Jump to content
منتدى البحرين اليوم

Recommended Posts

Posted (edited)

انا ماهمني الدنيا ولا همي متاعبها

مدام اني بها عايش ودايم مستريح البال

 

مريسي وافتخر باصلي وعارف كيف احسبها

ومن ارض العرب اصلي وباصلي تضرب الامثال

 

انا ماهمني شاعر بحروف قام يكتبها

لني عارف المغزى ولا يعجبني الغربال

 

واذا ودي اخربها اكيد اني بخربها

ولكن مالتفت للي يسوي روحه برجال

 

مدام ابوي رباني بشرقها وغربها

وعارف كيف اتعامل مع الموقف وقيل وقال

 

انا ماخاف اعدائي ولو تكبر شواربها

كثير اذناب تتخفى ورى غتره ولبس اعقال

 

واذا زادت بلاويها اكيد اني بأدبها

واسويهم حطب واوقد فناجين الغلا ودلال

 

ولاتغريني الدنيا ولا حتى مناصبها

ولا اركض ورى الشهره ولا بيها تجي بأذلال

 

ولا بلعب على المراءه واقول اني ابا اخطبها

ولا اتسلى بعواطفها واسويها مثل تمثال

 

وامشيها على كيفي وابعدها واقربها

واعيشها حلم كاذب واسليها بلعب عيال

 

وقدام البشر اكذب واسميها والقبها

اميرة حبي الاعظم وانا بعيونها محتال

 

ابد لا يمكن اتخيل انا في يوم اعذبها

لاني عارف حقوقي وعارف كيف ستر الحال

 

مع الفزعات تلقاني واقدرها واوجبها

واقدر من يقدرني ولو حمله يهز جبال

 

ولا صدق علوم الهرج ولا يمكن اكذبها

لاني لازم اتأكد وارد الفعل بالاعمال

 

علومي طيبه دايم وقلبي من يطيبها

ولا تتغير اخلاقي قصر فيني الزمن او طال

 

مدام الشعر يسكني وقيفانه انا اشربها

ابكتب شعر من قلبي عشان تردده اجيال

 

واصيغ حروف من فكري وازينها بأعذبها

واخلي الكل يسمعها كما نسمع صدى الموال

 

ولوتبعدني الدنيا مسافاتي تقربها

الى من تستقر روحي بدنيا طيبين الفال

 

واكون الشاعر الاول لبنت الشعر واعجبها

والملم باقي انفاس الحروف بغربة الترحال

Edited by فيصل المريسي
  • 1 month later...
  • 2 weeks later...
Posted

ابدعت ياشاعرنا

 

  • 2 weeks later...
Posted

ابدعت ياشاعرنا

كلمات ولا احلى

والنعم فيك يا ابن مريسي

الف الف شكر لك على مرووورك ومتابعتك لي

 

تحياتي وتقديري لشخصك الكريم

 

ابدعت ياشاعرنا

 

 

من ذوووقج يالغاليه وكل عااام وانتي بالف خير

 

وشكرا لمرووورج الراااقي

 

 

تقبلي ارق التحايا

Posted (edited)

مدام ابوي رباني بشرقها وغربها

وعارف كيف اتعامل مع الموقف وقيل وقال

 

انا ماخاف اعدائي ولو تكبر شواربها

كثير اذناب تتخفى ورى غتره ولبس اعقال

 

 

كــــــفو

صح لسانك ولد المريسي

 

حلوة هالقصيدهـ

بانتظار جديدك دايما

 

اختك

ام فهد

Edited by بطة
  • 2 weeks later...
Posted

انا ماخاف اعدائي ولو تكبر شواربها

كثير اذناب تتخفى ورى غتره ولبس اعقال ..

 

و النعم و الله ..

 

صح لسانكـ شاعـرنهـ ..

 

عساكـ ع القوهـ ..

 

و ننتظر جديدكـ ..

 

سيـمو :n10:

  • 1 month later...
Posted
انا ماخاف اعدائي ولو تكبر شواربها

كثير اذناب تتخفى ورى غتره ولبس اعقال

 

 

ايه والله صح لسانك

 

دايما ابداع كما عودتنااا

 

والشهادة فيك مجروووحه

 

 

بانتظار المزيد ...

  • 1 month later...
Posted

ابدعت ابدااااع

يسلموووو اخوي يعطيك العافية

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
×
×
  • Create New...