Jump to content
منتدى البحرين اليوم

ماعندنه بنات يسافرون بروحهم


Bounty

Recommended Posts

خوي اذا على الامان حتى الديرة مافيها امان

 

فهل راح نحرمهم حتى من الدراسه بالديره

 

بعدين الدول الاسلاميه وين راحت؟؟

 

واللي عندها ايمان بربها ما بتنحرف ولا بتجرها المعاصي

 

وبعدين اللي خايف على بنته ما يسفرها

 

<<

 

وبعدين مو كل التخصصات موجوده في البحرين أو يمكن بعضها موجوده لاكن مو بالجوده اللي الواحد يبيها

 

فالعبد من حقه يسعى صح او لا؟

 

 

 

Link to comment
Share on other sites

  • Replies 132
  • Created
  • Last Reply

Top Posters In This Topic

بسم الله الرحمن الرحيم

 

اهليـــــــــــــــــــــــــــــــــــــــــــ :happy::happy: ــــــــن

 

 

اهو ما فيها شي اذا البنت سافرت عشان تدرس

 

بس مو كل بنت سافرت بره قدرت تحافظ ع نفسها يعني اكو بنات وااااااايد

 

يسوون اشياء عمرهم ما سووها في ديرتهم و آنه اتكلم عن فئة معينه من البنات

 

ع سبيل المثال في وحده دزت sms للدكتورة فوزية دريع في برنامجها " سيرة الحب "

 

تقول إنها تعرفت ع واحد امريكي و حبته و اقامت معاه علاقة غير شرعية و حملت و بعدها لما حست بخطئها

 

طلبت من إنه يتزوجها , طبعاً الدكتورة انصدمت و قالت لها شلون تتزوجينه و اهو مسيحي و انتي مسلمه , طبعاً

 

البنت كان غرضها لما شكت حالها انها تبي تعرف شلون تقول لاهلها خصوصاً انها ولدت

 

هذي حاله من حالات وايد

 

و قبل كان الوضع غير لو البنت راحت تدس في الخارج بس الحين ما احس له معنى لانه الديرة متروسة جامعات

 

و الي تبي تدرسة بره في الغربة تقدر تدرسة بديرتك و بين اهلك

 

و مو شرط اذا الاهل منعوا البنت من السفر للدراسة نسمي هذا تخلف , بالعكس هذا خوف ع البنت و اهلها قاعدين

 

يدورون لها الافضل , يعني مستحيل اكو اهل بيوقفون في وجه مستقبل بنتهم

 

و الزمن مو نفس قبل و الاوضاع تغيرت و صارت تخوف يعني مخاطرة اذا الواحد راح يسافر بره

 

و الخوف مو بس ع البنت , الخوف ع الولد

 

و آنه ما اشجع انه البنت تسافر تدرس بره بعيد عن اهلها خصوصاً انه الجامعات صارت متوافرة و بكثرة

 

و خصوصاً إنه صعب البنت تقدر تتاقلم , و أصعب انها توفر حاجاتها

 

 

 

تحياتي :n5:

dawa_alk7a

Link to comment
Share on other sites

اشكرح اختي اولا عالموضوع الحلو

انا من جهتي بالعكس عادي ان البنت تسافر تدرس برا او الولد بعد

بس صدقوني ان الدراسه عندي داخل ديرتي احسن بوايد

دام احنا نركز على البنات في هالموضوع

انا مجربه وسافرت برا واخر شي قاعده اواصل اهني

كلش مااتحملت الغربه

وايد بنات اعرفهم سافروا ونفس الشي

ولكن في بنات قدروا يكملون برا وصاروا من احسن مايكون

فكل واحد له القرار ولازم تكون عنده اراده

وبالنسبة للخرابيط وغيرها

الوحدة اهيه تختار الجهه الي تريدها

سواء داخل ديرتها او برا

وبالعكس الحين الاهل مايمانعون دام في مصلحه ابنائهم

وجهه نظر لابد ان تحترم

ودريكـــــــــــم خضــــــــــــــر :)

Link to comment
Share on other sites

 

صح في حالة وجود المحرم .......

 

والصراحة وبدون زعل الدول الأسلامية مجرد أسم وليس تطبيق .... فالمعاصي لديها أكثر من الدول الأخرى الصراااحه

 

مكة إله هي مكة كتبوا في الجرايد فضايح البحرينيين في المغازل هناك ...... ولكي التخيل أختي .... انا ودي ان البنت تدرس برع ولكن في ظل الوضع الراهن صعب وصعب جدا أختي .......

 

ولا تنسي ان المرء على دين خليله فلينظر أيكم من يخالل ,,,,,,,,,,,,,

 

أنا مع دراسة البنت ولكن مع محرم

 

 

 

وشكرا

Link to comment
Share on other sites

dawa_alk7a

 

عدل كلامج ان مب اي وحده تقدر تحافظ على روحها

 

لاكن احنا اهني نتكلم على البنت المؤمنة واللي تقدر تلتزم بدينها بره الديرة في هالحاه ماجوف شي يمنعها

 

وبعدين دراسه بره انا اجوفها اكثر من مجرد دراسه

 

يعني الوحده ما بتروح تتغرب بس عشان تخصص معين او عشان الجامعه الفلانيه

 

اهي تجربة وفرصه الوحده تبي تخوضها عشان تصقل من شخصيتها وتعلمها شلون تعتمد على نفسها

 

وبالنهاية مو أي بنت قادرة انها تتحمل الوضع

 

خصوصا لو اخذنا ان البنات عاطفيين زيادة عن اللزوم وبتكون غربتهم شوي ثقيله عليهم

 

لكن بالنهايه فيه بنات يقدرون ينجحون بره

 

وشكرا اختي على مشاركتج

 

 

 

 

 

 

<<

 

عنيدة الخليج

 

اختي هني يعتمد عالبنيه يعني المفروظ تكون قبل ما تسافر مهيأه روحها نفسياً

 

