almajed Posted ديسمبر 18, 2005 Report Share Posted ديسمبر 18, 2005 قصة حلوة ننتظر الباقي Quote Link to comment Share on other sites More sharing options...
د1نة 1لخليج Posted ديسمبر 18, 2005 Report Share Posted ديسمبر 18, 2005 قصة روووووعة ننتظر التكملة بس سؤال القصة كم جزء؟؟؟؟ Quote Link to comment Share on other sites More sharing options...
khalijia Posted ديسمبر 18, 2005 Author Report Share Posted ديسمبر 18, 2005 وسار مهير ويا ميثاء دبي بيتمشون وهم في دبي يتصل مهير في حمدان ويتواعدون في مكان مهير: حمداااااااااان مرحبا الغالي حمداااان : مرحبابك زووود حيا الله مهير شحالك مهير : بخير طاب حالك انته شحالك حمداان : يسرك حالية وينك ياريال أشوفك قلت بتزورني في دبي وينك الغالي مهير: هههههههه نحن هني حذالك حمدان: لا قول الصدق أفا عليك وينك تباني اييك والابتييني مهير : لا وين نييك انته تعال يبت وياي ميثاء بنسير السيتي شوية حمدان : ميثاء وياك " كان متردد مايبا يشوف ميثاء " ان زين ياينكم عقب المكالمه ميثاء : هاه مهير شوقال يوم عرف إني وياك مهير: ماقال شي قال أنا اللي بييكم ميثاء : بس ماقال شي ثاني مهير: شو تبينه يقول يعني ميثاء : ان زين يلا اظهر من السيارة خل نترياه داخل وبعدين أنا يوعانه أبا أكل شي مهير: " جنها زعلت البنية " يضرب الحب شو بيعمل ميثاء : شوقلت مهير : لا ماقلت شي يلا يلسي أنتي هني ونا بسير بيبلج كابتشينوا تبين شي وياه ميثاء : هيه خاطري بدونااااات بالكاكاو مهير: وشو بعد ميثاء : بس لا تتحير علي بيلس برووحي وتمت ميثاء تتريا مهير وكان مهير كاشخ وايد وشكله مفلت للنظر مسوي قصة غريبه لشعره ولابس كندورة والنظارة الشمسية رافعها على شعره وشعره وايد ناعم يعني أي وحده تشوفه تحس الولد هاي كشخته غريبه وشكله مفلت للنظر وهويالس يطلب الطلبات الريال ياي من برع البلاد يرمس انجليزي صح ولفت نظر بنتين حذال الكوفي وكانت وحده فيهن إسمها شيخه وربيعتها دلال شيخه : دلول لايفوتج الريال شوفيه يخبل شقايل يرمس انجليزي هب نحن اللي ماعرفنا نطلب شي دلال: ان زين واذا كان حلو ويخبل اشعليج فيه شيخه: خبلني بسير أرمسه دلال: شوفيج تخبلتي شو بيقول عنج البنت فالته شيخه : ماعليج صبري بس دلال : الحمد لله والشكر البنت هاي بتفضحنا ويا الريال شو بيقول الحينه شيخه : اخوي لو سمحت مهير: هلا أختي ترمسيني أنا شيخه : هيه أنته مهير: أمري شيخه : مايأمر عليك عدو بس نحن من ساعة يالسين نطلب ومافهمنا الريال تعرف مانرمس شراتك انجليزي صح مهير :" ابتسم " أوكي شو طلباتكن شيخه : ويلست عطته لسته طلبات وطلبهن مهير وكانن يترين وهو يتريا دلال : شو قالج شيخه : ماقال شي بس استغرب شوي وابتسم تعرفين يالسة أفكر في طريقة اخذ رقم موبايلة دلال: لا عاد زوديتها ويا راسج مينونه أنتي شيخه : تعرفين ماعمري شفت ريال بحلاته بتعرف عليه يعني بتعرف عليه هيه يتني فكرة تعرفين شو بقوله ماعندي بيزات تكفي الطلبات يدفعلي الحينه ونا بعدين بأسدد له دلال: الله يستر منج شيخوه انا بسير للطاولة انتي تصرفي مايخصني فيج شيخه: اخووووي لو سمحت ممكن تسلفني!! ماشي بيزات والبطاقة مالتي نسيتها بس أبي منك100 وبردهم لك إنشاء الله مهير: لا