بنوتة المنتدى Posted مايو 28, 2006 Report Share Posted مايو 28, 2006 اهلين اليووم راح انزل لكم قصة مطرشينه لي اي منقوولة رااح انزله على جزئين او ثلاثة للأن موو واااجد طويلة وان شاءالله تعجبكم قصة أستاذ الخيانة * قصــــــــــــة : عبدالله محمد النـــــــــــاصر * المكـــــــان : دولـــــة الكــــــــــويــــــــــت * الزمــــــــان : ســــــــــــــنــــــــــــــــة 2000 * الشخصيات : مشاري ، أحمد، روان ، رتاج مشاري شاب عمره 22 موظف في احد الشركات يحب شي اسمه مظاهر وطلعات ودوانيات وبنات ... يوم من الايام قال حق رفيجه أحمد الليلة الساعة 9 بنطلع ستار بكس نشرب قهوة انا معاك لان اليوم جمعة والناس كلهم طالعين أحمد قاله اوكي صار .......... مشاري وأحمد راحوا ستار بكس اقعدوا عالطاولة يشربون قهوة وطايحيله سوالف وحش باللي رايح واللي راد .......... روان ورتاج بنتين شحلاتهم يعرفون بعض من ايام الطفولة وروان الحين ثاني سنة لها في كلية الاداب ورتاج معاها بنفس الكلية ثاني سنة بعد قرروا انهم يروحون ستار بكس ولما ادخلوا ستار بكس اقعدوا عالطاوله وقاعدين يسولفون مشاري من اول ماشافهم داخلين ستار بكس لما اقعدوا واهوا متنح على روان أحمد لاحظ على مشاري انه سرحان قاله شفيك ؟ مشاري قال ها شنو شتقول ؟ أحمد قاله شفيك شفيك متنح ؟ مشاري قال شوف هالبنت اللي قاعده هناك شوف شحلاتها أحمد قال اوكي البنت شحلاتها الله يخليها حق اهلها انت شكو فيها ؟ مشاري قال شنو شكو فيها ؟ انا ابيها ابيها شوف شوف شحلاتها تعور القلب أحمد قال تبيها وتعور القلب ؟ شي غريب العاده انت تتعرف على بنت وتذلها ذل لكن هذي شكلك ذبت ذبت فيها مشاري قال تبي الصراحة إي والله أحس إنس منجذب لها وايد أحمد قاله دام عاجبتك ومنجذب لها على قولتك يالله روح كلمها وقولها عن مشاعرك يا بو المشاعر مشاري قال هذي مبين عليها غير عن البنات وخوفي لو رحت اكلمها تحقرني فلازم افكر بطريقة ثانية أحمد قال لا تفكر ولا شي اشرب قهوتك وخلنا نمشي مشاري قال لالا ما امشي واخليها انا لازم اعرف بيتهم أحمد قاله من صجك انت ؟ شتبي ببيتهم ؟ مشاري قاله بعدين تعرف رتاج قاعده تسولف مع روان ولاحظت ان مشاري متنح بروان ويخزها خز فقالت حق روان شوفي الصبي اللي قاعد بالطاوله اللي هناك طايحله خز فيج روان قالت ادري ملاحظته بس مالنا شغل فيه رتاج قالت مالت عليج شوفي شحلاته روان قالتلها قومي خلينا نطلع احسن رتاج وروان اطلعوا من ستار بكس واركبوا السيارة مشاري قال حق أحمد يالله قوم قوم خلنا نلحقهم واركبوا السيارة وقاعدين يلحقونهم بس من غير لا تحس روان ولا رتاج بالطريج رتاج قالت حق روان بذمتج شرايج بالولد اللي يخزج ؟ روان قالت مممممم حلو وايد رتاج قالت دامه حلو وايد ليش ما ابتسمتيله ؟ روان قالت لالا ماحب هالسوالف رتاج قالتلها واللي يرحم والديج سوقي بس سوقي روان اضحكت وقالتها خلاص ولا يهمج المره اليايه اي واحد يخزني على طول ابتسملها رتاج قالتلها تطنزين مع الويه روان اضحكت وقالت يا حلوج يا رتوووجه يا أحلى رفيجة بهالدنيا طبعا مشاري وأحمد بالسيارة منهمكين بالمراقبة روان وصلت رتاج وبعدين راحت بيتهم مشاري قال حق أحمد شوف شوف هذا بيتها صدناه أحمد قاله الحين انت عرفت بيتها شبتسوي الحين تراك دوختني مشاري قاله بكتبلها بورقة وبحطها عند باب سيارتها عشان محد يلاحظ أحمد قاله من صجك انت ؟ مشاري قال اي من صجي ماكو الا هالطريقه واللي يصير يصير أحمد قاله اوكي شنو بتكتب ؟ مشاري قال بكتبلها جم كلمة وبحط ايميلي عشان تتقبلني اكثر لان في بعض البنات يستحون من التلفون فالايميل كبداية اضمن أحمد قاله اي خوش فكره مشاري خذاله ورقة وكتب فيها (( السلام عليكم ... شلونج يا احلى بنوتة شفتها بحياتي بصراحة آنا معجب فيج وايد وايد وايد فوق ما تتصورين وحبيت اكون معاج علاقة ان شاء الله تتسم بالحلال وصدقيني نيتي صافية وشريفة ولو ما ابيج وشاريج جان ما شفتيني مراقبج وكاتبلج هالرسالة واتمنى تفهميني وما تتجاهليني وادري ان ودج تعرفين منو انا ؟ ان شاءالله تعجبكم ولاتبخلوون علي بردودكم الحلوة اني جم مرة انزل بس ماتعجبكم او ماتردوون ليش تكسرون بخااطري صرت ماادش هالقسم للأن مافي احد يشجع ان شاءالله تعجبكم ولاتفهموون كلامي بالغلط تحياااتي سي يوووو Quote Link to comment Share on other sites More sharing options...
Sea Melody Posted مايو 28, 2006 Report Share Posted مايو 28, 2006 افا عليج يا اختي, يلا عيل نزلي باقي القصة و لا يهمج. بإنتظار البقية Quote Link to comment Share on other sites More sharing options...
بنوتة المنتدى Posted مايو 28, 2006 Author Report Share Posted مايو 28, 2006 شكرا لج حبيبتي ع الرد الحلو مثلج ولايهمج رااح انزل البااقي بس ماابغي منكم الا تفااعل Quote Link to comment Share on other sites More sharing options...
اّلام الواقع Posted مايو 28, 2006 Report Share Posted مايو 28, 2006 قصه حلووووه اتمنى تنزلين الباقي في الانتظار Quote Link to comment Share on other sites More sharing options...
دانة الكويت Posted مايو 28, 2006 Report Share Posted مايو 28, 2006 القصه واايد حلوه واحنه بنتظار البقيه بس لاتتأخريين وايد Quote Link to comment Share on other sites More sharing options...
بنوتة المنتدى Posted مايو 28, 2006 Author Report Share Posted مايو 28, 2006 شكر لج اختي آلام الوقائع ع الرد وان شاءالله رااح انزل البااقي وشكر لج اختي داانة الكويت وماراح اتأخر والحين بنزل الجزء الثااني والمتبقي Quote Link to comment Share on other sites More sharing options...
دلوعة زماني Posted مايو 28, 2006 Report Share Posted مايو 28, 2006 تسلمين على القصة وننتظر التكملة Quote Link to comment Share on other sites More sharing options...
