غرور وكبرياء (قصة سعوديه) لا تفوتكم تهبل ..

[da neet gal]

مشكوره اختي على الجزء وننتظر الباقي

[بحرينيه^مزيونة]

تسلمين حبيبتي ،،

 

بأنتظار التكمله ،،

[~نعناعة~]

مسامحة لأني اتأخرت عليكم ..

وهذي التكملة ..

 

::::::::::::::::::

 

شي واحد في باله .. موقفه مع ذيك البنت عند الدرج .. اللي هي .. ريم .. بنعومتها .. جمالها ..

ابو فهد : تبيه يهبل ببنت الناس .. يا اما يروعها والا يطاق هو اياها على الحمام ..

الكل: ههههههههههههههههههههههه ..

ابو فهد : يله مع السلامه ... وتعالوا كلكم لا تتاخرون ..

مشاري : ان شاء الله .. عمي مع السلامه ..

فيصل يبي يقطع سرحان اخووه : لهدرجه انت عاله على ابوي ..

فواز : اقول عاد تراك خذتها فرصه ( ويرجمه بالجريده ) ..

الكل : هههههههههههههههههه ..

مشاري : اقول فواز.. قم خلنا نسبح ...

فواز : يله ...

قاموا اثنينهم يسبحون .. الباقين دخلوا جوا ..

شوي وملوا ... وراحوا جوا البيت .. رقوا فوق لغرفتهم ..

مشاري: ترا يا اخ .. فواز .. مديون لي بخدمه ..

فواز : لا حوا الله ذا يبي يذلنا ..

مشاري : هاااااااه رجعت في كلامك ..

فواز : لا ما رجعت بس اخلص وش تبي ..

مشاري : جوعان انزل جبلي شي اكله ..

فواز : وشوووووو ؟؟

مشاري : هاااه!!

فواز : طيب توك ماكل ..

مشاري : لا ماكلت زيين .

فواز : طيب وش تبي ..

مشاري : أي حاجه من يدك حلوه ..

فواز : طيب بغير ملابسي .. وبنزل ..

مشاري : لا انزل اول بعدين غير ملابسك ..

فواز : طيب خلني البس تي شرت..

مشاري : لا ..

فواز: يعني انزل بالشورت ..

مشاري : ايه .. عشان اذا شافك .. عمي يدري انك . تتسبح ..

فواز : طيب ..

نزل فواز.. ولما قرب من المطبخ . سمع العنود تغني ..

فواز في نفسه : ذا المهبوله حتى المطبخ ما سلم من صوتها ولسانها ..

دخل وهو يغني نفس الاغنيه اللي هي تغنيهاا ..

بس لقى بوجهه وحده ما يعرفهااا .. الا هي نفسها .. ريم .. يااااااااااه حتى من دون خرابيط حلوه .. لا ويمكن انعم .. وشذي ولا ملكة جمال ..

وريم اول ما شافته كانت ما سكه في يدها كاس مويه باااااااااارده ..

ومن الروعه .. انه ما بينها وبينه شي .. وهو ما عليه الا شورت ..

كبت المويه عليه .. وطاح الكاس منها وانكسر .. ورجعت على ورا ودخلت المخزن ..

فواز صرخ من برودة المويه ..

العنود من هولة اللي صار : يا اخي تنحنح .. كح .. طق الباب .. ............ وسكتت لما شافت نظرات فواز اللي كلها شرار ..

فواز : وانا وش يدريني سمعت السانك وش طوله .. قلت اكيد لحالها ..

سكت فواز وسرح في شكل ريم ..

العنود وهي موطيه صوتها وتقطع سرحان اخوها ..

العنود: صح حلوه ..

فواز: أي حلوه ذي ولا ملكة جمال .. ( وانتبه لنفسه ) هاااااااه .. وانتي ووجهك وش دخلك فيني ..

العنود : لا بد سلامتك ..

فواز يغير الموضوع :فيه باقي اكل ..

العنود: اكل ؟؟ .. ايه فيه .. شندويتشات في الفرن ..

فتح فواز الفرن وخذا وحده .. وخذا معها ببسي وطلع .. بس وهو طالع قابله ابووووووه ...

ابوفهد : انت وبعدين معك .. ما اشوفك .. الا وكلك مويه ..

فواز : هااااااااه .. توني متسبح ..

ابو فهد : وتمشي بفصختك .. والا تحزب نفسك في البيت لحالك ..

فواز يا ربيه الورطه بدت النصايح : لاه .. بس قلت وانا راقي باخذ شي اكله ....

ابوفهد : طيب يله ارق غير .. وانزل .. مهوب تصقط فوق ..

فواز : ان شاء الله ..

 

 

في مكاان ثاااني .. المطبخ .. العنود اول ما طلع فووواز دخلت المخزن عند ريم .. بس تفاجئت بريم تصييح ..

العنود : ريوووومه وش فيك ..

ريم : .......

العنود : ريم ردي علي وش فيك ..

ريم من بين صياحهاا : والله .. والله .. فــ ... فشله ..

العنود : فشله من ايييش..

ريم : مدري ..

العنود : وشلون ما تدرين ..

ريم : كل مره يعني انا اطلع في وجه .. لا وبعد كابه عليه مويه بارده .. وكاسره الكااس ..

العنود : عااادي .. بس لحظه .. وش هذي كل مره انا اطلع في وجه .. ليش فييه شي قبل كذا ..

ريم : هاااااه ..

العنود : عليييييييناااا .. يله قولي ..

ريم : هاااه لا لا ما فيه شي .. بس انا اقصد انهاا فشيله انا اطلع في وجهه ..

العنود : ايه .. ايه صدقت ...

ريم : يعني وش بيحدني اكذب عليييك ..

العنود :مدري عنك انتي اخبر ..

ريم في نفسهااا ياربيه .. انا اخلص من اخووها تجي هي .. انا وش اقولهااا .. اقولهاا هذي ثاني مره يشوفني .. والا اقووول انه يعجبني .. والا اقوول اني بغييت اموووت تو يوم شفته في وجهي بشورت .. ياااااي على الفشله ..بس هذا ما يمنع انه يهبل .. والله يهبل يهبل .. ياااااااربيه ياناس يهبل .. بس هو يكرهني ما يحبني .. ليش طيب انا وش سويت له .. والله ما سويت شي هوو اللي بدا .. انا صح يعجبني بس كبريائي يمنعني ابين انه يعجبني ..

العنود وهي تقطع سرحانهاا : لييييين متى يعني ... انبح صوتي وانا اناديك .. ويييييين وصلتي .. فووق .. هوو اظني .. اظني .. ان فواز فووق ..