اختي ماعليج هاي 100 و لاتردينهم مافي أي اشكال شيخه : لا أخوي مابرضى بالدراهم إلا إذا كانت سلف عطني رقمك ونا بطرشهم لك في أقرب وقت مهير: لا والله أختي ماعليج نحن حاضرين شيخه : ان زين هذي بيزاتك مهير: لا أختي مثل ماودج ها رقمي ****** شيخه : منو الأخ مهير: وياج مهير شيخه: والنعم أخوي مهير ماقصرت وسارت شيخه وهي فرحانه رامت تاخذ الرقم من الريال وفي هالأثناء يتصل فيه حمدان حمدان: مرحبا مهير مهير: هلا حمدان هاه وصلت حمدان: هيه أنا هني وينك أنته مهير: شوف حمداان الطاولات اللي عدال الكوفي يالسه ميثاء هناك أنا بييب القهوة وبأييكم حمدان: اوكي مهير ويسير حمدان عدال الطاولات ويشوف ميثاء يالسه بروحها حمدان: مرحبا ميثاني ميثاء:حمدان!! مرااحب شحالك حمدان : بخير انتي شحالج شو يالسه بروحج ميثاء : لا مهير سار بييب الأغراض حمدان: شورايج في المول غاوي ميثاء : هيه وايد حلو حمدان:أخبارج ويا الدراسة ميثاء : ماشي الحال ونته شحال الدوام وياك حمدان:تمام وينه مهير تاخر ميثاء: مستعيل على مهير ماتبا تيلس وياي شو فيك بلاك متغير هب حمدان الأولى شو صار عليك يوم سكنت دبي حمدان: شو فيني شرات ما أنا بس .... ميثاء: حمدان شو فيك خبرني مضايقنك شي حمدان: بعدين بقولج مهير ياء مهير: هلا حمدااااان شحالك حمدان: مراحب ملايين ولايسدن نورت دبي بمهير شحالك الغالي مهير: بخير أخبارك وأخبار الدوااااااااام حمدان: كل شي تمااااااام مهير: شو فيج ميثاء صنمتي ماتبين تاكلين خسرتيني دراهم ميثاء : لا انسدت نفسي مابي شي بسير دورات المياة شوي حمداان: ميثاء : تدلينهم ميثاء: هيه بسأل أي حد مهير: أن زين ميثاني لا تتاخرين خذي موبايلج حمدان: شو ميثاء طلعت موبايل مهير: هيه تسير الجامعه لازم يكون وياها موبايل حمداان: الله يوفقها ديري بالج وسارت ميثاء من عندهم وتحس بضيقة في صدرها ماتحس نفس الفرحة اللي كانت تحس بها قبل يوم تشوف حمدان كل شي تغير في خلال سنه تغير حمداان وماعاد نفس الحب الكبير وميثاء سارت صوب المحلات ويلست تدور وقلبها يعورها على حمدان وين احساس الفرح اللي كانت تحس به وشو صاير وهي ماشية ماحست الا وهي صادمة في ريال ميثاء : ارتبكت:: سوري ماشفتك ناصر : لا عادي اختي ماصار الا كل خير بس شوفيج يمكن داخية ميثاء : لا لا مافيني شي ناصر : ناصر تم يطالعها وكانت ملامحها ظاهرة من تحت الغشوة ويقول في نفسه :: ماشاء الله عليها غاوية البنية ميثاء : وتصد عنه ناصر : اختي يايه بروحج ميثاء : والتفت عليه وصدت عنه وكملت دربها تم ناصر يسير ويا ميثاء وهي وصلت لمكان جريب فيه اخوها وحمدان ناصر رد ورمس ميثاء مره ثانية ميثاء : شو عندك ساير وراي ناصر : ياية بروحج خايف عليج لتطحين ولاحد وياج ميثاء : لا مافيني شي وكان يرمس وياها وميثاء واقفة ترد وخايفة اخوها وحمدان يشوفونها مهير : بلاها ميثاء طولت حمدان: هيه وين سارت خل نسير وارمسها وانتبه حمدان لناصر وهو يرمس ميثاء وكان معصب وايد حمدان : مهير منو ها اللي يرمس ويا ميثاء مهير : هيه منو وشو يبا فيها حمدان: اروايك فيه ان زين وين الدنيا على كيفه يرمس منو يبا مهير: حمدان هدي نفسك لا تفضحنا جدام العالم حمدان: الا براويك فيه مهير : حمدان الله يهدااااك بس لا تستعيل خل نعرف شو سالفته