جارحة مجروحة Posted فبراير 6, 2006 Report Share Posted فبراير 6, 2006 السلام .. شلونكم ؟؟ شخباركم؟؟ انشاالله كل شي تمام .. آنة حبيت اقول لكم مشكلتي وماادري يمكن احد يقدر يساعدني , ينصحني , او يمكن يشخصني , او يزفني !!! مشكلتي اني وايد اسوي اشيا غلط واقط حجي على ناس احبهم واجرحهم وبعدين اندم على الي سويته .. ولا مااندم الا شوي واصيح وعقب ساعة ساعتين انسى السالفة واضحك على سالفة ثانية .. يعني تقريبا ما قمت احس .. والله ماكنت جذي بس ماادري شصادني .. وبعد في وايد اشيا ادري انها غلط وبأضر روحي اذا سويتها واقول ماباسويها وعقب جم يوم اسويها بدون ما افكر ,, المشكلة مب هني المشكلة انة في ناس ثانية تتأذى لين انة اتأذى ومااحس الا اذا زفوني ،، ولا بسرعة بعد مامداني جم يوم نسيت السالفة واطلع لي سالفة يديدة .. وفيني شي بعد اني ما اسمع الكلام واسوي الي يعجبني ولا احد يهمني .. وبعدين لين صار شي اقعد اصيح .. ان مقهورة من روحي ماادري شسوي ؟؟ ساعات افكر اقول ليش سويت جذي .. عقب شوي اقول يه سويته وخلاص مايفيد الندم وانسى السالفة وعادي ولا كأنة صار شي او سويت شي .. حبيت اغير روحي جم مرة بس فشلت .. بعدين فكرت انة اذا كان معاك احد في شي تسوي تصير اقوى مثل لين احد يبي يوقف التدخين يتشجع لين احد يكون معاه .. فما ادري اذا في احد عنده نفس مشكلتي ( مع اني ما اتوقع هالشي ) .. او احد يبي ينصحني او يساعدني ويحصل الاجر .. وابيكم تستفيدون من مشكلتي وماتسوون مثلي .. ومشكورين .. Quote Link to comment Share on other sites More sharing options...
بحرينية حددي Posted فبراير 6, 2006 Report Share Posted فبراير 6, 2006 جارحة ومجروحة قبل كل شي ابي اعرف انتي جم عمرج؟.؟ ثاني شي يا حبيبتي انتي تقولين انج تجرحين ناس تحبينهم ودام انج تحبينهم هذا الحب ماصار من فراغ صح!! اكيد لأنهم يحبونج بعضهم وقف وياج في الاوقات الصعبة و و و يعني في النهاية تحبينهم لأنهم صادقين وياج ومخلصين لج ويخاون عليج قبل ماتقولين اي كلمة او تقطين عليهم شي يجرحهم فكري بينج وبين نفسج ليش اجرحهم وما حصلت من غير الحب حتى لو كنت معاهم في لحظة غضب قولي معليه هالشخص سوى لي جذي وجذي وجذي <<< يعني حطي في بالج كل شي زين سواه لج الشخص اللي ناوية تجرحينه عدي بينج وبين نفسج من 1 ل 10 بتجوفين روحج بتهدين وبتشيلين عن بالج الكلام الجارح اللي تبين تقولينه وقت غضب لأن بيكون الغضب زال وشي حلو انج تصيحين يعني معناته يا قلبي انج انسانة حساسة ورقيقة بعكس ما انتي تقولين بس يبي لج تقعدين شوي ويه روحج تحاسبين نفسج شنو الخطأ اللي ما اكتشفته بروحي ليش احب ازعل الناس علي والدنيا مافيها الا الناس اذا ماكسبناهم شتسوى نعيشها بروحنا، الواحد يعيش ويحبب الناس فيه " الناس للناس" وانتي اصري على انج تبين تتغيرين انتي قوية وانا واثقة من هالشي من كلامج يبين ان مافيج ضعف وتقدرين تتغلبين على مشكلتش بشوية صبر وشوية اصرار وارادة والله يهديج حبيبتي Quote Link to comment Share on other sites More sharing options...