ريم : هااااه .. لا وش دخله فواز ..

العنود : انا ادري عنك .. والله يا ما تحت السواهي دواهي ..

ريم : يا حبك ادققين في اشياء ما لهااا داعي .. امشي يله دقامي خلينا نطلع للبنات ..

 

 

 

البنات كانوا جالسين في الملحق اللي برا يتفرجوون على التلفزيووون ..

رنا : اقووول نجلاء .. انتم جايبين الفديواا .

نجلاء : اكيييييد العنود جايبته .. تبين العنود تستغني عن الفيديواا

رناا : اشواا ..

رغد : عااد الله يعينا من عنيده .. بتشغل لنا افلام هنديه ..

نجلاء : والله الافلام الهنديه احلا شي ..

رنا : يا ربيه .. الحين عاد اجتمعواا نجلاء وريم .. وفلم هندي وش يفكني .. لا والحين تقولون ان العنود مهبولة افلاام هنديه .. لا بالله عينا خييير ..

نجلاء : ههههههههههههه .. بس عااد شوفي الذكااء جابت الفيديوا ولا جابت الاشرطه ..

رنا : هههههههههههه طيب وش بتسوون ..

نجلاء : هههههههههه مدري والله .. بس انا بحاول في فيصل نروح نشتري اشرطه ..

رغد : عاد مهوب كل شي افلاام هنديه .. نبي افلاام امريكيه .. نبي رعب ورومنسي .. واكشن عاااد احلاااا شي اهم شي جيبي فلم لكيانواا .. رهييييب ذا الرجاال ..

نجلاء : شوفي بجين افلاام امريكيه رمنسي واكشن .. لكن رعب منيييب جايبه .. اخاااف والله ..

رنااا : لا جيبي .. والله رهييييبه افلام الرعب .. بعدين بزر انتي تخافين ..

رغد : خلااص انا بقوول لفيصل يجيب لنا رعب ..

نجلاء : لا .. لا تقولين له .. والله بيعاند وبيجييييب اكثر فلم يخووف .. خلااص انا بجيييب ..

رنا : هههههههههههههههههه الحين عااد انتي ضمنتي انه بيوافق ..

نجلاء : ايه بيوافق .. ليش ما يوافق ..

رغد : لا ماضني انه بيوافق ..

نجلاء : لا بيوافق .. وتشوفون ..

رنا : اتحداك ..

نجلاء : لا تتحدين ترا منتيب قد التحدي ..

رغد : اناا بعد اتحداك ..

نجلاء : تشوفووون ..

رنا : يله دقي عليييه خلينا نشوف ..

نجلاء ترددت خافت ما يوافق .. : هاااه .. مهوب الحيين خلوهاا بعدين ..

رنا : هاااااااااه اشوووف كنك بديتي تهونيييين .

نجلاء : لااا ما هونت ليش اهوون ..

رغد : طيب يله ورينا ..

خذت نجلاء جوالها وهي خايفه من انه يرفض .. وتتفشل عند رغد ورنا .. لان ما عندها شي يخليهااا واثقه انه بيوافق ..

دقت على فيصل ..

نجلاء : الو..

فيصل : هلاا والله وغلا .

نجلاء وهي تطلع من الملحق : هلاا فيك .

فيصل : هااه وشلون الحلوو اليووم ..

نجلاء مستحيه : الحمد لله .. انت وش اخبارك .

فيصل : دامني سمعت صوتك اكييد تمام ..

نجلاء : فيصل ..

فيصل : عيون فيصل ..

نجلاء : بطلب منك طلب .. بس لا تفشلني ..

فيصل : امري تدللي ..

نجلاء : ابيك توديني اشتري اشرطة فيديوا ..

فيصل : لييييش ..

نجلاء : لاننا جبنا الفيديوا ونسينا الاشرطه ..

فيصل : لازم يعني ..

نجلاء حست ان فيصل ما يبي : اذا ما تبي كيفك ..

فيصل : لا موقصة ما ابي .. بس والله جالس مع ابووي وعمي وسوالف ووناسه .. والصراحه ما لي خلق اطلع ..

نجلاء وهي شوي زعلانه : اهاا طيب رح استانس .. مع السلامه ..

فيصل : لحظه .. لحظه ..

نجلاء سمعته بس بينت انهاا ما سمعته .. وصكت السماعه .. وراحت فووق لانهاا مستحيه تشووف البنات .. راحت للغرفه ورمت نفسهاا على السرير .. ياربيه انا وش لقفني اذل نفسي له .. لا وبعد اقوول عند البنات اكيييييد بيوافق .. ليش يوافق .. وش الشي اللي بيخليه يوافق .. اخر همه انا .. رضيت والا ما رضيت ما اهمه .. انا في حياته تحصيل حاصل ..

ويرن جوالهاا فيصل .. بس ما ردت .. بس فيصل رجع يدق مره ثانيه .. وردت عليه ..

نجلاء من غير نفس : الوو ..

فيصل : هههههههههههههههههه ..

نجلاء وهي منقهره منه : فيه شي يضحك .. شكل الجلسه اللي انت جالس فيهاا مره مونستك ..

فيصل : اووووه رديتي والله ما انتبهت ..

نجلاء : يوووه اشوا انك انتبهت .

فيصل حس ان نجلاء زعلانه : اوووه شكل ام العبيد طاقه معك ..

نجلاء : اقوول مع السلامه ..

وصكت السماعه ..

بس فيصل رجع يدق عليهاا مره ثانيه ..

نجلاء : نعم وش تبي ..

فيصل وهو معصب : اذا انا كلمتك .. ما تصكين السماعه في وجهي .. فاهمه ..

نجلاء : تصدق عااد مره خوفتني ..

فيصل : نجلاء .. لا تعصبين بي اكثر ماني معصب ..

نجلاء بسخريه : اوه .. اوه .. اسفه ..

فيصل : اللهم طولك ياروح ..

نجلاء : اوووف ..

فيصل : او بعدين لين متى يعني ..

نجلاء : لين متى ايش .. انا ماسويت شي غلط ..

فيصل : ايه صح انا الغلطان ..

نجلاء : ايه انت الغلطان .. يعني عاادي عنك .. تفشلني عند البنات .. انا مكلمه عليييك واثقه انك بتوافق . تجي بكل برووود تقول لي .. لا والله انا مستانس ما ابي اطلع معك ..

فيصل : انتي بعد ما حسستيني .. انك متحمسه لروحه .. على طوول قلتي مع السلامه . وش دراني انك متحديه البنات اشم على طرف يدي اناا ..

