان اذا سافرتون قبلي البيت بصير كريه و اني بسافر عقبكم بيومين الام : ما علي بيقعد وياش اخوش هل اليومين ساره : ادري بس كريه بدونكم الام : ههههههههه كلها يومين زينب : تدلع مريم : الابو : وين امي ؟ الام : هكي في حجرتها الابو : اماه الجده : هاا يمى تعال الابو : هكو خلصت الاجراءات الي لش وخلاص صار كل شي تمام الجده : غناك الغني يا حبيبي الابو : ان شاء الله زينب : اتصل محمد الى زينب محمد : هلا زنوووووب زينب : هلااا محمد : الليله بنسافر زينب : ايييييييي الليله كشخه محمد: ايييي وقعدوا يسولفون متشوقين جت المغرب وكلهم مستانسين والي تجهز اغراضها و حاله الجده : زنبوووو قومو جيبي القدو بجهزه زينب : القدو ؟ لويش ؟ الجده : لويش بعد عشان نوديه ويانا زينب : امااه شوفي هي تبى تفشلنا الام : عاادي ناس واجد يودووون زينب : هذاني كل سنه اروح ولا اشووف ناس يودون قدو وياهم الام : بلا شلخ قومي جيبيه زينب : هي الي جايبه لينا البلوى الام : قومي لا تتعاركين وي جدتش قومي زينب : انزين الابو : يلا بسرعه جهزوا اغراضكم عشان نروح الباص بسرعه الام : ان شاء الله احنا جاهزين مريم : وين عبايتي ؟ الام : هذا وقته يا مريم روحي دوريها هودش زينب: يا خوفي هي تعطلنا مريم : وينهي ؟ دورتها ولا حصلتها الجده : اني فرغت يلا امشو نروووح زينب : يلا خذ هاكي العبايه قاعده عليها حضرتها المسعده الام : عمتي طلعتين قاعده عليها واحنا ندورها الجده: ويش الي قاعده عليها الام : عباية مريم الجده : واني ويش دراني ؟ عندي علم الغيب الام : انزين يلا امشوا الابو : يلا له الام : مع السلامه يا حبيبتي ساره : مع السلامه اماه الام : تحملي بروحش وكل صيري هادئه ها ساره : ان شاء الله وقعدوا يودعون بعضهم ابعض وركبوا السياره مريم : مع السلامه يا دريتنا مع ااسلامه يا بيتنا مع السلامه يا بحريننا زينب : سكتي ما صار جم يوم بنروح سوريا الام : سكتي عنها الجده : علي علي : ها جدتي الجده : هو انت بتجي ويانا علي : هههههههههه لا بس اوديكم الباص له الجده : لويش ما يودينا ابوك ؟ علمي به يعرف يسووق الابو : اماه علي يودينا ,, اذا انا وديتكم من الي بيرجع السياره ؟ الجده : اييييييي يعني هههههههه نسيت زينب : مريم : اهيء اهيء الام : ويش فيش يا مريم ؟ مريم : لا بس قاعده اطالع شوارع البحرين زينب: علي : ههههههههههههه بتفتقدينهم ها مريم: اييي زينب : حشى وصلوا الباص ونزلوا عشان يركبون وهناك الناس متجمعه ..الي يحط شنطاته ونسوان قاعدين يشربون قدوو وجهال يراكضوون وناس مبطحين يحارسون ,,, و زينب قاعده تدور محمد ما سمعت الا تلفونها يرن زينب : هلا محمد : انا واقف صوب الباص زينب : وين ؟ محمد : مكان الي يحطون الشنطات دارت زينب ويهها ولا شافت الا واحد واقف زينب : محمد: زينب في قلبها: حلييييييييييييو الام : مع السلامه يا حبيبي علي : الله يسلمش ما يحتاج تصيحين اماه الام : اتحمل بروحك وقفل الباب ولا تخليه مفتوح علي : اماه لا تخافين عليي ,, ادعي لينا الام : ان شاء الله ,, في امانة الله علي : في امانة الله وحفظه و ركبوا الباص ,, وهناك بدأ المشوار ركبوا بيت حجي ناصر الباص زينب : هذا احلى مكان اني بقعد فيه لا تقعدينه مريم مريم : و من قال اني بقعد وياش اني بقعد وي امي زينب : ويي عاد ميته عليش روحي في الطقاق الام : حتى في الباص تتهاوشون قعدت زينب مكانها ولا دارت الا ويش تتوقعوون ؟ ,,, ,,, ,,, الجده قابله بتقعد وياها زينب : الجده : اهووو انزحي ليي بقعد زينب : روحي قعدي وي امي الجده : امش قاعده وياها اختش ,, لا تسوين ليي بلاوي رجوولي تعورني زينب : ما فيي قعده هني الجده : وي ؟ تبيني اقعد وين ؟ الام : يووو فشلتنا زنبووو ,, زينب حبيبتي خليها الحين تقعد تالي بابدل زينب : ماني الحين خلي مريم تجي ويايي وتقعد محلها هذي مريم : ماني ابغي اقعد وي امي زينب : تعالي ويايي الجده : لمتى اني باضل واقفه الام : قومي يا مريم ارحمينا روحي وي اختش مريم : انزين وحده من الباص : ويش صاير هني ؟؟ الام : هههههه لا لا ولا شي وانحلت المشكله مريم : زنبوو اذا تعلفتين بقعد اصارخ لو عساهم نايمين زينب : ما بتعلف السواق : يلا بنمشي صلو على النبي الي في الباص كلهم : اللهم صلي على محمد وآل محمد ومشى الباص راعي الحمله : محمد روح جمع الجوازات من عندهم عشان اذا وصلنا الجسر ما نتوهق محمد: ان شاء الله قام محمد ياخذ الجوازات من عندهم و جا صوب زينب محمد : لو سمحتون يا آنسات عطوني الجواز <<يفوشر مريم : هاك ولا تقعد تتعنتر محمد انحرج شوي : زينب : تفضل محمد شاف زينب : شكرا قام محمد يروح ياخذ الجوازت من عند الباقي مريم : شوفي هذا الصبي الي ياخذ الجوازات زينب : ويش فيه مريم : هذا اذا يشوفني في الطريق كل يضحك زينب : لويش ؟ مريم : ما ادري زينب في قلبها : يمكن لان يعرفها اختي مريم : كل شايف روحه زينب : هو ويش مسوي جان تقولين عنه جذي ؟ مريم : عجل شوفي شعره كأنه سهام ولابس برمودا ومزلط كانه جاهل في الروضه زينب : بلا شلخ مريم : يوو اذا منتين مصدقه شوفيه زينب : اصلا هو حليو وانتين مستحره منه مريم : ويييييي عاد ما استحر الا منه هذا مر محمد عشان يودي الجوازات وشافته زينب زينب في قلبها : جماله سلبني ,, وحبه نهبني ,, ومشيته تذوبني مريم : هههههههههههههههه زينب شوفي مشته مالت لوفريه زينب : هي هي حدش عاد مريم : جي اتكلمت عنش ؟ زينب : الصبي ما اشوف فيه شي انتين واجد حاطه بالش وياه مريم : لانه يقهرني زينب : لا والله ...اني يعجبني مريم :افهم من كلامش انش تحبينه ؟ زينب : والحب حرام ؟ مريم : لا بس عيب زينب : يا سلااااام اول مره اسمع هل الفتوه مريم : اووو روحي مناك , اني باقوم اقعد على الارض ولا اقعد وياش زينب : روحي راحت مريم وسوتها وقعدت على الارض الام : يوووو مريم من الحين بتنامين ؟ مريم : ما اقدر اقعد وي زنبووو في كرسي واحد يوم كامل زينب : هي ويش سوت لش ؟ مريم : كل تتعلف الام : زنبووو حتى في الباص تتهاوشين ؟ الحين باخليش تجين مكاني ترى زينب: لالالالا كل شي ولا هذا ,,, تعالي حبيبتي مريم تعالي ..