ومتوقعه انها راح تكون بغربه يعني ما تقدر تعتمد على احد غير روحها

 

والمفروظ اذا تحس روحها ما تقدر ما تغامر وتسافر

 

بس اختي صراحه قولي لي ما حسيتي ان سفرج بره ضاف شي الى حياتج

 

يعني ما غير شخصيتج ما خلاج مسؤوله اكثر؟؟

 

بالنهايه السالفه ترى تسوى ان الواحد يجربها

 

ويعطيج العافيه اختي عالمشاركه

 

 

 

 

 

 

 

 

 

<<

 

أبن الرفاااع

 

معاك خوي ان مافيه دوله وما فيه مكان ما فيه معاصي

 

بس ترى الناس عندهم ايمان

 

واللي عنده ايمان ما يعصي ربه

 

وبعدين المحرم اللي راح يروح ويا البنيه بيدش وياها حتى محاظراتها؟؟!! اكيد لا

 

يعني بنقول بعد لا يمكن في المحاظرة يغازلونها ناس

 

خوي في البحرين الاوادم تمشي ما تسلم من الناس اللي ما تخاف ربها

 

يعني هذا شي الواحد المفروظ يتوقعه انه يواجه مضايقات

 

بس اهم شي تكون البنيه والصبي بعد متسلحين بالايمان

 

ويعطيك العافيه خوي على تفاعلك

 

 

Link to comment
Share on other sites

السلام عليكم

اولا انا ضد طبعا الا اذا معاها محرم او بتروح بيت اهل عندها هناك

لان هذا الشيء يخالف عاداتنا وتقاليدنا وفيه خطر على البنت والدين يرفض ذلك

وقد قال الرسول صلى الله عليه وسلم لا يحل لمرأة تؤمن بالله واليوم الاخر ان تسافر فوق ثلاث ليال الا مع ذي محرم.

فيجيب ان لا تسافر لوحدها الا مع محرم سواء للدراسه للسياحه حتى للطاعه الله

اذا الله تعالى امر المرأة ان تبحث عن محرم في العمرة مثلا او في الحج وهو الفريضه

فما باللك بشيء اخر مما لا بد منه

وعقول الناس ليست متحجره ولكن هذه الحقيقه والبنت عليها خطر

وانا اعرف مشاكل كثريه صارت هناك الي حملت وولدت واغتصبت والي تأذت

فالبنت لازم قبل كل شي تطيع الله عز وجل خالقها وربها وهو الذي امرها بأن لا تسافر الامع ذي محرم ومن ثم تطيع اهلوها ومن يخاف عليها

وان تتقي الله

الدراسه ماهي مبرر

وللي يقول بحجه التقاليد والدين ؟ اقول لك اليس الدين حجه ؟؟؟ اقول لك الدين ليس حجبه فحسب

الدين بيان ووضوح

وعلينا بالتسليم له

ما امرنا الله نفعل

فقد قال تعالى سمعنا واطعنا

فهذه هي وظيفتنا لا تتخطى الكتاب والسنة النبويه

سواء شأنا ام ابينا هذ ا هو الدين اردتم الاقنتاع ام لم تريدوا انتوا احرام

وانا عن نفسي مثلا لو في المستقبل بنتي

مابرضى لها تسافر بروحها الا اذا مع محرم

هذا اذا تعلمت هلون لازم من الصغر اربيها على الدين لا شيء اخر

والله يهدينا واياكم وويوفقكم

وجزاكم الله خير

Edited by بحريني وكلي رجوله
Link to comment
Share on other sites

أخواني احب اوضح ان اذا اختلف العلماء

ماناخذ مايطابق هوانا

لا يا اخوان

ناخذ مايطابق الشريعه

فهناك كثير من يسمون بالعلماء يفتون بجواز ذلك

ولكن يتناسوا قول الرسول صلى الله عليه ووسلم

يا اخوان

اتقوا الله جل وعلا

فالرسول صلى الله عليه وسلم

قال

الحلال بين والحرام بين وبينهم مشتبهات كثيرات لا يعلمهم كثير من الناس .... الحديث ))

فالحرام بين واضح والحلال بين واضح

وبين هذا الحرام وهذا الحلال اشياء مشتبهة

فعلينا ان نتقيها واظنا سفر المرأة ليس مشتبها بل حرام وواضح

ماذا صار بنا

نأخذ بقول العالم

ونترك قول الرسول صلى الله عليه وسلم ؟؟؟؟؟؟؟؟؟؟؟؟؟؟

عـــــــــــــــــــــــــــــــــجـــــــــــــــــــــــــبــــــــــاً

انا قد قلت ماقلت

فإن اصبت من الله

وان اخطءت فمن نفسي والشيطان

اقول ماقد قلته فإن اردتم خيراً فلكم ولنا الاجر

وأن لم تريدوا خيراً فعليكم ولنا الاجر

والحمدلله رب العالمين

والصلاة والسلااااااام على نبينا محمداً في العالمين

Link to comment
Share on other sites

 

 

إذا كانت المرأة عند بعض العلماء فمابالكم لو انها تسافر لوحدها .......

