الايطــــــالــــــي Posted أغسطس 8, 2006 Report Share Posted أغسطس 8, 2006 السلام عليكم ورحمة الله وبركاتة,,, الوالدة توفت و هو اصابته كانت خفيفة .. وهذه الأبيات قالها للذين يواسونه يواسيني وانا الميت .. وحالي يجبر الدمعات تسيل من الذي فيني .. ويبكي وهو يواسيني وانا ابكي واتنهد .. وارسم بالحزن لوحات يجبروني عشان امشي .. ورجلي ما تمشيني قتلت رعايتي بيدي .. قتلت الحب والرحمات حرمت النفس من حقها .. وانا ابكيها وتبكيني وكنه حلم قدامي .. يقيدني من الصرخات ابي اصحى ولكني عجزت .. القى اللى يصحيني فداك القلب يايمه .. ومهما قلت من كلمات صغيره في كبر حقك .. بس اتمنى تعذريني نهبت الفرح من بيتي .. صحيح اني خسيس الذات صحيح اني ولد طايش .. وكل ما أسمعه فيني تجول عيونهم فيني .. تفصل مني قياسات وتشيح وجوههم عني .. وكني غيرت ديني يظنوا حزنهم اكبر .. وهم اصحاب هالمأساة وانا اتحدى اذا فيهم .. ربع ما يحترق فيني نقص قدري بعد موتك .. وغابت نشوة اللذات وصار الهم عكازي .. اباكيه ويباكيني عطيتيني بدون حساب .. ولا سمعتك تقولي هات وانا اشرب حيل من دمك .. ودمك ما يكفيني يايمه ارجعي كافي .. ابجلس معك لو لحظات واقبل ايدك ورجلك .. وافرش لك رمش عيني يايمه ما تحملهم يقولوا .. فات ما قد مات تعالي غيري هالقول .. واطيعك باقي سنيني واترك عادة التدخين .. وانفذ ما تبي بسكات واصلي الفجر في المسجد .. قبل منتي تصحيني يايمه ارجعي تكفين .. وطفي شمعة الآهات ابيك انتي ولا غيرك .. على موتك تعزيني وضميني وداويني .. مثل ما كانت الهقوات ما ابي احدن يواسيني .. ابيك انتي تواسيني دخيلك بس لا تبكي .. اذا شفتي بي الدمعات انا مقوى ابكيك .. اذا انتي تبكيني Quote Link to comment Share on other sites More sharing options...
~foofi~ Posted أغسطس 8, 2006 Report Share Posted أغسطس 8, 2006 باصيح... شل فايده عاد بيوقف التدخين عقب ما ماتت..الله يرحمها انشاالله.. ويساعده ... وحده عجبني هاي ابيك انتي ولا غيرك .. على موتك تعزيني Quote Link to comment Share on other sites More sharing options...
الايطــــــالــــــي Posted أغسطس 9, 2006 Author Report Share Posted أغسطس 9, 2006 ويرحم جميع المسلمين مشكورة ~foofi~ على مرورج Quote Link to comment Share on other sites More sharing options...
نسل الايواد Posted نوفمبر 9, 2006 Report Share Posted نوفمبر 9, 2006 الصراحه القصيده تعور القلب واااااااايد ذكرتني بأمي الله يرحمها Quote Link to comment Share on other sites More sharing options...
الشاعرة Posted نوفمبر 13, 2006 Report Share Posted نوفمبر 13, 2006 شكراً أخي على هذا النقل الرائع.. قصيدة معبرة.. وبها الكثيرة من العبر.. ولكنها لمن يعتبر!! Quote Link to comment Share on other sites More sharing options...
بنوتة المنتدى Posted نوفمبر 15, 2006 Report Share Posted نوفمبر 15, 2006 القصيدة وايد محزنة آآآآآآآه والله يعطيك العافية اخووي ع النقل الموفق B2D Quote Link to comment Share on other sites More sharing options...
dala3 al ba7rain Posted نوفمبر 27, 2006 Report Share Posted نوفمبر 27, 2006 تسلم اخوي على القصيدة الروعة بصراحه القصيده تصيييييييييييييييييييييييح الله يعطيك الف عاااااااافية Quote Link to comment Share on other sites More sharing options...
سمرة Posted نوفمبر 27, 2006 Report Share Posted نوفمبر 27, 2006 الله يرحمها وعن جد تبجي وكلماتها معبرة وكلمات بمعنى تعبر عن شعور الشخص ويعطيك الف الف عافية Quote Link to comment Share on other sites More sharing options...
~~pretty girl~~ Posted ديسمبر 14, 2006 Report Share Posted ديسمبر 14, 2006 خلاااااص صاااااحيت حدها تعور القلب يسلمو :( Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.