المملكة في ذاتي Posted مايو 8, 2006 Report Share Posted مايو 8, 2006 مشكور اخوي علي الموضوع انا ان الي يتكلم بهذي الطريقة عن البحرين ماعاشر أهلها لان كل من عاشر اهلها يقول احسن مافي البحرين هو طيبت اهلها لان الناس ماتجي البحرين بس حق هذي السوالف في منهم من يجي لعمل أوزيارة الاقارب او للسياحة والي يقول انه البحرين كلها خراب يعني هو خراب وكل من يعاشره خراب وهذا شي مو معقول مع احترامي للكل بس البحرين في ذاتي Link to comment Share on other sites More sharing options...
الحمداني Posted مايو 9, 2006 Report Share Posted مايو 9, 2006 في بدايه الموضوع الكلام كان يوافق العنوان ولكن بعد بضعة اسطر اخذ الموضوع منحى اخر واغلبه كان كلام عنصري وطائفي بحت واني لاتعجب من عدم حذف الموضوع لما يشمل من كلام عنصري وطائفي وافكار خاطئة؟؟؟؟؟؟ * أن سكان البحرين عبارة عن أجانب من الهنود والايرانيين والأحباش!! الهنود والاحباش لم يكونوا قط من النسيج البحريني ولكن الايرانين منذ القدم كانوا ضمن النسيج البحريني وقد دللتي على قولك بان فارس كانت تحكم البحرين؟واعتقد بانهم سكنوا البحرين قبل العوائل التي ذكرتها في الموضوع وانتي مطالبه بالاعتذار عن كلامك العنصري. *وينتشر فيها المذهبين السني والشيعي..حيث كانت النسبة في السابق لصالح الشيعة..أما الآن ولله الحمد فان نسبة السنة تصل الى60% النقطه الثانيه الطائفيه واسلوبك الغريب في قول (ولله الحمد)؟؟؟ وهذا اعتذار ثاني مطالبه فيه لاخوانه الشيعه. *وذلك بعد تجنيس العديد من القبائل العربية وآخرها آل مرة. بكل صراحه لو انتي بحرينيه بمعنى الكلمه لما ترضين بان ياتي شخص لا بمت لهذه الارض بصله و يعطى الاوراق الحكوميه التي تثبت انه مواطن ولكن الشعب يعرف من هم المواطنون الحق. واخيرا يا اخت هوت اعتقد انك مستانسه بموضت البداوة الي طلعت في البحرين بس لعلمك البحرين فيها (عرب) وليس فيها بدو ومثل ماتقول النكتة بحريني ركب طيارة ولقى بدوي قاعد صوبه فقام البحريني قلب لسانه بدوي فقاله البدوي ماخبر فيه بدو في جزيرة خخخخخخخ Link to comment Share on other sites More sharing options...
بكاء الحنين Posted مايو 9, 2006 Report Share Posted مايو 9, 2006 للأسف جمع كبير من الناس ينظر للجزء المملوء من الكوب فقط ،، خل نقول هذا الجزء هو السلبيات .. ككل الناس دائماً ينظرون للسلبيات و السيئات .. و يبتعدون كل البعد عن الايجابيات .. و هذا موقف معاش يومياً ،، و لا خلاف عليه .. لكن من الجهة الثانية .. المجمعات اللي يقولون عنهم وينهـم ؟ كلهم على بعضهم يمكن 10 و منزهقين عليهم .. الكل عارف انه في مشروعات مستقبلية لمجمعات و مراكز تجارية .. لكن نتكلم عن الحاضر .. الشي الثاني البحرين موقعها جغرافي ،، و فيها خيرات نوعـاً ما ،، بس يعني ما اشوفها قد مثلاً السعودية و الإمارات .. ما اشوف اقتصادها ذاك الزود .. لكن لا يخفى طبعاً الخطط الموضوعة تحت شعار "تحت التنفيذ" .. و نشوفها مليانة من الانجليز لأنهم في بلدهم ياخذون عليهم ضريبة حتى على الهواء اللي يشمونه ان صح التعبير .. و الفنادق حدث و لا حرج !! خمر في زمر في قلة أدب ،، مع احترامي لمرتاديها للمصالح النافعة .. البحرين بحاجة لعمالة .. نعم .. لكن من الاساس المفروض تشغل عمالة اولاد وطنها الأصليين اول ،، و في المرتبة الثانية الأفراد من ذوي الجنسيات المختلفة .. البحرين مو محليها غير التجنيس و الواسطات ،، يعني ما اشوف الجوازات حصلوها مستحقينها فقط !! الا كل من هب و دب و قعد يومين في البحرين ما يعرف و لا شارع و لا لفة فيها الا و حصل الجواز !! الحقيقة مرّة و الواقع شين ،، لكن الحق حق ،، و لو بعد حين .. شكري الجزيل على هذا الموضوع ..، و مسامحة على الانفعال Link to comment Share on other sites More sharing options...
