Jump to content
منتدى البحرين اليوم

Recommended Posts

السلام عليكم ورحمة الله وبركاته

قوووووه ... شخباركمـ .. شمسووين ؟

خبركم يا اخواني وأخواتي

اللحين حزة الامتحانات

والكل يشد حيله ويدرس

والبعض ياخذ المور ببساطة

يعني شلون ينجح

البركة في (الغش)

 

بصراحة الغش صارت وسيلة نجاح غير متعبه

بس ابي ارائكم عن موضوع الغش

وإذا عندكم موقف او حوادث

 

 

أرجووو التفااعل .. :happy:

Link to comment
Share on other sites

ماعتقد ان مافي احد ما يغش

انا باتكلم عن تجربة شخصية وانصدت فيها

مرة مسوية براشيم وحطيتهم في المقلمة

لاحظت الانسة الموجودة ان في حركة مو طبيعية

فتشتني من فوقي لي تحتي

واخر شي اكتشفتهم في المقلمة

كتب على ورقتي غاشة

وراحت وقمت ومسته وردت يات وكتبت ورديت مسحته

اخر شي سحبت الورقة من عندي

كان الامتحان اتذكر ذاتي

بس الحمدلله ارتفعت فيه

 

 

بس اعتقد ان الغش وسيلة بصراحة عشان ننجح

انا ماعتمد علييه اعتماد كلي

الا بس في الاشياء الي استصعبها

او ماددة كلها حفظ

وهذي رايي

 

Link to comment
Share on other sites

 

قبل أن أشرع بالرد أو أن أسأل

 

 

من الأساس من الذي يغش ؟؟؟ هل هو ذاك الطالب الذكي ؟؟؟ أم هو ذلك الطالب الفاشل ؟؟؟ ومن خلال ردكم على السؤال سيتبين أن الغش للشخص الفاشل الذي يريد أن يصل إلي أعلى المراتب بسرعه كبيرة وبدون جهد يذكر .... فبأسا لهذه الشريحه التي تصعد على أكتاف غيرها ......

 

 

شكرا أختي وبنت ديرتي على الموضوع الحساس

 

:cc2::cc2::cc2:

Link to comment
Share on other sites

اعتقد لو كانت المقرارت اسهل وشرح بعض المدرسين عدل ما لجئ اي طالب للغش

 

اتكلم عني انا كنت اغش في المواد اللي صج ما كنت اقدر افهمها وخصوصا المواد اللي كنه احنه نشرحها لبعض والمعلمه قاعده اطالعنه وتقيمنه

 

وثاني شي المقررات الصعبه كله وره بعض يعني مافي فرصه ان الواحد ياخذ اكتفائه من المعلومات خصوصا في مرحله الثانويه اللي يحدد مستقبل الشخص

 

اعتقد ان وزاره التربيه والتعليم اهيه اللي خلت الطالب يلجئ لهالطريقه

Link to comment
Share on other sites

 

و الله موضوع خطير :ph34r:

 

بس بصراحة يعني ساعات اغش و اغشش :ssm11: ،،

 

هذا الصج :ssm12: ..

 

مع اني مو راضية عن اللي اسويه ،،

 

و ان شاء الله اترك هالشغلـة ..

 

Link to comment
Share on other sites

اهوو صج انه الغش عاده مب زينه وقال الرسول ص انه من غشنا فليس منا,,

 

لكن اذا شي صعب ومانعرفه لازم شوي نغش مني مناك

 

والغش طريق النجاح :dry:

Link to comment
Share on other sites

بسم الله الرحمن الرحيم

 

بداية آحب أشكرج أختي لطرحج الموضوع الحلو ,,

 

الغش هي صفة سيئة ومنبوذة شرعاً وفي الإسلاام بينما هي منتشرة وانتشرت بكثرة وخصوصاً في الآونة الأخير ..

ومن وجهة نظري آنا من عدم مشجعي الغش بأنواعه وأساليبه

 

لا أعتقد من العدل أن الطالب اللي يدرس ويتعب نفسه فالدراسة

يساوي وبكل سهولة الطالب اللي ما فج حتى الكتاب وقرآ منه كلمة وحدة وفالنهاية تكون النتيجة وحدة !! :sad:

 

والغش هي صفة تتربى وتتطور مع تطور شخصية الشخص نفسه ومنذ الصغر ..