 

أختي بونتي لا أدري ولكن يراودني حدس أنكي ستسافرين للدراسة خارجا ..... (( أمزح ))

 

أختي وشقيقتي .... كالنا نهوى ونعشق الجنه ونتمنى أن نكون في الفردوس الأعلى .... ولكن دربها مليء بالعقبات .... والنفس تهوى الكثير ولكن لا يمكن ان نتبع هوانا بسبب أن الناس وما يعملون ..... لقد حرم المشرع سفر المرأة لوحدها وهكذا وصل منه صلى الله علية وسلم إلينا ,,,,,,,, وها انتي بين خيارين أما أن تتبعي النبي فما أسلف أو أن تتبعي ما يدور في خلدك ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

 

وهذا ليس بأمر مني ولكن أنتي أعلم بالأحكام الشرعيه ....... فالشرع لا يتزهزه بالأعذار لأن قال تعالى

 

ما ينطق عن الهوى أن هو إلا وحي يوحى

 

صدق الله العظيم

 

 

وشكرا

 

 

Link to comment
Share on other sites


a7la dala3

فهالحاله يعتمد الوضع على البنيه اختي

يعني ما بتتأثر الا اذا كانت قابله للتأثر

والبنيه المفروظ قبل ما تسافر تكون حاطة في بالها ان الموضوع فيه مسؤوليه يعني اذا تحس روحها مب قد المسؤوليه او الغربه ما تسافر

بس بعد اكرر ان فيه بنات يدرسون بره وينجحون ويردون رافعين راس اهلهم

ولا اضطروا انهم يتخلون عن دينهم او اخلاقهم او حتى يخسرون فرصه في حياتهم

ومشكورة اختي على مشاركتج


أول شي , صح في بنات يرجعون و هم حاملين الشهادة , و البعض الآخر يرجعون مثل ما راحوا ,,

في كل شي موجود النوعين ,,

زين البنت شلون تعرف إنها راح تتأثر بعدين لو لا ؟ .. شنو إلي يضمن لها هالشي ؟؟

مافي ضمان عيوني ,, مافي شي يضمن في هالزمن !!

في بنات سيدة , و ما عمرهم غلطو , لما يدخلون على وضع جديد , هالوضع يغيرهم 180 درجة ,,

يعني بالمختصر المفيد , مافي شي يضمن عدم تأثر البنت , و الوضع بره في إحتمال كبير يغيرها ,,

و يعطيج ألف عافية ,,
Link to comment
Share on other sites

ما اعتقد انه فيها شي لو سافرت تدرس بره مو رايح لشي غلط

 

والى ينظر الى هالشي انه غلط اعتقد انه متخلف

 

أختي هل كان من المفروض ان تتمعتي برحابة صدر وسعة صدر في الحوار والنقاش مع الاعضاء بدل من ان تنعتينا بالتخلف ..

 

اختي هل قراتي الردود السابقة وما ذكر فيها

 

ام انه اصبح من يحاور بناء على احاديث نبويه وطريقه حضاريه وتبين حقائق هو متخلف

 

اختي اقل شيء شاركينا ولو بجمل خاصة بالحوار والاسباب التي تجبر المراءة للخروج بدون محرم افضل من النعت والتكلم عن شيء من غير علم

 

نسال الله العفو والعافية

 

 

Link to comment
Share on other sites

وعليكم السلام

 

أشكرج أختي ( باونتي ) على الموضوع إللي أكثر من الرائع

 

بالنسبه للدراسه بره الديره ما فيها أشكال من كل الجنسين @ ولكن يعتمد على التربيه و الأخلاق @ أما إذا

 

بنتكلم عن الخراب فهو موجود حتى في الديره مثل بلادين بره @ يعني أختكي مثلكي @ حتفرء إيه يعني @

 

أنا شخصياً لا أمانع من الدراسه خارج البلد إذا كنت واثق من إللي باطرشه 0

Link to comment
Share on other sites

قمر البنات ؟

الي ينظر كذا متخلف ؟

الرسول صلى الله عليه وسلم متخلف ؟

تأبى وابيتي وتأبين ان تقولي هكذا

قطع الله لسانك

وكسر يديك التي تكتبين بها

تردين شرع الله

تقولين على شرع الله متخلف

تأبين وابيتي ويأبى من في السموات والارض ان يقول هكذا

اتق الله يا اخت

لا حول ولا قوة الا بالله

 

وثمني كلام قبل ماتقولينه يا اختي

اوكي انا متخلف على كلامك

والرسول صلى الله عليه وسلم ؟

افضل البشر واحسن الخلق

؟

ادع الجواب لك يا محترمه

يا متعلمه

عجيب والله الي يتكلم بالشرع صار متخلق

انتي المتخلفه يا هذا

 

Link to comment
Share on other sites

بحريني وكلي رجوله

 

خوي كلام الرسول (ص) على عيني وراسي واحنا مسلمين وماقلت شي عن الحديث

 

ولكن كل اللي قلته ان احنا مو مؤهلين خوي ان نترجم احاديث النبي

 

وفيه علماء مهمتهم انهم يترجمونها ويطلعون منها فتاوى

 

واحنا لما نطبق هالفتاوى مو معناته ان نخالف النبي لا سمح الله لانها نم اساس وضعت على يد علماء يخافون ربهم

 

وهذي اجتهادات حتى لو كانت غلط وعملنا فيها احنا ما يكون علينا اثم خوي

 

وكل واحد وحسب قناعاته اذا انت قناعاتك ما توافق راي العالم او الشيخ الفلاني انت مب مجبور تعمل في كلامه

 

وبالنسبة لردك

قمر البنات ؟

الي ينظر كذا متخلف ؟

الرسول صلى الله عليه وسلم متخلف ؟

تأبى وابيتي وتأبين ان تقولي هكذا

قطع الله لسانك

وكسر يديك التي تكتبين بها

تردين شرع الله

تقولين على شرع الله متخلف

تأبين وابيتي ويأبى من في السموات والارض ان يقول هكذا

اتق الله يا اخت

لا حول ولا قوة الا بالله

 

وثمني كلام قبل ماتقولينه يا اختي

اوكي انا متخلف على كلامك

والرسول صلى الله عليه وسلم ؟

افضل البشر واحسن الخلق

؟

ادع الجواب لك يا محترمه

يا متعلمه

عجيب والله الي يتكلم بالشرع صار متخلق

انتي المتخلفه يا هذا

 

بس صل على النبي خوي

 

واللي ينعت انما ينتقص من نفسه قبل ما يؤثر في غيره

 

واشكرك خوي على تفاعلك في الموضوع

 

 

 

 

 

 

 

 

<<

 

أبن الرفاااع

 

بصراجه خوي اتمنى اسافر بره ولو احصل الفرصه ما اقول لا

 

