بنت ال 10 سنوات Posted مارس 15, 2006 Report Share Posted مارس 15, 2006 ثانكس على القصة و ننتظر الباقي سرعي Quote Link to comment Share on other sites More sharing options...
JeNeYa Posted مارس 16, 2006 Author Report Share Posted مارس 16, 2006 يسلموا على الرد تفضلوا الجزء الجديد ... في اليوم الثاني..فتحت شيما عيونها..في البدايه استغربت المكان بعدين تذكرت انها مع سيف في فيينا.. وصـلوا البارحه بوقت متاخر ..كانت مستانسه.. طالعت المكان ادور سيف جافته محد..فكرت اتروح تتغسل .. و تلبس لي ما ايي سيف .. ..كانت شيما واقفه عند المنظره..اطالع اخر لمسات المكياج الي حطتها في ويهاا شويه ودش عليها سيف..قامت من مكانها اطالعه.. سيف: صباح الخير يا احلى عروس. شيما"مبتسمه" صباح النور.. سيف"يتامل ويها" عمري ما جفت حلوه شراتج..دوم جي ترقدين وايد.. شيما: لا بس من التعب..وين كنت.؟ سيف: اتمشى برع..الجو رهيب.. شيما: حلال عليك و حرام علي.. سيف: يضحك" لا طبعا ..توني رجعت عشان اطلع معاج..ترا الطلعه من دونج ما تسوا. شيما"تضحك" بعدك توك اتعرفني.. سيف: احس بعمري اعرفج من زمان.. شيما: بتصدقني لو قلتلك انا نفس الشي..يالله نطلع.. سيف: خلاص بتريق برع.. مر اسبوع ع زواج سيف و شيما.. سيف يوميا يتصل يسال عن امه و ابوه و العيوز .. بس شيما كانت العكس ما ادق تلفون الا اذا الح عليها سيف انها تتصل تنشد عن أهلها.. شيما اعجبت بسيف وايد.. و كانت خايفه انها تحسد عمرها.. سيف كان وايد حبوب و طيب معاها.. حتى اذا كان يبا منها شي باسلوبه الحلو ..يخليها تسمع كلامه من غير ما تعاند.. كان يشتري لها كل شي تبــــــاه و تتمناه..حتى اشياء اتشر عليها.. تتفاجأ ان شراه لها هديه.. كان يعيشها بجو رومانسي عمرها ما حلمت فيه.. بدأت اتعرف من معاشرتها لـ سيف ان شي في الدنيا اشياء حلوه غير البيزات.. حتى سيف.. كان موقع انه بيستانس . و يعيش بشهر عسل حقيقي ..ما حلم فيه او خطط له..كان يتوقع ان ..كل شي بيمر ابسرعه.. بس جاف بدايه خطوته وايد حلوه و اوكى.. عرف الاسلوب الي يتماشى مع شيما..حتى لو كان في اشياء ما تعيبها ..بس سيف يعرف يقنعها.. اتمنى سيف ان كل شي بينه و بين شيما..يتم جي ع طول و يدوم.. بس كان دوم يذكر نفسه ان اصلا زواجه من شيما عشان يدتها .. مب عشانه.. شيما و سيف يتمشون صوب بحيرة فيينـا.. شيما: سيف حبيبي ..شو رايك انمدد الاجازه.. سيف: اتمنى و الله عمري بس اتعرفين الاشغال..؟ شيما: ليش انت مب مستانس.. سيف"يطالعها" و الله يا شيما عمري ما استانست بحياتي كثر هالاسبوعين .. شيما"بدلع" عيــــــل انمدد الاجازه بليز حبي..؟ سيف: "يتحايل عليها" اتخافين لو رجعنا البلاد ينتهي كل شي . شيما"بسرعه اترد" اكيـد لا ..ما اقدر اعيش من دونك.. سيف: اتحبيني وايد.. شيما "مستحيه" لازم احبك مب انت ريلي .. سيف: دام انه ما بيفرق شي ..خلاص نرجع البلاد بالوقت الي حددناه. شيما"اتسير بعيد عنه" اتعرف انك وايد ممتاز في الاقناع. سيف"يضحك" و اتعرفين انج عسل يوم تزعلين. شيما: عيل خلاص اوعدني نرجع هالمكان.. سيف: اممممم شيما" بعـــــــدك اتفكر. سيف "يضحك" خلاص وعـد شيما"تجرب منه" عيل الحين انا احبـــــــك.. سيف: شيطانه.. شيما: ما شريت لامايه و اختي شي ..؟ سيف"في خاطره كل ها الاغراض و ما شريتي": عندنا وقت باجر.. شيما: انزين خـلاص سيف: بس حق امج و اختج......؟ شيما"اتفكر" هي ما عندي غيرهم..؟ سيف:"يستهبل" انا اذكر عندج يده وينها..؟ شيما"مرتبكه" يدتـي..؟؟ سيف: هي يدتج.؟ شيما: امممم ..ما تبا اتعيش معنا بعد ما توفى ابوي الله يرحمه.. سيف: وين سارت..؟ شيما: عيوني وايد تسأل .. سيف: خلاص ابرايج لا اجاوبين الظاهر بعدج تعتبريني غريب عنج. شيما: لالالا منو قال ..؟ سيف: طريقة كلامج ..؟ شيما: اتعرف اسلوبك في الكلام يذكرني فـ عبدالله اخوي.. سيف :- ليش يعني.. شيما: ما ادري .اممم يوعانه انــــــــــا .. سيف: يضحك" اوكى تعالي شي مطعم جريب من هني.. و هم يالسين ياكلون..سيف يفكر كيف يفاجـأ شيماا بيتها بعد كم يوم..اكيد بينتهى كل شي حلو من بينهم.. شيما: ليش ما تاكل فـشو سرحان..؟ سيف: افكر فيج..؟ شيما: انــــــــا سيف: كل ها الجمال و الدلال و اتبيني اكل و ما اطالعج.. شيما:"بدلع" سيـــــــــــف.. سيف: عيونه امريني.. شيما: عشاني تاكل الحينه و بعدين فكر في كل الي تباه.. سيف: أنتي أتأمريني يا الشيخه.. ** ركب سيف السياره و معاه شيما.. بعد ما نزلوا من مطار بوظبي..سايرين شقتهم.. سيف: توقعت بيسون لنا مفاجاه و بستقبلونا فـ المطار. شيما: احسن شو تبا فيهم ..خليهم يخلونا ع راحتنـــــا.. سيف: حبيبي حتى و لو هييل اهلنا.. شيما: اووه سيف انت وايد اتبالغ..؟ طلع سيف موبايله.. شيما: بدق لمنـو اكيد امك ولا ابوك.. سيف: هم يدرون انا بنوصل اليوم ..بس بدق لربيعي.. سكتت شيما..تسمع كلام سيف شو يقول لربيعه.. سيف: هـلا حمود.. حمود: هـلا المعرس ها وصلت ما شا الله شالاخبار.. سيف: طيبه.. اقولك الخدامه..خذهـا انا راجع الشقه الحين.. حمود: خلاص ما تحتايهاا.. سيف: مشكور ولد الخاله.. حمود: عاد خبرني بالقنبله الي بتصير .. سي"يضحك" فالك طيب.. بعد ما صكر التلفون .. شيما: شو اتسوي الشغاله في شقتك.. سيف: ابرايج شو اتسوي..؟ شيما: اتنظف..؟ سيف: هي ..وبعد تيلس مع ناس .. شيما"مستغربه" منو هالناس.. سيف: بتعرفينهم يوم بنوصل البيــــــــت.. شيما: انت قلتلي محد بسكن معانا .. سيف: انتي وايد مهتمه اذا حد بشاركنا او لا .. شيما : طبعا مهتمه.. سيف: خلاص يوم بنوصل بتعرفين كل شي .. شيما: خوفتنـــــــي.. سيف"يضحك" لا تخافيـــــــن صدقيني ما في شي يخوف ولا شي بتغير من تزوجتج للحين.. شيما"تمسك ايد سيف" وعد. سيف: انا اباج انتي الي توعديني .. شيما: اوعــــــدك سيف.. سيف: احس اسمي حلو يوم تنطقه شفايفج.. شيما: "تضحك" عمري كل شي فيك حلو .. سيف: و الله.. شيما : هـيي سيف: وصلنا الشقه.. شيما"مستانسه" الله بها البنـايه..شكلها فخمه.. سيف:- عشان اتعرفين انج مب متزوجه أي حد..يالله حبي ننزل .. انتبهت شيما قبل لا تنزل من السياره ..ان سيف فتح السده و طلع بيزات.. شيما: شـو هـا حق منووووو؟؟ سيف: هاي 15 الف كنت ابا احطهم لج في البنك..