ضحكة مجروحة Posted فبراير 6, 2006 Report Share Posted فبراير 6, 2006 لا أختي توقعي هالشي لأن انا بعد و الله جذي و صارليفترة طويلة ادور حل و مب محصلة و بسبت اللي انا فيه خسرت أشياء وااااااايد و ناس أحبهم و أعزهم بس لحيني مثل نا انا ما تغير و قاعدة أحاول ويا روحي بس للأسف ما في فايدة ... و أنا بعد مثلك اتمنى أحصلي حل . Quote Link to comment Share on other sites More sharing options...
البنــــــــــدري Posted فبراير 7, 2006 Report Share Posted فبراير 7, 2006 (edited) لاتقولين ماعندج احساس يالغالية ،، مجرد انج حسيتي بان الي سويتية شي غلط ،، هذي اكبر دليل بوجود الاحساس فيج ،، ذكرتيني ببنت خالتي ،، هذي تجرح وتقط كلام يعور القلب ،، وتالي تقولج : زعلتي ؟؟!! ،، شنو الفايدة تالي من الندم ؟!! ،، انتي قاعدة تجرحين انسان عزيز عليج او حتى ماتعرفينة ،، حطي روحج مكانة ،، وتخيلي بأن احد اجرحج ولا قط عليج كلمة أذتج وحطيتي في خاطرج ،، شنو بيكون موقفج ،، ولا احساسج شنو حزتها ؟؟ ،، فكري في غيرج قبل حتى لاتبتدين بالتفكير في نفسج ،، حشمي اللسانج ،، وعلميه انه مايتكلم الا فالشي الصح ،، وماينطق الا بالشي الزين ،، والكلام المعقول ،، والحجي الحلو ،، والكلمة الطيبة ،، انتي ماتدرين انج لوتنطقين كلمة طيبه في ويه اي انسان كان ،، لج حسنة عند ربج ؟؟ ولاتنسين ان الحسنة بعشر امثالها ،، حتى في وقت الغضب ،، لاتجرحين احد ،، كوني حليمة ،، وحتى لو احد جرحج او غدر فيج ،، لاتقابلين السيئة بالسيئة ،، بل السيئة بالاحسان ،، موب ضعف منج ،، لا ،، لان الله امر انج تقابلين السيئة بالاحسان ،، وتذكري رضا ربج عليج ،، وحزتها الي اجرحج ،، اهو الي بيتندم ،، وبيقول ليتني ماجرحتها ،، حاولي اتعدلين من نفسج دامج توج صغيرة ،، لان بعد كم سنة مابتلاقين اي احد حوليج ،، ولو احتجتي اي شي في وقت الضيق ماراح تلاقين من يوقف معاج ،، لانج خليتي الي يحبونج ينفرون منج ،، باسلوبج معاهم وجرحج لهم ،، سمعي النصيحة ولاتكابرين ،، لان الي تسوينة غلط ومحد يستحمل افعالج ،، الانسان شنو يبي من اخووه ؟!! ،، غير الكلمة الطيبة الي اتطيب الخاطر وتجبر بالنفس !! ،، واي انسان يعطيج نصيحة سمعيها ولو ماتعجبج ،، موفقة اختي Edited فبراير 7, 2006 by البنــــــــــدري Quote Link to comment Share on other sites More sharing options...
* p!nk snOw * Posted فبراير 7, 2006 Report Share Posted فبراير 7, 2006 هلا بغيت اقولج اختي تقريبا عندي نفس مشكلتج بس الفرق ان انه اراعي شعور الناس وقبل ما اسوي اي شي افكر اذا احد سوى لي نفس الموقف شنو راح يكون شعوري يعني ابدا ما اسوي شي يزعل الناس او اخلي شي بخاطرهم علي مشكلتي اللي اهيه نفس مشكلتج اهيه لما اعرف ان الشي راح يضرني واسويها مثلا ما سويت بماده زين فصحت وقلت خلاص بدرس عدل المرة اليايه واتيي المرة اليايه وهم ما ادرس ما ادري شاسوي Quote Link to comment Share on other sites More sharing options...