نجلاء : لا بس انا قلت ما فيه داعي .. اذل نفسي .. واقعد اترجاا فيك .. وانت في الاخير ما راح توافق ..

فيصل : لحظه .. لحظه .. وشي هذي اذل نفسي ... انا كم مره قلت لك انا زوجك.. يعني اذا طلبتي مني شي .. او ترجيتيني مو غلط .. بالعكس هذا حقك ..

نجلاء : ....

فيصل : طيب يله البسي عبايتك .. وانزلي ..

نجلاء : ليييش ..

فيصل : ليش يعني عشاان نروح نجيب الاشرطه ..

نجلاء : لا فيصل .. والله خلاااص ما له داعي ..

فيصل : ما فيه شي اسمه ماله داعي .. لسببين .. اولا .. ما يهووون علي زعلك .. ثانيا .. ما يهون علي تتفشلين مع البنات .. وبعدين ابي اقعد مع حرمتي لحالنا شوي .. نروح ونجيب الاشرطه ونتمشى شوي ونرجع عااد عشان الشوي ..

نجلاء : ....

فيصل : هههههههههه يله عااد عن التغلي .

نجلاء : طيب ..

فيصل : اضحكي اول ابي اسمع ضحكتك ..

نجلاء تبتسم : وشلووون اضحك .. ما فيه شي يضحكني ..

فيصل : ما لي شغل .. منيب مسكر السماعه ليين اسمع ضحكتك ..

نجلاء : هههههههههه غصب يعني ..

فيصل : ههههههههههههههههههههه اكيد غصب بس انتي ضحكتي خلاااص ..

نجلاء : ههههههههههههههههههه تصدق عااد ما حسيت اني ضحكت ..

فيصل : هههههههههههه .. طيب يله عشر دقايق .. والقاك جاهزه ..

نجلاء : ان شاء الله ..

سكرت نجلاء الخط .. وخذت عبايتهاا ونزلت عند البناات ..

دخلت نجلاء ..

رنا : اوووووووه معهاا العبايه ..

نجلاء : اكييييييد .. حامي بحامي يا حبيبتي..

العنود : المهم نجوووووول .. اشتروا معكم فيديواا .. لان فوااز اذا درا اننا جايبين فديوا ما راح يخليناا في حالنا .. وبياخذه منا ..

نجلاء : اووووه تبوني اشتري فيديوا ..

العنود : ايه اشتري ..

ريم : اقوول نجلاء .. لا اوصيك .. في افلاام ارجون ورتك وفيردن .. هاااااااه ..

نجلاء : لاتوصيييييييين ..

العنود : وتكفييييين البطله لازم تكوووون حلووه .. لان حراام البطل حلوو والبطله خايسه ..

ريم : ولا اوصييك .. امسكي راعي المحل .. واساليه عن النهاايه لاتصيييييييير شينه .. لا تجيبين الا افلام نهايتهااا زينه ..

رغد ورنا : ههههههههههههههههههه

رنا : والله مهبل ..

ريم : واساليه اذا الفلم رومنسي .. مهوووب تجيبين لنا طقااق ..

العنود : لااااااااااا بلعكس .. اذا البطل حلووو جيبي طقاااق عادي ..

رغد : هههههههههههههههههههه اقول عنيده .. العين تزني ..

العنود : اقول اسكتي والي يرحم والديك .. جتنا امي الثانيه .. اصلا اناا ما اقدرحتى لو ابي اغمض عيوني ما اقدر .. اشوووووووف الزين قدامي واغمض والله ما اقدر ..

ريم : ايه والله الزين زين .. وبعدين الشمس ما تغطا بمنخل ..

رنا : اقوووووول اسكتي واللي يرحم والديك .. لازم الفلسفه ..

نجلاء : اقوووووول اخلصي فيصل عند الباب ..

العنود : ايه صدق نبي افلاام مصريه ..

نجلاء : بعد .. والله ما تنعطوون وجه .. وش رايكم اجيب لكم المحل كله ..

العنود : والله تسوين فينا خير ..

ريم : اهم شي جيبي خالتي فرنساا

نجلاء : طيب .. اوامر ثانيه ..

العنود : وجيبي لفواز..

نجلاء : اووووووف .. اللهم طولك ياروح .. طيب .. يله باااااااااااي .. قبل ما اسمع شي زياده

[~نعناعة~]

وهذي الي كان موجود ..

واذا شفت اي بارت نازل بحطه لكم ..

 

 

[بحرينيه^مزيونة]

تسلمين حبيبتي ع البارت ،،

 

بأنتظار التكمله ،،

[da neet gal]

مشكوره حبيبتي تسلمين

[بحرينيه^مزيونة]

بأنتظار التكمله،،

[~نعناعة~]

وهذي التكملة ,,

:::::::::::::::::::

 

الجزء الثامن عشر

 

الفصل الثاني ..

 

مشعل :هااااااااااااااااااااه لا والله منيب قدهاا .. الحين تزعلين وش يراضيك ..

فواز كان يفكر وشلون ريم تمون على مشعل مشاري يني اللي يشوفهاا يقووول ان هذولا اخوانها مهوب اعيال خالتهااا ""( طبعا فواز ما يدري ان ريم اخت مشعل ومشاري ) ... والله ما ادري ..

راحت ريم وجلست عند الحريم اللي يقطعون السلطه ... عشر دقايق الا فيصل جايهم ..

فيصل : اووووف شف الخيانه .. طيب اصبروا لين نجي علطول .. كذا تطلعون ..

مشعل : والله انت طالع انت ومرتك .. وحنا وش نقعد جوا انسوي ...

فيصل : اعوذ بالله حاسديني على النص الساعه اللي طلعت فيها مع مرتي ...

ابو راشد : لا بد ما حسدناك .. الله يوفقك ..

ابو فهد : الا وين نجلاء ....

فيصل : راحت فووووق الحين بتنزل ...

 

 

 

 

 

رقت نجلاء فووق ودخلت الغرفه لقت العنود راقده على سريرهااا ..

نجلاء عنييد ليش قاعده هناااا .. ورا ما نزلتي ..

العنود اللي كانت تصيح ومن دخلت نجلاء مسحت ادموعهااا .. : لا بس فيني النووم ..

نجلاء وهي تقرب من العنود : خييييير ان شاء الله ما فيييييييييه نوم ..

ولاحظت نجلاء اثار الدموع في عيووون العنود ..

نجلاء : عنود وش فيك ...

العنود : لاا ما فيني شي ..

نجلاء : وشلون ما فيك شي .. والدموع هذي وش هي ...

