احلى ساره Posted أغسطس 11, 2006 Report Share Posted أغسطس 11, 2006 يسلموووو ناطره البارت الياي على نار Quote Link to comment Share on other sites More sharing options...
فديتوني Posted أغسطس 11, 2006 Author Report Share Posted أغسطس 11, 2006 تسلمون حبايب قلبي وهذا هو البارت التاسع (( الجــــزء التــــاســع )) في المستشفى عند الممرضات ام شوق : يعني مابترخصونها الممرضه : اختي قلنا لج لي ماتيي دكتورتها وهي تكت الرخصه احنا مابيدنا شي ام شوق بعصبيه : افففففففف يعني البنت يوم تحسنت حالتها وقالت تبي تطلع ماتبون ترخضونها الممرضه : صبري اختي عقب ساعه بتيي دكتورتها تطالع اورقها وتتطمن على حالتها وتقول لكم اذا تقدر ترخصها او لا ام شوق وهي تتكلم ونفسها بطرف خشمها : والدكتوره وين رايحه هالحزه الممرضه : لاتنسين اختي ان هذي دكتوره ومو بس بنت مريضه هي تعالج اكثر من شخص يعني مو بس بنتج عندها وعندها عمليات وحالات تعور القلب اكثر من حالة بنتج ام شوق بدت تعلي صوتها : يعني شقصدت بحالات تعور القلب بنتي حالتها تعور القلب سمعيني ترى بنتي احسن منج الممرضه تتفادى الموقف : المهم اختي انا عندي شغل وانتي انتظري الدكتوره هني او في غرفه شوق ومشت عنها راحت تخلص شغلها الظهر عند عبدالله والشباب سلطان : عبدالله شسويت عن وصية سلمان عبدالله تغير مزاجه : مادري احمد يبي يغير السالفه : متى الامتحانات؟؟ عبدالله : عقب اسبوعين الله يعينا سلطان : اسمع من يتحجى انت اول واحد تستكت عبدالله : ليش ان شاء الله شايفني نابغه والا عبقري سلطان: خخخخخخخخ ع الاقل انت ناجح في الكوزات اما انا ولا كويز ناجح فيه احمد : هذي من غبائك سلطان : لو سمحت اخ احمد جنك غلطت عبدالله : اي احمدو سلطانو مو غبي بس مايدرس والا اهو شاطر بس يبيله دراسه سلطان وهو يعدل قعدته يقعد قعدت غرور : سمعت شقال مو انت ياحظي ماتعرف تقول كلمه حلوه احمد : يعني عاد افهم ادرس عشان تنجح سلطان : عاد الي يقول انت كلش مو جنك طول الوقت ترسم (( وطرت على باله سالفه فارسه احلامه )) الا اقول احمدو راوني فارسه احلامك احمد : وانت شدخلك فارسه احلامي والا احلامك ينقز سلطان ياخذ الدفتر مال احمد احمد وهو ماسك دفتره : شبتسوي سلطان : عاد احمدو بشوفها عبدالله : صج يوم قالك غبي الحين انت مصدق انه يرسم فارسه احلامه احمد : ههههههههههه عشان لي قلت لك تصدق سلطان : اي احمدو رسام ماهر مو غريبه عليه هذي الشي عبدالله : ويهك ... قومي بس نروح بيوتنا احمد : افـــا مليت من قعدتنا عبدالله : انتو قعدتكم ماتنمل بس هواشكم ينمل منه (( ويطلع لسانه حق احمد )) سلطان : صج ياهل وقامو الشباب وراحو بيتهم بعد ساعتين في المستشفى الدكتوره كانت عند الريسبشن تعطي الممرضه بعض الاوراق الممرضه : دكتوره ترى ام شوق تبي رخصه حق بنتها ومعصبه وقلبت المستشفى على راسها عشان هالرخصه الدكتوره : بس شوق للحين ماتحسنت حالتها نهائيا يمكن في اي وقت ترجع لها الحاله