El_3anaan Posted أغسطس 23, 2006 Report Share Posted أغسطس 23, 2006 السلام عليكم .. هذه اول قصة كتبتها وآخر وحده ..أبي ردودكم الحلوة يا أكمل او أبطل ..هذيلا أول جزأين وإنشاء يعجبونكم عشان أكمل الباجي .. ليل لا ينتهي الفصل الاول من هذيك الليلة و أنا حاسة بأن الدنيا ليل ولاراح ينتهي ، في ذيك الليلة كل إللي أذكره اني كنت ملقية يم زبالة وكنت كل إلي اشوفه بر، وسيارات كلمن داخلها أجوف بعيونة نظرة شفقة ، وكانت هدومي بذيك الليلة مشققة ، لمن مرت سيارة وكانت هذي السياره اهي الوحيدة من السيارات إلي لفتت انتباهي لها لاني حسيت ساعتها أني اعرف هذه السيارة وخطر بذاكرتي أني في يوم من الايام كنت راكبتها ، وفي ثانية واقل من اللحظة وانا أتأمل السيارة انقلبت السيارة وصار سافلها عاليها ..وانقلبت أكثر من قلبة ، أنا أهني رجفت وحسيت أني بردانة مع أنه الفصل كان صيف وبرز من السيارة راس كنت أعرفه أكثر من نفسي وناديته لمدة 18 سنة وقلت له يمه ،حاولت بهذيك الللحظة أني اقوم ،أتحرك علشان ألم أمي أنقذها أو على الاقل أصحى من ذاك الشي إلي كنت أتمناه أنه يكون كابوس بس للأسف كان حقيقة وحقيقة مرة صعب تصديقها و العيش فيها بنفس الوقت، بس ما قدرت أني أقوم لأني ما كنت حاسة بريولي كنت أشوفها ترجف بس ما كنت حاسة فيها نهائيا ، وبعدين أنتقلت لعالم ثاني يفصل الحياة عن الموت دشيت بغيبوبة شفت فيها أكثر من حلم بس ماأتذكر الا واحد منهم إلي اهو أمي لمن كانت تنومني على الاغنية إلي كنت ما انام الا عليها ((لولواه يابنيتي لولواه بنيتي لولواه ...ابنيتي أخيتي اتنام نومة الهنيا نومة الغزلان في البرية ..لولواااه))وللأسف يا اليوم إلي تنام في أمي نوم عميق من دون لا أسمعها هالاغنية ، وبعد وقت ما حسيت فيه قعدت وانا اتالم وأصرخ من شي يحرقني في بطني ماكنت أعرف شنو اهوا بس كنت أبجي بصوت عالي وكان في يد تمسك بيدي كنت أضغط عليها بقوة كل ما أتألم وتزيد القوة بزيادة الحرق وبعدين نمت مرة ثانية .. الفصل الثاني الدكتورة حنان في تلك الليلة وفي المستشفى كانت الدكتورة حنان وكعادتها تفر على المرضى علشان تط.من عليهم في الليل وفجأة سمعت صوت صادر من الغرفة رقم13 وكان صوت خافت جدا يقول ((يمة يمة يمة يمة))دخلت الدكتورة بسرة على المريضة وهي مستغربة لأنها جافت المريض إلي وهي تنادي أمها وكانت معرقة وايد وكان عندها صعوبة في التنفس ولذلك نادت وبأسرع من البرق الطبيب خالد إلي كشف على المريضة ونقلها إلى العناية المركزة ، حالة هذه البنت اشغلت الدكتورة حنان علشان جذي راحت لغرفة الدكتورخالد علشان تستفسر عن الحالة . -اهي شنو مرضها بالضبط - حالة هستيرية بالإضافة إلى ادمان تام -الدكتورة حنان بتفاجئ:ادمان تام... اهي كم عمرها - مكتوب في البطاقة المدنية إلي لقيناها معاها ان هي عمرها تقريبا 17 سنة - معقول بهذا العمر وادمان ..لهذه الدرجة وصل خراب بنات الديرة - لاتظلمين البنت الا لمن تعرفين الأسباب واحنا ماراح اننعرف شي إلا لمن تصحا من الغيبوبة - أنا أعتقد ان الحالة الهستيرية ناتجة عن فقدان الأم القريب - هذا شي جايز جدا ومحتمل - باعتقادي هذا شي اكيد لأنها على طول الطول تنطق بكلمة يمة ومو قادرة تشيلها من على لسانها . على فكرة يادكتور تسمح لي اتابع حالتها لأن هذه الحالة وايد شدة انتباهي لها - هذا شي وايد حلو وانا اشجعك على هذا الشي ، و‘ذا احتجت أي مساعدة ترى انا حاضر . وانتهت المقابلة على هذا الشكل . أما أنا فقد