العنود : نجلاء الله يخليك خليني لحالي ..

نجلاء : لا يا حبيبتي ما فيه اخليك لحالك وش فييك ..

العنود : نجلاء الله يخليك والله فيني اللي يكفيني .. ......... وما قدرت تكمل كلامهاا وجلست تصيييح ..

نجلا حست إن الموقف مو تمام تجلس على السرير وترخي صوتها لحد الهمس : عنود حبيبتي وش فيييييييييك .. ليش هذا كله ..

العنود وهي كل ما لهاا صوتهاا يعلى وصياحهااا يزيد : لييش .. لييش .. انـــ.... انااا والله .. ما سويت شـــ.... شي يعني عشانه ..... عشانه ولد عمي .. يسوي كذااا ليش .. اخواني ما سوو فيني اللي هوو سوووااه .. اكرهه ( تصرخ ) اكرهه .. اكرهه ..........

نجلاء وهي شوي وتصيح مع العنود : العنود حبيبتي شوي شوي عشاان افهم منهوو هذاا اللي تكرهينه ..

العنود : نجلاء والله ما احبببببببببببببببببببببببببببببببه .. اكرهه ...

نجلاء : ايه طيب منهوو هذا فهميني منهوو هذااا ..

العنود وهي استوعبت انهاا جالسه تكلم نجلاء اخت مشااري ..... ياربيه الحين وش اقول لهاا ...

العنود وهي تصرف الموضوع : هههههههههههههههههههههههههههه

نجلاء : هييييييييييييييييييييييييييه انتي وش السالفه ..

العنود : ههههههههههه صادوه ...

نجلاء : علي اناا صادووه ..

العنود : اقوول يله قومي خلينا ننزل ...

نجلاء : الحيين هذي اللي فيهاا النوم ..

العنود : طار النووم وش اسوي .. يله خلينا ننزل ..

 

العنود غسلت وجهها ونزلت اهي ونجلا يوم وصلو الباب الخارجي كان مشاري داخل .. وقف يناظرهم : العنود ..

العنود حاولت تطنشه .. لكن مشاري معليه كمل كلامه : اعذريني يالغالية وحقك علي ..

العنود سحبت نجلاء ...

نجلاء : اهااااااااااا الحين فهمت .. قال ايييييييش قال صادوه .. الحييين اللي تكرهينه هووو مشاري ...

العنود : بعديين .. بعديين ..

نجلاء : لاااااا وش بعديييييين تعالي ندخل ... عشان تقولين لي ..

العنود : لاا وش ندخل .. شوفي الكل يناظرنااا ..

نجلاء : طيب بس ترا والله ما علي منك ... بقولين لي يعني بتقولين ..

العنود : طيب والله بقوووووول ..

نجلاء : وعد ...

العنود : وعد ......

ووصلو عند الاهل ..

ريم : هااااااااااااه نجييييييل وش سويتي...

نجلاء : نجييييل في عينيك .. منيب قايله وش سويت عشااان تعرفيين وشلون تقوولين نجييييل ...

ريم : خلااص نجوووول عمري انتي ..

نجلاء : ايه هذا الحكي السنع .. ابد شريت كل اللي تبووووونه ..

ريم : اهم شي الافلام الهنديه .. شريتيهااااااا

نجلاء : رييييييم وش فيك ما تفهميييييين .. اقولك شريت كل اللي طلبتووووووه ...

ريم : ياااااااااااي .. طيب يله قوموا خلووونا نشوفهااا ..

العنود : الحييييييييييييييين ؟؟؟؟

ريم : ايه الحيييييييييييييين ..

نجلاء : انهبلتي ..

ريم : عاااااااادي .. قوموا بس لاحقيييين على الشوي ..

نجلاء : اقووووووووول خلي عنك الهبااااال الفلم لاحقيين عليييييييه ..

رغد : اقوول وين رناا تاخرت ..

ريم : ايييييه صدق ..اقووووووول انتم ما شفتوا رنا وانتم نازلييين ..

العنود : لا ما شفناهاااااا ..

نجلاء : لييييييش هي وين ؟؟

ريم : كانت تلبس هدووول .. بس تاخرت ...

العنود : اكيييد ان هدوول هبلت بهاااا ..

 

 

 

فوووق في غرفة ام راشد .. كانت رناا جالسه مع هدوووووول اللي تسولف وما تبي تنزل ..

رناا : يله هدووول .. امي كلمت تقووول تعالوا تحت ..

هديل : انتى اندت(عندك) ماما ... بس انا ما اندي(عندي) ماما ..

رنا لا يا هدوول لا تقطعييييين قلبي : لااا هدوولحبيبتي انتي عندك ماما ..

هديل : لا انا ما اندي .. ماما ثافرت .. وخلتني ..

رنا : يا عمري انتي ... ماما بنتجي .. هي راحت شوي وبتجي ..

هديل : لاااااااا ... كدابه .. ماما راحت .. خلااص باااااااح .

رنا : لا هدول حبيبتي .. ماما فييه ..

هديل : لا انا ما احب ماما ...

رنا : لييش هدول ..

هديل : لا انا احبك انتي .. بس ..

رنا وهي تحضن هدوول : يا عمري انتي حتى انا احبك .. وامووت فيييييك ..

ونزلوااا تحت هدوول ورناا ... وهدول على طوول راحت لابوهااا .. وناا راحت عند البنااات .. جلست رناا مع البنات ..

ريم وهي تهمس لرنااا : اقووول رناا من قدك .. لو تدرين وش قالي مشعل قبل شوي ..

رنااا : وش قالك .......

ريم : قالي سلمي على رناا وقولي اني ما استاهل هذا كله ..

رنا : ما يستاهل اييييش ..

ريم : اللي تسوينه مع هدووول ..

رنا : شوفي ياريم انا صح احبه .. بس اللي انا اسويه لهدووول مهووب عشان الفت انتباهه .. او شي .. لا والله .. وربي شاهد علي .. اني كل اللي اسويه لهدوول عشانها دخلت قلبي وحبيتهااا .. ..

ريم : انا عارفه وكلنا والله حبينا هدول .. اصلا فيه احد يحب يشووف هدوول ولا يحبهاا ..

نجلاء : هيييييييييييييه انتي واياهااااااا .. وش عندكم .. من الصبح .. وانتم تسولفوون ..اشركوونا معكم ..

ريم : يا شين اللقافه .. اعوووووووذ بالله تمشي في دمك ..

نجلاء : اقووووووول انطمي ..

 

 

 

 

في جهه ثانيه هدوول اللي جت علطوول راحت الابوهاا وجلست على رجله ...