الممرضه : انا قلت لها هالكلام بس اهي مو راضيه تقتنع تقول محد بيزيد حالت بنتي غيركم الدكتوره : لاحول ولا قوة الا بالله انا بروح اشوفها الحين الممرضه : اوكي مشت الدكتوره وراحت لغرفه شوق طقت الباب ودخلت الدكتوره : مساء الخير شوق وهي تعدل يلستها على السرير : مساء النور الدكتوره : شخبارج شوق الحين ان شاء الله احسن شوق تبتسم ابتسامه حلوه : بخير الحمدلله الدكتوره بمزح : يوقلون مليتي منا تبين تطلعين شوق بحزن : في احد مايمل من المستشفى الدكتوره : لا ان شاء الله اسبوع بعد وبنرخصج شوق بطلت عيونها : اسبوووع وااايد الدكتوره : ماتبينا نتطمن عليج ولاتنسين انتي حامل شوق تذكرت الي في بطنها حطت يدها على بطنها : الله يعيني الدكتوره ابتسمت لها عشان تشيل الحزن الي انرسم على ويها الدكتوره : المفروض تفرحين ان بييج ياهل ينسيج حياتج شوق : انا مستانسه بس في شي واحد الدكتوره : شنو حست شوق ان ودها تفتح قلبها حق هالانسانه ارتاحت لها شوق وعلامه الحزن انطبعت على ويها مره ثانيه : بس امي ماتدري وان درت يمكن تذبحني وتذبح هالمسكين (( وتاشر على بطنها )) الدكتوره : مافي ام بتسوي جذي اكيد بتعصب بالبدايه بس بعدين بتفرح لفرحتج تنهدت شوق : ماتعرفين امي شكثر عصبيه الدكتوره : بس انتي ماشفتيها شكثر تتعب وتحزن لي تعبتي انتي شوق : الله كريم الدكتوره : الله يعينج واذا تبيني اقولها وافهمها تراني حاضره ابتسمت شوق ابتسامه شكر : مشكوره الدكتوره : ولو هذا واجبي ... يالله شوق انا بروح اشوف باقي المرضه وانتي اكلي زين شوق : ان شاء الله العصر في بيت بو عبدالله رن الجرس الخدامه : منو ؟؟ شهد : ياعلج بطلي الباب انا شهد نقعتيني برع الخدامه تفتح الباب تطالعها شهد بعصبيه .. ومشت عنها كانت ام عبدالله بالصاله ام عبدالله : من عند الباب ميري شهد : هذي انا خالتي وتروح تسلم على خالتها ام عبدالله : شخبارج شهد شهد : بخير الحمدلله خالتي ام عبدالله : وين امج ليش مانزلت شهد : راحت حق يدتي تدرين خدامتها راحت الحين محد عندها ام عبدالله : اي والله اليوم راحت خدامة امي عيل بقول حق عبدالله يوديني شهد عفست ويها من طرو لها عبدالله ((في قلبها )) : ياثقله هالانسان شهد : اوكي خالتي انا بروح حق عنود ام عبدالله : الله معاج بنتي في غرفه عنود شهد تطق الباب عنود في وسط اوراق وكتب وقلامه وعفسه : دشو الباب مبطل شهد بطلت الباب حطت يدها على حلجها : عنودو شنو هذي عنود : يعني شنو اوراق الانس والاجا وتعبير العرب شهد : افففففف ياكرهي لهالمواد << كل شي ياكرهها مادري شتحب عنود : مابقى شي ونتخرج وتعرسين شهد : عنودو لا تلوعين جبدي يايه ادرس انا عنود : والله انج ماتستاهلينه شهد : بتعيدين لي هالاسطوانه بتصل حق امي وبرد بيتنا عنود : امشي انزين خلني اشرحلج لاتنفخين راسي وقعدت عنود تشرح حق شهد في بيت حسن حسن : منصور منصور منمدج يطالع المسلسل : هلا حسن : شفت الي قلتي لي عنهم منصور : منهم ؟ حسن : الي في القهوه منصور يعدل يلسته : اي اي العصابه حسن : عليك نور منصور : شفيهم حسن :باجر بيصير الاجتماع عشان نعرف شلون بنقتحمهم منصور : اها وتوك تقولي حسن : انت وياي اربعه وعشرين ساعه يعني في اي وقت بقولك منصور : بس هذي شغل حسن : خلاص انت عرفت الحين منصور : اوكي حسن : وبعد في شي ثاني منصور : شنو حسن : انا ابي ... ويقطع سالفه حسن صوت الجرس نرجع لشهد والعنود عنود : فهمتي هذي شهد وهي تلعب في قذلتها : اي عنود : عيل بعطيج مسأله وحليها عشان تفمين اكثر شهد : عنودو ليكون صدقتي انج معلمه عنود : هاي الي ماتستحي على ويها بصفقها بالكتاب شهد : خخخخخخخخخخ اتحداج عنود : انكمي وقعدي حلي هالمسأله لا الحين ماعلمج شي واخليج تروحين الامتحان وانتي مو فاهمه شي شهد : الله يخلي المعاهد عنود : اشوفج هديتي المعاهد ويتي اشرح لج شهد : يعني بتذليني عنود تعطيها الورقه : هاج هاج حلي وانتي ساكته خذت شهد الورقه وقعدت تحل فيها عنود انا بروح اسوي عصير وبايي شهد : اوكو غرفه عبدالله فتح عبدالله عيونه عبدالله : آآآآآآي راسي يعورني وراح يدور بندول في السده وماحصل عبدالله : ياربي وين اختفى هذي بعد اكيد عند عنودو وطلع من غرفته حالته حاله عيونه حمره ومن تحت صاير اسود متعود يفتح باب غرفه عنود من غير لايستأذن هالوقت لانها فاضيه وهالايام تدرس فتح عبدالله الباب عبدالله وموقادر يفتح عيونه عدل من الالم : عنودو وين وديتي البندول ؟؟ عبدالله فتح عيونه عدل : اووه شهد اسف وطلع وصك الباب وراه شهد استغربت (( في خاطرها )) : شفي عبدالله جذي وقعدت تفكر وماحلت المساله يات عنود هاج يودي شربي شهد سرحانه عنود تهز شهد : شهود شفيج شهد : ها ولا شي (( وتاخذ القلاص من يدها )) عنود : اشوف حليتي المسأله شهد مرتبكه : ها اي لالالا عنود : شهود شفيج شهد : مافيني شي سلامت عمرج عنود : اي طل شهد : عنودو قلت لج مافيني شي عنود : زين لاتصرخين امشي ندرس ابرك ورجعو يدرسون بس شهد بالها مو معاها في فضول تبي تعرف عبداله شفيه <<<< يتبع الجزء الياي Quote Link to comment Share on other sites More sharing options...
الريــم Posted أغسطس 11, 2006 Report Share Posted أغسطس 11, 2006 تسلمين بس قصير هالبارت ننتظر الباقي... Quote Link to comment Share on other sites More sharing options...
moon83 Posted أغسطس 12, 2006 Report Share Posted أغسطس 12, 2006 يسلموووووووووو اختي على البارات بس لا تتاخرين علينا ننطرج Quote Link to comment Share on other sites More sharing options...
danat aldonya Posted أغسطس 12, 2006 Report Share Posted أغسطس 12, 2006 تسلمين على القصه وننتظر البارت الياي بفارغ الصبر Quote Link to comment Share on other sites More sharing options...
moon83 Posted أغسطس 13, 2006 Report Share Posted أغسطس 13, 2006 سلمت يمناج على القصه ننطرج Quote Link to comment Share on other sites More sharing options...