 

 

ومع تحياتي

 

 

 

Link to comment
Share on other sites

الصراحه ماشالله علي :ssm18: عندي خبره في الغش من الأبتدائي هههههههههههه وجم مرة صادوني لكن ماينفع,,كل الأختبارات اغش ماعدا في النهائي مافكر اني اغش :ad12: اهني بعد مايتعاملون سيده اكس على الورقة

Link to comment
Share on other sites

السلام عليكم ورحمه الله وبركاته

شخبااااااااركم كلكم :ad12:

اولا الغش : هو عباره عن تمنى الصعود الى مراتب اعلى على اكتاف وجهد الناس الاخرين . هذا بالنسبه للغش في الدراسه مو الغش يعني الاشياء الاخرى .

انا بالنسبه لي والحمدلله الغش عندي شي ذميم جدا والحمدلله درست الثانويه والجامعه من دون ان اغش ولا حرف واحد والحمدلله .

لما ادرس ؟ او لماذا دخلت المدرسة ؟ او لماذا دخلت الجامعه ؟ من اجل ان ادرس شي من العلم كي انفع به الناس ام ادرس بالغش واكون فشيلة بين اوساط المجتمع .

هل ترضى بان تتخرج مثلا من الثانويه وانت لا تجيد عمليات الطرح والقسمه والجمع والضرب كتابيا .

ام انك ترضى ان تتخرج من الثانويه ولا تجيد القراءه .

ماذا سيكون موقفك امام اصدقائك وانت لا تعرف تقراء وقد انهيت الثانويه على سبيل المثال .

العلم ضروري ان يكون مبني على قواعد صحيحه ليس على قواعد الغش .

انت لم تغش مدرسك او مدرستك او جامعتك غشيت نفسك انت في الاول والاخير .

اجعل كل شي في جهدك وثق بنفسك وليس كل شي نجاح بالعكس . ليس كل شخص ناجح ولكن العمل من اجل النجاج والجهد والاجتهاد

( من جد وجد - ومن زرع حصد - ومن طلب العلى - سهر الليالي )


ومشكوووووووورين
Link to comment
Share on other sites

اهلاا موضووع حلوو

 

انا اغش بس مو في كلشي بس في الانج اغش

 

 

اماا بااقي الموااد حتى لوحفظ ما اغش فيها

 

بس ماده الانج عندي صعبه وما انجح فيها إلا اذا غشيت

 

مره انصدت في المنتصف غااشه في الانج

 

وانحرمت من الامتحاان يعني صفر

 

اتمنى انجح في النهاائي رغم النسبه النجااح بسيطه

 

بس شسووي لو ما غشيت رااح ارسب

 

وثانياا حتى الشطاار يغشوون صح ما يسوون برااشيم بس

 

على طوول يغشوون من ربعهم والي صووبهم

 

يعني الحين الغش صاار شي اساسي في الحيااه

 

 

Link to comment
Share on other sites

دائما الي يغش يبي ينجح وبس يعني هو ضامن الرسوب ويحاول يدور على حل علشان ينجح

 

 

لاكن الي يدرس ومجتهد يخاف يغش علشان ما ينصاد وتروح عليه نتجته كلها

 

 

بسبب سؤال واحد بس

 

 

من جذيه تشوفونه لمل يسوي برشامة ما يحتاجها في الامتحان لانه بيكون حافظها

 

 

من كثر الخوف. ههههههههههههههههههههههههههههههههههههههه

 

 

ههههههههههههههههههههه

 

 

 

 

:b2dflg:

Link to comment
Share on other sites

يعطيج العافيه ...

 

بصراحه الغش مو وسيله نجاح بس ساعات نضطر نلجأ حق الغش ..

 

يعني انا بصراحه تنبط جبدي لين اذبح روحي في الدراسه واتعب روحي وآخر شي حزة توزيع الدرجات اجوف اللي غاشه او اللي غاش (الفاشلين) يايبين اكثر مني بارده مبرده .. ولا بعد ما تنبط جبدي زود الا اذا قالوا لي شتسوين هاذي درجتج على قد اللي درستيه ..