مشعل : هلاااا والله بروح وقلب ابوووووها .. اهلييين هدوول وشلونك حبيبتي ..

هدوول : طيبه .

مشعل وهو يشوووف ملابس هدوول : الله من اللي لبسك ..

هدوول : عميمه رناا ..

مشعل : انتي تحبين اعميمه رناا ..

هدوول : ايه انا احب اعميمه رنا اكثر من ماما ..

مشعل : ليش هدوول ..

هدوول : عساان عميمه رنا تحبني .. بس ماما لا ما تحبني ..

مشعل والله انك صادقه .. امك وش سوت لك عشاان تحبينهاا .. مو مثل رنا اللي من جيناا وهي شايلتك على راسهاا.. اااااااه يارنا والله ما ادري وشلوون ارد لك هالجميييييييل ..

ابو فهد : اقوووووووول يا مشعل قم جب لنا الدجاج من عند الحريم ..

مشعل : ان شاء الله عمي ..

فواز اللي داخل عرض : اقووووووووول فصيييل وين الجسيكي فيييييييييييييييه

فيصل: فصييييييييييل في عينك .. رجال طول وعرض تقووول فصييييييل .. ما مليت عينك اناااااا ..

فواز : طيب يا استاذ فيصل ممكن تقولي وينهاا .

فيصل : وش دراني يمكن في القراج ..

فواز : طيب تعال معي نروح نجيبهاا ..

فيصل : وش تجيبهااا اكيييد ما فيهاا بنزين ..

فواز : الا اكيييييد فيييييييه .. ( يصرخ على مشاري اللي كان جالس يتمشى عند البحر ) مشاااااااااااااااااااااااري ... مشاااااااااااااااااري وتبن ..

مشاري : نعم وش تبي ..

فواز : تعال .. الحق بسرعه .. بسرعه .. سالفه خطيره .. بسرعه تعااااااااااال ..

مشاري : اوووووووووووووف .. فواز ترا منيب رايق لخرابيطك .. اخلص وش تبي ..

فواز : طيب تعال .....

مشاري راح عند فواز : نعم وش تبي ..

فواز : تعاال معي نطلع الجسيكي من القراج ..

مشاري : يا شيخ روح ... احزب عندك سالفه .. مالت عليييييييك .. تعال .. وتعال .. وهذي اخرتهااا ..

فواز : اعووذ بالله انت وش فييك اليووم .. نار الله الموقده كل ما حاكيتك هبيت في وجهي ..

مشاري : ابد ما فيني شي بس مزاجي اليوووم مو اوكي ارتحت .....

فواز وهو يمسك مشاري من يده : اقووووول امش معي ..

مشاري وهو يفك يده : اقوول وخر يا شيخ . قلت لك منيييييييب .. ما تفهم ...

فواز وهو حس ان مشاري فيه شي : مشاري وش فيك ..

مشاري وهو يمشي عند البحر : ما فيني شي .. الله يخليك اتركني ..

فواز : لا مشاري منيب تاركك لين تقولي وش فيك ..

مشاري : الله يخليك مالي خلق .. واللي يرحم والديك خلني في حالي ..

فواز : لا بالله منتب طبيعي .. فيك شي .. وكبير بعد ..

مشاري: يا ابن الحلال .. ما فيني شي .. بس احس اني مكتوووم .. خلاص

فواز : والله مدري عنك ... اللي يشوف وجهك .. يقول فيك شي اعظم ..

مشار ي: لابد ما فيني شي .. امش بس خلنا نروح عند الاهل .. شف الامور وشلون تمام عندهم ..

فواز : والله الخيانه بدووا يشوون ..

مشاري : شفت كله من سخافتك ..

فواز : الحيين انا اللي سخيف .. طيب اوريك ..( ويغني ) مردوده مردوده والله ما اخليهاا .. صبرك علي صبرك .. وافاجئك فيهاااا ..

وراحوا عند الاهل .. وطبعاا هبااال وضحك .. وعند الشوي كان واقف فهد وراشد وابو فهد .. والباقين قاعدين .. بس بساط الحريم كان قريب مره من بساط الرجال .. يعني تقريبا قاعدين جلسه وحده ..

ام فهد : اقوول متى بيزين شويكم .. ترانا جويعين ..

فواز : حريم اخر زمن ..قومي اشوي انتي بدال رجلك ..

فيصل : خيييييير ان شاء الله كذا الواحد يحاكي امه ..

فواز : وانت وش دخلك كذا داخل عرض لييش ..

العنود : طيب يا فواز ورا ما تقووم تشوي بدال ابوووووي ..

فيصل : ههههههههههههههههههه حلوه يا العنود ..

فواز : والله عاد ابوي هو اللي متحمس .. والا فهد وراشد جالسين يشون .. هووو اللي جايبه لنفسه ..

مشاري وهو يلتفت على فواز : فوواز طلبتك غن ..

فواز : خير ان شاء الله كلما جلستوا فواز غن ..

مشاري : عاد انا طلبتك ..

فواز : والله ما اردك وانا فوواز ..

مشاري : ابيك تغني الخطا لراشد الفارس ..

فواز : وش معنا هالاغنيه ..

مشاري:لابد بس احبهاا وابي ناس يسمعونهااا ..

فواز : اهااااااااااااا .. ومنهم هالنااااااس ..

مشاري : مالك دخل هم عافين انفسهم ..

فيصل : اقوووووووووول اخلصوو ا.. قضية الشرق الاوسط صارت ..

فواز : طيب ..

تحملني الخطاا وتروح زعلان .. ولا ادري وين دارك .. ووين دنياك كذا لك يوم او يومين تعبان.. ...اناااا طول العمر تعبان ويااك .. تحملني الخطا وتروح زعلان ولا ادري وين دارك ووين دنياك .. كذا لك يووووم او يومين تعبان .. انا طول العمر تعبان ... انا تعبان تكفى حس فيني امانه لا تعلق قلبي ويااك ... انا تعبان تكفى حس فيني امانه لا تعلق قلبي ويااك ... اذا ناوي تضيع لي سنيني .. انا ضايع ترا فيك وبلا ياااااااك .. تحملني الخطااا ...

العنود في نفسها كانت تقوول يعني يقالك بهالكلمتين برضى .. ههههههههه والله من جد سخيف يطقني قدام الناس ويهيني ويبيني ارضى باغنيه ..

مشعل : عاااااااااااااااااااااااااش ... عشت .. والله رهييييييييييبه ..

رن جوال فيصل ....