وهذا مو عناد << استغفر الله

 

انا لو بروح بكون متأكده ان هذا الشي جائز شرعاً

 

وبعد لو بروح بكون واثقه من روحي ان ما راح أتأثر

 

ولو حسيت للحظة ان مكن هالشي يخليني اخسر ديني ارجع ديرتي

 

ويعطيك العافيه

 

 

 

 

 

 

 

 

<<

 

a7la dala3

 

معاج اختي حتى احسن البنات يختربون

 

لكن مو معناته انن نحرم الوحده من حلمها لان فيه ناس غيرها اختربوا

 

واصابع يدج مو سوى

 

والمفروظ اهل البنيه يكونون عارفين بنتهم اذا بتتغير او لا

 

وحتى عقب ما تسافر المفروظ يراقبونها ما يقطونها بس جذي

 

ولو حسوها ماقاعده تحسن التصرف لهم الحق انهم يرجعونها ديرتها

 

واشكرج اختي على التفاعل

 

 

 

 

 

 

 

 

<<

 

قمر البنات

 

اختي في اوادم قاعده تتناقش هني وبعقلانيه فياريت يكون اسلوبج معاهم على قد النقاش

 

ولو توضحين رايج بدون تهجم

 

وعذرا اختي وشكرا عالمشاركه

 

 

 

 

 

 

 

 

 

 

<<

 

wayasm

 

خوي كلمة وقلتها اللي ينعت ماقاعد يؤثر في احد كثر ما انه ينتقص من نفسه

 

اهم شي انك كفيت ووفيت والحمدلله باسلوب محترم

 

وصل على النبي ماصار الا الخير

 

 

 

 

 

 

 

<<

 

بحريني قح

 

مثل ماقلت الخراب بكل مكان حتى الواحد في بيته ما يسلم من الشر

 

واللي واثق من عياله وواثق من تربيته ماعتقد راح يمنعه هالشي من انهم يسافرون

 

واشكر وجودك خوي

 

 

 

 

 

 

 

<<

 

Link to comment
Share on other sites

اسومه الحلوة

 

اختي اهي ما بتروح بروحها هناك اكيد معاها بنات من ديرتها اكيد بتكون ساكنه في سكن طالبات وانتي ماتدرين شكثر متشددين هناك

 

واللي مب واثق في تربيته او في اخلاق بنته المفروظ من اساس ما يسفرها

 

وبعدين بالنسبه للشباب

 

بقول لج<< يعني لما يستغلون سفرهم في شرب الخمر ويروحون بارات ويزنون هل هذا حلال؟؟!!

 

اختي مثل ما البنات يغلطون الشباب بعد

 

يعني ما نقدر نقول ان الصبي بعد عادي يسافر

 

مو عادي الا اذا كان يستحق انه يسافر << مثله مثل البنيه

 

وشكرا اختي على مشاركتج

 

 

 

هلا اختي مرة ثانيه :happy:

 

معاج نقطه نقطه

 

اختي اهي ما بتروح بروحها هناك اكيد معاها بنات من ديرتها اكيد بتكون ساكنه في سكن طالبات وانتي ماتدرين شكثر متشددين هناك

اختي احنا موواثقين في البنات اللي بديرتناكلهم لعبيين صايرين

وسكن الطالبات ممكن يكون فيه بنات زينين ما اختلف معاج بذي النقطه

اما سالفه التشدد لا تفكرين اختي ان اللي بتخترب بتحط بالها علىالتشدد وهالاشيا

اذا اختربت ما بتهتم لا على اخلاق ولا تربيه ولا دين بتهتم على التشدد؟؟ :dry:

 

 

 

واللي مب واثق في تربيته او في اخلاق بنته المفروظ من اساس ما يسفرها

ومحد حبيبتي مب واثق في تربيته واخلاق عياله اذا كان بنت او ولد الا ي حاله وحده اذاكان جايهم جدام عيونه موعدلين...... اما سالفه انه ما يسفرها ماقولج ما يسفرها يسفرها بس معاها احد عشان مانكون خالفنا ديننا في ذي النقطه :happy:

 

 

 

 

 

وبعدين بالنسبه للشباب

 

بقول لج<< يعني لما يستغلون سفرهم في شرب الخمر ويروحون بارات ويزنون هل هذا حلال؟؟!!

لاطبعا مو حلال وبتيي غلطه في حق الوالد انه سفره ورجع الولد منزل راس ابوه

اعتباره رايح سياحه يشرب خمر ويروح بارات ويتمزمز على حساب شهادته و كرامة والده :sleep:

 

 

 

اختي مثل ما البنات يغلطون الشباب بعد

شي طبيعي كلنانغلط عاد بنات صبيان نسوان رياييل كل انسان يغلط

بس يستفيد من غلطه

 

 

يعني ما نقدر نقول ان الصبي بعد عادي يسافر

لاطبعا من قالج جذي

يعني ولد مسوي روحه فلتة واهومب فالح في دراسته يسرونه شحقه؟؟

يقعدونه في البيت او يشغلونه احسن من ما يروح يصرف بيزات ابوه عالفاضي ويرد منزل راس ابوه اكثر واكثر :sleep:

 

 

 

مو عادي الا اذا كان يستحق انه يسافر << مثله مثل البنيه

صح كلامج اختي

بس في فرق اهني

ان الولد لو سافر ما انكتب في الشرع والدين ان لازم له محرم !!!

اما البنت انكتب عليها ان لازم يكون معاها زوجهاا و احد من محارمها

عاد في سفر اوغيره :n10:

 

 

 

وشكرا اختي على مشاركتج

العفو يالغاليه

انتي اللي لازم اشكرج على موضوعج الرائع

عسى ماننحرم منج ومن مواضيعج يالغاليه :n10:

Link to comment
Share on other sites

إسمحي لي أختي الكريمة أن أعلق على بعض النقاط ...