 

مره كان عندي امتحان .. كلنا داشين الامتحان وماندري شنو سالفته لا نفهم حق الدكتور ولا نفهم حق المقرر بكبره (يعني ندرس المقرر كأنه ذاتي)

تمينه نفلل في الامتحان وكل واحد يقول شنو ذي ؟؟ اي مقرر ذي؟؟ يكون داشين قاعه بالغلط واحنا ماندري ...

 

آخر شي اكتشفنا ان الدكتور يايب اسئله من الفضاء مالها شغل في المقرر واجوبت الاسئله تعتمد على ثقافتنا (الله والثقافة)

 

يعني الحين شلون احنا نحل شنسوي ؟؟؟؟؟؟؟ نرسب ونعيد المقرر ونتأخر كورس بسبة الدكتور (عاد انتوا تعرفون جامعة البحرين ما يحتاي اتحجه) ولا نغش

 

عاد انا ماقصرت غيشت لين ما قلت بس وغششت بعد آخر شي حصلت درجه ما اتوقع اخذها 23 من 25 هههههههههههههه

 

انا مب مستانسه على روحي بس شاسوي مضطره

 

Link to comment
Share on other sites

تسلمين اختي على طرحج الموضوع

 

الغش قبل كل شي حرام

 

بغض النظر اذا كان ينجح او يساعد او شنو فهوو حرراااام وهذا اهم شي

 

يعني ما اعتقد الطلاب اغبياء كفايه الى درجه انه لما يقرأ ما بيفهم او بياخذ فكره على الاقل

 

مب شرط تاخذ علامه كامله ولكن على الاقل تاخذ على حسب مجهودك

 

بقول لكم بصراحه <

 

انا انسانه كنت اتعامل بالغش.. ما اغش ولكن اغشش

 

كنت اقول انهم ربعي ولازم اساعدهم

 

ولكن ترى انا ما اساعدهم كثر ما اضرهم واضر روحي

 

اولا ثنينا بنحصل سيئات << والنبي (ص) من غشنا فليس منا

 

ثانيا اهي بتحل الامتحان وهي مب فاهمه شي بس كوووبي .. وبعدين لما في النهائي مثلا ما تصير يمي بتتورط

 

ثالثا نكون تحت ضغط خايفين لا يصيدوننا ويحطون على اوراقنا غاشين

 

..<<

 

فليش نعرض روحنا الى كل هذا والى غضب الله واحنا مسلمين المفروظ نتبع الي الاسلام يقول لنا عليه

 

وطبعا انا الحين والحمدلله ما اغشش ولا اغش

 

واتمنى ان كل واحد يفكر في هالتصرف عدل <

 

لان ترى مب شي سهل انك تعصي ربك

 

لما يكون شي حراام فهو حرااام بدون مناقشات

Link to comment
Share on other sites

الصراحة

أغش وقت الحاجة :b2dflg: وأغشش للمحتاجين :cc2:

.. .. .. .. .. .. .. .. .. .. ..

مره في اختبار شهر .. بنيه يمي مو مراجعه وفي الصفحه الثانيه وايد عللي وجدول فغششتها الورقه الثانيه كامل واهي نقلت مثل الشي يعني مثل الاسلوب وعقب المعلمه لما صححت شكت لان الورقه الثانيه كوبي وبست ورحت ليها وتحايلت فيها ولين قالت اوكي بس اخر مره لش :dde18:


يعني الغش ليـه حدود ..
Link to comment
Share on other sites

الغش حرام

 

من غشنا ليس منا

 

واللي بيغش مابيستفيد شي لان بيطلع للمجتمع وهو معتمد على غيره

 

فبيكون عضو غير فعال في المجتمع لان كان اعتماده على الغش

 

درسوا عدل وحلوا الاسئلة مب الكل عندهم نفس القدرات

 

بس الغش اكبر غلط

 

لان الانسان اللي يعتمد على الغش مابيقدر يعرف شنو هي قدراته

 

وشكرا

Link to comment
Share on other sites

تعود ظاهرة انتشار الغش في الامتحانات إلى انخفاض مستوى التحصيل الدراسي للتلميذ، والرغبة في النجاح بأية وسيلة، والرغبة في الحصول على درجات مرتفعة، وعدم التركيز أثناء الشرح والتكاسل وتقليد الزملاء، وعدم الاستعداد الجيد للامتحان والتهاون في تطبيق عقوبة الغش وتقارب المقاعد في صفوف الامتحان.

