اكيد جمبازية Posted يناير 30, 2006 Report Share Posted يناير 30, 2006 والله قهر والله قهر.. عنوان جديد لمسلسل يتكرر بين لحظة ولحظة أمام مرأى الجميع.. مسلسل من تأليف القدر والبشر ومن إخراج الحياة.. أبطاله هم فئتين من الأضداد .. الظالم والمظلوم عموماً أخليكم مع حلقات المسلسل 1- والله قهرررررر بنتين في الثانوية وفي آخر سنة، الأولى تخرجت بنسبة 88 والثانية 85.5 وسجلوا في الجامعة نفس التخصص، بعد فترة طلعت نتائج القبول.... قبلوا الثانية والأولى قالوا ليها Game Over السبب؟؟؟؟ لأن الثانية بنت ........... افهمها وهي طايرة الواسطة اشتغلت 2- والله قهرررررر محل محترم في السيف (ما راح أذكر اسمه) في بداية السنة منزل أقمصة للمدرسة، ضرب في راسي واحد منهم وكنت بشتريه لكن الوقت كان متأخر فقلت باخذه مرة ثانية.. الوالدة يوم ثاني راحت (السرور) تكمل باقي الأغراض وشافت نفس القميص من نفس القماش والستايل، الفرق إن اللي في السيف مكتوب عليه الماركة وهذا مكتوب عليه السرور... أما فرق السعر ما يحتااااااااي 3- والله قهرررررر الإخوان في البيت الله يخليهم قالبين البيت فوق تحت من اللعب والصراخ والهواش، واني كنت نايمة بسلام في غرفتي ... وبعدين وبكل بساطة يجي الوالد ويسمعني ذيك الإسطوانة من تأليف بوب مارلي وأخراج أبوي اللي يحملني فيها مسؤولية اللي صار.........لا تعليق 4- والله قهرررررر طحت على الدرج في البيت وانرضت إيدي فالوالد أخذني على مستشفى السلمانية، والدكتورة المحترمة اللي نتعالج عندها نادت اسمي فرحنا الغرفة وإلا تجي وحدة تبين فيما بعد إنها وحدة من الربع (ربع الدكتورة) فدخلتها قبلنا وبررت هالموقف بها الكلام: اعذروني حالة مستعجلة.... مع إن السيدة اللي جت ما فيها إلا العافية، صدق عذر أقبح من ذنب ... الظاهر عندهم سالفة ما كملوها يبغون يكملونها بينما هناك من يتعذب من ألم يد ه.... الله يغربلها من ساعة ركضت فيها على الدرج وطحت 5- والله قهرررررر على أيام ثالث إعدادي راحت رفيجتي الجريدة ......... حتى يسوون لقاء مع المتفوقين وهالسوالف يعني .. اللي تسوي لقاء شافتها فقالت لها تعالي وفي نفس الوقت تدخل ذيك البنت اللي لابسة فوق الركبة ورايحة الصالون من الصبح معدلة شعرهاا وحاطة مكياج الدنيا يصلح للحفلات( الله يساعدها).. ما أشوف إلا البنت اللي تسوي اللقاء عيونها واشوي تطيح على ذيك البنت فقامت وقالت لها تعالي وسوت وياها اللقاء، أما أني؟؟؟؟؟ علامات الإستفهام انطبعت على وجهي وفي نفس الوقت حسيت بمدى تفكير هالبنت الوضيع ... على بالها الشطارة في الشكل...عموماً ما أقول إلا ..Take it easy ... 6- والله قهرررررر العائلة في السيارة، وأني بالطبع قاعدة جنب النافذة، وقفنا عند الإشارة إلا أشوف راجو ما أدري شسمه قاعد في ديك السيارة وفي إيده أخر موديل من موبايلات النوكيا ولا ورابط الحزام .... ووراه مباشرة سيارة واحد بحريني مسكين حتى مكيف سيارته ما يشتغل وجهه كله عرق ونوافذ السيارة مو كلهم ينفتحون اللي مشيرة واللي منكسرة... ذاك الوقت على بالي إحنا في الهند وإحنا الوافدين مو المواطنين 7- والله قهرالبنات اللي بمجمع السيف طبعا موكلهم ثلاث أرباعهم فلم وحياتكم لاتشوفونهم تلقونها ليما خصر لصبي ومابقى شي وحاطته بويها وإذا أحد كلمها تعطيه ستايل بو (أنا شحلاتي مابقى صبي مالحقني )اي مو يا بنت شوفي انتي شمسوية بروحج !... شلون تبين الربع مايلحقونج ولا المشكلة أنا شبابنا حدهم ترللي يلحقون هالاشكال المسلسل ما انتهى ولا بينتهي... وبنظل طول حياتنا منقهرين __________________ مع تحياتي وحبي الفيلسوفة ونااسة الجمبازية أكيد جمبازية ريم.م.ت Quote Link to comment Share on other sites More sharing options...