 

وبعدين دراسة الخارج مب كلها الى اميركا

 

اهني تقدر تقول ان الوضع مب امان وما تخليها بروحها

 

لاكن فيه ناس تروح تدرس دول عربيه وحتى خليجيه

 

هني فيه كفر وفسوق بعد؟؟!!

 

نعم أختي الكريمة يوجد فسق في البلدان العربية ...

 

ودعنا لا نغفل هذه النقطة ونتغاضى عنها ...

 

إئتي لي بدولة عربية واحد لا يوجد فيها فسق وفجور

 

المملكة العربية السعودية المعروفة بتطبيقها الأحكام الإسلامية

 

يوجد في سكن الطالبات معاصي وشذوذ

 

فما بالكي اختي الكريمة في باقي الدول العربية ؟؟

 

خوي انت تعرف شلون يعاملونهم في سكن الطالبات ما يطلعون من السكن الا الى الجامعه وبس

 

هناك متشددين لانهم بعد دول عربيه ويخافون على بناتنا

 

لا أتفق معكي في هذه النقطة ...

 

هنا في البلد الذي انا مغترب فيه ... تكون اخر ساعه لدخول الفتيات الساعه 10 مساءً

 

اي لهم مطلق الحرية في الدخول والخروج من سكن الطالبات حينما شاءوا وكيفما شاءوا

 

وبل تصل الوقاحة في بعض ممن نشاهدهم بأن يأتي صديق أو حبيب هذه الفتاة إلى

 

الحارس لكي يصطحبها معه بعد الساعه 10 وذلك بحجة أنه من أقرباءها ... ** والخافي أعظم **

 

اختي اهي ما بتروح بروحها هناك اكيد معاها بنات من ديرتها اكيد بتكون ساكنه في سكن طالبات وانتي ماتدرين شكثر متشددين هناك

 

واللي مب واثق في تربيته او في اخلاق بنته المفروظ من اساس ما يسفرها

 

أختي الكريمة ...

 

إذا كانت بعض الفتيات الآن متواجدات أمام أعين الأهل وتحت قبضتهم وتحكمهم ... وتكون هؤلاء الفتيات تتحدثن

 

وتقمن علاقات عبر الهاتف من دون علم الأبوين ...

 

بالله عليكي ... هل تعتقدين بأن الأبوين سوف يلاحظون هذه النقطة ؟؟

 

وكيف سيمنعونها من السفر في هذه الحالة ؟؟

 

 

 

 

تحياتي للطرح المميز مرة أخرى ...

 

bu_jass84

Link to comment
Share on other sites

اسومه الحلوة

 

اختي بالنسبة للبنيه فعلا لما بتخترب بتخترب ما يهمها شي

 

وانما كان قصدي من سكن الطالبات انها مابتعيش بروحها فماينخاف عليها ان احد يدش عليها يبوقها يسوي فيها شي

 

ومثل ما ان ماراح يهمها التشدد بعد ماراح يهمها وجود محرم معاها

 

ماقول ان وجوده وعدمه واحد لاكن بعد اذا بتخترب بتلاقي لها الف طريقه وطريقه

 

وبعد اقول لج انا مو ضد انها تسافر مع محرم

 

بالعكس يحافظ عليها وييسر امورها هناك <<

 

واشكر تفاعلج اختي

 

 

 

 

 

 

 

 

 

<<

 

bu_jass84

 

معاك انا ان كل مكان به فسوق كل مكان الشيطان موجود

 

لكن الشيطان مايقدر يقص على كل من

 

الوحده اللي عندها دين ما بتأثر فيها الفسوق

 

ومسأله البنات اللي يسؤون الى الثقه اللي منوحها اياهم فهذي مشكلتهم الشخصيه

 

ومب معناته ان كل البنات جذي

 

وترى سوالف الصبيان في السفر اخطر واخطر

 

وبقول لك دامها في بيت اهلها واهم مب قادرين يحكمونها فأكيد بره ما بيقدرون

 

واهي ما بتخترب بره الديره الا لانها من اساس خراب ومو أهل للثقه

 

يعني سبب خرابها ما بيكون سفرها وانما اهي نفسها ضعف ايمانها

 

ومشكور خوي على تفاعلك في الموضوع

Link to comment
Share on other sites

و عليكم السلام أختي ( Bounty ) تسلمين على الموضوع الآكثر من رائع و هذا لا جديد على عضوة مهمة في منتدى النقاش .. :n6:

 

مسألة الدراسة في الخارج تعتمد على تنشئة و تربية البنت أو الولد و الثقة بينهم و بين أهلهم و هي بالفعل مهمة و تزرع في قلوبهم حب الاعتماد على النفس و الاحساس بالمسؤولية و الكفاح و الجد للي هدفه الدراسة . أما من الجانب الاخر، في فئة من الأولاد و البنات يستغلون فرصة السفر للخارج نوع من الترفيه و الترويح عن النفس و التسلية في الوقت ذاته و اهمال الجانب الآهم الا و هو الدراسة و بالتالي من السهل انحرافهم الى الخطأ و السبب الأساسي في ذلك هو عدم وجود الثقة بينهم و بين أهلهم و يحاولون اثباته بالشكل الخاطئ و كإنتقام لهم .. :smile:

 

برايي الشخصي أشعر ان الدراسة في الغربة صعبة في المراحل الأولى و الاحساس بالوحدة و أفضل الدراسة بين أهلي و أصدقائي و في وطني الذي احتضنني من صغري الى الآن.. :up:

Link to comment
Share on other sites

السلام عليكم

 

بخصوص ان شباب ما يرضون وهالسوالف يعني اضنه اللي واثق من نفسه واثق في بناته ما اضن

راح يخاف يخليهم يسافرون بروحهم ويتحملون الغربه ,, :huh: صح راح يكون في خوف وجذي بس

مو معناته ان راح يوقف في طريقهم مدام مستقبلهم بره ديره يروحون ونحط في بالنا ان الله سبحان تعالى

يحفظ عباده من شر وسوء ..