فيصل : الوووووو هلا والله

نجلاء هنا طيرت عيونهااا .. حتى هناا يا فيصل ...

فيصل : هلااا والله بابو نواف ..

نجلاء اشووووووو ...

محمد : هلاافيك ..

فيصل : هااااااااه وينكم ياخي .. ورا ماجيتواا ..

محمد : ان شاء الله بكره عندكم ..

فيصل : اهم شي نجود لا تنسونهااا ..

محمد : افااااا وذي احد يقدر ينساهاا ..

فيصل : ايه اشواا ..

محمد : اقوول فيصل خذ لمى صجتني تبي تكلمك ..

فيصل : عطني اياها ..

لمى : هلا والله وغلااا ..

[~نعناعة~]

فيصل : اهلييييييييييييين هلافيك والله ..

لمى : اخبارك ..

فيصل : تمام والله .. انتي اخبارك ..

لمى : الحمد لله .....

فيصل : هااااااه وش عندك وش تبييييييييين ...

لمى : اعوووووذ بالله ما فيه اسلووب ابدا .. انا ابي افهم وشلوون نجلاء متحملتك ..

فيصل : والله كيفي اسلوبي لحرمتي انتي وش دخلك ..

لمى : الشرهه مهيب عليك الشرهه علي انا اللي مقطعه نفسي ابي اكلمك ..

فيصل : واحد قالك قطعي نفسك ..

لمى : اقووووول مالت .. عطني ابوووووي ..

فيصل : منييييييب تبينه دقي على جواله ..

لمى : فصيييييييييل وش جايك اليوم

فيصل : انا لله انا اليه راجعوون .. وش جايكم على فصييييييييل .. اصغر عيالكم اناا ..

لمى : اقووووول ترا انا الكبيره مهووب انت ..

فيصل : داري انك الكبيره .. بس منيب معطيك ابوووووي .. تبينه دقي على جواله ..

لمى : اقوووول مع السلامه ..

فيصل : ههههههههههههههه مع السلامه ..

ومر الوقت بسرعه .. كلوا وضحكوا واستانسواا ..

وعلى الساعه 12.. راح الكل لغرفته ...

البنات ..

ريم : يله بسرعه .. خلووونا نشغل واحد من الافلااااااااااااام ..

نجلاء : يووووووووووه الحييييين ... انا فيني النووووم ..

العنود : ايه الحيييييييين ..

نجلاء : طيب واللي فيه النوم ..

العنود : وانتي متى ما صار فيك النوم .. دايما فيك النووم ..

ريم : والله الفلم بنشغله بنشغله ..

نجلاء : طيب ...

العنود : أي فلم .....

نجلاء : مدري غمضي واسحبي ..

ريم : انا بسحب ..

وراحت ريم عند الكيسه ودخلت يدهاا وسحبت اول فلم لمسته ...وشافت وشوووو

ريم تصرخ : لااااااااا ما اقدر انا على الزييييييييين ...سبحاااااااااااااان الله رتك ...

العنود : القلب وما يهوااا ..

نجلاء : اخلصوا يله خلونا نشغله وننوم ..

 

 

 

 

تحت في الصاله عند الشباب .. كانوا يبوون يشغلون فلم خالتي فرنسا .. الجلسه كانوا فواز ومشاري مقابلين التلفزيون ووراهم فيصل ومشعل.. واشكالهم من جد تضحك .. كانوا على كل شي يضحكوون حتى لو كان سخيف .... كانت اصواتهم الابعه واصله للشارع .. ولا كان فيه احد نايم ..

فواز : ههههههههههههههه بالله يا مشاري عد اللقطه .. هههههههههههههههههههه

فيصل : ههههههههههه لاااا وش تعييد خل الفلم يخلص ..

مشاري : لا بعييد والله حلوووووووه هههههههههههههههههههههه

وعاد مشاري اللقطه .. ورجعوا يضحكوون ..

فيصل وقف ضحك ويهمس لمشعل : اقوول مشعل شف فيه احد ينزل من فووق ..

مشعل : ايه والله .. اص اص .. هذا عمي ..

فيصل : اكيييييييييييييييييد قام من اصواتناا ..

مشعل : طيب خلنا نعلم ذا الثنين االلي كل ماله اصواتهم تعلى ...

فيصل : قم قم .. بس خلنا نتوزا ورا الكنب .. وهم تجيهم احلى تهزيئه ..

وبسرعه قاموا ورا الكنب.. وفواز ومشاري ولا يدرون عن شي ...

ابو فهد : فووووووويز مشيري ..

فوازومشاري خلااص من الخووف وقفواا اثنينهم ..

فواز : سم .. سم ...وش فيك ..

ابو فهد : ما تستحووووون .. وتقولون فيه احد نايم

فواز : مهوب حناا .. لااا .. فيصل ومشعل .. هم اللي يضحكوون ..

ابو فهد : ايه تبلى على اخوووك .. اخووك فوووق نايم ..

فواز : وش نايم ( يلتفت ولا يلقااه ) ههههههههه سواهاا الخايس ..

ابو فهد : بعد خاايس ..اقوووووول قوموا يله قدامي على غرفكم ..

فواز : هووو يبه بتنومنا من الحيين ..

ابو فهد : ايه وش غير الساعه ثلاث ...

فواز : ايبه لازم يعني حركاتك .. تونا الساعه 2 ..

ابو فهد : فرقت يعني 2 او 3 كلهاا واحد .. يله قدامي فوووووق ..

فواز : لا يبه خلااص مناب مطلعيين ولا صوت ..

ابو فهد : ايه نشووف ..

وراح ورقى فوووووق .. وعلطول طلعوو فيصل ومشعل من ورا الكنب

فيصل ومشعل : هههههههههههههههههههههههههههههههههههههههههههههههههه هههههه

فيصل : مساكيين ... لقطوو وجيهكم .. هههههههههههه..

فواز : طيب والله اوريك تعااااال يالخايس ..

فيصل وهو ينحااش : فواز لااااااااا .. انا مالي دخل مشعل هوو اللي قال ..

فواز وهو يلتفت على مشعل : انا بصير اعقل منكم واكبر منكم .. وبرقى انوم ..

مشعل : ههههههههههههههههه تسوي فيناا خيير ... اصلا كلنا بنرقى ننوم ..

 

 

 

 

في غرفة البنات بعد ما نام الكل .. ما عدا العنود ونجلاء .. قامت نجلاء من سريرهاااا وراحت لسرير العنووود ..

نجلاء : العنود يله تعالي ..

العنود : وشووووووووو ...

نجلاء : مهيييييييييب علي حركاتك ..