أوان الورد Posted مايو 9, 2006 Report Share Posted مايو 9, 2006 للأسف هذه نظرة الغالبية من أخوانا الخلييجين موبس للبحرين حتى سمعة البنت البحرينية أشوهت البحرين فيها البارات والمراقص مثل دبي وقطر فيها هذه السوالف بس ليش القطريات والأماراتيات ماينظروون لهم مثل النظرة اللى ينظرونها للبحرينات وأن هم متحررات وكل شى عندهم عادى وبنسبة للهنود والأحباش مالنا شغل فيهم لكن أخوانا العجم منه وفينا والسنة والشيعة أخوان وأهم شي ان هم بحريينين السؤال الأهم ليش سمعة البحرينيات تشوهت هل بسبب الفنادق والسوالف اللي يصير فيها ماأعتقد اللي يصير فيها Link to comment Share on other sites More sharing options...
hamoodeez Posted مايو 9, 2006 Report Share Posted مايو 9, 2006 انا اقوول الحمدلله اني انولدت في البحرين واني عايش في البحرين لأنها دولة آمنة .. ودولة متنوعة دولة ديمراطية فيها الحرية الشخصية فيها كل شيء .. وكل واحد يقدر يسوي الي يبغيه ولو البحرين مب دولة الراحة و الامان .. جان ما تركوا ديرتهم وقعدوا عندنا البحرين بالنسبة افضل دولة خليجية وحتى بالنسبة للدول العربية فاهيا منافسة تحياتي حمبووف ويقدر يرووح اي مكان و اهو مرتاح نفسيا Link to comment Share on other sites More sharing options...
علاية Posted مايو 9, 2006 Report Share Posted مايو 9, 2006 (edited) الأعضاء كفو ووفو بردودهم عن الموضوع لما تكلموا عن العنوان انه مايناسب الموضوع هذا شئ، والبعض قال ان فيه طائفية وتحيز ، مع اني ماشوف فيه شئ مجرد راي ولازم نحترمه!! وبالنسبة للعنوان فعلا الديرة صايرة مجرد فنادق ومجمعات، بس هذا البرنامج يكثر بالذات بالصيف. لان من له بارض يروح حدايق اوغيره بهل الرطوبة" عموما الأفراد تطرقوا لهل البرامج بالذات الا وهي ارتياد الفنادق والكوفي شوب والمجمعات وغيرها، لانها الأشياء اللي منتشرة واضافة الى ذلك مافي اماكن ثانية صراحة بس لاتنسون ايام الربيع موسم البر وارتياد النوادي والكرنيش وغيرها يعني في برامج أخرى بس قلة ومحصورة،،انا احس انه برغم قله الأماكن الاا انه ديرتنا حلوة بناسها وطيبتهم ولمتهم.. ومع ذلك ترا احنا مستانسين وبخير وبرغم قله الأماكن السياحية الاا انه هناك مشاريع قيد الأنشاء وتبشر بالخير وان شاء الله الملل يروح عنا.. وبالنسبة للموضوع البعض ياب سيرة بنات البحرين والأجانب اللي هني والعوايل مادري احس ان الموضوع متفرع وفي اكثر من فكرة...!! بالنهاية البحرين مهما صارت بذكركم انها مجرد فنادق ومجمعات وبناتها مادري شفيهم و الاا انها ديرتنا ديرة الطيبين ديرة الناس اللي ترحب بالغريب وتحسسه انه بديرته الثانية. لاتنسون هالشئ والحمد الله ديرتنا احسن من باقي الدير اختكم علاية Edited مايو 9, 2006 by علاية Link to comment Share on other sites More sharing options...
الإماراتيه العيناويه Posted مايو 12, 2006 Report Share Posted مايو 12, 2006 السلام عليكم اخوي صحيح انا ما زرت البحرين بس اعرف وايد ناس من البحرين وهم وايد طيبين والبحرين معروفه بطيبة اهلها و ذوقهم وسمعت وايد ناس يتكلمون عن جمال هالبلد واهل البحرين ناس مثقفين و متطورين و متحضرين يعني بصراحه اتمنى ازورها لاني من الناس يلي تعشق البحرين و اهلها و السموحه على القصور لاني لو شو ما قلت قليل في حق البحرين Link to comment Share on other sites More sharing options...
يا عمري Posted مايو 12, 2006 Report Share Posted مايو 12, 2006 مرحبــا الموضوع مشتت ، إلا إنني فهمت المقصد منه .. نعمـ هذه هي الحقيقة ، البحرين أصبحت (فنادق×مجمعات) .. و السبب توفيــر الراحة التامة لمثل هالناس .. فنادق ، ديسكوهات ، خمور و إلخ.. المغريات اللي في الفنادق أغلبها غيـر (بحرينية) ،، و لأن أصحاب الفنادق موفرين للسياح و الزوار أو حتى المقيمين الأشياء اللي تريحهم .. عشان جذي يتمادون .. طبعـاً إهمه يـلعبون و إحنا البحرينين نطيح فها .. لأن اللي بره سواءً عرب و إلا أجانب بياخذون فكرة غلط عننا إحنا أهل البلد .. واللي يقول أو يمسنا بشي غلط و اهوه مايدري فهذا إنسان مجــــرب (كل من يرى الناس بعين طبعه) .. والله يسامحهم .. شكرا لك .. Link to comment Share on other sites More sharing options...