سامحيني مريم : زينب : سامحيني مريم : انزين بس اخر مره لش قعدت مريم وي زينب وعقب شوي صار محمد عطشان و دبة الماي صايره صوب كرسي مريم وزينب ,,,,المهم راح محمد يشرب ماي وهو عيونه في زينب .....فجأه مريم : هيي انت محمد انزهق و من الزهقه طاح القلاص ( اشوى القلاص مو گزاز ) مريم : بل طاح القلاص من ايده هع محمد في قلبه : كل من هل الغبيه زهقتني وفشلتني قدام زنووب زينب في قلبها : بسم الله عليك مريم : زينب وهي متفشله : مريم انتين ويش فيش قعدي عاقله محمد يقول الى مريم : انتين ربشه وراح مكانه مريم : اني ربشه ؟ صبر باقول الى ابويي زينب : تستاهلين عجل تزهقين الصبي لويش مريم : اني ما زهقته بس صار صوتي شوي قوي ولا تقعدين تصارخين عليي لا كفختش هني زينب : اشوف طلع لش لسان ترادديني به مريم : كيفي وهم يتهاوشون السواق قام حط اناشيد اسلاميه مريم : الاااااااي حليوه هي النشيده احبها زينب في قلبها : صدق مجنونه توها تصيح والحين مستانسه الجده بصووت عالي : هذا ويش هل الاغاني شيلوها وحطو لينا زيارة السيده زينب ,, يلا ,,, ما تستحوون على وجهكم بتروحون للسيده زينب وانتون تسمعون اغاني تبغون ربنا يخسف بنا الام : عمتي هذي غير اناشيد اسلاميه الجده : احنا جهال عندكم يعني ما تاخذون راينا الام : ناخذ رايش في ويش ؟ الجده: احنا نبي زياره او دعاء زينب : انتين ولاخير وياش كل تتعلفين وكل معترضه ؟ يا اختي كيفنا احنا نبغي اناشيد واذا معترضه روحي الحكومه هناك ارفعي علينا قضيه زين ؟ الجده : بتوديني المحكمه ؟ طيح الله حظش شفتون وحده تودي جدتها المحكمه وتسجنها << الاخت فهمت غلط مريم : ما قالت جذي الجده : انتين انطمي ام محمد :صلوا على النبي ,, ما يحتاج كل الهواش هاش يا ام ناصر تفضلي اخذي الجده : اني مو ام ناصر اني ام خليل ام محمد : ههه انزين يا ام خليل تفضلي اكلي الجده : هذا وي ؟ ام محمد : هذي بسبوووسه من ايدي الجده : لا يمه اني ما اكل لا بسابيس ولا سكريات مريم : سمعي جدتي قاعده تقول بسابيس زينب : ايي تفشل ولا تحترم الام : هههههه اييي عمتي مو تعوده تاكل حلويات اني باخذ والله يغنيش ام محمد : جميع ان شاء الله و راحت الى زينب و مريم ام محمد : تفضلو يا بنات مريم : اني باخذ ثنتين ام محمد : اخذي حبيبتي عليش بالعافيه زينب :شكرا والله يغنيش <<<تسوي روحها ما فوقها فوووق تالي يوم راحت ام محمد زينب : انتين فشلتينا ليش تاخذين ثنتين مريم : اخذت حق جدتي زينب : مريم : حليوه هذي المره طيبه و كريمه زينب : تدرين هذي من ؟ مريم : من ؟ زينب : هذي ام هذاك الصبي الي تقولين عنه لوفري مريم : حلفي زينب : والله مريم : ما يناسب كلش زينب: يناسب ونص انتظر آرائكم وتعليقاتكم مع تحياتي : همس الذكريات Quote Link to comment Share on other sites More sharing options...
متملله من الوجود Posted نوفمبر 27, 2005 Report Share Posted نوفمبر 27, 2005 كــــــــشـــــــــخــــــــــــة كــــــــشـــــــــخــــــــــــة يعطيج العافية ونبي التكملة بأسرع وقت Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.