العنود : وش تبيين .. ابي انووم ..

نجلاء : تعاالي قولي لي السافه ..

العنود : ياربيه ما فيه سالفه ..

نجلاء : علي انا ....

العنود : ما فيه شي .. بس انا ويااه تهاوشنا في المطعم ..

نجلاء : ايووووووه .. طلعي بعد فضايحك ..

العنود : بس هذا اللي صار ..

نجلاء : اييييييه ابي بالتفصييل وش صار ..

العنود : خلاااص بكره بكره بقولك الحيين بنوم ..

نجلاء : ايه اجلي فيني لين انسى ..

العنود : لا لا خلاااص بكره بقولك ..

نجلاء : وعد ..

العنود : وعد ........

 

 

 

 

 

 

 

الساعه 6 الصبح قامت العنود حست النوم طاير .. حاولت ترجع تنوم بس ما فيه امل خلااص النوم طاار .. قامت من سريرهاا وراحت لعند سرير نجلاء وريم .. حاولت تقومهم بس مافيه فايده لاحياة لمن تنادي .. قامت وراحت للحماام وغسلت وغيرت ملابسهااا وخذت جلالهاا وطلعت .. ونزلت تحت بس بالبيت كاان هدوووووء بشكل فظيع .. ودخلت المطبخ وسوت لهاا نسكافيه .. وخذت بسكويت من الدرج .. وراحت برا في الحديقه .. بس ملت قالت خليني اطلع للبحر .. وحطت الجلال على راسهاا وطلعت مع الباب اللي ورا .. وظلت تمشي لحد ما وقفت قدام البحر مباشره .. وظلت يمكن ربع ساعه وهي واقفه ... تتامل .. حست بحركه وراهاااا وخافت ياربيه من هذااا .. ما اقدر التفت خايفه ..

بس اللي ورراها ما خلاهاا تفكر وقطع عليهااا ..

مشاري : العنود ..

العنود لااااااااا مشاري ..

مشار ي: ردي علي انا عاف انك العنود ...

بس العنود ولا كانها تسمع شي ومشت ...

بس مشاري مسك يدها ..

والعنود وهي تناظر يده والله وقاحه : وخر يدك ..

مشاري اتسوعب حركته .. ونزل يده ..

مشاري: لحظه العنود ..

العنود تمشي ...

مشاري وهو يمشي وراهااا : العنود وقفي انا اكلمك ..

العنود توقف وتلتفت له : نعم وش تبي ..

مشاري يناظرها وهو ساكت ..

والعنود نفس الشي ظلت تناظر فيه بس بعدين تكلمت : وشلوون يعني .. بتظل تناظر كذا لين متى ..

مشاري : انتي اللي لين متى ..

العنود : لين متى ايش ..

مشاري : لين متى زعلانه ..

العنود : ..............

مشاري .: ليش ساكته .. العنود .. قلت لك اسف ..

العنود : لو تتاسف من اليووم لين بكره .. ما تشفي شي في قلبي ..

مشاري : طيب وشلوون ترضين .. وش اللي يرضيك ..

العنود : انك توخر عن وجهي وتخليني ادخل ..

مشاري : منيب موخر لين ترضين ..

العنود : اوووف الله هم طولك ياروح ..

مشاري : العنود والله حرام علييك ذليتيني لين متى بظل اعتذر ..

العنود :.................

مشاري : العنود كافي مذله ..

العنود تمشي ومشاري يوقف وجهها ...

العنود : وخر عن وجهي ..

مشاري : منيب موخر ..

العنود تصرخ : مشاري وخر عن وجهي ..

مشاري : تصدقين عاد الشرهه مهيب هليك الشرهه علي انا اللي جالس اركض وراك عشان ترضيين ..هههههههههههههههههه ... تصدقين توني ادري ان قلبك اسود ... تدرين ليش لان اللي قلوبهم بيضااا بسرعه يسامحوون .. اذا وانا ولد عمك كذااا .. اجل الناس اللي ما تعرفينهم وش بتسوين فيهم ..

العنود منصدمه من كلامه .. كان يعجبهاا لمن يراضيهااا وهي تعند تحس انهاا تذله .. ولكن اخر شي فكرت فيه انه ممكن يمل من زعلهااا يعني خلاص ما راح يقوول اسف .. طيب وشلون يرضى .. احسن يستاهل هوو الغلطان .. ليش يزعل يعني ..

يطقني كف ويتوقع اني برضى بسرعه .. ولا وبعد يقول انا قلبي اسود من جد حمااار ..

العنود : الحيين انا قلبي اسووود ..

مشاري وهو شايل في خاطره على العنود : ايه انا ما قلت شي كذب والدليل اني من امس وانا اركض وراك .. وانتي ولا كاني موجود .. بالله عليك كم مره قلت اسف .. وانتي ولا كاني تاسفت .. يقطع بليسك يهوودي انا عشاان ما ترضيين .. انا ولد عمك ..

( ويصرخ ) انااااااااااااااا ولد عمك .. ولد عمك .. ولد عمك ..

العنود خافت من صراخه بس ردت عليه : ولد عمي اوكي عارفه والله عارفه بس مو ولد عمي هذا هوو اللي صرخ علي قدام النااس .. ( وتصرخ ) مو ولدعمي هذا هو اللي طقني قدام الناس .. مو ولد عمي اللي ظلمني .. مو ولد عمي هووو اللي اتهمني بشي انا ما سويته .. وشلوون تبيني ارضى وشلوووووووووون ..

مشاري وهو مره ضايق صدره لانه حس من كلام العنود : انها مستحيل ترضى .. بس المشكله ان غلاهاا كل يووم يزيد عنده وهو ما يحس ..

مشاري : يعني وشلووون .. خلاااص ..

العنود : ايه خلااص ..

مشاري وهو يناظرهاا كانه طفل : ما فيه امل ..

العنود ارحمته بس ما بينت : ما فيه امل .. ومن سابع المستحيلات اني ارضى عنك ..

مشاري وهو يمشي : اوكي .. بس تذكري اني اعتذرت وانتي اللي ما قبلتي اعتذاري .. وتذكري ان لك ولد عم .. يغليك .. وتذكري ان لك ولد عم اني زعلانه منه ..