**ريـــ المحبةــــم** Posted فبراير 7, 2006 Report Share Posted فبراير 7, 2006 مشكلتج مثلي اندم بعد ما افكر وارد اعيد الغلط ولا ايوز شالحل ثانكس قلتي مشكلتج الانها راح تفيدني وايد الانها مثلي Quote Link to comment Share on other sites More sharing options...
عنيدة الخليج Posted فبراير 7, 2006 Report Share Posted فبراير 7, 2006 اختي جارحه الاعتراف بالخطأ والواحد يحاسب نفسه هذا هو بدايه العلاج لكل امر صدقيني يااختي اي امر تبين تتغلبين عليه وتنجحين رجعي الى ربج اقري قرآن ,قوي حب الله وايمانج به فالداخل وبالتالي بتحسين بمراقبه الله لكي فكل وقت وحين ولن تفشلي في علاج نفسك اختي الغلط على الناس وجرح الاخرين بالتاكيد عمل لايرضي الرب لازم عليج انج تعدلين تصرفاتج ترا كل الناس طيبين حبي الناس وحسني علاقتج معاهم والكلمه الطيبه خليها دوم على لسانج قبل ماتتسرعين وتتفوهين بأي شي صبري وفكري فالشي الف مرة وحسبي حساب للناس ترا مشاعر الناس تتأثر اهم شي تقربي اكثر الى الله والاراده والعزيمه خليهم مفتاح في اي شي بتسوينه الله يهدينا جميعا انشالله ودربكـــــــــــــم خضــــــــــــــــر Quote Link to comment Share on other sites More sharing options...
يوسف يعقوبي Posted فبراير 7, 2006 Report Share Posted فبراير 7, 2006 أختي الفاضلة ..... دأم أنج بديتي مشكلتج باعتراف واضح فهذا خير دليل على تقبلج لكل نصيحة يتقدم بها الأعضاء الكرااااام ..... هذه المشكلة صادفت احد أصدقائي وهي أنه يقط كلام مايثمنه يجرح الناس وبعدين يتأسف منهم ويحبوهم على راسهم ... وكذا مره كلمناه أنه يغير من هل الطبع ولكن داما كان يقول بغير بس ما شفنه منه أي تغير ..... وفي مره قررنه أن ما نعطيه وجه مده زمنية والحمدلله فاد فيه وصار احسن من قبل ..... فأنا اعتقد أنج تقدرين أنج أتغيرين من حالج ... قبل لا ينفر منج كل ربعج وأتمين وحيده ..... وأنا كلي ثقة بأنج قادرة وما في شي رايح يوقف في دربج (( ولا تنسين أن الأعتراف بالذمنب فضليه )) Quote Link to comment Share on other sites More sharing options...
عبد العزيز بن حــمد Posted فبراير 7, 2006 Report Share Posted فبراير 7, 2006 ألتجأي لرب العالمين وإن شاءالله تزول منج هالإشياء .... وحطي تركيزج أنج راح تغيرين من سوالفج ... والله يوفقج Quote Link to comment Share on other sites More sharing options...
حنان المحرق Posted فبراير 7, 2006 Report Share Posted فبراير 7, 2006 مشكلتج نفس مشكلتي اغلط وبعدين اصيح بس الحين انا تغلبت عليها شوي انا مااجرح اي احد اجرح اغلى الناس عندي اللي احبهم وهم يحبوني الحين قمت قبل لا اقط اي كلمه احط نفسي مكانهم لو اهم قطوا علي كلمة تجرح اكيد راح ازعل واحط بخاطري خلي الكلمه الطيبه كل على لسانج وفكري قبل ماتقولين اي كلمه والله يهديني ويهديج Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.