فديتوني Posted أغسطس 13, 2006 Author Report Share Posted أغسطس 13, 2006 (edited) [/font]ربي يسلمكم على مروركم يعطيكم ربي العافيه الحين بنزل لكم جزء ((الجـــــــزء العــــاشــــر)) في بيت بو عبدالله عنود : شهود شفيج صاخه غريبه شهد : قاعده احل المسأله ماتشوفين عنود : اشك شهد : عنودو شفيج قلت لج احل المسأله عنود : اوكي .. شهود تدرين ان عقب اسبوع خطوبه ريم وعلي (( شهد وهي تعدل يلستها )) شهد : صج يحليلها ريموو بتعرس عنود : ههههههههههه الي يقول انتي غير بتخرجين مني وبتعرسين من الصوب الثاني شهد : بايخه عنود : خخخخخخخ يازعم تستحين شهد : عنود من فضلج سكتي عنود : اوكي سكتي خلني ادرس شهد يرن تلفونها شهد تطالع الرقم : اوووه امي وصلت يالله سي يو عنود : ههههههه بايات سلمي على خالتي ونزلت شهد راحت بيتهم يــــوم ثــــاني في مكتب الاجتماعات حسن : هذي اهي الخطه الوحيده الي نضمن ان مايكون ضحايا فيها ...: بس اكيد هم بيكونون مسلحين حسن : لا انا ما اعتقد بس اكيد احنه بناخذ الحذر وبنشيل الاسلحه ...: ومن متى راح نبدي نراقبهم حسن : من هذا الاسبوع راح تكون دوريات تراقبهم وخلص الاجتماع منصور : حسن انت متاكد من خطتك هذي حسن : اي وهذا احسن حل منصور : بس انا خايف حسن : وشنو الي مخوفك هذي مو اول مره نقبض على عصابه بهالشكل منصور : بس هالمره انا خايف حسن : والله ماهقيتك جذي يامنصور منصور : اوكي انا بطلع بروح مكتبي بخلص شغلي ونتكلم في الموضوع بعدين حسن : بحفظ الرحمن وطلع منصور عن حسن وكان وااايد خايف من هالشي بعـــد اسبـــوع طبعا طاف هالاسبوع بسرعه ومن غير لا يصير فيه شي شهد كانت لاهيه بامتحاناتها بس بعد كان تفكيرها بعبدالله وجم مره تسال عنود عن عبدالله بس عنود ماتاخذ الموضوع بجديه شووق طاااف عليها هالاسبوع بطيئ لانها ملت من المستشفى وتبي تطلع باسرع وقت وحالتها كانت تمام بس الدكتوره قالت يمكن ترجع لها الحاله اذا عصبت او يالتها صدمه ثانيه الريم الي كانت مستانسه اكثر وحده لانها كانت تتجهز حق خطوبتها الي هي بعد يومين وعلي مو اقل منها وناسه بياخذ حبيبة قلبه الي كان يتمناها من يوم كانو صغار في بيت بو عبدالله عنود : يمه ماقدر اروووح السوق باجر علي امتحان ام عبدالله : بس انتي ماشريتي شي للحين عنود: مالقيتو احسن من هاليوم تخلونه خطوبتهم ع الاقل صبرو نخلص امتحانات ام عبدالله :بيت خالتج بيسافرون عشان جذي استعيلنه بالخطوبه عنود : يمه والله بصيح خطوبة اخوي وانا للحين ماشريت شي ام عبدالله : صارلج اسبوع وانتي تدرسين هدي كتابج شوي وتعالي اشتري لج شي عنود مبلطه عيونها : يمه انتي من صجج تبيني اهد كتابي عشان السوق ام عبدلله : كيفج انا بروح يالله مع السلامه عنود بيأس : بحفظ الرحمن في المستشفى شوق كانت تشيل اخر شي من اغراضها وبتودع الغرفه الي كانت تلقى طيف سلمان فيها ام شوق : شوق يمه خلاص شلتي كلشي شوق : ايه يمه خلاص بوشوق : عطيني بنتي اشيل عنج الشنطه شوق : لا خلها يبه مو ثقيله بوشوق : عطيني اياها بنتي ولا تصيرين نحيسه رفعت شوق الشنطه عشان تعطيها ابوها بوشوق : يالله مشينا شوق : تو كلنا على الله واخيــراً بشوف الدنيا تنهدت شوق آآآآآه شنو الدنيا بلا سلمان وطلعت من الغرفه وراحت للمرضه والدكتوره تودعهم لانه من قلب حبتهم ومو يوم ولا يومين كانت وياهم ثلاث شهور مرو على شوق مثل السم بس هانت والحمدلله عند باب المستشفى اول ماطلعو وقفت شوق اول ماظهرت تصنمت عند الباب كان الجو حلو والهوا كان شوي قوي طالعت شوق السماء كانها مشتاقه للدنيا