 

 

انا حاليا خطيبتي :n10: تدرس بره والحمدالله مو خايف كلش عليها

وانشاالله ترجع ورافع راسنا بشهادتها وتحملها حق هالغربه :cc2:

 

 

فيعني اللي الله كاتبه راح يصير سوه اهني في ديره او بره ..

 

بس اهم شي نحمد الله ونشكره على كل حال .. :rest58:

 

Link to comment
Share on other sites

المشكلة مو البنت ولا في السفر ..المشكلة أن إحنا مجتمع ذكووري أي شي له علاقة في الرجل يكون الصح ولو كلن هذا اللصبي في أدنى مستويات التفكير ..وإذا بتفكر ترى مو بس تفكير الاهل جذيه ..حتى المجتمع نظرته غلط ..البنت لي راحت تدرس برة ورجعت بشهادات وامتيازات ..فرحانة فيها كسروها بمسألة الزواج ..لأنه إذا اعجبت واحد بينحط تحت أنها كانت مسافرة برة الف مليون خط وخط دون اعتبار لكل ما حققتته ..مجتمع غبي إن صح القول ..لا يستحق من البنات اي شي يقدم له ولا حتى في العلاقات ..

وانا أقولك انا وحدة أهلي ما سفروني أدرس برة مع أني مقبولة ..ولأني ما بي أدرس بديرتي إللي تبدي الواسطة على المعدل ..وألحين انقبلت في ديرتي بتخصص أقل من إللي أبي .. ؟؟لأنهم اكتفوا..

Link to comment
Share on other sites

بشاير الحلوة

 

الشباب اللي ينحرف اختي مثل ما قلتي هو فئة

 

وفي المقابل في فئة منهم يروحون ويردون وهم ناجحين بحياتهم ودراستهم

 

وبالتالي احنا ما نقدر نحكم على الوضع لمجرد فئة معينه

 

واما بالنسبة للغربه فهذي الواحد اول ما يورح يحس انه ضايع لاك مع الوقت يتعود

 

وشكرا لج اختي عالمشاركة

 

 

 

 

 

 

 

 

>>

 

القلب الحزين

 

هدل كلامك خوي ثقة الواحد في بناته تنعكس من ثقته هو بنفسه

 

وترى الوحده اذ حست ان اهلها واثقين فيها تحاول تحافظ على هالثقه

 

ومشالله عليهم شكثر بنات يدرسون بره واخلاقهم احسن حتى من القاعدين بديرتهم

 

يعني السفر ما يحدد اخلاق البنيه لان هذي مفاهيم اهي متربيه عليها

 

واشكرك خوي على مشاركتك بالموضوع

 

والله يرد لك خطيبتك رافعه راسكم انشالله

 

 

 

 

 

 

 

 

<<

 

El_3anaan

 

اهو فعلا مجتمع ذكوري اختي<< واساسا في كل الحالات مستحيل يكون مجتمع يساوي بين البنيه والصبي لان ما يصير

 

ويمكن فعلا ما ان البنيه تسافر حتى تطلع القصص والحجي والبهارات الزياده عليها

 

وكانها رايحة تعصي ربها او شي

 

وهذا لشي فعلا يجمر احلام وايد بنات

 

وشكرا لج اختي على مشاركتج

Link to comment
Share on other sites

شكرا على الموضوع الشيق

 

 

انا ادرس بره بس مو معناه اني اؤيد دراسه البنت 100%

الكل علق انا البنت تروح تلتزم بدراستها في وقت الولد يلعب ويسهر..... حبيت اعلق على هالنقطه ما في شي اسمه ولد وبنت الي يبي المصخره يعرف شلون يروح لها ولي يبي يدرس بيعرف يحافظ على نفسه ويصونها المهم التربيه

بس النقطه ما تخلو من بعض الصواب خاصه انا نعيش في مجتمع ذكوري والولد دايم يبرر لنفسه اخطائه بان "الولد ناقل عيبه" بينما البنت لو ضاعت سمعتها تعرف ان ما في شي بيتصلح وهذا ممكن يردع الكثير من البنات حتى لو كان خاطرهم يغلطون

مع انه في بنات يخربطون من تحت لي تحت ومحد يصيدهم

 

اما معارضة الاهل لدراسه في الخارج مو دايم تكون نتيجه لعدم الثقه بالعكس انا شفت حالات كثيره منع الاهل لابنائهم سوا بنات او اولاد نتيجه الخوف الزايد عليهم وان الاهل ما يستحملون فكره ان ابنهم او بنتهم تحتاج شي وهم بعيد عنها ما يقدرون يساعدونها واتفهم هالشي لما اتصل اشتكي للوالده احسها تمرض وتسهر وتظل تتصل فيني كل شوي تتطمن الله يكون في عونها

 

اما المجتمع فالبحرين مو مجتمع منغلق بالعكس البحرين من اوائل الدول الي كانت تبتعث الطلبه في جامعات لبنان والقاهره واسكندريه وكندا وبريطانيا

 

بس من واقع خبرتي البسيطه احس انه الدراسه في الخارج تساعد في بناء الشخصيه تعرض البنت لمواقف عمرها ما راح تتعرض لها في البحرين بحكم انه الاهل يتحملون مسؤوليه البنت لحد ما تتزوج وتنتقل من حماية اهلها لحماية زوجها

والضغوطات الي راح تتحملها بره بجانب ضغوطات الدراسه ... ظروف لا يمكن انها تمر فيها وهي في البحرين يعني في الخارج لو مرضتي ايام امتحانات ما في يمك حد يداريك لازم تهتمين بنفسك وتدرسين زيدي عليها واجباتك في الحياه بره ما في شغاله بتغسل ثيابك وتسوي لك غدا

 

مع احترامي لآراء الآخرين كل واحد يشوفها من وجهة نظر مختلفه الي يشوفها من وجهة نظر الدين والشرع والي يحاسب للعادات والتقاليد............