يوسف يعقوبي Posted يناير 30, 2006 Report Share Posted يناير 30, 2006 هذولي مب قهر أختي ولا دلو درب القهر ..... القهر الصجي وله ما يحتاي لأن بتقوم بلبله ..... شكرا على القهر أختي Quote Link to comment Share on other sites More sharing options...
القلب الحزين Posted يناير 30, 2006 Report Share Posted يناير 30, 2006 صج قهر اذا سالفه فيها شي اسمه قهر يعني من القهر الواحد ما يقدر يسكت عن شي بس احسن شي ان القهر نعرف شلون ندرسه عجبني الموضوع .. Quote Link to comment Share on other sites More sharing options...
اكيد جمبازية Posted يناير 30, 2006 Author Report Share Posted يناير 30, 2006 مشكورين اخواني وخواتي على الردود مع تحياتي وحبي Quote Link to comment Share on other sites More sharing options...
بكاء الحنين Posted يناير 30, 2006 Report Share Posted يناير 30, 2006 ee walla 8hr .. bass ma belyad 7eela !! Quote Link to comment Share on other sites More sharing options...
محرقاوي كيوت Posted يناير 30, 2006 Report Share Posted يناير 30, 2006 والله قهر ههههههههههههههه يسلمو ع الموضوع Quote Link to comment Share on other sites More sharing options...
a7la dala3 Posted يناير 30, 2006 Report Share Posted يناير 30, 2006 يعطيج العافية حبوبه .. و فعلاً قهر و لكن القهر الأكثر إذا كان الواحد ما يقدر يسوي شي .. بس عندي تعليقات بسيطة .. نقطة رقم ( 2 ) .. القهر على إلي يشترون بهذي الأسعار .. و الله ما عندهم سالفة .. ما جفت روحي إلا ماخذة لي قميص لو فانيلة ب 25 .. 30 دينار .. لا و لو البضاعة تسوي بنقول أوكي .. إلا ما تسوى .. توني ألحين في " وول وورث " .. ثياب مالين بيت .. قطن .. مافيه شي زود .. ب 22 دينار .. و مكانات ثانية تحصلينهم بالكثير 5 دينار .. النقطة رقم ( 7 ) .. ترى في بعض الأحيان .. في ناس تسوي شغلات مو بقصد شي .. بس لأنه يعجبها ذي الستايل .. و في نفس الوقت الناس تعتبر ذي لفت نظر .. بس في ناس صج تعرض روحها لذي السوالف .. و تقول الحجي إلي قلتيه .. مرة في السيف .. كانو بنات مارين يتحجون بصوت عالي .. وحدة كانت تقول " إنه وحدة زافة واحد عشان كان لاصق فيها .. قال لها الواحد .. إذا ما تبيني أتلصق ليش لابسة مفصخ !!!! " .. و اللبيب بالإشارة يفهم .. و يعطيكم العافية .. و مسامحة على الإطالة .. Quote Link to comment Share on other sites More sharing options...
جر(المنامة)يح Posted يناير 31, 2006 Report Share Posted يناير 31, 2006 ههههههههههههههههههه صج قهر تسلم يدج اختي على الموضوع الحلو Quote Link to comment Share on other sites More sharing options...
* p!nk snOw * Posted يناير 31, 2006 Report Share Posted يناير 31, 2006 اي والله قهر صدقتي اختي وتسلمين لي على هالمواضيع الحلوة والاسلوب الاحلى وبانتظار جديدج Quote Link to comment Share on other sites More sharing options...
الشاعرة Posted يناير 31, 2006 Report Share Posted يناير 31, 2006 موضوع حلوووو وعجبني بنتظار الحلقات الجاية من مسلسل القهر .. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.