الي برا المستشفى وسرحت شوق بأحلامها اول يوم خطبها سلمان شوق كانت تحب سلمان بجنون وسلمان يحبها اكثر بعد ماملجوا في الميلس عند شوق وسلمان سلمان : واخيــراً صرتي ملكي شواقي شوق كانت مستحيه سلمان : يالله على هالحيا احبج والله احبج شوق ابتسمت ابتسامه ذبحت قلب سلمان سلمان : شوق تحجي شفيج ساكته شوق : وانا احبك والله سلمان : زين شوق انا عازمج ع العشاء يصير تقومين تلبسين عشان نروح هزت شوق راسها بمعنى اي وتلبست ونزلت وكان سلمان ينتظرها بالسياره (( كان الهوا تقريبا نفس الهوا اليوم هو الي ذكر شوق بهالموقف )) نرجع للواقع عند شوق ام شوق : شوق يمه شفيج شوق انتبهت لامها : نعم يمه شفيج ام شوق خافت على بنتها : شفيج واقفه ماتبين تردين البيت شوق ابتسمت ابتسامه كئيبه : اكيد ابي ارد ومشت شوق مع امها للسياره وارحو البيت في بيت بو عبدالله في الصاله مع عبدالله عنود خلصت دراسه عنود وهي تحذف الكتاب: افففففففف مابغيت اخلص عبدالله : هههههههههه شفيج ينيتي عنود : والله اذا بين بين من هالدراسه عبدالله : خخخخخخخخخ احد قالج دشي علمي مسويه روحج كلش تستاهلين الي يالج عنود تطلع لسانها حق اخوها : محتر مني اصلا لاني اشطر منك عبدالله : هههههههههه ويهج عنود : اييييييييييي عبود عبدالله : عبود في عينج شفيج عنود : ودني السوق عبدالله : جوفي الساعه جم عنود : توها الساعه 7 عبدالله : الحين السوق زحمه عنود : عبودي عاد علشان خاطري ترضى اختك يوم خطوبة اخوها مو كاشخه عبدالله : يالعياره انتي يالله قومي لبسي بسرعه لا اهون عنود : ههههههههههه اوكي وراحت عنود تركض غرفتها عشان تلبس وتلحق على عبدالله لان عادي يخليها ويروح عنها اذا تأخرت في بيت شوق اول مادخلت شوق غرفتها طاحت عينها على صورة سلمان راحت على طول ضمتها لصدرها وقعدت تصيح من قلب دخلت عليها امها ام شوق : شوق طلبي له الرحمه شوق ودموعها متناثره على ويها : الله يرحمه ويغمد روحه الجنه ام شوق : امييين ياربي شوق وهي تمسح دموعها بظهر يدها : يمه شنو حياتي من غير سلمان ا م شوق : شوق يمه تعوذي من ابليس وقومي روحي تسبحي ورقدي انتي مارقدتي من امس شوق : اعوذ بالله من الشيطان وقامت شوق خذت اغراضها ودخلت تتسبح خلصت شوق من الحمام وطلعت في طلعتها حست بدوره ولاعت جبدها رجعت بسرعه الحمام ورجعت طلعت شوق : آآه ياربي الله يعيني على حالي افف بس لو تدري امي بتذبحني انا وهالياهل راحت شوق وقفت عند المنظره وقعدت تشوف بطنها الي من يوم لبست هالبيجامه بيت بطنها يعني صار بطن شوف فاضحها يبين عليها نها حامل بالمستشفى كانت تتفادى الوضع لانها طول الوقت منسدحه ومتغطيه اما الحين الوضع صار غير راحت شوق لكبتها وطلعت لها جلابيه كانت وااااسعه وايد بحيث ماتبرز بطنها ونسلت شعرها وتعطرت وراحت لسريرها و استسلمت للرقاد Edited أغسطس 13, 2006 by فديتوني Quote Link to comment Share on other sites More sharing options...
فديت لسمراني Posted أغسطس 14, 2006 Report Share Posted أغسطس 14, 2006 يسلموووووووووووو ع القصه Quote Link to comment Share on other sites More sharing options...
danat aldonya Posted أغسطس 14, 2006 Report Share Posted أغسطس 14, 2006 روعه البارت وننتظر الجديد Quote Link to comment Share on other sites More sharing options...
دايخه في دنيه بايخه Posted أغسطس 14, 2006 Report Share Posted أغسطس 14, 2006 يسلموووووو في انتظار البارت الياي على نار يسلمووو Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.