 

 

وبسسسسسسسسسسسسسسسسسسس

Link to comment
Share on other sites

 

 

اهنئك الشيخه من كل قلبي على اختيارك المواضيع التي تتميز بالاثاره

 

بالنسبة لراي لاشخصي نحن الان فى عصر متحضر اصبحت فيه البنت باستطاعتها ان تفعل اي شي وهى جالسه فى منزلها دون ان اي احد يراها سواء ان كان والدها او غيره فعلي حسب اعتقادي ان الفتاه اذا كانت تردي بالفعل عمل ما هو يغضب رب العالمين ستفعله اينما كانت ... ولكن هناك بعض الامور التي لا نقدر ان نستغني عنها من اهمها العادات والتقاليد ... ففي البحرين ايضا توجد الكثير من الجامعات والتى فتحت الكثير ايضا من التخصصات التى تسمع للفتاه الدراسه بوسط اقاربها وذويها ... ولكن انتم يا البنات تريدون ان يتداول اسمائكم بين الناس ان انا دارسه فى فرنسا والثانيه دراسه مدري في وين ... والغالبيه العظمي يرديدون ما اردده انا الان .. ولكن ان اردت البت ان تفعل ماترديه فسوف تفعله حتى لو كانت فى غرفه من اربع جدران

Link to comment
Share on other sites

اختي بونتي عساج عالقوه

بالنسبة لسؤالج عن التجربه

بالعكس وايد استفدت اشيا

اصلا الانسان كل يوم يحس نفسه انه قاعد يكبر ويوتعي على اشيا اكثر

وخاصه الانسان المتواصل مع الناس والي يقرأ وايد يستفيد

اختي بونتي

انا سفرتي كانت سفره انا ابيها

كنت اتمنى اني احصل على بعثه طب ولكن مع الاسف ماحصلت

حصلت بعثه ثانيه بتخصص ثاني خارج البحرين

فما كان عندي خيار ثاني غير هذي البعثه

ولان اتعرفين البحرين والظروف وان الانسان مووحيد بالعايله

فقررت اني ارضى بالبعثه والقدر الي بكون فيه

وكانت عندي الارادة الكافيه وانا تقدرين تقولين صبوره وقويه

لكن في السفر غير كلش غير

الواحد يحس انه غريب بينهم

رحت الديرة ودرست فيها بس مع الاسف كان اولا جو البلد والمحيط (الناس اقصد) اولا انا مومتعوده على ناس جذي

وكان في السكن حكره

وخبرج انا توني ماخذه الليسن وخاطري اسوق واطلع

لكن كل شي كان ممنوع

حتى طلعه مانطلع

وغير ذي يقولون ان التخصص يبي له سبع سنين >> ليش طب

وماقالوا لي من قبل قالوا نفس البحرين 4 او خمس سنين بالكثير

وغير الغربه الي كل يوم كانت توحشني الوالده فيه

لكن تعلمت وايد من هذي التجريه

تديّنت اكثر , اعتمدت على نفسي

تكوّن لي كيان وشخصيه كانوا الكثير يحسدوني عليها

عرفت اتكلم ويتكون لي اسلوب حلو

لكن نصيحه اذا في التخصص في البحرين لحد يسوي روحه فن ويسافر

لان صدقوني حتى لو البحرين مافيها شي بس صدقوني انا وصلت البحرين وحبيت الارض اول ماوصلت

احمد ربي على هالديرة ولو فيها عيوب

تعلمت بعد اني ابتعد عن الغرور لان كنت قبل مغرورة حبتين

لكن مايعني تجربتي ان ماتسافرون وغيره

بس انا ماقدرت بالرغم من قوة القلب الي انا فيه

والله يوفقكم انشالله

شكلي طولت بالكلام :)

ودربكــــــــــــــم خضــــــــــــــر

Link to comment
Share on other sites

!i!i

 

عدل كلامج اختي مب شرط يكون عدم الثقه هو سبب منع البنيه من السفر

 

يمكن يكون الخوف عليها بعد

 

لاكن ترى اذا البنت راحت واهي تحس ان اهلها خايفين عليها ويحاتونها اهي بعد تتوتر

 

يعني المفروظ يكون خوفهم فيه شي من العقلانيه بمعنى ما يكون مفرط او بشكل هستيري عشان البنيه بعد ما تخاف

 

وترى فعلا سفر البنيه بره يحملها مسؤوليه ويعلمها اشيا بعدين تستفيد منها

 

ومشكورة اختي على مشاركتنه بالموضوع

 

 

 

 

 

 

 

 

 

<<

 

صقر المحرق

 

اي خوي البنيه اذا بتسوي الغلط مايهمها اهي بره الديره لو حتى في بيت ابوها

 

اللي يبي الغلط يعرف شلون يسويه وما بيمنعه كونه بالديره

 

بس ترى خوي البنيه ما تروح تدرس وتتغرب وتتحمل كل هذا بس عشان اسمها يطلع

 

يعني فيه اشيا اكبر من جذي بوايد

 

ومشكور خوي على مشاركتك

 

 

 

 

 

 

 

 

 

<<

 

عنيدة الخليج

 

هذا اللي كنت اقصده ختي ان البنيه تروح تسافر مو بس تستفيد من الدراسه

 

وانما تتعلم شلون تدير حياتها وهالشي ترى يفيدها باجر لما تتزوج

 

تكون قادرة انها تتحمل مسؤوليه وتدبر امورها

 

وانتي عشتيها التجربه وعرفتي شلون تغير في شخصيه الواحد سواء بنيه او صبي

 

وحتى تخليها مثل ما قلتي تتمسك بدينها اكثر لما تجوف شكثر صعبه الواحد يتم على دينه

 

ويمكن في حالتج ما قدرتي تواصلين بالغربه لاكن هم فيه بنات يتحملون

 

ومشكورة اختي على تفاعلك وعلى مشاركتنا تجربتج

 

 

 

Link to comment
Share on other sites

بشاير الحلوة

 