نبض المشاعر Posted مايو 12, 2006 Report Share Posted مايو 12, 2006 السلام عليكم ورحمة الله وبركاته،, فالبداية حبيت أقولكم اني كنت غايب عن المنتدى لأكثر من شهر ونص, وكنت اظن ان البريد راح يكون ممتلأ بالرسايل , يعني توقعت انكم راح تسألون عني, لكن وللأسف خاب ظني, ولا رسالة, يعني وجودي والعدم واحد.. يالله شنقول بس,, المهم هذاني رجعت لكم بعد الغيبة الطويلة, بسبب ظروف امنعتي من التواصل معاكم.. نرجع حق موضوعنا اللي انا حاب اتكلم فيه, الموضوع متشعب ووايد متداخل في بعض, يعني لو بغيت ألخص الموضوع جان لخصته في ثلاث مواضيع.. انا باتكلم عن الموضوع اللي انكتب تحت عنوان: هل البحرين مجرد فنادق ومجمعات؟ لو نروح لشارع المعارض, ولا العاصمة بشكل عام, راح تلاحظون فنادق في كل مكان حتى داخل الفرجان راح تحصلون فندق وماشابه, المشكلة مب العيب في الفنادق, خلهم يسوون فنادق, يعني السياح وين بقعدون, فبيوت اسكان مثلا, المشكلة شوفوا شقاعد يصير داخل هذه الفنادق, بارات, دعارة, خمر وفساد ماله اول ولا تالي .. للأسف محد قاعد يمنع هالأشيه اللي قاعده تصير, كل واحد حاط ريل على ريل ويتطمش, واخوانه في مجلس النواب ولا قاعدين يسوون شي, من اول جلسة لهم ولآخر جلسة ماراح يسوون شي, غير الهواش والتفلسف ماعندهم شي, " يقولون مالا يفعلون " الشي الثاني, وانا اللي وايد منقهر منه, سمعة بنات البحرين , وللأسف الخليج ماخذين فكرة سيئة عن بنات البحرين, لكن تدرون السبب لأول والأخير اهما البنات نفسهم, انا ماتهجم على بنات ديرتي, بس للأسف فئة قليلة من هالبنات خربوا سمعة الديرة بكبرها , يعني شوفوا شقاعدين يسوون, شوفوا شقاعدين يلبسون, الواحد مايعرف اذا اهي بحرينية مسلمة ولا اجنبية, شالوا الحية, والله ما اجذب عليكم ساعات أشوف بنات مرفعين صوت الأغاني حدها وقاعدين يترقصون فالسيارة, يعني الخليجين شتبون ياخذون فكرة عن بنات البحرين, اهما ماراح يفكرون ويقولون هذي فئة قليلة وان بنات البحرين اصلن مب جذي, راح يشوفون الظاهر , وعلى قولة المثل " الخير يخص والشر يعم" ملاحظة : انا قاعد اتكلم عن فئة قليلة من بنات البحرين, بالعكس, بنات البحرين رايتهم بيضة, وانا اذا بغيت اتزوج راح اتزوج بحرينية أبا عن جد, مالي غنى عن بنات ديرتي بس المشكلة هالفئة قاعده تخرب على سمعة خواتنا , ولازم نمنعم وننصحهم , لازم ما نسكت , وغيرتي على بنات ديرتي مثل غيرتي على اختي, وارجو من البنات انهم يثبتون ان بنات البحرين مب جذي, ولازم يعدلون صورتهم .. قلبي يتقطع لما اشوف اشيه مثل جذي, وقلبي يتقطع لما احد يتكلم عن بنات البحرين وسامحوني اذا تهجمت على البنات, بس انا اعيد واكرر انا قاعد اتكلم عن فئة قليلة من البنات .. وسامحوني اذا طولت عليكم , وعذروني اذا قسيت على البنات, اطلب منكم السموحة, بس انا قلت الواقع والحق ينقال اخوكم : نبض المشاعر Link to comment Share on other sites More sharing options...
~ جفا الأشواق ~! Posted مايو 12, 2006 Report Share Posted مايو 12, 2006 اختي موضوعج متفرع و متطرف !! مثل ماقالوا فيه تشتت .. و تداخل بعض الشيئ .. وعجبني رد اخوي الحمداني كان يعبر عن رأيي .. Link to comment Share on other sites More sharing options...
Recommended Posts