بنوتة المنتدى Posted مايو 28, 2006 Author Report Share Posted مايو 28, 2006 وهاذي تكملة القصة انا اللي بستار بكس اللي قاعد بالطاوله اللي جدامكم اللي لابس تيشيرت اسود الي قاعد يخزج طول الوقت اتمنا عرفتيني وهذا ايميلي <_____> واتمنا تضيفيني عشان اقولج مشاعري تجاهج وسامحيني على جرإتي (( اسمي مشاري وبعدين نزل من السيارة وراح لزق الورقة على باب سيارتها وركب سيارته ووصل أحمد ورد بيتهم .......... الصبح طلعت روان من بيتهم تبي تروح الجامعة ولاحظت ورقة على باب سيارتها افتحتها وشافت المكتوب فيها واستغربت وبنفس الوقت استانست لما عرفت ان الولد اللي يخزها اهو صاحب الرسالة خشت الورقة عندها وراحت الكلية واهي وايد مستانسة رفيجتها رتاج شافتها مستانسة وايد قالتلها أشفيج مستانسة اليوم ؟ روان قالت لو اقولج ما تصدقين رتاج قالت قولي قولي ونسيني معاج عالصبح روان قالت شفتي الولد اللي يخزني امس بليل بستار بكس رتاج قالت اي اي شفيه ؟ روان قالت هالولد اسمه مشاري وكاتبلي رساله ولازقها على باب سيارتي رتاج قالت حلفي ؟ روان قالت اي والله رتاج قالت يه يه يه من قدج من قدج شفتي لما اقولج الولد متنح فيج ويبيج بس ما تصدقيني روان قالت الولد مبين عليه خوش واحد لان ما كتب رقم تلفونه كتب ايميله واليوم بضيفه وبشوف شقصته رتاج قالت اي اي شوفي شسالفته وقوليلي شصير معاج اول بأول روان قالت اوكي تامرين امر .......... ردت روان البيت غيرت ملابسها وتغدت وارتاحت شوي وبعدين ادخلت ايميلها وضافت مشاري مشاري حزتها كان شابك ولما عرف ان اللي ضايفته البنت اللي كان يلحقها استانس وايد وقاعد يسولف معاها وبين لها انه معجب فيها وايد وبحياته ماشاف مثل جمالها وحيائها وعرف ان اسمها روان وانها تدرس بكلية الاداب ثاني سنة واهي عرفت انه اسمه مشاري وانه موظف في احد الشركات ودار بينهم الحديث الشيق مشاري قالها انه انسان جاد وما يلعب ويتمنى ان تتكون علاقة بينهم تتسم بالزواج مستقبلا روان استانست من هالكلام وقالت انشالله ما اشوف منك الا كل خير ومبين عليك خوش ولد .......... روان كانت تقول حق رفيجتها رتاج اللي يصير بينها وبين مشاري اول بأول ومشاري كان يقول حق أحمد اللي يصير بينه وبين روان أول بأول واستمرت علاقتهم بالنت لمدة 4 أشهر متواصلة .......... روان دخل قلبها مشاري وحبته لأن كان انسان طيب وخلوق وكلامه وايد حلو ويشوق وكان يعاملها احسن معامله وكل واحد صارح بحبه للثاني والحب دخل قلوبهم ومع الايام طلب مشاري من روان انه يكلمها بالتلفون روان بالبداية ارفضت لانها تستحي وايد وقالت خلنا بالنت احسن مشاري اقنعها وضغط عليها بكلامه الحلو وقالها انا يا روان احبج وايد واموت فيج وانا مابيج حق اليوم وباجر وعقبه وبس لالا انا ابيج العمر كله ابيج تكونين لي انا وبس وشي حلو انج تستحين لاكن روان معقوله تستحين من حبيبج وترفضينله هالطلب ؟ روان استسلمت للامر الواقع ورضت انها تكلم مشاري بالتلفون ولا تشوفه زعلان روان عطت مشاري رقم تلفونها وعلاقتهم صارت اقوى بالتلفون مشاري باستمرار يتطمن على حبيبته روان ويسأل عنها ويعرف اخر اخبارها وروان وايد مستانسه من مشاري وحبته لي درجة الجنون .......... اتمنى تعجبكم ولكن بعد ابغي تفااعل اكثر راااح اكمله بكرة Quote Link to comment Share on other sites More sharing options...
دانة الكويت Posted مايو 28, 2006 Report Share Posted مايو 28, 2006 ننتظر التكمله Quote Link to comment Share on other sites More sharing options...
عيون الصداقه Posted مايو 28, 2006 Report Share Posted مايو 28, 2006 مشكوره على القصه و كملي القصه بسرعه شوكتينه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.