يعني اسوي لج احساب باسمج يمكن تنفعج..؟ شيما"تفتح شنطتها ابسرعه خايفه لا سيف يغير رايه" شيما:- ها خذ بطاقتي ترا عندي بطاقه فيها بيزات المهر..حط الفلوس بحسابي و عطني البطاقه.. سيف"ياخذ بطاقتها": زين سويتي ..وفرتي علي سالفه طويله.. شيما: امممم بس 15 الف ..؟؟ سيف: عمري كل شهر بحط لج بيزات..جي يرضيج.. شيمـا"تمسك ايده" اكيــــــــد وايد علي مشكور حبيبي.. سيف في خاطره" اسميج طماعه" نزلوا من السياره..فتح سيف باب الشقه..شهقت شيما يوم جافت الشقه وايد عوده ما توقعت ..انها ..بتكون جي جنها فلة .. سيف:حبي جدمي ريولج اليمين.. وسمي بالرحمن.. شيما"تضحك" بلاك ترمس شرات الشياب.. مسك سيف ايدهـا تعالي ابا اراويج شي ..ترا ها الشي هو الي مخلني مستانس و متعود ع وجوده في الشقه.. شيما: "مستغربه":- منووووووو؟؟ اجدم سيف و معاه شيما.. كانت شيما اتفكر و محتاره شو ها الشي ..يمكن نفس الشي الي كان يقصده يوم كان يرمس ربيعه في التلفون..؟ اتفاجات شيما يوم جافت ..سيف يدق الباب .. سيف: اتريي برع يوم بزقرج دشي.. شيما: شو السالفة حبي.. سيف: ثواني و بتعرفين حبي .. اتريت شويه ..اطالع الشقه فـ كل الجهات ..سمعت سيف يزقرها. كلام سيف و تصرفاته خلها ترتبك شويه..فتحت الباب ..شويه شويه.. شنو بتكون ردة فعل شيما لما بتجوف جدتها ؟؟؟ وشنو بتسوي ؟؟ وشلون بتعاملها ؟؟؟ هذا كله بنعرفه في الجزء الجديد انتظر ردكم... Quote Link to comment Share on other sites More sharing options...
BOY_اســير الحــــب_LOVELLY Posted مارس 17, 2006 Report Share Posted مارس 17, 2006 يسلمو على البارت اليديد ننتظر البقية Quote Link to comment Share on other sites More sharing options...
شهد Posted مارس 17, 2006 Report Share Posted مارس 17, 2006 يسلمووووووووووووو على الجزء في انتظار التكملة Quote Link to comment Share on other sites More sharing options...
shahad22 Posted مارس 19, 2006 Report Share Posted مارس 19, 2006 ثنكس حلوة القصة نبي التكملة بليز لا تتاخر Quote Link to comment Share on other sites More sharing options...
C00L GIRL Posted مارس 19, 2006 Report Share Posted مارس 19, 2006 يسلمو ع القصه وننتظر البقيه Quote Link to comment Share on other sites More sharing options...
نوراء Posted مارس 20, 2006 Report Share Posted مارس 20, 2006 يسلموو نتتظر البقيه احر من الجمر Quote Link to comment Share on other sites More sharing options...
BOY_اســير الحــــب_LOVELLY Posted مارس 20, 2006 Report Share Posted مارس 20, 2006 نبي التكملة بليز Quote Link to comment Share on other sites More sharing options...
Wوجه القمرW Posted مارس 20, 2006 Report Share Posted مارس 20, 2006 وين التكمله ؟؟ يلا بسرعه لا Quote Link to comment Share on other sites More sharing options...
زمن الصمت Posted مارس 20, 2006 Report Share Posted مارس 20, 2006 يالله نبي التكمله وينهااا Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.