الشباب اللي ينحرف اختي مثل ما قلتي هو فئة

 

وفي المقابل في فئة منهم يروحون ويردون وهم ناجحين بحياتهم ودراستهم

 

وبالتالي احنا ما نقدر نحكم على الوضع لمجرد فئة معينه

 

 

واما بالنسبة للغربه فهذي الواحد اول ما يورح يحس انه ضايع لاك مع الوقت يتعود

 

وشكرا لج اختي عالمشاركة

 

تسلمين حبيبتي على التعقيب الرائع و الله يوفق الجميع

Edited by بشاير الحلوة
Link to comment
Share on other sites

حبيت اسأل عن حديث النبي صلى الله عليه وآله وسلم الي ذكروه الاخوان

 

انا ما قط سمعت فيه " مو قصدي اني انكره " بس حبيت اني استفسر عن المعنى

انا من مبيت متدين والحمد لله بس محد من هلي مانع السفر وخواتي كلهم درسوا بره :huh:

فيا ريت تفيدوني في هالموضوع يمكن جهل الانسان يرميه في التهلكه

 

واحاديث الرسول لا يمكن ان توصف "بالتحجر والتخلف" لانها تعبر عن الدين الاسلامي الصالح لك زمان ومكان فاذا صح تفسير الحديث يجب ان ينطبق على هذا الوقت بعد مهما تطور العصر ولا يمكن ان نخالف الشرع عشان "نتطور"

 

واكون شاكره لكم واجركم على الله

 

 

مع العلم اني شيعيه

Link to comment
Share on other sites

مرحباا ...

يسلموو خيوو على الموضووع الرووووعة ...

و انا حبيت اني ابدي رايي ...

و اتمنى ان رايي ما يكون مصدر ازعاج لأي احد ...


سفر البت للخارج << في نظري >> ما فيها شي .. و عادي واااااااايد .. و انا ما اتجاهل الاحاديث الشريفة الي ذكروها بعض الاعضاء .. بس انا عند اهلي البنت عادي لو سافرت .. و اعرف بنات وايد الحين مسافرين بره يدرسون و لا عليهم كلام و لا شي .. طبعاً السفر لدولة عربية مسلمة غير عن السفر لدولة اجنبية ما تمت لديننا الاسلامي بأي صلة .. يمكن في الدولة الاجنبية البنت او الولد من دون استثناء لما يشوفون العادات و التقاليد المختلفة عن ديرتهم .. بتييهم حووومة الا يبووون يجربوون هالعادات الي تعتبر يديدة في نظرهم << طبعاً اهم وايد سمعوو عنها في ديرتهم من كثر التحذيرات و الانتقادات عنها .. بس هالمرة اهم قدامها و قاعدة تمشي هالعادات امام اعينهم .. فبحب الاستطلاع و الفضوول الي عند الانسان .. راح يحب يجرب هالاشياء الي بدورها راح تضيعه في متاهاتها الي مالها اول من تالي .. و في ناس عكس هالفئة .. يروحون ديرة الاجانب و ما يتأثروون بشي من هالعادات السيئة .. و يردون ديرتهم و بيدهم الشهادة رافعين راسهم و راس اهلهم و دولتهم بعد (( طبعاً من كلا الجنسين البنات و الصبيان )) ...

اما السفر لدولة عربية مسلمة .. في هالحالة راح تختلف الحسبة .. صج راح يكون فيها انحراف و طيش شباب .. بس مو كثر الدولة الاجنبية ...

و في نظري اذا البنت او الولد متربيين احسن تربية و الاهل واثقين فيهم اشد الثقة << على اساس ان البنت او الولد يستاهلون هالثقة >> ما عليهم اي خوووف .. و لازم اهلهم يخلوونهم يسافروون و اهم متطمنييييييين على الآخر .. و اعيد و اكرر اذا كانوو يحسوون ان اولادهم وبناتهم يستاهلون هالثفة عن جدارة ...

و في بعد نقطة احب اني اذكرها .. مثلاً الاسرة وافقت ان بنتهم او ولدهم يسافرون بره للدراسة .. و راح تقعد الام على راس الي بسافر .. لا تسوي جذي .. و لا تسوي جذاك .. لا تروح مني .. لا تكلم هذا .. لا تاكل اكلهم .. لا تشرب شي انت ما تعرفه .. لا تاخذ اكل من احد غريب .. لا تشيل عيونك من الكتاب ............................... و من هالوصايا الي ما تخلص .. اهني في هالحالة .. الصبي مسكين غصباً عنه .. انزين .. حاضر .. ان شاء الله .. لا تشيلين هم .. افا عليش .. ما عليه .................... .. يقول متى اسافر و افتك من هالحنة و الطحنة .. و بس يسافر .. يحس روووووووحه يبي يطلع حرة هالوصايا الي دوخت راسه و خلته يسب روحه يوم قال بسافر .. و كل الي قالت له امه لا يسوي .. يسوي العكس .. و كل هذا من الضغط و الحنة و الزنة الي صار فيها مسكين (( و هالشي ينطبق على البنات بعد )) ...


و سووووووووووووري على الاطاااااااااااالة ...

ادري انكم بترقدوون قبل ما تخلصووون قراية ...

بس شسوي .. عجبني الموضووع وايد و قلت ما بهده الا لما اطلع كل الي في خاطري ...
Link to comment
Share on other sites

اذا كان السفر للدراسة ليش لا ؟

اهي مو رايحة تلعب رايحة تدرس ..

وبالنسبة لي اذا كان الدراسة احسن للبنت نفسها في الخارج ترووح

حتى اختي الحين ماحصلت التخصص الا تبيه امي حاولت فيها عشان تسافر برا تدرس احسن من جامعة البحرين بس اهيا مارضت على اساس انها مخطوبة وماتحب تروح تضيع نص عمرها هناك وهي تاركة اهلها وخطيبها ..

 

شكرا على طـرح الموضوع

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...

×
×
  • Create New...