صحيت من نومي على الم ناتج من أبرة على ظهري وكانت هذه الابرة صج تعور وويه حلو بصراحة لمرة ويها أبيض وشعرها أدعم قامج أما عيونها الدعمة فكانت تبرق بطريقة مو طبيعية(مصيبة)، عندها حنج خفيف وعمرها تقريبا 24 ماارتحت لها وايد ، واهي إلي بدت بالكلام. -تعورتي - ماجاوبت وكنت خايفة حيل لأن تعقدت من شي اسمه الوييه الجديدة - ليش ماتردين أنتي حاسة بشي - كان قلبي يرقع بسرعة وكنت حاسة بألم الأبرة علشان جذي بجيت - قربت مني وحطت يدها اليمنى على راسي اما يدها اليسرى فحطتها على قلبي إلي زادت دقاته وقالت : أتي فيج رقعة مو طبيعية ونادة السستر علشان تعطيني كمام لأن فين ضيق تنفس هذه الدكتورة اهي سببه وظلت واقفة على راسي لمدة ساعة وكانت مو راضية تفج وهي ماسكة ايدي اليسرة وانا لايعة جبدي وكارهتها. قلت: انتي تبين مني شي ؟ - قالت لأ - عيل ليش انتي واقفة فوق راسي - لأني الطبيبة المشرفة على حالتج - قلت بعصبية وهسترية :أنا مافيني شي طلعوني من هني أنا مليت انا تعبت - وقالت وهي تحاول تهديني : خلاص خلاص هدي انتي راح تطلعين بس تخلص فترة علاجج. - حطيت ايدي بيأس على عيوني وقلت وهي متى تخلص؟ - إذا ساعدتيني وقلتي لي شنو سبب هذا كله - بكل عصبية قلت أنتي هذا إلي تبين توصليله ..لا تقعدين تقوليلي انج مشرفة على حالتي أصلا أنا ما أحد يهتم لي كلكم ماتحبوني ، وكلكم تبون تأذوني ..انا أدري ..بعدو عني خلوني بحالي أنا أبي اموت انا زهفت من الدنيا ما عاد لي فيها أحد من عقب أمي ...وقعدت أبجي مثل اليهال بصوت عالي - قربت مني ولمتني وأنا ماسويت شي لأني كنت مرهقة وتعبانة حيل وبصراحة كنت محتاجة لهذا الشي لأنه يذكرني بحنان امي ...وبعد عشر دقايق على هذا الوضع حطت راسي على المخدة وسكرت عيوني بأيدها وقالت أنتي لازم تنامين وترتاحين أنتي بحاجة للراحة - شلون أنام بدون امي - ليش أنتي ياهل - قلت بجفاء : انا وحيدة امي - إذن .... - قلت بعصبية أمي كانت ................وما كملت الجملة - لهذه الدرجة ماتثقين فيني أنا مثل أختج الكبيرة مو بس طبيبتج حتى أنج من الثقة الزايدة ما تبين تكملين كلمة في جملة. تنهدت وكان قلبي لحد ألحين يرقع ، ولا تكلمت كلمة واحدة بعدين اطلعت من الغرفة وصكت الباب بعدين أن كملت بكاي وغنيت (لولواه .............) لمن نمت وللأسف ماكنت أدري ان الدكتورة حنان يم الباب وسمعتني دخلت الدكتورة الغرفة وانا نايمة وحطت ايدها على راسي وهي تبتسم .(وانا كنت بسابع نومة) -قعدت من النوم على ابرة على جتفي من الدكتورة حنا ن طبعا بس الشي إلي استغربت منه هو أنالدكتورة حنان ماكانت بروحها كان معاها شرطي ، وانا كنت خايفة قال -انتي عارفة انك لمن تطلعين من السمتشفى راح تحالين على التحقيق وراح تدخلين السجن إذا ما اعترفتي وقلتي الحقيقة.... Quote Link to comment Share on other sites More sharing options...
دايخه في دنيه بايخه Posted أغسطس 23, 2006 Report Share Posted أغسطس 23, 2006 يسلمووو و في انتظار البارت الياي Quote Link to comment Share on other sites More sharing options...
TOoOmZ Posted أغسطس 23, 2006 Report Share Posted أغسطس 23, 2006 يسلمو كملي القصه بسرعه انا اندمجت Quote Link to comment Share on other sites More sharing options...
El_3anaan Posted يونيو 29, 2007 Author Report Share Posted يونيو 29, 2007 يالله كا البارت الياي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.