ويسير حمدان وهو معصب ويرمس الريال بعصبيه يوم شافت ميثاء حمدان صدت عنهم حمدااااان: هيه انته شو يالس تسوي ويا البنية باي صفة ترمسها ناصر : مايخصك وبعدين اصغر عيالك ترمسني جي حمدان: اروايك يالجلب ويضربه طراق على ويه يطيرة من مكانه الريال ماسكت سار يضربه وعطاحمدان ضربة قوية ومهير يصارخ عليهم يهديهم بس حمدان من الضربة داخ وطاح عليهم ميثاء : مهير حمدااااااااان شو فيه والريال شاف ان الريال اغمى عليه سار من المكان مهير : حمدان حمدان شوفيك بلاك ماترد ميثاء : وهي تصيح شوفيه حمدان شو ياه بسرعة شلة خل نسيربه الاسعاف بسرعه ويسيرون بحمدان للسيارة وكانت ميثاء طول الوقت وهي تصيح وتطالع حمدان وهو مغمى عليه وراها قبل مايوصلون المستشفى تحرك حمدان ونش حمدان : وين سايرين مهير : وقف السيارة:حمدان شوفيك زيغتنا شو استوابك الحينه شو اتحس ميثاء : حمدان انته الحين بخير حمدان: هيه هيه بخير بس دخت شوية من الضربة مهير بركن هني بشرب ماي ويبركن مهير وينزل يشتري له ماي من الدكان ويلس حمدان يعدل في عمره وميثاء يالسة تصيح حمدان: شوفيج ميثاء حد مات يالسة تصيحين ميثاء : شحالك الحينة بخير خلينا نسير الطبيب يشوف شوفيك وليش دخت حمدان: لا لا مافي داعي بخير انا بس يمكن ماتحملت ودخت لاني مب راقد زين ميثاء : اسفة ياحمدان حطيتك بموقف مب زين حمدان: بصراحه انا الغبي وهاي عصيبتي ماتيوز عني السموحه فشلتكم جدام العالم ميثاء : لا ماصار الا كل خير بس الريال ماكان يغازلني ولا شي بس أنا صدمت فيه بدون قصد حمدان : ماصار الا كل خير بس امنتج الله لاتخبرين حد بهالسالفة ميثاء : هاه ان شاء الله وياء مهير مهير : هاك حمدان الماااااي شحالك الحينه احسن حمدان: هيه بخير ماشي الا يمكن مال الارهاق في العمل عسب جي دخت بسرعة مهير : وشوياك ياريال تضرب الريال جدام خلق الله جان سالته شو يسوي حمدان: هيه والله بس خلاني اعصب جان يقول مايخصك مهير : بنسير الطبيب نطمئن عليك حمدان: لا مافي داعي احس اني بخير ردوني الباركن مال المول بسير بسيارتي ابا ارتاح في البيت مهير : زين نحن بنوصلك البيت عقب يب سيارتك حمدان: لا لا اروم اسوق لاتخاف علي والله اني بخير وساروا للباركنات وسارحمدان في سيارته ومهير وميثاء ردوا بوظبي في سيارتهم وهم في السيارة ميثاء كانت مضايقة مهير : شو فيج ميثاء حمدان بخير لا تقلبينها نكادة علينا يلا عاد سمعي هالاغنية اهداء لج ميثاء : هاه وكانت سرحانه تفكر في حمدان واللي صار بس كانت مركزة اكثر تفكيرها كيف عصب حمدان يوم شافها ويا ريال غريب ومستغربة كيف حمدان اغمى عليه من ضربة عادية لهالدرجة ماستحمل الافكار مازالت تراودها ومهير يدندن على انغام الموسيقى والجوء هادي والقمر يساير خطوتهم والنجوم تضوي طريقهم في هاللحظات :: تتصل البنت اللي حذال الكوفي في مهير مهير: رقم غريب منوووو ميثاء: رد يمكن حد يباك ضروري مهير: مرحبا ويرد صوت ناعم شيخه :مرحبابك زود شحالك مهير مهيرر: بخير اختي من وياي شيخه: أنا البنت اللي تسلفت منك البيزات عند الكوفي مهير: هيه هلا أختي بعدج مصرة شيخه: هيه بعدني بأرد بيزاتك وين أشوفك مهير: بس أنا هب في دبي من بوظبي الحينه ساير في الطريج شيخه: حيا الله هل بوظبي أن زين متى بتزورنا مره ثانية مهير: والله حسب الظروف بس أختي أنسي سالفة البيزاااات عادي شيخه: لا والله لازم أردهم أوكي مهير بيصير بينا اتصال ان شاء الله اذا ياي دبي خبرني اوكي مهير: أوكي شيخه : فمان الله مهير : الله وياج ويبند التليفون ميثاء : منوهاي وشو البيزات مهير: هاي وحده شفتها عدال الكوفي طلبت مني بيزات تقول ماعندها ميثاء : الحمد لله والشكر عيل ليش تطلب يوم انه ماعندها بيزات حركات بنات بايخه تحصلها تبا تتعرف عليك مهير: فكر في رمست أخته وقال الظاهر البنية سوتها حركه تباني أرمسها بس شو أبا وياها والا خلني أشوف وين بتوصل هي وحركاتها ميثاء: مهير عطني رقمها أنا برمسها وبأدبها لك مهير: لا شو أنتي بتسبينها أكيد ميثاء: شو عيبتك مهير: هاه لا مب جي بس ليش الجذب والله غاوية ميثاء: ههههه لا مهير انته قلت مب سوالف حب مهير: لا ماعليج هب حب الا خبريني عن زهراء بنت يدي سعيد هب مخطوبة ميثاء : ليش تسأل عيبتك مهير: عيبتني " بس خبلتني البنيه " ميثاء: سمعت أنها انخطبت بس هي رفضت العريس كان ولد يارهم تقول شو هب مكمل دراسته مهير : ان زين ميثاني بقولج شي بس أخاف تزعلين من رمستي ميثاني :شوقول مابزعل مهير: زهراء عيبتني وبصراحه دشت خاطري أباج تعرفين منها أو تكلمينها عني أبا أعرف إذا بتوافق علي أو لا ميثاء: ليش ماتخطبها وبس مهير: لا قبل ماخطبها أبا أعرف شو رايها فيني ميثاء : أن زين بحاول مع أنها يمكن تفهمني غلط مهير: حاولي ياليت تقدمين هالخدمه مابنساها لج طول العمر ميثاء : تامر أمر أنته ويوصل صوت رساله على موبايل مهير شو كان مكتوب في الرسالة ?!?!?!?!!?!?!?!??! اتريوه في الجزء اللي عقب.... Quote Link to comment Share on other sites More sharing options...
ناز دلم Posted ديسمبر 18, 2005 Report Share Posted ديسمبر 18, 2005 يسلموووووووووووووووووو يا الغاليه يالله انتظرج على احر من الجمر Quote Link to comment Share on other sites More sharing options...
د1نة 1لخليج Posted ديسمبر 19, 2005 Report Share Posted ديسمبر 19, 2005 ننتظر التكملة بس ماقلتي لي القصة كم جزء؟؟؟؟ Quote Link to comment Share on other sites More sharing options...
khalijia Posted ديسمبر 19, 2005 Author Report Share Posted ديسمبر 19, 2005 il smo7a machfta ummm...3la ma'6in 7 mshkoreeen 3la il rdod il 7lwa w il tkmila jreeb Quote Link to comment Share on other sites More sharing options...
ناز دلم Posted ديسمبر 19, 2005 Report Share Posted ديسمبر 19, 2005 عااااااااااد لا تتاخرين مشكوره عمري Quote Link to comment Share on other sites More sharing options...
~x وصية الغرور x~ Posted ديسمبر 20, 2005 Report Share Posted ديسمبر 20, 2005 القة واايد حلوة وبانتظار التكملة Quote Link to comment Share on other sites More sharing options...
ورود الليل Posted ديسمبر 20, 2005 Report Share Posted ديسمبر 20, 2005 يالله ننتظر التكملة بسرعه Quote Link to comment Share on other sites More sharing options...
د1نة 1لخليج Posted ديسمبر 21, 2005 Report Share Posted ديسمبر 21, 2005 يللا وينها التكملة Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.