راح مشاري والعنود جلست تصيح .. لااا .. لاااا ليش انا يا ربي .. لييش .. مشاري تكفى لاتروح . والله مسامحتك .. والله مسامحتك تعاال .. الله يخلييك تعاال .. ليييييييييييييش يا غبيه ليش .. سوتي كذااا .. والله هوو حبوب ومسكييين .. بس انا ما قدرت اقوول .. مسامحتك .. وهو ضربني والله ضربني .. بس انا مستحيييل اقوله اني اني مسامحتك .. والله مستحييييل كبريائي وكرامتي تمنعني .. لازم يذوق اللي ذقته .. بس حرام .. لا مهوووب حرام احسن يستاهل .. لا والله ما يستاهل . اووووووووووووووووووووف .. والله مدري .. خليني اروح فووق انوم .. وبعدين يحلهااا الف حلاال .. ...

 

 

 

 

 

الساعه 11 الكل قايم الا العنود وفيصل .. ونجلاء من درت ان فيصل ما قام قررت ترد له المقلب ..

ودقت على مشعل وسالته اذا فيه احد عند فيصل في الغرفه اوو لاا .. بس صار لحاله في الغرفه .. ودخلت علييييييه وفي يدهاا كااس موويه ..

وعلطوول راحت لسريره ... ورشت علييييييه مويه

فيصل قام وهو مرتااع .. لانهاا ما حاولت تقومه قبل ما تكب المووويه ..

فيصل يصرخ يحزبه فوواز : عمى ان شاء الله ..

بس نجلاء ارتاعة ورجعت على ورا وظلت تناظر فيصل وراحت عند الباب عشاان تطلع .. بس فيصل استوعب انهاا نجلاء وراح لهاا على طوول قبل ما تطلع ..

فيصل : لحظه .. لحظه .. لا تطلعين تعالي تعالي ..

نجلاء معطيته ظهرهاا وطبعا كالعاده بدت تصيح ..

فيصل : نجووول ..

نجلاء : .............

فيصل وهو يلفهاا : نجوووووووووووول ..

فيصل عرف انها كانت تصييح .......

فيصل : افااا والله وانا فيصل .. تصيحن وانا السبب .... اسف والله ما كنت ادري احسبك فواز ..

نجلاء : لا علي اناا ..

فيصل : خلاااص عااد نجوووووول .. عاد على ذا الصبح بتزعلييين ...

نجلاء : خلااص طيب بس هذي اخر مره .. ما تعيدهاا مره ثانيه ..

فيصل : ان شاء الله ماما ....

 

 

 

 

 

العصر ... رناا كانت جالسه براا في الحديقه توكل هدووول..

هدوول : خلااص شبعت ..

رنا : لا هدوول لازم نخلص الصحن كله ..

هدوول وهي تلتفت وراهاا شافت ابووهاا وراحت له .. رنا طبعا ما انتبهت ان هدوول قامت من جنبهااا ..

رنا : هدوول تبين مويه ..

بس هدوول كانت مع مشعل وسحبته لحد رنااا ..

رنا : هدووول وينك ..

وقامت من مكانها وطبعا هي ما تدري ان مشعل وراهااا .. فا اول ما قامت لقته في وجهها .. وهي طبعا ما تغطت ..

وجهها في وجه .. وعينهاا في عينه .. ما عرفت وش تسوي ظلت تناظر فييه .. وهو بعد .. مشعل حس بمشاعل غربيه.. جديده .. حلووه .. بسرعه جت في باله غدير وقارنهاا رنا . بس طلعت غدير ولا شي عند رنا من الجمال .. واهتمامها بهدوول .. وطيبة قلبهاا .. ........... مشعل حس بنفسه ورجع على ورااا .. وهوو خلاص ما يدري وش يسوي يحس قلبه يدق بقووه فضيعه ... لاا مشعل وش جاااااااك .. ريلاكس .. هدووووووووووء .. خلاص ما صار شي .. بنت خالتك وشفتهاا .. بالغلط .. بس بنت خالتي تهبل .. وخاصة حبة الخال اللي في خدهاا .. ياربيه يا رنااا متهبلييين ... وغير كذاا معتبره بنتي كانها بنتك .. اااااااه لو هدوول بنتك هييييب بنت غدير .. طيب عادي اقدر اص الوضع واتزوجهاااا .. بس هل هي بتوافق .. مستحيييييييييييل توافق .. اصلا وش هالافكاار الغبيه اللي جتك يا مشيعل .. ههههههههههه . .. والله منيب صاحي .. افكار فواز ذي مهيب افكاري ..

 

 

 

اما رنا اللي من راح مشعل وهي في مكانه .. نفسهاا سريع وتلهث .. وقلبهاا يدق بقوووه .. لا ياربي .. شفته وشافني .. مو معقووول اللي توو في وجهي مشعل .. احبه ............. والله احبه ... بس والله انت ما تدري عن هوا داري .. تبكي على اطلال غدير .. ولا انت داري عني وعن حبي لك .. والله احبك ..

 

 

 

المغرب الكل مرتبش ...... لمى توهاا داقه وتقوول انهم وصلووو ..

 

نجلاء : العنوووود وين الجلال حقي ..

العنود : مدري عنه ...

نجلاء : انا كم مره قلت لك .. لا تاخذين شي لي ..

العنود : يووووووه نجلاء والله انك فاضيه ..

ريم : نجلااء انا شفته عند المغاسل اللي عند الملحق ..

نجلاء : عنييييييييد وصلتيييييييييييه عند المغاسل ..

العنود : لا مهوووووووووب اناااااا ..

نجلاء : مالت .علييك ..

وطلعت نجلاااء تدور جلالهااا عند الغاسل وما لقته .. وراحت تدوره عند المغاسل اللي عند المسبح .. بس ما لقته .. والتفتت .. ولقته في المسبح ..

نجلاء : لااااااااااااا حسبي الله على عدوانك يا العنود .. .......... اووووووووف هذا وش يطلعه ... متى بتصير حرمه سنعه على قد المسؤوليه .. يااااا ربيه ................. وشافت فيصل

نجلاء تصرخ : فييييييييييييييييييييييييييييصل ..

فيصل وهو يقرب من عند نجلاء : عيووووون فيصل

نجلاء : الحقني ..

فيصل : وش فييييك .

نجلاء وهي تاشر على المسبح : جلالي ..

فيصل : ههههههههههههههههه والله احسب عندك سالفه ..

نجلاء : لااااا والله احبه ..

فيصل : افاااااا والله انا فيصل ... تحبينه .... الحيين اطلعه ..

وفصخ التي شرت حقه وطلع جواله وبوكه وعطاه نجلاء .. وطب في المسبح ..

نجلاء : لااااااااا المويه بارده ..

خذا فيصل الجلال وطلع ...

في هاللحظه دخلووو لمى ونوف ...........

[~نعناعة~]

هذا الموجود ,,

والباقي بينزل اذا شفت شي منزل