 

كما أن الغالبية العظمى من الامتحانات تقيس المستويات المعرفية البسيطة مثل التذكر والفهم، وتتجاهل المستويات العليا للتفكير كالتحليل والتركيب والتمييز والتقويم، والامتحانات بوصفها الحالي لها انعكاسات سلبية على العملية التعليمية بأكملها؛ لأنها ترفع روح التنافس وتُشَجِّع الطلاب على الغش بدلاً من روح التعاون والبحث نظرًا لاعتمادها على الكتاب المقرر فقط، وتؤثر سلبًا على المعلم أيضًا لأنه يهمل قياس المهارات الأخرى للطالب وتنميتها.. مثل: الملاحظة وسرعة البديهة.

Link to comment
Share on other sites

آنه وحده بصراحة ما أحب أغش .. لأن الدرجة اللي بتحصلها في النهاية أصلاً مب درجه تعبك و لا جهدك .. كأن بتاخذها بارزة مبرزة .. و إذا من المدرسة تغشون هاي إذا تخرجتوا في حياتكم العلمية في المستقبل شلون بتتصرفون ...

 

و هاي نصيحتي و هاي رايي .. و الله يهدي الجميع و يوفقهم ..

Link to comment
Share on other sites

انا مستحيل اغش في اختبارات المنتصف ولا النهائي الاختبارات العادية لازم اغش اتذكر مرة في الانج انا شاطرة بس ما كنت دارسة حق الاختبار حطيت ورقة الرايتينج في الدرج وقعدت اكتب ما اجوف الا المعلمة تسحب الورقة من الدرج بس ذاك اليوم انحرجت عدل هالسنه غشيت وايد في القصد والسفر والبنك معلمة القصد صادتني جم مرة بنية تغششني بس ما اهتمت

Link to comment
Share on other sites

 

اممممممممم آنه عن نفسي ناادرا ما اغش لأن ادخل الامتحان مراجعة عدل وعارفه كل شي ماشاء الله علي

بس اذا حسيت ان بنيه مراجعه ومتعبه روحها اغششها في كم سؤال

اما اذا كانت جاية الامتحان مو مبطله الكتااب لو تتدحن ما اغششها (( ههه يعني مو للهدرجة ساعات اغششهم في سؤال عليه درجة لو درجتين ))

 

 

Link to comment
Share on other sites

انا ما اغش ...

وما احب اغشش وايد...

بس مره في المنتصف وحده غشت من عندي ورقه كامله من غير ما ادري ...

وبعدين تقول لي مشكورة نقلت ورقه كامله من عندج ...

ونجحت ويابت علامه اوكي كله من تعبي ...

Link to comment
Share on other sites

بصراحه آنه اغش واغشش

 

بس ليش غشيت وغششت ؟؟

 

وش السبب؟؟

 

الحين جوفوا مادة الإجتماعيات عندنا هالكورس

 

نبي معلمة وحده تشرح لنا الدرس ماكو :wacko:

 

8معلمات يدخلون علينا لكورس واحد :dry:

 

وقبل الامتحان ابي ادرس شلون ماعرفت

 

على طريقه شرح اي معلمة

 

فقلت مالي الا الغش

 

وبالصدفة المعلمة الي تراقب غبية :as19:

 

وبعدين بعد ماصصحوا الأوراق يلومونا على الغش؟؟

مالعتقد لكم اي حق ان تلومونا

 

اول شي لازم تلومون نفسكم

8معلمات وين بنفهم شي احنا :ssm11:

 

 

بس في باقي المواد احياناً اتطرق للغش :sleep:

 

 

ويسلموا ع الموضوع الحلو :wub:

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
×
×
  • Create New...